|
part 4 مبروك تستاهل عسئ الله يهنيك عقبال ماتنسئ وعقبال مانساك " منصور هذا القدر .. وكل واحد بدنيا ما يأخذ إلا نصيبه أنت نصيبك تأخذ ميره وأنا نصيبي أخذ ولد خالتي نسيت أخبرك أنه تقدلمي .. وخلاص يا منصور أنسئ شمه إنساها " منصور قرأ المسج واتخبل ماعرف شوه يسسوي ساعه 12 تقريبا نص أبطال قصتنا رقدو إلا ميروه فتحت ع ورقه يديده من دفترها وكتبت : هذه حكايه صارلها أيام وماني بقادر أنسئ تفاصليها 3> ! معقوله بهذه السرعه قدرت تسرقلي قلبي ؟ أنا أبد يا غلاي ماكنت متوقع في يوم إسلملك امرئ والحين أصبحت مني وكل قطعه فيني تعشقك ولا خطر في بالي في يوم أني أكون حلالك جننتهم بطاريك لين لقبوني " غلا ميم " أنا عشقت حرف " الميم " ماهو لجل زينه ! عشقته لأنه يبدأ بأول إسمك يا غلاي محبوبتك " غلا ميم " سكرت الدفتر وغمضت عينها وتمت تفكر في منصور لين غفت ~ السـاعه 10 ~ البنات كلهم تيمعو عشان يسيرون يشرون للعرس ~ [ ميروه .. مهروه .. مريوم .. غايوه .. فطوم .. حمدوه .. شواخ ] والشباب سارو ويا بعض يفضلون كنادير [ منصور .. ميود .. سواف .. خلوف .. سلطون .. حميد .. عمر ] ميره اختارت فستان بلون التركوازي والذهبي وأيد سمبل بس فيه حركات ع الخصر حمدوه : أااااه ريلي بسكم وربي مب رايمه أمشي شواخ : حتى أنا هلكت ميروه : يلا عاد طوفو عن المنكر غايوه : أنا يعت ميروه ; خلاص هذا آخر محل بندخله وعقب بنسير نأكل البنات : آوكيه صوب الشباب منصور شل فونه واتصل في مهروه منصور " ها شوه الاخبار ؟ خلصتو ؤلا بعدكم مهروه : هلا هلا بمعرسنا منصور ; خلصتو ؟ مهروه : هيه احنا خلصنا بس حرمتك بعدها تشرئ منصور : عطيني إياها مهروه تمد أيدها لـ ميروه : هآج منصور يبا يرمسج ميروه : هلا منصور منصور : يقولون خميتي المؤل بكبره ميره " قافطه " هههه لا مب جيه بس منصور يقاطعها : يلا آوكيه بسكر أنا ميره " حز بخاطرها " آوكيه دير بالك سكر عنها منصور .. وميره تضايقت من حركته منصور " ليييش يا ميروووووه ليييش .. شوه اللي عقج في دربي افففف لو مب انتي جان أنا الحين مأخذ شمووووه بسبتج انتي شموووه خذها غيري أكرررررررهج يا ميروه افففففف " مهروه ; هاا شوه قالج الحبيب ميروه تصتنع الابتسامه ; فديته يحاتي إذا ناقصني شيء ولا شيء مهروه " شكت في السالفه " هيه آوكيه عقب ماخلصو من الشوبينق سارو يتغدون وعقب سارو يحجزون صالون فـ البيت ميروه منسدحه ع الشبريه وسرحانه " شوه سالفة منصور ليش جيه معاملته وياي ؟ معقوله يستحي مني ؟؟ لالا ماعتقد اللي يستحي مايرمس جيه .. الله المستعان " مهروه ; يااي باقي يوميين وبنرقص وبنستانس مريوم ; هييه والله .. ميروه وكبرت وتزوجت قلبي مهروه ; آحم عقبالنا مريوم تغمز لمهروه ; ميود مهروه شكلت ; ايه جب أنا وميود عيال عم لا أكثر مريوم ; هههههه آوكيه آوكيه عن تموتين علينا مرن هـ اليومين ويـ وقت العرسسس هذه أنا ! قلبي دقاته متسارعه ! وعيناي تناظران الساعة ~ وروحي لك يا أغلى ناسي مشتاقه ! كم أتمنى أن ارئ عيناك واسمع همسك ولحن ضحكاتك واتنفس هواك واشم رائحتك ! هذه أنا ! الشوق بي يزيد وأنا ماعدت اتحمل لهفتي زادت ! أقترب ؤخذني بحضنك أريد أن تختلط رائحتي برائحتك هذه أنا ! كنت انتظر هذا اليوم لاكحل عيناي واضمك بين ضلوعي هذه أنا كل ماجئت أكتب لك عن أحساسي ! فقط أكتب " احبك " لأنني فعلا احبك يا أروع صدفه في حياتي " العرس كان عباره عن حفله صغيره في البيت لأنه بو منصور متوفي فـ مايبون حفله كبيره " سلطون يآب آلورقه " ميروه " وقعت ع الورقه بخوف وقلبها يدق طبول باركولها البنات وكلهم كانو مستأنسين ~ انتهى العرس وكل واحد توجه لغرفته ميره و منصور خذولهم فندق ميره بدلت ثيابها وانخشت تحت اللحاف وماحست بعمرها ورقدت منصور كان يآلس يشوف تلفزيون ورقد ع ألغنفى ماحس بعمره نشت ميره مدت أيدها صوب الثاني مالقت منصور طلعت شافت منصور راقد ع ألغنفى تقربت منه ميروه وحطت أيدها ع شعره وبصوت خفيف ; حبيبي منصور يتجلب ميروه ; منصووور منصور يفتح عيونه بصعوبه ; هممم ميروه ; قوم ارقد داخل شوه مرقدنك هني نش منصور : ساعه كم الحين ؟ ميروه : 3 الفير منصور يثأوب : وين تبيني ارقد ميروه : ارقد ع الشبريه ظهرك بيتكسر هني منصور : آوكيه نش منصور بدل ثيابه ورقد ليلة لقأنا كنها ألف ليله مأعشت في حبك ولا لحظه وداع اليوم الثاني " فـ الطياره عقب ما ميروه ومنصور سلمو ع آهلهم ~ ميروه كانت أميوده الدفتر كـ العاده ويالسه تكتب حبيبي الغالي مهما ضاقت عليك الدنيا سوف تجدني بجانبك دائما حضني مفتوح لك ليدفيك به وأخفف الالمك وأذاني لكي أسمعك واسمع ضحكتك وكلامك منصور يطالع ميروه ; شوه تسوين ؟ ميروه ; همم أكتب خواطر (= منصور ; آنزين ~ لحظه صمت ~ منصور ; أقدر اقرأ ؟؟ ميروه تعطيه الدفتر ; همم عادي نررد لـ بيت بو مايد ميود يدق باب حجرت مريوم ميود ; مريوم ؤصصمخ ماتسمعييين انتي شوه جان يفتح الباب ويدش اتجه لـ شبريه وسحب الحاف مهروه فتحت عيونهأ وهي مصدومه ; أوييه أنت شوه تسسوي ميود ع طول صد ع أساس أنه بيطلع : انتي اللي شوه مرقدنج حجره مريوم مهروه * صاخه * طلع ميود وقلبه يدق بسسرعه ~ مهروه دخلت الحمام اتغسلت ونزلت الصاله مالقت غير ميود مهروه [ حاطه أيدها ع خصرها ] ; خير ميود شوه كنت تبا ميود مفتشل ; كنت آبآ مريوم لأنه ربيعتها متصله ع فون البيت مهروه ; آنزين ميود ; سوري مهروه مبتسمه ; عادي ميود ذااااااااب من أبتسسسامت مهروه وتم يطالعها مهروه ; آبوووويه عيونك عن آطيح .. شوه آول مره تشوف وحده حلوه ميود ; هههههه مالت بس مالت مهروه ; هههه جب جب صوب ميروه و منصور وصلو " لندن " ~ ميروه ; محلااااااا الجووووو منصور يطالعها وعافس ويهه ; مانبا حركات يهال ميروه ; هههه آنزين منصور ; أنا مالي خلق اطلع تبين تطلعين طلعي روحج ميروه ; لا مابطلع الحين .. عادي حبيبي بنطلع عقب منصور ; اففف آنزين ميروه وهي مبتسمه ; ليش جيه ترمسني ؟ منصور ; لأنه ماطيقج ماطيق إشوفج قربي وماطيق إشوف ويهج ميروه مصدومه من رمست منصور وحست بغصه شلت عمرها ودخلت الحجره وتمت اتصيح منصور ; استغفر الله أنا شوه سويت اتصل في شموه بس ماردت عليه ~ ميروه تمت تصيح وهي مقهروه من معاملة منصور لها غسلت ويها وبدلت ثيابها وطلعت منصور ; وين سايره ؟ ميروه سوتله طاف وطلعت منصور ; ماشاء الله قمنا انسوي طاف بعد ماعليه يأميروه ميروه تمت تتمشى والجو كان وأيد روعه خذتلها كوفي ويلست في الحديقه ~ شلت فونها واتصلت في مهروه ميروه بنبرة حزن : هلا مهروه مهروه ; حيآآآآتي آتولهنآ عليج ميروه مأقدرت أتيود عمرها وتمت اتصيح ; مهروه أخوج أمتعبني والله أمتعبني مهروه ; بسسم الله شوه فيج شوه مسستوي وتمت ميروه تخب مهروه بعاملة منصور لها ميروه تسمح دموعها ; لاتخبرين حد .. أنا خبرتج لأني كنت مخنوقه وماعرف شوه اسوي ومالي غيرج مهروه ; لا تحاتين فديتج مابخبر حد .. بس منصور دواه عندي الحيوان ميروه ; جب لا تسبينه مهروه ; طاع هاي انتو صدق انج حيوانه ميروه ; هههه جب أبحكيلك عن أحوالي وأبيك اتشوفلي صرفه خيالك دايم في بالي وأحس بشي ماعرفه شويخ وحمدوه وحميد كان شابكين الخطوط شويخ ; آنزين حميدوه متى الشهايد ؟؟ حميد ; حميدوه طل في عينج .. مآدري ..بس ياويلج لو راسبه شويخ ; بسسم الله عليه لالا أن شاء الله ناجحه حمدوه ; خلاص عيل إذا نجحتو بعزمكم ع حسابي شويخ ; عاشو هذا المطلوب حميد ; أمف عليكم هذا اللي ناقص أخلي بنيه تدفعلي .. عزيمتج مرفوضه حمدوه ; أحمد ربك مابا أخسرك شويخ ; خلاص عيل دام جيه السالفه أعزمنا ع حسابك حميد ; آفا عليج غاليه والطلب رخيص نطير بعيد عن الإمارات ونسير صوب لندن ميروه ردت الفندق وشافت منصور يآلس في الصاله سوتله طاف ودشت الحجره لحقها منصور وهو معصب من حركاتها منصور بعصبيه ; ليش يوم إرمسج ماتردين ؟؟ ميروه ; مب أنت ماطيق اترمسني وماتبا تشوفني .. شوه تبا مني الحين منصور يتقرب منها ويرص ع أيدها ; هـ الحركات مأتمشي عليه أنا .. اونج زعلانه ؟ طززز إزعلي عاد أنا مب ميت أراضيج .. بس مره ثانيه يوم برمسج تردين عليه فاهمه ولا ميروه تحاول تفج أيدها ; شل ايدك منصور تراك اتعورني طلع عنها منصور ورد الصاله وميروه تمت مضايقه واتصيح ~ أسلوبك معي يا غنآتي بالحيل يتعبني ماني بداري ليه معاملتك معي كذا بعد ماهدت ميروه نشت وقالت بتسير اتراضي منصور .. مع أنه هي مب غلطانه ميروه يلست ع الغنفة مجابله منصور ; أنا أسفه منصور ماعبرها ; ...... ميروه ; حبيبي أنا أسفه منصور ; زين يوم تعرفين انج غلطانه ميروه طاع هذا انتو ; هيه أنا غلطانه وتراني اتأسف الحين منصور ; خلاص رضيت ميروه ; متأكد ؟ منصور ; خلاص يأميروه ميروه تقترب منه وبتسسامه كلها برآآأه ; والله أحبك منصور ابتسم وفي داخله تذكر شموه وعوره قلبه منصور ; انتي حرمتي ع الفاضي أنا يوعان قومي سويلي شيء أكله ميروه آتوهقت لأنها ماتعرف تطبخ ; شوه في خاطرك ؟؟ منصور انسدح ع ألغنفه ; حسسيني أكثر انج تعرفين تطبخين غوزي ميروه تضربه ع جتفه ; جب لا تطنز عليه منصور ; هههه آنزين قومي بناكل برع ميروه ; اوكييه دقايق بتلبس وبرد |
تسلميين حبيبتي ع الباارت ... ~ منصوور والله انه يقهر ليش جيه يعامل ميرة وشو يبا ف شما خلااص انخطبت البنت ... ~ ميرة مسكيينة الله يعينها ع منصور وان شاء الله يحن عليها ... ~ نتريااج حبووبة تحطين الباارت اللي عقبه ... ~ |
حلو البـآإرتت ،، تسلمين أختي ع البـآإرتت ــ الله يهدي منصوور ،، إنشاءلله يحبههـإآ ،، وحليلهـإآ طيبهه ،، المهم ،، تسلمين ع البارت ،، مره 2 ،، يالله بـآإيوه |
ضاقت عليك ومالقيت ؟ إلا أنا تقول وش رأيك بمحبوبي الجديد ~ منصور ; هههه آنزين قومي بناكل برع ميروه ; اوكييه دقايق بتلبس وبرد بعد العشي يلسو ع البحر ~ ميروه تتأمل السما وتسمع صوت الموج والهوا بآآآآآآرد وآلجو خبآآآآل منصور ; همممم ميروه ; قول أسمعك منصور ; ماعرف من وين أبدا ! ميروه تصد صوبه ; قوول حبيبي منصور تم يطالع البحر وماصد صوبها ; قد مره حبيتي ؟ ميروه بتسامه عريضه ; هيه حبيتك أنت منصور ; أقصد قبلي .. ميروه ; هممم لا ! منصور ; زين ميروه ; وأنت ؟ منصور ; هيه أحب ولين الحين أحب حليلها ميروه استأنست وتتحراه يحبها وقطع حبل أفكارها منصور منصور ; ولو يدوه مب خاطبتنج لي جان هي يالسه بدالج الحين ميروه تشوف منصور ومصدومه من كلامه ; نعم ؟ منصور ; هيه ميروه أنا أحب غيرج وأنا كنت ناوي اخطبها بس يدوه ماعطتني فرصه ,, وخطبتج لي .. وأنا ماحبيت اكسر بخاطرها .." ويرفع رأسه يشوف السما ورد يرمس " وشموه طارت من أيدي طااااااااااااارت والسبه ههه انتي ويدوه !! ميروه وهي تصيح ; أنا شلي منصصصصصور أنا شلي ؟؟ وليش ماخبرتني قبل انك تحب غيري جان أنا اللي رفضت والله كنتتتتتت برفضضض لو أدري انك تحب غيري " تمسح دموعها " ههه وأنا ع بالي انك اتبادلني نفس الشعور بس طلعت غلطانه .. قم سيرلها قم شوه ميلسنك عندي منصور يطالعها ورافع حياته ; تستهبلين حضرتج ؟ البنت طااااااارت طااااااااااارت من أيدي ميروه نشت من عنده وردت الفندق وتم منصور ع البحر شموه ; خير منصور ؟ منصور ; ليش جيه ترمسني شموه ; منصور بلاك أنت ؟ خلاص أنا ع ذمت ريال الحين وكم مره أعيدلك الرمسه .. ودخيلك مابا مشاكل ويا ريلي منصور ; شموه انتييي شؤوووووووه ماتحسين ؟؟ ماتعرفين كيف أنا اتعذب كل يوم وكل دقيقه وكل ثانيه عشانج والحين بكل برود اتقولين مابا مشاكل الحين أنا استويت مشاكل يا شموه ! شموه ; شوف منصور مثل مـ أنت عندك حرمه وتحبها أنا عندي ريلي واحبه .. وأنا مابا أخونه دخيلك منصور ابتعد عن طريجي ؤلا تتصل مره ثانيه ؤسسكرت في ويه ~ منصور تضايق حيل وتم يضرب التراب بايده " اللللللله يسسسسسامحج يا يدوه ها كللللللله بسسسسسبتج " طلع حبيبي عاشق له غيري وأنا اللي كنت طاير وأقول : قلبه مايسكنه غيري ~ ميروه كانت يالسه تشوف تلفزيون ويبين عليها أنها " تعبانه " دخل منصور الفندق ويلس جدامها ويترياها ترمس ميروه ; خوز من جدام التلفزيون آبآ إشوف المسلسل منصور يسوي عمره مايسسمع ميروه تزاعج ; إصصصمخ الأخ ؟؟؟ تقرب منها منصور وحط أيده ع حلجها ; لا تصصارخين لا ايرج بكف يطير عينج ميروه تشل أيد منصور ; خوز عني منصور يتقرب أكثر ; وإذا ماخزت ؟؟ ميروه ; والله بصااااارخ وبيمع الناس كلهم وبقولهم انك خاطفني منصور ; ههههههههه يلا اتحداج صارخي إشوف ميروه بغت تصآرخ منصور يود حلجها ; يالخبله خلاص بنش نش ويلس حذاها .. منصور ; زعلانه ؟ ميروه ; .......... منصور ; تراني ماحب اللي يتغلون ! ميروه ; ههه واصلن لو ماتغلا أنت ماتحبني ! منصور ; .......... ميروه ; تحبها للحين ؟ منصور منزل رأسه ; هيه ميروه " بنبره حزن " ; اها منصور ; بس أنا قررت إنساها .. ومابأج أتيبين طاريها .. وبفتح صحفه يديده معاج ميروه " مبتسمه " ; أتمنى يتقرب منها منصور وايود أيدها ; سامحيني ع كل كلمه قلتها لج وجرحتج وحقج عليه ميروه ; مسموح يألغالي منصور رقد ع ريل ميروه وميروه استأنست من حركته منصور ; لعبي في شعري آبآ ارقد وعاد ميروه ماصدقت تمت تلعب في شعر الين ماغفى منصور ~ فـ دبي ~ مهروه ومريوم مجابلات بعض وحميد منسدح ويلعب بليستيشن مهروه ; شوه رايج نتصل في ميروه حميد ; أمفف خلو المعاريس يأخذون راحتهم بلاكم جيه مريوم ; جب أنت .. هاتي فونج بنتصل فيهم مهروه تتصل في ميروه ميروه بصوت خفيف ; الووو مهروه ; ويه بلاه صوتج ماينسمع ميروه ; هههه منصور راقد ومابا آخرب رقاده مهروه ; أووووووب يعني لحظه رومانسيه وأنا خربت عليكم ميروه ; طل بعينج هههه مهروه ; خلاص عيل بسسكر ميروه ; آوكيه سلمي عليهم اصبحت مدمنك أنا يا خلي إدماني ~ مهروه و حميد و مريوم كانو يلعبون أونو دخل عليهم ميود ميود ; صدق أنكم يهال حد يلعب أونو مريوم ; ههههه والله حماس تعال العب ميود ; آوكيه عيدو اللعبه بلعب وياكم وتمو يلعبون وعقب كل واحد اتجه لحجرته ~ سلطان كإن في المطبخ يدورله شيء يأكله دخل عليه ميود ميود ; هلا هلا بالحبيب سلطون ; هآ يألديايه شوه تسسوي هني ميود ; هههه ادور أكل شراتك .. إلا بسألك باجر ساعه كم طيارتك ؟؟ سلطون ; 10 الصبح ميود ; زين سلطون ; بخبرك شيء بس خله بيني وبينك ميود ; قول سلطون ; ترا أنا مآدرس ! اتخرجت من زمان ميود ; شتتت عيل شوه تسسوي في أسبانيا انت ؟ سلطون ; تعودت ع جوهم وخلاص أحسني آبآ أسكن هناك ميود ; يا ريال شوه تسسكن هناك وأهلك كلهم هني سلطون ; يبالك اتسسافر وياي وتشوف جوهم كيف .. مابتلومني عقب ميود رافع حياته ; جوهم ولا البنات لطون ; هههههههه فاهمني الأخ ميود ; خس الله هالويه يلا برأيك بسير إخمد أنا سلطون ; آوكيه نوم العوافي ميود ; ربي يعافيك طلع ميود من عنده واتجه لحجرته " ميود وهو راكب الدري يآلس يغني ; أفرح ليا شفتك بقربي حبيبي دوم ويضيق صدري ليا طولت بغيابك وفجأه تطلع جدامه مريوم ميود ; أعووووووذ بالله خوافتيني مريوم ; ههههه انت اللي خوفتني ويا ويهك ميود ; شوه منزلنج هاي الحزه ؟ مريوم ; بطني يوعان ميود ; توني نازل ولقيت سلطون وماعرفت شوه اسوي .. حتى أنا يوعان سويلي وياج مريوم تطالعه بطرف عينها ; افف آنزين ميود ; إلا وين مهروه ؟؟ مريوم ; يالسسه ع اللاب ميود بنظره خبث ; بخووووووفها مريوم ; ههههه يوز عن سوالفك ميود ; عطيني مقفاج سار ميود لـ حجرة مهوي دق الباب وانخش مهروه تزاعج ; منوووووووووووووو رد ميود قد الباب وانخش مهروه ; عن السسسسخافه منووووووو ميود تم يدق الباب بالقو مهروه نشت وهي تتحرطم وسارت صوب الباب وفتحته ; اففف منوووو ميود ; بووووووووووووووووووه مهروووه نقزت وتمت اتزااااعج وميود تم يضحك عليها مهروه تضرب ميود ; والللللله انك حقييير وقفتلي قللللللللللللبي اهى اهى ميود ايود أيدها ويتقرب منها ; صدق خفتي ؟؟ مهروه تطالع ميود بنظره جان يضحك عليها ; ويارأسج مهروه ; جب احلى عن رأسك ميود متساند ع الباب ; وليش مب راقده مهروه ; كنت يالسسه ع اللاب اقرأ روايه وأنت خربت عليه ميود ; آنزين سولفي وياي أنا أولى مهروه تحط أيدها ع خصرها ; وبصفتك شوه انت أولى ؟؟ ميود يحرك حياته ; بصفتي حبيبج مهروه صخت وماقالت شيء .. جان أي سلطان صوبهم سلطان ; فديت الويه أنا ميود ; يفداك ويهي سلطان ; أقصصد ويه مهروه ميود حسس بغيره ; نعم أخوي ؟ سلطان ; ههههه أسسولف بلاك مهروه ; أنا بنزل إشوف مريوم سلطان يحرك حياته ; اتحبهااا ؟؟ ميود حط أيده ع قلبه ; يييمكن نرررد صوب لندن ~ نش منصور ولقى ميروه في سابع نومها شلها و وداها الحجره ميروه تفتح عيونهأ بتعب ; كيف رقدت أنا منصور ; هههه سألي عمرج ميوره تثأوب ; آآآخ والله مأحسسيت بعمري منصور يتقرب منها ويحط أيده ع رأسها : رقدي يبين انج تعبانه ميروه ; وأنت مابترقد ؟؟ منصور ; برقد عقب ميروه ; همم آوكيه منصور ; نشي من وقت باجر بوديج مكان حلوووو ميروه ; هههه أن شاء الله حياتي أبتسسم منصور وميروه غمضت عيونهأ ورقدت وتم منصور يتألمها ~ فـ هاي اللحظه وصل لـ منصور مسسج " أنصصدم وأسستانس واتضايق في نفس الوقت " كـــــــآآآآآآت منو اللي مطرش مسسج لـ منصور ؟؟ وميود ومهروه بيحبون بعض ولا ؟؟ ^^ آبآ إشوف حماسسكم عشان أكمل الرواية |
حبيبتي نزززلي الباارت اللـي بعده دخيييلج |
| الساعة الآن 03:17 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir