منتدى استراحات زايد - روِآيّتُيّ آلَآوِلَى - مِنٌ قَآلَ بّـمِوِتُ لَآ مِنٌ طٌحً ـتُ مِنٌ عَ ـيّنٌك وِلَآ تُنٌسًسًـّيّتُ حً ـبّـيّ قَآمِتُ آلَسًسًـآعَ ـهِ

البارت (3)

عند { العنود ×عارف×فهد}يالسين ع كراسي الانتظار لين ما يحولون القضية للضابط

الساعة 8:46 صباحاً

عارف وهو يهمس في اذن العنود :ايه يا حيوانة بتشتكين علي اني اشرب خمر

العنود :جب يالخايس لو ابي اشتكي كنت بشتكي من زمان بس هاي سالفة عودة

عارف :انزين ياخي قولو لي مليت شسالفتكم انتو قولو شصاار

فهد بغا ينطق بس سمعوا صوت حد يزاقر باسم العنود

..........

الضابط منزل راسه ويشوف الاوراق ورفع راسه شافهم وقال : اسمج العنود !

العنود هزت راسها بهي

الضابط : انتي اللي ضربتي زجاج ع راس راشد سالم ....

العنود وهي تصيح : صدقوني انا مالي ذنب هو اللي بغا يعتدي علي

الضابط :اهدي اختي وقولي لي السالفة من الالف الى الياء وصدقيني اي كذبة في السالفة بطيح عليج

العنود وهي خايفة :اوكي وقالت للضابط كل اللي صار معاها

عارف وهو فاج عينه ومنصدم ولا نطق باي حرف

الضابط : ما عليه اختي اهدي بس ما نقدر نطلق حريتج والا ونحن نشوف صحة اللي ضربتيه ع راسه واسمحي لي اقلج لو صار فيه شي لا سمح الله وتوفى نحن بنضطر نسجنج لكن يمكن العقوبة تكون اخف

العنود منصدمة وساكتة

الضابط وهو يشوف الاوراق :حسب اللي اشوفه انه راشد ما يقرب لج بالاسم ..ابا افهم شو اللي جابه في بيتكم

العنود :اخوي جابه في البيت هناك

الضابط : ايوا يعني يشربون في بيتكم دام انه راشد كان سكران ع حسب التحاليل اللي اشوفها والحين انتو الاثنين وياشر ع (عارف وفهد ) تسوون التحاليل وبنشوف شو بيصير

عارف وهو خايف :بس ما يحتاي نحن ما شربنا ..شوفنا في كامل وعينا

الضابط :ما عليه اخوي هاي اجراءات ولازم نسويها

,,,,,,,,,,,,,

في سكوول عند ميرة

ميرة :هلو قايز

البنات :اهلين فيييييج ميراني

ميرة :اقلكم شفتوا العنود ! فطوم هي في صفكم شفتيها ؟

فطوم وهي غيرانة :شتبين في هاي !!!

ميرة بنبرة الم :فطوم !

فطوم :ما شفتها اكيد غايبة

ميرة : افففف

فطوم : اقلج ميروه اليوم ابي اتمشى معاج في الفرصة ..ممكن ؟

ميرة بتردد :اوكي بشوف لو حصلت فرصة

فطوم ابتسمت وميرة روحت

....................

نروح عند ام طلال ...{ جيران قوم العنود}

بو طلال {46} طيب وقلبه حنون ..يخاف ع عياله وايد ..اجتماعي

ام طلال {44}لسانها طويل ..اهم شي عندها الحش والقيل والقال ..تخاف ع عيالها وايد ..تكره العنود ..

طلال {25} ريال والنعم فيه ..اخلاقه زينة وطيب ..موب مزوج وكان يبغي العنود لكن امه ما وافقت والحين رافض فكرة الزواج

مريم { 21} تزوجت وهي عمرها 19 ولين الحين ما عندها عيال وتعالج

ام طلال : بصراحة هاذيل سودوا ويوهنا

طلال : منو ؟

ام طلال :بعد تبي تتزوج العنود ..يقولون ضاربة ريال وهو في العناية

طلال :هااااا شو تقولين انتي

ام طلال :لا قول اني جذابة بعد ..ما اقول غير مالت عليك جان تبي تزوج هاي الشيفة ..قليلة التربية

طلال ما تحمل الكلام وطلع من البيت

بو طلال : خافي الله ..البنت دافعت عن نفسها وشرفها المفروض تكونين وياها مو ضدها وتقولين عنها هالكلام

ام طلال : برايها المهم انها قاتلة

بو طلال :الريال بعده ما مات ..بارك الله فيج ودري عنج الحش ترى والله ما بيفيدج

ام طلال :انا عارفة شو اسوي واتصلت في الحريم وتمت تخبرهم عن السالفة

........

جمانة وهي سرحانة في حصة الفيزياء

نرد للوراء ونشوف شصار بين احلام وجمانة

احلام :بلاج ردي !

جمانة :ها ما شي هاي ربيعتي هنود

احلام :انزين ردي ترى عادي انا اختجج بلاج

جمانة :اوهو ما برد يلا نزلي

احلام سكتت وشكت فيها

ابلة الفيزياء :جمانة انطيني الصندوق اللي فيه اغراض التجربة

جمانة ما ترد

ابلة الفيزياء روحت صوبها وقالت : عيني فيج شي احجي

جمانة توها تستوعب :ها ما فيني شي بس شوية ارهاق

ابلة الفيزياء :اكيد عيني

جمانة ابتسمت :اكيد

...........

حمد في كلية الطيران

حمد : مليت من هالارف

ناصر :ارف الحين وقبل ابي اكون طيار وحركات

حمد :هي قلت بس مليت لين متى يعني

ناصر :اصبر فالصبر مفتاح الفرج

حمد :هههه نصور ابو الحكم

ناصر :هههه ..الا بتخبرك انا بسير اليوم بوادي مول شرايك تخاويني

حمد :افا عليك بخاويك بس العشاء ع حسابك

ناصر : هااا يالزطي ما عليه ..بس اليوم

حمد : اوكي انت كريم ونحن نستاهل

ناصر :افف بعد خمس دقايق المحاضرة يلا خلنا نلحق

حمد :اوكي يلا نسير

.........................

نروح صوب سيف عم العنود في لندن

سيف :ميود شوف محد يرد ع فون البيت

ميود :اوكي تصبر ياخي بلاك سواف

سيف :ياخي انا حاس فيهم شي

ميود :لا تفاول يا ريال

سيف :انتظر بتصل ع ولد الجيران تراه ربيعي {يقصد طلال }

واتصل في طلال لكن من دون فايدة ..طلال غالق فونه

...................

انتهى البارت