منتدى استراحات زايد - عّششَقتڪ بمَسسَتوَى عآلـي ., وَ حبيْتڪ عڪس حبهَم ..~

آلبــــــــــــــــــــــ الـأربعـــــــ 4 ـــــــــين ــــــــــــــــــــــآرت

والعين حوره أتشع الاشراق و أهداب عينه تذبح الروح
خصره هضيم و مالي الساد و أقصى على الردفين متيوح

.

.

.

. . .

بعد دقـآيق ..

" طلعت من الحمـآم ولبسـت مخورة حمرآ ، تعدلت وتعطرت .. توجهت للشبرية عسب تعدل آلفرآش ، شلـت المخدة اللي رقـد عليهـآ منصـور وتفـآجأت بشئ تحتهـآ يلست ع الشبرية ومدت إيدهـآ خذت هـآلشئ وإيدهـآ ترجف ، تمت تطـآلعه لين نزلن دموعهـآ وهي مـآ تحس بهن "

عليـآ " تطـآآلـع الصورة " : هـ هـآذي هـي اللي متعذب ع سبههـآ ، هـآذي اللي عـآيش حبه ويـآهـآ " تعفص الورقة " خـــآيــن خــآينن خـآينن .. " تصــيح " يـآربي انا شسويت فـ حياتي عشان يستويبي ها كله ! ما كنت اتخيل ان جي بيستويبي .. ليت مايـآ هــآليـوم ولـآ صـآر اللي صـآر .. " يلست تحت واساندت ع حد الشبرية وتمت تفكر ودموعهـآ تنزل "

.

.

.

بــيت بـونـآصر ..

آلظهـــر ..

حجرة نـآصر ..

" تـوآ رآد من آلـدوآم "

: آلسلــآم ..

روضة " تطـآلع التلفزيـون " : وعليـك السلام ..

" دخل الحجرة ، شل ثيـآبه ودخل الحمـآم "

" بندت التلفزيـون ودخلت الحجرة ، يلست ع الغنفه وتمت تتريـآه "

" طلع من الحمـآم " : أشـوفج يـآلسه ..

" تطـآلعه بنص عين " : شتبـآنيه اسوي يعني ! لـآ شغل ولـآ مشغله ..

نـآصر : خمي البيت ..

روضة : ع الـأقل بفتك من شيفتك شوي ..

نـآصر " يصد صـوبهـآ " : شـوفيهـآ شيفتيه يععني ! لقيتي حد احلى مني ..

روضة : لـآ تتخقق وآيـد ..

نـآصر : مـآ اتخقق " يطيح ع آلشبرية " ظهري وفكينيه من صدعتج خليني أرقـد ..

روضة : أبـآ أسير آلعــين ..

نـآصر : قري مكانج ..

روضة : نـآصر عـآآآد ، نوروه بتي آليـوم وبتبـآت وبسير عندها وفطيم ختيه تبـآني ..

نـآصر : مـآ أحيدج ممرضة ..

روضة : أفففف علينـآ ، إذآ مـآ بتوديني بخلي حبيب اييـي يشلنيه ..

نـآصر " يلس وفتح عيـونه ع وسعهن " : منـو ان شاء الله حبيبج ..؟!

روضة " خـآفت " : شـ شـوفيك ، حبيب دريول قـوم فطيـم لـآ تيلس تستعبط !

نـآصر " فيه ضحكه " : أدري أنزيـن ..

روضة " بصوت خفيف " : إنسـآن متفيج ..

نـآصر " يرد يطيح " : مـآشئ سيرة آلعـين لـآ آليـوم ولـآ بـآجر ..

روضة : شـوفيك جي متنيحس !

نـآصر " يعلي صـوته " : قلت مـآشئ سيرة يعني مـآشئ ..

روضة : نـآصر لـآ تغصصبيه رآسيه بروحه يعورنيه ..

نـآصر : هي اعيل بيخف يـوم بتسيرين آلعين !!

روضة : هـــــيه ..

نـآصر : أعيل مـآشئ سـيرة ..

روضة : نـآآآآآآآآآآآآآآآصر ..

نـآصر : قلت كلمه .. اظهري وسكري آلبـآب ورآج ..

روضة " تطيح ع الغنفه وتغمض عيـونهـآ " : مـآ بظهر بتم هنييه ..

نـآصر : تمي بس خلني اسمع صـوتج ..

روضة " تغـآيض وتسوي صوت خفيف "

نـآصر " يفتح عيـونه " : إنـآ لله وإنـا إليه رآجعـون ..

روضة " تبتسم وتكمل "

نـآصر " طــآف "

روضة " تمت تسـوي صـوت لين تعبت وسكتت ، وتمت ططـآيحه ومن الملل رقـدت "

. . .

بععد دقـآيق ..

" انتبه عليهـآ ، ابتسم وقـآم ، جرب منهـآ ونزل لمستـوآهـآ ، مد إيده وخوز قذلتهـآ عن ويههـآ ، ابتسم وتم يطـآلعهـآ " : بس لـو نعيش مثل أي زوجـين ! الله يسـآمحج يَ روضة ، أدري انج متقبلتني ألحين بس مـآ اعرف إذآ تحبيني أو لـآ .. " يتنهـد " تععبـت من هـآلحـآله 4 شهـور الحين كملنا وللحين مـآسـوت شئ يفرحني او حتى كلمة .. مـآ اطلب وآيـد والله ! حقـوقي وطلبـآتي مـآ أبـآ أضطر ادورهـآ عند غيرهـآ ، أبـآهـآ هي بسس أحببهـآ بس يـآليتهـآ تفهههم .. يمكن يقربنـآ اللي بيـي ويمكن يشغلهـآ عني أو ... مـآ اعرف مـآ أعرف .. " تنهد ووقف ، يـآب اللحـآف ولحفهـآ ، لبس كندورته وطلع "

.

.

.

آلعصـــــر ..

دبــي ..

بــيت بـوهزآع ..

حجرة هزآع ..

نورة " تتعدل "

هزآع : غرت أنـآ ..

نورة : من شـو ان شاء الله ؟!

هزآع : أبـآ نينـو ..

نورة : حرآم عليك مب من ألحين عـآد ..

هزآع : ليش يعني ..؟!

نورة : أبـآ أعيش حيـآتي شوي ..

هزآع : ههه ، يعني آليـوم بتبـآتـين فـ آلعـين !!

نورة : عـآشر مرة تسأل هالسؤال !

هزآع : شسوي بشتـآقلج وآيـد ..

نورة : اشتـآقتلك آلعـآفيه ، صير آليـوم عزوبي وأيلس حوط واسهر ع كيفك محد يتريـآك هنيه ..

هزآع : ههههههه طبعععـاً مـآ بخلي مكـآن آليـوم وبـآجر بعد ..

نورة : بس بدون مغـآزل لـوسمحت ..

هزآع : يععني تغـآرين !!

نورة : لــآء بس أقـولك يعني عن تتمشكل ..

هزآع : هههه خلـآص عرفت ..

نورة " تصد عليه " : نسسـير !

هزآع : عبـآتج بعدج مـآ لبستيهـآ تبيني اتريـآج سـآعتين فـ السيارة !

نورة : ههههه ..

.

.

.

آلفلــيل ..

آلعـــين ..

بــيت بـومحمـد ..

آلصـآله ..

" آليـد ، بومحمد ، رآشـد ، حمده ، فطيم "

زآيـد " ينزل " : أوه أوه أشوف البيت منور .. " ييلس حذآل فطيم " مبروك ع البنوته الحلوه ..

فطيم " تبتسم " : الله يبارك فييك .. عقبـآلك ..

زآيـد : آمـيييين ..

حمده : هـآتيهـآ .. " تشلهـآ " يَ قلبي .. تشبه منو ؟!

فطيم : أنـآ طبعععـاً ..

آليـد : أنـآ أشـوفهـآ تشبه رويض ..

بـو محمد : هي فيهـآ شـوي .. بس أحسهـآ أكثر على فطيم ..

رآشـد : لـآ تشبهنيي انـآ أكثر ..

زآيـد : عيالك بيطلعـون عليك ، مـآ يخصك فـ عيـآل غيرك ..

رآشـد : مـآ بسمي على اسمك مول ..

زآيـد : ولـآ أنـآ ..

محمد ومهرة " يـآيين من برع " : آلسلـآم عليكم ..

الكل : وعليكم السلام والرحمه ..

محمد " ييلس حذآل أبـوه "

مهرة : اسمحولي بسير حجرتيه ..

الكل : مسموحه ..

مهرة " سـآرت "

محمد : هـآ فطـيم شهبـآتج ..؟!

فطيم : حمدالله بخير ..

محمد : أعيل رويض مـآ يت !

فطيم : تقـولي نـآصر مـآيروم اييبهـآ ..

بـومحمد : بس عليهم أمس فـآزعيلج الفليل ..

فطيم " تـوقف " : آخ ، بسسير حجرتيه أنـآ ..

حمده " تـوقف " : ويـآج جـآن محتـآيه شئ ..

رآشـد : حمدوه لـآ تيلسين تشلين بنت فطيم هاي الدبدوبه ..

فطيم " تطـآلعه بنص عـين " : محد دبدوب غير ولدك اللي بيي ان شـآء الله ..

رآشـد : ههه خييبه مـآ يسوى عليه .. " يشل بنت فطيم وتمت تصيح "

فطيم : يا الله رآشــــد بروحي تعبـآنه وانته متفيج تصيحهـآ ، هـآتهـآ فـوق أشـوف .. " سـآرت حجرتهـآ فـوق بمسـآعدة حمده ولحقهـآ رآشـد "

آليـد " يطـآلع زآيـد "

زآيـد : خيبه الشيبة محرج .. " ييلس حذآله " بلـآك أبـويه ..؟!

آليـد : متى بتعرس أنته ! أبـآ أشـوف عيـآلك ، سير هـآت حرمتك خلهـآ تهمزنيه ..

زآيـد : هههه اتريـآهـآ تخلص الجامعه ..

آليـد : هـآذن بنـآتنـآ درسن ويلسن فـ البيت يربن آلعيـآل وهي إلـآ شرآتهـن ..

زآيـد : يصـير خـير إن شـآء الله ..

آليـد : سير ازقر امك خل تيبلي حليب بـوش ..

زآيـد " يطـآلع بـومحمد " : ألحق جـآن مـآ خرف آلـشيبة ..

آليـد : منو آلشيبه هنـآ ! مـآ أشوف حد أنـآ ..

زآيـد : أبـويه الله يهديك امـآيه متوفيه من زمان !!

آليـد : أنزين سير زقرهـآ ..

بـومحمد : سير هـآتله دوآه شكله اليوم مـآ شربه ..

زآيـد " يوقف " : يسويهـآ ..

.

.

بــيت بـوسعـيد ..

" حجرة عبـدالله "

عبدالله : ألــو ..

غلـآ : استغفر الله متى بتفكني من صـوتك انته !

عبدالله : أفـآ افـآ ..

غلـآ : تـرآني مب رآده لـ شئ بس عشـآنك أذيتني ..

عبدالله : أنـزيـن ليش مـآ تفهميني !

غلـآ " تعلي صـوتهـآ " : افهم شـو ! وآحد لـآ أعرفك ولـآ تعرفني ودآقلـي أون تحبني ! تحبني من الهـوآ إن شـآء الله !!

عبدالله : خلـآص لـآ تعصبـين ، بسسكر ..

غلـآ : يكـون احسن بعد لـو مـآ ترد تتصل ! " سكــرت "

عبدالله " يطـآلع آلفـون " : عنـــيـــد !! " يلس شـوي عقب سـآر الصـآلـه "

آلصـآله ..

عبدالله : مـآ عندج بيت انتي يـآيتنـآ بتبـآتين هنييه !

نورة : والله بــيت أبـويه ..

عبدالله : مـآ عندج بيت ألحـين غير بيت ريلج شـو تبين يـآيه !

نورة : أففف انته كل يـوم برع البـيت شـ معنى آليـوم يعني !

ام سعيد : بس بس من ضرآيبكم استهدوآ بالله ..

عبدالله : هـآي جنه مـآ عندهـآ بيت ومرتزة هنيه دوم .. الوآحـد يبـآ الفكه ..

نورة " تـوقف " : بسير بـيت خـآلي أبرك .. " تصد صـوب امهـآ " أميه ما بتسيرين ويـآيه ؟!

ام سعيد : مسـآعه يـآيه من عندهم ، سيري جـآن بتسيرين ..

نورة : يلـآ ععيل ..

عبدالله " يـوقف " : بسسير ويـآج ..

نورة " تصد صـوبه " : نعـآآآآآآم ليش جي لصقه !!

عبدالله " ابتسم وتخطاهـآ "

.

.

.

أبـوظبـــي ..

بــيت بـونـآصر ..

آلصـآله ..

حـآمـد : خلـآص بـآجر أنتي عندي !

شيخة " تبتسم " : هــيه ..

حـآمد : ع آلسـآعه كم يعني !

شيخة : كيفك أنته متى تبـآ ..؟!

حـآمد : آلسـآعه 8 اوكيه !

شيخة : امم هــي اوكيه ..

حـآمد : مب قـآصرنج ششئ ..؟!

شيخة : شـوفت عيـونك ..

حـآمد : تسلمـين ، أنـزيـن أنـآ مشغـول شويه مـآ تـآمرينيه بشئ ..؟!

شيخة : سلـآمتك آلغـآلي ..

حـآمد : الله يسلمج .. " سكـر "

ام نـآصر " يـآيه من حجرتهـآ " : غريبه هنييه انته آليـوم !

حـآمد : ههه إلـآ انتي غريبه هنيه اليـوم ..

ام نـآصر : وآبـوي عليك تشـوفني هـوآمه !

حـآمد : هههههه آسفـين آلشيخة ..

ام نـآصر : هـآ متـى بتي حرمتك ..؟!

روضة " نـآزلة من فـوق " : آلسلـآم عليكم .. " يلسست حذآل عمتهـآ "

: وعليكم السلـآم ..

ام نـآصر : يـآ الله يَ بنيتيه جيه جي غـآدي ويهج ! جـآنج تعبـآنه سيري اطيْحيّ في حجرتج ..

روضة : لـآ مب تعبـآنه ، ملل فـوق قلت بنزل أحسن ..

ام نـآصر : أعيل نـآصر وين عنج ..؟!

روضة : مـآ ادله والله ، كنـآ رآقدين ويـوم وعيت مـآ لقيته ..

حـآمد : لقيته مسـآعه يقـول عنده شغل ..

ام نـآصر : انزين مـآ قلتلي متى بتي حرمتك ..؟!

حـآمد : بـآجر إن شـآء الله ع آلسـآعه 8 ..

ام نـآصر " تصد صوب روضة " : ترآهم مـآ بيسـون عرس ولـآ شئ سيدآ بييبهـآ هنـآ وبيعيشـون عـآدي ..

روضة " استغربت " : أهــآ " تطالع حـآمد " وشيخة رآضيه ..؟!

حـآمد : هيي أكييد ..

روضة " تبتسم " : زيـن الله يسعدكم ويهنيكم ..

ام نـآصر و حـآمد : آمــين ..

ام نـآصر : اشوفج تعبـآنه سيري كليلج لقمه ورقدي ..

روضة " تبتسم " : عـآدي عمتيه ، دوم جي ..

ام نـآصر : لـآ لـآ إلـآ آليـوم غير ..

روضة : ههه عـآدي عـآدي ..

ام نـآصر : عنبـو امتني شـويه بتهلكين عمرج إذآ بتمين ضعيفه ..

روضة " تبتسم "

ام نـآصر " تقوم " : بسير أييبلج لقمه تـآكلينهـآ ..

روضة : عمتيه مـآ أبـآ ..

ام نـآصر " سـآرت "

حـآمد : مـآ تعرفينهـآ أمـآيه !

روضة " تبتسم " : مـآ تبـآ مسـآعده فـ شئ ولـآ محتـآي شئ لحجرك والترتيبتآت ؟!

حـآمد : مـآ تقصرين مخلص كل شئ ..

روضة : زيــن ، هـي مـآ قـآلت تبـآ عرس ؟!

حـآمد : حتى لو قـآلت أنـآ مـآ بسوي وعمتيه توهـآ متوفيه .. " يقولها عمتيه لـأنها عمة اخوه "

روضة : الله يرحمهـآ ..

نـآصر " يدخل وهـو يغني ، وصل جريب منهم وسلم ويلس حذآل روضة "

..

" يطـآلعهـآ " : جي جيه ويهج ! هالكثر مشتـآقتلي !

حـآمد " يبتسم ويلعب بـآلبي بي "

روضة " تغير آلسـآلفه " : وين سرت !

نـآصر : احـوط .. أمـآيه وين ..؟!

روضة : سـآرت المطبخ ..

نـآصر : إذآ تعبـآنه ليش ييتي تحت !

روضة : ملل فـوق ..

نـآصر : هي لـأني انـآ محد ..

ام نـآصر " تي " : هـآ بنيتيه كلي .. " تمدلهـآ الصحن " هـآ الهـوآم يـيت !

نـآصر : أوه محرجه العيـوز !

ام نـآصر : سـآير تحوط ومخلي حرمتك .. جـآد تعبت ولـآ شئ ..!!

نـآصر : مـآ عليج منهـآ هـآي قطـوة ام سبع اروآح ..

روضة " شرقت وشربت مـآي عقب طالعته " : الله اكبر عليييك !

ام نـآصر : سم بسم الله عليهـآ عن تجتل ولدك !

نـآصر : عيني مب حـآرة ..

روضة " تحط الصحن ع الطـآولة وتـوقف " : اسمحوليه بسير حجرتيه ..

ام نـآصر : هالله هالله بعمرج بنيتيه ..

روضة : إن شـآء الله .. " سـآرت فـوق "

. . . .

بعد دقـآيـق ..

فـ حجرتهـآ ..

" وآقفه تطـآلع من الدريشة ، مبندة كل الليتـآت مـآعدآ ليت حجرة الملـآبس ، يعني مظلمة الحجرة شـوي ، دخـل بشـوي شـوي عشـآن مـآ تنتبه لـه ، قرب منهـآ ووقـف ورآهـآ ، فتح إيده اللي كـآنت فيهـآ آلسلسلة ولبسهـآ ، فـزت وعرفـت أنه هـو تمت سـآكته ووآقفه مكـآنهـآ ، ردهـآ ع صدره وتم ميـودنـهـآ ، جرب اكثر .. عطـآهـآ بـوسه ع رقبتهـآ ، سكرت عينهـآ بهدوء وسرت فـ جسمهـآ قشعريرة ، تمت وآقفه مثل مـآهـو يبـآ ولـآ تحركت ولـآ سـوت شـئ ، جرب من أذنهـآ وهمس لهـآ : أحبج تدرين ! أعرف انج تدرين ، بس أنتي تحبيني ! خليـنـآ نعيش مثل أي زوجين ومب أي زوجين بعد أحلى زوجـين ! مـآ بنخسر شـئ .. وإذآ بعــ..

روضة " قـآطعته يـوم قـآمت عنه وجابلته وخلت بينه وبينهـآ مسـآفه " : نـآصر نحـن دايماً ننـآقش آلسـآلفه ومب نحن بعد ، انته اللي تفتح وتناقش ..

نـآصر : قلتيهـآ أنـآ كله انـآ اللي أنـآقش ، ليش انتي ما تبدين وترمسين وتقـولين ونصلح كل شئ بينـآ ..

روضة " تعطيه ظهرهـآ " : مـآ أقــدر ..

نـآصر : ليش انزين ..؟!

روضة : ..........

نـآصر : ع رآحتـج .. بـرقد أنـآ تعبـآن .." سـآر يـرقد وهي سـآرت صـآلة قسمهـآ "

.

.

.

بــيت بــو منصــور ..

حجـرة فطـآمـي ..

" تلعب ع آللـآب وترمس بــآلفـون " : مـآ ليـه خـآطر أظهــر ..

نجـود : غريـــبـه ! أنتي مـآ تبـين تطلعــين !

فطـآمي : يـآ الله نجـــود !!!

نجـود : خلـآص آسفة لـآ تصـآرخييين ..

تــوت تــوت

فطـآمي : انزين بخليج عندي خـط ..

نجـود : أوكيه ..

فطـآمي " سكرت عنهـآ وردت " : آآلـــو ..

: هلـآ هلـآ ..

فطـآمي : لـآ ترمسني زعلـآنه منك ..

عـآرف : أفــآ !

فطـآمي : بتسـآفر أسبـوع عني ولـآ بترمسني !

عـآرف : شـ سـوي شغغغل ! احمدي ربـج كنت بسـآفر شهـر !!

فطـآمي : اويـه ! لـآ الحمدالله زين أسبـوع ! أنزين شـ سويـت فـ آلديـن !

عـآرف : بعده ، يقصـون من معـآشي ..

فطـآمي : الله يهديـك لـو طلبـت مني بدآل لـآ تـآخذ من البنك !

عـآرف : عـآد ذيـج الـأيـآم مـآ تعرفت ع ححلـوه شرآتج ..

فطـآمي : فديـتـك يَ ربــي ..

. . .

حجــرة مهرة ..

" يـدخل ذيـآب وييـلس حذآل مهـرة "

مهرة : غـريبه اليـوم مـآ طلعت !!

ذيـآب : كنـت بـطلع بس سمعت شئ وأنـآ نـآزل تحت !

مهرة " تلعب ع اللـآب " : شـو سمعت عـآد !

ذيـآب : سمعت رمسة آلمعنـى منهـآ يـآيينج خطـآطيب !

مهرة " تطـآلعه "

ذيـآب : والله هـآ اللي سمعته أذنيـيـه لـآ جذب ولـآ مقلب ولـآ شيـآته !

مهـرة : يمكـن لـ فطـيم ..

ذيـآب : طـآع آلخبـيل بس ! أقـولج يـآيينج أنتي ! سمعت مهرة وعمرج وتدرسين وسـآلفه ..

مهرة : يصــير خـير ..

ذيـآب " يبتسم بخبث " : بتـوآفقيـن ..

مهرة " تضربه بـآلمخدة وتبتسم " : فــآيج ترآك ، آظهــر أشـوف !

ذيـآب : ويييييييييييييييـه ههه تستحححي !

مهرة : ذيـآبـو كلمة زيـآده والله أفرك بـآلفـون ..

ذيـآب " يـوقف " : بطلع بطـلع ورآيه مغـآزل تبين تشـوهيني ! " طلع "

مهرة : الله يهدييييـك !

. . .

قــسم منصـور ..

" يـآلسـه فـ آلـصـآله ، مشغله آلتلفـزيـون وسرحـآنه "

" دخل و اتنهـد " : صدق هـآلشبيبـه مـآ ينمل منهم " يلس حذآلهـآ وابتسـم " أشتقتيلي ولـآ لـآء !

عليـآ : .............

منصـور " يمـرر إيـده جـدآم ويههـآ " : أششش وين سـرتي !

علـيـآ " انتبهـت على وجوده " : مـآ سـرت مكـآن .. " وقفـت " بسـير عند عمـوه انـآ .. " لبست شيلتهـآ وطلعـت "

منصـور " عقد حـيّـآته " : شـو فيهـآ !! من كم يـوم متغـيره .. " قـآم وسـآر تسبح ، لبس جلـآبية نـوم وطلع عندهـم فـآلصـآله "

. . .

آلصـآله ..

" يـآلس حــذآل أبـوه وهي يـآلسه حذآل أمه "

بـو منصـور : بـآجر بتسيـرون دآر آلحـي !

منصـور : هــي عند آلعــم .. مـآ بتسـيرون ويـآنـآ !

بـومنصـور : لـآ عمك عـآزمنـآ ..

منصـور : أتعذرولـي منه اعيل ..

بـومنصـور : إن شـآء الله ..

فطـآمي " نـآزلة من فـوق " : هـــآي .. " يلسـت حذآل عليـآ " شخبـآرج ..؟!

عليـآ " تبتسم " : حمدالله تمـآم .. شخبـآر آلجـآمعه ..؟!

فطـآمي : مـآشـئ حـآلهـآ ..

عليـآ : الله يـوفقج .. كم بـآقلج !

فطـآمي : سنتــين ..

عليـآ : زيــن ..

فطـآمي " تقـول فخـآطرهـآ : يبـين عليهـآ صـآيحه ومضـآيجه بععد ، ولـيش مب يـآلسـين حذآل بعض ! آلله صـآير شئ من بــينهم ! زيــن زيــن آليـآي أكثر إن شـآء الله .. بتشـوف يـآ منصـور بطلع ذآك آلكف من عيـونك ..

بـومنصـور " يقطع تفكيرهـآ " : بـآجر بنسـير عزيمة مسـوينهـآ قـوم عمج وبتسـيريـن !!

فطـآمي : أمممم بشـوف لـين بـآجر ..

منصـور : سـيري شـو تسـوين هنيه !

فطـآمي : يصـير خــير ..

.

.

.

بــيت عم منصــور ..

سيف " يدخل على أخته آلحجرة " : شحـآلج ..؟!

: بخـير ، آمــر ..؟!

سـيف : بـآجر عزيـمة !

: هـي ..

سيف : منـو بييـنـآ عـآد ..؟!

: منـو بعد ! قـوم عمـي وعمتيه ..

سـيف : منـو بيي ويـآهم !

" بخبث " : عـن منـو تسـأل بـآلضبط ..؟!

سيف : مب عن حـد ..

: لـآ تخـآف كل آلبنـآت بــين ..

سيف " يضربهـآ بـآلخفيف " : يـآ حيـوآنه !

: هههههههه قـول مب عسـب آلبنـآت !

سيف : يـآ الله هالكثـر طـآيح من عينج أنـآ !

" تحظنه " : أونك عـآد ! أستهبل ويـآك !

سيف : هههه ادري ..

.

.

.

آليـــوم آلثـآني ..

يـــوم آلجمعه ..

أبــوظبي ..

بــيت بـونـآصر ..

" قسـم نـآصر "

نـآصر : يلـآ بنسـير آلعيـــن ..

روضة : ألحــيــن !!

نـآصر : هي وبنـرد من وقـت عسـب شيخة بتـي وقـوم خـآلي ..

روضة : أنـزيــن ..

نـآصر : أتريـآج تحت ..

روضة : أوك ..

" لبست عبـآتهـآ لـأنهآ اوردي كـآنت متلبسة ومتعدله ، شلت فـونهـآ وشنطتهـآ ونزلـت "

...

آلصـآله ..

نـآصر : نسـير !

روضة " وآقفه " : يلـآ ..

نـآصر : مـآ تبسيـرين ويـآنـآ أمـآيه !

ام نـآصر : لـآ لـآ بيلس أسوي وأرتـب بيـون قـوم خـآلك بعدين ..

نـآصر " يقـوم " : زيــن ، أعيل مـآ بنتـأخر عليج ..

ام نـآصر : الله يحفظكم ..

نـآصر وروضة " طلعــوآ "

.

.

.

آلـعــيـن ..

آلظهـــر ..

بــيت بـومحمد ..

آلصـآله ..

روضة " شـآلة بنت فطـيم " : ههه أنـزيـن بلـآك خـآيف ..

نـآصر : شـوفـيج ! أخـآفهـآ تطيح !

روضة : رد إيدك ع ورآ شـوي ، اوكيه جي زين .. " حطتهـآ بين إيديـه ويلست حذآله "

نـآصر " مبتسم ويطـآلعهـآ ، بـآسهـآ ع يبهتهـآ ومسح ع خدهـآ بصبعـه "

رآشـد : طـآع آلحنـون هنــآك !

نـآصر : ع بـآلك أنـآ مثلك !

فطـيم : ويــو سكتـوك ..

رآشـد : جب جب يلـآ سيري بيت ريلـج .. " يطـآلع نورة " وأنتي بعد بيت ريلج ..

نورة : يــآلسه هنيه ع جبدك ..

رآشـد : قـومي قـومي حمدوه نسـير ..

حمده : بيلس عند أخويه ..

رآشـد : آخ ويهي حرقـتوه اليـوم من كثـر مـآ تقفطـوني !

نـآصر : ههه تستـآهـل مـآ تسكـت إلـآ جــيـه ..

نـورة : أعيـل اختي ويـن ؟!

رآشـد : اختج آلرومنسيـه ويـآ أخويه الرومنسي مـآ يظهـرون من حجرتهم ..

زآيـد : إيييه بتحسدهم أنته !

نـآصر " يعطي روضة آلبنـوته " : يـودي ..

روضة " شلتهـآ "

فطـيم : الله يرزقكم بنـوته حلوه شرآتهـآ ..

نـآصـر : أبـآ ولــد أنـآ ..

فطيـم : شـو تبـآه آلولـد ! بيصيح عليك ويـل بـآجر ..

نـآصـر : ههههه ..

رآشـد : طـآع آلبـويه هنـآ ! وين سعيد عنج ..

فطيـم : يـآهل مستـوي أنته آلـيـوم ..

سلطـآن " ولد فطيم ، يضرب نـآصر " : لـيش تزخ نونوتنـآ ! أحتيه هي مش احتك ..

نـآصر " يكشكش شعـره " : إن شـآء الله آلشـيخ ..

سلطـآن : قـوم ودنـآ آلدتـآن ..

لطيفة : لـآ نبـآ آلشيشة ..

سلطـآن : عـيب آلبنـآت مـآ يتـبون آلسيـآرة ..

روضة : ييييي يييييه يـآ ولـد سَعّـود أشـوفك قـآص ع بنتنـآ !

سلطـآن : جـب أتـي ..

نـآصر " يفتح عيـونه ع وسعهن " : لـيش جي تقـول حق حرمتيه !

سلطـآن : ع تــيفي ..

نـآصر : مـآ بـوديك آلدكـآن ..

سلطـآن : لـآ أبـآ أســير ..

نـآصر : أول شئ عطهـآ بـوسه وقـولهـآ آسف ..

سلطـآن : أنـزيـن .. " يبـوس روضة " آشــف ..

نـآصر " يـوقف ويطـآلع روضة " : بـوديهم ويـوم بـرد بنسـير ..

روضة : أوكـيه ..

فطـيم : تـو آلنـآس ! مـآ يلستـوآ !

نـآصر : ورآنـآ أشغـآل نحن مب فـآضين مثلكم ..

فطـيم : كبششش ..

نـآصر : هههه .. " شل سلطان ولطيفة وسـآر ويـآهم آلدكـآن "

حمده : رآشـد بسـير أبوظبـي .. " توقف بتسير قسمهـآ "

رآشـد : ســيري وبـآتي هنـآك إذآ تبـين ..

زآيـد : غريبه رآضي آليـوم ..

رآشـد : بسـير أتحوط فـ دبي ..

حمده " تتخصر " : يـآ سلـآم ..

رآشـد : شغل شغـل ..

حمده " طالعته عقب سـآرت "

رآشـد " قـآم "

زآيـد : ع ويــن ..؟!

رآشـد : بســير أرآضيهـآ .. لحد يقطع علينـآ .. " ابتسم وغمز لهم وسـآر "

آلكـل : ههههههه ..

.

.

.

أبــوظبــي ..

آلسـآعه 8:10 ..

آلصـآله ..

" تـوهم دآخلـين "

" سلمـوآ ع آلموجوديـن وتبعـوهـم لـ قسمهم ، دخلـوآهم وطلعـوآ عنهم ، يلسـوآ فـ آلصـآله يرمسـون ، تعشـوآ وع آلسـآعه 9 روحـوآ "

حجرة حــآمد ..

" علقت عبـآتهـآ آللي كـآنت شـآل وفيهـآ فصـوص سوآرآفسكي صغـآر ، خطفـت حذآله بفستآنهـآ الـأبيض اللي موديله اجنبي ، ابيض مخصر ومـآفيه شغل أبدا يـآغير كسرآت ، مكيـآجهـآ وردي سيلفري ، تسريحه نـآعمه وهـآديه ، طـآلعت عمرهـآ فـ المنظرة يلست ع كرسي المستـوآليت ، مجـآبلتنه ومنزله رآسهـآ ، يـآلـس ع آلغنفه ويطـآلع تحركـآته ، تحدد مصيره ويـآهـآ وصـآرت زوجته ، قـآم وعلق كندورته .. توجه للسرير شغل الـأبجـورة ، طـآح ع آلسريـر وتلحـف تهربـاً عن أي شئ رآح يصـير ، رفعت رآسهـآ وانقهرت منه .. تمت يـآلسه و آلحقـد فـ عيـونهـآ ، عقب شـوي قـآمت ومسحت مكيـآجهـآ وتسبحت ، نشفت شعرها و لبست قميص طويل لين الركب أحمر حرير ، تعشت من آلعشـآ آللي كـآن ع آلطـآولة آلصغيره آللي فـآلحجرة ، بندت آللـيت وتم ليت الـأبجـورة آلخـآفت .. أنسدحت حذآله وتلحفـت "

.

.

.

حجــرة نـآصر ..

يـآلسه ع طرف آلشبريه ومنزله رآسهـآ .. طلع من الحمـآم ويـود فـونه يجيك ع شئ .. سمع شهقـآت .. لفـف صـوبهـآ واستغـرب منهـآ .. جرب منهـآ ويلس حذآلهـآ ، مد إيده لـ ذقنهـآ ولفه صـوبه ..

" مستغرب " : لــيش تصيحين !

روضة " تمسح دمـوعهـآ "

نـآصر " يعقد حيـآته " : شـوفـيج ..؟!

روضة : أشتقت لـ أميه ..

نـآصر " تنهد وحظنهـآ "

روضة : أنـآ تعبـآنه !

نـآصر : شـو آللي ممتعبنج ..!!

روضة : مـآ بتفهم عليه لـو شـوقلت .. لـو امـآيه موججوده بتخفف عليه .. أنته ريـآل مـآ بتفهم ..

نـآصر : انـزيـن أرتـآحي لـآ تعبين عمرج ..

روضة " قـآمت عنه وطـآحت ع آلشبرية "

نـآصر " يلحفهـآ " : إذآ تبين شئ وعيني وإذآ تعبتي بـوديج آلمستشففى ..

روضة " تغمض عينهـآ بـهدوء وتهز رآسهـآ بـ معنى أوك "

نـآصر " بند الليت ، فتح بـآب الحجرة ويلس فـ آلصـآلـه يطـآلع التلفزيـون ، عشـآن إذآ زقرته يسمعهـآ "

.

.

.

انتههى آلبـآرت ..

آرآئكم + أنتقـآداتكم + توقعـآتكم ..

مـآ بقـى شئ ع نهـآية آلروآية ..

أبصمـوآ بصمـآت حلوه مـآ أنسـآهـآ ..

السموحه ..

وكـونـوآ بـآلقرب دآيماً ..