منتدى استراحات زايد - ترآك بـآلخآطر لو مـآ نشوفك~ (غلـآك) مـآيمحيه قل آلموآصيل !

يوم الملجه .. ^^

الكـل كاآآن مرتبـــــش فبيت ساره وبو يابر وبو سيف ..
ف بيـــــــــــت بـ يابر ...

الكل كاآآن واآعي .. الا ميرو
سارت امها صوبها ..
دخلت وفتحت الستااآره ..
ميرو " بصوت مبحوح : اماااياا لااااا
امها : نشــي يلاا
ميرو : اماايه ولا بس نص سااعه
امها : لا الحينه بتنشين يعني الحينه
.

.

.

فالبيـت تحت عويش تدخن الميـلس .. وعليا ترتب الصاله وميثا تخرب عليـها وكككك
عليـأ: امييييي وينها وينها مسودة الويه نحن نكرف .. وهي منخمده
.

.
جاآآن تنزل ميرو وتجوفهم وهم ينظفوون

ميرو : ههههههههههههه ايي شو تسوون جنكم خدامات .. حشى حشى مب بيـت مكتب خدم .. احم احم خداامه عليا سيري هاتي عبااتي بسير اجوف مدام سااره والله يخليج طرشي الفوااله هناك وانتي وهاي بنتج ,, حشا خداامه وياايبه بنتها هههههههههههههههههههه
عليا عصبت منها وساارت مسكتلها نعاال وتركض ورااها عشاان تفلعها واول مايت تفلعها ظهر حارب وانخشت ميرو وراه وانفلع حاارب

حارب: اخخخخ الله يااخذ عدووج بنيه انتي بنيه
عليو تركض : لااا بويييييه
ميرو :ههههههههههههههههههههههه
ميرو بدلع : حرووب حبيبي تعورت
حارب: ياآآآآآآآآآآآآآويل حالي انا ..
ميرو : كح كح كح
حارب: صحه صحه شو ياج ويدحها ع ظهرها ..
ميرو حست بدوخه وتمسكت فحارب
حاآآرب : !!! ميروووو
ميرو : ها , ’ لا عاآآدي جي دوم اكيد من قلة الاكل ^ ^ وساآآرت
لبست عبااتها وسارت بيت قوم ساره ..

حاآآرب فخاآآطره الله يعين ويعدي هاليوم على خير وتنهــد
وسار حارب واخو ساره ويابر وسلطان وراشد وسيف الحلاااق وكانت الساعه 9
..

فبيـت سااره

ميرو : انزين وبعد
ساره : ماآآشي والله
ميرو : تدرين سارو هالايام ماعرف بلاني تيني شراات الدوره احس من اوقف شوي وبطيح لازم اتمسك ف شي
ساره : بسم الله عليج اكييد من قلة الاكل
ميرو : مممم ماعرف والله .. خلاص عيل بخليج لانه بعد شوي بنسير الصالون ..

جان يرن جرس البيـت .. هاي اللي بتعدل سااره
ميرو : اكييد مالت الصالون يت يلا بخلييج عيل
ساره وهي مب متطمنه : على خير حبيتي ^^

يت الساعه 11 وتوهم راادين الشباب يابر وسلطان فسياره ,, وحارب ورااشد ف سيااره وسيـف بروحه .. واخو سااره برووحه
المهم حارب فالسيااره وقال حق ميرو تظهر هي وخواتها عشان بيوصلهم الصالون
ميرو : عوواااش عليوو وميثو يلاااا .. وطبعا بتي وحده وبتعدل ام يابر وام سيف
عواش : قولي حق حرووب انا مابي الحين عندي شغله وعقب اروحي بسير فسياارتي وبخطف على رويض
ميرو : انشاء الله .. فمان الله
ميرو طبعا ماكانت تعرف انه راشد ويا حارب .. سارت وفتحت الباااب اليدااام
ميرو : رااآ ششـ وسكتت !!!
وسارت ميرو ورا هي وعليو وميثو
فالدرب الكل مرتبش الا ميرو كانت تحس انها تعباانه
ميرو بهدووء : حاارب
حارب : عيوونه
ميرو ابتسمت : مر على بيت عمي بناخذ شويخ ويانا ..
حارب : انشاء الله

ومرو وخذووها ..
ووصلو الصالون

فالصالون بدو ف شويخ وعليو ..
عليا طبعا فووشي شويخ اصفـر وخلصن ميك اب وبدن يسوون تسرييحات
بدت الممكيجه تشتغل ف ميرو
..... : اي لون بدك .. شو لونه ل فستانك
ميرو : برونز
....... : يعني بدك اياه كلو برونزي ما هيك
ميرو : هزت براسها ب معنا هي

المهم خلصت ميرو وسارت عند عليو وشويخ ...

ميرو : احم احم شوراااااااااايكم

ميرو وعليو : !!! وااااااااو شكلج متغير 180 درجه
عليو : اخخخ لو ولد جان خطبتج هههههههه
شيخو : تخسين انا اللي باخذها
ميرو : ههههههههه عاد يوم بتستون اولااد
المهم خلصو ع الساعه 5 ونص

وهم ظااهرين دخلن عويش ورويض
ميرو : توكن حضراااتكن تشرفن نحن خلصنا وهن توهن داااخلات
عليو : اخ اخ عييوووني شيخوو جوفي شو فيها
شويخ : ايييي اخترب بلاها عيوونج تدمع تعالي اشوف هيي في شعره ..
عويش: تعالي خلهم يعدلونه لج وردي ويانا
ميرو : خلاص عيل انا وشيخو وميثو بنسير
ميثو : ماااااااابي ابي عوااااث اهئ اهئ
ميرو : طع لا تصيحين انزين زين يوم رقعنا هالشيفه
روضه : حراااام علييج .. تعالي حبيبتي تعالي

.. المهم ميرو وشيخو يتريون صوب الباب
وتدق حق حاآآآرب ..

ميرو : وييينك خلاص ماقدر اوقف بعد ريولي تكسرت
حرووب : اقولج طرشت ولد عمج انا مب ياي عند شغل
ميرو : شووووووو اف اف انزين باي وتصك فويهه
شيخو : ميرو بلاااج
ميرو : ابتسمت من ورا خاطرها ماشي .. ماتبا تحسس شيخو انها متضايجه .. لانه ميرو لين الحين ماخبرتها شو استوى من بينهم هاك اليوم

يوم ظهرن برع وهن متغشيـاآت .. كاآآنت الصدمه على ويه ميرو وشيخوووووو
رااآآشد كان يدوووخ زقاآآآره ><" !!!!
شيخو : رشوووووووووووووود شو تسوي
رشود : اركبي انتي وايها عن الايمج بكف
رشوود كان حده معصب ..
ف الدرب

ميرو وبستهزاء : رااشد د اقصد ولد العم ممكن تطفي السم اللي فيدك لانه ختنقت صدري اصطك من هالزفت

راآآشد بعنااااد : والله عاد مب انتي رااكبه وياي استحملي اللي اسويه
ميرو : وقف
راشد : يزييد السرعه
ميرو " صرخه " : وقـــــــــــــــــف !!
المهم رااشد وقف وميرو فتحت الباب
ميرو : انا بنزل وبخلي حارب ايني الله لايحوجني لك فيوم
راشد " كان ناادم عاللي قاله "
شيخو : ايييييييييييي تعالي الله يهداااج
رشوود : بندي الباب
ميرو : مب مبندتنه
رشوود عصب " ويهه احمر : قلت لج بندي الباب
ميرو خااافت وبندت الباب بهدووء .. ووصلها راشد بيتهم وهو ساير صوب بيتهم

شيخو : والله حرااام عليك اللي تسويه
راشد :....................
شيخو سارت تلبست لانه يات الساعه 6 وخلت اخوها سيف يوصلها بيت عمها مروان ..
ركبت فوق حصلت باب حجرت ميرو مفتوح شوي وصوت جنه وحده تصييح
شيخو دخلت : !!! ميروووووووووووو وركضت : حبيبي بلااج
ميرو " بصوت متقطع ومبحوح " : تعبـــت اناآأ آأآ وآأـله تعبـ ـ ت
شيخه " شوي وبتصيح " : بس بس حبيبتي تعالي بعدلج شوي سااح المكيااج
وقدرت شيخو تهديهاا
وعدلت ميرو ساعدت ميرو ف انها تلبس فستانها لانه كانت معقد شوي
ميرو وهي تشااهق : نحن بنتجدمكم وبنسير الخيمه خلق الله وصلت ونحن يلووس اهني
عواش تطالع ميرو ومستغربه : فيج شي
ميرو بعصبيه : بلااكم انتو انتي وامج وحاارب كلتووني ترااكم
شيخه " بحزم ": ميــــــــــــــــــــرو !
سارت ميرو وشيخو الخيمه
والكل يلس يتخبر عنهم لانهم اول ثنتين يحدرون ب فساتينهم

شيخو : حشى بيااكلونا بعيونهم

تيمعن البنااات وميرو قالت بتسير عند ساره تشوفها وبتي ..
ميرو وهي ظاهره جان تحط غشوها .. ومنزله رااسها جان تدعم فوااحد وتطيح الغشوه ..
ميرو : !!!! اا أأآ نـا آسفه ومن القفطه حطت الغشوه بسرعه ودخلت
...... : بعده وااقف مكااان ويفكر .. طبعا هو كان ولد خالة ساره واسمه حمد ويقول فخااآآطره وييييييييل حالي ماشاء الله كل هااا جمااال .. الله يحفظها ان شاء الله وكمل درب وهو يفكر فيها
ميرو : وصلت عند سااره وويها محمر وتتنفس بصعووبه
ساآآآره : حيــآأتي " بعدين لاحضت ع ميرو تعبااانه "
ساره : ميرو ميرو شو فييييييييج بلاج
ميرو وبصعوبه : ويـ ــن الـ ببب ـخا أآ خ ماآآ آأأأآ ل الربوؤؤ ؤ مـاا آآ ج , بسـ سـ ررعه
ساااره زاااغت : وعطتها وميرو استعملت بخاااخها وارتاحت شوي .. لانه ساره فيها بعد ربو
ميرو : اأآه احــس اني بموووت !!
ساره : شوي شوي شو فيج شو صاار
ميرو سكتت عقبها ب شوي رمست : مادري
ساآآره : ارتااحي واتنفسي
ميرو : آأآه ويت فون
فالخيـمه البـناااااااات والفرقه شالين البقعه شل اللي ترقص وحالتها حاله وغير واللي تخطب حق ولدها واللي يرمسن عن هاي وشعرها وغيره

العمه موزه وبنتها توهم واصلين وبعدها بشوي دخلن بنات خالة سااره "شما وغاية ومديه و وديمه "
شما كانت اكبرهم وعقب مديه وغايه وآآخر وحده وديمه ^^
عند العروس ..

ياب اخو ساااره الورقه عشاان سااره توقع وييببن الحريم
........ : كلللووووووووووووووووووووووووووووووووووووش

ساره : لا لا
ميرو : وشو هو اللي لا
ساره : بينزلووني والله اخاف
ميرو : يالله عااد ماعرف شو اللي يخف والله انه البنااات منكر
ساااره : هههههههه جنج وللد وبنشوفج شو بتسوين
ميرو : واللله بركككضضض
ساااره : ههههههههههههههههههههههههههههههه : انزين انتي تمي وياي وامسكي ايدي لين ما اوصل الكوؤشـه
ميرو : مايستوي انا بتم وياااج بس شوي بعييد عنج لانه يوم بيصوررنج بخرب علييج

( ساره وميرو وايييد كانو ويا بعض وساره متعلقه ف ميرو,, وميرو نفس الشي )

ميرو مسكت ايد ساره وبدو ينزلونها شوي شوي .. وعند الخيمه بعدها مادخلت ..
وعدلو اللإضااءه وكااان المكااان وااايد مرتب وكله اخضر .. ويت سارو لا تدشين ..
ميرو كانت مسويه شي وسارت عطته حق مال الدي جي .. ( يابينه بس عشان دخلة سااره ميرو كانت مسويه زفـه عن سااره وياابر

ميرو " ردت " : يلا الحين دخلي
ساره : خلج قريبه مني
ودخلت سااره ع صووت الموسقى اول شي والكل كااان يسميي بجماالهاااا وكانت طاااالعه طررررر ميرو تشار لها من بعييد تقولها ابتسمي ..

يوم قربت سااره عشان تركب الكوشه .. ساره عطت ميرو اشاره انه تي تسااعدها ,, اما مييرو مسكت ايدها وساعدتها انها تركب ويلست تعدل فستاانها من ورا
منى كانت يالسه حذال امها على طااوله قريبه من الكووشه
منى : اففففف اونه برووونزي وين تبا هاي لا وبعد مستويه تسااااعد يااربيه تقههههربي
امها : هي والله صدقج البرونزي ابدا مب شي عليها ..( وطبعا كان العكس لانه ميرو ظاهره احلى عنهن
ساآآرن البناات وبااركوولها وساااره كانت وااآآآآيد مستـااآآنسه
.
.
.
.
وعقب وقت العشا .. وكلهن يلسن يتعشن
شيخو وروضو وعويش وعليو وبنات خالة شما ع طااوله
وميرو كانت عند سااره تسولف وياها وتهديها
ساآآره : سيري اكلي
ميرو : مابا بتم وياج
سااره : عن تطيحين علينا جفتي حالتج كيف توه وبعد بروحج قايلتلي انج تعبانه وبعد مب متغديه يلا سيري
ميرو : مابدي
ساره : هههه يلا ترا والله ما ارمسج
ميرو : لا كله ولا ها وساارت وتعشت .. وخلصن البناات وتعشن
وعقبها بشوي نشن يهتزن

شيوخ وميرو يفترون ويتطمشون فالخيمه جان تي عندهم وحده
تسال عن شويخ : شحالج بنتي
شيخو : الحمد الله خالتي .. انتي شحالج
.......... : يسرج الحال الغاليه .. الا كم عمرج انتي
شيخو : بدخل جريب 16
.........: هيي ماشاء الله العمر كله وينها امج
شيخو : اتجووفين اللي هنااك ام العناابي
............ : هي
شيخو : هاآآيج

..
ميرو وشيخو سااارو عنها
ميرو : اكييييد تبااج حق ولدها يا وييييييييييلي
شيخو : هع يصير خير
ميرو :والله محد يعرف منكر البنات غيري.. نشي نسير صوب النسره
شيخو : هع نسيـت سالفتها .. يلا يلا

وساآآآرن

منى : امي امي طاعي منو ياي اميي قوليلها مب حلو عليج قفطيها
امها : انا براويج فيها
منى: هلا هلا ببنات خوالي
شيخه : اهلين فيج
ام منى : ميرووو
ميرو : شووو
ام منى : اشو هذا اللون اللي مسوتنه موووووووول مب حلو جوفي مكيااج منى بنتي مااشااء الله طالعه قمر
شيخو : بالعكس وااايد حلو
ام منى : عااآآآد هاللون وااايد غاامج و يلوع بالجبد
ميرو : عمو عمو تعالي بقولج شي " وقربت من اذنها "
ام منى : خير ان شاء الله
ميرو قربت منها : تصدقين عااد محد يلوع بالجبد غيرج وغير بنت يالنسره وشردت عنها

عمتها موززززه عصـــبت من الخااطر وييهااا احمـــــــــر
وميرو نااااقعه من الضحك وخبرت البنااااااااات كل وحده ميته خخخخخ
العمه موزه صوب طاولت البنات جان تشرد ميرو (( توم وجيري ))
العمه موزه : عوييييييش وين اختج
عويش بكل برود : هلا عمتي اي وحده فيهن
العمه موزه : اي وحده فيهن غير مسودة الويه
عويش بصوت وااطي : محد غيرج مسودته الويه سود الله ويهج وويه بنتج
العمه موزه : شو قلتي
عويش : اقول سيري دوريها ماعرف وسااارت
خخخخخخخخخخ ارتفع ضغطها وحليلها
وشوي واتصل حارب ع فون ميرو وقالها انه بيدخلون بعد شوي يابر
وسارت ميرو عن الفرقه بس من ورا الستااره قالت له انه يقول بالماايك انه اللي تبا تتغطى وتتغشى عشان بيحدر المعرس ..
ساره من سمعت انه بيحدر تمت خايفه وقلبها يدق بالقو وتدور بعيونها ع ميرو
وميرو عرفت انه ساره تباها وسارت ميرو عند ساره ويابو الغطااا وغطوووها
ونزلت ميرو تحت
والا وشوي دخل يابر وحارب وابو يابر وعمه واخو ساره وعمها << جيــــــِش هع هع

والبـناات كلهن متخبلاااااات على حاآآرب
يلسوو ايوولون والحربيه برع ماقصرووو عقب ظهر حاارب واخو سااره
تم ياابر بس يوم ظهرو رفع الغطاا عن سااره وباسها على رااسها
ياآآبر كان متخبل على غناآآآته : مبروووك غناتي
ساره : بصوت واطي : الله يباارك فحيااتك
ياآآبر : انزين ارفعي راآآسج
.
.
.
.

وعالساعه 1 بدت الخيمه تفضى
ساااره ويااابر ساارو الميلس وخذ رقمها وتم يتغزل فيها . هع هع ..
وكلن ساااآآآر بيته وهو مسـتاآآآآنس الا العمه موزه بعدها مقهوره واكككك حليلها والله بس بعد كانو تعباانين نشااين من الصبح !! لانه
على فكـره ترا عويش انخطبت بعد بس امها قالت لها انها محيرينها حق ولد عمها ...
.
.
.
.
فصاله بيت بو يابر حارب وعويش وميرو يالسين
ع الساعه 3 ونص
ميرو : هههههههههههههههه ماقلت لك شو سويت ف موزو واككككككككككك
وخبرته بالساالفه
حارب : هههههههههههههههههههههههههههههههههه عاشت عاشت اختي
عويش : وقولك يت عندها تدورها ولو تجوفها وهيه تفتر الخيمه وويها احمرررر
ميرو : تصدقون انا ماعرف كيف خلووف ومانع ظاهرين اخواانهم
حاارب : صدقج خليفه رياال طيب وينحب
ميرو : يلا عيل بخليكم لانه راسي داااير بسير ارقد .. تصبحون على خير
عويش وحاارب : وانته من اهله
وميرو تمشي شوي ووتقبض فالدري
ميرو : اآآآآخ ويلست ع الارض ومسكت رااسسها
ربع لها حارب وعويش
حارب شل اخته ووداها حجرته وعطاها من الادويه مالها وخذتهم ورقدت ونزلو تحت وكل شوي واحد يسير ويتطمن عليها
فالصـاله ..تحت
عويش : حاارب بسالك سؤال وترد علي بصرااحه
حاآآرب كان حااس انه اخته بتساله نفس السؤال اللي فباله .. قومي نمشي فالحديقه برع
عويش : حاارب
حارب : هلا
عويش : نذكر ذاك اليوم يوم ميرو طاحت عليـنا
حاآآب: هي ليش
عويش : انا حاسه انه في شي خاشينه علينا شو كان فيها بالضبط
حاآآرب حس بحزن وتبدلت ملامحه : ماعرف شو اقولج والله
عويش: قولي اللي فيها وريحني انا الاحضها هالايام وايد تتعب وكلع تطيح وتدوّخ
حاآآرب : بقولج بس وعد ماتخبرين حد لانه هالشي من بيني وبين رشوود ولد عمي والحين بتكونين ثالث وحده تدري بهالشي
عويش وهي مب متطمنه : وعد
حاآآآرب : عويش ميرو فيها ممم القلب !!!!
عويش: !!!!!!!! شوووووووووووووووووووووووووووو و
ودمعت عين حاآآرب وعويش تمت تصييح لين ماهدو هم الاثنين ويوم اذن الفير
سار حارب المسيد وعويش صلت وسارت ترقد بس ولا واحد طااع اييه رقااد وخاصه عويش كله ماتذكر الموقف اتم تصييييح
.
.
يتبع