|
السلام عليكم ورحمه الله وبركآته . . هذآ البآرت بدآل بآرت يوم الخميس . . يعني اليوم قدرت اكتب ونزلته . . فـ مآشي بآرت يوم الخميس . . آتريوني الاسبوع الياي ان شاء الله ع نفس موعدنآ " يوم الخميس " ومبارك عليكم رمضآن . . والله يعينكم على صيامه وقيآمه ومآوصيييكم فالعبآده . . |
. . . البارت الـ 104 الصبح . . ام عبدالله : عند سيف ؟؟؟؟؟؟؟؟؟؟؟ ناصر : هيه امايا . . مهره تعبانه مش لانها عقت الياهل . . مهره تعبانه لان سيف مش معاها . . وسيف ف بيتنا ما راح يقدر يصالحها . . بو عبدالله : والنعم فيك . . واخيرا فكرت صح لاول مره فحياتك وتصرفت بعقلانيه . . الحين اشوفك ريال ومأمن عليك خواتك . . ابتسم نآصر . . ااما عذاري تسمع بحرقه وقهر لكن ما قالت شي . . روضه يت صوب امها وترجف . . وضحكو عليها . . ام عبدالله : خايفه هاه ؟ اليوم بتملجيييين . . والله وكبرو عيالي . . يا منصور ونزل : صباح الخير . . " باس راس امه وابوه . . ويمسك راسه يحس بدوخه " الكل : صباح النور . . ام عبدالله : وين رايح ابويه . . بعدها الساعه 9 ؟ منصور بتعب وعين مش ثابته : بروح اودي سـ سس . . . سسلآم . . . . " ويغمى عليه " الكل سار صوبه الا عذاري تحس ريولها انشلت ما قدرت تقوم . . شله ناصر وابوه وودوه المستشفى . . . . . فتحت عينها على صوت المسج . . " ايييييييييه واعييييييييييييه ؟؟؟ " " يالله صباح خيير . . هيه واعيه . . شبلاك ؟ " " طلعي برا شوي " " ماقدر ! " " بسرعه قلتلج!!! " تثاوبت عنود بتعب ودشت الحمام تغسلت ع السريع ومشطت شعرها وطلعت . . عنود تطالع ـه : شوه فيك . . محمد تم يطالعها ويطالعها ويطالعها . . ابتسم وباس راسها . . محمد : يالله انا رايح . . عنود بعصبيه : شووووووووه . . مواعني عشان تقولي انا رايح ؟؟؟؟؟؟؟؟ انت حمار قوطي ؟ تعرف اني كنت متعممممممممممممقه فرقادي . . محمد يطالعها : ع فكره ! انا ياي من الدوام . . عنود تمت تطالعه باستغراب . . محمد : يالله فمان الله ومشى بيطلع لكنها ركضت وراه : تعال والله تقولي شسالفه مافهمت محمد : بقره لانج . . وينج ووين سوالف الشوق . . عنود بدت تلقط شوي: يعني . . . محمد : هيه يعني ّ! يالله انا مترخص ربع ساعه . . يادوب يمديني آرد . . عنود مبتسمه : انت ياي من الدوام بس عشان تشوفني محمد يبادلها ابتسامه غبيه : هيه تصدقين . . تعرفين انج مش كفو لكن شو نسسوي ابتسمت وحظنته بسرعه : فديت ريلي . . اما محمد غمض عينه بقوه وسكت . . شوي وخازت عنه : يالله روح روح . . فتح عينه وملامحه متغيره . . عنود : حمود شفيك .؟ محمد يطالعها بجديه وعين بعين : لا تعودين على كل هالحنان وعقب تودريني وتحرميني . . عنود تمت تطالعه ماقدرت تقول شي . . محمد : هالشي حصلته منج انتي بس . . صرت اتشفق عليه موت . . لانج اول انسانه تعطيني كل هذا . . عنود بلعت ريجها وكسر خاطرها مووووووووووت وبان عليها وما قالت غير : حمود ليش هالكلام . . انا ماعطيتك شي . . ها اقل عن واجبي . . وانا حتى ما اسويه لانه واجب . . اسويه لاني انا اباا . . محمد : لا تقولين ما عطيتك شي . . عطيتيني . .حب . . عطيتيني حنااان . . " يغمض عينه " ياويلي على حنانج . . خاصه لو طلع من قلبج . . يذبح ابتسمت عنود براحه : يعني انا بس الي عاطتنك هالششي محمد يطالعها . . عنود ترفع ايدها تدعي : الحمدلله يارب . .يعلك ما تحصله من حد غيري . . واتم جي ملتهف علي وادورني من مكان لين مكان . . ابتسملها محمد ابتسامه عريضه : يالله آخرتيني . . . خليني اروح . . عنود تمسك ايده : انا يمكن يمكن هااه احبك . . ويمكن مثل ما تقول اعطيك حنان من غير ما احس . . لكن . . هاملتنك صح ؟ مآ آهتم فيك . . محمد : زين حسيتي ع دمج يعني . . عنود : اصبر علي كل شي بالهداااوه تررررررررررى . . انت امرره تبا كل شي حار فحار محمد فاج عينه : يالعنز انا قلتلج ابا ؟ انتي بروحج تهذربين . . صح مش ويه حد يطلع لج الي بخاطره . . فارجي اشششششششوف . . وعطاها ظهره بيمشي عنود ردت تجابله : اتتتتتتتتتتتتريا . . مسكت راسه وهو استغرب من جرئتها الزايده ! عنود تمت تطالع ملامح الخوف والارتباك الي فيه ويتها ضحكه . . محمد : ايه احنا ف بيت ابوج شتبين تسوين عنود نزلت راسه شوي وحبت يبهته : يالله تقدر تروح الحين يا زوجي العزيز . . محمد حط ايده ع قلبه : اشواا . . اتحرا شي ثاني . . ضحكت وضحك وراها وراآح . . . . . ام عبدالله : ووووووووووومنصور ولدي بتخلونه بروووووحه ناصر : يا امايا فهد و ابوه والشهود يتريون فالمحكمه من ساعه وربع فضييييييييييحه . . خلي بنتج تزهب الحين انا وابويه بنمر عليها . . ام عبدالله : وانا الحين بي المستشفى عند منصور . . ناصر : امايا شوه فيج ؟؟ منصور رياااال مش ياهل . . وبعدين قلتلج الف مره مافيه شي . . أرق وقله تغذيه وارهاق والدكتور يقول انه هو هالك روحه لا يرتاح ولا يرقد وايد ولا ياكل وكله اجهاد ف اجهاد . . انا قاهرتني حرمتتتتتته ما حست ع دمها ما لاحظت انه شوي تعبان . . الدكتور يقول لي ها الاجهاد كله مش ناتج عن يوم ويومين . . ام عبدالله حاطه ايدها ع قلبها : فديتك ياوليدي . . " تمسح دموعها " ناصر يتنهد : يالله اامايا لا تأخرينا اكثر . . خلي بنتج تزهب واحنا ياييين فالطريج وعقب ما نرد من المحكمه انا برد له . . . . . مهره ترد ع الفون بتعب : ألو . . شوق : يعني انتي ف دبي وانا اخر من يعلم . . مهره : يا شوق انا بروحي مادري اني بي اهني . . شوق : واتصلبج من متى ليش ما تردين ؟ مهره : مادري الفون وين كنت متعايزه انش واشوفه . . توني تعنيت ولحقت الصوت وطلع ف شنطتي . . ناصر اخويه حاطلي اياه . . شوق : شخبارج ؟ شو صحتج ؟ ابي امر عليج . . مهره تحط ايدها ع راسها وترد تثاوب : مالي خلق شوق مول . . الا جان بتيني البيت . . شوق : لا وين ايييج وريلج عندج " سمعت مهره صوت جرس وعقدت حياتها " مهره : مش مشكله بندش غرفتي . . شوق : لالا حبيبتي . . خليها وقت ثاني . . خبريني متى يروح وبييج ع طول . . ولا انتي لو رمتي مري علي الا دقايق بسلم عليج مهره : ان شاء الله حبيبتي . . شوق : محتايه شي ؟ ناقصنج شي ايييبه لج ؟ مهره : والله مادري حاليا ماعرف . . لكن بخبرج بعدين لو بغيت شي شوق : خلاص حبيبتي . . فمان الله مهره : الله وياج . . ينفتح باب غرفتها وعيونها على الي داش وماسك بإيده صينيه ريوق . . شل الصينيه ووداها لين عندها ع السرير . . حب راسها سيف بكل هدوء : صباح الخير . . ماردت عليه ولا حطت عينها ف عينه . . سيف مبتسم : اكلي عدل انزين ؟ ابي اشوف كل هالاكل مخلص مهره بدون ما تطالعه : اطلع برآ . . قلتلك الف مره لا ادش غرفتي سيف : ان شاء الله . . من عيوني . . بطلع . . " يطالعها " لكن أكلي الله يخليج . . صدت مهره الصوب الثاني مما خلاه يتنهد ويقوم بيطلع برا . . سكر الباب وراه وقبل لا يسكره اطالعها وهيه صاده عنه وماتبا حتى تشوف ويهه . . تمت تشوف الاكل . . مسوي اوردر من مطعم الفندق ومتفنين بالديزاين. . كرواسون جيز وكرواسوون زعتر . . بيضتين مفورات ومقصصوت بطريقه ورده تفتح النففس . . خيار مع طماطم مع يزر مقصص ومحطوط ع طرفه ليمونه . . فراوله مع توت وفنصهم صحن دواري صغير فيه جوكليت نوتيلا سايح . . عصير برتقال فرشش . . كوب نسكافيه حار والدخان يطلع منه . . شلت فراوله وغمستها بالجوكليت وكلتها . . قامت بعدها وشلت الصينيه بتطلع فيها برا . . شافته منسدح ع الغنفه ويشوف السقف . . يت عينه فعينها مجرد ما فتح ـت الباب . . ودرت الصيينيه جدام عينه على الطاوله الي مجابلتنه وقآمت . . سيف : ما كلتي آي شي ! مهره : نفسيتي منسسده " تطالعه بنظرة حقد " سيف يقوم : ذليييييييييني . . سوي فيني الي تبين تسوييييييييينه . . رديلي كل شي سويته مرتين واضعاااااااف اضضضضضضضضضعاف راااااااضي " يصارخ " قسسم بالله راضضضي . .لكن " يقصر صوته " لازم تاكلين . . ما راح اخليج مثل كل مره تزعلين وما يدخل شي ف بطنج واروح عنج وانتي تتعبين . . راح اترجاج ولو تبين ببوس رييييييييييييييلج . . لكن كلي نظراتها عليه تحس قلبه انفرررط . . ماقدرت ترد ودشت غرفتها بسرعه . . سكرت الباب واتساندت عليه . . >> ليش يا مهره ليش ؟؟؟ هذا سيف . . هذا سيف الي تحبينه ليش قاعده تقسين على نفسسسج . . ليش قاعده اتعبينه وانتي ما تتحملين تعبه . . هذا حبيبي . . هذا عيوني . . هذا قلبي . . هذا لو يبي روحي اعطيييييييييييييييه . . هذا الي الدنيا تسود بعيني لو شفت بعينه لمحه ضيج . . ليش قاعده اسوي فيه جي ليش ؟؟ ليش أتأثر بكلام عذاري واقول الي هيه تبيه ولازم اقسى عليه واراويه الويل ؟ لا ماقدر . . هذا حياتي وبلسم روحي انا ماقدر اعذبه . . ماقدر اقسسسسى عليه . . هذا نظر عيني . . " جمعت ايديها الهنتين ع ويهها وحست بالدموع الي مغرقه ويهها " انا مقتنعه انه مش السبب . . مقتنعه انه هذي حكمت الله لكن في شي فخاطري يعورني . . ليش ودرني ؟ ليش ماتم معايه يواسيني . . ليش شرررررد . . " غمضت عينهاا بعذاب وخلت الدموع تنزل بهدوءءءء " . . . فهد مبتسم ويطالعها : الف مبروك . . روضه ترجف : الله يبارك فيك . . ناصر يسلم عليها ويبتسم : العانس . . خلاص عرسستي هاه . . ابتسمت له وحظنته . . بو عبدالله : الله يتمم لكم على خير يارب . . . . . . سلطان : صباح الخـــــــير . . عذاري : صباح النوور . . سلطان : ليش واعيه بدري ؟ عذاري : . . سلطان : اتكلمي . . عذاري : . . سلطان : شوه فيج ؟؟ عذاري : منصور فالمستشفى سلطان شهق : شووووووووووووووووو . . عذاري : تعب ووطاح علينا وودوه المستشفى سلطان مصدوم : كيف وليش عذاري : ماعرف . . بس خبرتني امايا انه الحين زين . . سلطان : شو صار له ؟ ليش تتتتتتتعب عذاري : مادري . . يقولون ارهاق واجهاد . . سلطان : لا حول ولا وقوه الا بالله العلي العظيم . . ما يستااهل . . عذاري : . . سلطان .: . . عذاري : . . سلطان : شو بعد ؟ ارمسي شو خاشه عذاري : محد باركلي ولا حسيت بفرحه حد . . سلطان : . . عذاري: يعني ابويه عطاني ألفين وامايا عطتني ألف . . وروضه اشترت لي كيكه . . بس ماح ـسيت بفرحتهم الكبيره . . سلطان : عذاري الظروف الي يمرون فيها مش شوي . . قدري . . اختج مهره بصوت الكل شايل همها . . واختج الثانيه بتملج وبعد هي بروحها متوتره وموتره اهلج وياها . . وانتي ييتيهم فجاه بعد والحين اخوج طاح فجاه عليهم . . تخيلي موقفهم يفرحون ولا يزعلون على شو بالضبط . . كل الاحداث قاعده تصير ورى بعضضض . . لو بس ف بالهم نجاحج جان والله سسوؤلج شي وايد كبير . . ماتعرفين اهلج ؟ انتي بروحج ترمسين عنهم وتقوليلي كيف يحبوؤنج عذاري : طماعه انا سلطان : اثاري غرشه البيبسي حق الكل هاه . . الكل تبينه يمزر فيج عذاري : فعينك سلطان ابتسم : اانتي ايه ارمسي عدل . . عذاري بدون نفس : اسفه سلطان : بعد ؟ بدون نفس . . احنا ما عرسنا وجي لو عرسنا كيف . . بترقديني فحجره روحي عذاري : الا هالشي ما اسويه سلطان : اشمعنى يعني عذاري : شو شمعنى .. انا ماصدقت القآك وتقولي ارقدك بروحك ؟ خبله ولا مينونه ولا ناقصه عقل انا سلطان مبتسم : ع فكره يا غبيه . . ترى خبله ومينونه وناقصه عقل كلهم معنى واحد عذاري :ادري بس اوني اطولها . . سلطان : هههههههههههه غبيه عذاري تبتسم : كله تقولي غبيه سلطان : وغبيه بعد . . عذاري : برايه . . سلطان : لا تكدرين روحج يالله عاد . . ترا ماشي عرس عذاري : سسسسسسسسسسلطان . . سلطان فقلبه " عيونه " عذاري : ماسك علي ماشي عرس وماشي عرس . . سلطان : اعرف ان ها عوقج ! مافي شي يرفع ضغطج غيره . . عذاري : ماااااالت سلطان : بعد . . مآآلت هاه . . انزين عذور . . انزين . . شغل واشتغل الحين وريل اختج حول لي البيزات ع حسابي . . ان ما خذت وحده غيييرج بتشوفين عذاري حست بنغزه بقلبها بالقو : سلطان ! سلطان حس ان نبرتها غير . . عذاري : لا تقول جي مره ثانيه سلطان : عورتج عيل عذاري : لا تقول انك بتاخذ غيري . . " تعض شفايفها بقهر " قسم بالله بجتلك وبجتلها . . سلطان : بـــــــــــــــــــــــــــــــل !!!!!!!!!!!!!!!!! عذاري : . . سلطان : انسولف انزين خلاص . . عذاري : . . سلطان : يالله عاده عن الدلال . . والله اني اسولف . . يعني انتي يا غبيه ماتعرفين اني مابا وحده غيرج ؟ مابا غيير غرشه البيبسي الفاضيه . . عذاري ابتسمت . سلطان : منو بيتحملني غيرج اصلا منو . . عذاري: مممممممحد . . طبعا محد . . سلطان : هههههههههه لا والله ؟ لهالدرجه اانا شين يعني . . عذاري تحط ايدها ع قلبها: واحلى شين فحياتي . . سلطان : مسوده الويه . . عذاري : .فديتك حبيبي سلطان سوا عمره ما سمع : شوه ؟ عذاري : فديتك حبيييييييييييبي سلطان ابتسم " فديت روحج حبيبي " . . : فدتج العافيه . . يالله بنت الناس خليني ورايه شغل . . بيفنشوني وانتي السبه اخر شي . . عذاري : ما يقدرون . . حاصل لهم واحد شراتك ويفنشونه ؟ سلطان مبتسم :اكيد مش حاصل لهم . .اانا سلطان مش اي حد . . وبعد واسطه اخوج قويه . . حاطيني فوق راسهم والله عذاري ابتسمت : فديته منصور . . ماقصر . . سلطان : بنردله الجميل ان شاء الله . . ولـ سيف بعد . . كلهم ماقصرو . . عذاري : لانهم شافو العشق بعيني . . قالو هاي لازم نزوجها ولا مال مشاكل سلطان : ههههههههههههه . . عذاري ابتسمت : الله لا يغير علينا يارب سلطان : اميين . . عذاري : يالله خلاص خلك ف شغلك . . سلطان : ماعليه خلج ويايه ع الخط وبشتغل بس لا تقرقرين عسب محد يحس اني ارمس فون . . " فخاطره " ماقدر اودرج دقيقه وحده " كيف اطفي الريح بثيابك وكيف اشعلك كيف اتنثر على جمرك وكيف احتويك نـقّـضت ليل الحرير وجيت منت لهلك سميت باللي فتني بك وقلت ابتديك هذا اول الدرب او هذا الطريق اولك جيت اتوقى عذابات المدى واهتديك شوقي مسافه وهمساتك مدار وفلك ان ماضميتك غلى يا علّني ما ارتويك ايه اعرفك واعرف اني من غلاك اجهلك مرات اضمك واخاف اني مشبه عليك مرات اشوفك بنفس الوقت واتخيلك وانشد كفوفي عن آخر سالفه من يديك آعن لك لو تصب الموت واتخيلك واجوع لك واتمنى خنجرك واشتهيك ما قلتلك عمر سيف العشق مايقتلك ماتشوفني حي قدامك وانا اموت فيك اشتقتلك قبل اجيك وجيت واشتقتلك البارحه طول ليلي بين هذي وذيك ملّيت جمر انتظارك واستحيت اسألك واحسبتني مابعد جيتك وفكرت اجيك اثرك بقلبي من البارح وانا استعجلك واثري نسيتك من الفرحه وقمت احتريك . . . |
طرطريشن .. وـآلله رهييييييييييييييب .. تسلمين خيتووووو .* |
تسسسلميين ع البآآآرت وآآآييد رووعـ،ه نتريآآ الخميسس اليآآآي, |
تسلميييييييييييييييييييييييييييييييييييييين ع الباارت |
| الساعة الآن 10:29 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir