منتدى استراحات زايد - عـ|ـمرك سمعـ ـ ـت بـ(طير ) ويحـب سجـ ! ــآنه

البــ\19\ ــآرت التآسع عشر ,,

:ف6018:

مدخ ــل ,

دهمنـي ليلي أتأمل
حكـآيآ عمر منسوبه
وحـآله من بعد لأول
صحيح تغير أسلـوبه

فهد يــآلس ويـآجنآن ,,

فهد : هو ألآ منصدم صدقينـي , يعني مب متوقع أنج تروحيـن ولآ تودرين هالبيت
جنآن : وأنـآ مـآقلت بودره هو اللي يبـآني أودره
فهد : مـآعليــه مشـي ويـآه ولآ ترآدينه
جنآن : لآآآه , أنته شفتـه بالذمه كيـف يرمسنـي , ولآ جنه يعرفنـي همه الوحيد أظهر
فهد مب عـآرف شو يقول : أزمه وتعـدي الغلآ , صبري بنشوف حل عقب
جنآن : هه بظهرتـي طبعآ
فهد بلوم : جنآآآآن , مـآتبين تسيرين لآ تسيرين أي مكآن , هالبيت بيتج ,
جنآن : كــآن
فهد : جنـآن لا تزعليـني منج بهالرمسه ,
جنآن والعبره خـآنقتنهـآ : وآقع يـآفهد , وآآآآقع
فهد وقف : خلج جــي عيل , وأنـآ مـآبرمسج فهالموضوع ولآ لـي خص فيج ,
جنآن وخلآص الدمعه زآهبه : حرآم تتغيرون كلكم علــي , والله حــرآم
فهد رد يلس عدآلهـآ وحط إيده ع كتفهـآ : مـآتسمعين رمستج , أنتـي بروحج تقهرين بهالرمسه ,
جنـآن : والله من الضيقه اللي فيـني ,
فهد : مـآعليـه خلج أقوى ’ ولآ تبينين لآ لنآصر ولآ لأمـي ,
جنآن : بس نــآصر مـآيبآنـي أتم

فهد جنـه حد صب عليـه مـآي بآرد , جنآن من عرفوهـآ وهــي تنـآدي نـآصر , بآبـآتي , بس اللحين قـآلت أسمه بدون حتى كلمة أبويه , معقولـــه بتنسـى من يكون نـآصر بالنسبه لهـآ !

جنـآن : بلآك فهد ؟
فهد بغموض : جنــآن , نــآصر !
جنـآن فهمت علـيه : مقهور فهد والله مقهوره منه ,
فهد وقف وسـآر صوب البـآب , وقبل لآ يظهــر : هه عقبـآل مـآتنسين من نكـون , وظهر عنهــآ وخلــى جنــآن تصيح بصمت , بدون أي صوووت , الدموع الشي الوحيد اللي بعبر عن اللي دآخلهــآ ,
من ( ضيق , حزن , ألم , غصه , خوف , تعب ) , نزل ع أنــه نهر مـآيندرى متــى بيوقف . .

ع السـآعه 12 ونــص بلـيل ,
بيت أبو حمــد ,

عليــآ فغرفتهــآ ,

الكـل يعرف أن عليـآ دخلـت بترقـد , لــكن اللي مـآيعرفونـه أنه عليـآ حرآرتهـآ وصلـت 40ْْ , ونفسهــآ سريع وجسمهــآ نـــآر , وشكلهـآ يقول وحده خلآص تحتضر بتموت بعد ثــوآنـي ,
مــطر توه رآد من العرس , قـآل بيروح يسولف ويـآ عليـآ شوي , وعقب بيسير يرقد , دخل الحجره وكــآنت بــآرده حيــل ,, تقرب من السرير , وشـآف عليـآ حـآلهآ بصرآحـه مـآيسر لآ عدو ولآ صديق , لونهــآ متغير وعيونهـآ حمر , وشكلهـآ أمرره منتهـي , مــطر مـآأستحمل المنظر , شلهـآ وع طول ع السيـآره ودموعه مخيسه ويه عليـآ , للعلم كـل اللي فالبيت رقووود ,
المهم, طول الدرب وهــو يدعــي ربه أن مـآيصير فيهـآ شـي , لآن هالحــآله وصل لهـآ حمد أخوووه , وعقبهـــآآآ مــآت من بعد العمليه اللي سوهـآ له , يعنـي ممكن يكون مصير عليـآ شرآت مصير أخوهــآ ونهـآيتهــآ هيه نفسهـآ نهـآية أخوهــآ , مطر كـآن يصيح صـآيح يقطع القلب ع حـآل أختــه , ومســرع وكل همه يسعف أختــه ,

وصل المستشفى وع طول الحوآدث , مـآشآف حـد ,. شو هالمستشفى محد منـآوب يعنـي وآيد وآثقيـن محد بيهيم , دخل كـل الغرف مـآحصل , حد ولآ حتى فرآش , سـآر صوب الرسبشن ونفس الشي مـآحصل حد , خلأآآآآص بدى الأكسجين عند عليـآ يخف , شو الحـــل , شسوي أللحيييين , شـآف وآحــد يـآي صوب الحوآدث , المهم ركض صوبه , وكـآن الريـآل عـآطتنه ظهره وجنه يتعبث بالفون ,

مطر : دخيــــــــــــلك بتموووووووت
صد صوبــه : بسم الله , لآ تفــآول

ومن ركز ع الشخص وشـآف اللي بين إيديه , تخبل , ع طوووول , ودهـآ وسوى لهـآ الإسعـآفآت , وأحتـآجت العنـآيه وع طول حولهـآ للعنـآيه المركزه , وكـل هالوقت مطر ووآحد من الفرآشين زقروه بس , المهم ع طوووول من ودوهـآ العنـآيه , سـآر الفرآش زقر النيرسآت اللي كـآنن منـآوبآت , وكـآن الحمدالله وآحد من الدكـآتره بعد مختص فالمنـآعه موجود ,

مطر برع حجرة العنـآيه : يـآرب أرحمهـآ برحمتك , يـآرب أشفيهــآ , يـآرب هون عليهـآ يآأرحم الرحميـن ,
ظهر من الحجره , وسـآر صوبه , : تحت رحمة ربك ,
مطر وهو منفعل : يعنــيي شووووووو ؟
: حرآرتهـآ مب رآضيه تنزل , وهـي حـآليآ فمرحلة اللي يعلم بحـآلهـآ , لكن من تعدي مرحلة الخطر , بتستقر حـآلتهـآ , ومـآفي شـي جدآمنـآ غير الدعآء لهـآ
مطر وحـآس برجفه : يعنــي بتلحقه ,
مسكه من كتوفه : بس يـآمطر , حكمة ربك هذي , لا تعترض ولآ تفـآول عليهـآ , بتكون بخير وعـآفييه بس أصبر ,
مطر دزه : شووو أصبر , أختــي بين الحيـآه والمووووت , تعرف شو يعنــي بتمووووت ,
عصب : أنتتتته إييه عـآلم بالغيب وأنـآ مـآدري , أهدى شـوي وتلايم
مطر بنفعـآل : كيف بتستحمل , أبوي شو بيصيبه , ولآآآ غيييث شو حـآله من بعد مـآكآن مـآيدآنـيهـآ لآن اللي فيهـآ كآن يمر به حمد ولآآآ سهيـــل اللي متعلق فيهــآآ وآيـــد , ولآآ أنــآآآآآ كيف بستحمل كيييييييف ,
دزه ع الإيدآر , وبعصبيــه : أسسسسسسسسسسكت لآ أذبحك أنته ,
مطر وهو يصيح بهستيريـآ : أذبحــني , هيييه أذبحنــي أنــآ ولآآآ هــييه اللي تموت , أنـآ مـآبآ هالحيـآه مـآبـآهــآآ ,
ظهرت وحد من النيرسـآت , كلمهـآ وقال لهـآ يبي أبرة عسب يهدى ,’ وسوت اللي قـآله , وحطو مطــر بغرفه قريبــه من العنـآيه ,

فبيت أم رآشد , نفس الوقت ,

عبدالله : أتصلو له فالمستشفى مـآدري شو يبونه ؟
أم رآشد : بعده مـآييـآ ,
عبدالله : أدق له مـآيرد ,
غـآليه : يــآرب يكون بخييير , يـآآآرب ,
مبـآرك : يمكن عنده شغل , أن شالله مـآفييه ألآ العـآفيييه ,

فون عبدالله يرن

عشآن الحب واللي بيني وبينك
عشآن الحب عشآن أيـآمي وسنيك

عبدالله : هذآ عنــآآآد , رد عليه , ألووو
عنآد وصوته تعبآن : ألو هلآ ,
عبدالله مآيبآ يبن لحد : وينك ؟
عنآد : فالمستشفى , يتني حآله مستعجله
عبدالله : هييه , خلاص عيل مـآبنعطلك , بس كنآ نبآ نطمن عليك
عنآد : أطمنـوآ أنـآ بخير , بس
عبدالله : شو ؟
عنآد : القلب , لأ , يالله بـآي ,
عبدالله وهو مستغرب رمسة أخوه : بـآي ,

عبدالله فخـآطره : بلآآآه , هو بخير بس قلبه لأ , منو يقصــد !!

غـآليه وهييه تهز كتف عبدالله : هــآ شو قـآل ؟
عبدالله أنتبه لهـآ : فالمستشفى ,
أم رآشد بخوف : شفييه ؟
عبدالله : لآ هو بخيــر بس يـآتهم حـآله , ومـآرآم يخليهـآ ويرد البيت
أم رآشد : الحمدالله ,
مبـآرك : شفتـوآ , أنتن الحرييم أسمييكن خوفآت وتحبن توسوسن
أم رآشد : ولــدي لازم بخـآف عليــه لو تأخر , ليش تحسب قلبـونآ نحن الحريم حصى شرآتكم أنتو الريآيل ,
مبآرك : هههه حصر مره وحده
أم رآشد : هييه عيل شو , أمرره مـآتحـآتون حد ,
مبـآرك بـآس رآس أمه : أفـآ علييج يـآأمييه , تعرفين قلبي رهييف ,
أم رآشد وهي تبتسم : مـآأشوفه حن ع موآآز
مبـآرك صخ , : , ,

عبدالله : ههههههههههههه يبتيهـآ ع العوق أمييه ,
غـآليه : زين جــي خليـتيه يصخ,
أم رآشد : بيصخ أللحين برآيه , لـكن هييه كلمه وحده , موآز بيـآخذهـآ لو مب برضآه غصبن عنه , وسـآرت حجرتهــآ ,, ولحقتهـآ غـآليه ,

عبدالله : زين تســوي ,, ع الأقل بتريح بنت النـآس ,
مبـآرك : وأنــآ , !
عبدالله : أنته لـو تبـآ ترتـآح , جـآن عشت حيـآتك شرآت الكل , دآم مـآفي شي نـآقصنك , كل شي عندك بحدود , كل شي مـآينفعك ,
مبـآرك : بس الكل عندهم النظر , وأنـآ لأ ,
عبدالله : لــو تبـآ يكون عندك جـآن سرت تتعـآلج , مـآتميت يـآلس ورآضي بنفسك جـي , ومتعب اللي حوآليـك ,
مبـآرك : بسس ,
عبدالله : لآ بس ولآ شيـآته , بروحه الدكتور قـآل , العمليه نجـآحهـآ 75 % , يعني لـو مـآنفعتك مـآبتضرك , بس شو فآيدة الرمسه , لو وآحـد معـآقب نفسه بروحه ,
مبـآرك : , ,

عبدالله قبل لآ يركب فوق , : فكر فيهــآآ , وصدقنــي بترتـآح , وسـآر عنه ,

فاليوم الثـآني , اللي هو يوم الجمعه ,

طبعـآ فهاليوم عرس سـآلم وشيخه فالقـآعه , أمس كآن للريـآل بس , والكـل مرتبش ,
بيت أبو حـآرب , أبو سـآلم , أم رآشد ,
اللي يرآكـض بخوآته الصـوآلين , واللي من الصبح يخلصون أشغـآلهم , واللي واللي ..

لكن فبيت أم حمد , من سمعو الخبـر وهم ع طول سـآرو المستشفى , والخوف ممتلك قلوبهم , لمجرد فكرة أنه عليـآ تعبـآنه ومرقده فالعنـآيه ,

وفبيت أم نـآصر وفبيت أمـآيه شيخه , حـآلت تقبلهم للوضع صعب , ظهور أهل جنـآن فجأه , ردة فعل جنـآن والأكثر نـآصر , صدمت منصور بأختـه ورفضهـآ له ,

البيت اللي مـآله حس , بيت أبو حميد , البيت اللي ممكن يكون قـآدر يرتـآح فحـيـآته ,
لكن دوم الهدوووء يولد عـآصفه , شو بيصير بهم , مـآيندرى , لكن الظـآلم فالدنيـآ يلآقـي جزآه مثل مـآبيتحـآسب يوم القيآمه بعد , لكن العقوبه أكيـد فالدنيـآ أخف , رغم قسوتهـآ ع البشريه ,

هنيــه مستـآنسسسين , وهنـآك حـآلهم العكس , أبطـآل القصـه بدت نهـآيتهم تنتهـي , أولآ بمرض عليـآ , وثـآنيـآ بظهور أهل جنآن وتتعـآرفهم , ثـآلثآ زوآج سـآلم اللي ممكن يقرب نـآس ويبعد نـآس , شو بيصير , خل نشوف ,

فبيت أم رآشد ,

غـآليه : أميييه وين حطيتــي المدخن ؟
أم رآشد : تعـآلي شلي عندي فالحجره ,
سـآرت غـآليه حجرة يدتهـآ ,
صوت الجرس ,

أم رآشد تكلم غـآليه , : عبدالله وين .؟
غـآليه : عبدالله محد , بس عمييه مبـآرك موجود
أم رآشد : خليه يسير يشوف منو ع البـآب ,
غـآليه وهيه تظهر من الحجره : أوك ,

مبـآرك توه ظـآهر من حجرته , شـآفته غـآليه وخبرته , سـآر مبـآرك يبـآ يفتح البـآب , وطبعـآ هو مـآيدري أنــه لدريول يغسل السيـآره , يحسبه محد , المهم مشى وعقبهـآ تزحلق وطــآح ع ظهره , ورآسه يـآ ع حصـآه , وللعلم البـآب مـآكـآن مسكر كـآن شوي مفتوح , لأن أي حد يدق الجرس حتى لو البـآب مفتوح , من الأدب يعني يتريـآ حد أييه , بس من شـآف الضيف اللي صـآر ع طول دخل , وركض صووب مبــآرك ,

: مبـآرك , مبــآرك , دخيلك قوووم , مبـآرك تسمعني ,

مبآرك وهو شوي شوي يفتح عيــنه , بس مـآرآم يفتح عينه زود لآنه حس بضوووء فرد يسكرهـآ وبدى يفتج شوي شوي , ليين مـآفتحهــآ كــآمل ,

: مبــآرك شي يعورك , مبـآرك رد علــي ,
مبـآرك : موآآآز !!
موزه وبعدهـآ مب منتبهـآ لعيونه : هييه موآز , تحس بعوآآر
مبـآرك : , ,
موزهـآ أنتبهت لعيونه , مبـآرك يشوفنــي , حركت إيدهـآ جدآم عينه , وأبتسم لهـآ مبـآرك ,
موزه : مبــآآآرك أنته تشوفنــي ؟؟
مبـآرك ملتزم الصمت والإبتسـآمه مـآفـآرقته ,
موزه وهيه مب مصدقه : أحلف أنك تشوفنــي , أنزين هذآ كم ؟
مبـآرك يستهبل : 12
موزه وهي تضربه : لا تستهبل ,
مبـآرك : قمر وربــي ,
موزه : شو اللي قمر ؟
مبـآرك وهو يعتدل : أنتــي ؟
موزه : إيييييه أنته بترمس ولآ لآ ,
مبـآرك : ههههههه شقول ,
موزه وصوت أقرب للهمس : أنته تشوفنــي ؟
مبـآرك : ههههه شرآيج ,
موزه وقفت , : زول زول , مـآبرمسك , وسـأآرت صوب البيت ,
مبـآرك لحقهــآآآ , : موآز موآز ,
موزه صدت صوبه , ترى للعلم موآز ميته من الفرحه لآنه يشوف , وجـآن وصفنـآ حـآلهـآ مـآبنوفـي , : هــآآآه
مبـآرك وهو يتقرب منهــآآآآ : ,,
موزه : حووه حووه , وين يـآي ,
مبـآرك : خطيبتــي كيفي ,
موزه تبـآ تلعوزه : لآآآه , مب أنت اللي مرخصنــي ,
مبـآرك رآفع وآحد من حيـآته : نعم !
موزه : خلاص أنخطبت ,
مبـآرك : شووووووووووووو ؟
موزه مـآرآمت تستحمل : ههههههههههههههههههههه , وسـآرت عنه دآخـل ,
مـبآرك يكلم عمره : صدق ! لا لا تتمصخر , ولآ جـآن مـآضحكة , أنـآ برآويهــآآ , ولحقهـآ ,

موزه سـآرت تبشر أم رآشد وغـآليييه ,

موزه : عمووووووه , غــآآآليووووه وينكم ,
غـآليه وهييه توهـآ نـآزله : هووون ,
موزه والفرحه بـآينه ع ويهـهـآ : أعطيج خبر بمليووون ,
غـآليه : ههههههه مليونين وأسمعه ,
موزه : الللي تبيـــنه
غـآليييه : هههههه يالله قولي
موزه : مبــآآآرك يشوف ,
غـآليه مبهته : هــآآآه ,
موزه : وهييه أدزهـآ زولـي , ردة فعلج مـآعيبتني ,

سـآرت حجرة أم رآشد وخبرتهــآآ , وأم رآشد دموعهـآ أمرره ع الدقه , حضنتهـآ وصـآحت , ويوم شـآفت مبـآرك , سـآرت صوبه وتمت تبوسه وهوو يضحك , وغـآلييه نقس الحـآلأه من شـآفة مبـآرك , الفرحـــه مـآتنوصف , يعني اللحين الفرحه صآرت فرحتين , نظر مبـآرك وعرس سـآلم ,

فبيت أم نــآصر ,

جنـآن يـآلسه ويـآ أم نـآصر فالصـآله , دخل نـآصر ,

وبدون مـآيطآلع جنآن , : أمييه , وين الأغرآض بويدهـآ بيت أم محمد
أم نـآصر : أي أغرآض ؟
نـآصر : شو أي أغرآض , أغرآض هذي , بعد شو
جنآن : هذي لهـآ أسم ,
نـآصر : ومـآبآ أطرييه , المهم عندكم ربع سـآعه أنـآ فالسيـآره , وظهر عنهم ,
أم نـآصر : مـآعليج منه ,
جنآن : لآآ أمــييه خليـني أسير , أحسن , مـآبآ حد يكرهنـي زود
أم نـآصر : مـآكآن جي كلامج قبل ,
جنآن : أي كلام
أم نـآصر : الموت أهون علي من فرقـآكم ,
جنـآن : أمييه شفتيه كيف , مب متقبليني , كييف تبيني أتم وهو جي , مـآيهون علي والله ,
أم نـآصر : يهون علييج عيل تودرين هالبيت ,
جنـآن : وربي مـآيهون , بس مـآباليد حيله ,
أم نـآصر وهيه تقوم : برآحتــج ,

سـآرت جنـآن حجرتهـآ , وحطت أغرآضهـآ كلهـآ , وظهر ت من حجرتهـآ من بعد مـآمسحت أي ذكرى لهـآ فيهـآ , بس قبل لآ تنزل تحت , سمعت صوته ,

لا لا تظن أبقى بدونـــك
ولآ تظن أنـي بخونـــــــك
وقلبي أنـآ عـآيش يصونك
وعمـري ترى فدوه لعيونك

جنـآن ودموعهـآ مخيسه خدهــآآ , : والله مـآآروووم أعيش بدونكم والله , وركضت صوبه وطـآحت فحضنه ,

: عيل ليــش سـآيره ,
جنـآن : مـآيبـآني مـآيبـآني ,
: بس أنـآ أبــآآآج , ولآ مـآأكفـي
جنـآن : , ,

بعدهـآ عنه : مـآرديتي ؟
جنآن : تكــفي وزززود بعد
: عيل خلج ,
جنـآن : بس !

رد أغرآضهـآ الحجره , وسكر البـآب ورد لهـآ وهو يبتسم , : مـآعلييج منه أنـآ برمسه , وشرآت مـآيعتبرج مب موجوده أعتبـريه مب موجود ,
جنآن هزت رآسهـآ بوآعيــه ,

فبيت أمـآيه شيخه ,

زآيد : كيفكم مـآيخصنـي ,
منصور : شو بعد مـآيخصك ؟
زآيد : منصور ترآنـي سـآكت عنك , ومـآبـآ أرمس ويـآك ,
منصور : كيفك , وظهر للحوي ,
أمـآيه شيخه : بلاك علييه ؟
زآيد : مـآتشوفيـنه , كيف يرمسنـي جنـي أصغر عيـآله ,
وعد : مـآيقصد
زآيد : عـآد يقصد ولآ مـآيقصد , أنـآ اللي مآيحترمنـي يتحمل اللي أيه مني ولآ يسكت عني أبرك ,
غريب : هدي هدي , مآيسوى
زآيد , قـآم وســآر حجرته , نفسيته تعـبـآنه لمجرد أنــه عـآبش فبيت نوف , حب الطفولـه , وغير هذآ موتهـآ فييه و فحضوره , وع إيد وآحد كـآن ربيعه , أشيـآء متكدسه وكلهــآآآ مره وحده , همم ثقييييل دم , مـآينزآح ألآ لـو هو أنزآح من هالدنيـآ ولآ حـآول يبعده من ذآكــرته , وغير هالشـــي مآشي ,

منصور رد الصـآله , بس مـآشآف زآيد , مـآتعب عمره وسألهم , يعرف أنه فحجرته , ع طول سـآر له , ودق البـآب بس مـآلقى رد ,’ ودخل عقبهـآ , شـآفه منسدح ومغطيه ويههه بإيده , يلس عدآله ,

منصور : السسسموحه العم ,
زآيد بعده ع حـآلــــــه , : , ,
منصور : السسسسمووحه عميييه ,
زآيد : شسوي ؟
منصور : أسف والله مب قصدي , أقلل من إحترآمك
زآيد : خلاص عرفت ,
منصور : عمييه عآد ,
زآيد : خير ؟
منصور :الخير بويهك , بس ترآك أنته بروحك مكبر الموضوع يعني أنـآ عـآدي , بس أنته مـآدري بلاك ,
زآيد : مـآفيني شي ,
منصور : هه مب عـلي ,
زآيد وهو يعتدل وييلس : لآآآه أدرى بــي أكثر من نفسي ,
منصور بإصرآآر : هيييييه ,
زآيد : أطلع برع ,
منصور : أول شي قول مسموح يـآولدي ,
زآيد : لآ ومزهب الجمله بعد ,
منصور : هههه هييه , يالله قول ,
زآيد : مـآبقول شي , أطلع برع ,
منصور : سـآمحنــي ,
زآيد : بلاك منقلب وآحد هندي , يبـآ رضى وآلديه قبل لا يعرس ,
منصور : ههههه حسسيت , بس بعد سآمحنـي
زآيد وهو طفرآن : مسوووح ,يـآالله أقلب ويهك ,
منصور بمرح : ع أي صفحه ,
زآيد وهو يطآلعه بإجرآم : بتظهر ولآ ,
منصور : ههههه لا بظهر بظهر , وطلع عنه ,

فالمستشفـى ,

أم حمد : أبـآ أشوفهـآ دخييلكم ,
الدكتور : ممنوووع , بعدهآ حـآلتهـآ مب مستقره ,
أبوحمد : بس 5 دقـآيق مـآبنطول ,
الدكتور : مـآيصير
: خلهم , بس لو سمحتو بدون أي إزعـآج ,
أبو حمد : تسلم يـآولدي ,

دخلت أم حمد وأبو حمد ويـآهـآ , تمو يتأملو بنتهم اللي الوآيرآت جنهـآ هييه اللي مخليه القلب ينبض ولآ البنت جثه بلآ روووح , أم حمد مـآأستحملت , وظهرت وشوي وظهر أبو حمد بعد ,

سهيل كـآن يهدي أمه , : مـآعليهـآ شر أن شالله
أم حمد وهيه تصيح : حـآلهـآ مـآيطمن يـآولدي ,
سهيل : ربج رحييم أميه ,
أم حمد : يالله برحمتك يـآآآرب , يـأرب أشفيهـآ وقومهـآ لنـآ بالسلامه ,

فبيت أم حمد

غيث كـآن رآقد وشوي ألـآ يفز من رقـآده : بسم الله الرحمن الرحيم ,

وع طول ظهر من حجرته وسـآر حجرة أمه وأبوه ومـآلقى حد , سـآر حجرة مطر وبعد مـآشـآفه وسـآر لسهيل وبعد نفس الشي , تذكر أنه عليــآ فالمستشفى وع طول سـآر سبح ولبس وظهر من البيت وسـآر صوب المستشى ,

عند الرسبشن : لو سمحتي عليـآ أحمد ألـ .. بعدهـآ فالعنآيه
( ) : هييه بعدهـآ
غيث : مشكوره . . وع طووول سـآر صوبهم ,

شـآف أمه وأبوه وسهيل , سـآر صوبهم , : وين مطر ؟
أبو حمد : محطين له مغذي فهذيج الغرفه ,
غيث : ليش ؟ الصبح كآن بخير ,
أبو حمد : تعب شــوي ,
غيث : أنـآبسير أشوفه ,

سـآر غيث صوب الغرفه اللي كـآن مرقد فيهــآآ مطر , دخل علييه , وكـآن مغمض عينه , يـآيبـآ يظهر , بس سمع صوته ,

مطر : تعـآل ,
غيث رد صوبه , : شحـآلك اللحين ؟
مطر : مثل مـآتشوف !
غيث : مـآأحييدك جـي ضعيف فهالموآقف ,
مطر : مـآأستحملت ,
غيث : الحمدالله ع كل حـآل ,
مطر : بعدهـآ !
غيث : هييه ع حـآلهـآ ,
مطر : الله يقومهـآ بالسلامه ,
غيث : أمين الله يسمع منك ,

فبيت أم ســآلم ,

نوره : آآه الوله بــي طآلي
شـآيل هموم كبــآآآر ,
فطووم : منـو هذآ اللي أمه دآعييه علييه , وأنتي متولهـآ علييه ,
نوره وبصوت أقرب للهمس : حـآرب ,
فطوم : منووو ؟
نوه : ههههههه مـآدري ,
فطوم : أحسب سمعت أسم حـآرب
نوره : ههههه خيبه , لا لا يترآوآلج ,
فطوم ": قومــي قومــي لبسي مـآبآجي شــي ع السـآعه 8 ,
نوره : أووك أللحيين بلبس ,

فبيت أبو حمــيد ,

شـذى يـآلسه تفكــر بعبدالله , وكيف بتكــون حيـآتهـآ ويـآآآه , لآن بعد أسبوع بيملجون , فخـآطرهـآ : أعرفه , طيب , حبوب , رآعي سوآف , بس غيير يوم بعيش ويـآه فبيت وآآحد , الله يقدرنـي ع أنــي أسعده , وربي يهنيني فييه ويهنييه فيني ,

حصه , توهـآ نـآزله , من بعد مـآخلصت مغ ـآزل , : شذوي بتروحــين اليوم ولآ ؟
شذى : ويين ,
حصه : عرس ولد عم حور ,
شذى : مـآدري ع حسب ,
حصه : قومـي تزهبي لو بتروحـي , ولآ بتميين جي صحرآء يـآبسه ,
شذى : والله أمبونـي حلوه مـآيحتـآي أحط شي ,
حصه : بس هذآ يتسمى عرس , يعني المكيـآج لازم تحطينه ,
شذى : خليني أستأذن من خطيبي أول ,
حصه وهيه منقهره منهـآ : زوولي أنتي وخطيبج , عـآد من زيينه ,
شذى : عن الغلط ,
حصه : ولـي ولـي , وردت حجرتهـآ ,

حصه من عرفت أنه شذى أنخطبت , وهييه ميبته قهر , لآنه اللي ترمسه قآيل لهـآ أنه بيتقدم لهــآآ , من 3 شهور وللحيــن مآشرف , وكل مآترمسه يقول لهـآ ظروفي مـآتسمح , ومن هالخريييط ,

فالقـآعه ,

ع السـآعه 9 بدن الحريم يتجمعن فالقـآعه , وكل مـآلهم يزيــدو , وأهل المعرس والعروس وآقفيـن يستقبلو المعـآزيم , ولآ تتخبرو عن البنآت كل وحده تقول الزين عنــدي ,

نوره وغـآليه يتسـآسرن ,

نوره : بالذمـه الأحمر حلو علــي , !
غـآليه : حلووووو , بس أنـآ أحسهم مـآضـآبطين رسمت عيونـي
نوره : بروحهـآ عيوتج مرسومه ,
غـآليه كفختهـآ : ويـآهالرآس أقصد الكحل ,
نوره : هييييييييه , ألآ مـآقلتـي لـي جنآن بتي
غـآليه : صـآرلـي يومين أدق لهـآ ومـآترد ,
نوره : أوييه ليش ؟
غـآليه : مـآدري , بس أن شالله خير ,
نوره : أن شالله ,

فحجرة العرووس ,

الحرمه اللي تسوي المكيـآج تعدل الطرحه لشيــخه ,

شيخه : فطوووم بمووووووت من الخوف ,
فـآطمه : حلفـي حلفي , ترى أخـوي مـآيـآكل ,
شيخه : مـآلت عليـج , وأنـآ قلت أنه بيـآكلني !
فـآطمه : ترآج تقولين, وهي تعيب عليهـآ , بمووووووت من الخوف ,
شيخه : أنزييين , شكلي أووك
فـآطمه : وربـي قمر ,
شيخه : يعني بيعيبه !
فـآطمه : هههههه هو هذآ هو العوق , أن مـآعيبه ,
شيخه : والله يعنـي مب حلو
فـآطمه : ويـآهالرآس , بلا رمسه فآضيه , حلوووه ألآ قولـي عذآب , لو كنت ولد مـآطوفتج ,
شيخه ضربتهـآ : إيييييه , أستحي ,
فـآطمه : هههههههه عيل الله يعينج , لـو من رمستـي أستحيتي ,
شيخه : سكــتي والله بصيح لآ تخوفيـني ,
فـآطمه , : ههههههههههههه ,

برع القـآعه ,

جـآسم وعبدالله وحـآرب ومبـآرك وآقفــين يطمشون الدآش والطـآلع ,

جـآسم : أوووف ,
حـآرب : أوه أوه ليـــش هالوووف
جـآسم : مـآشي , بس أحس أنـي ملان ,
حـآرب : هههههه , منو تتريـآآآ ,
جـآسم توهق : هـآآآه لآ مـآأتريـآ حد
عبداللع دآش عرض : علينــآآآآآآ ,
جـآسم : صدقونــي !
مبــآرك : أششك ,
جـآسم : هيييه شعليــك , شبعآن من الشوف أنته ,
عبدالله : ههههه والله وظهر يتريـآآآ حد الهرم ,
جـآسم : لآآآآآآه ,
حــآرب :يتريـــآآآ حد وجـآن تبونـي أحلف مستعد ,
جـآسم : أهووو , أنـآ بسير عنكم ,
حـآرب : خخ وصلت شو ,
جـآسم يطآلع حآرب بإجرآم , : حرووووووووب
حـآرب : هههههه خلاص توكل مآبنخرب عليـك ,
عبدالله : هههههه ألحق
مبـآرك : ههههههههه

سـآر عنهم جـآسم , وركب سيـآرته بس مآبيسير مكآن بس يبـآ يتم بروحه شوي ,

فخـآطره : بتيــــي وبشوفهــآآآ , ولآ بيكون حظـي شرآت ويهــي , لحووول يعني للحين مآيت متى بتـي السـآعه 11 , أوييه لآ يكون دشت وأنـآ مـآدري , أوووف شدق بموت قهر حزتهــآآآ , أدق لغـآليه , أنزييين لو دقيت شو بقول لهـآ , هذي بروحهــآآآ بتسوي لـي سآلفه , أدق ولآ مـآأدق , أدق مـآبخسر شـــي ,

دق لغـآليه , وطبعـآ فالقـآعه الأغـآني شـآله الدنيـآ ومـآينسمع شـي ,

جـآسم وهو شبه يزآعج : حووووووه سيري بعيد عن الأغـآني مآأسمع شـي ,
غـآليه : شوووو ؟
جـآسم : سيري بعيييييييد ,
غـآليه سـآرت بعيد شوي عن الحشره , : هـآ شو بغيت
جـآسم : غليووه بسألج , يت ولآ
غـآليه : منوو ؟
جـآسم : ربيعتج !
غـآليه : أووه قصدج جنآن , !
جـآسم توه ألآ عرف أسمهـآ , أسميييه غرآم : هييه ,
غـآليه : لآآآآه ,
جـآسم : مـآبتي شو ؟
غـآليه : والله مـآدري , مـآرمستهـآ
جـآسم : أيووآ , خلاص عيل برآيج ,
غـآليه : كل هذآ شووق ,
جـآسم مـآسوى لهـآ سـآلفه , سكر فويهــهـآ ,

غـآليه وهي تضحك علييه : ههههههههه أمرره دآمر ولد العم ,

جـآسم بعده فالسيـآره بس المكــآن اللي هو يـآلس فييه مظلم , وهو مـآمشغل السيـآره , حس بحركه فالمكآن , فولع الليتـآت ,

وووووووووول , شو هـآ خفف شوي , من هالليتآت حشى حشى أنعميــــــتت ,

جـآسم مببببببببهت , لآ أنـآ الظـآهر أحلم , ولآ هذآ صدق , أويييه لعنت بو خـآمس عيونهـآ بهالليت , بنده ونزل من السيـآره ,

: حشى مب ليتآت
جـآسم كـآتم ضحكته : السسسموحه , مب قصدي ,
مب أميزه الشخص , : بالحـل , كملت دربهــآآ بس وقفه صوته , ,

مشتــآقين !
وشوق القلب شوفتكم ,
لكن اللي مصبرنــي ,’
عيونــي فيهــآ صورتكـــم

تصنمت مكـآنهـآآآ وفخـآطرهـآ : يــآويل حـآلـي أنــآآ , رآعـي الصوت ,
جـآسم : جنــونــي !
جنآن مستغربه : أمر
جـآسم : أبـآ أقولج شــي ,
جنآن صدت صوبه , : خير

وللعلم الضووء شبه معدوم , يعنـي يـآدوب تشوف منو يكلمهـآ ,

جـآسم تقرب منهـآ وهالشي زآد خوف جنـآآآآن , فكل مـآيتقرب تتبتعد وكل مـآتبتعد يوقف وعقب يتقرب , وع هالحـآله , ليــن مـآطآحت , وع طوووووووول ركض صوبهـآ ,

جـآسم بخوف : تعورتـــي !
جنآن بتصيح خلآص : لآآآآه
جـآسم : ترومـين تقومـين ,
جنآن : هييه ,
جـآسم بعد عنهـآ : يالله قومـي ,
جنآن وقفت بس حست بألم : أأأأيي ,
جـآسم تقرب منهـآ مره ثـآنيه , : شالي يعورج ,
جنآن : لآ لآ مـآشي ,
جآسم : بس قلتـي أأأي ,
جنآن أبتسمت : أستهبل ,

وحزت مـآهي أبتسمت مرة سيـآره وضوئهــآآآ كله يـآ ع جنآن ,اللي عطـآهـآآآ منظر ولآ أروع , أتخبل منه جـآسم ,

فخـآطره : يعني زود مـآأنـآ متخبل عليـج , أشوووف هالمنظر , ودج بموووتي أنتي ,
جنآن : خير شو تبــآآ ,
جـآسم : ترآنـي كل مـآقربت شوي ,تبتعدين , أبـآ أقولج شي ومـآبآ حد يسمعني
جنآن : محد موجود , قول ,
جآسم تقرب منهـآ وقبل لآ تبتعد مسك إيددهـآ وسحبهـآ صوبه وبمرجح : زخييتج ,
جنآن بطلت عيونهـآ : هـآآآه
جـآسم ضحك : ههههههه
جنآن : لوسمحت ,
جـآسم بعبط : لآ مـآأسمح
جنـآن : أيدي ,
جـآسم : بلآهـآ تعورج
جنآن بدلع عفوي : هدنيييييييي
جـآسم لآآآ ميت خلآآص : دخييييييييلج , بسني
جنآن : هـآآآه ,
جـآسم : أوووه بلآنـي أنـآ , المهم بقولج شي
جنآن : هدني وقول مـآبشرد ,
جـآسم : لآ أعرفج بتشردين ,
جنآن : أوووووف قول وخلصنآ ,
جـآسم : مممم
جنآن تتريـآه يرمس ,
جـآسم : أقولج شـي ترآنـي أغـآيض
جنآن : أعرف ترى ,
جـآسم , : تقرب صوب أذنهــآآ وقـآل بصوت أقرب للهمس , : أحبــــج ,
جنآن : , ,
جـآسم سـآر عنهــآآآ , وخلآهـآ فحـآلة صدمه , للي قـآله , ومن الطريقه اللي رمس فيهـآ , هييه من النوع اللي وآيد تتأثر بالهمس , وتحس بخوف سآعآت ,

المهم خلونــآآ , نرد القـآعه ,,

العروس أنزفت بصوت محمد عبدوه , وكــآآآنت مـآشالله عليهــآآ , ملاك , والكل كـآن يسمي ويذكـر الله , ومـآشالله عليهــآآ كـآنت أنوثتهــآآآ جذآبــه , وينقـآل يـآبخت من ضوهـآآآ ,

ومن يلست ع الكوشه بدن الحريم والبنآت يسلمن عليهـآآ , وبدت الربششه ع أصولهــآآآ , والعيـآيز مـآخلن البنآت فحـآلهن , بس طبعـآ شرآت مـآوصن أمهـآتهن كل مـآيقول لكم بنتكم مخطوبه , قولو لهم هييه , خخ

مر الوقت بسرعه واللي أعلن عن دخول المعرس , اللي مشتط يبـآ يدش ويـآخذ حرمته , ويطييييييييير بهـآآآ بروحهم ,

صوب بـآب القـآعه ,
سـآلم مشتط : حشىى متى تبونـي أدشش ,
أبو سـآلم : أستهدى يـآبوي بدش ,
سـآلم : موقفيني من سـآعه , وكل شوي يقولو صبر , مب حـآله ,
مبآرك يسـآسر حـآرب , : طع المتخبل ,
سـآلم سمعه : حوووه بروووووك , دوآك عقب مب متفيج أكوفن حد أللحين ,
مبـآرك : هههههههههه خلاص بسكت ,

عبدالله شكله كـآآآن منووور مـآشالله عليــه , وكــل من شـآفه حسس أن ربه رآضـي علييه , والإبتسـآمه طول اليوم مـآفـآرقته , وكلآآآآمه بلسم ع فوآآآد الكل , كل اللي حضرو عرس الريآيل أنعجبو فيـــه وفشخصيته , وفهاليوم عبدالله كل شوي يحضن وآحد من أهله , ولآ يطلب منه السمـآآح والرضـآ علييه , وخصوصهـآ أم رآشد , ,

عبدالله : سـآلم ,
سـآلم صد له : هلآآآآ
عبدالله حضن سـآلم , وبـآرك له , : الف الف مبروك , منك المآل ومنهـآ لعيآل
سـآلم وهو يبتسم له : الله يبـآرك فيك , عقبـآلك
عبدالله أكتفـى بالإبتسـآمه , وترخص من الكـل , وروح البيت لآنه يحس بشوية تعب , من هاليوم الطويل ,

خلونـآ نرد للقـآعه , خخ من عقب مآطفر سـآلم حلف أنه ليدخل ولآ علييه من حد , دخل وعييييونه صــآآآآآروخ للي يـآلسه ع الكوشه شرى الأميره , وتخبل الريآآآآآآآآآل , واللي يشوفه يقول مب مصدق ولآ شـآيف خير , وكـآن يمشي بخطوآت سريعه , وجنه يبـآ يسبق الكـل , ويكون أول من يوصل لهـآآآ ,

المهم

خلصووو من الرسميـآت , ألآ وهيه , يشربون عصير ويـآكلون كيك , ويتصورون ويـآ الأهل وعقب بروحهم , ويسلمون عليهم الأهل والأحبـآب , وأخر شــي , ينزفووون للسيــآره , ومن عقب للفندق , وكل حد يرد بيته من بعد هاليييوم الطوووويل ,

غـآليه وهــي منهــآآآره من الصيـآآآآآآآآآح : لآآآآآآآآآآآآآآآآآه ظهرووووه حرآآآم عليكم ,
سـآرت صوب مبـآرك اللي طـآيح ع الأرض ويصيح وشكله يقطع الآرض , وهزته , : عمييييييييييه ألحق علييييه حرآآآم عليكم بيمووووووووت , ومن شـآفت أنه مـآشي فـآيده , سـآرت لعنــآآد اللي جنه جسد بليـآآآ روح , وجنه مب عـآآآيش الوآقع أو أنه رآآآفض هالوآقع , هزته وبعد النفس الشــي لآ من مجيب , وسـآرت ليدتهـآ اللي من بعد مـآشـآفت المنظر أغمـى عليهــآآآآ والخدآمه كـآنت عندهــآآ ,,

كــــل وآحد يبـآ من يعينه , وغــآليييه الوحييده اللي صدمتهـآ كـآآآآآآآآنت وآقعيه , تستنجد بالكل , لكــنهم مـآيردون ولآ يسمعونهـآ ,

شو صــآآآآآآآآآر ؟

مـخ ’ ـرج ,

فقـــــــــدتـــك !!
وغير الغلآ مـآينفقد . .

:ف6018:

توقعاتكم ؟!