منتدى استراحات زايد - غريبه دنيتي الي اجمعتني فيك

اقتباس:

المشاركة الأصلية كتبت بواسطة أفضل شاعر بالعالم (المشاركة 183007)

السلام عليكم

انا احب الناس الي يحبون الأنتقاد لانهم اكيد يبون يطورون من نفسهم ويتمنون انهم يكونون دوم من أفضل لأفضل

الحمدلله احب الانتقاد وانا هاي ماعتبرها قصيد ولا خاطره احسها مزيج منهم وبصراااحه مافكرت اني اكتب القصيد لاني احب اكتب الشي الي بخار بدون اي شي يقيدني ابدا ماقدر اتقيد في شي ولو تقيدت مابطلع الي خاطري اقوله

بس اسعدني كلامك والله

بالنسبه لموضوع ياطويلة العمر هو مش قصيده ولا خاطره

لانه القصيده تبا توحيد بالقافيه والوزن والخاطره لو مالتزمتي بقافيتها لازم ماتظهرين وايد عن وزنها والقصيده الي قدامي وايد ظهرتي وكثير وبشكل مبالغ عن حدودها

المهم

بالنسبه للكلام الي قلتيه فيه اختلاف كبير يمكن يخليني افكر انج كتبتي نص القصيده الي فوق بالنهار ونصها الثاني بالليل ههههه كله والله في الليل بس محد بيفهمها الا حد مجرب كلماتي

الغريب انج قلتي بالبدايه

ماتوقعتك مثل غيرك ترمي شباكك ولي تخون
هني انا اكدت خيانته بس مب شرط ان الانسان يخون يعني مايمنح حبه لشخص معين بس انا ارفض انسان يحبني ويخوني ولو في الماضي لان الماضي مرااات محد قدر ينساه ومثل غيرك لاني وايد اسمه شباب يحبون حريمهم او خطيبتهم ومن وراها يلعبون وهالعب بحد ذاته يعتبر خيانه عندي
وقلتي تحت

وان كنت انا بقلبك لرجع المصون واضمك بالعيون
انا قلت اني اذا انت عازم نك تنسى اللعب وتنسى كل ماضيك وترجع لي انا برجع لك مثل ماعرفتك قبل ما اسمع عنك هالكلام

يوم قلتي اهني ( ان كنت ) معناتها اصلاً انج مش متأكده من الخيانه نفسها اذا كانت موجوده او لا وبالبيت الي فوق اثبتي الخيانه يوم قلتي ماتوقعتك مثل غيرك تخون وترمي شباكك

الأفكار شويه متشتته ومش متناسقه مع باجي الأبيات

ولكن كبدايه اهي بدايه حلوه واستمري بالكتابه وبأذن الله راح تكتبين اشياء احلا واقوى وفيها فنون اكثر

وعشان مااظلمج تراج قلتي بيت واايد عجبني وحسيت انه ابداع في ابداع وهو

ماعرفت ان الحنون طيش ما هو جنون الحب والمزاين مزاين القلوب

يعطيج العافيه وصح لسانج وهالبيت انا اعتبره قصيده كامله واسمحي لي على الإطاله والانتقاد

ربي يوفقج وبنتظار جديدج

ههههه صح الله بدنك والله انا ماتخيلت فياتي ادخل الشعر لان الشعر له ابحورهوانا بعيدهكل البعد عنه ممكن امزج الشعر والخواطر في شي داخلي حبيت اعبرعنه بس والله اسعدني كلامك الطيب وانتقادك الطيب والله لايحرمنا من طيييب اخلاقك وطيبك منور