منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

البارت الـ 102

نآصر يدق الباب : مهوره . .

عنود تلبس الشيله وتقوم : يالله انا بعد برؤؤح . . اكيد محمد يترياني الحين . . " تشوف فونها " اووه متصصل 17 مررره بعد . . اوييييييه استوت 10 ونص " تبوس مهره بسرعه " يالله حبيبتي بشوفج باجر . . اذا في شي دقيلي على طول انزين ؟

مهره تهز راسها بمعنى انزين . .

وبطلت عنود الباب : ناصر شحالك . .

ناصر مبتسم : بخير الله يسلمج . . اسمحيلي مادريبج داخل .! برايج خلج وياهااا

عنود : لا اصلا انا الحين برؤؤح . . " تبتسم " يالله مع السلامه . .

ناصر : مع السلامه . .

ناصر يدق الباب : ادشش ؟

مهره بصوت تعبان : هيه . .

محمد : تووووووووووووووا الناسسسسسس . . جاااااااان ما يييييييييتي بعد . .

عنود : لا تصااااارخ . . " تصك باب السياره " يالله حرررررك . .

محمد عاقد حياته : لا اسمحيلي .! بروح الحلاق وبعدين بردج البيت

عنود : شو الحلاق الحين . . ردني البيت عقب روح

محمد : اسمحيلي . .

عنود : اييييييييييييه لا تستهبل . .

محمد ما سوالها سالفه وحرك . . والوجهة للحلآق ّ!

ناصر يبتسم : قومي لبسي عباتج ؟

مهره تطالعه . .

ناصر : يالله شوه تتريين . .؟

مهره : مالي خلق ناصر اروح مكان . .

ناصر ينزل راسه : ممم . . كنت ابيج تروحين معاي المستشفى . .

مهره عاقده حياتها :المستشفى ؟ ليشش . .

ناصر يأشر ع صدره : تبين الصدق . .انا مريض . .

مهره تطالعه بخوف : مريض شفيك . .

ناصر : صدري وايد يعورني . . وماقدر اتنفس عدل . . ومن رديت من السفر خذت لي موعد فـ مستشفى فـ دبي . . وقالولي لازم عمليه . . وباجر الصبح موعدها ولازم اسيرلهم الحين اتنوم قبل العمليه . . وماقدر اروح روحي . . بعد تعرفين " يبتسم " اخاف يصير شي ومحد حولي . . وماريد اخررع حد . . كنت بخبر منصور . .بس منصور لاهي ويا حرمته . . ويا دوب يرد تعبان ويرقد . .

مهره تقوم : خلني اصلي العشا وبلبس وبنروح . .

تمت تطالعه ووقف هو وحظنته . .

مهره تنزل دمعتها : ليش ما خبرتننننني . . ليش كنت خااششش

ناصر يربت ع ظهرها : خبرتج الحين . . يالله عسب ما نتأخر . .

مهره : ان شاء الله . .

ومسحت دمعتها وبعدين قامت عن حظنه وراحت تصلي وتزهب . .

دقايق وزهبت وطلعت له . .

اول مانزلت تحت شافت الكل يوصي ناصر على مهره استغربت . . وطلعو . .

مهره : شو قلتلهم ؟

ناصر : اني ابا احوطج واغير نفسيتج . . علششان محد يشك . .

ركبو السياره . . وانطلقو . .

منصور يبتسم : تامريني على شي

سلامه مبتسمه : سلامت روحك فديتك

منصور : فداج القلب . .

سلامه تحط ايدها ع عيونه : شوف كيف هالات سودا . .

منصور : من سواياج . . من كثر ما افكر فيج مارقد

سلامه : جذاب . . من كثر ما تعابل فيني . .

منصور : حرمتي . . لازم بعابل فيج !! يالله نباج تشدين الهمه . . الدكتور قال شي امل لو شدينا شوي بعد انج تمشين جرييييب . . وان شاء الله بنعرس وانتي تمشين . . قولي ان شاء الله . .

سلامه مبتسمه : ان شاء الله . . انت رديت لي الامل . . رديت لي الحياه . . رديت لي كل شي حلو . .

منصور يكشش شعرها : من لي غيرج . .

سلامه : الله لا يحرمني منك يارب

منصور : ولامنج . . " يبوس راسها " يالله انا بروح الحين . .

سلامه تمسك ايده : وييييين توا الناس

منصور : من اطلع من الدوام امر عليج . . يعني من الساعه 2 لييييييين 8 وياج ف المستشفى . . وتقولين لي توا الناس ؟

سلامه : ما اشبع منك " تبتسم بحيا "

منصور بتعب : ولا انا اشبع منج . .

سلامه : اقعد شوي . . ساعه بس . .

منصور : من عيووني . . تامرين امر . . ساعه ونص بعد . .

ضحكت سلامه . .

عذاري : خاييييييييييفه . .

سلطان : لا تصاااارخين . .صميييتي اذني

عذاري : عشان اوصل لك كيف انا خايفه

سلطان : واصلني واصلني . . من غير لا تصارخين . . طول الامتحانات تلعبين واحين يايه تقولين لي خايفه

عذاري : مش وقت عتااااااااب الحين . . تخيل ما انجح . .

سلطان : عاد شسويلج . . بتعيدين السنه وماشي عرس لين تخلصين وتعيدينها

عذاري : والله ما اعيييييييييييييييييييييد السسسسسنه . . مينونه اناا . . وبنعرس وغصبن عليك

سلطان مبتسم : خير ان شاء الله . . عرسي بدون معرس

عذاري : بسحبك ما بسويلك سالفه

سلطان يشوف الوقت ويتعمد يخوفها : باقي ساعه ونص وبيحطون النتايج فالموقع . . الله يستر

عذاري تغمض عينها بقوه : سسسسسسسسسسسسسسسسسسسسلطان

سلطان يبتسم : عيوونه . .

عذاري : . . .

سلطان : ردت سكتت الهبله . .

عذاري : اليوم غرشتين بيبسي ترستهن . .

سلطان : زين حق سنه جدام . .

عذاري تتنهد : متى بتم تقولي كلام حلو 24 ساعه . . حلم حلم هذا . .

سلطان : بتبطيييين. .

عذاري : برايه . . مش كل انسان له هدف وحلم ف الحياه ؟ انا ها حلمي

سلطان : هيه من مستواج ترى . .

عذاري : انت وايد اجرررح فيني . .

سلطان : هههههههههه . .

عذاري : ما يضحك . . " بوزت "

سلطان : آدييت المبوز انا . .

عذاري : . .

سلطان : غنآتيه !

عذاري : . .

سلطان مبتسم : عياره تبا تسمع الكلام الحلو

عذاري بسرعه : كيف عرفت ؟ " ومسكت حلجها "

سلطان : هههههههههههههه . . غبيه

عذاري : تحبك هالغبيه . .

سلطان : وحتى هو يحبها . .

عذاري : منو هووو

سلطان : الي هي تحبه

عذاري : ياويلي عليه . . معذبني هالانسان معذبني . .

سلطان " سلامتج من العذاب " : دواج . .

بعد سآعتين . .

فتح باب السياره بقوه عشان يخرعها واتفأجأ . . توقع انها فايره من العصبيه . . لكن ماتوقع انها راقده وبعمق . . عنود كانت منزله السيت ع الاخر ومطوله ع المكيف ومشغله اذاعه القرآن بصوت وآطيع ورآقده . . . ابتسم محمد ورد صك بابها وسار مكانه . . شوي ودقت ام خالد تسألهم وينهم ! لان تتصل ف عنود ماترد . . خبرها انها ف بيت مهره وهو فالحلاق من يخلص بيمر عليها بيشلها وبيردون ووصته عليها لانها بترقد . .

محمد يمسح ع ويهها وبصوت واطي : حلوه الساحره . . " يبتسم " جان زين دوم راقده . . فاكتنا من لسانج الطويل . .

تم دقآيق طويله يتأمل ملآمحهآ . . وعقب حرك ورآح صوب البحر . . وهو طول ما يسوق ماسك ايدها . . بعد ما وصل . . . وقف السياره . . وساند السيت . . وصد صوبها يكلمها وهو يمسح ع ايدها . .

محمد بصوت واطي : تدرين عنود . . انا عشت طول حياتي محروم . . ما اقول اني اول انسان ولا اخر انسان عشت بدون ام وابو . . لكن انا كنت طول عمري وحيد . . امايا سفراتها كله للكويت عشان اهلها وابويه ما يردلها طلب . . وعشانها حول كل شغله اهناك . . وانا لاني رفضت اتغرب عشت وحيد . . بين خدامات ودريول . . حمد اخوج كان سند وعون وكان اول انسسان واقف وياي . . الله يعطيه الخيير ويسعده . . بس بعد الريال له مشاغل ويلتهي باموره . . ماكنت احب اثقل عليه . . " يبتسم " ويوم سافر يدرس برع . . تعبت يا عنود . . والله تعبت وايد . . تلتتهت . . صعت ضعت . . انا ما اقولج اني واحد شريف وما له سوابق . . لا انا لي سوابق . . وكنت اكلم وايد . . هذي حدودي . . كنت اكلم بنات وبس . . واغلب سوالفنا مصخره وضحك لا حب ولا خرابيط . . لين ما شفتج . . فـ العزا . . يمكن من غلات اخوج حمد تعلقت فيج وبغيتج . . " يمسح ع ويهها " اذكر يوم صغار كنتي ام كشه ولسانج اطول عنج . . وكنت اعيب عليج واقولج يالقزمممه . . يا ام القمل والصيبان . . هههههههههه . . لكن يوم شفتج فالعزا شفت الفرق . . كيف تغيرتي 180 درررجه . . ملامحج صارت احلى . . وبسمتج ترد الروح . . " بصوت واطي اكثر " مع اني ماقولج هالشي لكني احب بسمتج . . تحسسني ان الدنيا بخير . . واستغربت من نفسي يوم قلتلج انه فيني الربو . . مع اني هالشي ما قوله لأي حد . . وحمد لانه عاش وياي فتره طويله عرف . . لكني ما تعنيت وطريت لأي حد غيره ! كيف قلتلج . . معقوله حبيتج بسرعه .. " يلعب بـ شعرها الي ع طرف " خوفج علي ذاك اليوم . . للحين ما انساه . . اصرارج انج تروحين معاي المستشفى وتسمعين من الدكتور بنفسج . . هالشي وايد حلو . . وحببني فيج اكثر . . انا يمكن اتناقر وياج وارفع ضغطج . . لكن شسوي ؟ هذا اسلوبي يوم احب حد . . . او بالاحرى اكتشفته يوم حبيتج . . احب اغصص فيج وارفع ضغطج . . " يتنهد" كان خاطري هالكلام . . وما خليته يدور بيني وبين نفسي دامج موجوده . . قلت بقوله لج انتي . . انتي الي لازم تسمعين الي في خاطري . . " تقرب منها بيبوس خدها "

قبل لا يبوسسسها مدت كفها ودزت ويهها ورى : يا منحرف شتبي تسوي . .

محمد فج عينه : انتي واعيه . .

عنود تبتسم بخبث : من ااتصلت امايا وانا واعيه . .

محمد عض ع شفايفه بقوه وغمض عينها بقفطه : حيوانه . . والله حيوانه . .

عنود تبتسم : حلو كلامك . . اول مره احسك تعرف ترمس . .

محمد عاقد حياته : اصلا كله خررط لا تصدقين عمرج . .

عنود : ادري من متى يطلع منك انت شي صدق ؟

محمد عاقد حياته

عنود : اسووولف " تبتسم " والله يبين ف حسك كيف كان من خاطرك . .

محمد مارد عليها . .

عنود تحط ايدها ع بطنها : يوعانه . . " تشوف المكان " الله انت وين يايبني ؟ " فجت عينها " البحــــــــــر . .

بطلت باب السياره ونزلت . .

ابتسم محمد براحه . . ونزل وراها . .

تبسّم لعنبو مـن لامنـي فـي ضحكتـك ورضـاك
تبسّم واخذنـي مـن عالمـي فـي عالـم(ن) ثانـي

تبسّم لي فداك اللـي مضـى واللـي بقـى يفـداك
تـرى لـولا غـلاك وضحكتك مابعـت خـلانـي

ولاجيـت اتـداراك مابقـى مـن فرحتـي والقـاك
وابيع العمـر كلـه لأبتسـم ثغـرك علـى شانـي

وانا اللي لأجل عينك بعت ذاك وانت خنت ذاك وذاك
وتناسيـت السنيـن المجدبـه واحرقـت عنـوانـي

احبك ايه احبك وان بغيـت انسـاك كيـف انسـاك
اشوفك ياعيونـي فـي عيـون اهلـي وفـ اوطانـي

توهّقت بغلاك وصرت احبـك واعشقـك واهـواك
وحاولت اتراجـع وانسحـب لا شـك مـا امدانـي