Part 7
أنا مـن الشـوق كثــر الشـوق متعبني
يا طـول صبري على شـوقي وتعـذيبه
ولا به سوى الشوق متعبني وغالبني
وإذا غلبك اشتيـاقـــك وش تسـوي به


عند ريم .... معقووووله يكوون زعل ؟! امممم لا لا ما زعل
انسدحت ع الشبريه بعد ما بدلت ولبست بيجامتيه وحظنت دبدووبيه : انت شو رايك زعلان صح؟!
امممم انا اقول جي بعد اووووف الحينه منوه مفروووض يزعل
برايه هو اصلا ما يهتم فيني... بس انا ما احب حد يزعل مني
اممم شو اسوي ما راح ارقد وهذي حالتيه اكيد امممم اتصل ففطيم اسالها يودت فوني عقب فريته ما يخصها فطيم وحليلها يمكن راقده.. انزين يمكن حالنا هذا مش عدم اهتمام منه يمكن يستحي يظهر اللي بخاطره ... هيه صح اصلا هو دومه غامض وغير عنا كلنا ومحد يفهمه لازم انا احاول افكر شراته وافهمه اذا انا ما فهمته منوه بيفهمه عيل بس صعبه علي انا اللي ابادر واراضيه حسيت عمريه ضايعه وما رسيت على راي سرحت فكلمات حمد العامري اسميك يابوشهاب عوووق^^ يودت ورقه وقلم وكتبتها وزخرفتها دومي جي احب اكتب اشعار وزخرفهن عقب اكتب التاريخ واخليهن ذكرى فbox خاص فيهن ....
تزعل وانا اللي منك زعلان..
تقسى وتجرح قلب مغليك..
غالي معي لو كان لي كان..
متعود تزعل واراضيك..
ان كنت ناوي الصد يا فلان..
الروح في بعدك تناديك..
وان يتني من الحب ظميان ..
بسقيك من حبي وبرويك..
لو هو انخلق شرواك انسان..
لامحتوى طيبة معانيك..
وأعاتبك والقلب ولهان..
رغم العتب مقدر اجافيك..
خلك معي والحظ سلطان..
محدٍ بهالدنيا يماريك..
وضفتلها لمساتي الخاصه^^ عيبتنيه طلعت كشخه كتبت التاريخ وفتحت الbox بحطها خطر فباليه اعطيها مطر بتكون طريقه سهله للاعتذار وفنفس الوقت رومنس بس اخاف يضحك علي وين عايشين نحن زمن عبدالحليم ولا سعاد حسني اعطيه رساله وجوابات لووول.... اممممممممم حتى هذي بفكر فيها والله صدعنيه بوغيث فديت روووحه... خلاص من غير تفكير شليت شلتيه البيضا وتسحبت لين باركناتنا الداخليه وطلع صدق مبركن داخل الحمدلله... حطيت الورقه ع الجامه معقووله حد يشلها غيره امممم شو الحل..؟! امممممم خلاص بحطها وربيه يستر ودعتج الله ^^
~~~~~~~~~~~~~~~~~~~~~~~~~
وشرقت شمس يوم يديد على اغلى مدينه واهلها وكان هاليوم هو اليوم المرتقب بالنسبه لقوم الثانويه لانه اخر يوم لمتحاناتهم الفاينلز
اما بالنسبه لريمان وفطيم فمن يومين خلصن وشنغل ومنغل باقلهم امتحان واحد بس
عند ام محمد الغاليه..... متوالفين عيالها حولها ع ريوقهم وام محمد يالسه تفتح فوناتها لي كانت مغلقتهن البارحه وفارشتهن حولها وابو عبدالله وابو مبارك من غبشه تريقو وظهروو لعزبهم واشغالهم
ام مبارك : مبارك تاكدت من راكان قبل لا تيلس فديتك
مبارك : هيه الغاليه دخلت غرفته مالقيته وسمعت صوت الماي فحمامه عزكو الله
ام محمد : تعال اميه تريق ها اندوك هالخبزه حاره
مطر وطيت ع راس يدوتيه ابوسه: نعمة دايمه.. شي فخاطرج الغاليه
ام محمد: سلامت راسك فديتك
ام مبارك: ما تريقت بوغيث
ام عبدالله: من متى وهو يتريق مثل خلق الله زين يوم انه يشرب له شي قبل لا يظهر
مطر : هههههههه يالله فداعة الكريم
الكل : فداعة الرحمن
مبارك:وشصبحن حريمنا
ام محمد: برووك حشم ويهده تهد العدو
مبارك: وانا شقلت الحينه ولا هب حريم انتن انزين غريبه هالهدوووء وينهن البنات العاده وحده تتحرطم والثانيه تغني اليوم مالهن صوت

ام عبدالله: البنات افتكن من يومين
مبارك : ياحيهن يوم افتكن
ام محمد: برووووووك
مبارك.. الله يستر دام قالت برووك : عونج غناتيه
ام محمد: عانك الرحمن ولديه ترانيه لقيت لك العروووس اللي تسر خاطرك
مبارك: ماحيدنيه قلت ابا العرس ياميه شله تدورين لي عروس بعد
ام محمد: ثرنيه برد لك شور ولا بخليك ع هواك
مبارك: افا ياام محمد ولدج انا الغالي ماليه شور عندج
ام محمد : لو ليه شور عليك جان لك شور علي اعنبوووك زاد جان سلطان ولد سعيد اصغر عند والبارحه يبشرون امه بولده
مبارك : ربي يبارك له بولده ويرزق خلقه وانا الحينه شو يخصنيه بسلطان ولا امه
ام محمد : انت اذا ما فكرت بعمرك وتبا تضيع شبابك برايك.. بس انا يا ولد سلطان ما بسكت عنك وياما خليتك ع راحتك اقووول بيعقل وبيني يبا العرس روووحه بس انت ما تنعطى ويه مررره
مبااارك.. لا حوول شلت عصااهاا : انزين هدي هدي فديتج لا يرتفع ضغطج ع الصبح بنتفاهم علني افدا روحج
ام محمد : ماشي تفاااهم تحمد ربك يوم انيه طولت باليه عليك هالكثر وزود عما صبرت هب صابره والبنت بنخطبها لك يعني بنخطبها لك
مبارك : لاحول ولا قوة الا بالله
راكان .. نزلت وانا اسمعها يدوه محرجه وتهازب مبارك صار شي طبيعي هالمشهد بالنسبه لنا : السلام عليكو والرحمه
الكل : وعليك السلام والرحمه
راكان وطيت عليهن اصبح ويوم وصلت ليدوتيه : ما عليج منه الغاليه طبيه عنج هذا هب ويه نعمه... انا انا خطبيليه ما عنديه خلاف امرره .. شفتها مسوتليه اكبر طااااف شكلها هالمره السالفه جد

ام محمد: انا قلت لي عنديه لا تصدعلي براسيه خطبه وبنخطبلك وهب رادين عليك احمد ربك يوم عطيتك خبر اصلا
راكان : وحكمت العيوز بالخطبه للمتهم مبارك بن سلطان المنصوري
مبارك : هههههههههههههههههههههههههههه OK شوفي منوه بيحظرها الخطبه عيل ... وقمت عنها وهي تتحلفبيه سالفه عيوزيه ويا هالعرس ..
ام مبارك : مبارك ولديه اخطف ع ميالس عمك شوف سعود وشهاب يقولون عندهم امتحان
مبارك... طلعت للميلس ولقيت الاوراق فكل مكان واحد راقد فشرق والثاني فغرب حشى متضارببين شوووه : سعود ..سعووود ..سعوووووووووودوووه
سعود: ها ها ها
مبارك بسم الله بسم الله بلاك؟!
سعود : استغفر الله شوه تبا !!
مبارك: مابا شي قم يالله شوف الساعه كم وشوف شهاب وياك انا اتاخرت
شهاب : ليش انا رقدت اصلا
مبارك: لا والله وهذا كله شوه
شهاب : اااااااه يسمونها غفوه طويل العمر
مبارك : ايواا المهم انا اتاخرت
شهاب : ربيه يحفظك سكر الباب وراك بررررد
مبارك: اكيد برد مسوينه سووونا الميلس حشى كيف ترقدوون اصلا كيف تتنصخوون لوعتوليه بجبديه ع الصبح بخلي الباب مفتوح خل الهوى يدخل
~~~~~~~~~~~~~~~~~~~
نرد الساعه كم دقيقه عند بوغيث بعد ما طلع من صالة قوم عمه

مطر..... طلعت من فلة عميه ااخ يالبرد يدق فالعظام الشمس ما تنشاف اليوم لبست( بوسطاريه ) هذي فايدته فهالبرد يدفي ولا غيرها يغث ويعل فالجبد وصلت لين موتريه انتبهت على الجامه شي غريب يوم قربت اكثر جنها ورقه غريبه منوه بيحطليه ورقه وانا مبركن داخل..! فتحت الموتر وشغلته تحر مكينته حطيت فونيه وكابي ع السيت لي عداليه وفتحت الورقه شكلها حلو ومزينه قريت الكلمات من اول ما قريت البيت عرفت انها الريم تلووومت فيها متى كتبتها وحطتها... اكيد عقب البارحه كملتها للاخر يالله انا اللي مقصر فحقج وانتي اللي تراضيني يا بنت عميه... سندت راسيه ع السيت وتذكرت مواز فديت طاريها وفديت صوتها ياربيه تولهت عليه حتى هي مقصر فحقها وايد من اسبوعين وانا قاطعنها متوله عليها موت... ضربتنيه ضيقه سحبت لي صلب وحطيته بين شفايفيه تطالعت فونيه .. ارسلها مسج؟ شوه بقولها!! ااه بطرشلها خلاص ماروم اصبر زود... فتحته وكتبت
"ما يـمـوت الشـوق لـو قـل الـوصـل
ومـا يـهـز الحــب زلـزال الظـروف
وانـت داري فـي مـعـزتـكـم اصـل
لـو يطـول الصـمـت لا يلـحـقـك خوف
والغـلا فـالقـلـب والـلـه مـتـصـل
ثـابـت مـثـل الاصـابـع فالـكفـوف"
طرشته وحركت موتريه... يالله رحمتك ياربي
~~~~~~~~~~~~~~~~~~~~~~~~~~~


عند راكان كان يالس يتريق ....
راكان .. تريقت وانا اسمع يدوه تتحلفبه واميه تتخبرنيه عن المذاكره وعموه تنصحنيه بالتركيز وعن العيله وهذا اخر امتحان ظنتيه كلنا جيه الصبح ايام الامتحانات اتريتهن يخلصن رمستهن وانا بس اهز براسيه واقوول ان شااااااااء الله وكل تفكيري متى اخلص وارد للمسن يمكن تدخل هنوف من متى ما شفتها اون لاين ذبحنيه الشوق خطرت فاباليه هالابيات وعديتهن فخاطريه طبعا @@
مـحـلـى هـالصـبـاح يـوم فيه بـنـلـتـقـي
وبـتـرتـوي بــه قــلـــوب الـغــرام
مـن بـعـد هـالـغـيـبـه زااان ألــقــى
والمـشـاعـر هــمهــا بــس لحـظة هـــيام
ام مبارك : راكان ولديه .... رااااكان
راكان : هااه... عونج اميه
ام مبارك: عانك الرحمن ولديه تاخرت عن امتحانك
راكان: يالله يالله برووح بس دعواتكن لاخليت منها
ام عبدالله : ربي يشرح لك صدرك وينور لك دربك ويسهل عليك امرك يالغالي
ام مبارك : امين امين ربيه يوفقك فاخرتك قبل دنياك ياولديه
راكان : وانتي يدوووه بركتج بركتج ... وطيت اتمسح بريولها وامسحهن باذني شروا الهنوووود
ام محمد : خوز خوز عنيه راكان استغفر ربك هذي ما فيها مزح ضياع مذهب هذا
راكان: تراج ما تهزبينه راميووه يومه يتمسحبج.. ولا هو حبيب قلبج وانا ولد البتان
ام محمد : عيزت منه يا ولديه مايسمعها الرمسه ما عليك منه هالخديه ان عدتها بزوالك تراااا امف عليكو عيال ذا الوقت كل شي بتمزحونبه حتى مذهبكو
راكان : السموحه منج الغاليه وهذا راسج ابوسه لا تزعلين
ام محمد : لا تستسمح منيه استغفر ربك رطب لسانك بذكره
راكان : ان شاء الله يالله فداعة الله
~~~~~~~~~~~~~~~~~~~~~~~~~~
"بوظبي ياشووقي وحبي
يا مليكتي عرش وجداني
ناسمك كل ما لفح قلبي
جرني صوووبك ووداني "
فبيت ابو محمد
هنو .... ما رقدت من البارحه من فرحتيه باخر امتحان وغير هذا بشد ع عمريه فالمذاكره ابا نسبه حلوه هالسنه اخر سنه لي كنت ميوده فودتيه بدخل الحمام عزكو الله سمعت ابويه يدق الباب : هنـــــو باباتي يالله فديتج نشي هنـــــووو
هنــــو : فديتك ناشه وسرت افتح الباب ... صباح الخير باباتي
ابو محمد: صباحج نور وسرووور مارقدتي ابويه
هنو: لا فديتك كنت اذاكر
ابو محمد : بارك الله فيج يابنتيه.... انتي ما ينخاف عليج الخوووف من لي خايس رقاااد
هنـــو : ههههههههههههه الله يعين عاد محمد وين والمذاكره وين
شفت ابويه يسير لغرفته .. وانا دخلت لغرفتيه
تحت فالصاله
محمد منسدح وحاط اوراق ع صدره اونه بيراجع
وام محمد وابو محمد يالسين ع الريوق وهنو توها نزلت
هنو:صباح الخير الغاليه
ام محمد: صبحج الرحمن برضاه وطاعته فديتج
بو محمد :الغاليه ويها ما عيبني اليوم شي مكدر خاطرج
ام محمد : هيه نعام انت مكدرنيه
ابو محمد : افا افا افا انامكدرنج متى؟
ام محمد : فالحلم
ابو محمد: ههههههههههههههههههههههههه وزعلانه من حلم
ام محمد : تراها الاحلام تصدق
ابو محمد :خبرني فشوه كدرتج يومج مصدقه الحلم عسب ما اسويه فالصدق واكدرج
ام محمد : اعوذ بالله منك يا بليس
ابو محمد : هههههههههههههههههه بلاج تتعوذين وخايف قولي الا هو حلم
ام محمد : حلمت انك معرس بمصريه
ابو محمد : هههههههههههههههههههههههههههههههههههههههههههههههههه هههههههههههههههههههههههههههههههههههههههه بمصريه عااااااااااااااااااااااد جان حلمتي بسؤريه.. لبنانيه شي يرزا يومج خايفه انه يتحقق
ام محمد: احر ما عنديه ابرد ما عندك تسولف وتضحك
ابو محمد : ههههههههههههههه ... تريقي هنو هب زين لج مواصله طول الليل فديتج.... عن اتيج اخت مصريه بعد كم يوم تخلص الريوق كله
هنوو: هههههههههههههههههههههه
ام محمد : هيه اتمصخرو انتو

هنو ضحكت من خاطري لانه ع اخر كلمه ابويه قالها محمد كان يناخر هههههههههههههههههههههههههههه: ان شاء الله بويه
ابو محمد : حموووووووووووووود
محمد : ها ها هااااه
ابو محمد: اترياكو برع انت واختك بتتريق ولا الحقنيه
محمد : ان شاء الله
محمد: شووووه هالحاله اميه ياهل انا يوصلنيه لين المدرسه شوووفيليه حل ويا ريلج
ام محمد بكل بروود : من سواد وييهك ولا كنت تسير وترد روووحك
محمد: اووووهووووو برقد انا متى ما خلصتي ريوقج وعينيه
هنو شفت حمود منسدح ويطالعني: بلاك ؟
حمود: ابويه كندورته زيتيه ولا يتهيالي؟؟؟
هنو: هيه زيتيه ليش !!
حمود : ههههههههههههههههههههههههههه والله وغيرنا عن الابيض
هنو: فديته ابويه دومه كاشخ
حمود: اخبرج اميه ريلج مطقم مع صبغ غرفة نومكو اليديده شووووو خخخخ
هنووو : ههههههههههههههههههههههه هيه صح وانا اقووول وين شفت هاللون ياربي؟
ام محمد : جب انت وياها تتمصخروون على ابوكو ولا محشمينيه يالسه من بينكو
هنو : السموحه منج امايه
محمد : ما ترضين عليه وتوج زعلانه منه لانه بيعرس عليج والله الحريم حركات
هنو: على اساس انك راقد
حمود: هي اختي بيسموها بالشامي كسر نعاس فهمتي علي كيف @@
هنو : اي خيوو فهمنا كيف لكااااان^^
~~~~~~~~~~~~~~~~~~~~~~~
~~~~~~ونرد لدار الزين
(ما عليه ضربنا خطوط من صباح الله اسمحوليه عاد تعبتكوو)
ريم... ما ذقت طعم الرقاد كل ما غفتليه عين اتخيل بوغيث وهو ميود الرساله وملامح ويه ما فارق خياليه.. احسه بينقدها علي هالرساله ياربيه شوهالعذاب.. وشو من شخصيات عليك يا مطر تقلبت لين التسع ونص من عقبها لاعت جبديه من هالشبريه ما رقدت البارحه برقد والساعه تعدت التسع قمت تعوذت من ابليس تسبحت وصليت لي ركعتين تهدي لي فواديه ونزلت تحت وانا فبالي اتصل فنواري تولهانا عليها وع غزلان وبعد بوعي فطامي بسها رقاد يالله عل وعسى اسلي عمريه بشي ذبحنيه هالتفكير... نزلت تحت ما لقيت حد لا يدووه ولا اميه يمكن عند قوم عميه محمد وايقت مع الدريشه الجو يفتح النفس احب الاجواء الشتويه طلعت فالحوي بستمتع بهالبرد وبشوفهن يمكن فالخيمه تمشيت لين الخيمه بس محد فيها وصلت المطبخ
غلوريا: good morning reem
ريم: good morning … where's my mom ?
غلوريا : she's gone with your grand mom
ريم.. اها خليتها فالمطبخ بعد ما خذتليه كوب حليب وشربته برع وانا اقلب الجرايد بس ماليه بارض لشي الجو كشخه بس انا مودي ما يساعد مول مالي الا فطيم لازم اوعيها الساعه الحينه عشر وربع يعني عطيتها ساعه الا ربع زياده بسها.. شليت فونيه واتصلت عليها فوق الاربع مرات ما ردت اووووبس نسيت انها تخليه سايلنت يوم ترقد اووف شليت بعمريه وتوجهت لبيتهم دخلت محد موجود الا رووضه وحمودي يطالع سبيس تون
ريم: السلام عليج رواضي
روضه: وعليج السلام والرحمه
ريم : شصبحتو ياللي داخل هالكرشه تولهنا عليكو بسكو عاد ظهرووو
رواااضي:: هههههههههههه هيه امورج طيبه انتي تبغينهم يظهرون ومتولهه الا انا اللي متوهقه
ريم : يالله يعينج ويسهل عليج ياربيه بس هالمره عاد عندج خبره عقب حماااده
حمود: اسمي محمد ولا بقوم عليج ترانيه
ريم: لا لا زغت دخيلج روووضوووه حماده بيقووم
رواضي: انت تطالع سبيس تون ولا تتسمعنا
حمود: the both mammy
ريم: يا حافظ عليك ولد عبدالله مشكلته هالمقلووع مدخلينهENGLISH KG
روضه : طالعله لسان ما قام يحشم حد حتى عميه مستغرب منه
حمود: امبونه لسانيه موجود بس ما كنت استعمله الغاليه
ريم وروضه:^^
روضه : ما عليج منه... اااه ويلي ريموووه زااااااااايغه ما زغت جيه يوم كنت حامل بحمودي
ريم : غريب امرج ^^ .. ما عليج ان شاء الله ربيه بيهونها عليج انتي هالله هالله بالدعاااء ادعي ربي يهونها لج وتراج ما مشيتي وانتي موصله خلاص
رواضه : من يومين عبادي ما يقصر يمشيني
ريم: اخبرج ترا مولات دبي يمدحونها كبيره للمشي وعاد لا تنسينا نحن خواتج شلينا وياج
روضه : متفيقه انتي انا وين وانتي وين
ريم : شوه انا وين وانتي وين بعد تراه المشي زين لج وعبودج ما يردج لوقلتيله ومنها بنتقضى الباقي للبيبي
روضه : انا ما بشلكن وانا اتقضى طول هالشهور عسب ما تعرفن الحينه يوم وصلت خلاص بشلكن
ريم .. قمت عنها: شكلها بنوووته ندري ها ها ها
روضه : وكيف عرفتي ام زكي مستويه
ريم : ما يحتاي فديتج واضحه لوهو ولد شرات مقلوووعج جان خبرتينا لانج خبرتينا بحمودي وثاني شي مستويه نحسه شكلها اعدتج بمزاجها هالدلوعه ... وخليتها ورقيت الدري بوعي فطامي وانا اسمعها تضحك: اخبرج اتصلي بنواري خل اتينا ولهنا عليها
روواضي : ان شاء الله بتصل روحي محتايتنها
ريم ...وصلت لبابها وكالعاده مقفووول ويلست ادقه نص ساعه يالله هب رقاد عليها الدبه ادريبها تسمع هين : اوكي ع راحتج دبووه مشكلتيه طيبه قلت ما بسير للمول وفطامي راقده بس انتي ويه فقر خلج خيسي رقاااااااااد ... ثواني سمعت صوت المفتاح : هههههههههههههههههههههههههههههههههه لا لا لا ليش عبلتي بعمرج الغاليه خلج راقده
شفتها تعطيني ظهرها وردت لشبريتها : شوه سالفة المول
ريم : اسووولف ماشي مول فديتج
فطيم : والله كنت حاااسه
ريم : عيل ليش فجيتيه الباب
فطيم: غمضتنيه ريوولج من متى وانتي واقفه هع هع
ريم: اها
فطيم : بس انا بسير المول ما يخصنيه
ريم : والله ياليت ضاربتنيه ضيقه هب طبيعيه من البارحه
فطيم نقزت من شبريتيه : عيل فالج طيب بنت العم مالج الا اللي يدبرها لج
ريم : بس البيت فاضي محد غير رواضه ولو تشووفينها مع كروووشتها ما تتحرك ما ظنتيه بتسير
فطيم : لا يهمج انتي بس زهبيليه عمرج وانا بييج لين غرفتج ومعاي الاذن العام والشامل بالحواطه ثم الحواطه ثم الحواطه لين ما تخوز عنج هالضيقه ^^
ريم : فديتج عبقرينو ثقتي فيج عمياااااااء ههههههههههههه يالله والغدا ع حسابيه ^^
~~~~~~~~~~~~~~~~~~~~~~~~~~~فطيم تسبحت ع السريع ووتلبست بعد ع السريع واثقه من السيره لانه بساطه باخذ الاذن من عميه سلطان ادريبه ما بيردنيه عاد منوه يشلنا ما يخصنيه... المهم اسيررررررر وهو بيدبرها ^^ وفعلا اتصلت ووافق بعد ما اتحججت له انه ناقصتنا شؤيه اغراض لسفره ومانبا زحمة المسا قالي انه توه وصل للبيت شليت بعمريه وربعت لين عنده قبل لايدووه تتدخل بالسالفه وتخرب كل شي... شفت ريم تنزل وهي لابسه عباتها ووايهنا عميه وصبحنا عليه
ابو مبارك : ناقصتنكن بيزات فديتكن
ريم وفطيم: ما تقصر ابويه عدنا لي يسدنا
ابو مبارك : انزين لا تتاخرن
ريم: ااااا ... بس ابويه نحن فخاطرنا نتغدا برع اليوم ^^
ابو مبارك: على راحتكن ... راكااااان .... راكاان
~~~~~~~~~~~~~~~~~~~~~
عند راكان وقبل هذا كله
طلعت من الامتحان بسرعه ماكان يهمني الا اوصل لغرفتيه وايلس ع المسن اترياها وانا فالدرب عديت هالبيتين ياليت اتشجع واعددهن عند هنوووو هههههه ع كثر ما عديت بها ابيات عمريه ما صارحتها بشي
"مـن يـبـلغ لهـنـوفـي سـلام
من يـرسـل لـها شـوقـي والـغلا
مـن يـوصـل لـها حـبـي والـغرام
مـعطـرٍ بورود احـلى مـن الـحـلا"
وفعلا وصلت ويلست لكن خاب الظن ما لقيتها ... يمكن بعدها تمتحن يارب انك توفقها وتسهل امرها دخلت للحمام عزكو الله اخذ لي SHWER دافي ويوم ظهرت من الحمام وانا اتلبس سمعت صوت حد حدر المسن ربعت للشاشه وفعلا قلبي حسبها كانت هنووو يالله من متى ما شفتج ولا حتى رمستج فديت هالشوف لاخلانيه ربيه منج
راكان: مرررررررررررررررررررررحبا مليااااااااار ولا يسدن غلاج فذمتيه
هنو: مرحب لاهااان هلا هلا ركوو
راكان: مبروووووووك فكاكج من الامتحانات
هنو : ربيه يبارك بعمرك بس انا زعلانه منك
راكان : افااااا افااااا زعلانه علي ماحيد عمريه مزعلنج الغاليه
هنو : فكر وبتعرف من شوه زعلانه انا
راكان : وغلاتج ما عرفت من شووه زعلانه
هنو: اممممم العصفوره خبرتني انك كنت 24ساعه ع المسن وين وعدك لي؟؟!!
راكان : انزين العصفوره ما خبرتج بعد ليش انا كنت 24 ساعه ع المسن؟
هنو : ما يهمنيه ليش بس معناته وعدك لي بالدراسه اخلفته وعسب جي انا زعلانه منك واااااااااايد
راكان: هنو فديتج ما يستوي جي تحكمين من غير لا تسمعينيه ابا فرصه اوضح لج اسبابي
هنو: اوك وضحليه هالاسباب
راكان : انـــــــا كنت اتـــــــــــرياج وفاتحنه بس لــــــــــــــج وعديه ما خلفته بالعكس انا شديت ع عمري فالمذاكره لعيونج وهالشي بثبته لج يوم بتظهر النتايج
هنو:....
راكان: هنو فديتج لا تزعلين علي ع شي انتي السبب فيه
هنو:....
راكان : معناته بعدج زعلانه
هنو: هممممم لا بس اذا شفت نتايج ما تعيبنيه برد ازعل منك
راكان : ههههههههههه فديت قلبج الطيب لا لا ابشرج بتسر خاطرج النتايج
هنو : ان شاء الله
راكان : هالعصفووره اللي خبرتج اسمها هنوو وكانت تدخل اوف لاين صح
هنو : ههههههههههههههههههههههههه لا هذا زيووود كان يسولف مع حمود ويقوووله وينك انت وهنو عن النت ما تحدروون عاد حمود انت تعرفه ابويه يشل عنه اللاب هع هع وانا خبرتك اني ما بحدر طول فترة الامتحانات^^
راكان... انصدمت زيود عندها ع المسن.. اااخ ياقلبي من متى وكيف وليش اصلا : زيود ولد عموه ناعمه؟
هنو: يس
راكان: هو عندج ع المسن
هنو : هيه اصلا هو اللي مهدينيه هالايميل
راكان يا سلام مهديها الايميل وانا شرا الخديه متردد اطلب ايميلها وما خذته الا من كم شهر....!! صدمتينيه يالهنووف معناته انا عايش حلم وردي ومصدق عمريه ولا فرحان فيج بعد واقول اكيد تبادلنيه الشعور :...........
هنو: امممم خبرك حمود عن باباتي وافق انسافر وياكو وناااااااااااااسه.... البارحه ما رقدت من فرحتيه والمذاكره طبعا
راكان : لا ما خبرنيه
هنو : عاد انا خبرتك ^^
هنو : انزين ركوووو اخليك انا فيني ارقاد مش طبيعي شي فخاطرك؟
راكان : لاسلامتج
شفتها تحول حالتها كنت افرح حتى لو اشوفها اوي بس ع الاقل موجوده ومن متى اتريا هاليوم انا ابا اشوووفج واخرتها هذا هو اللي اترييته..!! حرقة يوووف سمعت ابويه يزقر .. شليت بعمريه وانا احس بثقل وكآبة الدنيا كلها ع صدريه.. نزلت ووايهة ابويه : لبيه ابويه
ابو مبارك : لبيت فمنى ياولديه بشرنيه كيف كان اخر امتحان!!
راكان : تربووب ابويه كان سهل
ابو مبارك : زين الحمد لله ربي يوفجك... ابويه شل خواتك للمول بيتقضن لهن كم حايه لسفر
راكان ... خاطري اقوول لا وارد لشبريتيه اتلحف وارقد يمكن يكون حلم.. بس وين اعترض ورقيه وسبيجه متفيزرات بعبيهن : ان شاء الله ابويه
~~~~~~~~~~~~~~~~~~~~~~~~~~~مايد... وصلني مسج من ساره وانا اقرا تذكرت اني بسير لها اليوم يالله متى بس متى الساعه الحينه 11 الضحى يالله كم بصبر ما عاد فيني صبر
طرشت لها : مشــــــــــــــتااااااااااااااااااااااااااق
ساره... ما رقدت عدل البارحه اليوم اللي بينا فيه ميود مستحيل اعرف ارقد قبله افكر شوه بلبس وشوه بقول وشوه بسوي شفت المسج فديت قلبه وانا بعد اشتقت له بس الحينه لازم اعرف شوه بلبس اممممممممممم يالله بدور تو الناس عادي
~~~~~~~~~~~~~~~~~~~~~~~~~~~~~~
محمد .......و اخيرا افتكيت من الامتحانات اول شي بسويه بسير اخذ الجراجه واللاب من ابويه عليه حركاااات غريبه عجيبه خذ جراجه اللاب منيه فالبدايه ع باله ما بروم ادبر غيرها هههههههههههههههههههههههههههههههههههههههههههه بس اخ عرف اني دبرت غيرها وشل اللاب بكبره ..... القهر انه هنو ما يرمسها مول عن دراستها الا انا مسويليه سالفه الا ادرس وذاكر ومادري شوووه اووووف المهم افتكينا وصلت البيت : السلام عليج الغاليه
ام محمد : وعليك السلام هاااا ولديه بشرني
محمد : ما عليج ولدج دااافوور زلمات ما حلوو الامتحان شراتيه
ام محمد: متاكد والله ظنتيه الا سوداني هذا اللي ماحل شراتك
محمد: افاااا افااااااا انزين ما علينا طاف وينه شيبتج
ام محمد :شاااااااااب راس العدووو.. حمود حشم ابوك مسود الويه
محمد: انزين وينه المعقد اقصد العقيد
ام محمد : ابوووك رقووه استوى عميد
محمد : ياميه ريلج رقووه عميد بس هووووو معقــــد ما فجة عنه هالعقد ما اثرت فيه الترقيه
ام محمد: الحينه هذا ابووك جي ترمس عنه وعندي بعد عيل من ورانا شوه بتقوول
محمد : حشى علي الا اسولف عندج ولا انتو العين وفوووق الراس لاتزعلين مني فديتج الا هي سوالف
ام محمد : انزين فكنا شووو تباااا الحينه
محمد : ابا ساماني لي سرقه ريلج الحرامي
ام محمد: حموووووووووود ردينا
محمد: اقصد ابويه الغاااااااااااااااااالي
ام محمد :ماشي اتريا ابووك
محمد : ما يخصنيه اباااه
ام محمد : اتريا ابوك ابرك لك ولا تدري ليش تترياه انا بخبره كل اللي قلته عنه واترياا سامانك بتاخذه فاجازه الصيف اليايه ان شااء الله
محمد: حرااام عليج اميه اباه ضروووري
ام محمد: شوه تباه وانت توك مخلص امتحانات هاااااا
محمد :اميه ما بذاكر انا اباااه فشي ثاني
ام محمد : والله عاد تباصر انت وابوك ما بقى شي قده على وصول
محمد : امري لله صبرت كل هذا بصبر ساعتين عيل بسير ارقد انا يوم بيي وعوني اميه
ام محمد : ان شااء الله
~~~~~~~~~~~~~~~~~~~~~~
فالموووول ....
ريم وفطيم متقدمين راكان شؤي بكم محل ويتمشن ع راحتهن ماشي زحمه
ريم.. بما انه ماكان لي بارض لشي من اصبحت وبما انه خاطري ضايج كنت لابسه اي شي عادي يعني عباه مسكره عاديه وسلبر ناعم وخفيف وفطيم تقولي بدلي هالسلبر تراج بتفضحينا حد يلبس جي فبيتج انتي..!! وانا مسويتلها طاف عايبنيه بس ياليتنيهطعت شورها... لانه وانا امشي فجاه واحد منهم طاااااااااااااااااااااااااااااار بعيد واااااااااااااااايد عني @@... اخ ويهي حرقنيه نزلت راسي اطالع شكلي ريل بسلبر وريل حافيه يا فضيحتيه انتبهت لغشوتيه طاحت يوم نزلت راسيه رفعت راسيه وتغشيت بسرعه ادور السلبر وينها قبل لا حد يلاحظ ... لاااااااااااااااااااا شفته بعيد عني وصوب ريال كان يطالعه ويطالعني ويبتسم يا فضيحتيه كيف باخذه الحينه التفت ادور فطيم ما لقيتها رديت عينيه لا ارديا صوب سلبري اباه الريال فهم وبعد عنه سرت وانا قافطه اخذه لا فطيم ولا راكان عندي ياربي شوه هاليوم النحس لبسته بسرعه ودخلت المحل اللي عدالي ولقيت فطيم
ريم: انتي وييييينج هااااا
فطيم: قلتلج لا تلبسينها زين لج الحينه تبغيني اوقف عدالج عسب الفضيحه تكون فضيحتين
ريم : اوووووف لا تذكرينيه فطيمووووه
فطيم... كنت معصبه وايد بس من شفت حالها استوعبت الموقف: ههههههههههههههههههههههههههههههههههه بس شكلج صراحه يباله تصوير حسافه طااافنيه ما صورتج
ريم : اووهووووو متفيقه انتي حرام عليج اللي فينيه يكفينيه @@....فطيمووووووووه لحقي راكان يسلم ع الريال
فطيم : وين
ريم : شووووفيهم برع هالصوب
فطيم : هيه والله
ريم : ياسلااام طلع يعرفنا بعد هذا اللي كان نااااقص
فطيم : هههههههههههههههههه
راكان : هااا خلصتن !!
ريم : هيه
فطيم : لا لا بنتغدا قصدج!!
ريم : ما يخصنيه بظهر
فطيم : وانا مايخصنيه بتغداااا هب ظاهره الامازرتنها هالكروووشه
ريم وراكان : لازم ؟؟؟؟؟
فطيــــــــــــــــــــــــم : هيه
راكان : انا اخاف تاكلينا تتوحشين يوم تيوعين انتي خلاص ريم بنغديها
فطيم ها ها ها مفروض اضحك يعني
ريم .... انا وين وهم وين طلعت عنهم وهم يلحقووووني بنغدي الشيخه فاطمه بنت محمد
راكان : ريم بلاج ما تاكلين
ريم : ماليه خاطر
فطيم: كلي ما يرزا عليج الا هي نعال
راكان : فخاطرج نعال ما خذيتيها
فطيم : ههههههههههههههه الا خذتها
ريم : ركو منوه الريال اللي سلمت عليه
راكان : ربيع شنغل ومنغل حمدان العامري
ريم ... اخو سلامه يا فضيحتيه وسرحت بافكاري وانا اسمعهم يتضاربون
فطيم : لا تقول منغل
ركو: ما يخصج اقول اللي اقووله
فطيم : والله بخبره
راكان: خبريه ولا تدرين بسجلج اياه تسجيلل حصري بصوتي
فطيم : مالت ع الصوت مادري صوت منوه عاد
راكان: تتمنينه انتي وشيخج بعد
ريم: ما بتسكتون صح
فطيم وراكان : صح
ريم : اووووووووووف
~~~~~~~~~~~~~~~~~~~~~~~~~~~~~~~~~~عند سلامه....
نشيت ع الساعه 11 اتقلبت ع شبريتيه يالله بدت الاجازه وبدا معاها الملل... ع الاقل ايام الجامعه اتشاوف مع البنات ايلس عندهن انسولف ونضحك ونتمصخر ع سير رايح وسير راد ههههههههههههههه تذكرت البروووجكت اسمينا خربناها ني وريم وفطيم
بس يا حيه السير عشرت عمر من زمان وهو يعرفنا يدريبنا ربيعات وكركرتنا ضروريه حتى وقت الشووو...
راحت افكاري لقبل اسبوع بالضبط كنا متاخرات عن الموعد مال البروجكت مضطرين نسلمه غدوه فشليت قشاري وسرت للبنات بما انه.. ني نفره سهله التنقل وهن غلامتين هههههههه وسيرت عليهن وماظهرت من عندهن الا ونحن مخلصينه... وني طالعه بركب موترنا كان شي موتر توه راعيه نازل منه ظنتيه شفت هالريال من قبل بس اكيد هو ما عرفنيه هو ربيع حمدان بس منوه فيهم شيخ فطامي ولا اخوهاااا؟؟؟ اوووف وني ويش بغيتبه اتعايابه وافكربه ربيه يسمح دربه ويحفظه لهله ..... فريت اللحاف بعيد اسير اسبح ابرك لي...
~~~~~~~~~~~~~~~~~~~~~~~~~~~~~~~~~~عند قوم ريم
وهم رادين فالموتر كل حد فيهم بصوب وتفكيره بعيييييييييييد عن الثاني
راكان كان حاله ما يسر ابد وسالفة هنو وزايد ما خازت عن راسه والشيطان كبرها وكبرها فراسه...
اما ريم... فكانت حايره وافكارها تتضارب... هي سارت تبا تخوز عنها الضيقه وتتحوط وتستانس لكنها ردت بهم غير همها اووووف انا كنت ناقصه هالفضيحه ولا مع ريال يعرفنا .......
فطيم .. كان وصلها مسج وهم ظاهرين من المول من شيخها وسرحت فالمسج "اليوم اخر مساق امتحنه تعرفين شوه يعني حبيبي؟؟
هيه شطوره بتخرج قريب
وشووه يعني التخرج حياتي ..!!
برااااااااااااافووو شيختيه ذكيه طالعه ع شيخها ^^
بنعرس قريب
احبج "
~~~~~~~~~~~~~~~~~~~~~~~~~~~~~~~~~~~
فصالة بوعبدالله
ع الغدى الكل متيمعين ع سماطهم يتغدون ما عدا ريم وراكان وفطيم
ام محمد : ولديه محمد
عونج الغاليه
ام محمد: عانك الرحمن ..اليوم انا وام عبدالله وام مبارك قلنا من باجر بنيسر نبات فالعزبه كم يوم نوسع خواطرنا وتغيرون جو وتريحون من هالاشغال لي شاغلتنكو عنا
ابو عبدالله : ثرنا لمنوه نشتغل ياميه
ام عبدالله : ما عليه بو عبدالله ما بنطول نحن والجو حلو وما يتطوف
ابو عبدالله: شوه الراي بو مايد
بو مايد: دامها فخاطرهن بنظهر ما عليه الشغل لاحقين عليه
مطر : الحمد لله نعمة دايمه
ام محمد : بوغيث ترانا كلنا بنسير وانت اولنا
مطر : انم شاء الله اميه بشوف شوه عندي وبيصير خير
روضه : انا سمحوليه ما فيني ع العزبه
ام عبدالله : لا لا كلنا بنسير وتراج ما بتسوين زود عن اللي تسويينه فهالبيت سيريويانا فديتج وسعي خاطرج
روضه: بخبر عبدالله وبشوف شوه بيقول
ام محمد: ما بيقول شي كلنا بنسير حتى قوم خليفه وناعمه بنخبرهم
شهاب : هيه بس ياميه ورانا سفر ترااا ما بنطول
سعود : بيمدينا الاهن يومين
فطيم ... ريم وراكان نزلو معاي بس سارو لفلتهم اما انا دخلت لصالتنا
فطيم: السلام عليكو ورحمة الله وبركاته
الكل: وعليج السلام والرحمه
سرت اوايه شوابي ما ريتهم اليوم وانا احس بعيون تراقبنيه ^^
راكان...من نزلت على طول سرت لغرفتيه وقفلت الباب ابا ارقد وانسى كل شي صار مابا شوف حد ولا ارمس حد
ريم.... خذت سمانيه وسرت لغرفتيه ارتبه وانا باليه ما هدى مول افكر فمطر اكيد قراها الرساله وبسرعه ما احس بها يطري فباليه موقف السلبر يا الفضيحه شكله هالموقف ما بيخوز عن بالي مووول

ع الساعه خمس ونص العصر فالخيمه
ريــم: تاخرت نواري
ام عبدالله : تولهنا عليها وع غزوله
ام محمد : عندها خبر بسيرتنا للعزبه ولا خبروها تستاذن ريلها
فطيم : انا قلتلها
ابو مباااااارك: السلام عليكو ورحمة الله
الكل : وعليك السلام والرحمه
ابو ميارك : بنت محمد قربي
روواضي : اقرب انا ابويهل
ابو مبارك : انتي خلاص ما يخصنا فيج من خذاج عبدالله
رواضي : افا يا عمي
سعود : شوه تبغين الدلع من كل صوبج انتي بس؟ فجي عنهن خلي مجال لغيرج
ابو مبااارك: لا عاااد حدك هذي روض القلب الغلا اول فرحتيه
روضه: فديت قلبك يابويه ربيه لا خلانيه منك
ابو مبارك : ولا منكن.. هااا الفطامي ما بتقربين
فطيم... شقيت الحلج وسرت يلست عداله : قريبه عميه
ابو مبارك: وهذي هديتج لي طلبتيها
فطيم ويهي لبج ضوووو واستانست كلهم يطالعون يودت التذاكر : ربيه لاخلانا منك يالغالي ما تقصر فديت خشمك
ابو مبارك: واعيش وايبلج غيرها
فطيم: ههههههههههههههه عسى عمرك طويل مابا غير سلامتك
ام محمد : هيه الحينه ما تبغين غير سلامته يوم الورق فثبانج
الكل : ههههههههههههههههههههههه
ابو مبارك : تستاهل الغاليه
فطيم حالي ما ينوصف فرحه ع احراااج هب من شي من العيون لي ما فرقتنيه@@ فديتها وفديت راعيها
فطيم: ريم.. ما بتسيرين ويايه نزهب سامان لباجر
ريم: لااا بتريا نواري
فطيم: عيل انا استاذنكوو^^
سارت فطيم وسارت وياها ام محمد وام مبارك وام عبدالله بيسلمون ع حرمه مرقده فالمستشفى
بقى فالخيمه روضه وريم وراكان وشهاب لي كان سرحان فكره وهو مركز ع الضو وسعود والباقين يالسين ع فوالتهم ويسولفون
دخلت عليهم نواري وبدو فالسلامات ويلسو ياخذون اعلومها واخببارها
حمودي : غزلانووووه سيري عند ماماتج ابرك لج
غزلان : ليث ابا العب وياك
حمود: شوه ياهل انا العب وياج ما تشوفين يالس اتفاول << ياحافظ عليك
غزلان : انذين بتلياك بنثيل نلعب عقب
حمود ياربي عموه شوفي بنتج
نوره : بلاها بنتي هاااا كل هذا لانها تبا تلعب وياك العب وياها ولا كبر راسك
حمودي : كبر رراسي اناااااااريااااااال
سعووود: عااااش الريال خشمك بوعبد الله
><
نوره: هيه انت بعد كبر راسه ع بنتيه ... حرام عليك حمودي جانها غزلان تهاذيبك ونحن فدبي وطول دربها وهي تسولف عنك
حمود: its her problem
روووضه : حموووود عن طولت للسان انت دواك ابووك هين ان جان ما خبرته عن طولت لسانك
شهاب : هذا كله من دخلتوه هالمدرسه الخاصه وياما بتشوفون العجب
ريم: نحن عيالنا مدارس عاديه ومقاليع كيف يوم تدخلوونهم خاصه بعد شوه بيتعلمون غير طولت للسان
نوره: هيه صح تقوي شخصيتهم بس احسن لهم واصلا حتى فالمناهج احسن بعد
روضه : قصري صوتج دخيلج لا يسمعج هب ناقصتناه انا روحه ما ينزاد
نوره : بو سلطان اشحالك ؟!
راكان: هلا هلا ام غزوله يسرج حاليه
نوره : وين يسرنيه لا لا هب عايبني حالك بلاك حد مضايجنبك
راكان : ابدا حد يروم اصلا سلامتج ياغير دهمان ما رقدت عدل وخذت ريمان والخبله للمول اليوم
سعووود : محد خبله غيرك شيختك هذي
راكان .... طول اليلسه كنت ساكت واصلا حتى يوم قالي شيختك بس ابتسمت له ادري كلهم مستغربين وساكتين بس صدق مالي باااااااااااااااااااارض لحد
شهاب: سعود تاخرنا قم روووحنا
سعود: يالله صبايا ما تنمل سوالفكن يا غير مليناكن
ريم : هيه اكيد بتملنا الشيخه هب ويانا
سعود : يالبيه عليها وعلى طاريها حتى طاريها يرد الرووووووووح@@
رواضه : ويل حالك بو عزوووووز مخشعتنك بنت محمد
سعود: اه يا من ون والجفن محروم من صوابه ما يغظي بالمنام كن بي وسط الحشى نار السهوم تكوي الاظلاع وتبث العظام.....^^
شهاب : قيس بن الملوح حشى ترا هي الا فطيمووه مصدقين اعماركو
ريم: عقبال ما انشووفك بو احمد
سعود : اسميني بتمصخر علـــــــــــــــــــيه
شهاب : بتطبي ويا هالراس
ريم... روحو ربيه يحفظهم بس استغربت من رد سعود وشهاب
معقوله شهاب ما قال شي لسعود وهو توأم روحه؟؟؟!!
مطر... اليوم الظهر سرت اريح فغرفتيه وانا افكر فالريم من قريت رسالتها وهي فبالي ولاني عارف كيف اوصف مكانها فقلي مادري هي ريم بنت عمي لا راحت ولا يت بس هب مرتاح من معاملتي لها هي مالها ذنب يعني هي شرات فطيم وغلاتها منغلات فطيم ولو حد بيسوي ففطيم جي برضى؟؟
اكيد لا ... لازم اغير معاملتيه لها واطيب خاطرها بعد تستاهل .. هيه تستاهل قررت افضي عمريه لها ع الشاعه خمس طلعت للمول باخذ لها ولفطيم بالمره وياها هدايا ع ساس انهن مخلصات امتحانات ... بصراحه احترت وايد ما اعرفها ولا اعرف شوه تحب وشوه هو ذوقها ولا استايلها ما كنت انتبه لها ولا كنت قريب منها او من فطيم علاقتيه فيهن رسميه وايد.... موزه لو موزه لي بختارلها بسهوله كنت بختار لاني اعرفها اكثر ما اعرف عمريه ... قررت اخذلهن مجموعه عطور مريت باريس غاليري وشليتلهن كم عطر ومريت العربيه للعود بعد خذتلهن عطور عربيه وهن برايهن اللي يعيبهن يشلنه المهم ارضي الطرفين يعني اكيد لي ما تحب عربي تحب فرنسي ^^ غلفتها فبوكس كبير وشكله حلو يت بكتب بطاقه بعد ما عرفت شوه هالحاله ياربي احس عمريه 17 واول مره اشتري هديه خلاص برايه من غير بطاقه شليت السامان وروحت للبيت ... وانا ابركن الموتر ريت موتر شهاب طالع .. دخلت وسمعت اصوات فالخيمه لقيت ريم هي اول من طاحت عينيه عليها وهي صدت بعينها بعيد زعلانه ؟؟ لا يمكن مستحيه شفت نوره وروضه وراكان وفطيم نازله ع الدري اشرت لها سيري للموتر شي لج
دخلت الخيمه : السلام عليكووو
الكل : وعليك السلام والرحمه
مطر وايهت نوره وخذت علومها وشليت غزوله الزعلانه ويلستها فثبانيه : منوه مزعل حبيب خااااااله
غزوله ..........
مطر: بلاها
روضه : حد غيره حمود تبا تلعب وباه وهو مسولها طاف
مطر : وينه ولدج هالحمار حد يزعل القمر
مطر... كنت اتحجج فغزوله ابا اخف من توتري ... انا متوتر ؟؟!!
ريم... ياربيه ليتني قمت وياج يا فطيم ولا شفته هب مستعده لشوفتك اليوم
راكان : اقرب بوغيث تقهوى لا تطوفك هالقهوه عرب مسوينها
مطر: دام عرب مسونها بقرب
فطيم ... دورت فالموتر ما لقيت الا بوكس كبير لونه فوشي اممممم هذا هوه قصده اكيد ... بس اخاف اشله ما يكون لي شوه هالقفطه ... بشله وبرايه انا وريمان واحد هع .... يالله ما ثقله حشى ممزور ذهب دخلت للخيمه وكل لنظار لي
فطيم: صدقه ما اتصدق لحد يطالعنيه
الكل: هههههههههههه
روضوه : انتي من وين ضاويه ان شاء الله هاااا ويا هالبوووكس
فطيم خلوني بسلم ع اختيه وباخذ نفس
راكان ... سلمتي وخذتي نفس يالله نتريا اعترافاتج مسوده الويه
فطيم: ياربي صوت غراب ولا يتهايالي يقولون الغراب فاله شين الله يستر بس
نوره خلصينا عاد شوه سالفته هالبوكس
فطي/ ماشي بابووه تعرفووونه راعي الكفتريا؟؟
ريم : العاشق الولهان
فطيم : ما غيره
مسوي لي تلفون اونه طالعلنا اوووفر من الكفتريا عاد بنشووف شوه هو الاوفر الهندي
مطر: لا والله ^^
فطيم : هيه ثرك ما تدري شسالفته
بابوه هذا سلمك الله من زمااااااااااااااااااااااااااااان يشتغل فالكفتريا تعرفه الشيبه هذااااا يموت فشي اسمه فطيم انا يعني اونه اذكره فممثله هنديه عاد لا تشووفه يوم اتصل كله مجاني وكله هدايا مره عصير ومره ايس كريم واذا ابطينا عنه هو يتصل يسولنا عروووض
مطر : بيتزا هت هب بابووه هذا
ريم: الحين معقووله هالبوكس الغاوي من بابووووه ما غيره والله اتطور فجيه بنشووف عرضه شوه هالمره
فطيم : ها بوغيث افجه؟
مطر : فجيه
فطيم .. فجيته وطلعت العطور كلهن وعرضتهن وحال البنات وراكان @@ جي هههههههههههههههههه
فطيم : يا علك الغرام يا بابوووه ثره الحب يسوي جي يعلك تحبنيه زود وزوود
ريم: فطيم انتي من صدقج هااا كله من بابوووه؟؟؟؟
فطيم : ليش ما استاهل
روضه : لا حبيبتيه تستاهلين زود بس شوفي العطور ولا البوكس كم مكلفتنه هذي؟؟؟؟
مطر : لا هذي وايد عليج هذي لشخصين شكلها هب لوحده
فطيم... فهمت عليه : هيه ترا هو قالي لج انتي ويا ماماه ثاني قصده ريامي ^^ عاد انا نسيت اخبركن
ريم: والله شي غريب كيف تاخذينها منه شوفي كيف معبل بعمره ولا اخر العطور بعد
نوره : ومنوعها لكن عربيه وفرنسيه!!
راكان : فطيمووه ان ما رديتيها والله دواج عند سعود
فطيم: هههههههههههههههههههه والله ما رديتها بتبطي انت وسعود
مطر : شوفووو البنت كيف يوم شافت العطور باعت سعود
فطيم: هههههههههههههههههههههههههههههههههههه لا صدق صدق هذي من بوغيث فديت روحه ما قصرت الغالي مشكووووووووووووووور فذمتكن هذا ذوق بابووه
ريم..... من مطر ؟؟؟!
نوره: وانا اقول السالفه فيها شي اخرتينا عن الصلاه مالت عليج اذن المغرب
روضه : عليكن بالعافيه
وسارن نوره وروضه وغزوله داخل
ريم: ليش كلفت بعمرك بوغيث ما كان لها داعي
مطر : لا كلافه ولا شياته تستاهلن زووود بعد بس عاد انا ما عرفت شوه اخذ لكن ان شاء الله تعيبكن
راكان: هيه عرب تتمنون راضهم وعرب مسوين لهم طااف ترا حتى عربنا خلصوو امتحانات
مطر : افا عليك منوه قالك ناسيك بس انا تعايت بهدايا البنات عاد كيف هديتك انت ما عرفت اختار قلت بو سلطان ما بيرضيه غير الدراهم ولا انا غلطان
راكان : محشووووم بوغيث محشوووم
مطر : وهذي هي دراهمك
راكان : سلمت سلمت .........
مطر: جنها هب عايبتنك
راكان : خير ونعمه
مطر: خمسة الاف هب مازره عينك عنبووووك انا بحياتي ما خذت الفين ع بعضهن من ابويه وانت الخمسه تقول عنها خير ونعمه ولد منوه ثرك على هالبطره ؟؟؟
راكان : والله عاد زمنكو غير زمنا نحن كل شي نباه فوق الميه وانت عليك الحساب عاد
مطر: والله عاد احمد ربك ع نعمته غيرك شباب ما يعيشون عيشتك وخل عنك هالبطره قم بنلحق الصلاه
مطر: ريم عقب المغرب بغيتج بموضوع فالميلس
ريم.... وقف قلبي اكيد عن الرساله
ريم : ان شاء الله
راكان : لا لا ما عدنا حريم....
مطر: سده ثمك واخلص علي تاخرنا
راكان خيبه يالنظرات الله يعينج ياختيه عليه : ان شاء الله
فطيم : شوه هالتطورااااااات يا عيني ياعيني
ريم: اميه شوه يبا فينيه
فطيم: بلاج زايغه هذا هو مايد كل يوم ضارب خط لين دبي يجحل عنونه عادي وحتى اليوم اظن بعد سار لهم
ريم : لا لا مطر غير انا البارحه عطيته رساله
فطيم: شوه رسالة شوه
ريم بعدين بخبرج قومي الحينه بصلي يالله
~~~~~~~~~~~~~~~~~~~~~~~~~~~~~~~عند مايد كان توه داخل لبيت عموته ناعمه ويلس عند ريل عمته وذياب وبعد السلام وهالسوالف كلها استاذنهم انه بيسلم على عموته اونه عاد
مايد وذياب سارو لين د الصلاه
مايد: هود هود
العمه ناعمه: هدا ولديه محد غريب
مايد: السلام عليكن ورحمة اللله
العمه وساره : وعليك السلام والرحمه
مايد... وايهة عموتيه وانا اتخبرها عن حالها : شحالج عموه ربج بخير وعافيه
العمه: بخير ولديه ما نشكي باس ومن صوبك وصوب عربانا
مايد : والله كلهم بخير وسهاله الرب
مايد: اشحالج ساره .؟
ساره: بخير وعافية ومن صووبك ؟
مايد: نحمده ونشكره..
العمه ناعمه : يا مرحبااا بالغالي
مايد مرحب لاهان فديتج
العمه : عيل باجر بتسيرون للعزبه وبتيلسون كم يوم هناك
مايد : هيه والله عاد اوامر ام محمد هذي
العمه ناعمه : زين ما اخترتو ونحن بنشاور بو ذياب وبنلحقكو
مايد: يا مرحبابكو عموتيه
ذياب ..... عيل انا استاذنكو بسير اتزهب عندبه عرس بحضره
مايد: مرخوووص
ذياب : تباها من ربك انت
مايد : هههههههههههههههههه
~~~~~~~~~~~~~~~~~~~~~~~~~~~~~~~~~~~فبيت حمدان العامرري ربيع الشبيبه
حمدان ..... يالس عند عيوزيه واكل خبز رقاق وعسل والبنات صريخهن واصلنيه لين برع .. دخلت عليهن وهزبتهن ذاااك الهزاب اللي برد خاطريه عنبوها من حسووس عليكن اللي يقول امكن مصريه عاد
ورديت لين امايه وانا ادري سلامه شلت بخاطرها ادريبها حساسه لو الموضوع عادي وما يخصه بس هي غير عن باجي خواتي رقيقه وحساسه ودمعتها قريبه ... ما عليه بسير اراضيها خلاف وبتخبرها عن ام نعال ههههههههههههههه مينوون انا ويش بقولها تعرفين وحده نعالها طارت لين عنديه فالمول خخخ بس سلامه اكيد تعرفهن اشكالهن بنات جامعه وفعمر سلامه وهي مرابعه خوات شهاب
ما عليه المهم نطيب خاطرها ولا البنت ربيه يستر عليها ماليه حايه بها افضحها بعد وحليلها اكيد متلومه هههههههههههههههههههههههههه اسميه موقف كنت بستغله عدل لو كانت من هالبنتي اللوث بس هي كانت حاشمه عمرها ومبين عليها بنت عرب
مطر وعقب ما رد من الصلاه دخل للميلس الداخلي ولقى ريم يالسه تحط عصير
مطر : السلام عليج ا
ريم زيغنيه صوته كنت سرحانه: مرحبا وعليك السلام
مطر : ليش معبله بعمرج انا ما بغيت غير شوفتج تسدني
ريم : لا عباله ولا شي عادي الا هو عصير
مطر : انزين تعالي يلسي وخليه عنج
ويلسووو وتم مطر يسولف ويها ويضحك وريم مستغربه وقااافطه مول
ريم.... كنت قافطه ويهي حااااااااار واكيد احمر الحينه مطر اليوم غير غير غير يالس عنديه ويتخبرني عن كل شي وانا هب مركز ومادري شوه قلت له اصلا
مطر:ريم..... ريماني
ريم: هااه اا لبيه
مطر : لبيتي وانا محرمج ان شاء الله
ريم... فذمتك شوه تباني اقول ولا اسوي ويل حاليه شوه لي غيرك هالكثر يا مطر
مطر : هااا وين وصلتي
ريم: لا ابدا وياك
مطر: واضح
ريم.... نزلت راسيه اكيد كشفنيه وعرف انيه كنت سرحانه فيه
مطر ... عرفت انها مستحيه ومتوتره من اول ما يلست عنديه تقربت منها وهمست لها وانا العب بصبوعها : مشكوره ريامي ع الرساله
مطر ... شفتها فجاه قامت وكانه حد زيغها ولا كانها متكهربه: بلاج حياتي شوو فيج..
ريم...ز ما قدرت اقووله الحينه كل هذا عسب الرساله بس مالت علي كيف ما فهمت تغيره هذا كله من رسالتي
ريمقلت وانا صوتي يرجف وغصب يطلع منيه اصلا ما ادري اذا كان يطلع ولا لا:يعني انا غامضتنك ....
مطر: ليش تغمضينيه؟
ريم: لانك متغير اليوم وكل شي فيك مختلف كل هذا من ورا الرساله صح
انا اصلا بس ما اعرف ارقد وحد زعلان مني
مايحتاي تغير عمرك عسب رساله مالها اي قيمه
مطر..... والله عاذرنها ع اي شي بتقوله اصلا ادري ها كله هب من الرساله لا هي يالسه تظهر كل شي كان فخاطرها من ملجنا ويحق لها سحبتها من يدها ويلستها ويلست قريب منها: اول شي ما روم ازعل من قلبي ..ز ثاني شي اذا هالرساله مالها قيمه عندج انا قيمتها كبيره وايد عنديه لانها ظهرت من قلبي وغلاتها من غلا قلبي ... والشي الاخير غلطانه يا حلوه
ريم.... طالعته شوه قصده؟؟؟
مطر ... فديت هالعيون محلاهن ... : تدرين عيونج خبااااال
ريم... صديت عنه متفيق اليوم ومزاجه مادري كيف
مطر لفيت بويها صوبي: غلطانه لاني صح تغيرت بس هب من الرساله لا انا ادري ريمان قصرت وياج وايد بسربيه العالم اني ما قصدت كنت امر بظروووف وايد شاغلتنيه وماثره علي انا ادري المفروض ما ادخل حياتيه المهنيه واخلط ىبينها وبينج وحسيت بهالغلط والله هب اني هب حاس بس ظرووف وعدت واوعدج ان شاء الله من اليوم ورايح ما بتشوفين منيه غير اللي يسرج
ريم:....
مطر.... ما اعرف كيف خطر فباليه هالعذر بس من شفت عيونها ما رمت اخلي هالحيره والزعل والحزن فيهن حرام هالعيون الحلوه تعاني ... يودت يدها : شكلها غلاي ما عرفت قدرها عندي
مطر: شوه ريماني بعدج زعلانه مني
ريم: ليش انا اروم ازعل
مطر :فديتج والله
ريم: انا ما زعلت منك *** بس كنت خايفه!!
مطر: خايفه من شوه ؟!
ريم: ماشي
مطر: حبيبي عاد
ريم:......
مطر: حبيبي صارحيني ريلج انا اذا ما فتحتيليه قلبج لمنوه بتفتحينه
ريم... انا اسمع عدل ولا اتخيل قالي حبيبي؟؟!: انك ما تحبنيه
مطر غمضت عينيه واتذكرت موزه و سكتنا ثواني
.......................................
ريم... اكيد زعل منيه
مطر .. تداركت الموقف وابتسمت قرصت لها خدوودها : ليش اصرر على زواجنا مع ميووود اذا ما حبج؟
ريم: صدق
مطر : عيل جذب
ريم... ابتسمت ونزلت راسي فديت روحه صدق انا غبيه شوه هالسؤال
مطر : انزين غناتيه ابا منج وعد : تنسين اللي طاف وانا وياج تونا الحينه ملجنا اوك وحياتنا ما كان فيها ذيج الايام اللي انشغلت عنج فيها اوك فديتج
ريم... هزيت راسيه بفرح
مطر:شو رايه الحلو الحينه يتحوط بهالمناسبه الحلوه
ريم.. انصدمت : اظهر وياك
مطر: عيل ويا رامي ؟؟!
ريم: بس انا وياك
مطر ليش غريبه
ريم ... ااااا بناخذ راكان وفطيم
مطر: هالمره بس اوك!!
ريم ابتسمت له : اوك ثواني
cut
كل عام وقصتيه ومحبين قصتيه بخير وعافيه انا حابه استسمح منكو لاني توني نزلت البارت كنت ناويه انزله ع الظهر ولا العصر يا غير الظروف ما طاعت
و لاني في نهاية هالبارت مارمت اراجعها شرات بدايته لانه الوقت ضايقبي فرمضان وانتو عارفين كيف رمضان يخطف به الوقت بسرعه عاد السموحه منكو لو شي اغلاط مطبعيه ^^ واتمنى اكون رديت لكو بارت غاوي عقب هالغيبه

وابا اشكر بنت عميه الغاليه ربي لا حرمنيه منها ولا من ابداععاتها al6rf~alk7eel

وشرات ما تعودت بهدي ابيات لكل عين تابعت كل حرف كتبته من بداية هالقصه لكن هالمره الاهداء مختلف

الاهــــــــــــــــــــــــــداء
بيكون لعنووووووني ولكل عنووووووووون مواصله من البارحه ويمكن صارلنا زود عن اليوم ونص ما رقدنا بس حبيت اكون عند وعدي وانزل القصه فوقتها رغم كل الظروووف

تكلمني ونومك غالبنك وانا ما با السهر يتعب عيونك
دخيلك سد خطك راجينك رجيتك باللذي غلااك بونك
غضيضٍ بالهوى وصغير سنك من النسمه تتمايلك غصوتك
اداريلك ومن قلبي احنك واخاف عليك من خافي شجونك
تقول القلب كيف الهيه عنك يعاندني ولا يرتاح دونك



لا تحرمونيه من تواصلكووو الغاوي



فداعة الله