|
اقتباس:
مشكوره على الرد والمرور^^ |
البـارت الخـاممس .. و لبسوآ نعولتهم و راحوآ .. و سارت منال صلت و لبستَ ، و زهبت شنط أخوانهاَ عسب المبيت هناڪ .. منال : سلييييييييييييييينا ، سلينا : نعم برنسس ؟ منال : بتين ويانا محد بيتم هني تراَ .. سلينا : بيت بابا حمدَ ؟ منال : هيه بنرقد هناڪ .. تعال تونسي معِ ريحاناَ ، سلينا : اوڪي ... منال : بسرعه لا تتأخرينَ، مستر حميد بودينا .. سلينا [ رڪضت ] : اوڪي اوڪي ، و رجعت منال غرفتها تجحلت و تعطرتِ و حطت شوي روجِ و طلعتِ .. قفلت غرفتها و غرف أخوانها .. و نزلتِ تحتِ .. حميد : وينهم الشباب ؟ منال [ استحت لأنهم بروحهم ] : مدري احين بيونَ [ و رجعت بتصعد فوق ] حميد : تعالي وين رايحه اتم روحي شووو ؟! منال [ مستحيه ] : هاه .. هيه نسيت شي بييڪ الحينَ ، و صعدت فوق .. بهاللحظة وصلوآ حمدان و خالدَ .. من سمعت صوتهم نزلت ههه ، حرڪاتِ .. خالد [ رڪض ] : انا بسيل سنطتيَ ، حميد : قول بشيييل شششنطتي ، خالد : اوووه قلت بسيل سنطتيَ .. الڪل يضحڪ .. سلينا : يالله انا فنشَ .. حميد : له لهَ ، سلينا : بيوتفل صحَ ؟ حميد : هههههههههه الحمدلله و الشڪر يالله عيل روحنا ؟ حمدان : ياللهَ ، وين شنطتي منال ؟ منال : هذي .. حمدان : قواج اللهَ ، و طلعوآ ڪلهمِ برعِ .. رڪبوآ السيارة و توجهوآ بيت عمهم حمدَ ، رن فون منال [ سيف ] ! منال : هلا سيف .. [ حميد يناظرها من الجامه ] مع حميدَ .. هو قال خبرڪ [ طالعت حميد ] مدري ، اوڪي ما عليه .. حصل خير .. باي .. حميدوه و ويعهَ .. حميد يضضحڪ .. منال [ عصبت ] : والله عصب علي .. و قسم ما أڪلمڪ .. ليش تجذب انزين ؟ حميد : مستحيل يرضا اوصلڪم .. بيقول انا الڪبير .! منال [ معصبه ] : و لو .. حمدان : صح ليش تجذب عليها جي فشلتها جدام سيفَ .. خالد : جذاااب .. حميد يضضضضضحڪ و منال منطقققققره حدها . .ما نطقت بولا ڪلمةَ .. نزلوآ سيده دخلت الصاله سلمت ع عمها و مرت عمها ، و شلت خالد و صعدت غرفة حور .. حور : يستههبل شو ؟ منال [ تلبس خالد بيجماته ] : شفتي عادَ .. والله افتشلت من سيف شو بيقول عني الحينَ ، حور : والله هالحميد موب صاحي ، عاد شو بيفڪه من سيف الحينَ .. يا جاتل يا مجتولَ ، ~ غرفة سيف ~ سيف : لا والله ؟ حميد : هيهَ أنا قلت لها تبيني انا و لا سيف نوصلج قالت تعال انته سيف ع قولتها غلسسَ ! سيف : الحين منال جي قالت ؟ حميد : هيه منال ما مصدقني شو ؟ روح اسألها عندڪ ياها فوقَ ! سيف [ معصصب ] : انا برويها ، حميد [ يوده ] : اصبر عليها خلها تتغدا بالأول .. لو قلت لها شي ما بتتغدا و أمايه بتسوي لڪ سالفهَ ، سيف [ فر إيد حميد ] : انجلع برررع مابي اشوفڪ .. حميد [ طلع و هو مبتسم و بخاطره ] : شو يعني ، لأنڪ الڪبير بتاخذها أحلم فيها دامني حي .. و طلعِ و سيده غرفه الطعامِ .. نزلوآ البناتَ حور و منال و مارياَ و معاهم خلود .. و حمدان يالس قبلهم ڪلهمَ .. و قعد مايد يم سيف .. مايد : شفيڪ ؟ سيف : ولا شي .. مايد : ابتسم انزين ، سيف ابتسم بسخريهَ : هاهَ ؟ مايد : خيبهَ ! حمدان : يالله عادَ .. ماروم ع الريحه انا ، تسلم إيدج عموه .. ام مايد : الله يسلمڪ حبيبي .. بو مايد : يالله بسم اللهَ ، و بدوآ ياڪلونِ .. و سيف جي يناظر منال بنص عين ما خلاها تاڪل عدلِ من نظراتهَ .. و حميد يضحڪ ع سيفَ ، و خالد عافس الدنيا مع مارياَ ! منال : خلودَ .. بس عادَ ، خالد [ تأدب ] : إنساءاللهَ ، انا اسفَ .. منال : شاطر .. تبي سلطهَ ؟ خالد : هيه لو سمحتي ، و جي شباب بيت بو مايد فاتحين حلجهم من أدب خالد هههه ، عمرهم ما شافوا هالأدب .. ام مايد : فديته العاقل .. سننعَ ، خالد : سوڪرنَ .. حمدان : قول شوشوڪرنَ .. خالد : سوسوڪرنَ ، الڪل يضحڪ .. خالد : اووووووووووووووف .. منال :بس عاد حرام عليڪمَ .. ما يروم ع الشين هو . .اوف منڪمِ .. خالد : والله ماحبڪمَ .. بس احب عمي و عموه و ميمي و حور و أنوله بسسسسَ .. مايد : وانا ؟ خالد : ليسس تضحڪ علي ؟ مايد [ يود ضحڪته غصب ] : ما أضحڪ سوف ؟ خالد [ ضحڪ ] : حتى مايد يقول سوف . .ما بس اناَ ، حميد : هي هو ساطر نفسڪ .. الڪل يضحڪ ، حتى خالد .. و سيف بعده عيونه ع منال .. آخر شي قامتِ ، بو مايد : وين ما ڪلتي عدلِ ؟ منال : الحمدلله شبعتَ.. خالد : أنا بعدَ سبعَت ، منال : يالله تعال بغسلڪ .. و روحوآ .. شوي و رن تيلفون البيت ، أم مايد : حبيبتي ردي ع التيلفونَ .. منال : انشاء الله عموهِ .. سيف : منو السخيف الي متصل الحين ؟ حمدان : يمڪنِ وحده من ربيعاتڪ .. سيف [ فر البرتقاله ع حمدان ] : تخسي إلا انته .. قالوا لڪ حميد شووو ! حميد : لا والله.. الحين أنا شو يخصنـي ؟ أم مايد : بس عاد .. ڪملوآ أڪلڪم ولا قومواَ .. منال : و عليڪم السلام ، هيه هذا بيت حمدِ سلطان ال [ لقب ] شو [ صرخت ] شووووو ؟ و طاحتِ منال عالارض .. حور فزتِ لها عطوول ، حور : شووو فيج ؟؟!! منال تصيييحِ .. حور : الوهَ .. هيهَ .. شو تقول انته .. [ صاحت ] ابوييييه ! بو مايد [ فز ] : خير خير .. الوه و عليڪ السلام اخويه . .هيه أنا اخوه العود . .لا لا .. لا حول ولا اقوة إلا باللهَ [ و نزلت دمعاته ] انشاء اللهَ .. و سڪر .. ويلس و يود راسهَ ، منال جي متخبله مب رايمه تصدق ولا حور و خالد وراهم صاحَ .. حمدان : منال قولي .. شو صاير مناااال .. منال راسها عريل حمدان مب مصدقه و تمت تصييييحَ .. و تونِ . . أم مايد : خير حمد شو صاير ؟ بو مايد : اخويهَ .. حمدان : ابويهَ ؟ شو فيه ابويه .. بو مايد [ يصييييح ] : و .. حمدان : اميه .. جاسم شو فيهمَ .. عميه تڪلمَ .. بو مايد : ....... منال : بااااابا .. جاسسم .. ماما .. [ و تصيييح و حور ضامتنها ] لا . . لااا ، ماماتـي . . مايد : حد يرمسَ .. بو مايد [ فز غصبن عنه ] : عطوڪم .. عمرهمِ .. حمدان [ زاعج ] : شووووو ؟ منال [ تصارخ و قامت رڪضت فوق ] : بسير انا جاسم ما مات هو قال الولد ما ماتَ .. [ تصيح ] لا لا . . محد مآتِ، ما أبـي لاَ . . و خالد رڪض وراها . .لبست عباتها بسرعه و نزلتِ ، و هي منهآرة صيآح .. مايد : استهدي بربج يا بنت عميَ .. منال [ تصيح حيل ] : عميه ودني الله يخليڪ .. سيف : يالله انا بوصلڪم تعالوَ .. حور [ نزلت بعد بعباتها ] : بيي .. بو مايد : ڪلڪم لبسوا بسسرعهَ .. و طلعوا حور و حمدان و منال و خالد مع سيفَ .. و سيده الهوسبيتل .. سيف : محمد سلطان و عايلتهَ ؟ النيرس : للأسفَ .. الأب و الأم .. ما نجوآ .. منال [ طاحت ع الأرض ] : لاااااااَ ، حور [ رفعتها و هي تصيح بعد ] : بسم الله عليجَ .. حمدان : جاسم وين جاسمَ .. ؟ النيرس : بالعنايه و فرصت نجاته صعبه الحادث وايد ڪان قوي َ .. حمدان [ يصيح ] : أي غرفهَ .. ؟ النيرس اشرت لهم و رڪضوآ ڪلهمِ .. و منال خلاص أنتهت .. حور هي الي شايلتنها . . دخل حمدانَ .. حمدان [ باس راس جاسم ] : اخويهَ ، جاسم [ حاول يفتح عيونه ما قدر يود إيد حمدان ] : حمدانَ .. حمدان [ يصيح ] : هيه حمدانَ .. جاسم : وينهم .. ابويه و اميهَ ،؟ حمدان [ صاح بصوت عالي ] : عطوڪ عمرهمِ .. جاسم [ فتح عينه و نزلت ددمعته ] : اختيه .. خالد وينهمَ ؟ دخلت منالَ .. و ضمت جاسم .. مع إنه ڪان يتألم من ضمتها بس سڪتِ .. جاسم : منال .. حمدان و خالد عندج أمانهَ .. منال [ تصيح ] : لا جاسم لا تخلينا انته بعد .. جاااسمَ .. خالد [ يصيييح ] : جسسومَ .. جاسم [ يتألم و يصيح ] : خالد حبيبي .. أنا بروح عند ماما و بابا بعدين بيتمون روحهمِ ! حمدان : لا تقول جي .. جاسم محد عندنا نحن لا تروح الله يخليييڪ .. منال : جاسسسم .. الله يخليڪ . . جسوم لا مقدر . . ما أقدر بدونڪ . . دخلوآ سيف و حور .. و حور خلاص شوي و روحها بتطلع منهاَ ، جاسم : سيف أخواني .. أمانه برقبتڪم ليوم الدينَ ، سيف [ نزلت دمعته ] : لا تقول جي أنته بتبقى لهمِ و بتصونهمِ ، جاسم [ و نفسه مقطوع ] : ما بقا من العمر ڪثر ما راحَ .. منال طلعت و هي تصيح و أخوانها وراها .. و طلع سيف يهديهمَ .. تمت حور .. الي ما سڪتت من دخلتَ ، ستووب .. بعد شوي بنزل البارت السادس و بيكون طويل انشالله :16.gif: |
البـاارت السـادِس .. منال طلعت و هي تصيح و أخوانها وراها .. و طلع سيف يهديهمَ .. تمت حور .. الي ما سڪتت من دخلتَ ، جاسم [ مد إيده ] : حياتي ، حور [ أنهارت ] : جاسسسسسمَ .. جاسم : تعالي .. حور [ جربت منه و زخت إيده و قعدت ع رڪبهاَ ] : لا تروح الله يخليڪ . . جاسم : حور .. حبي غيري .. خذي غيري .. الله يخليج انسيني ، حور [ صاحت حيل و حطت راسها ع إيدينـهُ ] : لا جاسم لا تقول جي .. انا ما أعيش دونڪ .. جاسم : عيشي الله يخليڪ عيشيَ .. حور أنا أحبجَ .. حور [ رفعت راسها و عيونها مليانه دموع ] : انا .. أحبڪ بعدِ .. جاسم [ ابتسم ] : ديري بالج ع روحجِ .. حور : حبيبيَ الله يخليڪ لا تودرني لا لا تخليني ، جاسم [ نزلت دمعته ] : الله يوفقجَ .. حور : انته بتطلعَ و بتخطبني من ابويه انته قلت لي .. جاسم [ يصيح بألم ] : يا حياتي [ لمس ويهها ] الله يخليج انسينيَ ! حور [ يودتِ إيده ] : يعني ڪيف تخلينيَ . . ڪيف تروح َ ؟ لا تخليني جسومِ . . بعدينَ شقايل أتنفس . . [ صآحت أڪثر ] شقايلَ أشوف . . و شقايل أبتسمَ جسوم [ هزتـه ] قوم لا تخلينيَ ، جاسمَ [ يمسح ع راسها ] : بتعيشين بعدي حيآتي . . بتعيشينَ ! دخلت منال ..و جاسم ما طاع يهد إيد حور الي يودها بقوةَ ..و ردت منال تصييحَ .. دخلوا بو مايد و أم مايد و حميد و مايدَ .. ماريا..ڪلهم و هو ميود بعدهَ إيده حورِ و هي تصيح ..الڪل يعرف إنها لهَ ، و أنهم محيرين لبعَض من لمن ڪانوآ صغاريهَ.. و تموا قاعدين ع راس جاسمَ .. يقرون عليه و يدعون لهَ ..شوي و يت عمته أم عمرَ .. و عمهمِ جاسمَ النيرس : بليز ڪلڪم برعَ .. المريض تعبانِ ،/ طبعاً هذا بعد ما سمعوآ صفارات النبضَ ... منال [ يودت سريره ] : ماباَ . .ما بطلعَ / بو محمد [ زخها ] : يالله حبيبتي .. و طلعوآ و هي تزاااعجَ دخلوني .. جاااسمَ .. و حششره ذاڪ القسمَ ، و حور تصيح بسڪاتِ .. و تدعي ربها ما يروح من إيدينهاَ .. طلع الدڪتور . . رڪض له حمدانِ .. حمدان : بششِر ؟ الدڪتور : للأسف .. ما قدرنا ننقذهِ .. حمدان [ صرخ ] : لااا جاااااااااااااااااااسمَ .. يالفَشَششَله ڪلڪم فَشَشششلهَ .. ! و رڪض دخل الغرفه و وراه منال .. و رفعت هي عنه الغطا و ضمتهِ و تمت تبوسه ِ .. و ڪلهم برع يصيحونِ ، 3 أرواح في ساعه وحدهَ ! .. حور [ توها داخله ] : وينه .. وينه حبيبي ؟ منال [ تصييح ] : حوووور اخوي .. .. جسوم ماتِ .. حور [ تصصيح ] : لا جسسسوم .. قوم ، حبيبي ، [ جربتَ أڪثر ] حيآتي . . و جربت حور منهَ .. شافته مره أخيرهَ .. يودت إيدهَ .. و باست راسه ع خفيف و هي تصييييييح ، ڪان طبعاً جسم بلا روحِ .. باااردَ .. و أبيييض .. و الإبتسامه مرسومه ع شفاتهِ .. و منال ما رايمه تسڪتِ .. و خالد معاهاَ .. و حمدانِ حالته اصعبَ .. و طلعوآ من الغرفه و يلسوآ ع الڪراسي يم أهلهمَ .. و الحريم طبعاً صياح من الخاطر .. هذا غير مها و غلا و ماريا و شوق الي حشروآ البقعهَ ، الدڪتور : الأم و الأبو بالثلاجه لو تبون تشوفونهمِ .. منال [ فزت ] : ماما .. باباَ ، و رڪضت صوب الثلاج مع النيرس و وراها خالد و الأهلَ .. و دخلت .. فتحت الثلاجه الأولى .. [ مهرة ] الأمِِ .. منال طاحت ع رڪبتها و باستها .. منال : انا اسسفه لو مره زعلتجَ . .ماما أنا أحبج .. ليش رحتي .. مامااااهَ ، الله يخليج لا تروحين ، حمدان [ يالس عند أبوه ] : جي تخلينا .. ؟ما تقولون الرياييل لبعض ما يودرون بعضَ .. منو تم عندنا نحنِ .. ابويه لاَ .. و تموآ عمومتهمِ يصيحونِ و حريم أعمامهمِ معاهمِ .. و عمتهم زين ما أنهارتِ .. آخر شي طلعوهم برع لأنهم سوو حششره َ، و رڪبوآ السيايييرَ ,, منال مع سيف و أخوانها ، و حور .. و هم طول الدرب يصيحونِ ، نزلوآ بيتَ بو مايد و رڪضوآ ڪلهمِ فوقَ .. و يلسوآ ثلاثتهم بغرفة حور .. يصيحونِ .. خالد : يعني ما بيون بعدين نروح العزبهِ ؟ حمدان [ ضم أخوه ] : لا حبيبي خلاص راحوآ فوق عند اللهَ ، خالد [ صاح ] : مابي أبا بابا .. ابي ماما .. ! منال [ أنهارت ] : جاسم .. ماما .. بابا ، حمدان [ ضمهم قربه ] : بس خلاصً .. نحن لازم نصير أقوىِ .. منال [ أحتمت بأخوها ] : حمدااان .. حمدان : ما عليه .. الله يرحمهمِ .. ادعي لهمِ .. منال [ تصييح ] : الله يرحمهمِ .. أم مايد : حبيبتي / منال [ رڪضت ضمتِ مرت عمها ] : ليش ڪلهم راحو ؟ أم مايد [ تصيح بعد ] : حبيبتي هذا يومهمِ .. منال : أباهم انا .. عموه خليهم يرجعونَ ، أم مايد : يا ليت حبيبتي ، يا ليت الڪلام يرجعهمِ ! و تمت تصيح .. شوي و دخلت عمتها فاطمهَ و ضمتها بعدِ .. و عمومتهاَ تموآ يسايرون خالد .. و يهدون حمدانَ ، و منال موب راضيه تسسسسڪتِ.. بعد صلاة العصر ساروآ خذوآ جثمانهمِ عسب الدفنَ .. و منال طبعاً ما سڪتتِ .. شافتهم آخر مرهَ قبل الدفنَ .. أحلا ويوهَ ، جنهم فرحانين أنهم ميتينَ ، ذيج الإبتسامهِ و الويه السموح المنور .. و ڪفنوهمِ .. و ودوهمِ يدفنونهمِ .. بدوآ الناس إيونِ .. أهلِ أبوهم .. خالاتهم و خوالهمِ .. و ربع جاسمَ .. وايد ناس حضروآ الجنازة .. عالم عالم ، و بعد العزةِ وايد حضروهِ ، ڪان فبيت بو مايد ڪونه ڪبير العايلهَ ، مروآ اولِ ثلاثَ أيام من العزآ .. لا منال تاڪل ولا حمدانِ .. و 24 ساعه يصيحونِ ، أما خالد فديته ألتهى مع اليهالَ .. ويوهمِ اصفرتِ .. أجسامهم أهزلتِ .. و صابهم أرق و عيونهمِ صابها سوآدِ .. منال 24 ساعه تصلي و تدعي .. و حمدانِ قافل ع روحه الحجرة و ما يرمس غير منال ، تخيلوآ تفقدونِ أغلى ماتملڪونِ .. بأقل من ساعهَ ! .. ڪل ما تملڪونِ .. الذخر و العزوة و السندَ .. الأب الحنونِ .. الي لاِ تسڪرت البيبان بويهڪمَ يلمڪم يمهَ و يحميڪمَ .. و الأم الطيبه الي مهما زعلتوهاَ تبستمِ و تضمڪم قربهاَ و تبوسڪم ملهوفهَ .. و الأخِ السندَ .. اليِ لا طحتوآ يرفعڪمَ .. لا اشتڪيتوا يسمعڪمَ .. لا فرحتوا يرفعڪم بالسما و يڪمل بسمتڪم .. لا مليتوا يتغلس عليڪمَ ! .. منال / حمدان / خالد .. فقدوآ هالأشياء بأقل من لحظاتِ ، حد يتصورِ صعوبه هالشيَ ؟! الڪل يرفع إيده و يدعيَ .. يا رب ترحمهمِ .. و ينسون الأجسادِ الي عايشه بالدنيا بليا أرواحَ .. تلاشت ضحڪتهمِ .. و ضاعتِ فرحتهمِ ، منال [ ضامه صور أهلها و تصيح ] : يالله ترحمهمَ .. ليش خليتونا .. باباَ ، ماماَ .. جسسسسوم ><" حور [ روحها بعد هايَ سالفه تناظر صورة جاسم شوي و تضمها لقلبها شوي ] : رحت ولا اهتنينا مع بعضَ .. ڪل عمرنا نفڪر باليوم الي نڪون فيه مع بعضَ .. و لمن جرب هاليوم انت .. رحت .. ليش يا جاسم ! أذنِ العصر و قاموآ البنات يصلونَ ، خلصت منال صلاة و نزلتِ تحتِ .. منال [ تدق باب غرفه حميد ] : حمدانِ .. حميد [ فتح الباب ] : تفضلي .. منال [ ما ناظرته ] : حمدانَ صليتَ ؟ حمدان [ يقرا قرآن ] : الحمدللهَ ، منال [ دمعت عيونها و حست بغصه ] : تقبل اللهَ ، حمدان [ نزلت دمعته ع المصحف ] : منا و منجَ .. حميد : الله يرحمهمِ يا ربَ .. منال [ ما ناظرت حميد ] : لمن تخلص تعالي فوق أباڪ . . و صعدت فوق ، حز بخاطر حميد أنها بعدها ماخذه بخاطرها منه من سالفه سيفَ .. لازم هو يڪون واقف وياها الحينَ و يواسيهاَ ، حميد : منال .. منال [ وقفت بدون ما تلتفت ] : آمر ولد عميَ ؟ حميد : شفيج منال ؟ منال : ما فيني شي .. الله يخليڪ ودرني بحالي ما أروم ع سوالفڪ .. حميد : لفي علي شوي .. منال [ لفت بس ما رفعت عيونها عن الأرض ] : آمر حميدِ ؟ حميد : بسج صياحَ قطعتي قلبيَ ! منال [ نزلت دمعتها ] : حميد الله يخليڪ .. اسڪتِ ، حميد : خلاص بسڪت انتي لا تصيحينَ ! منال [ أنفجرت صياح ] : خلني بحاااالي .. و رڪضت فوق ، حميد : انا شسويت ما صدقت هدت شوي .. لو ما رمستها أحسن [ لف ويهه إلا سيف يناظظره بنص عين ] شفيڪ ِ؟ سيف : لا ولا شي .. انته الي شفيڪ خفتَ ؟ حميد [ نزل ] : لا خفت ولا شي هب مسوي شي غلط انا ، واللهَ .. و صعد سيف فوق .. يتطمن ع بنت عمه شرا ڪل يوم من توفوآ أهلهاَ ، منال : ما فيني شي .. سيف : إذا ضايقج هذا بس خبرينيَ ! منال : لا عادي .. حميد دوم جيَ .. سيف : اوڪي .. تامرين ع شي من برعَ .. منال : لا سلامتڪ .. خالد وين ؟ سيف : تحت مع ماريا ، منال : اوڪي .. سيف [ ناظر حور راقده و هي ضامه صورة جاسم ] : شحالها اختيهَ ؟ منال [ نزلت دمعتها ] : الله يعينها ، سيف [ تنهد ] : إنشاء الله خير .. و طلعِ .. دخل حمدانِ .. و قعدت وياه منال بالصالهَ ، هو حط راسه ع صدرهاَ و تم يسولفَ ، مر مايد و وقف يتسمع شو يسولفون بدون محد يحس فيهم بـه ، حمدان [ دموعه تخر ] : تذڪرين جسوم ..ڪان واعدني ياخذ لي النيڪون اليديده و ياخذ لج الڪانون .. و الآيفونَ ، منال [ صاحت ] : ما ڪان يقصر معانا بشي .. حمدان : و ابويه مواعدني فبانشي و بالسيارة .. منال : الله يرحمهَ .. [ نزلت دمعته ] عزيز و غالي .. و قطعه من يوفي و فواديَ ،! حمدان : و امايهِ .. ڪيف بنعيش بدون ضمتهاَ ؟ منال [ صاحت ] : الله ڪريمَ يا أخوي .. حمدان : وين نروحَ .. مع منوه نعيشَ .. من لنا بعدهم يا اختيه ، منال : مدري يا حمدانِ .. مدريَ .. ! حمدان : حتى ما شفتهم قبل لا .. ليش ما نشيت انا ، ما شفتهمِ ما بشرتهم بنتيجتي ! منال : بس حمدانَ .. هذا يومهمِ .. خلاص اذڪر ربڪ .. حمدان : يا رب.. يالله ترحمهم و تغمد روحهم الجنهَ ! أم مايد : الحلوين يالسينَ ؟ حمدان فز عن أختهَ .. منال : هيهَ ، أم مايد [ يلست بينهم ] : تعالو حبايبي .. منال سيده طاحت بحضن مرت عمها و شوي و جرب حمدان بعدَ .. أم مايد : انتوآ ما بتطلعون من هني إلا ع جثتي .. و جثة عمڪمَ .. و هذا ڪلام عمڪمَ .. بتعيشون هني معززين مڪرمينَ ، عمڪم رمس مهندسَ و بيبني لڪم ملحق حلو ورا البيت ، بيت صغيرون يعني لڪم .. فيه غرفة ل منال و غرفة لحمدان و غرفة صغيرونه لخالد و صاله و مطبخ صغيرونَ و 3 حماماتِ عزڪم اللهَ ، حمدان : لا أنا برد بيتنا ، أم مايد : يا حبيبي محد فبيتڪمَ .. حمدان : بسَ .. هذاڪ بيتنا ، أم مايد : و بتم بيتڪمَ .. محد بسوي بهَ شي .. و المفاتيح بنعطيها لمنال .. منال ساڪتهَ ، حمدان [ نزلت دمعته ] : عموه هم ليش راحوا ڪلهمَ .. ؟ أم مايد [ باست راسه ] : حبيبي هذا أمر ربڪ .. اللهم لا إعتراضَ .. حمدان تم يصيح بسڪاتَ .. و منال نفس الشيَ و أم مايد تمسح ع راسهمَ .. حور [ تزاعج ] : جااااااااااااااااااااااااااااااااسمَ .. منال [ فزت و دمعتها ع خدها ] : حور.. و رڪضت غرفة حورَ ، حور [ تصيييح ] : ڪان هني .. لا ليش راحَ .. منال ڪان هني هو جاسم .. قالي باخذج وياي ما خذانيَ ، منال [ ضمتها ] : لا تروحين انتي بعدَ لا حور .. حور [ تصيح ] : جاسم راحَ .. مالي لزمة أعيييشَ .. ام مايد [ دخلت ] : حبيبتي ؟ حور [ أنفجرت صياح ] : اماااااااااااااااااااااااااااااااااايهَ ، و قعدت أم مايد تهدي فبنتها إلي ما هنا لها نوم ولاِ هناِ لها حلم من بعد جاسمَ .. لا شافتَ الراحهِ ولا ذاقتَ طعم للسعادهَ ، نزلت منال تحت تشوف خالدَ .. خالد : نلعب بليستيسنَ ، منال : شاطر حبيبي لا تتشيطنَ ، خالد : انساء اللهَ ، مايد : السلام عليڪم .. ماريا + خالد + منال : و عليڪم السلامَ ، مايد [ ناظر منال ] : شحالج منالُ ؟ منال : حالي بلاهم ما هو بحآل يا مآيدُ .. مايد [ تنهد ] : الله يفرج همڪم يا ربَ ! و روح غرفتهَ ، طلعت منال برع بالحوشِ .. تشم هواَ شوي .. صار لها أسبوعين مب ظاهره برع البيتَ ، حدها الغرفه و الصالهَ .. و بسسَ .. يلستَ ع مريحانه الحديقه الي ڪانت من خشبَ .. بيت عمها وايد ڪبير .. بس موب أڪبر من بيت أبوها ، لڪنه حلو .. الحديقه الأمآميـهُ وايد حلوهَ ، ورودِ و شجر همبهَ و نخلِ ، و سندت راسها ع المريحانهَ .. مريحه وايد .. ما حست بروحها إلا هي غافيهَ ! حميد [ توه داخل البيت ] : حياتي ، برد عليها شو تسوي برعِ .. [ جرب حميد منها وقف يتأملها ملامحها الطفوليه ، الخشم سيف طويل نحيلُ ما ينعآبُ .. العيونِ نعس عسليـآتَ و الحوايب مقرونه .. و الشفَه مليآنـهُ صغيرونه و حلوهَ ، ڪان جمالها ملائڪي هادي .. طفولي .. نازله من تحت شيلتها خصال من شعرهاَ البني الي فيه رشه ذهبَ طبيعيهَ ، و الخدود الرماناتِ .. حمممراِ ] حميد : منال .. ستووووووووبببب مننوريين و اتمنى اشووف التعليقـات :) |
البــاارت الســابــع .. [ جرب حميد منها وقف يتأملها ملامحها الطفوليه ، الخشم سيف طويل نحيلُ ما ينعآبُ .. العيونِ نعس عسليـآتَ و الحوايب مقرونه .. و الشفَه مليآنـهُ صغيرونه و حلوهَ ، ڪان جمالها ملائڪي هادي .. طفولي .. نازله من تحت شيلتها خصال من شعرهاَ البني الي فيه رشه ذهبَ طبيعيهَ ، و الخدود الرماناتِ .. حمممراِ ] حميد : منال .. منال [ فزت ] : بسم اللهَ ، حميد [ ابتسم ابتسامه هاديه ] : بسم الله عليجَ ! منال [ سندت مره ثانيه ] : اوووف .. حميد : ازعجتجَ ؟ منال : لا عاديَ .. حميد [ يلس ع المريحانه الثانيه ] : شحالج الحين إنشاء الله أحسنَ ؟ منال : الحمدللهَ ، حميد : سرت أخترت لج ألوان لغرفتج توني .. منال [ حاولت تبتسم ] : مشڪور . . حميد : ألوآنِج المفضله .. ڪلاسيڪ أحمر أسود و أبيضَ . .أخترتِ ورق إيدار بيععيبجَ أنا متأڪدَ .. منال : ما تقصرَ .. حميد : و خذت لج بعد أثاث من إيڪيا شرات ما تحبينَ ، و خذت لغرفة حمدان بعدَ .. يحب اللون البنفسج صحَ ؟ منال : هيهَ .. حميد : زينَ ، سويت له بنفسج و ذهبيَ هادي [ و ناظر خلصها الي ظاهره ] .. منال [ انتبهت لشعرها و دخلته ] : مشڪورَ .. حميد : أما خلودي فديت عمره ، أزرقَ هادي و رسوم سياراتَ و الشبريه ع شڪل سيارةَ ، منال : ما تقصرَ .. حميد : خبريني .. منال : عنَ ؟ حميد : ڪل شي .. رمسي .. ليش ڪاتمهَ ؟ أخاف عليج أنا من الڪتمانَ .. بتتعبينَ ، منال [ سڪتت شوي ] : شقول .. حميد : أي شي يخطر ع بالجَ . . منال : حتى ما فرحتهم بنتيجتي عدل .. ڪان ودي اقول لڪل واحد فيهم أشڪثر أحبهمَ [ نزلت دمعتها ] و أبوسهمَ حييييلَ ، حميد هم ماتوآ و أحس روحي ماتت وياهمَ ، حميد [ انغم ] : ما عليهَ ، انتي لازم تصيرين أقوى إذا مب لج لأخوانجَ ! منال : إنشاء اللهَ ، حميد : و بعدَ ؟ منال : حور .. موب رايمه اشوفها جي .. حرام الي صار لها ، قهرر .. حميد : هذا مڪتوبَ .. منال : أدري .. لڪنِ .. حبهم ڪان ڪبير و انت تعرفَ .. صعب تنساه أو حتى تتناساهِ .. هذا مب .. أي واحدَ .. هذا جاسم اخويهِ .. حبيبي .. الطيب ، الحنونِ .. الي عمره ما زعلني أو زاعج علي .. لا ضحڪت ضحڪ و لا صحت صاح معاي .. حميد ڪان هو نصي الثاني .. عيني الي اشوف بها ، أحس إني من بعدها أنعميتَ .. ما صرت اشوف .. حميد : بسم الله عليج لا تقولين جيَ .. منال [ نزلت دمعتها ] : مهما قلت ما بوصف الي داخلي .. داخلي حزن حزن ڪبييييييرَ .. أڪبر من السعاده الي عشتها مع أهلي طولَ ال 20 سنه الي حييتهاَ ، حميد : الله يبعد عنج ڪل حزنِ .. منالي .. منال [ قامت ] : تسلمَ ، حميد [ زخ إيدينها و هي سحبتهم ] : وين سايره يلسي .. منال : بسير عند حورَ .. حميد : طمنيني عليجَ .. أنا أحاتيج واللله الشاهد عليَ ! منال : إنشاء اللهِ .. و دخلت منال داخل و تم هو برعَ .. طرش لها مسجَ ، حميد : ، منال علني اموت و لا أشوف هالحزن بعيونجَ ، أنا مستعد اسوي المستحيل عشانجَ .. بليز لا تتڪدرين هالڪثر .. ع قلبي ما تهونينَ ، أنا .. أحبج يا بنت عمي .. افهمينيَ ، فوق .. حور : آهههه ، منال : سلامتج من الآهَ .. حور : الدنيا صغيره ، الألوان ڪلها سوادَ .. الدموع غزيرةَ .. لغير جاسم حرامن علي أنقآدَ .. منال [ تأثرت بڪلام حور ] : الله يرحمهِ .. حور [ باست صورته و ضمتها ] :ليتني ع الأقل قضيت ساعه بقربهَ ، ليله .. يومَ .. ضميته لي .. و قلت له أنا أحبهَ ، http://im15.gulfup.com/2012-04-04/1333540401401.jpgتحميل صور منال [ تصيح ] : هذا نصيبڪمَ .. حور [ زآعجت ] : النصيب خذاه منيَ .. أڪره النصيب ! منال تمت ساڪتهَ .. و شوي و غفت حور مره 2 .. و فتحت منال فونهاَ ، شافت المسسجَ .. سرتِ بعروقها رعشهَ غريبه ، و تڪهربتَ إياديهاِ من شافت المسجَ .. وِ أختلطتِ دموعِ حزنها ع دموعِ املها اليديدَ ، [ رن فونها – هزاع ] منال [ طلعت روحها و ردت بسسسرعه ] : الوه [ صاحت ] ما فيني شي .. هزاااعَ .. أبويه ، أمايه .. و جاسم .. راحوا ڪلهم راحوآ .. هزاع أحتاييڪ أنا ..[ تصيح ] ليش خلوني .. أنا أبي أموت بعدَ ، [ حاولت تهدا لأانه يهديها ] انشاء اللهَ ، تعالي هني .. هي تعال بيت عمي حمدَ .. اوڪي .. بترياڪ .. يحفظڪ ربي ، هزااع ، الله يخليڪ سوق شوي شوي .. ربي يحفظڪ من ڪل شر .. فمان الڪريمَ ! حور [ وعت ] : متى رجعِ ؟ منال : مدريَ ><" ، اڪيد وصلت له العلومِ .. ! أندق البابَ .. غلا و مها دخلوآ .. مها : شحالڪم الحينَ ؟ منال نزلت دمعتها و حور تنهدتِ ><" غلا : الله ڪريمَ حبيباتيَ ، منال : أحس ما فيني روحِ .. ما أحس بنفسي .. ليتني سرت وياهمَ ! غلا : لا تقولين جي حرام عليجَ .. مها : هيه .. الله يطول بعمرجَ .. غلا : و بعدين أخوانجَ .. حرام عشانهمِ .. والله خلود مب داري شو يصير حولهَ ، و حمدانِ لازم تصيرين قويه عسب هو يرجع طبيعيَ .. والله العظيم غمضني لمن شفتهَ .. لونه مخطوف ! منال [ تنهدت ] : الله ڪريم . . حمدان [ دق الباب ] : منال ؟ منال : أددخل .. حمدان : هزاع تحتِ .. منال [ فزت لبست وقايتها ] : يايه الحينَ ، غلا : سلمي عليهَ ، مها : هيه وصلي له سلامناَ .. منال باست حور و نزلت تحت لولدَ خالتهاَ ، هزاعِ .. شاب .. جداً متفهمَ و واعي و حنوووون .. يدرس برع صارت له سنتين تقريباً ، يحب منال و متخبل عليها .. و بالنسبة له يحترق بالنار ولآ يشوف الدمعه ع خدهاَ ، قبل لا يسافر ڪان دوم مع جاسم أخوها .. و ربيعه الروح بالروح يعنيَ ، قد بعض همِ .. ماخذين طبايع بعضَ .. وقفت منال ع الدري خذت نفسسَ .. و مسحت دموعها .. منال : السلام عليڪمَ .. هزاع [ فز وقف ] : و عليڪم السلامَ ، منال [ يلست يم حمدان ] : شحالڪ ؟ هزاع [ بيموت ع حالتها ] : موب بخير .. لأانج أنتي موب بخير ! منال سڪتتِ .. هزاع : الله يرحمهمِ .. مب زين الي تسوونه بروحڪمِ .. حمدانِ .. انته الحين الريالَ و الي لازم تصير قوي عشانهمِ .. منال انتي الڪبيرة .. ما يصير الي تسوينه بروحجَ ، منال [ طاحت دمعتها ] : أهلي راحوآ هزاعِ .. هزاع [ جرب شوي منهم ] : أدري يا بنتَ خالوةِ أدري. . الي راحوآ قطعه من يوفي [ نزلت دمعته ] والله إني مب مصدقَ بعدي / راح وليفي و سندي .. و رفيج روحيَ ، ! حمدان [ نزلت دمعته ] : ڪان متفق ويآڪ تفتحون بزنسس هني بعد ما تخلص انته دراسهَ ! هزاع [ مسح دمعته ] : هيه الله يرحمهَ .. إنشاء الله بفتحح وياڪ انتهَ ، حمدان [ ابتسم ] : إنشاء اللهَ .. منال [ استانست لأنه حمدان ابتسم و أخيراً ] : إنشاء اللهَ .. هزاع : انتوا ما عليڪم إذا أحتييتوا أي أي شي .. دقوا لي خذت إجازه انا / أي وقت عادي .. حمدان : ما تقصر .. هزاع : وانتي بعدَ ، منال : إنشاء اللهَ .. خالد : هزاااااااااااااااااع ـ هزاع [ فتح إيدينه ] : تعالِ .. و رڪڪڪض خالد لهزاعِ و رفعه فوق و باسهَ و يلسه بحضنهِ ، خالد : سو يبت لي منِ أمريڪاَ ؟ هزاع : يبت لڪ مصاص ڪبر راس حمدانَ ، حمدان و منال ابتسموا .. خالد : و بعدَ ؟ هزاع : خذت لڪ ملابس واااااااااايد و ألعاب ديزنيَ .. و وايد اشياء .. بعدين يوم بتون بيتنا بعطيڪ ياها انزين ؟ خالد [ نقز ع منال ] : متى بنروح بيت خالوهَ ؟ منال : بعدين حبيبي .. خالد : باجر انزين ؟ هزاع : صار .. خالد : قال صار يعني باجر اننننننننننننننننه ، و رڪض برعَ .. دخل سيفَ .. سلم و قعدَ .. هزاع : خلاص عيلِ .. باجر بمرڪم اوڪي ؟ حمدان : إنشاء اللهَ ! هزاع : بسترخص عيل .. و قام و قامت وراه منال .. و وصلت له لباب الحوش .. أما حمدان تم قاعد مع سيفَ .. هزاع : ديري بالج ع روحجَ .. منال [منزله راسها ] : إنشاء اللهَ .. هزاع : رمسيني متى ما قدرتي ، منال : إنشاء اللهَ .. هزاع : وعديني ما تضايجين بروحجِ . . منال سڪتتَ ، هزاع : وعديني قلت لجَ .. منال : بحآولَ .. هزاع : منال قولي وعدِ .. منال : أخاف أخلفَ ! هزاع : لا أعرفج ما بتخلفين قولي وعد خليني أتطمن عليجَ ! منال : وعد إذا ربي قدرني ، هزاع : يالله دخلي عيل برد عليجَ .. منال : اوڪي .. دير بالڪ ع روحڪ .. هزاع : من عيونيَ ، و رڪب سيارتهَ .. منال : هزاااعَ ، هزاع [ نزل الجامه ] : آمري ؟ منال : سوق شوي شوي .. هزاع : إنشاء الله من عيونيَ ، منال [ دخلت و سسڪرت الباب و سندت عليه ] : ربي يحفظڪ ! حميد : روحِ ؟ منال [ اخترعت ] : بسم الله ! حميد : ولد خالتج هذا لاه ؟ منال [ طنقرت ] : اسمه هزاع .. حميد : هيه هزاعَ نسيتَ سوريَ ، منال [ دخلت ] : هيه أزقر الرياييل باساميهمَ .. حميد : منال .. منال [ لفت صوبـه ] : هلا ؟ حميد تردد شوي و حارتِ عيونه بين شوفها و غض النظر عنها .. و تاهت ڪل ڪلمة ڪان مجهزنها من تلاقت عينه بعينهاَ و نسى إنه موجود .. و نسى وين هو .. ! :: :: :: :: ستووووووب.. شو تتوقعوون ؟ بيصير بين حميد و منال هل بتبقى على حبها القديم ( هزاع ) و حور .. شو اخرتها ؟ و هل تتوقعون بتقدر تنسى جاسم و تشوف حياتها ؟ آرائكم تهمني و السمووحه عالتقصير =) |
انتظر ردودكم على 3 بارتات :) ............ |
| الساعة الآن 11:13 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir