|
سارة تطالعهم وعلامات التعجب على ويها واضحة.. عن شو يرمسون؟؟؟؟؟؟؟؟؟؟ أبو سهيل: جوفي يا بنتي سارة.. الحين أنتي كبرتي وصرتي حرمة ومثل ما تعرفين المرا السنعة ما لها غير بيتها وريلها...وترى في ناس رمسونا وخطبوج سارة وهي بعدها هب مستوعبة الرمسة:هــــــــــــــــا؟ أبو سهيل: هي نعم يا بنتي.. انخطبتي.. واللي خطبج واحد منا وفينا.. يعني ولدنا سارة: بس... بس أنا بعدي ما أفكر بالزواج الحينة تقاطعها أم سهيل: شو ما تفكرين بالزواج...ما شاء الله عليج غديتي مرا والبنات اللي في سنج عندهن عيال الحينة سارة: أمايا.. هب شغلي.. ومثل ما قلت أنا هب مستعدة الحينة أم سهيل: شو هالرمسة الفاضية بعد.. كاهي حصة بنت عمج عرست وهي للحين تكمل دراستها سارة وبدت تصيح: يبا الله يخليك قول حق أمي إني ما أفكر بالزواج الحينة.. الله يخليــــــــــــــــــــك... ما أبيكم تغصبوني علي شي أنا ما أبيه أبو سهيل: حبيبتي سارة اهدي..وما في أحد يقدر يغصبج على شي أنتي هب مقتنعة فيه.. لكن أنا أبيج تفكرين قبل لا تقررين...وخاصة أن اللي خطبج هو.... حـــــــــــــــــــــــارب سارة وهي مصدومـــــــــــــــــــــــــــــــــــــــــــــ ـــــــــــــــــــ ــــــــــــــة عالآخر: شـــــــــــــــــــــــــــــــــــــــــــــــــ ــــــــــــــــــــــــــ ـــــــووووو حارب ما غيره؟ـ الجزء (12) أبو سهيل: جوفي يا بنتي سارة.. الحين أنتي كبرتي وصرتي حرمة ومثل ما تعرفين المرا السنعة ما لها غير بيتها وريلها...وترى في ناس رمسونا وخطبوج سارة وهي بعدها هب مستوعبة الرمسة:هــــــــــــــــا؟ أبو سهيل: هي نعم يا بنتي.. انخطبتي.. واللي خطبج واحد منا وفينا.. يعني ولدنا سارة: بس... بس أنا بعدي ما أفكر بالزواج الحينة تقاطعها أم سهيل: شو ما تفكرين بالزواج...ما شاء الله عليج غديتي مرا والبنات اللي في سنج عندهن عيال الحينة سارة: أمايا.. هب شغلي.. ومثل ما قلت أنا هب مستعدة الحينة أم سهيل: شو هالرمسة الفاضية بعد.. كاهي حصة بنت عمج عرست وهي للحين تكمل دراستها سارة وبدت تصيح: يبا الله يخليك قول حق أمي إني ما أفكر بالزواج الحينة.. الله يخليــــــــــــــــــــك... ما أبيكم تغصبوني علي شي أنا ما أبيه أبو سهيل: حبيبتي سارة اهدي..وما في أحد يقدر يغصبج على شي أنتي هب مقتنعة فيه.. لكن أنا أبيج تفكرين قبل لا تقررين...وخاصة أن اللي خطبج هو.... حـــــــــــــــــــــــارب سارة وهي مصدومـــــــــــــــــــــــــــــــــــــــــــــ ــــــــــــــة عالآخر: شووووو حارب ما غيره؟ أم سهيل: شفيج يما سارة.. بلاه حارب؟ سارة وقعدت تصيح وتصارخ بأعلى صوته: لأ لأ ما أبي حارب لأ لأ أكرهه ما طيقه لأ ما أحبه لاااااااااااااااااااااااااا أبو سهيل: استغفر الله..سارة بنتي اهدي شوية.. خلينا نتفاهم.. ليش بلاه حارب؟ سارة وعيونها غاديات جمر من الصياح: ما ابيـــــــــــــــــــــــــــــــــــــــــه الله يخليك يبا إلا حارب ما أحبه.. ما أبي أتزوجه وربعت فوق وهي تصارخ أم سهيل: لا بالله البنت ينت واقعدت أبو سهيل: لا حول ولا قوة إلا بالله...شكله ما كو نصيب أم سهيل: شو هالرمسة يا أبوسهيل.. هذي سارة ياهل وهب عارفة شو تقول.. نحن أكبر عنها ونعرف مصلحتها.. وأنا أشوف أن ما بنلاقي شرات حارب يصونها ويحافظ عليها أبو سهيل: ما اختلفنا.. لكن بروحج توا سمعتيها أنها هب موافقة أم سهيل: ما عليك أنته.. إن شاء الله .. الله بيهديها وبتوافق أبو سهيل: الله يهديها في حجرة سارة... سارة منسدحة على شبريتها وقاعدة تصيح بحرقة..وشوي يدخل عليها أخوها سيف.. سيف: سارة؟ بلاج تبجين؟ سارة وهي تصارخ:اطلع ما ابي أشوف أحد...آاااااااه أكرهكم كلكم.. ما أحبكم.. يا ليت أموت سيف وهو مستغرب: إنزين أنا شو يخصني؟ سارة: ما أحبه.. ما أحبه.. أكرهه سيف: منو هذا؟ سارة: في غيره يعني.. هذا الخام الخايس المغرور سيف أول ما قالت سارة المغرور عرف منو تقصد: حارب مرة ثانية.. شو سوا بعد الحينه ؟ سارة وتزيد صياحها: أكررررررررررررررررررررررهه أكررررررررررررررهه..آاااااه سيف: هههههههه ادري.. وكلنا ندري أنج تكرهينه.. شو اليديد يعني؟ سارة وهي ترفع راسها وتجابل سيف وشكلها خطرت في بالها فكرة.. سارة: سيف.. سيف: لبيه سارة: تحبني؟ سيف: ههههههههه أحيانا.. وأحيانا لمن تزعليني..لأ ما أحبج بس الحين حرام غامضتني.. سارة وتسوي شكلها يقطع القلب: انزين ممكن اطلب منك طلب؟ سيف: آمري سارة: تسير حق هذا اللي ما يتسمى حارب.. وتقوله أن سارة ما تحبك تكرهك.. ولو أنت ريال هون عن الخطبة سيف: أوكي.. ما عندي مشكلة.. بس شو المقابل؟ سارة: اللي تبيه سيف: اممممممممممممم...أبي 500 درهم.. سارة: أفاا عليك أنت بس... اعتبرهم في جيبك سيف: لاااااااا هذا الكلام ما يمشي على سيف.. الحين تعطيني إياهم سارة وهي تتحرطم.. مصيبة.. ما يطوفه شي.. سيف: هااااا.. شكلج هونتي.. سارة: لا يا بوك صبر شوي الحين بسير بييب لك البيزات..أدفع عمري ولا آخذ هذا الخام وعقب ما عطت سارة البيزات حق سيف.. على طول ربع سيف صوب بيت الخالة ظبية عسب ينفذ المهمة.. ....................................... في بيت الخالة ظبية.. دخل سيف الصالة ولقى ظبية قاعدة.. سيف وهو يجرب منها ويبوسها على راسها: شحالج خالوه.. ظبية: هلا والله بسيف.. زارتنا البركة.. توا ما نور المكان.. أنت ما تقولي وينك؟ ما تبين؟ سيف: والله تعرفين خالوه.. مدارس وامتحانات.. يعني مشغولين ظبية: الله يوفقك يا ولدي سيف: أقول خالوه..حارب وينه؟ موجود؟ ظبية: يما حارب الحين تلاقيه في المزرعة سيف: أهاااا خلاص عيل بسير له الحينه ظبية: انزين اقعد ما تقهويت؟ سيف وهو ظاهر: مرة ثانية خالوه.. تراني مستعيل شوي ظبية: شوي شوي يما.. ................................... |
بعد ما سار سيف صوب المزرعة قعد يدور على حارب بين الاسطبلات والمزارع.. وشوي يسمع صوت خيل من بعيد.. صد ويهه وشاف حارب ممطتي خيله الكاسر وبعد ما انتبه له حارب ربع صوبه.. سيف وهو يطالعه من بعيد وكيف يمتطي الخيل بكل مهارة.. والله هذي ساروه حمارة في أحد في الدنيا ما يتمنى ريل شرات حارب... صج هبلة حارب وهو ينزل من ظهر الكاسر وربع صوب سيف وخاشمه حارب: هلاااااااا والله ... بو هناد عندنا اليوم..شو السالفة.. وأنا أقول المزرعة منورة؟ سيف: احم احم.. أخجلت تواضعي بصراحة حارب: عن تصدق عمرك وايد..المهم شخبارك؟ سيف: تمام.. حارب: دوم هب يوم إن شاء الله سيف: أقول حارب؟ حارب وهو يفصخ كاب الفروسية: هلأ سيف: انت خطبت سارة صح؟ حارب اتفاجىء من سؤاله: ها... يعني خالوه رمستكم سيف: هي نعم.. واليوم أبويا وأمايا فاتحوا سارة بالموضوع حارب ما رمس وجنه يبي سيف يكمل يبي يعرف ردة فعل سارة.. سيف: ترى...... حارب: ترى شو؟؟؟؟؟؟؟؟ سيف: سارة هب موافقة طبعا حارب ما انصدم من ردة فعلها وهو يعرف شعور سارة تجاهه وقعد يضحك سيف وهو متفاجىء من ردة فعله:حارب؟ شفيك؟ ينيت..أقولك هب راضية حارب: كنت أعرف ومتأكد أنها بترفضني سيف: وتعرف شو وصتني أقولك؟ حارب: شو؟ سيف: قالت لي تسير حق هذا اللي ما يتسمى حارب.. وتقوله أن سارة ما تحبك تكرهك.. ولو أنت ريال هون عن الخطبة حارب ما همه ولا كلمة من اللي قالته سارة.. وابتسم باستهزاء سيف: شو هب مصدقني...وطلع الـ 500 درهم اللي عطته إياه سارة عسب يوصله هالرمسة سيف: وهذي الـ 500درهم عطتني إياهم سارة بس عسب أوصلك هالرمسة حارب رغم قهره بس ما رام ايود عمره من الضحك: ههههههههههههههههههههههههاااااااااااااااااااااايييي يييييييييييييييييييي 500 درهم والله أختك راهية ها..هههههههههههههههههههههاااي اسمحلي اقولك أن أختك هذي تحفــــــــــــــــــــــــة سيف:ههههههههههههههه يمكن.. وبعدين سارة ممكن تسوي المستحيل بس عسب ما تتزوج بك وقالت ممكن تتزوج بأي أحد ألا أنت.. وحتى لو كنت آخر ريال في الدنيا انقهر حارب...ممكن تعرس بأي أحد ألا أنا؟ شمعنى... وحس أنه إذا فرض كلمته وما تنازل عن الخطبة رح يقدر يكسر سارة.. حارب: سير قولها..حارب ريال وغصبن عليج.. وأعلى ما في خيلج اركبيه..أونه 500..والله حالة سيف: حارب.. ممكن أسألك سؤال؟ حارب: أسأل.. سيف: أنت تحب سارة؟ هذا السؤال كان بمثابة صاعقة لحارب.. ليش يسأل سيف.. مع أنه ياهل ويفهم بهذي الأمور... قعد حارب يفكر بشو يجاوبه... وأخيرا.. ابتسم باستهزاء وقال بكل برود: لو ما أحبها جان ما تقدمت لها.. والا أنت شاك في هذا الشي؟ سيف: حشى علي...بس يمكن حسيت... يقاطعه حارب: لا بس ولاشي... وبعدين أنا هب ياهل عسب ما أعرف مشاعري تجاه أختك .. سيف: بس شلو ترضى تتزوج وحدة ما تحبك؟ حارب: عاد هذي مشكلتي.. وأنا برحي بتصرف وياها سيف: على العموم.. أنا سويت اللي علي والباجي عليكم حارب: ما قصرت والفال لك إن شاء الله سيف: لا يأبوك إذا الزواج جذه.. الله يبعده عنا إن شاء الله قعد حارب يضحك على سوالف سيف وبعدها ظهر سيف من الزرعة وشكله ما سوى شي.. ألا زاد الطين بله قعد حارب يفكر لحاله شوي.. ما علي يا ساروه...منو تكونين انتي عسب تصير كل هالمشاكل بسبتج؟ اللي يقول الحينه أنا ميت عليج يمكن قبل كنت ما أبيج توافقين لكن الحين.. والله أتمنى اليوم قبل باجر يصير العرس بس عسب أراويج منو يكون...حــــــــــــــــــــــــارب... " بس ما علي يا ساروه..أنا وراج والزمن طويـــــــــــــــــــــــــــــــــــــــــــــــ ـــــــــــل" .................................................. ........... |
في بيت أبو علي.. حصة وعلي وأحمد قاعدين في الصالة.. حصة: أحمد؟ أحمد: هلأ حصة: بلاها سارة. فيها شي؟ أحمد: لأ .......ليش يعني؟ حصة: ما ادري كل ما اتصل فيها ما ترد علي.. قلت يمكن زعلانة ولا أحد مضايقنها.. أحمد: والله يمكن علي: انزين سيري لها.. من بعد البيت يعني حصة: وأنا قلت جذه بعد أحمد: أوديج الحينه؟ حصة: لحظة بسير بييب عباتي وبييك ............................................. أول ما دخلوا أحمد وحصة البيت..سمعوا صراخ وصياح زاغت حصة : شو السالفة؟ أحمد: ما ادري والله.. علمي علمج وأول ما دخلوا الصالة... سهيل: أقولج بتاخذينه يعني بتاخذينه سارة وصوتها متقطع من زود الصياح: لأ ..هب كيفك.. يا أخي.. ما أبيه..ما..أطيقه أبوسهيل: سهيل..لحظة..لا تقعد تصارخ على أختك أحمد يقاطعهم: شو السالفة.. شو مستوي..بلاج سارة؟ سارة أول ما شافت أحمد على طول ربعت صوبه وقعدت تصيح في حضنه أحمد: سارة حبيبتي.. بلاج؟ منو مسوبي بج جذه؟ حصة وهي تمسح على راس سارة: سارة حبيبتي..قوليلنا شفيج؟ أحمد: أمي.. بلاها سارة؟؟ أم سهيل: والله ما ادري شو أقولك يا أحمد.. البارحة ظبية رمستني وطلبت ايد سارة حق حارب... ومن درت سارة بالسالفة وهي حالتها حالة... أونها هب راضية تتزوج به أحمد: انزين يا أمي.. ترى الزواج هب غصب سهيل: لا والله.. يعني تبانا نرد الريال... يعني بذمتك وين بنلاقي شرات حارب يخاف عليها ويصونها؟ ما تقولي؟ أحمد: ما اختلفنا.. بس مثل ما تشوف سارة هب راضية سهيل: مو مشكلة لو هي عندها سبب مقنع نرفض الريال كنا بنقول....شو هذا دلع أونه شو أكرهه وما أطيقه بس جذه.. شو رمسة اليهال هذي؟ سارة وهي تصارخ: يا أخي ما أبيــــــــــــــــــه هذا صايع سهيل وبصوت عالي: جـــــــــــــــــــــــــــــــــــــــــــــــــ ب انتي ما تستحين تقولين هالرمسة عن ولد عمج أبوسهيل وهو يصارخ: ممكن تسكتون شوي؟ ويصد صوب سارة.. أبوسهيل: بابا سارة..تعالي أبيج ربعت سارة صوب أبوها ودشوا حجرته.. أبوسهيل: الحين نحن بروحنا..ممكن نتفاهم.. هزت سارة راسها ودموعها على خدها شلال تجدم منها أبوها وقعد يمسح دموعها.. أبوسهيل: شوفي يابنتي.. أنا بقولج رايي بالموضوع وأنتي عقبها احكمي.. إذا قدرت اقنعج كان بها.. وإذا ما اقتنعتي فالقرار في الأول والأخير راجع لج..حارب خوش ريال.. دين وأخلاق ورزة.. ومثل ما قالوا اخوانج..ما رح نلاقي ريال شراته يصونج ويخاف عليج.. وبيني وبينج.. طول عمري كنت حاط في بالي أن محد يتزوج بنتي سارة غير ولدي حارب.. هي نعم..حارب..لأني ما أشوف به عيب يمنع زواجكم.. وإذا كنتي رافضة الزواج عسب تكملين دراستج.. ماعلي يا بنتي بتكملينها وما اعتقد ان حارب بعارض هالفكرة.. يا بنتي.. انتي الحين كبرتي ولازم تاخذين قراراتج بعد تفكير.. هب مني والدرب تحكمين عالريال.. وبعدين لو أنا شايف فيه شي غلط جان مستحيل أوافق على هالخطبة من الأساس.. مستحيل أضيع بنتي ومستقبلها مع ريال ما يقدرها ولا يستاهلها.. وعسى أن تكرهوا شيئا وهو خير لكم..وعسى أن تحبوا شيئا وهو شر لكم.. هذا اللي عندي والقرار الحينة بإيدج.. وصدقيني.. سواء رفضتي أو وافقتي ما رح أزعل منج..لأن هذي في النهاية حياتج وانتي اللي بتعيشينها.. سارة كانت بترمس بس قطعها أبوها.. أبو سهيل: ما ابي أسمع منج أي شي الحينة... خذي وقتج وفكري وعقبها رديلي خبر.. ابتسم أبوسهيل لسارة ابتسامة خلتها تنسى حزنها وقدر أنه يريحها وحست باطمئنان كبيـــــــــــــــــــــــــــــــــــــــــــر .................................................. ......... |
بعد أسبوع أبو سهيل قاعد في الصالة دخلت عليه سارة وقعدت يمه بعد ما باسته على راسه.. أبوسهيل وهو يبتسم: اعتقد انج اتخذتي قرارج سارة: هي نعم أبوسهيل ما رمس وخلى سارة على راحتها ترمس.. سارة: أنا استخرت ربي...و... نزلت راسها قعدت تصيح أبوسهيل: سارة.. حبيبتي..نحن شو قلنا؟ سارة وتحاول تستجمع قوتها وتكتم عبرتها:أنا..موافقـــــــــــــــــــــــــــــــــ ـــة أبوسهيل وشكله كان واثق: ألف مبروك يا بنتي.. والله يوفقج في حياتج عقبها سارة ما سمعت شي لأنها صارت في دوامة من الصياح وهي في حضن أبوها اللي كان يربت عليها ومقدر موقفها.. .................................................. ..... في العين مول.. سعاد وهي مصدومة: شــ..شــ..شــــو؟ بـــــــــــــــــــــــتتزوج؟ حارب وبكل برود: هي نعم.. بتزوج سعاد وخانقتنها العبرة: و...أنــــــــــــــــــــــا؟ حارب: انتي شو؟ سعاد وبدت تصارخ: شو أنتي شو؟ وين الحب وين الكلام اللي كنت تقولي إياه.. كله تبخر.. يعني جذب بجذب حارب: ممكن تهدين شوي سعاد: شلون أهدى... شلون تبغيني أهدى؟؟؟؟؟؟؟ حارب: من أول يوم رمستج فيه وانتي تعرفين اني مستحيل آخذ وحدة شراتج سعاد ودموعها على خدها: بس أنا حبيتك.. حبيتك من كل قلبي..أنت شو ما تحس.. ما في بقلبك ذرة احساس حارب وهو يبتسم باستهزاء: بس أنا ما أحبج.. غصب شو؟ سعاد: بس أنت.... قاطعها حارب: خلاص.. الي بينا انتهى.. واعتقد إني محذرج كذا مرة وقلتلج أنه بيي يوم وكل واحد منا بروح في طريجه.. قلت هالرمسة والا ما قلتها؟ سعاد: بس أنا حبيتك.. حرام عليك تعذبني.. أنا ما أقدر أعيش من دونك.. أرجوك افهمني أنا ما اتخيل حياتي من غيرك.. حرام عليك والله حرام وقعدت تصيح حارب: سعاد.. سعاد تكتفي بالبجي حارب بعد ما تنفس الصعداء: هذا كل اللي عندي ، ومثل ما قلتلج اللي بينا انتهى وياليت تعتبرينه شي من الماضي.. والله يوفقج في حياتج سعادوهي تبتسم باستهزاء: انســــــــــى جذي وبكل برود تباني أنسى..أنا ما أعرفك من يوم ولا يومين.. أنا من 6 سنوات وقلبي ينبض بحبك.. وأنت تقولي أنســــــــــــــــــى.. آاااااااااااه ياليت لو تقدر هالشي والله.. جان ما قلتلي هالرمسة حارب: على العموم.. إن شاء الله .. الله بيرزقج بولد الحلال اللي تستاهلينه ويستاهلج.. سعاد: ممكن أعرفها؟ حارب: ســـــــــــــــــــــــارة.. بنت عمي سعاد وزاد صياحها: هذي ما غيرها.. آاااااااااه أصلا قلبي كان حاس من أول يوم شفتها فيه.. وقالت باستهزاء قهرت حارب برمستها: والله طلعت هب هينه قدرت أنها تيرك صوبها فول حارب من طريقة رمستها: شو تيرني ما تيرني.. انتي ما تخيلين..ولو سمحتي... لا تييبين طاري مرتي على لسانج مرة ثانية تيبست سعاد.. من الحين يزقرها مرتي.. حارب وهو يوقف ويلبس نظارته الشمسية: على العموم أنا مقدر الحالة اللي انتي فيها.. وكمل باستهزاء: وبعدين 6 سنين هب هينات ولا شو؟ وسار عنها بعد ما ترك قلبها يتقطع من القهر والغصة..وكثر ما كانت تحبه وتعشق التراب اللي يمشي عليه كثر ما تحتقره وتكرهه الحينه ~~)(~~ ابنســحب في صمــت ما ستحمــل اوجاع .. وقطع حبال الوصــل بينك وبيني .. اكيد قصة حبنا كانت اخداع ... كل المشاعر كاذبه صدقني ~~)(~~ .................................................. . |
رجعت سعاد البيت وحالتها حالة.. أول ما دخلت الصالة انتبهت حقها أمها لحالتها المعفوسة.. على طول صعدت فوق حتى من غير ما تسلم.. استغربت أم سلطان من حالتها ولحقتها فوق عسب تطمن عليها.. أم سلطان وهو تدق باب حجرتها: سعـــــــــــــاد.. سعــــــــــــــاد.. فجي الباب يما بحاجيج؟ سعاد وهي تصيح: ما ابي أشوف أحد.. خلوني بروحي أم سلطان: ما يصير انخليج بروحج وانتي على هالحالة سعاد وهي تصارخ: قلت ما بفج الباب..خلوني بروحي.. خلوني بروحي سلطان كان في حجرته وبعد ما سمع الحشرة ظهر عسب يشوف شو مستوي.. سلطان: أمايا..شو السالفة؟ أم سلطان: ما ادري يا سلطان.. كنت قاعدة في الصالة ودخلت علي أختك سعاد وهي حالتها حالة والحين قافلة حق روحها الحجرة هب راضية تفتح لي الباب وتقولي شو فيها.. سلطان: ليش هي وين كانت سايرة؟ أم سلطان: قالتلي أنها بتزور ربيعتها سلطان وهو يدق الباب: سعاد.. ممكن تفجين الباب؟ سعاد : قلت لكم مابي أشوف أحد..خلوني بروحي سلطان وهو يصارخ: افتحي الباب لا أكسره فوق راسج الحينة..يلا بسرعة زاغت سعاد من نبرة صوت أخوها الحادة.. وقبل لا تقوم وتفتح الباب مسحت دموعها وفتحت الباب.. سلطان: ممكن تخبرينا شفيج؟ سعاد:............... سلطان وهو يعلي صوته في ويهها: ارمسج أنا ردي علي.. سعاد وهي ميته خوف من أخوها: ما فيني شي.. سلطان: كيف ما فيج شي وأمي تقول انج كنتي تصيحين وقافلة على روحج وهب راضية تفتحين لها الباب سعاد: ما شي.. بس راسي كان يعورني شوي وكنت تعبانة.. فما حبيت أحد يزعجني سلطان وشكله هب مصدقها: وربيعتج؟ تيبست سعاد: أري ربيعة؟ سلطان: ما ادري عنج.. أمايا تقول انج كنت في بيت ربيعتج.. سعاد وهي تطالع أمها: هي.. هي ربيعتي.. توني ياية من عندها سلطان: يعني ما كو شي؟ سعاد: لأ ما في شي.. أم سلطان: والعوار اللي فيج خف ولا بعده؟ سعاد: ها.. لا خف خف الحمد الله.. توني شربت حبتين بندول سلطان وهو يظهر من حجرة سعاد: مرة ثانية لا تقدين تسويين حركات اليهال هذي سمعتي سعاد: ان شاء الله بس أمها كان قلبها ناقزنها..ما تدري ليش؟ تقربت من سعاد ولوت عليها.. وسعاد على طول رمت نفسها في حضنها وقعدت تصيح بحرقة وتتحسف على كل لحظة قضتها ويا واحد كان همه الوحيد نفسه وبس أم سلطان وهي تمسح على راس سعاد: شفيج يما.. قوليلي منو مزعلنج؟ سعاد وهي تصيح:آاااااااااااااااه.. تعبانة يما تعبــــانة ............................................. |
| الساعة الآن 11:04 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir