منتدى استراحات زايد - روآيتـي الأولى . . بفـرض وجـودي بكبـريآئـي وغروري لأني بشـعورك صدق مـآ عدت أهتم |~

البـآرت الـ 21

.
.

اليوم الثـآني

اليده [ ام محمد ] : يلا ودووووووووني عند بنتي ودووني اقولكم

بو رآشد : بس امايه كيف اوديج عندهم . . امها موجوده وي ريلها

اليده : انا ما يخصصني . . ودوني لها

أم منصور : خلآص امايه شمسه بتودينا

أم سعيد : خلآص يا فيصل انا و لطيفه و امايه بنسير

البنات : نحن بعد نبى انسسسسسسسسسسسسسسسير

رآشد : وين ان شاء الله ناوين تزيغون البنت . . استريحوو . . البنت روحها مب متفيجه

ذيآب: رششود انت شفتها

رآشد وهو يسوي حركه بـ حوايبه : هيي هع هع

مطر و سعيد : اوووووووونه . .كيف شكلها . . وشوو استايلها . . وكيف اسلوبها

رآشد : عووذ بالله منكم . . قلت البنات وطلعتو انتو اخس . . يلآ مناك ما بقولكم ولا شي

بورآشد : لا تستعيلون . . بتشوفونها بس البنت احين حالتها ما تسآعد

ريموه : ابويه لازم احين نحن نكون يمها عسب ما تحسب بالغربه وتحس انه عندها اهل وعايله

بو رآشد : ادري . . بس يا ريم صعبه . . البارحه وانا يوم كلمتها ردتني . . كيف لا سرتو لها كلكم

اليده : يلا يا شمسه خلينا نسير

يسيرون أم سعيد + أم منصور + اليده بيت بو ساره

.
.

اليده + أم سعيد + أم منصور : السلام عليكم

أم ساره بـ تكبر : وعليكم السلام . . خير شو تبون

اليده : شحالج يا خديجه !

أم ساره بـ غرور : بخير دام انتو بعاد عنا

أم منصور بـ عصبيه : خديجه اقصري الشر . . نحن ياين نشوف بنتناا

أم ساره : ما عندكم بنت اهني . . ويلا لو سمحتوو برع من غير مطرود

حسن : حبيبي منو هايل ؟

أم ساره : هايل مزعجين وياين يطرون . . يبون بيزات

حسن : زين حياتي عطيهم . . حرام يمكن محتآجين

ام سعيد : لو سمحتي يا خديجه احترمي نفسج . . واقصري الشر

اليده بـ عصبيه : خدييييييييييييجه احترمي نفسج وثمني رمستج . . والاحترام مب لج ترا . . نحن ياين نبي نشوف البنت

ساروه وهي نآزله تبي تروح تشرب ماي بس سمعت صوت صراخ وسارت

ساروه : شو السالفه !!

اليده وهي تشوف ساروه ودموعها ف عينهاا

أم ساره : ما علييج هايل ياين يطرون . . يبون بيزات

أم سعيد بـ عصبيه : خديييييييييجه وبعدين وياج احترمي نفسج

ساروه : هههه لا تعبون عماركم . . هاي ما تعرف الاحترام و الحشيمه

اليده وهي تدخل الصاله وتبي تسير عند ساره

حسن : انتي يالعييييييوز بررع

ساروه وهي تشوف اليده وتشوف الشبهه الي بينها وبين اليده و تذكرت ابوهاا

أم منصور : امايييييه خلينا نسير . . ها البيت شكله ما يعرف الحشيمه و الاحترام

ساروه : لحظه منو انتوو !!

أم ساره : ساره دخلي داخل

حسن : وانتي يا عيوز ما تفهمين طلعي يلا

ساروه : انت ايييييييييييييييييه احششم عمرك . . البيت مب بيتك يا استاذ . . وتسير عند يدتها وتقولها : انتي منوو !!

اليده وهي تصيح وتحضنها : اناا انا يدتج . . انا ام محمد ابوووج . . ااه يا ريحت الغاااالي

ساروه ودموعها تنزل وتقول : يدوووووووووووه . . ابويه راح خلآآصصصصصص . . راااح . . ليييييش تركتيه . . رااح وما بيرجع خلآصصصص

اليده وهي تصيح : ااه الله يرحمه الله يرحمه . . هاي كتبت ربج يا بنتي . . شحالج انتي ؟

ساروه وهي تمسح دموعها : بخير يدوه . . بخير لأنه ابويه احين بخير . . ابويه ترا بخير والله . . هو كان مستانس . . وتعرفين زين انه الله خذاه . . ع الأقل يرتاح من العذاب الي فيه . . يرتاح من الدنيا و الي فيهاا

أم منصور : الله يرحمك يا محمد الله يرحمك . . تعااالي يا ريحت الغالي . . وتحضنها

ساروه : انتي عموه لطيفه صح !!

أم منصور : هي انا . . كيف عرفتي

ساروه وهي تصيح : باباتي كلمني عنكم . . هو وآيييد يحبكم . . كان مشتاق لكم وآيييد . . وتشوف أم سعيد وتقول : انتي عموه شمسه صح !

أم سعيد : هي انا شمسه انا . . وتحضن ساره

ساروه : الله يخليكم سامحوو ابويه اذا غلط في حقكم . . خلوه يرتاح . . هو كله كان يقول . . انا ابي اهلي يسامحوني بس هذا كان الي يتمناه

اليده وهي تصيح : مسامحينه مسامحينه

أم ساره : يلاا لو سمحتوو برررع

ساروه بـ عصبيه : ما يخصصصصصصصصصصج انتي . . مب ع كيفج ادخلين الي تبينه وتطلعين الي تبينه

حسن : سسسساره احترمي نفسج

ساروه بـ ثقه : محترمه نفسي اكثثر منك ومنهاا . . وانتو لو فيكم ذره احترام جان ما سويتو الي سويتوه

اليده : ساره بنتي تعالي اسكني عندي

ساروه : ما اقدر يا يدوه ما اقدر اترك هالبيت واي

أم منصور : دخيلج يا بنتي تعالي عندنا

ساروه : ما اقدر افهموووني

أم ساره : وبعدين شوو ع كيفكم تشلون البنت . . لييش هي ما عندها ام !

حسن : مب ع كيفكم تاخذونها وتحرمونها من أمها

أم سعيـد : نحن قلنا بنخليها تسكن عندنا . . وامها تقدر تزورها وقت ما تبي

ساروه وهي تضحك وبـ استهزآء : هه هه هه ضحكتووني . . للاسف انا ما عندي ام . . ومحد مسؤول عني تفهمووووووووووووووووون

اليده : يا بنتي تعالي عندي

ساروه : يدوه دخيلج لا تغطين علي . . بيكم بس ما اقدر اترك البيت

ام منصور : خلآص خليها ع راحتها امايه

أم سعيـد : يلا عيل نحن لآزم نسير

أم ساره : افففففف ما بغيتوو

ساروه بـ عصبيه : انتي وبعديييييين ويااج . . احترررررررررمي نفسسسسج . . وبعدين ما اسمح لج هايل اهلي تفهميييييييييييييييين

حسن : بالأول انتي احترمي نفسج وتكلمي وي امج مثل الناس تفهمين

اليده : خليهم يا ساره . . يلا يا بنتي تبين شي ؟

ساروه : سلآمتكم

اليده : والله اني خايفه عليج منهم يا بنتي

ساروه بـ فخر تقول : ما عليج يا يدوه لآ تخافين . . بنت ولدج محمد انااا

أم سعيد + أم منصور + اليده : هالله هالله بعمرج . . مع السلامه

ساروه : مع السلامه

عقب ما سارو

ساروه سارت عند امها وقالت : لوسمحتي . . مره ثانيه لا تكلمين الناس جي . . انا ما ارضضضضى عليهم تفهمين . . واذا مره ثانيه قلتي لهم جي ياويلج تفهميييييييييييين

حسن ينش ويبي يظربها

بس أم ساره تمسكه

أم ساره : اهدا حبيبي

ساروه بـ لوعه جبد : هههه والله وطلعتي تحبين . . وتشوف حسن وتقول : وانت منو تكون عسب تمد ايدك !

حسن وهو يشوفها من فوق لين تحت

ساروه ما حبت نظراته وسارت فوق

أم ساره : خلها تولي حبيبي لا تحط عقلك بـ عقل ياهل

حسن : اوكي بس عشانج

ويردون ويشوفون التلفزيون

.
.

نهـآيه البـآرت

شو تتوقعون يستوي

شو رآح يصير بين ساره و حسن و ام ساره !

هل اليده بتقدر تقنع ساره تروح تسكن عندها ؟

شو رآح يصير بين ساره و عبدالرحمن و سيف ؟

اتريا توقعاتكم

لا تحرموني طلتكم

تحيـآتي لكم