منتدى استراحات زايد - يآليت تنفعني كلمة لو .. من كتاباتي

اخواني اليموحه منكم .!
بس والله يعني انا جيه احب اكتب البارتات قصار و انزلهم كل يوم شوييه .
احسن من اني انزل بآرت طويييييل كل اسبوع !
شو بناسبكم :)

و هاذا البارت .
بس خلوني اكمل اكثر و اكثر و ان شاء الله تشوفو الياي احلى :)

و بعد انتهاء الحصه الثانيه طلعو الشباب فسحه .
و محمد كان عليه امتحان اجليزي و هو مول مايعرف شي فـ الأنجليزيي .
محمد: استااذ امسك هاذا الضرف و ياليت تنجحني .
الأستاذ: و بشو انجحك و شو فييه هاذا الضرف
محمد: استاذ انته بطل الضرف و بتشوف شو فيه .!
الأستاذ: يا الـ ***** قاعد ترشيني عشاان انجحك .
محمد: لا لا لا استاذ انا ما ارشيك بس هاي مساعده مني و اعتبرها هديه مني .!
الأستاذ: لا ابداً ماينفع انا الحين بروح الإدارة و بشوف انته منو عشان ترشيني انا .
محمد الحين توهق و ماعنده غير حل واحد و هو انه يزيد المبلغ.
محمد: انزين استااذ امسك هاي بعد هدية مني لك .!
الأستاذ: امممم زين خلاص انته الحين روح على صفك ..
محمد: مشكور استاذ مع السلامة .

..... : اها زين يعني الحين استاذ الإنجليزي يتعامل بأسلوب الفلوس .!
و طلع ورقة و كتب في دفتر لونه اسود.
استاذ الأنجليزي اخذ 5000 مقابل تنجيح الطالب محمد صف 10|2

و من صوب روضه و العنود .
كانت الأم يايه صووبهم تبي تسأل عنهم في المدرسة .
فـ الأم خذت العنود و روضه من صفوفهم و راحت تلف فيهم عند المدرساات .!
و كل مدرسة قالت رايها بـ اعجاب روضه و نقد العنود .
و خاصه ابلة العربي إلي تدرس العنود .

و فـ البيت ع الغداا .

روضه : ها عنوودي شخبار المدرسة اليوم.
العنود: هيهي اونج يعني شاطره اقول كلي و انتي سكااته .
روضه: ايه بلاج انا مب اصغر عيالج عسب ترمسيني جيييه .
العنود: انزين مب اصغر عيالي بس اختي الأصغر عني و ارمس كيف ما ابا .
روضه: ايه و ربي لو ماسكتي الحين اروح لين امي و اقولهااا عن سوااد ويهج كله حمدي ربج انها ماشافة ابلة الدين ولا والله بيقصون لج رقبتج اليوم .
العنود: هأهأ ماعااش من يص رقبتي حبيبتي و هاذا رشود اخوج ترا مايقدر يسوي اي شي فينيي دام امي و ابوي عايشيين انزيين .
روضه: والله العظيم انتي قلليلة ادب و مب مرباايه . مادري طالعه على منو سافلة و واطيه .
العنود: ههه انزين خلصتي إلي عندج !
روضه فرت السكين و القفشه و قامت من مكانها . : الحمد لله
العنود: وفرتيي .
و ام عبد الله كانت واقفه صوب باب المطبخ و سمعت كل إلي دار بينهم .
ام عبد الله سوت نفسها ماسمعت شي و يات صوب العنود و قعدت ع الطاولة .
و شوي إلا الباب ينفتح و يكون إلي داخل رآشد .
راشد: السلام عليكم .
العنود+ امها : وعليكم السلام
ام عبد الله : هلا والله ولديي اقرب اقرب حياااك .
راشد : ان ضشاء الله امي بس بروح اغسل ويهي و ايدي و بيي آكل ويآكم .
و شوي إلا محمد يدخل البيت و كانت الغتره لافنها بطريقة غريبه و مال اي شي و الكندورة مكرفسه .. و حاله معتفس .
ام عبد الله : ويديي ولدييه بلاااك جييه شو مستوي بك ؟
محمد: لا امييه ماشي بس كنا نلعب كورة الحصة الأخيره .
ام عبد الله: اها زين ولدي يالله روح الحين و بدل و تعال تغدى بسرعه .