|
تكملة البارت الـثامن من رواية ابنسى اللي جرح قلبي اعيش وخاطري مرتاح {{ بيت قوم روضو كان فالمزهر وعقب ماخلصوآ المدارس راحوآ جمييرا لان بيتهم الاساسي هناك }} بيت بوراشد روضو فالميلس لابسة قميص كت احمر وبرمودا بيضآ : وينهم وايد اتآخروآ عليو : صدقيني مافي حد اييبهم مريم يالسة ادلي الحنااية البيت : هي وعقب يمين ،، ع يمينج مركاتوآ ,, هي هي عقب الاشااير سييدة ,, يوم بتوصلين دقيلي عليو ادق ع ميثو ميثو : توج ادقيين يالهرمه مودرتنيي وراايحة ماعلييه برااويج عليو : ول ول جبريييت خفي علي ميثو : اترييني يوم بوصل برااويج عليو : هههههه كلتيني حشى وين انتي اسمع حشرة عندج ميثو : هي مرتبشيين انا وخلووف الحين بنشل يزووي و بني عليو : انزين خفي صوتج ما ارمسج من الــ ..... كانت بتكمل بس ميثو بندت فوييهاا ’’’ والله بندت فويهي روضو : ههههههههههه صوب ميثو يت يزووي يزووي : بطلت باب المووتر : مرحباا السااع خلوف : مرحبتيين ساعتين ميثو : هلا هلا يزووي خلوف : يزووي وينه منصوور يزووي : لتسال سواالي ساالفة الا يبااني اهف سوييج المووتر قلتله مااشيء هههه خلوف : عيل بنزل عنده شوي وبييكم ميثو : خلووف بنتاخر والله خلوف : اقوول انطبي ولا بنزلج هنا ميثو : انزين انزين و صدت صوب يزووي يسوولفوون منصور : طاع منوو ياي انتو بس ويتخااشم ويا سلطاان خلوف : ها ميلس فالبيت عيل منصور : شسو ماعندي موتر خلوف : قم قم بنرووح انحووطلنا شوي فيصل : وانا ايلس هنا جني حرمه اتييهم ام حميد : شو حرمه بعد كل من يلس فالبيت سوييتوه حرمه خلوف : شحالج خاالووه ام حميد : اسكت انته لترمسني منصووور : مغيظييين علييك خلووف خلوف : افا خالووه شو مزعلنج مني ام حميد : لا تمر ولا تسال ولا جنه عندك خااله خلوف : السمووحه منج والله شنسو بعد اشغاال الدنيا منصور يهمس له : هي ماشاء الله اشغاال واايده واااايده خلوف يدزه : يلا خاالوه بظهر انا تاامريني بحاايه ام حميد : سلاامتك وتحمل بعمرك خلوف : يلا منصوور منصور : يلا يلا وراك انا مع السللااامة ويغمز حق امه يا بعد قلبي والله ام حميد : منصور اصطلب لا اقووم امرغك بالخيزراانه منصور وهو ظااهر : هههه هي مرره وتووبه منصور : علوومج ميثو العيووز ميثو : عيووز حرمتك يا الدعله هب انا خلوف : ركبي وراا منصور بيركب يداام ميثو رافعه واحد من حياتها : نعمممم منصور يبطل باب الموتر وين يالسه ميثو : يلا يلا بسسرعه ميثو تبند باب المووتر اركب ورا ما بيستوييبك شيء خلوف : ركبي ورا وفكييني من صدعتج ميثو : انـــــــــــــــزيـــــــــــــــــــــن منصور : ايوا خلج مطيعه سوتله ميثو ماالت وركبت ورا هههههه ساعة الا ربع و وصلن كل البناات بيت بورااشد اللي تحول من هدووء الى حششرة ويوولة تدخل ميثو : مرحبااا بناااتااات روضو : مرحبتيين و تواايه ميثو ميثو : اهلا والله مرت اخووي يا هلا روضو : جب انزيين ورااها يزووي : مرحبا فمرت ولد خاالي والله روضو : يالله حسستوني مااخذه شيخ وبغروور الا هو حمدااان عليو توقف : أي أي ماارضا على اخووي تراا روضو : ههههههه ربع ساععه و وصلو كل البناات اللي كانوآ فالميلس تعرفونهم بس بوظح اكثر للي ناسين روضو ومريوم - خوات حمدوو – بنت عمهم ودوم 19 سنة تعرف تسوق بس ماضهرت ليسن و شما كبر ميثو – ربيعات روضوو البست بس ما اييون بيتهم واايد اكثر شيء يتلاقون برع البيت اسوم و موزو – بنات خاال روضو اسوم كبر ميثو موزو 22 سنة ميثو و عليو – خوات يزووي – بنت خالهم تعرفونها كبر ميثو لطوف – بنت عمهم 20 اعقل وحده فييهن ههههه فطيم – بنت عمهم 17 كبر روضوو للعلم : متيمعين كلهم عسب يتحنون وبتعرفوونهم عقب اكثر و في شخصيات راحوآ صوالين Stoop ~> يوم بيي وقت العواايل بذكرها فطيم : وينها اللي تحني سنة لين ماتووصل يزووي : مووترها بنجر فالدرب فطيم : اتخيلها تنزل تعدله هههههه الكل ماعادا لطووف : هههههههههههههههه لطوف اونها العااقل : بسكم تعلييقات ع الحرمه يزووي : ماالي انا والحب فطييم : عااشوآ ههههه اسوم : مادار في باالي الخالي اتعلق بغاالي مووزوو : شو يسكتهن الحييين ميثو : لا لا تخيلو صدق موترها بنجر روضو : اتوقعها لافه الوقاايا ومسوتنها حجااب وتعدله مريوم : ولتنسيين انج وياها عليو : ههههههههههه ودوم : مجذباات الجذبه ومصدقااتها روضو : ههههه اقلكم الحين بيمر علييها واحد و اونه بيعدل موترها يزوووي : هي وعاد هي ما بتقصر مرره بتعطييه الــ ............. وسكتت ودخلن الحنايات هني الكل نقع ضحك وحدة من الحنايات : شاللي يضحك روضو : حيااج حيااج ماشيء كنا نطري نكته وضحكنا والكل ميود عمره ودوم تهمس ليزووي : يزووي شحاالج ههههه يزوي : جب جب الحناية : انا اسمي وديمة الكل يطاالع ودووم وفيهن ضحكة من الخااطر ميثو واونها يعني : عاشت الاسامي واللهـ وجي يسلو وتحونوآ شوي يضحكن ويسوولفن }},, نروح صوب سيف ,, هب مداوم اليوم وماخذ اجاازه نتكلم عن سيف عسب تعرفونه اكثر كانت شقته فخمه وآيد بما انه يداوم ودوامه ترتووب وراتبه عجيب بالنسبة لشخص واحد ,,, شقته اطل ع شارع البحر فـدبـي الصآله كانت عوده وآيد و فيها غرفتين هب كبار وايد بس اوكي حجمهم شيء مطبخ تحظيري ولكل غرفة حمام سيف عدل الشقة وجنهآ بيته للعلم انه شاريها ,,, كآن وآقف فآلبلكونة ويطآلع البحر ,, للعلم ان الجو كآن ومغيم ,, والموج مرتفع سيف تنهد تنهييده آلم : الحين بعد هاي السنين كلهآ وينهن آهلي ليش محد بين فيهن معقوله ما يبووني رد يوم كآن عمره 8 سنين وآذكر اني كنت رآيح غرفة امي وانا راد من المدرسة وسمعت ابوي يرمس امي ابوي : يا ام راشد الولد يوم بيكبر بيعقناا مهما يكون نحن مب اهله امي : انت هب اهله بس انا وحده من هله امه وصتني عليه و انا مابهده لو شو ما يستوي ابوي : ما بتهدينه بس ما تتخيلين يوم بيكبر ما بيذكر هله شو بنقووله امي : ليش انته ناوي تخبره ترى محد بيقله وهو من وعى على الدنيا وانا مربتنه ما بينساني وانتي تدري انه امه تــكـــون ,,ما كملت كلامها لآني دخلت عليهم كنت ياي وانا مستاانس من المدرسة اليوم الآبلة مدحتني ياحيي منو قدي سمعت رمستهم طنشتها بحكم اني صغير ومافهمت شيء ,, قطت حديثهم وانا اقول حق امي انا : اليوم صفقوني الاولاد في الصف كنت شاطر ماما حليت مساله محد عرف يحلها امي وجنها تذكرت شيء ونزلت دمعتها وبسرعه مستحتها وجنها ماتباني اشوفها : شاطر ولدي عسب اليوم بنودييك الالعااب انا : صدق مااماا وانا تشققت من الونااسه وقمت انااقز وطحت ع رااسي وتعورت وقمت اصيح دخل علينا ابوي : سييف جنك ياهل تيلس تنااقز وانتي لوطاح و استوابه شيء بتتحملين المسؤووليه بندت اذني مابغي اسمع صرييخ ابووي علي وعلى امي هو واايد زين ويا امي بس يوم انا مووجود يعصب عليها رد سيف لواقعه ونزلت دمعه من عينه ,,, يعني الحين هي ماتكون امي انزين منو امي عيل وعلى صووتي اكثر ودخلت الصااله منو تكوون امي ومنو ابووي وينهم هـــلـــي ومن قلت هاي الكلمه كان شيء كوب فايدي وجني ضهرت كل حرتي فالكووب بكل قوااي فريييته سيييده ع المرااايا العووده اللي كانت محليا الصااله و شفت الغرش و النسكافيه اللي خيس الصااله كلها والغرش اللي تناثرت فكل مكاان مسكت غرشة من الغرش وعصرتهآ فآيدي وانا هب حاس بالعوآآر اللي فآآيدي لين مانكسرت الغرشة وبقت بقاايااها بآيدي يلست ع الارض وانا اشووف الدم طايح فمكاان واحد و الغرش الصغيرة اللي منتثره يلست ع ركبي و عيني كانت حمراا بمعنى الكلمه مسكت رااسي وانا اصاارخ وييينهن هلليي لييش بااعووني ليش محد يااااني كل شيء سوييته رووحي وبدآ صوته يخف بتدريجاات رووحي ... رووحي ... روووحيي نشييت من مكااني بسسرعه متجه للمطبخ شلييت الصحون و الاكواب مادري هم شدخلهم ههه وفريتهم واحد ورا الثااني ع اليداار لين ماحسييت عمري ين ينووني وتوني احس بالم ايدي شوي استوعب اللي سوييته وانا اطالع منظر الصاله اللي تحول الى مزبله جنه اثنين مداافنين فيه ,,, غسل ايدي بمآآي بآرد وحطيت فوده عسب الدم و ضهرت من الشقه مستعيل واشخطه المستشفى لفولي ايدي بشااش وجبس حسسوني فيه كسر دورتلهم أي حجه و ضهرت من عندهم وحاولت اهدي عمري ,, هديت عمري وتذكرت ان بآجر عرس روضة وانا لين الحين مب مفصل لاكندوره ولا شيء ولا اعرف ريلها اسميني يوم بعرفه بحلله تحلييل هههههه رحت ع محل هزآآع ماعرف اسمه بس الرياال اللي يشتغل اسمه هزاع دوم نتعامل وياه انا وسلطاان هههه فصلت عنده وبالمره خذتلي سفره و بعد محايل وياه قالي بيخلصها باجر الظهر عيل في واحد اليوم يفصل وباجر يباها هههه و رحت محل روديو اماريتس مول خذتلي نعالين و مريت خذتلي ساعة شوبارد كان عليها ربل اسود وستيل ياي ع النحاسي وخذت ساعة حق روضو دامها بتعرس هههه كل ها ع السريع هههه واشوف السااعه وصلت 4 شهقت من خاطري مسرع مامر الوقت والله هههه رحت اقرب محل يغلف الهدايا غلفت الهديه وادري روضو بتسبني لاني هب يايبلها غير ساعه هههههه ركبت الموتر و فريت الاغراض مريت ع بيتنا هه اقصد كان بيتنا بركنت الموتر نزلت دشيت الصاله مافي حد غير عبيد اللي كان منطبن في الصاله وبعده ما ودر هاي السالفة دومه ينخمد فالصاله وعيته سالته وين روضو عبيد بصوت رقاد : هـــآآآ انا : وين روضو عبيد : عرست يتني ضحكه من كثر الرقاد مايحس باللي يقوله : لا لا وينها فالبيت يعني ههه عبيد : الميلس قبل ماروح الميلس كنت اشووف كل مكان فالبيت كنت اذكر يوم كان يضربي ابوي ولين الحين اقله ابوي مادري على شووه هههه المهم كنت اذكر كل موقف و بتفااصييله تميت سرحان شوي وعقب رديت للواقع يلا شليت الافكار من رااسي دورت امي ماحصلتها ييت بروح الميلس بس ياني فضوول اشووف غرفتي شوسووبها للعلم اني اول مره ادخلها من عقب ماغبت شعوور صعب واللهـ اني ادخله بس حبيت اسويها مفاجآآآه دامهم كلهم حنوآ علي ادخله رحت غرفة سلطان اشووفه منطبن شوهالبيت اللي كله رقوود هههه ماحبيت اوعيه مريت غرفة روضو مقفوله دوم هالبنت تقفل غرفتها حتى وهي فالبيت هههههه لاني دوم افتش فكاامها واغراضها وتعصب اللي يضحك انها تحط نووت وتكتب عليه سيف لتدخل الغرفة هههه مريت عن غرفتها وانا اذكر كل دفاانا ومصخرتنا هههه ومره كسرت ايدها كان سلطان حابسنا انا وهي ومريوم فالغرفة قمت فتحت الجامعه وقلتلهم بنروح ع غرفتي كانت غرفتي وغرفتها { روضة } حذال بعض بالضبط و دري اللي يودي فوق البيت بينهم من برع الفلا يعني عفدت انا و وقفت ع الدري جيكت ع جامعة غرفتي مقفوله ما في غير نروح فوق البيت وكان الفليل ونحن من العصر قافلين الباب علينا ماذكر شوكنا مسويين ههه اعتقد فلعنا سلطان بالبيض وقفت ع الددري وسحبت روضو بس مادري شو استوى فايديها وانعوت هههه وعقب عاد فتحت منااحه و قلتلهم هي ومريم يتمن فالغرفة ورحت فوق البيت واستويت سبايدر مان والله لاني عفدت من البلكوونه ع الموتر وضهر صوت وعى ابوي من الرقااد نش وجي وخبرته وعقب ودينا روضو المستشفى وما انسى انه ضربني ضرب والله ما انسااه الله يبحصه كيف اكرره يبط الجبد وجي ’’’ كنت ياي ادخل غرفة مريم بس ياني شعوور غريب وانا اذكر يوم تقلي نحن هب خوات مدمن رديت لورا كانت وايد اوكي وياي بس ابوها لعب فمخخها رحت عاد غرفتي تميت متردد ابطلها ولا اخااف انصدم انهم غيروآ كل شيء فيها مسكت القبضه وبعد تردد فتحتها بس للآسف مقفوله حسيت اني مستاانس يعني مب مخلين حد يدخل غرفتي هههه والله اني اهبل عقبها رحت تحت ومانكر اني كل شوي اوقف واذكر شيء هي واللهـ ذكرت كل شيء بالتفااصييل يلا اهم شيء ان محد يقدر يذلني الحين و حمد { بو سلطان } اللي كان يعلق علي ييت وانا وياي شهااادة اسباانيا ههههه رحت الميلس بطلت الباب بدفااشة واكيد روضه بتنقز بس انصدم بصوت الصرييخ اللي قوم البييييت واشووفهم كل وحده نشت من مكاانها وانا بعدني واقف مانكر انهم كلهم حلوآآت ههه بس طاحت عيني ع وحده طرر والله انها خطييره جمالها غيير عنهم مادري ليش ,, فريت الهديه وبندت البااب بسرعه وانا اسمعهم يتحرطموون ودووم : طيحلنا قلووبنا موزو وصووتها عاالي والله صمختني : يعني ماتدري ان شيء بناات هنا امف علييك ميزت صوت روضو اللي كانت يالسه وتضحك : ههههههههههههههههــ حراام عليكم لطووف : أي حراام يقربلج هو روضو : يب يب بس مايدري انه شيء بناات اهنا مريم اللي دشت عرض وميزت صوتها عدل : لاماعليج يعرف بس تعمد روضو بحده : لا ماكان يعرف ولعلمج سيف غير عن اللي فبالج وديمة الحنااية : وحدة تروح تقله شيء بنات هنا ودوم بما انه لين الحين مابدوآ فيها شلت الهديه وقالتلهم : لا لا يايب هديه بعد كلهم بشووق : فتحييها ودوم فتحتها بشوييش يت ميثو دزتها وبطلتها بدفااشه روضو : ميثوو لتخربيييين الغلااف ميثو : واثقه انه حقج يمكن يكون هب لج : بطلتها ولقت كرت ميثو : حق منو تتوقعوون الهديه شمييم : يا روضو يا مريووم لانه اخوهن هههه ميثو تبطل الكرت : بقرى وانطبوآ محد يرمس : احم احم روضو العنز واخيرا بتعرسين وبتفكيينا تراني ماشفت ريلج ولا حللته هههه يعني خبريه انه مابيفتك مني ترد عليه ميثو , ول ول الله يعين اخووي اكيد هذا سيف صح روضو : هي هي كملي الحناية كلثم : بس لايحرك وايد كله خرااب بعدين > هنديه و ترمس حمدووآ حمدو : انزين انزين ميثوو كملي ميثو : و مبروك ع العرس وادريبي زطي مايبت غير هديه وحده بس الهديه الثاانيه فيوم عرسج خخخخ وكاتب آخر شيء سيف فتحت ميثو البكس و لقت السااعه مررتها ع البنات كلهن روضو بصووت عاالي : يا الـــــزط بـــــس ســـــــــآآآآعــــــــــــه سمعت صووتها وانا ورا الباااب بعدني واقف ترا هههه ضحكت بصووت عاالي ميثو : طع بعده وااقف روضو : انا ياللسه اتحنى وحده تروح تخبره وتطالع ميثو ميثو : لتطااالعييني مابرووح ودووم : حتى انا روضو توجه نظرها لآسووم : لتطاالعين استحي ارووح الحناية وديمة خلصت من روضه : يلا اللي بعدها يلست اسووم وبدت تحنيها وفهمتها اسوم شو تبا روضو : يلا وحدة منكن ترووح بعد ترجي رااحت ودووم ولبست عباتها مريوم : روضو شو اطرشين البنت تعرفين اخوج عدل ما يحتاي اخبرج عنه cut I want your expectations |
البارت 9 من رواية ابنسى اللي جرح قلبي اعيش وخاطري مرتاح روضو فولت بس مسكت اعصابها وبحده : مــــــريــــــــــــــم ,,, سكتت مريم كنت بعدني ع البااب بس من سمعت ان وحده بتضهر رحت بعيد عن الباب وقفت عند الدري اوني اتريا يعني سمعت صووت مريم العنز يباالها طرااق ماتبغيني اشووف غرشوبه باكلها يعني ههههه ضهرت ودوم شافته عند الدري كنت معطنها ضهري عمدا هههه ودوم : روضه تتحنى يوم بتخلص بتييك صديت صوبها ابغي اشوفها واوني ما سمعت : تكلميني ودوم رفعت راسها تشوف : هي وروضه تتحنى يوم بتخلص بتييك و آآخ قلبيي ملااك ملااك ماشاء الله عيوونها اخ قلبيي بس عيوونها عسليه وطاللع علييها كششخه بس عيونها نفس عيووني ههه كششخه عيل خلااص طاح قلبي آذوبّ بَعينَكّ آلحَلوَةْ وسَكرْهَآ وَحَتىّ آلدّنْيَآ آنْسَآهَآ وَلآ آذكرْهَآ آنَآ آلليَ سَكرْ عَيُونَك يَذَوبْنِيَ يَذَوّبْنِيَ دَخِيْلك لآ تَذوبْنيَ وسَكرهَآ تمييت سرحاان فعييووننها حركت رااسي بطريقة غريبه جني ابغي اخوز شيء منه شفت يدامي مالقييتها اووف اكيد رااحت بس وربييي جنهاا ملآآآآك استاانست ورحت الصااله اشووف عبيد نش عبيد بلهفه : مرحباا سيفووو نورت البييت واللهـ انا : مرحبتيين فييك والله عبيد : خبرني منو اقنعك اتي احييد راسك يابس انا : واللهـ ماشيء بس سوييتها مفااجآآه عبيد : سمعت صووت صريييخ شمسويين انا : هيي دخلت الميلس اتحرى روضه هنااك ولا اشووفلك غرااشييب طرر والله كلهم عبيد : يالهرم وانا اقوول من وين يا الصرييخ هذا ام راشد : يالله فهالبيت ما يخلوون الواحد يرقد وتدخل الصاله انا : لازم تراني موجود هه لفيت صووبها ولويييت عليييها ام سلطان : ويي ياسيييف واخييرا دشييت البييت اللي من دوونك كان اظلم والله عبيد دش عرض : افا اميي ونحن لا لا لا ماتوقعتها منج ام راشد : واللهـ كلكم نفس الشيء بس سييف من زماان هب داخل البيت استرييح ولدي استرييح انا : احم احم شفت كيف انا مهم هب انت عبيد فرني بقوطي كلنكس يابه صح ع رااسي انا بتمثييل : اخ راااسيي ااميي لحححححح ....... قــــ,..........ــي ماكملت الا وانا طاايح عبيد يشهق وايي صوبي : سيففو سوااف و يرني طرااقين بالخفيف وهو يردد اسمي وعقبها يرني طراااق حرقلي خدي يتني ضحكه بس يودت عمري ام وهي تصيح : شسوييت فالوللد توه كاان قااعد يضحك فخااطري حسسووني اني ميت هههه وكملت تمثييليي ام سلطان : يا حسرتيي ع وللدي ,, راحت الميلس وبطلته بقوه ام سلطان : سييف طااح علينا مادري شستواابه روضوو شهقت من قلبها ويت بتووقف : شــــــــــــووه ميثو : روضه يلسي حنااج بيخترب روضو شوي وتصيح : حد يشووفه دخييلكم حد يشووف سييف ودوم : خلااص روضوو انا برووح اشووفه ~> كانت فالاسعافات الاولية فالمدرسة وعندها خبره ام سلطان : دخييلج بنتي بسسرعه يت ودووم عندي من فضوولي اعرف منو اللي يت عندي فتحت نص عين وشفتها آآخ قلبي لو ادري جان دووم مثلت شافني عبييد كان خاايف طشوونه بس خاز عنه الخوف هههه عقب ماشافني عبيد ويعطيييني طرااق ع رااسي : سيفووو ياالخريييييييط ام سلطااان وهي يايه : عبيييد حرام عليك هب جنك انت اللي مطيحنه ودووم فخاطرها ياربي شوهالوهقه اذا بعرف شوفيه لازم المسه صدق وهقه فتحت عيني عسب تتاكد اذا فيني شيء قام قلبي يدق طبوول والله جسمي استوىى حار خييبه هب بنت جي سوت فياا ودووم فخاطرها والله لين الحين هب مبين شفييه حطت ايديها ع قلبي لحقو علي ياعرب رحت فيها حَبهّ غَدآ فَآلدّمْ مَرفُوقَ دَميّ مَعّ عَشْقهْ سَوآيَآ لهَ مَنْزَلنّ بَآلحِيل مَرمُوقَ وَسْط آلحَشآ بآقصىَ آلضَمآيَآ حَسْن وَدَلعْ وآخْلآقنّ وذَوقّ حَلونَ وَبْهَ زِيَنْ آلمَزآيَآ ماحسيت بعمري الا وانا حاط ايدي فوق ايديها خوزت ايدها عني بسررعه عسب مااحسس حد بشيء نشيت ويلست اكح انا : كح كح كح كح عبيد كان ميت من الضحك وام سلطان هزبته هزااب ام سلطان : هاتييله مااي بسرعه ودوم راحت المطبخ وهي تضحك جنها حست فاللي فيه هاييل الدكاتره ولا بلااش ههه يابتلي المااي وانا من ذكائي { أي ذكاء الا غباااء ههه } عقيت الكوووب وكان غرشة ع الارض ويبتها فحضني اونه عسب مايحطييح على ريلها الكووب اسميني الا استاانست ام سلطاان وهي خبر خير ولا داارية انه ودوم فحضن سيف : سيف امي شو تحس الحين ان شاء الله احسن ودوم وهي تخووز من حضني ليش خازت انزين كنت مستاانس يعني : الحمدلله خالوآ وتطالعني وهي مبتسمه جني الافضحت عمري ,, ماكان فيه شيء بس الا بزاا بطلت عيووني ع وسعهن توقعتها بتنقذني يعني ههه عبيد : ماقلتلج امي مافيه شيء هذا سيفوو اعرفه كاااك ام سلطان : تسلمين بنتي ما قصرتي ربي يخليج لهلج ودوم : العفو خالوآ ماسوييت الا الواجب انا : اخ رااسي يعورني واطاالعها عسب ما ابين حق عبيد شيء لو درى بيستويلي بي بي سي ,,, اقلج ايي كح كح كح هااتييلي بندوول اونه بزاا اقلج راسي يعورني ودوم اطلعتني بنضره جنها تقلي اعدل اسلووبك ابتسمت : لا مافيك شيء عوار رااسسسسك وطولتها بيخف مايحتااي بندوول وراحت يت امي ونششتني من ع الارض وتوها تنتبه ع ايدي شو من حجج بضهر الحين مادري ام سلطان تشهق : بلااها يديييييك شستوااابك انا مرتبك وحاالتي حااله : ماشيء انجرحت كح كح كح > تمثيييييييل ><" < بالــ سكتت شوي ورديت اكمل بالــشسمه هذااك هي الــمرايا ~> ام حق خررطه بس عبيد بطناازه : ماشاء الله أي مرايا هاي بعد حراااام غمضتني خف علينا بابا مافي غير عبيد هذا شعنه ميلس فالبيت اف : هي هب مركبينها عدل وطااحت عاد ويووم ييت ايمع القطع الصغاار دخلن فايدي ام سلطان صدقت حلييلها : ياولدي وشعنه ماتزقرلك حد يشلهن عنك هاي سوا الحين شوف ايدك كيف مجبسه انا : يالله امي شنسو بعد قدر تمينا نسوولف وعبيد كل شوي يقلدني يوم اطييح ههه ودوم دخلت الميلس : روضوو اخووج دلــــــــــــــــــــوع روضو : ليش كان طايح ودوم تذكر شكل سيف وفخاطرها محلى عيوونه : خرييط رحت شفته مافيه شيء يمثل عليهن روضو : ههههههههههههه سيفو دوومه تمثييل والله مريوم : مالت بس فاضي يزيغ امي عليه زين ماوقف قلبها روضو : تحبه ولدها كيييفها الحناية وديمة : يلا ميثا انتي واايد تهذربين نشي عسب يحنوونج ميثو : حشى علي انا سااكته وانتو بعدكن ما خلصتن يوم بتخلص وحده فيكن خل تحنييني اخر وحده انا استرييحوآ شميييم : ميثوو مش انتي العرووس صح ميثو : هههههههه اخت المعرس انا منو قدي هي هي هي شمييم : يالله المعرس بكبره موجود جي عليا : ما عليد منها هاي ميثو ترمس وايد هههه روضو : حد يعطيني فوني ميثو تفرلها ايااه وايي ع اليداار : شييت ثاني مره ما اييبها صح روضو : ميثثو ويهد يشلج فووني كسرتيييه ميثو راحت شلته وركبت الكفر لانه طاح و البطارية بعد : يودي الا هو كيرف من يطيح كل شيء يطيح وياه حشى ههه روضو : خل اخووو الزطي اييبلي غيره ميثو : ههههه اقلج استرييحي حمدان اكبر زطي ههه روضو : انزين الحين منو بييب فسااتيينا يا الحلواات عليو : شيييييت والله نسييييييت روضو : ضهرو الفوااتيير بطرش واحد من خوااني عليا : ميثو روحي فمووتري بطلي السده شيء فواااتير مالنا كله اعتقد هاتييه ميثو شلت السويج وضهرت بطلت السده : علله شكثرهن حششى .. كل فوااتيير فسااتين البناات فمووتر عليوو هههه شلتهن كلهن ودشت الميلس فرتهن على عليو عليا : ايي بتخربيين حنااي ميثو : انزين وردت شلتهن ويلست تبطل وحده وحده اتصلت روضو حق سيف دامه فالبيت وعطته ايااهن عن طريق البشكاره محد من البناات طاع يروح هههه سيف فالموتر : والله انا ماعندي سالفة رايح ايبهن شكثر خييبه قلت وحده ولا ثنتيين مال جيش كامل حشى ماشيء غير اشل عبيد وياي ركب عبيد وبدوآ المشواار ..... صوب حمدآن مكآنه الوحيد بحر الممزر بوصفلكم شكله عينه حمرآ وتحت عينه كله سوآد لابس كندورة بيضة فصمها مبطله من فووق و الفروخه شوي و اطيح غترته عـلى صوب يايه كان طالع بنيسآن اخوه خليفه لونها اسود و مزوده كان نازل عند البحر الوقت كان ع الساعه 7 المغرب يمشي جباال البحر و المووج مرتفع فهذا الوقت حمدآن بعد تنهيييييده طوويله : آآآآآآآآآآآهـ كيف بآجر عرسي هههه باجر عرسك ياحمداان يعني نووره نسييتها لامانسيييتها هذي يداامي انا اشووفها نووره تعاالي بنسيير >> مد ايده << هاتي ايدج بنسيير بعييد >> يبتسم ويمسح دمعه << بعيد عن العالم كله بنكوون بس انا وانتي > يعلي صووته < تعااااااااااالي > يرد صووته يخف بتدرجات < تعااالي دخييلج رديلي هب انا حمداااان اللي تحبيييييينه خللااااااااااااص رديييييييي نوووووووووووووره رديييييييي> يلس ع الارض من التعب اللي فيه < و ترتسم صورة نوره يدام البحر ,, مافي شيء فيه غير خيااله اللي يودييه واييبه ع صوت البحر الهاادي عَآشَقّ وَرُوحِيّ فِيّ وَدآدَك عَشِيقهَ زَآرْ بَشْرَآنِيّ وَسَآكنّ بَآلعظآمَ آرجَعْ دَخِيلكَ مَغْرَمكّ جَفْ ريَقهَ مَدْرَك عَليهّ آلمُوَتّ وَيعّدْ آلآيَـآمّ نش وخياله اللي يودييه ودااه ليين البحر يدااام صورة نووره لكن نش للحقيقه وسحب الفرووخه وفرها بعنف وبصريخ : وييييييييينج ليش تختفيييييييييين ليييش رااح بسسسسرعه وينوونه ضااهره ركب المووتر ودآس على الريس بسسسرعه وجنه تذكر شيء بطل السده وضهر كل اللي موجود وبدا يفرفرها وهو يسوق مالقا اللي يباه ارتفع القييج عنده و المزااج اخترب ويدامه 777 شيطان فجه رييسسس لين شآرع الآمآرآت ,, متوجه لوين مايدري ضهر كل حرته في المووتر كان يدووس وبدا ينفل فالشاارع القيج على 180 مثبت ماحس غيييير بالسيااره يالسه تنلف حااول يثبتها بس ماقدر يسو شيء بدآ المووتر على وشك انه ينجلب انجلب جلبة وحده فالشاارع ضرب رااس حمدآن ع الجآمه اللي يدام ويآ المووتر ينجلب جلبته الثاانيه وحمدان مب قادر يسيطر ع الموتر و البــآآب ما ينفج / \ / وبشكل سريييييع رفس الجاامه وعفد منها تسحت على الشاارع تقطعت كندوورته وحس بعواار فضييع ف جسمه و الدم اللي ضهر منه ومب داري فاللي فراسه بدآ يشوووف ضباااااب وصووت سياايير رايحه راده وصوت شآحنه ياايه من بعيييييد وشكلها واضح فعيوونه ماحس الا بالدنيااا ظلمت فعيوونه cut حمدان بيقدر يحظر العرس !!؟؟ |
البارت 10 من رواية ابنسى اللي جرح قلبي اعيش وخاطري مرتاح مآيد يالس ع الكرسي مسترييح و يآه محمد اخوه الصغير لو نسيتوه يعني : اقلك فصل الا هم 4 كناادير ما بينقصك لا ايد ولا ريل عبد السلام : اربااب ما يستوي باجر اصر خلاص مايقدر شوكل واجد مايد : عبد السلام فريت مخي ثرك اقلك باجر عرسي خلص الكناادير محمد : جذاب لتصدقه مايد : حموود جب انت ,, اقلك فصل الكناادير خلصني عبد السلام : بابا مافي كلاس انت ييجي باجر ارس لازم يجي قبل اسبوع اسبوعين مايد : شرايك اييبلك اللي برع تلقيلهم المحاظره بعد انطب اقلك انطب ضهروآ من المحل مايد : حمود خذ السويج وقر فالموتر جنك عنز مضيعه امها تلحقني من مكان لين مكان حمود : فلسسسسسسسسسسسسسسفه وتم مايد يدوور لين ماحصله محل يفصل لين باجر وبسعر دبل صوب سيف و عبيد سيف : هاي الفاااتوره ضهرلي الفستان الريال : لك شو هاااد ما اسم محلنا سيف : صبر صبر بضهرلك اسم محلك وتم يدور بين الفوااتير وعطا الريال ضهرله 5 فساتين الريال : ليكون هدوول الفساتين تبعك و يرفع شعره بشكل انثوي عبيد : عن يطيح نصك بس الريال : عم تكلمني عبيد : لا اكلم يدي الريال : أي وشو بعملك وصل سيف عبيد البيت وروح هو شقته قبل ما يروح سوى شيء وروح ^^ بعدها رد الكل البيت الآ شخص وآحد الكل متوقع ردته 1 , 2, 3 , 4 , 5 الفير هاي تواقيت ردته ورقد الكل مرتبش لبااجر ,, . . . السآعه 2 ونص الفير نش بصعووبه يفتح عينه ويرد يبندها تم على هآآي الحاالة ربع ساعة حمدان : بسم الله الرحمن الرحيم ,, انا وين ,, يطالع حوله ,, شاللي يابني هني ,, يرفع حياته ويحاول يذكر ,, مخي مقفل سحب المغذي من ايييده راح الحماام { عزكم الله } شاف شكله فالمرايا حمدان : لو حد يشوفيني اشهد انه بيشرد هههههه بعد جي ربع ساعه دش الدكتور ويلس حمدان وركبله المغذي مره ثانيه حمدان : انزين انا بقدر اضهر ولا الدكتور : حالتك ماتسمح حمدان : مافيا شيء الا ضربه خفييفه ع راسي الدكتور : حالتك ماتسمح وكلك جروح خبرنا بالضبط شو اللي صار حمدان كان يوصف بآسلوب مصخره : ماشيء دايس ريس كامل والله والموتر شفر بانجلب جلبة وحده وطبعا انا وحش رفست الجامه وعفدت قبل ما تستوي الجلبه الثانيه وعقبها انتو ييتو الدكتور : الموضوع وايد بسيط عندك حمدان بطنازه : شفت كيف ,, الدكتور : انزين ليش مستعجل على الطلوع من المستشفى حمدان : لا هب مستعيل بس اليوم عرسي ,, مالت على هالطااري الدكتور : مابقدر اطلعك الحينه لازم تتريا لي العصر او الظهر على الاقل تكون عفيت حمدان بغباء : انزين و ضهر الدكتور من حمدان بعد نصاايح طوويييله و حاول حمدان ينش بصعووبه مكان التسحيت يحرقه ,,, بعد 4 ساعات ونص يعني 6 وشيء راح صوب المرايا شاف عينه و ويهه كيف تغتر مره ثانيه وشاف كندوورته اللي عليها دم و متقطعه يعني ما ينفع لازم يبدل من وين اييب كندووره عاد مايدري ضهر من المستشفى على السريع بدون ماحد يدري لانهم بيرخصونه العصر وكل ما يمشي يلف يمين يساار عسب محد ينتبه له ,, دق على حميد ولد خاله وهذاك رد على طول دام اليوم خميس و ماشيء دوامات باجر حميد : ها شعندك داق الحين حمدان : اقلك مرني عند مستشفى ********* حميد : شتسو هناااك حمدان : لتتفلسف علي سويت حادث ومافيا شيء بس كان مغمي علي وانا عند المستشفى مرني الحين بسرعه حميد : انا قريييب دقاايق و بوصل حمدان سكر على طوول وهو يحس بويع فجسمه حميد داااس بسرعه عسب يلحق على حمداان وصل المستشفى نزل لقى حمدان فويهها حميد : سلااماات شوف شكلك جنك ياي من الشارع حمدان يشوفه بنص عين : اقلك قومني واسكت ترا روحي هلكاااان حميد يوده وركبه الموتر : خبرني الحين شو اللي استوى حمدان : ماشيء ضهرت من الممزر يقاطعه حميد حميد : باجر عرسك تحوط فالممزر حمدان : خلني اكمل ,, ضهرت رحت شارع الامارات طبعا تعرف ولد خالك ياب راس شاروخان يقلك اشتل موتر خلووف علي من التاير وانجلب الموتر جلبه ما وحاله بكمل الاولى الا وانا عاافد منها حميد يصفق و يصفر : عاشششششششششت حمدان خان الصرااحه تحطييم حمدان : انزين ابغي اشوف موتر خلوف شاللي استوى فيه عسب جي ابغيك تعطيني كندوره و موترك حميد : ابغي موتري تراني حمدان : اقلك انطب انت الثاني شل حمدان الموتر بعد ماوصل حمدان عند واحد من ربعه وروح اول شيء بدل كندورته عقبها راح يشوف موتر خلوف شافه هب موجود رآح وسآل عن الموتر ضهر مافيه شيء بس يبااله بييبان يدييده وجامات لانه انجلب جلبه على الشارع و الباقي على الرمله ,, الساعه 9 الصبح في صباح يوم اليمعة بيت بوحمدآن عليا : ميثو يلا اخرتينا ميثو : وين تبين تروحين من صباح الله خير خليني آكل ميته يووع خلوف : والله حاله مشتلين والمعرس منطبن فوق ولا داري عن شيء ههههه عليا : ليش ان شاء الله بيروح يتمكيج ولا يقااايس الفستان الا بينش الساعه 5 سيده الحلاق و بيلبس فـربع ساعه وبيروح خلوف : انزين انزين عن تبلعيني ام حمدان : وين ضاهرات انتوآالحين عليا : اول شيء بنمر على الست حرمة ولدج عسب تسو بروفا حق فستانها ثاني شيء بنروح ناخذ نعلان لين الحين هب ماخذين وعقب بنمر نشوف القاعه واذا كل شيء اوجي وعقبها بنيلس نتريا اللي تمكيجنا ام حمدان : يالله سيرن تحبن الحوااطه انتو اصلن تبوونها من الله ميثو تبوس راس امها : شدخل الحواطه الحين يلا يلا امي لو يلسنا اكثر ما بنروح يلا عليوو و ضهرو بيت بو راشد فمكتب راشد فالشركة {{ قرقاش }} يدخل حمد بدفااشة ويرقع الباب ورااه وبصوت عالي : ليش مارحت راشد : خف صوووتك نااوي تفضحنا حمد : راشــــــــــــــد جاوب على سؤاااالي راشد : طارت الطيااره وماقدرت اروح حمد بصووت عاااااالي وفر الملفات اللي كانت على المكتب : كيييييييييف طااااااارت راشد بهدوء : قلت طاارت يعني ويسو حركه باييييده يعني سففففففففففففف حمد : هب يالس اتمصخر ويااك ليش طااارت يعني تعرف التوقيت وتاخرت راشد : حمد لتصاارخ تسو المصييبه وتعقهااا علي انا شدخلني ماتعرف تساافر رووحك حمد : لو قتلي من البدااية جان ما ترييتك هب تخليني اتريا الطيااره ترووح راشد : اووووووه لتسولي اياهاا سالفه قريييييت الوقت غلط شسو يعني حمد يتوجه لباب المكتب : لتقوول ليش يبتها هني وانت اللي سببت المشاكل راشد يروح عند حمد بسرعه : لا حمد وقف شنااوي تسو تذبح امك وابووك مينوون انت تبغي تخرب سمعتنا على سواااااااد ويهك ان شااء الله انت هدي و انا بحجز باقرب وقت و بروووحلها ,,, حمد اكتفى بنظرة وظهر راشد رد يلس مكاانه : اففف والله بيوهقني وبيوهق عمره وياااي نروح صوب قوم عليا بعد ما مرو على روضو فــ مول الامارات عليا : حمدوو مرت سااعه ونحن نحووط عسب حضرتج تااخذين نعاال يلا خلصينا روضو : ههههههه انا عن نفسي عااادي ميثو : عليو لتتحرطمين خليني اخذ نعاال على رااحتي عليا : تامرين الشيخه روضو : هههههههه اقلج عليوو خليها هاي ما بتخلص ادرييبها انا قومي رحنا هنااك نشرب كووفي بهدووء ابرك وجي مرت السااعآت على تجهيزات كل وحدة و نوصل عقرب الساعه الى 8 الفليل الساعه اللي فيهآ الكل متجه لفندق انتركونتننتال قآعة الرآس ,,, عليا , روضو , ميثو , مريم ~> تمكيجوآ ويا اللي بتسو حق العروس و شعرهم بعد سووه الكل مخلص الا العرووس يالسين يسوون شعرها عليا : شرآيكم فشكلي اووكي مرتب ولا ما تحسوون هالميكب آب دفش شوي روضو : بس صدعتيني عاشر مره اقلج حلو مرتب هب دفش ميثو : العرووس عليا اليووم غيرنا هب روضو عليا : انطبي انتي مريم : ميثو وايجي برع في حد يا ميثو : توني ضاهره قالولي العياايز خل نظهر لان النااس بتي و مافي حد غير الحرييم أي وحدة من البنااات بتووصل بتي دااخل ههههههه يندق البــآآب مريم : منو انا هااي هني الله يصبرني على لساانها لو بيدي اصفعها والله بس بسكت احسلي : سييف و سلطاااان روضو : ادخل سيفو دخلت وانا مبتسم هههه على شوه مادري : كككك روضوو شو مسويين فويهج روضو بآحباط : مب حلو سلطااان : ميري احلى عنج روضو : جب انت محد طلب رايك سلطان : يدي قال مب حلو يتني ضحكه على عبط سلطاان بس صدق كان شكل روضه غيير وايد توني احس انها كبرت هههه : لا لا حلو اهم شيء يعيب المعرس روضو مالت بس : هي هي لازم سلطان : انزين هاي باقتج وين نفرها مريم : هاتها انا : ونطق الحجر مريم تقلد صوته : ونطق الحجر سلطان : مريم بسم الله الرحمن الرحيم اللهم سكنهم في مساكنهم شو مسويه بعمرج مريم : لحظه دخيلك بضحك انا عمدا قلت جي ادرييبها بتنقهر : يعني روضو راكب عليها بس انتي مول لو تروحين البيت تغسلين وياميري احسن مريم : لا لا ما اقدر هههههههههههه واايد يضحك انا : ادري طوول عمري اضحك احم احم روضو : هههههههه اوي سلطان الحق عليييهم بيجتلوون بعض سلطان : جب انتي يلا يلا نحن راايحين ترا ريلج لين الحين ما شرف ومايرد على الفون روضو .. حسيت دمووعي بتنزل الساعه 8 وشيء ولين الحيين ماياا ليكون مابيي لا مستحيييييل يفشلنيي الله ليقوول ان شااء الله ايي بس ان شااء الله حاولت ماابين توتري : ههههههههههه بعده قالحلاق يمكن انا حسييت بتوترها لاني افهم عليها : لا لا يتمصخر علييج سلطاان هو ياي روضو .. تدريدري ان سيف خرييييط بس سكتت ولا علقت : انزين يلا ضهروو بيوون الناس الحين بعد شوي مصخره ضهرنا وقلبي قاارصني من ريلهاااا بس طوفتها يمكن استواابه شيء يعني صوب الريآييل بو حمدان : خليفه خلوف : هلا ابوي بو حمدان : وين اخووك النااس شرفت وهو بعده هب عييب عليه خلوف حاول يهدي ابووه : توه وصل يدور باارك هب محصل ~> يلعن الخرط بو حمدان : هب محصل باارك بالعقل تدخل المخ هااي اذا هم روحهم بيودون موتره خلوف شييييت كيف نسيت انا : ها لا لا ابووي هو روحه قال بيوقفه مادري ليش بوحمدان : نص ساعه لو مايااه بيشووف شيء فحيااته ماشاافه cut |
البارت 11 من رواية ابنسى اللي جرح قلبي اعيش وخاطري مرتاح صوب الريآييل بو حمدان : خليفه خلوف : هلا ابوي بو حمدان : وين اخووك النااس شرفت وهو بعده هب عييب عليه خلوف حاول يهدي ابووه : توه وصل يدور باارك هب محصل ~> يلعن الخرط بو حمدان : هب محصل باارك بالعقل تدخل المخ هااي اذا هم روحهم بيودون موتره خلوف شييييت كيف نسيت انا : ها لا لا ابووي هو روحه قال بيوقفه مادري ليش بوحمدان : نص ساعه لو مايااه بيشووف شيء فحيااته ماشاافه خلوف : لا لا بيي اطمن انت .. روح عن ابووه وسار صوب حميد حميد : ها شسويت خلوف : مايرد على فوونه ناوي يفشلنا هاا حميد : اقلك رووح انت وخرطلك خرطه على ما ارووح انا واشووفه وين خلوف : بينا اتصاال . . . ظهر حميد من القااعه و الفندق بكبره بسررعه جنه حد يربع وراه رمسهم اييبون مووتره شله و ظهر بسرررعه على بحر الممزر >> حميد تقريبا يعرف اللي فحمدآن بس مش بالتفصيل ويدري ان مكانه بحر الممزر << حااط فالمووتر صوب البحر ماللقى موتر حمدان ولا لقااه هو بكبره حميد : وقتك يا حمداااان مالقييت غير اليوووم عااد ورآآآح حميد صوب بيت بوحمدان شاف مووتر حمدان حمد ربه ورااح فوق بطل باب الغرفة بقوه حميد يصاارخ ويشل الملحف عن حمدان ويبند المكيف : حمداااااااااان حمدان : نو كومينت ~> تذكرني هاي الجملة فوحدة من ربيعاتي ههههه حميد : حمدااااااان نشششش حمدان يفتح نص عين : بلاك تصارخ حميد : سلامتك حبيبي بس الحين الساعه 8 ونص الفليل هب ناوي تحظر عرسك حمدان ببرود : خلاص رووح انت ترياني فالصالة بسبح وبنزل حميد : لتتآخر حمدان يفر عليه المخده : يلا اظهر خلصني بعد ما سبح حمدآن نزل الصاله وركب مووتره وحميد موتره حميد يتصل فحمدان حمدان : لعوزتني حموود شتبغي حميد : اشوفك ظاهر بدون البشت حمدان : ليش لازم بشت حميد : ترفعلي ضغظي روح أي محل خذلك بشت بسرعه حمدان : انزين لتصاارخ صدعتي اف ... بند فويهه و مر خذاله بشت وتوجهوآ للقاعه نزل حمدآن صوب باب الفندق وشلو موتره وصلوآ الساعة 9:15 دقيقة بوصفلكم شكله : للي طلبوآ ^^ طوله عاادي ابيضااني بس هب وااايد مجسم بس مايبين عليه يعني جسمه اوجي عيونه بنيه غامجة شعره عاادي مش طويل يعني و لابس كندوره بيضه ويايب عقاله على سيده ومسو حركة الكوبرآ من يدآم و البشت كان لونه اسود و حاطنه على ايده شيء واحد خرب عليه ان عيوونه مستويا حمرا حميد يصفر : حيك المعرس منو قدك حمدان يحااول ينسى اللي فيه : شرايك فيني حميد : خطيير الصراحه حمدان : تعرف بعد مب أي واحد انا بعد حميد : هي امشي انت الحين بتحصلك هزبة محترمة داخل حمدان : نسيت الشيييبه والله الله يعيني ادعيلي انت بس ههه توجهوآ للقآعة و قبل ما يدخلون شافوآ سلطآن و سيف عند الباب تخاشموآ كلهم ماعدا حميد تراه سلم عليهم ههههههـ سلطان : تو الناس حبيبي ليش ييت حمدان : والله رقدت وماحسيت بعمري هههه انا انتبهت على اللي فراسه كان جرح : اووه سلااماات عسى ماشر حمدان : الله يسلمك ماشيء والله حادث بسيط سلطان : سلاامات عيل حمدان : الله يسلمك ,, احس اني شايفنك من قبل انا حسيت بعد اني اعرفه : هي تصدق انا بعد حمدان حس انه شايفنه فمكاان ثاني بس قال لا وين بشوفه غير هناك : هيي مب انت اللي كنت فجامعة كومبلوتنسي مدريد انا ولا ذكرته ههه : هي حمدان : بس تذكرتك انا اللي صبيت الكوفي عليك ههههه انا وتذكرت سالفة الكووفي : هي والله وهقتني طافني اول كلااس والسبه الكووفي مالك هههههه حمدان : يلا عدت على خير لو واحد ثاني جان كفخني انا : انت دارس هناك حمدان : هههههه لا وين بس كنت ماار ويا واحد من الربع ودخلني الجاامعه اشوفها وجي انا : اهاا حميد : يلا حمدان ادخل نسيت الهزبه اللي تترياك حمدان وهو رايح صوب باب القاعه : ادعوولي هههه انا : عسى يمرغونك مرااغ بالخيزراانه حمدان : هههههههه سلطان : شو تعرفون بعض ظهرتو انا : لا بس متلاقين فالجاامعة مره يعني وجي سلطان : اهـــآآ فقآعة الريآييل وقف حمدآن حذآله ابوه ومن الصوب الثاني ابوروضة وحذالهم باقي الشبآب راشد : ها سويت شيء حمد : لا بعدني راشد : على شو ناوي حمد :مادري يمكن اروحلها راشد : تخبلت انت بتزيد الطين بلة حمد : عيل اخليها روحها هناك راشد : خلاص اسكت عن عن ينتبه لنا . . . قآعة الحريم الكل مرتبش يزووي : ميثو يلا نشي رقصي ميثو : مابرقص حمدوو : عن الحركات اياام السكوول تصفقين وادقين والين عرس اخوج ما بترقصين ميثو : ماعرف ارقصص والله لطوف : جذاابه سوالف البنات فكل عرس صوب غرفة روضو التوتر وضح على ويهها كانت فالغرفة توهم مخلصين شعرها يعني زااهبه ما باقيلها شيء وياها ودوم روضو : احس بخوووف فضيع افف شكلي ما بظهر لو يستوي ما بظهر ودوم : روضو عن الحركاات صدقيني بييبلج ميثو تفلعج بنعاالها روضو : ماتمصخر طاعي احس شكلي غلط ,,تنش من على الكرسي بشوييش ماتقدر تمشي من الفستاان ,, ودخلو شلة البنات مش كلهم نصهم برع واقفين شميم : روضو بعد يالسة .. تمسك ايديها .. يلا حبيبتي الناس يتريونج روضو تنقع صبوعها بخوف : شميم سكتي بصييح والله ميثو : والله مابياكلونج ظهري خلصينا بتستوي 10 وانتي بعدج روضو : انزين انزين بضهر بس بيصوروني بعدني ماتصورت يزووي : لا لا آخر شيء خل يصورونج مريم : لا لا الكشخه تخترب حلاته فرش ههههه ميثو : هي طــآزج تصورت روضو و تصوروآ البنات وياها و بيتصورون اخر شيء ويا العياايز على قولتهن بعد ماخلصوآ وقفت روضو صوب الباب اللي بتظهر منه ,,, تبطل الباب العوود واشتغلت الزفــه وتوجهة الاضآءة الخافتة علي وبدآ صوت راشد الماجد يعلى فكل زآوية من القآعة و الانظآر كلها متوجة لي ,, هالليلة احلى ليالي العمر واجملها هالليلة حلوة .. بنور اللي تحليها اجمل عروس بعين اللي تأملها روضة .. نظر كل عين ناظرت فيها ياعيون سمي مادامك تنظرين الها بسم الله سمي وعين الله تحميها سمي وصلي على خير البشر كلها في كل لفتة هدب ياعيون عيديها روضة وسبحان من بالحسن كملها تقبل وكن الضيا ثوب يغطيها تملي عيون البشر نور وتكحلها واحلى الليالي بطلعتها تضويها كل ما طلع بدر بانواره وقابلها وده بنوره يشاركها لياليها والشمس كل ما شرقت بالنور تخجلها وتغار كل ما بزغ صبح يغنيها عذراء تغار العذارى من تدللها يمشن معاها وكن محدن حواليها جعل الهنا في عمرهم في كل لحظة بهم تمر واحلى الليالي بالهنا والسعد توفي وعدها وحمدان يتهنى بروضة خافقه طول العمر والله يسعد روضة ويسعد حمدان بسعدها وهذا الشيء اربكني اكثر حاولت ما ابين توتري وخوفي بس ماقدرت حتى بآبتسآمه ,,, ريلي عورتني الزفة وايد طويلة و القاعة عودة تكسرت حشى ,,, ومن خلصت الزفة صوروني شوي ويلست بدوآ ربيعاتي مال السكول يسلمون علي وعقبها تفاجئت بوجود كمن ابلة ميثو عصبت اونه ليش تعزمينهم هههه .. استانست على رقص البنات حمسووني والله زين ما نشيت وياهم بعد ههه بعد ساعتين ونص تقريبا يعني استوت 11:30 اعلنوآ دخول المعرس اختفت الابتسامة من ويهي قلبي يدق و ريلي هب طايعة توقف من الهزه غطوني و راحوآ البنات يلبسن عبيهم لانهم قالوآ خواني يبون يدخلون بعد ,, عند باب قاعة البنات حمدان فخآطره الله يلعنه من يوم : حميد هذا ليش ياي يدخل حميد : تراه اخو حرمتك بالرضاعه حمدان : اها سلطان : سيفوآ انزين كيف بندخل سيف : دق حق وحدة من اللي داخل وخل ترتب سلطان : انت لتدخل انا برتب كل شيء داخل وعقب يوم بيظهرون الشباب ادخل بوحمدان : وين يايين كلكن يلا اشووف مابغي اشوف غير حمدان حميد : افا عمي ترغنا بندخل نطمش وبنظهر حمدان : ابوي خلهم يدخلون الا بيتصورون وبيروحن ودخلت العايلة الكريمة كلها على اليمين كان بوسلطان وحذاله بوراشد و فالنص حمدان وعقبه بوحمدان و بوحميد و سلطان و خليفة و السيد اللي ورا كانوآ مايد ومنصور وراهم راشد و حميد وراهم فيصل و حمد يا قمر سلم وزيد النور نور ,, وارضف الترحيب يا احلى القمر دام سعد النور ما بين الحضور ,, يعني معرسنا في هالليله حضر ودخل حمدان على هاي الاغنية كانت خطواته شبه بطيئة مارفع الغطا عن روضة بالاساس ما اهتم ,, وقفوآ كلهم تصوروآ يت عليا رفعت الغطا { بس ويهها اللي كان مبين مش شعرها }} واول ما خلصت الاغنية اشتغلت اغنية ثـآنية بصوت ياي من مكان ثاني كان داخل وسامت سفره وعقال ويايبنها على صوب وماسك المياك ويغني بصوته اللي الكل يدري انه حلو بس اول مره يغني يدام الكل وصوته كان ربشة بمعنى الكلمة اول ما شفته داخل تشققت من الفرحة الابتسامة بينت علي كل البنات لاحضوآ ابتساامتي عكس قبل مايدخل هالفرحه هذي غير يالله عساهها دووم الليله صباحي هالليله ماشي نووم قلبي اللي ميت فيك ماصدق يلاقيك من بعد هالغيبه و الله ما خليك ناوي ع وين تروح؟!؟ ماهو على كيفك واحشني كل شي فيك صوتك سواليفك ابغي اسولف معك مليت من طيفك عين من الله خير الدنيا ما بطير دامك معااي اليوم صدقني انت بخير اهداء من سيف لروضه ,,,,,, سمعوني احلى صفقة الكل صفق و اللي صفر و اللي ايبس ارتبشوآ من الخاطر سيف ... غنيت وانا مرتبش وماحسيت باي خوف ههه خلصت الاغنية اول ما وصلت عند روضوآ بست راسها و لويت عليها وبالايد الثانية كنت ماسك المايك روضو : سيفووو حيااتي سيف بعده لاوي عليها : لدمعين ريلج بيشرد روضو خوزته من حضنها : سخيف ههههه وقف سيف حذالها وين ما كان واقف بوسلطان و عصب من هاي الحركه بس سكت حسيت اني ريل روضو هب حمدان كان واقف عادي عكسي انا اللي حطيت ايدي ورا ضهرها يوم صوروآ ,,, و خليت محمد يوقف يدامي هههههه عقب جي 10 دقايق بدوآ الشباب يسلمون على حمدان ويظهرون الا انا وسلطان هههه اول ما ظهروآ الشباب عقوآ الغطا عن روضو غمزتلها وكل شوي سلطان يطفربها سلطان : روضو انصحج ما تشلين الميك آب مريم : سلطان عن السخاافة سيف : انا ماقلتلج روحي اغسلي ويا ميري ابرك مريم : جب انت سولفنا شوي جي وعقب سلمنا على روضو وحمدان و ضهرنا قبل مانظهر دشينا غرفة روضو انا وسلطان حطينا هدية سلطان و هدية منا نحن الاثنين وضهرنا برع وبدينا بسوالف الشباب و التقطيعات ,,,, فقآعة الحريم الجو متكهرب بين حمدان و روضوآ الاثنين ساكتين يابوآ الكيك آول شيء حمدان : شو يسوون فيه هذا يتني ضحكه من تعليقه بس سكتت عليا : يلعبون فيه اكل حرمتك بعد شوه حمدان الحين هاي ويه حد ياكلها بس ماعلي انا براويها : انزين هاتوآ اكلوآ بعض الكيك عقبها يآبوآ العصير كان شكل القلاص وايد كيوت مزينينه وجي شل حمدان العصير و شليت انا واحد كنا بنشرب بعض فنفس الوقت وانا ارتجف اول ما مسك القلاص يابه صوبي انعوى القلاص من ايده وانصب نص العصير علي وعلى الفستان انصدمت من حركته على طول اطالعت البنات بصدمه ,, بخووف ,, حسيت عمري شوي و اصيح اطالعتهم بنظرة كلها صدمة فيووم عرسي تخيلوآ ينصب علي العصير ومن منو من ريلي حمدان يته ضحكه : اووه السموحه ما انتبهة و ياي بيمسح على فستاني العصير ويامخه يعني حد يمسح بايده ماحسيت الا وصاب باقي العصير علي هني حسيت عمري بنفجر خلاص مصخها صب العصير ماباقي الا يقولي ماخذنج عبط ,, ما حسيت بعمري الا وانا وااقفه يلسوني البنات ونظفو العصير حولت نظرتي لتحدي وقوة شفته كان عادي ولا جنه سوى شيء قهررررني ,, اسلوووبة بااارد وسااكت ولا جنه سوى شيء ,,, cut |
البارت 12 من رواية ابنسى اللي جرح قلبي اعيش وخاطري مرتاح عليا وهي تنظف الفستان : اشلق انت ماتشوف حمدان : شدرااني انا انه بينصب يعني ميثو : لانك حمااار حمدان : ماستوى شيء الحين الاهوآ عصير وانصب رمست وصوتي فيه صياح بس حاولت ما ابينه : خلاص خل نروح الناس كلهم شافوآ مايحتاي ننفشل اكثر ميثو : خلكم شوي عسب النااس ما تحس بشيء وعقب روحوآ يلسنا شوي وبدوآ الرحمات يسلمون وجي اما البنات قالوآ بني داخل يبون يتصورون ما يشبعون ههه ورقصوآ عليا وميثو عن خاطرهم ههه وحمدآن كل شوي يهزبهم وهم طاف احس اني كرهته من اول يوم ,, نص ساعة جي و وقفنا عسب نروح داخل مشينا و نحن شوي بعاد عن بعض يابني حمدان صوبه استغربت من حركته بس ما علقت حمدان : اونج تستحين انا ابتسمت عسب محد يحس اني شوي واجتله : انت شرايك حسيته قفط مالعلق بس وين هالويه لووح ,, وصلنا لين داخل وبينا نتصور لوعت جبدي الحرمه خاطري اصفعها كل حركه اخس من الثانيه وعقب قلتلها مب لازم نكمل عسب اتصور ويا البنات احلى عقب ما خلصت رن فوني شليته ورديت كانت ودوم ودوم : قولي حق ريلج يظهر بندخل عسب نتصور انا : هههههه انزين انا بدون ماشوف ويهه : ممكن تظهر بيون يتصورون حمدان : ابركها من ساعه نعم !!! صدمه صدمه صدمه صدمه حسيت اني شوي واصيييح ليش جي يرمسني شسوييييتله انا عسب يعااملني جي ظهر من صوب ودخلوآ البنات من صوب اسوم : روضووآآ حاسه فيج والله ويهي قافط يدامهم وابتسمت غصب : لا عاادي صبه وهو مب منتبه فطيم : تآثر من جماالج شكله حمدوو : حركت اخووج خطييره نسيت حمدان وسالفته وتذكرت اول ما دخل سيف : هي والله استاانست موزو : منو قدج انتي بس مريم : قدر يطاالع البنات عدل شكله ليش تكره سيف لهاي مادري اسوم : لا حرام عليج كان يطالع سيييده بس روضو : الحين هديتوآ الشباب كلهم وقفتو على سيف يزووي : يلا خلونا نتصور ما تصورنا وايد هههههه بعد ساعة ونص ,, 1:30 عليا : بنات الحقوآ تذاكر سفر لندن انا : شوو !!! ميثو ربعت صوب عليا وشلت الكرت : ان شاء تعيبج الهدية ولتتشرطين وآيد ههه تذكرتين لندن بتطير الطيارة 6:00 الفير لتتآخرون نترياكم فمطار دبي 2 انا : هب مكتوب من منو ميثو : لا فطيم : بدآ الفضول سمعي من تروحون المطاار تحطين فالبي بي ام من منو انا : ههههههه لتحااتوون شميم : يلا جنا الا طولنا ميثو : هي بس بنلبس عبينا وبنروح تبغي الفكه منا روضو انا : لا حشى منو قال ودوم : هههههه علينا روضو بعد سوآلف البنات وجي ضهرن كلهم ,, وعقب دخلن حرمات العايلة سلمن على روضو وابوها وخوانها بعد لانها بتسافر الفير يوم ضهرن البنات دخل حمدان لان ابوها وخوانها بيدخلون ,,, بعد ما خلص الكل ضهروآ بقو داخل حمدآن , روضو حمدان على طول انسدح على الشبرية بس مارقد روضو شلت التذكرتين وحطتهن على الطاولة و الكرت اللي وياه بعد روضو : اقرآ حمدان : لآ تعليق وطآف روضو راحت الحمام { عزكم الله } بدلت لبست لبس عادي مش مخوره لآنهآ مابتسلم على حد على طول المطآآر ,,, كشخت وخلصت على اساس اني بسافر استوت الساعه 3:00 بالضبط شكله حاجز فنفس الفندق ضهرت من الحمام { عزكم الله } وانا مخلصة كل شيء حتى الميك آب كان عباره عن بلشر و رسمت عيني و كلوس سمبل وآيد و ظهرت لبست عباه مسكره فيها قصة السمجة ,, وشنطة من D&G و النعال بعد اما الساعة لبست اللي يابها سيفوآ وجي خلصت كل شيء ,, شفت الساعة 3:40 شيء وايد وقت على الطياارة والله اني ميته يووع شكلهم نسونا صديت صوب الشبرية ,, انــــــــصــــدمـــــــــت وينه محد وين رآآح ولا انتبهت انه محد مستحيل هذا الانسان بعدني مقهوره منه بس اظااهر في شيء ورااخ ترييت لين الساعة 4 بالظبط ماشرف ظهرت برع الغرفة ادور موتره مالقييييييته دمووعي شوي وبتنزل حد يهد حرمته اول يوم عرس يلست على الشبرية على آمل ان يرد حاولت اشغل عمري بآي شيء جرجت الكآم صدق متفيجة هههه و الفون بعد وشليت اغراضي اللي ابغيها حق السفر 4:33 ترييت الاذان صليت ومالقيت غير اني ادق حق ميثو اطرشلي رقم اخوها ترددت بس قلت بدق عاادي بعد خامس رنة ردت كانت راقدة وماسالت ليش ابغي الرقم خذت الرقم دقيتله مره ومرتين وثلاث مارد فريت الفون على الشبرية ويلست مالي غير اتريآه بعد جي مال 10 دقايق شرف الاخ انا بطنازة وانا يالسة واهز ريلي : من وقت راد حمدان : مايخصج متى اروح متى ارد تفهمين انا : ليش ماخذني عيل حمدان : ديكووور ,, ليش لابسة بسم الله ليكون ماشاف التذاكر : حق السفر ضحك بصووت عااالي نرفزني بضحكته : هههههههههههههآآآآآآي انا من النوع اللي بسرعة اتنرفز شليت شنطتي بكل مافيها وفريته عليييه ماشفت غير احلى علامة تعجب عليييه بحدة وعصبية يابسرعة ومسك ايدي : قدها منو ماخذه انا ولا الوحش شيء ناس جي فالدنيا استغفر الله ندمت لاني فريييت الباك عليه بس صدق طلعت غييضي اللي في القااعة وهني رديت عليه ورافعة حايب واحد : ونص بخبركم عني شوي ,, بيضآ طويلة بس مش وايد مشيتي فيها هيبة الكل جي يقول اهتم لكلام الناس اذا كان فيه ضرر على سمعتي همم بسرعة اتنرفز ويوم ارمس ماااخااف بمعنى اصح مااحسب كلام للي بقووله فوق هذا كله هــآديــة يعني اذا شفت حد معصب او شيء جي اذا مش علي على حد ثاني معصب يعني ارمسه بهدووء لكن اذا وياي هذا شيء ثاني هههههه وعقب عاد بتعرفون اشيا ثانيه عني ما اصيييح بسرعة ,, هني حسيته عاادي يجتلني رص على ايدي اكثر خلااص مااتحمل الالم مش متعوده على ان حد يضربني او يعااملني بقسوة ,, : اييييييييييدي حمدان تم لمدة بعدها قال : انتي اللي حديتيني على هذا الشيء ياريتني ماقلتها : خلاص ايدي بتكسرها هد ايدي ودزني على الشبرية خلااص كفااياا صدمني بما فيه الكفايا ,, وقفت بكل هدوء عدلت وقايتي شليت ماي باك ويلست وانا ساكته ,, اما هو راح يصلي وعقب يلس يدعي وحسيته شوي هدى تم يالس بكندورته بس لاغتره ولاعقاال اشتغليت هدوئه وقلتله : مابنسافر حمدان : من منو التذكرتين انا : مادري بس مكتوب تعالوآ المطار نترياكم هناك حمدان بعد تفكييييير عمييق قال : خل نساافر ابرك بدال مجاابل ويهج يرد ينرفزني بس سكتت فيا فضول اعرف منو اللي يايب التذآكر هههه فر السويج علي وانا كنت معطتنه ظهري ويا على ظهرري صرخت صرخة عاااالية : آآآآآي حمدان : ويهد هني صدق عصبت شليت السويج كنت بفره بس خليته وياي وانا عندي خطة ثانية ههههههههآآي ناوي يلعب ارااويك اللعب على اصوله ظهرت برع الغرفة شفت موتره وآآقف يدآآمي ركبته وانا اول مره اركب بورش باناميرآ ^^ شغلته وجي افف ضهري يعورني الله يبحصك يا حمدان دست وضهرت هههه ونااااسه من زماان ما سقت خذتلي شبه لفة ورديت شفته واقف عند الباب ماياني أي شعوور خووف الصرآآحة بس على طول وقفت وركبت المكاان الثاني اسنغربت منه ركب ولا قال شيء احسن وفر علي هههه ضهرت سيدي من عندي ركبته وانا مرتبششه نسيت اخبركم اني لواستاانست انسى اللي كان مكدرني هيهيهيهي بس مش دوم هع وصل المطار وصله مسج حاولت اقرآ بس ماقدرت وهو قراه بصوت عااالي حمدان : تنرياكم فالكووفي لتتآخرون بفضوول : من منو حمدان : رقم غريب غريييييييبة جاااااااوب على سؤاااااااااااااااااااااالي ؟؟؟؟؟ اسو عمري عادية : اها نزلنا وهو نزل الشنط وبنضرااته حسيته يقوولي شلي شنطتج بس والله طنشته اللي قهرني انه ياب شنطتي صوبي و ودرني الحين انا يوم اساافر ويا ابووي مايخلييني المس الشنطه هذا ويا رااسه يقوولي شلييييييها مجبووورة شسو مشيت و دزيت الشنطة بعدين شفت وااحد من اللي فالمطاار عطيته الشنطه لان عزيزي موقف موتره بعييد عطيت الهندي حط الشنط وتيدمت مشيت ورا حمدان لين ماوصلنا قريب الكوفي سحبني صووبه مــــــــــكــــــــــــــآآآآآآآآآآآر !!!!! دخلنا شفت اثنين يالسييين واحد معطني ضهره والثاني صوبنا اول ما شفتهم ربعت وطنشت حمدان لويييت على سلطاااااااان اللي كان مجاابلني رصييييت علييه بقووه سلطان : ههههههههه حمدان شسوييت فالبنت تخبلت هب طايعه تهدني سيف وقف : يعني ما بتسلمين علي ابتسمت وبين تقويمي ودرت سلطان ورحت صوب سيف بس مالويت عليه وقفت حذاله وحطيت رااسي على جتفه وكنت ماسكتنه من خصره بايدي الثاانيه سلطان : يلا روضو خلصتي افلاام هندية : ههههههههه هي خلصت مشينا لين الجوازات كنا متاخرين بس سيف خبرني الطيارة 6:30 استاانست اكثر رحت سووق الحرة ومطنشه حمدان مااهتميت له مووول كنت طول الوقت ويا خوااني ماخليت شيء وعقب دفعت سيف هههه رحنا المكاان اللي خلاص بنروح فيه انا وحمدان بطريج و هم بطريج ودعتهم وانا اتمنى انهم ايوون ويانا مشينا شوي يداام طاحت دمعتي خفت اني افقد سييييف مره ثاانيه مادري ليش ياني هذا الشعوور رديييت وانا ارببببع صوبهم اللي من رحنا هم لفوو عسب يرووحون ربعت وناديت بآسم : سسسسسسسيييييف , سلطااااان صدوآ صووبي وقفت يدامهم ولويت على سيف قلت : سلطاان قول حق حمدااان يرد مابغي اسااافر مابغي سحبني سلطان ومسح دمووعي : روضو الساالفة هب لعباان بتروحن وبتردن بعد شهر ما بيستوييبنا شيء اطمني : تعااالوآ وياااي غالي ولك باب الغلا دوم مفتوح ..\\~ ~\\.. وانا في بحر ودك على الدوم سباح البعد عنك يسبب لقلبي جروح ..\\~ ~\\.. وقربك يسر القلب ويصير مرتاح غلاك ما يحتاج تفسير وشروح ..\\~ ~\\.. مثل القمر دايم على الكون وضاح الـــنـــدآء الآخـــيــر رحــلـــة رقـــم 034 الــــمـــتــجــهــة آلـــى لـــــنـــدن ودعتهم للمرة الآخيرة ورديت لحمدآآن سيف و سلطآن اعز اثنين عندي بالذاات سيف صح هم خوااني لكن هم فقلبيي شيء اكبر من الاخوان ,, مشيت شوي بعيد عن حمدان مسحت دمعة نزلت مني بسرعة ,,, وانــآ اقول الله يستر من اللي يآآي حمدان : بعدج ماشفتي شيء استغربت معقووووله سمعني انا صووت كان اخف من الخفيييف خيييبه جنه الا اذنه عندي اطاالعته وديت اطاالعت سيييده ,, cut |
| الساعة الآن 05:53 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir