اوكيك يآأ كيك وزين آأنج خبرتينآأ ومبرووك علييج مقدمآأ وكل عآأم وانتي بآألف صحه وسلآمه

غيرت رايي لأني اكتشفت شي يدييد هههه

يلا بنزل لكم البارت

Part 21




عبود: لو سمحتي أختيه..


......: يعلك بمرره حوله و عيال شراتها..


عبود: انتي؟!


حمود و ميود: ههههههههههههههههه..


عبود: هيي يالدوبه من وين ظهرتي..


موزان: الدوبه مرتك..


عبود: تراج وايد طايحه ع مرتي..


علايه: نحن ما صدقنا نفتك منكم تيون ورانا..


حمود: الاخو بغى يلقط له وحده..


علايه: لا يكون انت بعد..؟!


حمود توهق: لا بس اونه يقول هالبنت حلوه انا حاس و اخر شي ظهرت بنانا..


موزان: جوف يعني تعترف أني حلوه..


عبود: لا و الله انا ما جفتج..


موزان: امبله..


عبود: لا..


موزان: هيه..


عبود: انتي جايفه شكلج جنه عيوز يدو احلى عنج جوفي خشمج كيف افطس و العيون اللهم لا شماته


موزان صج خذت بخاطرها بس سكتت


مايد لاحظ هدوء فواغي: فواغي شفيج..؟!


فواغي: و لا شي بس احس بصداع..


علايه: شرايكم نشرب لنا شي..!!


الكل: أوكي..


حمود: بنروح ستار بكس..


موزان: يالله سرينا..


_______________________________


عند سيف ال.....


ام سعود: احس وايد استعيلنا عسب فواغي أختها اكبر عنها و بعدها..


بو سعود: نحن لازم ما نجوف الامور من هالمنطق كل شي قسمه و نصيب..


ام سعود: و النعم بالله..


رن فون بو سعود..


بو سعود: غريبه رقم من لندن..


ام سعود: رد يمكن في شي..


بو سعود رد: السلام عليكم و الرحمه..


....: و عليكم السلام و الرحمه..


بو سعود عصب: انا ما قلت لك لسانك ما يطب ع لساني..


....: لح


بو سعود: عادل أسمعني انت سويت سواتك و نزلت راسنا نحن بالقاع..


عادل: انزين انا اتصلت عسب اقولك ليش تحرمني أني ارمس فواغي انت اكثر واحد يدري هي كيف متعلقه فيني..


بو سعود: جوف انت بالنسبه لفواغي ميت فاهم ميت و هي نستك نست ان واحد ف حياتها اسمه عادل..


عادل: لا ما نستني و لا بتنساني مستحيل تنسى أني*


بو سعود قاطعه: اذا تبغي تهدى الامور سو اللي قلت لك عليه و جوف من تخلص فواغي من الثانويه بزوجها ولد عمها..


عادل صرخ: انا غلطت و ما راح اهدى لين اصحح غلطتي و حرام عليك تزوجها واحد و هي صغيره و انا متأكد انك جابرنها..


بو سعود: هي بروحها وافقت و انت ما يخصك فيني و ف بنتي..


عادل: لا تنسى أني.........


بو سعود: اسمع و الله لو عرفت انك ترمس فواغي عادي أذبحك انت وياها..


عادل: ليش تبغي تفرق بيني و بينها..؟!


بو سعود قطع الاتصال..


ام سعود: هذا عادل لااه..؟!


بو سعود: هييه متصل اونه يبغي يرمس فواغي..


ام سعود: و له عين بعد..


بو سعود: انا لازم اجيك ع خط فواغي..


ام سعود: تظن انها ترمسه..؟!


بو سعود: ما استبعد هالشي بس لو تأكدت ما راح أعين ع خير.. و ظهر..


ام سعود: يا رب تحفظ كل عيالي لي..


_______________________________


سعود: اقوول منصور..


منصور: هلا..


سعود: اتمنى تخلي فواغي ف عيونك تراها وايد تعبت قبل..


منصور: كيف يعني..


سعود: يعني بالمختصر لا تاذيها..


منصور بلع ريجه و ف خاطره: انا ممدري شو اسوي يا سعود بس كل اللي اعرفه ان تربيتها بتكون ع ييدي..


_______________________________


ف سيارة حمدان..


حمدان: حمده لو تقدمت لج بتوافقين..؟!


حمده مفهيه..


حمدان: انا راح أتقدم لج باجر ف يمعتنا ف المزرعه..


حمده: بعدك ما نسيتني..؟!


حمدان: انسى العالم كله و لا انساج..


حمده: لا تربط عمرك بحبل الأمل ترى أبوي ما يعرف الصج و يتحسب انك صايع و مستحيل يوافق عليك..


حمدان: باجر بقولهم كلهم


حمده سكتت..


_______________________________


ف ستار بكس..


كلهم يالسين ويا بعض..


عبود: انا بسير بطلب..


علايه: انا ابغي*


عبود: بييب ع كيفي..


و روح..


علايه: اشكرره..


حمود: عادي تعودي..


عبود طلب fruptinno fanilia m size
و استلم الطلبيه..


ويا قعد وياهم..


موزان: انت يايب خمس و و نحن ست..


عبود ضرب يبهته: آووه نسيتج..


موزان: سير خذ لي..


علايه: خلاص خذي مالي انا مابي..


موزان: لا ما يخصني يسير ييب لي..


عبود: يا خي غصب هو محد يبيج تيلسين هني غصب يعني اووف..


موزان ما استحملت و قامت و ظهرت و تمت تمشي بسرعه و تبجي..


علايه: هيي حرام عليك انا بسير اجوفها..


عبود: كنت اتمصخر و الله..


حمود: اول مره اجوف مصخره جذي..


عبود: خلاص أنا بسير أجوفها


حمدان وصل لبيت عمه حمده بغت تنزل..


حمدان: حمده..


حمده نزلت راسها: آمر..


حمدان: ما يامر عليج عدو و لا ظالم بس بغيت اقولج لا ترابعين أي وحده..


حمده جافته ابتسمت و حدرت داخل..


و روح حمدان..


_______________________________


موزان ظهرت و راحت صوب الباركنات: هئئهئهئهئ لو كان عندي أخو شرات الأوادم جان ما صار اللي صار..


.....1: شو فيه الحلو ليش يبجي..؟؟


.....2: حرام و الله صج ما يستحي اللي يخلي هالعيون حزينه..


موزان ساكته و ميته خوف محد وياها و المكان اللي موقفين فيه k يعني فاضي ما في وايدين..


.....1 تقرب و مسك موزان..


موزان: هئهئهئهئ قوم عني.. و الدموع شلال..


.....1: تقرب أكثر أكثر أكثر..


.....: يالحقير قوم عنها..


موزان صدت صوب الشخص آخر شخص توقعته..


_______________________________


عند شخص ميت من الخوف..


....: هئهئهئهئ أبي ماماتي هئهئهئهئ..


تقربت وحده منه و نزلت لمستواه..


.....: حبيبي وين ماما..??


....: ف البيت..


....: انت ياي وي منو..؟!


....: و يا سعود و فواغي و مليوم..


يت وحده ثانيه: شمو منو هذا ؟!


شمه: ممدري دانو تعالي جوفي حبيبي كتكوت .. *و رمست..... شو اسمك..


....: زيود..


شمه: الله على اسم بابا زايد الله يرحمه..


زيود ابتسم..


دانه: انزين حبيبي تعرف رقم حد..


زيود: لا ما اعرف ..


شمه: خلاص بنروح ندور عليهم..


زيود: أنا يوعان..


دانه: شمو شرايج نتعشى كلنا أنا بعد يوعانه..


شمه: أوكي زيود بنروح نتعشى..


زيود: اوك..


_______________________________


نجود: أووف لو رحت وياهم أحسن جنكم أموات..

شجون: أبغي أسير دبنهامز باخذ لي عطورات..


سلامه: أوكي حتى أنا يمكن أخذ..


مريوم: عيل يالله..


_______________________________


راشد: اقول شرايكم ندش السكي احس ملل و الله نفس الويوه جبدي لاعت منهم..


سيف: أوكي..


طلال: بس شوي مب وايد..


سيف: نفكر..


طلال: لا و الله احلف أنت بس..


راشد: اقول يالله جنكم عيايز يتحرطمن..


و دشوا السكي..


_______________________________


علايه: مو جنه اتاخر وايد..


فواغي: هييه و الله..


حمود: مبرووك..


فواغي: الله يبارك فيك بس ليش..؟!


حمود: ما بغينا ترمسين..


فواغي: الساعه جم..


مايد: غرييبه..!!


فواغي: شو.؟!


مايد: مب لابسه ساعه اللي اعرفه البنات ع طوول مستحيل يشيلون الساعه..


فواغي: كنت لابسه وين حطيتها..؟!


علايه: يوم توضيتي حطيتيها ع توليتي..


حمود: اوووف هذا عبود تأخر..


علايه: عااد موزان شو بيرضيها..


حمود: يعني انتي ترضين بسرعه..؟!


علايه ابتسمت: شو رايك انت..؟!


حمود هني صج تدوده ما يعرف ارضه من سماه رفس مايد يعني يا عمي ساعدني مايد فهم لانه عشره ويا حمود..


مايد: صج كم باقيلكم ع الدراسه..؟؟


علايه: أمم شهرين عقب الامتحانات عقب بنفتك من المدرسه..


مايد: نحن الحمدلله شهرين و عقب بنشتغل..


فواغي تذكرت انها يعني عقب شهرين ما في مفر من الزواج تنهدت: يا ريتني ولد..


الكل: لييش..؟!


_______________________________


....: قوم عنها يالحقير..


....1: أنت منو..؟؟


عبود: انا ريلها..


....1 و ....2 فيييييييو ما يجوفون الا غبرتهم..


موزان: هئهئهئهئ..


عبود تقرب منها: الحين ليش تبجين خلاص بطلب لج..


موزان: ما بي..


عبود: ترى اذا ما طلبتي بنخليج بروحج هني و ما بخليهم يردون البيت..


موزان: عادي بتصل لابوي اذا انتوا ما تحبوني هو يحبني..


عبود: و منو قال ما *نحبج؟؟


موزان: انت اللي قلت..


عبود: قلت بلساني مب بقلبي..


موزان: يعني تبي تبين لي انك تحبني..


عبود: ما احبج..


موزان: جوف بعد قلت..


عبود: ما احبج بس..............



شمه: زايد حبيبي من وين تبغي تتعشى..؟؟


زايد: آممممممممم من ماك..


دانه: وااو شمو ظهر شراتج..


شمه: هه أوكي شو تبغون بطلب لكم..


زايد: ابغي هابي ميل..


دانه: مشالله عليك جريئ..


زايد: رشود دوم يقولي انا ريال و لازم الحريم يسمعون رمثتي..


شمه: مره ثانيه اذا قالك جذي قوله ترى حرمه اللي ربتك و يابتك لهالدنيا..


زايد: انثالله..


*دانه: هههههههههه..


شمه: يلا انا بسير اطلب..


_______________________________


عند حمده..


خذت لها شور و يلست ع شبريتها وردت ذاكرتها لورى تقريباً سنه و نص سنتين جي يعني..


ف بيت بو صقر كان الكل معزوم..


ف الصاله.. الحريم يالسات..


ف الميلس.. الريياييل يالسين..


ام مايد: و الله بخاطري اجوف ولدي يعرس و اجوف عياله..


ام سعود: ف حد ما يتمنى بس المهم يتزوج *ع خير هب ع شر..


ام حمدان بغت تلطف الجو شوي: انا باخذ لولدي ذيج المره السنعه اللي بتحطه بعيونه و بنات عمه مشالله موجودين..


موزان: اقوول أميه انتي واايد متحمسه لعرس حمدانو عيل أنا جني هب بنتج..!!


ام حمدان: يا بنت عيب عليج..


فواغي: عادي خالو ترى هذا مصيرنا..


اليده: وينها أيامنا كانت البنت تحط عيونها بالقاع و تنشعم..


موزان و فواغي قاموا و يلسوا حذال اليده وحده يمين و الثانيه يسار..


فواغي: يدو حبيبتي أيامكم خلاص ولت..


موزان: يعني الحين التطور..


فواغي: من ناحية العمران..


موزان: و مواد الخام..


فواغي: و الثقافه..


اليده: انزين اشقايل يعني البنت تترك حياها..


موزان: تراج ما خليتينا نكمل اهم شي التطور الفكري..


فواغي: يعني لبسي سكيني فوشي و عباه مفتوحه و قصيره..


موزان: و قميص اصفر و الكعب بعد..


اليده: يلي ما تستحون ع ويوهكم وين الخيزران بس؟؟


شجون: هذي يمج..


اليده: انتي بعد صبري بس..


مريوم: هييه يدو ترى كلهم بتضربينهم آفا وين ايام اول اليده هي اللي تربي أحفادها ما تضربهم بالعكس تاخذهم بالأحضان..


الكل: هههههههههه..*


حمده: حد يبغي يشرب شي بسير المطبخ..


ام سعود: فديتج ييبي عصير نبلل به ريجنا..


حمده ابتسمت انشالله..


راحت المطبخ و شغلت عصارة البرتقال و يلست تسوي برتقال فريش..


.....: السلام عليكم..


حمده صدت و جافت............................


_______________________________


ف ميلس الريياييل..


الكل يالس ووجي..


بو صقر: محمد..


حمود: امر أبوي..


بو صقر: سر ييب القهوه..


حمود صد صوب الشباب..


حمدان فهم: خلاص انا بسير..


حمود: خخخ فاهمني و هي طايره شكلي بيوزك حمدو..


حمدان ظهر و سار صوب المطبخ و بخاطره: انا من هي صغيره و داشه بخاطريه بس أتريا اخلص الجامعه و عقب اتوظف ذيج الساعه برمس أميه..


و حدر المطبخ و جاف بنت قمة الجمال و الشيله مب مرتبه مبينه شوي من خصلات شعرها و مب حاسه: السلام عليكم..


حمده صدت: و عليكم السلام و الرحمه.. و*
عدلت الشيله..


حمدان: حمده..


حمده: آفا يا حمدان ما تعرف بنت عمك..؟!


حمدان: شجون؟!


حمده: لهدرجه يبين علي أني صغيره..


حمدان: يا بنت تراج ييننتي فيني..


حمده: انا حمده..


حمدان تقرب و تساند ع الثلاجه و كان قريب وايد من حمده: آممممممممم..


حمده بحيره: شو تبغي..


حمدان: تعرفين شو يعني آممممممممم بالسيلانيه..


حمده: عاد مره وحده سيلانيه..


حمدان: صج ما تعرفين..!!


حمده: لا ما عرف يالله قوول..


حمدان: انا آممممممممم انتي..


حمده: يالله عاد..


حمدان: يعني آممممممممم..


حمده: شكلك مألف من عندك.. و خذت العصير و بغت تظهر..


حمدان: احبج..


حمده صدت صوبه و حمدان تقرب اكثر اكثر اكثر..


حمدان: معنى آممممممممم احبج..


حمده توها استوعبت: اهاا..


حمدان: تدرين شو اللي يميزج..؟!


حمده: شو؟!


حمدان حط عينه بعيونها: عيونج اعتبرها غواصه تاخذ الواحد لعالم ثاني..


حمده نزلت عيونها..


حمدان: احبج..


حمده: حمدان عن قلة الادب..


حمدان: الحين قلت لج احبج يعني قلة أدب..؟!


حمده: اووف ما راح تفهمني..


حمدان: شو اللي ما راح افهمه..؟!


حمده: عمرك لا تتوقع ابادلك هالشعور..


______


رجعت لوعيها و بخاطرها: بس اليوم احس ف شعور يجتاحني صوبك احس انك فعلاً ريال و النعم به و المفروض عمري ما افكر بك بالشينه.. و تساندت و رى.. اه بس اه احس باجر بتصير بلوه..


_______________________________


عند حمدان ف سيارته..


حمدان: اه بس يا حمده لو تحسين بربع شعوري لج جان انا بخير..


_______________________________


عند فواغي: جان زين لو انا ولد..


الكل: ليش؟!


فواغي تورطت: ها لا بس تخسي الحين كنت يالسه جي وياكم


حمود: هييييييه..


علايه: احس عمري بموت..


حمود بسرعه: بسم الله عليج..


مايد خزه بنظره يعني يا ريال خف علينا شوي..


_______________________________


شجون: جوفوا باخذ لي ليدي مليون و سكادا..


سلامه: تصدقين انا بعد باخذ ليدي مليون..


مريوم: لا انا باخذ لي شانيل و لا قوجي..*


نجود: و انا باخذ لي سم..


شجون: ليش ييتي ويانا؟!


نجود: قرادة حظي لااه..


شجون و مريوم و سلامه: صج مال شارجه..


_______________________________••••••••••••••••••• •••••••••••••••••••••••••



عبود: ما احبج..


موزان: جوف بعد قلت..


عبود: ما احبج بس اعزج بعد..


موزان: هييييه..


عبود: شو تتحسبين بقولج اعشقج و لا اموت فيج..


موزان: انت هي لا تصدق روحك وايد من زين شيفتك..


عبود ابتسم: يلا يتريونا و مره وحده باخذ لج..


موزان: ما ابغي احس جبدي لاعت..


عبود: هههههههههه احسن وفرتي علي..


موزان عطته نظره و ساروا صوب ستاربكس..


_______________________________••••••••••••••••••• •••••••••••••••••••••••••


طلال: اووف ملل..


راشد: حسيت انا الصراحه يعت من الخاطر..


سيف: هيه و الله ابغي وجبه دسمه..


راشد: انت اصلاً قد مره كلت خفايف لازم دسم..


طلال: و انا اشهد..


سيف: شو اسوي اذا كلت خفيف ساعه 3 تجوفوني ف المطبخ..


طلال: يلا نظهر..


و ظهروا و روحوا صوب المطاعم..


_______________________________





صقر: زهبي الجنط عقب 4 ساعات بنسافر..


اسمه: شو !! انت قلت باجر..


صقر: انزين كيفي جبدي لايعه هني ابغي ارد البلاد..


اسمه و لاول مره عصبت: تستهبل حضرتك تعاملني جني خدامه تمشيني ع مزاجك..


صقر اقترب منها..


كف*
ضرب
سحب شعر
دوس
ذبح


كانت هالافكار تدور براس اسمه بس..…


تقرب صقر منها و عطاها بوسه سريعه ع خدها و ظهر..


اسمه بخاطرها: لمتى و تكابر يا صقر لمتى الله يسامح من كان السبب .. و بدت دموعها تنهمر.. دمر حياتي كلها..


و يلست ترتب الجنط..


_______________________________


عندنا ف البلاد ف دار الحي ..


موزان حدرت و يلست حذال فواغي..


عليا: ما بغينا جان تميتوا اكثر..


عبود : شو نسوي هااي خوافه.. و قال لهم سالفة الشباب..


حمود: هههههههههه عيل ريلج..


فواغي: خلاص عرسكم و يا عرسي .. سكتت شوي و بخاطرها عرسي انا كيف قلت لالالاالاالاالالاالالا انا مستحيل أتزوج هذا اذا من الحين مب ناوي ع خير عقب شو بيسوي؟! *لا انا الصراحه لازم القى لي حل..


موزان: لا و الله تخسي و بعدين هو قال جذا عسب يشردون..


و سوالف و ضحك..


_______________________________


سعود: الساعه جم؟!


منصور: 10:45


سعود: يلا نتعشى و نظهر..


منصور: بتصل ف البقيه و بخبرهم..


سعود: ع راحتگ..


منصور اتصل فيهم و خبرهم..


_______________________________


حمود يرمس بالفون: يالله خلاص اوكي الحين بني و لا تخاف بنييب المدام يلا باي..


عليا: منو هذا؟!


حمود: ها!!


عليا: كنت ترمس منو؟؟


حمود: منصور يقول بنتعشى و بنظهر و يقول العشا عسب المدام مو تنسوها..


مايد: مشالله من الحين مدام..


موزان: شعليج منو قدج؟؟


فواغي ف خاطرها: أوف قسم بالله احس عمري برجع قال شو اونه مدام يا عمي طير لااه..


حمود: يلا قوموا..


و روحوا صوب المطاعم..


_______________________________


سلامه ترمس بالفون: أوكي الحين و لا يهمك خلاص أوكي..


نجود: منو هذا..!!


شجون: يا عيني ع اللقافه..


سلامه: هذا منصور يقول بنتعشى و بنظهر..


مريوم بلعت ريجها: بنتعشى رباعه؟!


شجون: أكيد..


مريوم بخاطرها: يعني مايد بيكون هناك الله يعيني بس انا استاهل لا لا حرام ليش استاهل لا استاهل و نص لا ما استا


قاطعتها سلامه: يلا نروح..


______________________________


و تيمعوا كلهم..


سعود: انا باخذ عبود وياي لانه يحب اللي انا احبه..


عبود: احم شكراً..


سعود: الحين انا شو قلت..!!


حمود: المهم انا باخذ ميود وياي..

*
مايد: شجون بتين وياي؟!


شجون: هيه..


نجود: انا بعد..


موزان: خلف الله علي وينه اخوي أسير وياه؟!


الكل سكت شوي..


سعود: اختي بنانا ما بتين وياي..


عليا: انا بعد بي..


موزان: جان السالفه فيها عليا أكيد بي..


راشد: انا اول مره اجوف حد يتشاور عسب العشا .. رمس سيف و طلال.. يالله شباب..


شجون: خف علينا ياللي مسوي عمرك ريال..


مريوم: هئ سعود وينه زيود..


سعود: ويا فواغي..


حشى علي مب وياي فواغي خذته..


فواغي: لا هو عند مريوم..


سعود بدا يعصب: وينه يعني؟!!


فواغي: انا شدراني؟!


سعود: خلاص انتوا سيروا و انا بدور عليه..


و تقسموا بقت فواغي و منصور..


فواغي: انا أسير و يا منو انشالله.؟!


عليا: *و يا خطيبج..


و الكل سار و بقت هي و منصور..


منصور: يلا يا خطيبتي..


فواغي: جب و لا
كلمه انا مب خطيبتك فاهم..


منصور: منو قال انتي بلسانج وافقتي..


فواغي: لانك خذتني بغفله تف عليك و ع مريلتك..


منصور تقرب منها: و لا حرف و لا و الله بتندمين..


فواغي: شو بتسوي اكثر عن جذي؟!


منصور: بتجوفين..


فواغي: يكون ف علمك ما عاش من يهددني..


منصور: صدقيني راح اكسر غرورج..


فواغي: ما بتروم..


منصور: هه انزين بنجوف يلا يدامي ..


فواغي: اووف انزين..


منصور: لا تتاففين..


فواغي: انت أبوي و لا اخوي..؟!


منصور: ريلج..


فواغي: هذا اللي ناقص بس..


منصور: امشي امشي


_______________________________


عند شمه: I want also happy meal..


....: ههههههه لا يكون حقج؟!


....2: ههههههه..


شمه لفت عليه..


....: ف خاطره .. عليها جمال اووف تطير و الله..


شمه: ياللي ما تستحي ع ويهك انت ما عندك خوات مالت عليك..


خذت الوجبات و سارت..


.... لحقها و و صل لطاولتها..


شمه يلست و جافته: خير نعم انت ما تستحي..


دانه مستغربه منو هذا؟!


زيود: رشودي..


راشد: زيود انت شو يايبنك هني؟! سعود يالس يدور عليك


زيود: هذي شماني جافتني و يابتني هني و طلبت لي هابي ميل..


شمه: زايد حبيبي تعرفه؟!


راشد: هو اخوي..


شمه طالعته: ما أتوقع سألتك..!!


راشد قفط: انزين زايد يلا قوم..


زايد: مابا مابا ابغي أتعشى ويا شماني..


شمه: انزين خله هني..


راشد: لا و الله و ليش اخليه؟!


شمه: تراك وااايد تتفلسف..


راشد: انزين اخوي و انا حر..


شمه: و الله خليته و نسيته طول هالوقت و الحين ياي تنشد عنه؟!


راشد: ترى عادي اصفعج هني..


دانه: لو سمحت اخوي خل زايد هني و يوم بيخلص من العشا بنييبه لك..


راشد يرمس شمه: هني الذرابه.. عقب رمس دانه.. اوك انا بيلس هناك ييبوه بعدين..


دانه: انشالله..


راشد روح و اتصل لسعود..


سعود: نعم راشد شو تبغي؟!


راشد: بل الاخلاق مقفله لقيت راشد ويا بنتين بيتعشى و بيي..


سعود: انا الحين ياي..


_______________________________


عبود: حرام عليه سعود راح و خل بنتين ع قلبي..


موزان: انت المفروض تحمد ربك..


عليا: و تصلي ركعتين شكر..


موزان: و تستانس..


عبود: استغفر الله..


_______________________________


شجون: جوف مايد انا ابغي بيتزا..


مايد: من عيوني..


نجود: و انا بعد..


مايد: من عيوني..


حمود: و انا بعد..


مايد: شرايك حمود بعد اقولك من عيوني..؟!


حمود: يلا سر اطلب..


_______________________________


سعود يا و خبره راشد عن سالفة زايد و الكل خذ عشى و يلسوا يتعشون


_______________________________


سعود: وين منصور و فواغي؟!


سلامه: راحوا ياخذون عشا..


سعود: لحد الحين؟!


_______________________________


فواغي: قلت لك ما بي انا ابغي من ماگ..


منصور: و انا ما ابغي من هناك..


فواغي: انزين مب لازم نفس الشي يعني لازم التقليد..؟!


منصور: انتي هي وايد مصدقه روحج !!


فواغي: مو انا فواغي بنت سيف ليش ما اصدق روحي..


منصور: الله يا الغرور..


فواغي: مب غرور ثقه بالنفس..


منصور: انزين يالواثقه يلا نطلب..


و طلبوا و الكل تعشى..


شمه يابت زيود..


زيود: يلا شماني بااي..


و قامت فواغي شجرتها و جي..


و ردوا البيت ..


_______________________________


ام سعود: سيف هد مب زين تسوي بعمرك جذا..


بو سعود: على اخر عمري بنتي تسوي جذيه؟! و اعزهم ع قلبي..


حدروا الكل و استغربوا انه ابوهم واعي..


بو سعود بصراخ هز البيت: فواااااااااغي..


فواغي تجمدت من الصرخه..


تقرب أبوها منه و سحبه من شعرها و قطها ع الارض و بصراخ: انتي ترمسين عادل؟!

أتريا ردودكم

اتحفوني بها


^_^