البارت الخامس عشر


فـ بيت قوم ظبيه تحديدا فوق وين ساره وظبيه كانوا يالسين
ساره وجنها توه تذكرت شي : هيــــه ظبوي
ظبيه : بسم الله بلاج ؟
ساره : تعــالي عزمتوا خالوه شما ؟!
ظبيه : هيييه تعالي نسيت اخبرج هيه عزمناهم واليوم ياين الامارات
ساره : مـــالت عليج توه تذكرين ويي والله متولهه عليهم ، انزين متى بيون ؟
ظبيه : اظني طيارتهم بتوصل الساعه 3 الظهر ، تدرين انهم ماخذين اجازه اسبوع عسب ملجتي وملجه رشود اخوج بيتمون عنا اسبوع ونــاسه
ساره : حلـــــفي ويا هالراس وماتخبريني بعد
ظبيه : والله نسيت
ساره : انزين كلهم بيون ؟
ظبيه : يس اوف كورس
ساره : ياااي كشخه احس ان بنستانس من خاطر
ظبيه : هيه
ساره : انزين وقوم خالي منصور ؟
ظبيه : هههههههه شو الطاري يالسه تسألين عنهم ؟
ساره : خخخخ اتأكد
ظبيه : مادري بس نحن عزمناهم بيون حتى هم بيتمون اسبوع عنا عسب ملجت اخوج بعد
ساره : بيرقدون فـ بيتنا ؟!
ظبيه : هههههه ليش ماتبينهم ايون ؟
ساره : مالت عليج اسأل بلاج عليه ؟
ظبيه : خخخخ اتمصخر اعصابج ، هيه بيرقدون فـ بيتكم
ساره : بس امايه ماخبرتني
ظبيه : يمكن مسوتلج سبرايز
ساره : الا قولي يمكن نسـت
ظبيه : يمكن بعد
ساره : اليوم قوم عمو مريم بيون بيتنا كشخه
ظبيه : هيه تعالي اميه عزمتهم صح ؟
ساره : هيه
ظبيه : كشــــــخه

(الخاله شما : هيه اخت روضه وعوشه الصغيرونه وهيه ماخذه واحد كويتي وعايشه وياه فالكويت بس من فتره لـ فتره تزور خواتها , وهيه عندها بنتين ، ملاك 16 سنه و وجدان سنتين << عقب راح اتعارفون عنهم اكثر )

( الخال منصور : اخو عوشه وروضه وشما العود وهو عايش فـ شارجه وعنده ولدين هزاع 28 سنه هب متزوج ويدرس فالخارج عبدالرحمن 20 سنه << وهذيله بعد عقب بتعارفون عنهم اكثر )


فالمول تحديدا صوب الشباب
حارب : وجي اخباركم يعني
الكل : هيــه
حارب : ها يموع يقولون اليوم ملجتك
يمعه : خخخخ بصراحه اليوم اثبتلي وبجداره بعد انك غبي
حارب : افــاا ليـــــــش ؟!
يمعه : يعني من الصبح قاعدين يقولون اليوم ملجتي وجي
حارب : هههههههههه هيه والله بس عاد هب غبي مره وحده تراها قويه هااه
الكل : هههههههههههههههههههههههه
سيف : ذكرتني بواحد الله يذكره بالخير كل مانسبه يقول ترى هالكلمه قويه هاه
حارب : خخخخخخ انا اعرفه ؟
سيف : اممممم تقريبا
حارب : هههههههه شكلي عرفته
الكل : ههههههههههههههههههههههههه
يمعه : يالله عيل انا بترخص بسير الحلاق وبسير آخذ كناديري من الدوبي و و و و
سلطان : فديــت معرسنا ، الله يعينك
يمعه : هههه يلا عيل تامروني بشي ؟
الكل : سلامــــــــتك
يمعه : الله يسلمكم ، فمان الله
الكل : فمان الكريم
وجان يسير عنهم يمعه
عبدالله : تدرون ان اخوي سعيد مظهرلي قرون
سلطان : اشوفك صرت تيــس بصراحه توني اعرف السبب
الكل ماعدا عبدالله : ههههههههههههههههههههه
عبدالله : تيس الي يلس وياك
سيف : ههههههههه يعني كلنا تيوس
الكل : هههههههههههههههههههههههههههه
راشد : ها جهزتوا كناديركم وسفركم حق ملجة اليوم ترى شي وااايد بنات
سلطان : ههههههههههههه وين فطيم عنك ؟!
راشد : يالاسود فطيم فـ عينك اسمها فاطمه
سلطان : فديتني اسمراني
سيف : الاسمراني مر يا يما وقالي ( جان يمدها ويرفع صوته ) هــــــــــااااي
فـ هاللحظه وحده اجنبيه مرت صوب سيف هيه تتحرى سيف يقلها هااي جان ترد عليه هــــااي وتمت شاقه الحلج واطالعه وتبتسمله
صوب الشباب
سلطان : ههههههااااااااااااااي والله انك عجيـب طيحت وحده اجنبيه فـ شباكك
سيف : شو قالولك الرجل العنكبوت ؟
حارب : لا اسبايدر مان
الكل : هههههههههههههههههههههههه
سلطان : ههههههههههههههه اتنكت بعد
راشد : والله انكم مخبل
عبدالله : من زمــــــاان توك تدري ؟
راشد : شلكي جي ، سيفوو شوف الاجنبيه اسميها ذابت فيــك .. خخخخخخ
حارب : ههههههههه صدقك
سيف قفط : جــــــــب عـــااد هيه روحها رزت فيسها اصلا انا مارمستها
حارب : هااه هااه اعترف
سلطان : عليــــــنا يا بو التقردين ؟!
سيف : افاا يا سلطون انا بو التقردين!! حراام عليكم كله تظلموني
راشد وعبدالله : يلا سيفو 1 2 3 اهئئ اهئئ
الكل : ههههههههههههههههههههههه
سيف : ويا روسكم تطنزون عليه هااه
حارب : لا شكلهم يحاولون
راشد : هب جنكم وايد مستانسين ؟ ، ترى ورانا شغل لازم انسير المطار انيب خالوه شما وريلها وعيالها
سلطان : منو هذيله بعد ؟
سيف : ههههههههه الله يغربك هااي خالوتي اليوم يايه من الكويت اتخيل بتم عندنا اسبوع
عبدالله : تدرون حتى خالي منصور اليوم ياي
راشد : هيه خبرتني امااايه
سيف : صــــــــدق !!
سلطان : تعالو هزاع رد من السفر ؟
راشد : لا ما اظن
حارب : خخخخخ منو هذيله بعد ؟
سيف : اهلنا .. لوول
حارب : اهااا يلا عيل شباب انا بترخص بسير البيت ماباقي شي على صلاة اليمعه
راشد : هيه والله
سلطان ينشد : الا صــلاتي ما اخليها
سيف يكمل : اهي حياتي ودنيتي فيها
الكل : هههههههههههههههههه
وكل واحد منهم نش من مكانه وتوجه لسيارته وحركوا

صوب بيت حميد
ميره كانت يالسه ويا حصه وامها فالصاله الي تحت
ميره : وين سار احمد ؟
حصه : ترى ودى عبيد المول
ميره : اهااا ، اماايه ترى انا بسير الصالون ويا ساروه
ام احمد : زيــن والمطلوب
ميره : خخخخخخ فديتج ابا بيزات
ام احمد : ههههههه ادريبج ، سيري عند ابوج وخري منه 1500
ميره : بـــــــس !!
ام احمد : ليش كم تبين ؟!
ميره : 5000 درهم
ام احمد : لا والله ليش انتي العروس وانا مادري
حصه + ميره : ههههههههههههههههههههه
ميره : لا هب جي بس الاحتياط واجــب
ام احمد : سيري سيري عند ابوج الله يهديــج
ميره : انزين قولي حق ولدج الثور خل يوديني بيت قوم ظبيه
سلطان وهو توه حادر
سلطان : الثور الي بياخذج يالثوره ، السلام عليكم
الكل : هههههههههههه ، وعليكم السلام
سلطان وهو يطالع ميره : انا الثور هاااه
ميره : انا قلت سلطان ؟!! لا ماقلت بلاك شاك فـ عمرك
حصه : ههههههههه لا والله يعني احمدااني هو الثور !!
ميره توهقت : افــاا اخواني ثيران لا حشى
الكل : هههههههههههههههههههه
ميره : سلطان فديت راسك وفديت خشمك وفديت حرمتك ودني بيت قوم ظبيه عقب الغدا
سلطان : اييه اييه اييه لاتتفدين حرمتي اغاار عليها
حصه : اوووب اوووب اوووب منو هاااي بعد ؟
ميره : ههههههه هاي وحده امها داعيه عليها خخخخخ
سلطان : انجبي ترى مابوديج
ميره : لالالا لو جي السالفه ايم سوو سوووري
سلطان : هههه خلاص قلبت اعتذارج جلبي ويهج
ميره : مــالت عليك الشيخه ميره تتأسفلك تقلي جلبي ويهج
سلطان : اووووكـــي دوريلج حد غيري يوديج
ميره : اوووووه خـــلاص ، افف كل من هاللسان انا مايخصني
الكل : هههههههههههههههه
سلطان : زين يوم تعارفين ان لسانج طويل ، يباله قص
ميره تمت تتحرطم وسارت صوب ابوها عسب تاخذ منه بيزات حق الصالون

عقب مر الوقت وساروا الشباب المسيد وصولوا وعقب ردوا اتغدوا وصارت الساعه 3 سلطان خذ ميره ووصلها بيت قوم ظبيه وعقب سار صوب قوم سيف ، سيف كان ويا راشد كانوا يتجهزون عسب يسيرون المطار ويبون خالتهم
راشد : سيفو وسلطون انتو تعالوا وياي
سيف + سلطان : اوكي
عقب حركوا الشباب وساروا مطار دبي تقريبا وصلوا عقب نص ساعه نزلوا من المطار سلطان كان هب كاشخ وايد بس كان لابس كندورة بيظه وكاب اسود وفيه رمسه بالابيض وشعره ظاهر من ورا وسيف شراته << كانوا مطقمين ، وراشد كان لابس كندوره بيضه ومتسفر بسفره حمرا وكان شكلهم هالثلاث كيوووت تموا يترون شما الين ما وصلت هيه وريلها وبناتها


( يوسف : ريل شما وهو كويتي وهو اسمراني وعيونه سود وريال طيب ويحب حرمته وعياله واايد ..

ملاك : بيظه وعيونها سود وشعرها اسود وعمرها 16 ..

وجدان : بيظه وعيونها سود وشعرها الين جتفها اسود ونعيم واايد حلوو وهيه شوي دبدوبه وعمرها سنتين .. )



شما : هاذووه راشد ولد عوشه
ملاك : وينه وينه ؟
يوسف : ملاك يوزي عن الحركات البايخه
ملاك : بابا انا شسويت بس سألت ابا اشوف ولد خالتي
راشد : مرحبا بـ خالوتي (ويسلم عليها ) شحالج ؟
شما : مرااحب ، تمام ومن صوبك ؟
راشد : يسرج الحال الحمدالله على السلامه
شما : الله يسلمك
راشد وهو يصد صوب يوسف :هلا هلا بـ عمي يوسف
يوسف : اهلين ، شلونكم يا اهل الامارات
راشد + سيف + سلطان : تماام
وتموا يسلمون على الكل ويسألون عن الحال
سيف وهو يشل وجدان : واااي فديتها كيوت خالو منو ها ؟
شما : ههههههه هاي بنتي وجدان ( وتأشر على ملاك ) وهاي ملاك
سيف : عاشت الاسامي
ملاك : عاشت ايامك ، انت منو ؟
سيف : احم احم انا سيف طال عمرج
ملاك : عاشت الاسامي ( وتأشر على راشد ) وها منو ؟
سيف : ها اخوي راشد
ملاك : اهاا ( وتأشر على سلطان) عيل ها منو ؟
سيف : هههه ها سلطان ولد عمي
ملاك : اهااا ووين ساره وحصه ؟
سيف : فالبيت
شما : ملوكه بسج اسأله لعوزتي الريال
سيف : هههههههه لا عادي فديتج
عقب اتريوا الين مانزلوا اغراضهم من الطياره وشلوهم وعقب حطوا الاغراض فالسياره وركبوا وتوجهوا لبيت محمد كانت عوشه هناك تتريا شما اتيهم عسب شوي يريحون بعدين يسيرون الصالون حق ملجه ظبوي ، وصلوا البيت ورحبوا بهم ترحيب غاوي ويلسوا يسولفون وياهم شوي عقب ساروا قوم شما الجناح الي عوشه راوتهم اياه عسب يرتبون اغراضهم
ملاك : ماما تدرين ان عيال خالتي عوشه حلويين
شما : هههههههه هيه فديتج اصلا شباب الامارات كلهم حلوين
ملاك : لا مو شرط حتى شباب الكويت حلوين
شما : كويتيه مالومج
ملاك : ويي فديتنا اشفينا ؟
شما : اووه ماقلت شي ، يالله سيري جهزي اغراضج بعد شوي بنسير الصالون
ملاك : اوكيــك

وعقب 10 دقايق بالضبط وصلت مريم وعيالها ورحبت ابهم عوشه ويلست وياهم شوي عقب وعطتهم هم بعد جناح خاص ابهم عسب يرتاحون وساروا يرتبون اغراضهم ويتجهزون

فـ بيت سالم وروضه
ساره : ظبـــــووووي يالله اتأخرنا
ظبيه : افففف يايه
ساره :بسرعه نحن حاجزين الساعه 3 ونص الحين الساعه 4 اخرتينا
ظبيه : هههههههه اتريي والله يايه
عقب ساروا كلهم وركبوا السياره وكانوا
( ظبيه + ساره + ميره + شيخه )
ومن الصوب الثاني فـ بيت محمد
( ملاك + شما + فاطمه + ميثا )
ركبوا السياره وساروا ويا سيف

عقب كل البنات التقوا بالصالون سلموا على بعض ، وسلموا على خالتهم شما وتحمدوا لها بالسلامه ويلسوا يتريون دورهم وظبيه حدرت الحجرة عسب اتخلص هيه اول وحده تراها اهم وحده فالملجه
وعقب مر الوقت وسارت الساعه 7 خلصوا كلهم وردوا البيت وسارت كل وحده تلبس فستانها

( ميره : كانت لابسه فستان بيج وفيه حركات عالخصر ، وحطت ميك آب خفيف تدرجات البيج ودخلت فيه شوي عنابي وكان ميكبها وايد روعه ونعومي وكانت رافعه شعرها كامل ومنزله خصلات على ويها وكان شكلها خبـــاال ..

ساره : كانت لابسه فستان تركوازي << كان ظاهر اللون عليها خبااال ، وفيه حركات عالخصر والصوب النك ، وكانت حاطه ميك اب خفيف تدرجات التركوازي ومدخلين فيه شوي من اللون الوردي الفاتح وكان بعد شكله وايد روعه ونعومي وراقي ، وقصت قصتها مدرجه وكان شكلها متغير وشعرها كانت مسويلها كيرلي وباف من الفوق وصدق كانت محلـوة وشكلهــا روعــه ..

ملاك : كانت لابسه فستان قصير الين الركبه لونه ليموني وحاطه ميك اب ليموني وكانت مستشوره شعرها ع برع وكان شكلها كيــووت

وفطوم : كانت لابسه فستان ازرق فاتح وبسيـــــــط وحاطه ميك اب واايد سمبل وكانت رافعه نص شعرها وكانت محلوه وكان وشكلها طــرر ..

وميثا : كانت لابسه فستان قصير تقريبا شرات فستان ملاك بس لونه زيتي واللون كان خباال على ميثا وكانت مسويه بف بشعرها وحاطه ميك خفيف وكانت محلوه ..

شيخه : كانت لابسه فستان عنابي وكان مخصر على جسمها وكان شكلها رووعه وحاطه ميك اب ورافعه شعرها كامل ومسويه حركه فيه وكان واايد محلوه ..

شما : كانت لابسه فستان برتقالي وحاطه ميك اب فنان و مسشوره شعرها وكان شكلها روعه ..

حصه : كانت لابسه فستان احمر وحاطه ميك اب احمر فــاتح ومسويه تسريحتها شرات ميره رافعه شعرها ومنزله بعض الخصلات وكان شكلها روووعــه ..



و عوشه + مريم + روضه +مهره + موزه + ام احمد كانوا كل وحده لابسه مخوره فناانه عاد كل وحده كانت احلى عن الثانيه ..

واخيـــرا العروس ظبيه : كانت لابسه فستان ودري روعـــــه وفي وايد حركات وشغل و وحاطه ميك اب خبـــال روعــه درجات الوردي ومدخلين فيه كمن لون وكانت مسويه بشعرها حركه غريبــه بس واايد كشخه وكان شكلها متغيــــــرر وكانت صدق محلوه لدرجه اظني هيه كانت احلى وحده فالعرس .. )



نزلوا كلهم تحت الا ساره وميره تموا ويا ظبيه الي كانت صدق صدق زايــغه من خاطر ، وكان واايد ناس ياين مر الوقت بسرعه وكانوا حاطين اغاني وحشره جان يتصل عبدالله بامه عسب يعطيها الدفتر وتوقع ظبيه ظهرت ام عبدالله وشلت عنه الدفتر وسارت صوب ظبيه

تــابع /



فـ الصوب الثاني ( صوب الريايل )
يمعه كان مستانس عالاخر والشباب مرتبشين ايولون وايبسون وحالتهم حاله جان ايهم عبدالله وهو ماسك الدفتر وتم يبارك ليمعه عاد هنيه يمعه صدق كان مستـــــانس من خاطر الكل سلم عليه وباركه والشباب تموا يلعوزونه وخلوه ايول وياهم والبنات وايجو من فوق شوافوا الشباب ايولون
ساره : آآخ يا قلبي ظبوي لحقي الشباب ايولون
ظبيه : حلفـــي
ساره : والله حتى ريلج يالس ايول
ميره : هيه هاذوه .. خخخخ .. شوفوا اخوي سلطان فديته
ظبيه : مـــــــالت اصلا يموع مقطعنهم كلهم
جان تحدر عليهم روضه
روضه : بنيات !! شو تسووون ؟
ساره : ههههه يالسين نطالع الشباب وهم ايولون
روضه : ههههههه هيه جي السالفه
شما : ههههههههه عبالي ظبيه بتي تشرد
ساره : خخخخخخخخخخ لا عاد هب لهاي الدرجه
روضه : يلا ظبوي اتجهزي بعد 5 دقايق بتنزلين
ظبيه : لالالا مــاابــاا استحي
ساره + ميره : ههههههههههههه شو عـ كيفج ؟
روضه : يلايلا بلا دلع
ظبيه : ساروه ميروه لا تودروني روحي والله استحي
ساره + ميره : اوكي فديتج
وعقب نزلوا ظبيه شوي شوي من الدري عن تطيح عليهم وجان يسمعون لحن اغنيه الجسمي دانه


كيف أفرط في الهوى دانه
غايةٍ للنفس مثمونه

في هواها الروح عطشانه
ولا رواها موردٍ دونه

شاربه من الحسن رويانه
لاخلت عيني من عيونه

كم تسوى نطقت لسانه
وان همس يامجمل شجونه

ماخذه من الوصف سلطانه
عاديات الحسن مرهونه

جارحه واتريض في اعيانه
فتنة للشوف مزيونه

كل حظ مسوده الوانه
والرموش احرار مسنونه

والمحيا برق وامزانه
من غليظ النوّ يسقونه

عنقه والعود طغيانه

مسرف والخصر مجنونه

وطاح كيد يكسي امتانه
من جمال الليل واسكونه

من الجدم للراس فتانه
ظلها ياعلي يفدونه

الشقا والهم وشيطانه
والغواني لي يمارونه

على طول دخلوها وكل العيون صوب ظبيه وظبيه قفطــــت وتمت تبتسم والمصوره يالسه اتصور عقب مشوها الين ماوصلت للكوشه ويلسوها والكل سار صوبها سلموا عليها وباركولها عقب تمن ساره وميره ويا ظبيه شوي عقب ساروا عنها << نذاله .. هع

صوب الشباب كانوا بعدهم مرتبشين ويرقصون عقب تعبوا جان يلسون ويسولفون كانوا
( سلطان + سيف +راشد + عبدالله +سعيد +خميس +مايد +عبدالرحمن + مايد+احمد +عبيد )
والريايل
( منصور +محمد + حميد +سالم+ يوسف)
غير الناس الي كانوا موجودين
صوب الشباب
يمعه : افففففف متى بيخلوني احدر ابا اشوفها
عبدالله : ههههههه اتريا شو وراك ؟
يمعه : ياربي حرمتي كيفي
عبدالله : طاعوا هااه اييه لاتنسى انها اختييه
يمعه : كاااانت اختك الحين هيه حرمتي
الكل : ههههههههههههههههههه
راشد : يموع اسميك انت سوالف
يمعه : هيه بنشوفك شو بتسوي لما بتملج على فاطمه
راشد : جب جب صخ
الكل : ههههههههههههههههههههههههه
يمعه : عبود يالله عاد شوف متى بيخلوني احدر
سلطان : انزيين اتريا خل الناس يسيرون عيب بتحدر والناس موجودين
يمعه : عادي عادي
سيف : اعصابك ياريااال
الكل : ههههههههههههههههههههههههه
خميس : يموع شرايك انا احدر بدالك
يمعه : ماتبا كـــــف ؟!
خميس : وللللل خلاص غيرت رايي
مايد : ههههه انتو بعد سوالف
عقب مر الوقت بسرعه وسارت الساعه 11 وهم على هاي الحاله كل شوي يمعه يحن يبا يحدر داخل والشباب يطنزون عليه
يمعه : اذا ماخليتوني احدر الحين يا انتحر يا اسير واحدر عليهم جي
سلطان : اوييييييه عبود ترى ها ميونون يسويها
يمعه : انت المينون ، يالله والله تعبت ابا احدر
فهاللحظه رن تلفون عبدالله على طول يمعه سحب التلفون ورد
روضه : بسم الله منو انت ؟ شكلي مغلطه بالرقم
يمعه : لالا خالوه انا يمعه
روضه : ههههههههههه وين عبدالله عيل ؟
يمعه : هاذو يالس عندي ، خالوه متى بتخلوني احدر ؟
روضه : انا داقه عسب يخلونك تحدر الحين
يمعه شق الحلج : صـــــــــــدق
سلطان : خخخخخ اكييد قالتله احدر
الكل : اكيــــــــد
يمعه : يلا عيل بااي فديتج
وسكر حتى بدون لايسمع ردها
يمعه : يلايلايلايلا بحـــــــــدر
الكل : هههههههه اعصابك يارياك
يمعه : بسير ارمس عمي سالم عسب اي وياي انتو ماتنفعون
الشباب : نحن بعد نبا نحدر
يمعه : يلا منـــــــاك ماشي
الشباب : ههههههههههههه
وسار يمعه صوب سالم وقاله انه بيحدر الحين وجي
وكان هالوقت تقريبا الناس كلهم ساروا بس الي باقين الاهل ، عقب حدروا ( يمعه + سالم +عبدالله +سعيد )
اول ماحدر يمعه عينه على ظبيه كان بيغمى عليه لما شافها اول مره يشوفها جييه صدق صدق تخبــــــل وظبيه استحـــــت واحمــــــررت سار صوبها جان يحب راسها
يمعه : مبروك فديتج
ظبيه وهيه مستحيه وياله ياله صوتها ينسمع : الله يبارك فيك
تم يالس وياها ويطالها عقب دخلوهم الميلس عسب يسولفون ويا بعض وياخذون راحتهم المصوره لحقتهم تمت اتصورهم عقب ظهرت جان تحدر البشكاره وحطت لهم الاكل وظهرت
يمعه سار صوب الباب وقفله
ظبيه : يموع ليش تقفله ؟
يمعه : باكلج
ظبيه : ههههههههههه ماتروم
يمعه : تتحدين ؟
ظبيه : لالالا ما اتحدى
يمعه : هيه اتحرى بعد
وجان يزخها من ايدها ويلسها ويلس حذالها
يمعه : واخيـــــرا سرتي لي وحدي
ظبيه : ...........
يمعه شل الاكل وتم يوكل ظبيه وظبيه كانت مستحيـــه
ظبيه : خلاص حبيبي والله شبعت
يمعه حط الصحن : شو شو شو ؟ دخيـــــلج عيدي الكلمه ماسمعتها عدل
ظبيه : هههههههههههه ماشي ماقلت شي
يمعه : وغلاتي عندج
ظبيه : استحي
يمعه : وفديـــــــــت الي يستحون يالله قولي
ظبيه وهيه مستحيه : حبيبي
يمعه : بعد مره بعد مره
ظبيه : يمــــــــــوووع
يمعه : عيون يموع روح يموع قلب يموع انتي
ظبيه : بــــس عاااد

من الصوب الثاني فالصاله العوده
الشباب حدروا وكانوا مرتبشين الي ايول والي ايبس والي يغني
ساره وميره كانوا يالسن ويا بعض يسولفون من حدروا الشباب ساره ظهرت وسارت صوب المطبخ لأن امها قالت لها اتيب مااي حق يدتها موزه وهيه فالمطبخ يالسه ادور الكوب وهيه تتحرطم مره وحده شمت ريحه عطــر رجالي هب غريبه عليها وحست بإيد يودت حلجها وتسحبها هنيـــــه انصدمت وبغى يغمى عليها وكــانت خايفه صدق
وتمت عيونها اتدمع واتحاول ترمس بس ماتروم
من كثر ماهي كانت زايغه سكرت عينها وماحاولت اتبطلهم ويوم حست انها استقرت فمكان واحد << لأن هالشخص كان يسحبها ..
على طول بطلت عينها وانصدمت


كـــــــــــــــــــــــــــــــــــــــــــــــــ ـات

تسلم غرشوب ع البارت الطررر


ونتريا البارت الياي وتسلم ع القصه



والسموحهـ ع القصور