|
.................................................. ........................ المكاان: بيت بو احمـد.. الساعه: 11 ونصـ امل .................................................. ........................ اليوم ماسرت الكولج ... خلاص كل شي استوى جاهز ... اتصلت ف المحـل .. امل: السلام عليكم : عليكم السللآم... امل: وصلتو الباقه ولا ؟ : ايوه يافندم استلمها من ربع ساعه امل: متأكد من الشخص؟ : ايوه انا اتصل بيه ع الرقم الي اديتيني اياه امل: اوكي شكرا : عفوا بندت عـنـه .. اليوم طرشت حق سي باقة ورد دواامـه .. كتبت عليهاآ كل عام وانته بخير وعقبال مليون سنــه وطبعا تحت وقعت عليها بس ماكتبت اسمي اكيد يعرف توقيعي هوه ماكتبت اسمي لانه ربعه وياه ف الدوام احس مب حلـوه اتصلت ف شوق امل: مرحباآ شوق: مراحب امل: هاه شوقو كل شي جأآهـز؟! شوق : هييـه.. جهزته عندي امل: انزين جوفي يوم بيرد من الدوام ع طول حطي الورقه اخاف مايجووفها عقب .. شوق: اوكيـه.. من عيووني امل: تسلملي عيونج واسمحيلي بتعبج وياايه شوق: لاوالله تعبج راحـه.. امل: فدييتج والله شوق: ام ممكن سؤال؟ امل: تفضلي؟ شوق: شوفيكم انتي وسيف هالايام؟ امل: شوفينا؟ شوق: احس مب نفس قبل ماتطلعون حتى سيف واايد متغير امل: كيف متغير؟ شوق: يعني مب هوه سيف الي يضحك ويسوولف نادر مايضحك كله ساكت ومهموم امل: بالعكس انا احسه الحين فرحان اكثر من قبل شوق: انا اجوفه ف البيت جيه بس عندج ماعرف امل: ع العمووم ماستوى شي بينا عادي شوق: اها امل:انتي ليش غايبه اليوم؟ شوق: بيودونهم رحله ومابا اسير امل: اوكيـه اقولج انا بخلي المحل يوصلونها بيتكم وانتي حطيها عقب شوق: اوكيـ امل: بخليج الحيـن اوكيـه شوق: اوكي باي بندت عنها واتصلت ف سيف مارد عليه .. ابا اعرف ردة فعله عن الباقـه.. المهم خل يولي انا تعبانه بسير بحط راسي شويه وبرقد .. بعد ساعات كنت حأطه المنبـه نشيت بسرعه وسرت خذتلي شور .. عقب ماطلعت نشفت شعري ورتبته جفت الساعه خمس ونص شلييت الفون واتصلت ف شوق امل: ارحبوو شوق: مراحب حوبي امل: هااه بشري؟ شوق: ههه الخطه ماشي تمام التمام امل: متأكده اخاف اتقفط شوق: لا لا افا عليج قراها انا متأكده امل: هههه اوكيه انا بسير اتجهز شوق: حووه خفي ع اخويه اخاف يذووب امل: هههههههههه وحليلج ياشوق ماتعرفين سيف الحين مستوي جنه حجــر بندت عنها وسرت تحت كنت يوعانـه .. اتغديت ورديت فوق اليوم بلبس احمــر ف احمـر ... طلعت عباه فيها احمـر.. وطلعت شنطه حمره كعب احمـر كفر بلاك بيري احمر تنوره حمـره حطيت منكير احمـر .. وعقب سرت اتعدل رسمت عيني من فوق باحمر وتجحلت بابيض حطيت بلشر احمـر.. وروج احمـر .. جفت شكلي طرر طالع بالاحمـر... لبست ساعه حمـره ووعقب طلعتلي اكسسوارات حمـره.. عقب يلست جيـه اتريا الساعه 8 ادري الوقت بعده وانا من الحين متجهززه بس بمر محل الورد اول .. جفت الساعه 7 ونـص قمت لبست وكل شي .. روحت ركبت سياارتي وسرت صوب محل الورد طبعا مانزلت بس اتصلت ف الريال قلتله ايبلي خمس ورود جوري احمـر.. واتفقت وياه ع الساعه 9 يودي الي اباه روحت بيت قوم سيف واتصلت فـيه رد عليـه امل: مراحب سيف: هلا امل: شحالك؟! سيف: بخير .. امل: دوم ياربي .. يلا اترياك.. سيف: وين؟ امل: انا عند البااب اترياك سيف: بس انا مشغول امل: لا بلييز تعال وياي سيف: انزين ياي باي بندت عنه وفتحت السده الي حذالي شليت عطر وتعطرت وعطرت سيارتي شليت الورود وعطيتهم ف الشنطـه هعهع عقب شويه جفته يااي .. حيييه والله لابس كندووره كحليه ومتكشخ وسفره بيضـه ياا وركب سيارتي سيف: السلام عليكم امل: عليكم السلام.. نووورت سياارتي سيف: ادري ههه حلوه هاي ادري .. المهم حركت السياره وسرت صوب البحيـره سيف: وين سايره امل: بنتحوط شويه ع البحيره وعقب بنسير مطـعم سيف: ليش؟ امل: هعهع اناعازمتنك اليوم سيف: مايحتاي رديني البيت امل: عيب عليك ماتعرف انه عيب تردني سيف: اففف انزين رن تلفونه وشله يلس ايسوولف وياربييعه لين وصلنا البحيرـه تمييت احوط شويه .. عقب بند عنـه.. وقالي سيف: بسرعه انا مشغول افف منـه المهم اقنعته ولفيت بس لفتيين ع البحيره وسرنا عقب المطعم يوم يت انزل من السياره تغشيت لاني وايد حاطه ميك اب.. دخلنا داخل طبعا انا طالبه كبينه مسكره .. احسن عسب اخذ راحتي قبل لاادخل زقرت الجرسون واتفقت وياه ع اشيآء هع هع دخلت داخل سيف: وينج ؟؟ امل: ماشي بس عباتي علقت وياله ياله عدلتها وانته ماشاء الله طاير خخخخ سيف: اها يلسنا ويابو المينيو وطلبنا وخلصنأآ عقب تمينا ساكتيين مايفتح سالفه ويايه كل مابدى سالفه ينهييها افف يعني غصب اسكت شويه ويابو الاكل يلسنا ناكل وجيـه وانا اتناافض اخاف من ردت فعلـه .. عقب مماخلصنا يا الجرسون وشلو الاكل الي ع الطاوله.. ويابو نفس صحنين مغطاييين.. خلوهم وطلعو.. سيف: شوهاذا؟ امل: افتح وبتعرف طبعا انا كنت متسانده واجوف الي يستوي فتح سيف اول صحـن.. جاف كيييكه مكتوب عليها كل عام وانته بخــير.. رفع راسه طالعني بنظره يمكن مافهمتها بس اكيد انها مب نظرت كرهه نفس كل مرـه ..طبعا ابتسمتله يوم جافني وعقب نزل راسـه.. وفتح الثانيه صحن خليتهم يحطون فيـه كل اوراق حمره من ورد الجوري وورده جوريه كاملـه.. وشمـوع ع الاطراف .. وف النــًص علبه مكعبه مغلفه باحمرـ رفع راسه يطالعني ادري انه مستغرب وااااااااااااااااايد .. جان اقـوله امل: كل عام وانتــه بخــير وصحه وسلامـه.. كل عام وانته ريلي وقلبي .. تم يطالعني يمكن خمس دقاايق عيني بعييـنه... انا اطالع بنظرت حب.. والله احبك ياسيف والدليل قلبي الي يدق وايدي الي تتنافض .. بس انته ياسيف معقوولـه كرهتنـي.. سيف: وانتي بخـــير .. ابتسمت الحمدالله ماجرحني هالمره شليت السجين وعطيتها اياها امل: يلا قص الكيكه قصـ الكيكـه وعقب انا قمت حطيتله قطعه وانا خذت قطعه عقب ماخلصنآ.. امل: افتح الهدييـه سيف:امم ليش؟ امل: ماعرف بس براحتك سيف: اوكيه شل الهديه وفتحهاآآ.. كنت ماخذتله ساآآعهـ .. جافها وقالي : مشكوره .. امل: العفــوو .. اهم شي تعييبك عقب ماخلصنا طلعنا من المطعم .. ودييته بييتهم ونزل .. عفان الله قووول كلمه حلوه افف منه بس بعد احسه فررح خخ روحت بيتنا بسرعه بدلت ثيابي واتصلت ف شوق امل: هلا شوق: اهلين امل: شو سويتي الي قلتلج؟ شوق : هيييه توه داخل غرفته سمعت صوت سيف يزقر شوق شوق: باي يزقرني امل: اوكيه بعدين قوليلي شو بيستوي شوق: باي امل : باي بندت عنها وسرت مسحت الميك اب طحت ع السرير استرجع الاحداث الي صاارت.. ههههه فدييييييييييييتــك يـآسيـف !! شويه ورن فوني رديت عليــه امل: هلا شوق: ههه اهليــن.. امل: هاه شو استوى شوق: استغغرببب من غرفته وايد سألني عن الهديه اونه منو يابها امل: خخخخ حلفي شو قلتيله؟ شوق: قلتله امل امل: هههههههههه اوييييييييييه شو قال شوق: ماقال شي عقب طلعت عنه شكله مستغرب امل: لانه ماتوقع اني اسوي جيه لاني عطيته هديه مساعه شوق: ههه بس غرفته وايد طلعت حلوه امل: ههه لازم ذوقي الحلو شوق: هههههه امول بخليج الحين امل: اوكيه فديتج واسمحيلي تعبتج وياايه شوق: لاعادي فديتج تعبج راحه امل: تسلمين والله شوق: الله يسلمج يلا باي امل: الله يحفظج بندت عنها وانا فرحاااااااااانـه تعرفون شو سويت اتفقت ويا شوق يوم نطلع انا وسيف تروح غرفته وانا ماخذله حق غرفته اشياء خليتها تبدل فراشه والابجورات والمفاارش ووايد اشياء وبعد خليتها تتدخنها وقلتلها تحطي ع سريره هديه مسوتله اياهاآ فيها وايد اشياء الهديه ومغلفتنها ومودتنها عند المحل خليتهم يوصلونها بيتهم هع هع يارب مايخيب ظني ويفرح فيهآ نهآيـه البـآرت |
..................... فـ مكان ثانــي .. .................................................. ........................ المكان: بيت بو سيف الساعه: 10 سيــــف .................................................. ........................ دخلت غرفتي وبندت البااب يوم لفييت استغرــربت .. شي غريب في واااااااايد اشيااء متغيرـه .. لمحت شي ع السريرـ سرت صوبه جفتها هدييـه .. هدييه من منوو؟؟! طلعت من غرفتي وزقرت شووق يت شوق سيف: شوق منو مسوي جيه بالغرفه؟ شوق : هههههه سيف: منوو؟ شوق: ناس سيف :بس عاد قولي منو؟ شوق: امل.. سيف: اوكي دخلت دداخل عنها وانا مستغرب .. الصراحه فاجأتني اليوووم ف الدوام والمطعم والحين اكثر سرت فتحت الهدييه جفت الي فيهآ.. وعقب ع طول شليت فوني واتصلت ف علوه سيف: مرحب علي: مراحب سيف: شحالك؟! علي: تمام وانت؟ سيف:والله عال العال علي: دووم يارب.. سيف: تخيل شو استوا اليوم؟ علي: هههه منو طرشتلك ورد بعد سيف:ههههه هيه الي طرشت ورد الدوام علي: ههههه يوم قلتلك قلتي لا سيف: تعرف اونها عزمتني ع مطعم وعقب طرشتلي هديه البيت وعفـسه علي: اوووووب منو قدك عيل سيف: مايهمني اصلا علي: واضح اصلا من صوتك يبين انك فرحان سيف: لا مب فرحان عادي اصلا انا كنت بردها بس مب من طبعي ارد حــد علي: ايوا صح صح سيف: انا بخليك الحين بسير ارقد تعبان علي: هههه اذا رقدت الليله اعطييك الي تباه سيف : برقد اصلا تعبان علي: ههه اوكيه تصبح ع خير سيف: وانته من اهله باي بندت عنه وفريت فوني بدلت ثيابي ورقدت .................................................. ........................ بــعد اسبوعين .................................................. ........................ المكان: بيت بو احمد الساعه: 6 المغرب امــــــل .................................................. ........................ توني راده من الصالون .. سرت بدلت ثياابي .. اليوم ملجت خالوه مهره.. سرت لبست فستاني .. هالمره لبست ذهبي .. اتعطرت ولبست نعالي وكل شي .. ولبست عباتي واتصلت ف سيف امل: هلا سيف: اهلين امل: انته وين؟ سيف: اممم بعدني ف البيت امل: بسررعه سيف سيف:اوهو سيري ويا هلج امل: مابا ابا اسير وياك سيف: عيل تحملي باي بند ف ويهي .. افففف منـه شليت شنطتي ونزلت تحت يلست ف الصاله اتريا السي سيد.. عقب فتــره وصلني مـسـج.. بتين اليوم العرس؟! كان من رقم غريب ماعرفته طرشت منو؟؟! كتبولي بتين العرس ولا كتبت هيه بس منو كتبولي واآحد يحــبج ويغلـيج وميت فــيج.. يترياج تتطلقين عسب يااخذج طبعـآ يوم قريت المســسسسسج عصبببببببببببت عرفتوو منو طبعا مافي غيره هزاعو مب ناوي يعديها ع خير ولله ثم الله ماعدييتها هالمرـه.. طرشتله مسسـج الله ياخذــك وارتااح منــك..! عقب سمعت هرن ف الحوي شليت اغراضي وسرت ركبت السياره دخلنا شارع الامارت انا كنت متضايجه من خاطري هزاع عكرلي موودي .. اففف منـه.. سيف ساكت كالعاده امل: سيــف سيف: هلا خخخ مزمان ماقالي هلا دومه يقول شو ولا هاه خخ امل: اممممممم انا متضاايجه سيف: دوم بس ليش حلوه هاي يقول دوم وليش ؟؟ زايد ضيجتي ضيجتيين ... افف حرام عليـه امل: حرام علييك ليش ماتحس فيني سيف: والمطلوب يعني اطبطب عليج واقولج شوفيج حبيبتي؟ امل: هيه اكيد سيف: ههههه انتي مال اول وهاي كلها سخافات امل: انزين بقولك شي سيف: لاتقولين طول ع المسجل ع الاخــر.. وطبعا انا سكت وانطميت وبلعت ضيجتي لين متى الله اعلــم..! شويه ووصلنا رااك بالتحدييد عن القاعه .. نزلني ولا قال شي روحت داخل جفت امي وخالاتي روحت سلمت عليهم وسرت فوق عند خالوه.. فصخت عباتي ويلست وياها اسوولف متوووتره واايد حلييلهاآ... تتنافض .. عقب يابولها الدفتر توقع .. هع وحليلج ياخالوه. كانت تسألني عن سيف يلست اخبرها وهيه تصبرني .. عقـب فتره نزلووها انا نزلت وياها وراها كنت اعدل فستانها واساعدها.. عقب ركبت الكوشه والناس بدو ايون ايسلمون عليها والله كان خاطري ف ملجت خالوه ارقص واستاانس بس متضايجه مالي خاااااااطر موووول وايد عليه ابتسم ف ويووه الناس اآآهــ يـآقلبي كم تعآني ... ودي ارتاح واعيش حياتي ويا سيف طبيعيـه.. المهم عقب نزلت سرت لبست عباتي ويلست لانه مايد بيدخـل شويه وودخل مايد وحليلها خالوه اجووفها من بعييد تتنافض ووقفووها سلم عليها وعقب يدي سلم عليها وخوالي .. وابو مايد.. عقب طلعو كلهم تم مايد بس.. ههه يوم اطالعته تذكرت شواستوا هاك اليوم خخخ ويوم عند الجمعيـه وحليله خخخ روحت ع الكوشه فوق امل: مبرووووك مايد: الله يبارك فيج وعقبالج امل: ههههه جان تباني اخذ الثاني امين مايد: معرسه انتي؟ امل: هيييه خخ مايد: ماشاء الله عليج مايبين امل: مالجه بس مايد: اها منو ماخذه؟ امل: ولد خالي الي كان ويا احمد مايد: هييه هيه سيييف امل : هيه علييك نووور عقب روحت عنهم يو قوم امه وخواته يسلمون عليه عقب فتره الصاله فضت تقريبا ’’... كلهم اتيمعو ع طاوله وحده نحنا كلنآآ .. طبعا الحين بيدشوون الشباب كلهم دشوو حتى هزاعو وياهم .. فدييت سيف والله شغلو االاغااني وبدو ايلوون انا ع طول شغلت الكام ويلست اصووور .. عقب نزلو يلسو يتعشون وجيــه انا يالسه بعيد طفرانه كفايه هزاع موجود.. طبعا هزاعو عيينه عليه لو بيدي تغشيت عنه.. افف منـه.. عقب فترـه.. خلاص قامو كلهم انا طلعت اول وحده من القاعه سرت ركبت سيارة سيف ..اترياه .. شويه ويا سيف وسرنآ طلعت تلفوني من شنطتي جفت مسج من هزاع هذا كان مساعه بس ماجفته تعال اجلس في قلبي واستريح وخلي هالطاري ابيك تنسى مواعيدك وتجلس داخل عنيه تعال اسكن وسط قلبي وعيش بداخل افكاري تعال ارسم ملامح عالم الحب وبلاويه اففف منه ومن مسجاتـه.. دورت بين مسجاتي مسج ينرد فيه عليه حصلت لاترفع الصوت ماني فيك مجبوره * قررت دربي وصوتك ما يوقفني* أرضى أنا بقاسيه أرضى بمغروره* ولا أرضى بعشرة حبيب ما تشرفني* ياما وياما وياما قلت بحروره* حاول تغيير ترى وضعك يكلفني* خلنا نتفاهم تعال نوضح الصوره* إما انت تمشي معي او لا توفقني* مسرور فيني وانا مانيب مسروره* حبي يشرفك وحبك ما يشرفني* عقب نزلت الفون وحطيت قران ف المسجـل وطولت عليه وطبعا سيف ساكت.. .................................................. ........................ فـ مكان ثاني ف نفس اللحظـه.. صوت الاغاني وصوت ظحكـه : فديييتج والله $: فدييت الي يتفداني والله.. حبيبي مابتي اليوم؟! : لا حبيبتي ماقدر اليوم مشغوول $: لييييييييييش حبيبي والله مشتاقلتلك موت : توني طالع من عرس خالتي وساير الشارجهـ $: افا فا انا جيـه ازعــل : كله ولا زعلــ حصووصه بس اسمحيلي هالمـره $: اوكيه فديتك بخليك بسير اتجهز : اوكيه وسلمي ع الشـلـه $: مع انه ملل بدونك بس ماعليه بتحمـل : ههههههه حبيبتي انتي $: قلبي انته يلا باي : الله يحفظج.. بند عنها وحط التلفون حذالهـ.. وطوول ع المسج.. شويه ولمح التلفون ولع ليته مسـج يااينـه : ياامرحبا بلي طرشت مسـج >> طبعا بيقول طرشت لانه هالفون مخصوص بس حق البناات... فتح المسج.. ويلس يقراه .. ههههههههه يلس يضحك هاي خبـله.. رفع راســه مالحق يستــوعب شي .. وصرخ من بعدهآآ مـآحس بشي .. .................................................. ........................ المكان: سيارة سيف الساعه: 1 فليل امــل .................................................. ........................ كنت يالسه اطالع برع شويه وجفت سيااره جدمنـآ تجلبت ع السيد الثاني خمس جلبات وعقب.. يت شاحنه من الصوب الثاني وظربتها السياره طارت ف الرمل شتتتتتت وحلييييييلهم الي ف السيااره الله يعيينهم.. سمعت سيف يقول لاحول ولا قوه الا بالله يوم يلست ادقق ف السياره . جفت لكزس بيضـه رقم ثلاثي رااك .. هالرقم مب غريب عليـه : لاااااااااا وقفففففففف سيف: بسم الله شوفيج؟؟ امل: وقف وقف سيييف كنت ادق ع الجامه مادري ليش اباه يووقف وقف ع الطرف.. سيف : بلاج حوه دموعي نزلت وانا صاده هاكي الصوب جفت الناس تيمعو ع السيااره سيف : بلاج تصيحين؟ امل: هــ هــزآآ ع ع سيف : وينه ؟! امل: الي سوا حادث توه سيف: اشووووووه انتي متأكده؟! امـل : هــيه نزلت راسي وتمييت اصيييييييييييييح اول مره اصيح جدام سيف جفته شل فونه ونزل ركض صوووبـهم ... تميت اوايق من الجاامـه عقب فتره جفت الشرطـه يو والاسعاف وحـآلـه وانا يالسه وقلبي يدق زاايغه علــيه من الخاطـر دمووعي تنزل .. انا دموعي تنزل وعشان منوو؟! عشان هزاع؟ مهما كان ومهما سواا والله هوه ولد خالتي .. والله العظييم ع كثر الي سواه فيني اتمناله الخيـر .. اخاف لاني دعيت عليه جيه استوابه ياااااارب يكون بخير ياارب ماصابه شي .. مع انه الحادث وايد قوي السيااره متعفصـه عدللللل ياارب ماستوابه شي ياارب يكون بخـير وحليلها خالوه شو ذنبهاآآ ولدها بجرها تتريا متى تفرح فيـه عقب فتره جفت الاسعاف تحركووو والشرطه بعد.. كل واحد رد سياارته .. عقب اخر شي جفت سيف يااي السيااره شكله تعبان سفرته ع جتفه ..وكندوورته فيها دم ... كان الشاارع فاضي ماقدرت اتحمـل نزلت من السياره.. وصل سيف صووبي سيف: ليش نزلتي؟! امل: سيف الله يخلييلك بلييييييييز قووولي هزاع مافيه شي قولي انه بخير وباجر بيطلعونـه بليـز؟! كنت اصيح بطريقه فضييعه.. رفعت راسي جفت سيــف منزل رآسـه.. امل: سييــف بليــز بلـــييز قووولي شووصاار؟! سيف: املـ اهدي شويه كيف تبيني اتكلم وانتي جيـه حاولت اهدي عمري شوـيـه اصلا الجحال نزل وحالتي حالـه.. امل: تكــلم... ؟ سيف: امممم كان يزقرج .. قال وايد اشياء بس مافهمت غير كم كلـمـه قاال امـل سامحيني غلطت عليج وايد .. هاذا الي فهمته امل: مسامحتنه والله بس قووولي شو استوآ فـيه.. بخير ؟! سيف: اممـ.. انتي مؤمنه بقضاء الله وقدره وتعرفين انه الله كاتب حق كل حد يوم وومحد يقدر يغيره او يعترض.. عرفــت من هالمقدمـه كل شي بس كنت اتأمل وبعدني حاطه امل انه يقولي بخير وباجر بيطلعونه وبيرجع ايلعوزج مره ثانيـه امل: خلااص سييف قوول؟ سيف: هزاع عطاآآج عمــره تميت اطالعه مبهته دقيقتيين.. وعقب حطيت ايدي ع ويهي .. وصحت من كثر الصياح قمت اشااهق بطريقه فضييعه ماقدرت اوقف يلست ع الرمل اصيـــح.. هززااع رااااااااااح رااح والسبب انا انا الي دعيت عليـه انا الي ذبحته كان يحبني كنت اسبه دووم مرت احداث حياتي من كنت صغيره لين الحين كل الي استوا ويا هزااع تذكرته .. يوم كنت صغيره ويلعوزني يوم كان يحاول اني العب وياه وانا اناازعـه .. ليش يااربي ليش كلهم يختفون عني ..؟! ليييش انا اصيح عليه مب هاذا الي ياامل كنتي مادانيـنه ؟! يمكن انا اصييح ع حالي وع حال امه وابوه.. شباابه ظاع ف اشياء تافهه.. كيف باجر بيجابل ربــه.؟! ماات وهو ماصلى ولا صام.. انا ادري انه مايصلي اعرف كل شي عنه ويمكن هااذا الي كرهني فـيـ‘ه.. اه ــ يآقلبي كم تعاني ... قبل ربع ساعه او اقل كان جدامي ايول وياهـم كنت متأّذيه من نظراتـه.. والحين اصيــح مووته.. تمييت فتره ع الارض عقب سمعت صوت سيف يقول سيف: امل نشي خلاص.. يوم قالي جييــه صحت اكثـــر ماعرف ليش تذكرت يوم كان يهددني بالصور وسيف الي ساعدني .. ذكرياته تهاجمني من كل النواحي.. كفااايـــه يازمــن اول خالد والحين هزااااااااااااع ... شو ذنبي انآ ف هالحيآه.. من كل صوب اتضايج كل الناس تضايجبي .. هزاع سيف وخالد ووايد.. كل حد .. جفت سيف مادلي أيــييدـه.. سيف:يلا نشي ورانا درب.. تميت اطالع ايده وانآ اتنافض.. مسكت ايده وسحبني .. وقفت جدامـه طاحت عيني ف عيـنـه.. انتفضت بكبري ماحسيت بعمري الا وحاظنـه سيف .. تمييت فتره اصييح .. سيف: بس امـل هدي حالج احيدج قويـه . تميت اصيح وارمس.. امل: اول ياسيف انا انا من هديتني مب انا الاولانيـه ... انا تعبانه هزاع ماات ياسيف .. اتذكر كل شي .. كل شي ذكرياته كلها ف راسي ماقدر احس احس مااعرف تميت اصيييييييييييح احس هوه اشفق عليـه حتى.. امل: ساعه بس قبل ساعه بس مطرشلي مسج .. انا دعيت عليه قلتلته الله ياخذك .. انا السبب انا السبب كنت دوم ادعي عليه.. سيف انا اتذكر كل شي كــل شي .. ليش روحو عني ليش هدوني برووحي .. تعرف انا مادري ليش اصيح عليه معني كنت اكرهه بس اصيح عليـه لاني اشفق عليـه.. بعده ف شبابه اذاني وكرهني ف حياتي.. بس كنت اشفق عليـه..ماسوا شي ف حياتهـه... كلها سيئات ماصلى اناا اعرف هالشي ... امـه وابوه شوبيستويبهم لو عرفوو... اهئ اهئ تمييت فتره حاظنتنه واصيح ماعرف مخي وين كان بس حظنته عقب فترهـ.. من كلامي حسيت عمري هديت واستوعبت الي سويته رديت ع ورا ع طول.. سيف: يلا قومي نسير مشيت ليــن وصلت السيـآره.. وركبت مسكت الكلينكس ومسحت الميك اب او بقايا الميك ابـ.. رفعت ريلي وحطيت راسي ع ركبتي وبديت دوامـت صياحي من اول ويديد .................................................. ........................ بعـــــــد ثلأث ايآم... |
بعـــــــد ثلأث ايآم... خلصت ايام العزا وانا كل يوم اسير راك وارد طبعا ويا قوم امايه من ادخل غرفتي لين اطلع منها وانا اصيح .. بس من بعد ماطلع ماصيــح لـاني تعـلمت شي انا ضعييفه لااكــن بسـ جدام سيف مب حد ثاآني.. كل ماحاول ماصيح اتذكر شكل خالوه يوم ف العزا وتنزل دموعي خالوه تخبلت ع ولدهاآ.. مب مصدقه لين الحين..الناس يوم يعزونها تيلس تصارخ وتصيح تقول ولدي مامات لاتجذبون قالي بسير الشارجه وبرد هوه الحين وياربعه بيتصل فييني انا ادري.. هزاع الله يرحمـه ع كل االخصل ألي مب زينه فيه بـس بار بأمه وابوه ـ مايحب يزعلهم.. يمكن هاذا شي يشفعله يوم القيامه سيف قام يتصل فيني ساعات بس بعد معاملته نفس ماهي ماتغيرت مشكلتي كل ماانسى اتذكر الحادث صاار جدام عيـني ... جفته يوم نقلوه بالاسعاف دمع ع كندوره سيف.. اهـ يأقلبي كم يعاني.. بــــعد ثلأأأث شهــووؤوؤر.. .................................................. ........................ المكان: بيت بو احمـد الساعه: 6 المغرب امـل .................................................. ........................ كنت يالسه ف البيت كالعاده بروحيـ.. الحمدالله الحين هديت احسن من اول شهر توفى فيـه.. كان مايمر يوم الاوانا صايحه فـيه..حتى قررت اوقف كليـه بس سيف ماطاع.. تغيرت وايد انا مب مثل قبل ..الحين نادر مااطلع بالاسابيع ماطلع الا الكليه وارجع ماهتم ف شي حياتي غلط ف غلط.. ساعات أي ع بالي هزاع تنزل دمعه من عيني بس ارد امسحها واقوي عمري.. احس تعبت سيف بعده مثل قبل ويمكن هالايام اخـس من قبـل.. انا تعبت من كل شي سيف بس احس وظيفته يطعن فيني ويسبني بس يجرحني وهو مب حـآس بشي؟ ماتوقعتك ياسيف جيـه صح الايام الاولى يوم مات هزاع كان واايد وياايه بس عقب تحراني خلاص قويت ونسيت.. اأهـ يالدنيآ... ردييت اكل حب واطالع الفلـم.. هاي شغلتي هالايام.. بس اكل حب واقرا قصص ولا اطالع التلفزيون لانه عندي فراغ ف حياتي بيت يدوه ماطحته من شهرين وراس الخيمه ماسرتها من توفى هزاع الله يرحمـه.. ادعيله ف كل صلاهـ.. انه الله يرحمـه وويوسع قبره .. طبعا هالاسبوع انا اجازه لانه عندنا امتحانات الاسبوع الياي السمستر هاذا مرر بسررعه مثل الماي .. مع اني توقعته مايمر بسرعه.. احس كل شي بسرعه يمر ماله طعم .. امس كنت وياريم والحين عرست امس كنت ف الثنويه اذاكر والحين اذاكر للكولج.. امس كنت مب معرسه واليوم معرسه سنوات قليله لاكن تغيرات كبيره وفرق واضح وحليلها خالوه مهره ملجت وف نفس اليوم مات هزاع الفــرح تحــول لــحزن.. خلص الفلم وانا مالحقت ع نهايته لاني سرحت كالعاده.. بندت التيفي وسرت فوق .. حطيت كتبي واغراضي ع الارض وطبعا حب لاني استويت مدمنه حب ههه كله اكل حب.. ويلست اذااكــر.. بعد خمس أيـآم.. كنت توني طالعه من الكوولج.. يالسه ارمس سيف ع الفوون.. امل: اوهوو بس عاد مابا سيف: قلتلج وانتي اسمعي رمستي امل: بسمع رمستك ف كل شي بس لبسي مالك دخل فيـه سيف: بس كيفي انا ريلج واسمعي شوري سكارفات ماشي وبناطلين ماشي وعباه مفتوحه ماشي غشا لازم تتغشين وهااذا الي عندي امل: كيفي ياخي مايخصك فيني سيف: انا ريلج ولازم تسمعين رمستي امل: طلــقــني يااسييف خلاااص طلقني عفتك .. النهـآآآآآآآآآآآآآآآآيـــه... اتمصخر وياكم مب النهااايه.. امل: طلقني يااسيف خلاص عفتك.. سيف: عادي بس طلاص مابطلق امل : اففف منك سيف: ههههه تأففي من اليوم لين باجر امل: اوكي خلاص سمعأً وطاعه .. مابلبس سكارفات سيف: هيه جيه انتي حرمه تسمعين كلام ريلج.. امل: انزين وصلت البيت ببند عنك سيف: باي بندته عنه وفريت الفون ف الشنطه وانا معصبببه ودخلت البيت سلمت ع امايه وسرت رقــددت.. .................................................. ........................ بعد ثلااث ايام. .................................................. ........................ المكان: الكـليـه الساعه: 9 ونـص.. امـــــــــــــــل .................................................. ........................ كنت ف الكليه ف الكلاس نمتحـــن بطنــي يعووووووورني من الخاطــر .. مادري بلاه اليووم يعورني كلت دوا ماشي فايده امس فليل طول اللييل ارجع مع اني ماكلت شي بس مادري شو السبب بسرعه ابا اخلص الامتحان ابا ارد البيييت وايد تعبانـه حليت أي شي وعقب طلعت من القاعه يلست وياربيعاتي ف الكفتيريآ.. لانه اليوم اخر يوم لازم ايلس وياهم شويه .. طلبو كلهم وطلبولي وياهم يوم يابو الاكل كلت بطاطا شويه .. حسيت عمري برجع بسرعه سرت الحمام عزكم الله.. روحت الحمام طلعت الي كلته مع اني ماكلت شي بس بطااطا.. احس بطني خلاااص بموووت من العوآآأأأأر يعوورني بطريقه عجيــبه ... طلعت من الكــليه وركبت سيارتي .. وتحركـــت .. وانا اسوق السياره حسييت بعوووااار من الخاطر ماقدر اسوق منه وقف ف اقرب باركنات.. جدام عمارهـ.. حطيت ايدي ع بطني ويلست اصيح.. من العوار ..دايما بطني يعورني لكن مثل جيـه اول مره... اخخخ مديت ايدي ف شنطتي وطلعت الفوووون منه واتصلت ف سيف.. سيف : هلا.آ امل: اهليين صوتي كان يبين انه فيني شي او اصيح او أي شي امل: سييف بلييز تعال سيف : وين؟! امل: تعبانه ماقدر اسوق تعال ودني البيت سيف: وين انتي ؟! امل: انا عند ***** سيف: اوكي تري ربع ساعه واناعندج امل:اوكي باي بندت عنـه.. وحطيت راسي ع السكان وايدي ع بطــني.. بس مسحت دموعي .. مادري كم من الوقت طآآف سمعت حد يدق الجامــه علـي رفعت راسي جفت سيف.. فتحت قفل السيااره وهو فتح البااب .. عدلت يلستي بس ايدي بعدها ع بطنـــي ... كان لابس نظاره شمسيهـ وكندوره بيضـه وسفره حمره.. يوم جافني عقد حواجبـه سيف : شوفيج.. امل: مماشي بس ودني البيت تعبانه شويه سيف : شو يعورج؟! امل: ماشي مع كل كلمه عوار بطنـي يزيـد.. ف النهاايه نزلت دموعي سيف: امــل بلاج تصيحين؟! امل: اهئ اهئ سيف خلاص سيف: بــس شو ماشي ليش تصيحين؟؟! امل: اآآآهـــ بطنـــي يعوووووورني . تمييت اتونن من العواار نزل سيف عندي تقريبآ سيف: من شو يعورج؟ امل: ااااي مادري من امس فلييل .. ماقدرت اتحمـل نزلت راسي وتمييت اصيح بصووت عالي .. سيف : نزلي بسرعه امل: وين ؟ سيف: تعالي بسرعه يوود ايدي وسحبني ساعدني ووصلني البااب الثاني.. ركبني وهو سار بابي وع طووول حرك السيااره لاقـرب مستشفى دخلنا المسشفى ياله ياله مشيت لين البااب عقب ع طول يابو النقااله وطيحووني فيهآ... دخلوني غرفه وخـلو سيف برع .................................................. ........................ المكان : المستشفى الساعه : 11 سيـف. .................................................. ........................ تمييت ساير راد جدام الغرفـه.. مادري شو فيها ؟ يمكن ماكله شي ولا تعبانه من شي ..بس شكلها وايد تعبانه.. كانت تصيح .؟ اكيد مابتصيح ع الفااضي ...اففف هايل بلاهم تأخروو؟! يااربي ... شويه وجفت النيرس طلعت سرت بسرعه صوبهاآ سيف: نييرس شوفيها؟! النيرس:انته جووزها؟! سيف : هيه حرمتي شو فيها؟! النيرس: بدك توقع عشان نعملها عمليه سيف: شووه؟! عملـيه شوه؟ النيرس: الدوده الزايد بسرعه سيف: اوكيه عطيني بوقع ودتني وراها الرسبشن وعطوني اوراق اوقع عقب قالولي انها تباني.. سرتلها الغرفـه.. دخلـت الغرفـه جفت ملبسينها مال العمليات الاخضر .. امل: سيــف تعال سرت صوبها ووقف حذالها امل: سيف بلييــز سامحني ع الي سويته اخاف اموت وانته مب مسامحني توني ياي برد عليها سكتتني .. امل: سيف انا غلطت عليك واآآيد.. ادري لعوزتك وبهذلت وياي بس خلاص ياسيــف.. سيف تعرف انا شو استوا فيني يوم ودرتك.. بغيت امووت .. انا عرفت قدرك يوم هديتني.. سيف انته وعدتني انك تغيرني لاكنك تغيرت عليـــه.. تغيرت وانا اتغيرت بعد كنت احس بطعم الفرح ويااك .. كنت اذا مارمستك يوم احس بيومي يتخبرط ويتخرب نظامــي .. اذا شفتك احس قلبي بطلع من مكانـهـ.. سيف خلاص تكفى بلييــز اترجاك ارجع .. خلاص انا تعبت . انا تغيــرت والله العظيم تغيــرت .. ســيف غيـــابك دمـرني ماعدت انا امل الاولـيـه احس قوتي كلها تلاشت وياك.. احس اني ماقدر اتصرف بدونك .. سيــف احس البنج خلاص بيخدرني بس اباك تعرف شي واآحد اخاف اموت وماقلتلها ادعييلي وع العموووم اناآآ ااح احــبـ.... رقدت قبل لاتكملهاآ.. الكلـمه الي اترياهاآ من شهــوور .. خلاص كلامها اأأثر فيني بطرـيقه غريبه مزمان ماحسيت بهالاحساس امل لمست وتر حسااس ويت ع اليــرح.. اخخ بس طلعت من الغرفه ويو النيرسات وشلوها غرفة العمليأآت.. تميت انا برـع اترياهاآ يمكن عقب ساعتيــين وشي طلع الدكتور.. سرت صوبه بسرعه. سيف: هاه دكتور بشر؟ دكتور : الحمدالله العمليـه نجحت .. والحين بينقلونها غرفه خاصه سيف : الحمــدالله ياارب الحمدالله.. دكتور: امم انته اسمك سيف؟! سيف: هيه ليش؟ دكتور: المريضه شكلها وايد تحبك طول العمليه تزقر باسمك.. روح عني وخلاني مصــدووم من الي سمــعته.. بعد سااااعتــيــن .................................................. ........................ المكان: المستشفى الساعه : 3 الظــهرر امـــل .................................................. ........................ فتحت عيني استغرب ... وين انا ..شو استوآ... رفعت راسي شويه جفت سيف ف ويهي.. سيف: الحمدالله ع السلامـه.. اامل: الله يسلمك.. شو السالفه؟ سيف: ماشي ارتاحي .. امل: ابا ماي سيف: اوكي دقاايق شويه سار ويابلي مااي شربني اياه وعقب يايه بيلس حسيت بنغزه مارمت انش امل:اخخ سيف: لالا استريحي فديتج.. قاالي فدييتج !؟ معقووله؟! سيف قالي فديتج لالاشكلي خرفت .. جفته ابتسملي امل: شو قلت؟ سيف: قلتلج استريحي امل: بس؟! سيف: هيه بس.. غمضت عييني هيه شكله البنج مأثر عليـ بعده والدلييل راسي الي يدور.. غمضت عيني وماحسيت بشي من بعدهآ... رديت رقدت.. بـــعد ثلااااث ساعات .. نشيت جفت امايه ف ويهي.. امايه: شحاالج الحين ..؟ امل: الحمـدالله.. امايه: طيحي ارتاحي امل: الساعه كم الحين؟! امايه:الساعه 6.. امل: انزين وين ابويه و احمـد؟ امايه: ابوج هني واحمد ياج شويه وجافج راقده قال بيسير وبيرد امل: اهآآ كنت ابا اسأل عن سيف بس استحييت .. عقب كلهم يوني الا سيف لين فليل باتت عندي اماآيه .. اليوم الي عقـبه الصبح امايه سارت البيت تبدل وتتسبح وجيـه تميت بروحي .. شويه وسمعت حد يدق البااب امل: تفــضل.. دخلت النيرس كان ف ايدها باقه ورد .. النيرس: صباح الورد.. امل: صباح الفـل النيرس: كيفك؟! امل:منييحه وانتي؟ النيرس : تمام حطت الباقه ع الطاوله الي حذالي.. امل: من منو؟ النيرس: ماعرفش امل: كيف ماتعرفين؟ النيرس : مأعرف هم عطوني اياها وقالولي اديها البنت الي ف الغرفه دي.. امل: ايواا استغربت من منوو .؟ عقب النيرس ساعدتني .. عسب ابدل ثيابي وجيـه بعد خمس ايام الحمدالله باجــر بطلــع من المستشفى ملييت الدكتور قايليلي اونه اسبوعين راحه ف البيت... طول هالايام كل يوم الصبح تيني باقة ورد.. ساعات باقه بروحها ساعات باقه ويا ككاو ..ماعرف من منو.. سيف من هالاسبوع موول مااياني من هاك اليوم ماياني .. شوق وعموه واهلي كلهم يوني حتى يداتي يونـــي .. بس هوه ماياآآنـــــي .. والله متضايجه ماعرف ويينـه امـــه تقول انه من اسبوع طلع وقالها بيطلع ويا ربعه ولا رد.. مادري وييــن سـآآر... اففف اتصل فيـه مغلق... ونفس كل مره يت النيرس عطتني البااقه وماتعرف من منو بعد اففف بــــ ع ــد ثـــلآث أيـآآم.. |
رديت البيت وطول الوقت طايحه ماروم اتحرك ههه اكثر شي ايلس ع النت مكان العمليه يعورني امشي بس ماروم وايد وايد يعني سييــــف قااهـــــرنــــــــي من هاك اليوم مااااااااجفـته.. ولا اتصلـ ولا شي كل يوم فوق الخمس مرات اتصل فيـه .. كله مغلـق.. شــليييـت فــوني واتصلت فــيه ... رن اخيرـآ رن .. حتى من الحماس يلست... رن رن رن رن اخر شي رد.. سيف: مرحب امل: مرااااااحب هلا وغلااا سيف: اهلين وسهلين.. امل: شحاالك يالقااطع؟! سيف: بخير الحمدالله وانتي؟ امل: بخير ويينك انته مختفي؟ ؟ سيف: موجود. امل: رديت البيت ولا؟ سيف:ف الدرب الحين برد.. امل: ايوا وين كنت مختفي ؟ سيف: مكاان..هعهع استغربت منــه.. مزمان مارمسني عدل معقووله اـأثر فيـه كلامي عقب رمسته شويه وبندت عنــه.. طرشتـله مــسج.. مآ غضيتْ بـ { أجفآنـيْ طرآڪْ ~ قلبـيْ ؛ ۈفڪريْ : سرىْ صۈؤبڪْ جزۈؤعْ ، ، ۈ ڪلْ مآ صدّيتْ فـيْ آلعآلمْ |~ آرآڪْ * طيف(ن) يرآۈدْ " خيآلـيْ " فيْ آلجمۈؤعْ . . منْ ؛ ڪـثرْ شۈؤقـيْ ؛ لـ شۈؤفڪْ يآ ملآڪْ ! أفقدْ آلإحسآسْ ۈ أشعلْ }[ لڪْ شمۈؤعْ شـووويـه ووصلني مسج منـه فتحتـــه اســـتغربببببببببببببت بسسسسسسسس فرحتتتتت من خاطري جيتڪْ أمسّيْ يآ . . منىْ آلرۈؤحْ . . بـ آلنۈؤر ~ ۈ أقۈلْ يآ خلّـيْ هلآع ۈ { ڪـيفْ حآلـڪْ . .* ياللهْ عسآڪْ بخيرْ ]{ طيبْ ۈ مسرۈؤر ]{ ۈ ياللهْ عسآنـيْ مآ أنحرمْ منْ ۈصآلـڪْ *~ روحت ادور اغنــيه ابا اطرشله اغنيـه ماعرف ليش... العمر لا رحت ما يسوى والله ما يسوى خذ روحي خذ قلبي خذ عمري يا هنيالي ... لك حياتي لك فدوه كلي لك فدوه عشقي غرامي هيامي حبي الغالي ... ولعتني سهرتني يا منيتي بحبك دامني انا ميت عنا بمشي انا بدربك ... كثر ما احبك انا احبك ويلي من حبك هناني بكاني خلني اعشق عيوبك... دنيتي تضحك ليه بقربك خلني بقربك عمري حياتي حبيبي انا محبوبك... لا تروح بعيد عن عيني يا ضوى عيني حبي جنوني وروحي فيك مجبروه ... بس اشوفك تضحك سنيني يا حلو سنيني تغلى وتحلى في عيني وقلبي وشعوره... ولعتني سهرتني يا منيتي بحبك دامني انا ميت عنا بمشي انا بدربك ... العمر لا رحت ما يسوى والله ما يسوى خذ روحي خذ قلبي خذ عمري يا هنيالي... ههه هالاغنـــيه تذكرني بالريـــم .. بس عادي طرشتله اياهاآ والله كنت اتنافض ... زاايغه من ردهــ... شويه ووصلني مسج كنت زايغه افتحـه تميت خمس دقاايق افكـر عقب تشجعت وفتحتـه.. كانت اغنــيه بدت الموسيقى ... حسيت اني عرفت الاغنـيه بس انصدمــت معقووله لالا شكلي غلطانه اكيد مب الاغنيه الي اعرفـهـآ بس يوم بدا المطرب يغني انصدمت اكثــر بحبكوحشتينى وبحبك وحشتينى بحبك وانتى نور عينى دا وانتى مطلعه عيني بحبك مووت لفيت اد ايه لفيت ملقيت غير فى حضنك بيت وبقولك انا حنيت بعلوالصووت وكأن الوقت فى بعدك واقف مابيمشيش وكأنك كنتى معايا بعدتىومابعدتيش فى دمى حبيبتى وامى وزى مكون ببتدى اعيش وبحبك وحشتينى بحبكوانتى نور عينى دا وانتى مطلعه عيني بحبك مووت بعدت وكنت هعمل ايه من اختارفرصته بايديه لكن حبك ده مانسيتهوش وعاش فيا ليه هتاسف على الغيبه مغبتيش لحظهوقريبه محدش عنده كده طيبه وحنيه وكأن الوقت فى بعدك واقف مابيمشيش وكأنككنتى معايا بعتى ومبعتيش فى دمى حبيبتى وامى وزى مكون ببتدى اعيش وبحبكوحشتينى بحبك وانتى نور عينى دا وانتى مطلعه عيني بحبك موت اخخ يـآآقلبي كم تعااني... حسيت ابا ارد علـيه رد من خاطري تحركت شويه وشوي وسرت فوق اغنــيه ف خاطـري من فتره اهديه اياآهآ ... بس الوقت ماكان ينااسب اتوقع الحين يناسب .. بس المشكله ماعندي هاالاغنـيه ف الفوون.. يت ف بااآآلي . فكــره.. فتحت التسجيــل .. وسجــلتها بًـصووتي وطرشتهآ .................................................. ........................ المكان: غرفة سيــف.. الساعه : 9ونـص فليل سيف .................................................. ........................ كنت يالس ع السرـــييير اتريـآآآ ردها ع الاغنــيه...خلا ص انا قررت .. اني اردلها حياتي بدونها ولا شي.. اكتشفت اني كنت اعاند نفس بس... ولا انا مـيـــت فيهاآآ .. خلاص اكتشفت اني ذليتها بما فيه الكفاـيه واني اباهاآ.. مايحتاي اعذبها بعد .. انا وهيه نحب بــعض ليش العذاب.. مهما كاان هيه حرمتي ماقدر اطلقها وخلآص... شويه ووصلني مســـج فتحت المــسج .. اغنــيه.. انصــدمت من الصووت .. صوووتها هييه ... تغنيـتها بصووووتهاآآ .. اخخ ع صووتها والله احبهاااااااااا أوعدني عني ما تغيب... تبقى هنا جنبي قريب محتاج أنا مثلك حبيب....يفهم عيوني وضحكتي 00 00 00 00 فيك أنت حلمي من زمان ...وأنت الهوى وأدفى حنان تلقى معاك روحي الأمان... يحلى بشر في دنيتي 00 00 00 00 وحدك أبيك والله أبيك... بس تكفى طمني عليك ما أبي احد يشغل عنيك... بموت أنا من غيرتي 00 00 00 00 خذني معاك يحلى ملاك... خلني أنا أحيا بغلاك حياتي من دونك هلاك... وحدك حبيبي وجنتي ع طول شليت الفون واتصلت.. ردت ع طول.. سيف: اوووعــدج يـأآآمـــل اووعدج اني اتم وياج طول العمـر وماخليــج .. امل: اخخ يـآآسيــف واخيـــرآآ سيف: قووليهــآ قووليــهآ وريحيييــــني .. امل: ههه لاانتــه قووولــهآآ اول بعدين انا سيف: وعد؟ امل:هيه بقوولها وبسكر ع طول سيف: احـــــبج اعشــقج انا مييت فـيج .. امل: واناــآ بــعـــد احــــبـــكـ موــــتتتت طووووط طووووط طوووط طووط بندت .. قالتهآآآآآآآآآآآآ ياناااااااااااااس ياااعاالم امل تحبني فدييتهآآ قسم باالللــــــــــــــــــــــــــــه النهآآأأإأيـــه.. مآآآبعد النهـآآٍيـه جاسم خذ هند بعد ماجافها وعيبته هاك اليوم ررشد اخو حميد خذ امنـه ربيعة ريم.. ومـهره عرست وخذت مايد.. احمد عرس وخذ اليازيـه امــل عرست بعد ثلاث سنوات وخذت سيـف.. وطبعا خذت شهادتها واستوت دكتورـه ... فـ نهاايـة قصتي حابه اشكـر كل الي وقفو ويايه وشجعوني اكملها اشكـر خالوتي شجعتني وايد واشكر غلوي ومسوه و بقايا انساان االكتابه المبدعه رذااذ الماس اشكـرها وماانسى اختي ذبحني غلاك .. شجعتني واآيد وقلب امـوور .. اشكر امايه بعد لها دور كبير ربي يحفظها ويخليهاآآ ... وربيعتي توؤمي مبركنه ع القلب قصتي كانت عباره عن مجرد احلام اتمنى انها تتحق ادعولي الله يوفقني ف دراستي ويحقق الي ف بآلي .. حسيت اني عايشت الوضع ف القصـه احس اني عشت وياهمـ .. حبيت قصتي تكون ممتعه بعيده عن جو الحـزن وقللت من هالشي بس بعد الحزن لـه دور فـيهآآ .... لين الحين احس اني مب مستوعبه اني انا خلصتهآ مع اني دوم كنت ادعي اني اخلصهاآ بسرعه .. واسمحولي ع التأخــير والي يبا ينقلها امـآآنه.. امنتكم الله يكتب نكي فيـهآ تحيـآآتي حبــك مايشـــرفنـــي .. 7вк мαЧsнαяfŋч تـــــــمـــ‘ت البدآأ‘يــه...: 03 اغسطس, 2009, 04:37:49 النهآأيـه....: 13 بفراير 2010 ... 9:11 يوم السبــت |
حبــك مايشـــرفنـــي .. لكيـــ كل الشكر على هااي القصهـ اللي بصراحه عشت فيها ومعاهاااا وأشكرج من قلبــ لأنج كملتيهاااااا وتسلمين الصراحهـ وربي يعطيج العافيه وفيـــ دااعـــــــةـ الله |
| الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir