منتدى استراحات زايد - لي حبيبن حبيته وماضني بقدر أحب حدن شرواه

يوم الاحد وبتحديد في غرفة وضحى كانت تسولف وتضحك مع نادية ودخل عليكم الدكتور :

د.عبيد : السلام عليكم
وضحى وناديه مع بعض : وعليكم السلام
د.عبيد : هاا شو الأخبار اليوم
ناديه : بخير يسرك الحال ومن صوبك ؟
د.عبيد بخير الحمد الله
نادية : أن شاء الله دوم
د.عبيد : وضحى عندي لج بشارة
وضحى وهي تتبسم: شو هي ؟؟!!!
د.عبيد وهو يتقدم لعند وضحى أستوى مقابلنها وناديه تبسمت وشغلت في تلفونها نغمة رنين أونه أحد متصل لها
ناديه وهي تتصنع أنه ياينهاا أتصال : أووه مامي داقة شكلهاا زعلانه ليش تأخرت أنا ساير البيت شي تبون ؟
دكتور عبيد وهو يتكلم قبل وضحى : لا سلامتج .
نادية وهي تطلع : مع السلامه .
وطلعت وهي تضحك وراحت .
د. عبيد : هاا تبين تعرفين ؟
وضحى وهي تطالعة : هيه قول
د. عبيد وهو يلف ويدور بالكلام ويتبسم :وإذا ماقلت ؟
وضحى بجرئه : بتتصفع
د .عبيد وهو فاتح عيونه ع وسعهن ويأشر على نفسه : أنا أنا أتصفح
وضحى وهي تهز راسها : هيه بتتصفع
د. عبيد وهو يطالعهاا : متأكده أنج بتصفعيني ؟!
وضحى : هيه متأكده
د. عبيد : أوكي بتصفعيني بعضج
وضحى وهي تلف بويهها للجهه الثانية : ماخاف من العض وأصلن ماتقدر تعضني
د . عبيد وبتحدي : مــــا أقدر !!! أراويج ؟؟!!!
وضحى بعناد ومع شوية خوف تعرفة جرئ : لا مـا تقدر .
د.عبيد وهو يمسك يدها يبا يعضها : مـــا أقدر ؟؟
وضحى بخوف وعناد أكثر : مـــا تقدر يعني ماتقدر بس تبا تخوفني .
د.عبيد وهو يتحداها : وغلاااااتج عندي أني أقدر .
وضحى وبتحدي : مــــــا تقدر مــــــا تقدر مــــــا تقدر
د.عبيد : تبين تشوفين أقدر وألا مـــا أقدر ؟

وضحى وبتردد : ماتقدر .
د.عبيد وهو يتبسم : فديـــــــــــــــــــــــت أللي يعاند وأنا أعرف أنه يخاف .
وضحى : جـــــب .
د.عبيد ببتسامه :لاوالله
تبتسم وضحى وهي ترفع راسها ويات عينهاا فعينه تمواخمس دقايق يطالعون بعض ويتأملون بعض وبدون شعور عبيد مسك يد وضحى وطبع أحلى بوسة ع يدها ورفع راسه ووضحى بعدها تطالعة طالعها بحب وقالها أحبــــــــــــج أكثـــر من أول .
حمرن خدودها وكمل كلامه : نسيتيني شو كنت أبا أقولج .
ويوقف وراح صوب الدريشه وبانت عليه لمحة حزن .

**********
منصور يالس في غرفتة ويطالع السقف ويفكر فالبنت أللي كانت تهدية هدايا وبدون شعور قال : ليش خليتيني بروحي والله أني ناقص بدونج ورد لعقلة الباطن وقال : أنا شو يالس أقول وسمع في داخلة صوت يقول : فديتها والله آه لو أعرفج أنتي منو ؟!! ورد لعقلة : لاحول أنا شفيني ليش أفكر في هالبنت وايـــد ؟!! وحاول يرقد بس ماقدر كلة يفكر فيها مب طايعه تروح من بالة
منصور وفداخلة متضايق ومايدري شو السبب ياربي ليش أفكر فيها ؟!! شو سبب هالضيق أللي أنا احس فية يمكن أحبها ........ لا شو أحبها وأنا ما أعرفها هي منو وبنت منو ياربي ترحمني وتم يفكر ويفكر ليـــن مانام.
نرجع لعبيد ووضحى

د.عبيد وهو واقف عند الدريشه : أللي كنت بقوله لج أنه العمليه أللي سويناها لج نجحت وأظهرت تحسن كبير عليج وجسمج تجاوب لها وللعلاج وبنبدا نسوي لج العلاج الطبيعي وبعد بنبدا معاج في تمرينات المشي أسبوعين أو ثلاثة بالكثير وتطلعين .
وضحى وهي فرحانه ومو مصدقة : يعني أنا بتشافى برجع لوضعي الطبيعي مستحيل ماصدق كنت أعتقد أني ماراح أشفى وراح أتم طول عمري على هالحال !!!

د.عبيد وهو يلتفت لها : ومنو قالج أنج راح أتمين طول عمرج على هالحال ؟!!!
وضحى وهي تنزل راسها : أنا كنت أعتقد جذي .
د.عبيد : لا أنتي راح تتشافين أن شاء الله ومن باجر بنبدا التمارين بس أباج تشدين حيلج وماتيأسين .
وضحى وهي تتبسم : أن شاء الله

**************
نادية وهي تفكر : أمممممممم وين أروح وين ؟ خل أروح البيت أرتاح لي شوي في الفتره الأخيره صرت مـــا أنام زيـــن .

وراحت ناديه لبيتها تريح لها شوي .

&&&&&&

عند الاسطبلات
فهد وهو يمسك الخيل الاسود ويحاول يجره عشان يطلعه برا الاسطبلات
صقر : أقولك خله يولي وش تباا به
فهد وهو يغمز حق صقر يبيه يسكت : وأنت شو حارنك خلني أسوي اللي ابيه .
صقر وهو يظحك ويهز راسه : الله يهديك بس .
فهد وهو يضحك : أمـــــــــــــــــين
سالم : وهذا الخيل من بيركبه ؟!!
فهد وهو يطالع صقر بنظرات بريئة : منو يعني أكيد أنت أنا وصقر كل واحد عنده خيل خاصه به بس أنته أللي ما عندك وخلنا نعطيك أيدد خيل عندنا .
سالم : لا والله تباني أركب هالخيل شكله عنيد .
فهد : أنت ما عليك من عناده ترااه أحسن خيل عندنا ومن الخيول الأصيله .
سالم وهو يتنهد : ماعليه بركبة
فهد : أنزين عيل أمسكه
سالم وهو يمسك الخيل ويعدل غترته ويلفهاا بحيث يثبت العقال عليها وبعدهاا ركب الخيل بدون أي صعوبه ومشاااه بكل هدوء وبخطوات متوازنه
وفهد وصقر كل واحد فيهم فاتح عيونه ع الاخر ويطالع الثاني
صقر : هذاا اللي تبا تسوي فيه مقلب ؟؟؟!!!!!!
فهد : والله ما ادري أنه يعرف للخيل .
سالم وهووو يظحك : وش فيكم تضحكووون ؟
فهد : سالم أنت تعرف للخيول وأنا أتحسبك ما تعرف لهم .
سالم : كيف ما أعرف وأنا عندي أسطبلات للخيول أكبر من أللي عندك .
فهد وهو مستغرب : قول والله
سالم وهو يضحك : هههههههههههه أسمحلي ياخوي ماسنحت لي الفرصه أني أخذك لخيولي .
صقر وهو فاطس ضحك : هههههههههههههااااااي راحت عليك يافهد مقلبك فاشل .
فهد وهو يتصنع العصبيه : أسكت أحسن لك
صقر : ههههههههههه
سالم وهو مستغرب : شو عندكم وعن أي مقلب تتكلمووون ؟!!!
صقر وهو لين الحين يضحك: الله يسلم الأخ فهد على باله ماتعرف للخيول وكان يبي يسوي فيك مقلب ويركبك هالخيل اللي ماصار لنا أسبوع من يبناه وبعده لين الحين ماتروض هههههههههه بس طلعت مب هين وخيبت ضنه .
سالم وهو يطالع فهد بطرف عينه : ناولي شر هاااا ماعليك يافهيدان أن ماراويتك شغلك عندي .
فهد وهو يتمصخر ويقلده : شغلك عندي شغلك عني وش بتسوي يعني بتضربني .

سالم وهووو يضحك : أفاا ماعاش من يضربك بس أنته أصبر عليه وبتشوف .

صقر وهو يضحك : شكلهاا رحلتنا للبر مب حق القنص شكلهاا مقالب وضاربه .

فهد وهو يوجه كلامه لصقر : وأنت وين عناا ألا فينه أللي يستوي علينا بستويلك مثله .

صقر : لا يابوك أنا بعيد عنكم مالي خص بسوالفكم البطاليه أنا شخص مسالم هههه .

فهد وهو يخزه بعينه : أهاااا شخص مسالم باين باين ما عليه بس .