|
التكملة عشان خاطركم بس عفاري ( تصد شوي شوي صوب السياره و ويها محمر):لا تقول..... مايد وهوه يضحك : ظلمتي الريال يا حلوه ..هذا أكيد الحبيب....... عفاري وهيه تصرط ريجها...: بنات طوفن جدامي اليازيه: شو غيرتي رايج........ مايد: فديت هصوت.......دام يزوي عندكن ...الى الخلف دور الى الامام سر يالله ....عن يلست الكرنيش ........... عفاري: برايك برايك قامن وتمت عفاري قافطه ...حتى مب رايمه تمشي روحها ..... متيوده أب فطامي.... فطامي تصاصر اليازيه: ضهر محمد هب ثاني اليازيه بصوت عالي: يالقفطه........... عفاري: صه صه........ دخلن البيت وتمن يضحكن و عفاري سارت سيده صوب المطبخ عشان تتهرب من البنات ورمستهن..........................و الفليل ردو قوم اليازيه العوير......... في العوير........ بو اليازيه يالس يترياهم أيون ........ أم اليازيه وهيه يايه من خاري: السلام عليكم....... أبو اليازيه: مرحبا الساع.........وين بناتي اليازيه و موزه وهن داخلات: Hi أبو اليازيه: مرحبا بناتي ......... سارن صوب أبوهم ووايهوه.......ويلسن عداله.......... أبو اليازيه:يزووي بتخبرج شو ناويه تسوين عقب ماخلصتي الثنويه....... اليازيه: أنا بصراحه مقدمه في جامعة زايد ............وإن شاء الله بيقبلوني........ موزه: الهم الشرف أنهم يدرسون اليازيه بنت خليفه أبو اليازيه: أكيد .........ودهم .......المهم متى الدراسه بتبدا........ اليازيه :أول 9 أبو اليازيه: عيل بيواحي......... أم اليازيه : أيواحي الشو........؟ أبو اليازيه: نسافر.............. و نغير جو البنات يصارخت (هيييييييييييه عاش أبويه عاش ...........يحيا العدل.......طاطا بطاطا) أم اليازيه : وين أنشاء الله...........بلادنا ماشي أحلى منها........ موزه: ومن قال أن في بلادنا شي ..............أحنا بنسير كم يوم وبنرد............ أبو اليازيه: والله هذي هديت بنتي أنا واعدنها أن نجحت بوديها أي بلاد تباها اليازيه وهيه تحب أبوها: فديتك والله..........هذا الكلام السنع......... أبو اليازيه : هاه وين تبين......... أم اليازيه: سيرو صلاله و لا العمره........... موزه: كل سنه صلاله و لا العمره............. صلاله و لا العمره.......... صلاله و لا العمره أبو اليازيه : السنه شور اليازيه و الحول أنشاء الله شور موزه جان نجحت... موزه: أنا أبا أسير جزر المالديف أم اليازيه: لا والله.................خلي ريلج يوديج جزر المالديف...... اليازيه وهيه تضحك: أنا بسير أتعلم السباحه عيل...... أبو اليازيه: هاه وين تبين........ اليازيه: شو رايكم أنسير أستراليا........بالمرا نشوف سواف لأنه هذا الصيف هب راد البلاد و ثاني شي الأنه وايد من ربايعيه يمدحنها وبيسيرن......... أم اليازيه: صدقج...........تولهت وايد على شوفت سيف......... أبو اليازيه : عيل خلاص ........أستراليا موزه سيده خبرت كل ربعها و اليازيه عافده في الكبت الطالع شو تبا......... اليوم التالي في صحاري.........ام اليازيه و بناتها يالسات يدورن أقراض للسفر ..... اليازيه: أنا أبا أسير ئيتام عنده بديات حلوات........ موزه و هيه ترمس أمها:أمايه في ستراليا ماحد عرب شو رايج نلبس بنطلوون... أم اليازيه: لا تفصخن فديتكن ...........عن المنكر .....قلتن عباه وبنعقها قلنا ماعليه... والحين تبن تترصصن جنكن مقاص ......لا فصختن الحيا بعد .......... اليازيه: أنا ماقلت شي لا تردين عليه موزه: سوري............خلاص سحبناها رمستنا........... أم اليازيه : وان عدتيها بقص لسانج......... موزه ماده بوزها شبر.......... اليازيه: تعالي أمايه بدخل هذا المحل.............. تمن يتشرن ماخلن شي جنهن بيهاجرن بلاد مافيها شي........و العصر قال أبو اليازيه أنه السفر بيكون يوم الأربعاء و اليوم كان السبت........................ماكانن يقرن من يوم درن أبموعد السفر من سوق لين جمعيه لين خياط لين المول......... تمن على هذا الحال لين يوم موعد الطياره.......... قبل موعد الطيارا بساعه .............صاح تلفون الصاله اليازيه: مرحبا فطامي: هلا و الله........ اليازيه: شحالج ............سوري ماتصلتلج من يومين كنت مشتطه....... فطامي: لا يكون تنسينا يوم تسافرين ........كل يوم أتصلي اليازيه: صدق بشل هيايه يطاقه الدريول الأنه هو بيسافر فأنا بستعملها في الأجازه لين يضهرولي............. فطامي:زين زين ..........مابأخرج سيري خلصي شغلج.....ماشي باقي اليازيه: لا خلصت لو تشوفيني يالسه بعباتي و شيلتي مكوايه .....بس أتريا يقولولي أركبي السياره.......... فطامي: نحنا طيارتنا يوم الجمعه اليايه......... اليازيه: خلاص عيل بسيرون العمره........ فطامي: شو أسوي بعيووووووووزي........ماشي عندها غير العمره و بمبي.........والمشكله أنه لين الحين مب محصلين محرم يسير هيانا...... اليازيه: شو البودي قارد ميووود ....مابيسير........كنت أتحسب أنه معزم فطامي: كان بس كلية زايد العسكريه طالبه المرشحين السبوع الياي عندهم أختبار للقبول......... اليازيه:الله يوفقه..... من خاري صوت ريال _هود هود_ اليازيه: برايج فديتج حد عند الباب ........سلمي فطامي: حافظنج الله............ راشد أيفج الباب.......وموزه و اليازيه سايرات داخل الحجره.... راشد: صبرن ماحد غريب اليازيه وهيه توايق: منوه مايد: سلام عليكم........... البنات وهن رادات الصاله...........مرحبا.... مايد: شحالكم عساكم بخير........ موزه: أكيد بخير .......(وطالع صوب اليازيه) لا ماضن بخير... بتوحشونا....... اليازيه وهيه تطالع مايد: هيه مايد:أنا ياي أوصلكم المطار........... ويضهر أبو اليازيه من الحجره........... أبو اليازيه: مرحبا مايد شحالك ولديه مايد وهوه يوايه عمه: بخير يوم أنتو بخير........ أبو اليازيه: ياله مايد أنته شل البنات ومهن و راشد...و أنا بركب هيا محي الدين و السامان في السياره الثانيه.......... مايد :أنشاء الله كان مايد وهو يساعدهم في تحميل القشار ...لازم يصد ويطالع صوب اليازيه........كانت متكشخه و طالعه وايد حلوه ولا بسه سكارف شوبارد الأبيض والأسود وشاله شنطه شانيل أبيض وسود وطبعن لا بسه العباه الأنها بعدها في دبي..... ركبوا سيارة مايد و كانت رنج يديده و ماكانت مخفيه......فيابت أم اليازيه غشوه و نقاب لليازيه لأنها لابسه سكارف و متعدله ........ اليازيه: أمايه لازم........فليل ظلام مابنشاف ام اليازيه: فديتج ........تغشي وخلاص لين مانركب الطياره وعقيها.......... اليازيه: زين تحريت طول السفره الأني ماشليت قير شيله سوده وحده ...........و موزوه موزه: انا بعدني ياهل.......... رضت اليازيه الانه مابيدها حيله... وقالت في نفسها أحسن عشان في المطارأتشوف على راحتها ماتخاف حد يشوفها.......... ركبو السياره وطاف محي الدين و أبوها قبل و هم كانوا وراهم في سيارة مايد.....والبنات كانن يالسات في النص واليازيه يالسه ورا كرسي مايد و راشد كان يالس جدام....... كلهم كانوا صاكتين في السياره..........فشقل مايد المسجل......... ودعتكم و ياليت ماكان ......يوم الوداع القلب ممحون وتسالني وشلي الذي كان... المفارق أحبابه وشيقول أنا مليك الحب سلطان... مغنا ضنين القلب و شلون قلبي عليكم دوم ولهان...دايم بكم مغرم و مشقون موزه: لا ماروم بصيح ...غيرت راي مابسير أم اليازيه: شو بلاج........يوم وصلت الحلقه البطان .........ماتبين أشوفج اليازيه صاخه ويالسه تتسمع الغنيه و دمعتها حارقه عيونه .......تشهق بصوت موزه: يزوي لا يكون أنتي بعد غيرتي رايج...... اليازيه و هيه متقشيه تنزل راسها..........ومايد لو شور شوره جان ردها البيت راشد: شو فيكن ........بتجلبنها مناحه مايد وهوه يبدل عن الغنيه: خلاص بنحطلكم شي ثاني .....حط على الfm أخصمك آه أسيبك لا و قوا الروح حتفظل حبيبي الانا بهوووووووووووووووواه.. موزه: أشكر فنك أم اليازيه : ولديه بدل عن هذي اللي تعاوييييييييي......... كلهم يضحكون لكن اليازيه .........ياسه تفكر: ليش حزت هذي الغنيه في خاطري .. أنا ماحس بشي صوب مايد ..صح أني معجبه به بس ما أحبه ......شو هذي الحاله انا جني في وسط ليل طويل ناسي فجره..........أعيش بضلمته وسرح بأفكاري الى المجهول................. في المطار....... نزلو كل القشار وكانوا سايرين بوابت الأنتظار....تم مايد هياهم لانه كان عنده ترخيص أبو اليازيه : يالله ربع ساعه وبطير الطياره ....قوموا نويه صوب المدخل... كلهم نشو و سارو صوب مدخل الطياره... أبو اليازيه : ياله فداعت الله ولديه..... مايد :حافظنكم الله سلموا عيال خليفه على مايد وطافوا صوب أبوهم عند راعية بطايق الطياره... مايد بصوت واطي وهو واقف بعيد شويه: اليازيه......... اليازيه حست به لو أنها كانت واقفه شويه بعيد.....صدت أشر أبصبعه مايد على اليازيه و ردطوفه على عيونه و رد أيده على قلبه.......... اليازيه: آآآآآآآآآآآآآآآآآه ...........فديته .....ركبوا و طارت أبهم الطياره ................. مايد وهوه راد البيت و وقلبه هب هياه......تتشابك الفكار في مخه........وقف على طرف الشارع وتم سرحان................ عفاري تتصل :ألو مايد مايد: هلا عفاري : سارو ا قوم أخويه............ مايد: في حفظ الله عفاري: وأنته وين مايد: توني ظاهر من المطار........ عفاري: طيارتهم مب الساعه 10 0 مايد :هيه عفاري: شو أخرهم عيل مايد: في الوقت طاروا ..شو بلاج عفاري: عنبوه الساعه 1 الحلين و انت تقول توني ظاهر من المطار... مايد يشغل السياره: 5 دقايق و واصل..... برايج....... عفاري: الله يحفظك... فطامي: شو سالفته.......... عفاري: هب من عوايده يرمس شوي شوي...وبصوت واطي... فطامي: من فارق الخلان ربي يعينه ......... عفاري: صدقج...... |
في الطياره كانوا الكل مرتبشين ... ومن فلم لين لعب و رقه الخ وصلو ماليزيه وماصدقن البنات هليومين الترانزيت... ماخلن سوق و ماسارله..ويابو كل خبور هذي البلاد......... اليوم الثالث سارون و توجهوا الى ستراليا........لكن البنات تعلمن درس من ذيج الرحله...ومن دخلن الطياره خذن حبوب منومه ورقدن عشان من يوصلن سدني يقزن السوق.. راشد قبل ما تنزل الطياره يوعي خواته..: موزه يزووي بسكن نشن .. موزه: مابا أسير المدرسه......... راشد وهو يضحك وصاد صوب أمه : أمايه بنتج خرفت.......... أم اليازيه يت صوب البنات ووعتهن: قومن عنبوه طيارت أبوكن كل وحده ممتقطه بين الكراسي.. اليازيه: لا أنا مارقت......... راشد: لا واضح الجحال واصل حلجج و لا ما رقت............ اليازيه تمث ويها بكلينكسه خرسانه و تعدل مكياجها... موزه هب طايعه تنش... أم اليازيه : ربطي على أختج الحزام لا طيح.... اليازيه: أصلن ماعقته من ركبنا..... راشد: عنبوه 8 ساعات راقدات شو أنا 5 دقايق مارمت ....... موزه وهيه تتثاوب: قول لايلاه الىالله......... وأعلنوا عن لبس الحزام فتحزموا الكل...........لين هبطت بسلام... يتبع............ في مطار سدني ... نزلو السامان وسارو صوب بوابت الحضور....... راشد للبنات : دورن سواف أنا يالله أدز قاري القشار ...عنبوه شو حاطات موزه :فديتك الشنطه الي عندك فيها سامان المطبخ ...جدر ..يونيت عيش ..سحارت بلاليط ..قوطي ملح..........الخ راشد: عنبوه ..جنهن سايرات المريخ مافيها شي....... اليازيه: ابويه أكوه سواف(وتأشر أبئيدها) أبو اليازيه: صدقج...........................(وسارو صوبه) سيف: مرحبا ملايين بهليه في داري........... أم اليازيه تلوي على ولدها: وايه فديتك من العيد العود ماشفتك... سيف: هلا بالغاليه والله..... سلم على الجميع ... وسارو صوب السياير اللي ماجرنهن لسامان...... صوب الفندق... موزه: سيف تدري أني أنا الي عرفتك.......... سيف: ماشاء الله عليج... راشد: عن الخريط مواز ....شو أول مره اتشوفينه ماجد شفتيه من قبل... سيف: خلها متوله الرمستها... وصلو الفندق والكل كان عيزان و سار يرقد في الحجره ماعدا موزه و اليازيه لأنهن توهن ناشات من الرقاد.. سيف : مادامكن توكن ناشات ياله قومن النحوط.. موزه: لحظه بتلبس................ الثياب الي عليه مقرفطات........... سيف: طلبتكن.. البنات : آمر سيف : بقيتكن تلبسن قلاليب مخورات ........ اليازيه: لا يكون ترمس جد موزه: لا نحنا كنا نقيل و نتم لين نصاي فليل في السناتر ..عشان نشرا بدل الحين تبانا نلبس قلاليب....... سيف: بس اليوم ......متوله على الكنادير.......... و أنا بلبس كندوره هياكن شو رايكن اليازيه: الله شكلنا بيكون رهيب ............ميد أن UAE تمو يضحكون و سارو البنات هيا سيف يحوطن وهن بقلاليبهن و سيف بكندورته .........كان شكلهم وايد حلو ( سيف بالكندوره الجويتيه و الكاب الجنز...و موزه بكندوره قطن حمرا وفيها ورود بيض و اليازيه بكندوره قطن مخوره مثل التايقر) كانوا يالسين في كوفي شوب ومستانسين........... صاح تلفون سيف: مرحبا...الحربي حارب: مرحبا الساع من سمعت اليازيه اسم حارب تبلمت...في مخها لا أكيد مب هو.... سيف: الحمد الله على السلامه ..........عساكم دليتوا الفندق حارب: لا ماقصرو الشبيبه هنيه..... سيف : زين زين..........والله انا بلحقكم .........بس الأهل بحوطهم هنيه يومين و بنلحقكم....... حارب : ماشاءالله قوم بوك هنيه...... سيف : هيه والله .....اليوم واصلين .....و هيا خواتي أحوطهن شويه...... حارب في مخه لا يكون اليازيه هنيه: المهم أنشوفك عن قريب سيف: برايك اليازيه وفيها فضول: ربعك ياين اليوم بعد ........... سيف : لا شباب كانوا هيايه هنيه و سارو قولد كوست اليوم........... خذوا سبوع في سدني وكانوا وايد مستانسين .........حاطوا كل مكان ماخلو شي في خاطرهم ............ واليازيه وايد متحمسه تبغي اتسير قولد كوست ............. سيف : يالله انقفظن بنسير المطار ............. اليازيه وهيه جاهزه : يالله يالله مليت من سيدني موزه : لا حول انا ما شبعت .......................... و سارو صوب المطار ..... جدا قولد كوست ............. اليازيه و هي في الطياره : عنبوه ما صار درب موزه: عنبوه شو فيج اتخيلي عمرج سايره من دبي لين العين ..... وصلو ا وكان سيف حاجز شقه مفروشه حقهم .............. تموا هناك كمن يوم واليازيه كل ما اتشوف مواطن صدت صوبه ............ موزه : شوي شوي على رقبج اليازيه : هاااااااااااااه ............لا كنت اتحسبه راشد ................ في السوق كانن الحرمات يشرن و اليازيه اتقايس نعال …. وكان جماعه من الشباب المواطنين يالسين في الكوفي شوب اللي عداله...........كانوا حد من الشباب يطاعون صوب اليازيه .......بس هيه ما كانت اتشوفهم الأنه زحمه و ماينشاف .... واحد من الشباب أسمه منصور: طاعوا صوب هل غرشوب.......أسميها تخبل.......... حارب صاد و يطالع منو هذي اللي يالس منصور يتغزل فيها: وين منصور : عنبوه ..........أنت و عيونك هلوسع ...و ماتشوف هذي المزيونه الي لابسه تنوره جنز و شيله زرقا....... حارب وهو فاج حلجه: لا لا ..........( يحاول أيغير الموضوع عشان مايصدون صوب اليازيه لأنه عرفها......)قومو مواعد واحد من الشباب عند صالت البولنق...... الشباب : ياله روحنا......... و اليازيه ماتدري بشي لأنها كانت مندمجه في الشراي و كانت ماتعرف شكل حارب عدل ..الأنها ماشافته الا في الظلام و الثواني........... في اللوبي مال الشقق ...... كانن اليازيه و موزه و راشد نازلين يشترون سامان من السبرماركت ..........في نفس الوقت كان حارب في السبرماركت.......... اليازيه و موزه واقفات عدال ثلاجه الأسكريم ,,,,,,,,,,,و راشد يشتري جبن و روب راشد: حي به حارب: مرحبا الساع راشد: شو العلوم ...ثركم في هدار حارب : هيه والله ........شحالكم كلكم و شحال الوالد......... راشد: بخير وسهاله............ حارب: بخليك عيل أشوفك مرتبش.......... راشد: هيه والله ...........شاري روب لأنه الوالده حصلت مطبخ و مسويتلنا فوقا ....... حارب: ماشاء الله ..و الله تولهت على هذا الاكل من ينا وحنا ناكل من مطاعم..... راشد : فالك طيب..........غداك عندنا الليله.......... حارب : ما تقصر يابو سنيده ..........بس الشبيبه يتريوني......ولاأنا مابردك راشد: وين ساكنين .......... حارب: هذي الشقق المجابله.......... راشد: لا له..........عيل يرانا..........في أي دور....... حارب: 322......الطابق الثالث راشد: أحنا فوقكم 5 حارب :هيه ماشاء الله العربان كلهم هنيه.......... راشد: برايك عيل ياي هيا الأهل ومادلهم .........بسير اطالعهم...... حارب و هو مستانس و يرتقب شوفت اليازيه: سلم على الاهل ........ اليازيه و موزه ....غايصات في ثلاجت الأسكريم يختارن و يردنه لأنهن يكتشفن فيه كحول...و يالسات يدورن أسكريم مافيه كحوم من ساعه...... راشد: عنبوه........من ساعه جدام الثلاجه.......وياليت ماخذات أسكريم اليازيه: كله فيه كحول.........شو نسوي موزه ترمس راشد: تأكدت من الروب أنه مافيه كحول..... راشد: روب و فيه كحول ,,,,,,,,,,,لا ماظن....... اليازيه و هيه تطنز على موزه: أقول مواز.......تأكدتي من البيض أنه مافيه كحول...... موزه: ها ها ها ......ماتضحكين........ وسارو صوب الشقق... موزه لراشد: شفت هياك ريال.... راشد: متى موزه: يوم كنت أنا غايصه في الثلاجه و صديت صوبك شفتك ترمس حد راشد:هيه......... الحربي موزه: منوه هذا المجاهد اليازيه و هيه تصرط ريجها من سمعت أسم حارب :شو موزه يعني حارب هب مجهاد و ضرابه............ موزه:I see راشد: ذكروني .......بنطرشلهم غدا........ اليازيه و هيه شاقه البوز: في هوتيلنا ساكنين...... راشد:هيه.........أضنه قال 322 اليازيه وهيه مب مصدقه شو هذي الصدفه.....من 5 أيام وهم في قولد كوست...و ما شافته و ثرهم ساكنين في نفس الهوتيل......... موزه: ok بنذكرك........ في الشقه اليازيه متبرعه و يالسه تساعد أمها و تقص السلطه و تفنن في تزين الطوس...ووقت الغدا ذكرت راشد أنه يودي للشباب الغدا..... راشد: زين يوم ذكرتيني.....بس كم رقم الحجره أم اليازيه : لمنو بتودي........ راشد: شفت اليوم حارب الجتبي......و قلتله بنذوقك من غدانا ام اليازيه: هيه حليله.....ثرهم هنيه........اجديت يا بو سنيده....... موزه : (وهيه تعطي راشد البواكي).....أضن قلت قرفه 328 اليازيه: لا لا ......322 موزه: أدبي مالومج .......تحفظين كل شي......... اليازيه: راشد......صبر بنحطلهم لومي و أجار بعد...................(تربع و راه وتحطه) سار راشد ووداهم .........و حلف عليه حارب انه يتغدا و ياهم..... اليازيه تتصل الراشد: و صل لا يكون ضيعت لا يكون طاح شي..... راشد: عنبوه ..يزووي كله تمام ... لاكن بغيل عندهم حارب من عداله: شو هذا الطبيخ السنع ..........ماجد ذقت شراته...... (اليازيه وهيه قافطه وتسأل عمرها هذا صوت حارب..........لا ماروم) اليازيه: بالهني.......و العافيه..... في هذي اليومين ماشافته ........لو انه كانت مخيمه في البلكون ترقبه...المشكله انها مب متأكده من شكله....... صاح تلفون الشقه............. رد عليه بو اليازيه........ أبو اليازيه: مرحبا سيف : هلا ابويه......... ابو اليازيه: وينك أنت ما نشوفك..........ينا بلادك و بعد ماتنشاف..... سيف: السموحه .......وايد شغل عندنا .........و الحين بعد عندنا عيد الجلوس باجر ابو اليازيه: ما شاء الله جد ستوا 6 /8 سيف : باجر عيد جلوس رئيس الدوله الله يحفظه ابو اليازيه: آمين سيف: باجر السفاره مسويه عزيمه على الغدا للمواطنين........بيحتفلون........ أبو اليازيه: زين زين سيف: تراكم لازم تون......أنت و الاهل أبو اليازيه: عاد مايصير ......يحتفلون بعيد شيخنا و حنا مانشارك سيف:انشوفكم باجر عيل.....و بطايق الدعوه بتوصلكم اليوم......... ابو اليازيه: انشاء الله........ خبر ابو اليازيه بناته و امهن و كانن وايد مستانسات........ يتبع................. 6 أغسطس..... اليازيه و موزه يتلبسن و يتعدلن...........وامهن ماطاعت اتسير هياهن ......وابوهن سار صوب موعد كان عنده.......فسارن مع راشد.........وكانت العزيمه في مطعم لبناني..... من وصلو ...كان وايد عرب و ربشه ....و أغاني وطنيه.......سارن و يلسن صوب البنات.....وتعرفن عليهن....... كانوا الشباب أكثرهم بكندوره ومتعصمين....و كانت اليازيه تبا تشوف حارب.....قامو الشباب و رزفو وكانن البنات وايد مرتبشات..........وسوالف و أكل........و الكل كانوا شباب محد كبار.......... بصوت عالي في المكرفون........... سلام عليكم ياهل دار بو خليفه.........حبيت ابارك للحضور و للكل بهاذي المناسبه الغاليه.......وأهدي هذي القصيده الرئيس الدوله زايد بن سلطان النهيان حفظه الله الكل أيصفق ......اليازيه في مخها : هذا حارب هذي العين الي صوبتني......... حارب: اليوم يومن ماله مثيل.....يوم بوخليفه لدار حاكم اليوم ذكرا يرمس بها التاريخ.......وينطق بها حتى الاصم الخ......... |
وسلامتكم و سلامت بو خليفه حارب الجتبي اليازيه ( آه ..........عذاب والله هذا الريال....) موزه: يزوي هذا شكله مب غريب......... اليازيه سرحانه في حارب..........وماترد عليها.... موزه تمط قميصها: انتي أنتي........ اليازيه:هاه شو ..........شو تبين موزه: لا خلاص بعد الغدا.......... كل الشبيبه يصارخون .........حارب حارب.......كانوا يبونه يقوم ايول ......وشتغلن البنات بعد ...حارب...حارب شل المكرفون حارب: ok خلاص بيول لو أني ماعرف .....بس عشان خاطركم.. كلحد يصفق ويشجعه......... حارب يلمح اليازيه من وسط البنات: وهديها للي سلبت قلبي ......هل العوير.. اليازيه مب رايمه تتحرك و موزه مرتبشه وتصفق من الخاطر,,,,,,,,, ماكان شي سكتون و لا مسجبه........فأطر انه ايول بالمضله..........كان حارب ايخبل بالكندوره البيج و الشال الي متعصم به............ ........... و على غنيت ميحد حمد شط الحشا من شطبه و القلب مني صوبه........ولي مريحم و لادرا الي حلبي ماحلبه صبرت قلبي وماصب عن راعي الطرف الحور.....يلي جبينه كلقمر فوحاد سمرن أهدبه عوده عويد شاجني مرباه داري ووطني.....ياناس حبه صادني صيد الوحش في مجلبه شط الحشا من شطبه و القلب مني صوبه........ولي مريحم و لادرا الي حلبي ماحلبه راشد يتصل لليازيه وهم مرتبشين في المطعم هيا حارب: مرحبا اليازيه اليازيه وهيه متخبله على حارب: لبييييييه راشد: روحنا.......أميه متصله تتحرطم ......تقول شو أخركم......... اليازيه: أنزين صبر شويه لين مايخلص الريال من اليول..... راشد: نشن نشن .........أميه بتاكلي فوادي........ اليازيه وهيه زعلانهk ok طافن من عدال حارب و هوه أيول كان مقطع الغنيه يقول عوده عويد شاجني مرباه داري ووطني.....ياناس حبه صادني صيد الوحش في مجلبه..........فصد صوب اليازيه وهوه أيبس وبتسم اللها و غمز............ اليازيه: آآآآآآآآآآآآآآآآآآآآآآآآآآآآآه .........محلاه( وبتسمت له) موزه: يزوي تخبلتي ناس عدالنا ............. وهن طالعات من المطعم ..........اليازيه ترمس عمرها......: منو هل العوير الي يهديهم اليوله.....معقول انا ...... لا ......بينقمي عليه عيل جان صدق...... موزه: انا متأكده أني شايفه هذا الريال .......... اليازيه مب هيا موزه........... موزه: يزووووووووي اليازيه مطنشه و لا تسمع شي غير الغنيه تدور في مخها...... راشد: صبرن بنشتري آيسكريم............(ووقفو موزه و راشد لا كن اليازيه تمت مطرقه) موزه لراشد: أسميها صليا اليوم.......(وتصرخ بصووت عالي)يزووووووووووي(الكل الي عدالهم التفتوا ) اليازيه تصد عدالها: هاه موزه: هنيه هنيه اليازيه : انزين قولوا بنوقف..... راشد: يااصليا من الصبح شو النقول اليازيه : ok ok أتشرو أنا ما با وسارو صوب الشقق و اليازيه بعدها متخبله على حارب.............و حارب كان وايد مستانس على شوفتها.......بس وده أنه يرمسها .....يعرف رايها فيه........... و اليوم الثاني كانوا قوم حارب بيردون البلاد من الصبح........... أم اليازيه: راشد مسوين برياني تونه ........قوم وده لربع سيف راشد: قوم حارب......... ام اليازيه: هيه ..........(و اليازيه كانت متحمسه تسوي السلطه) راشد: في حفظ الله روحوا اليوم صوب الدار........ اليازيه مب مستوعبه: شو ساروا مدينه ثانيه......... راشد: لا اليوم الصبح يوم ساير أشتري حليب شفتهم يحملون قشارهم....وقالي حارب أنهم رادين دبي ام اليازيه: حافظنهم الله......... اليازيه في نفسها: شو هذا الحظ البارحه أول مره أشوفه و اليوم يردون البلاد......... خذوا 5 أيام وردوا دبي اهل اليازيه......... اليازيه بس عافت الدار من قالوا أنه حارب محد فيها......... في مطار دبي وصلو هل اليازيه من عقب ماسارو ماليزيا يومين ترانزيت.......... وفي المطار كان عمهم يترياهم ..............وساروا البيت ورتاحوا ....... وتصلت فطامي لليازيه: حمدالله على السلامه......... اليازيه : الله يسلمج........شحالج متوله عليج وايد وايد فطامي: وانا اكثر ......من وصلنا دبي من يومين وحنا لايعه جبدنا محد عندي أسولف هياه اليازيه: هيه.......أكيد عندج مغامرات في العمره فطامي: لا و الله سايره اتعبد..........العلوم عندج اليازيه: علومي أحياء و فيزيا............(وتضحك) فطامي : هيه والله..............صدق بنيكم العصر ....... اليازيه : مرحبابكم ملاييييييييين فطامي: هيه اليازيه : صدق بتخبر ميوود وينه ماسمعله حس........ فطامي: فديته محبوس....... اليازيه: محبووووووووس .... فطامي: هيه لانه كلية زايد العسكريه تحبس المستجدين 45 يوم اليازيه: لا والله ...........من متا هو داخل فطامي : يوم الجمعه يابنا من المطار و طرق صوب العين .............. اليازيه : ok برايج عيل . بعد كمن يوم بدت الدراسه............وكانت أول سنه لليازيه في جامعه .......كانت مسجله في جامعة زايد....... اليازيه تتصل ابربعها ....وتتواعد هياهن... في جامعت زايد........ حصه و اليازيه قافطات ......... اليازيه: قفطه مانعرف شو نسوي حصه: تعالي بنسير عند big sistar....... اليازيه: وينهن الbig mame حصه وهيه تضحك: تعالي ......... تمن يحوطن في الجامعه و يكتشفن المناطق.................قالولهن الجداول بيكونن يوم السبت..............و باقي الأيام كانن يخلصن اوراقهن ....يشترن الاب توب و يسون الفحص الخ....... يوم السبت.......... سارن اليازيه و حصه وخذن جداولهن .........بس للاسف حصه كانت لفل 6 و اليازيه 7 .........كانن وايد متوترات اول مره تسير صف ماتعرف فيه حد.......... اليازيه:وايه فقدتكم......عندي أربع أيام لين 5 شو وايد تعب حصه: انا حدي 4 ......... اليازيه: ياحضج..... وسارن كل وحده صوب كلاسها........ اليازيه توصل الكلاس عقب ربع ساعه تدوير: سلام عليكم الأستاد: don’t speek in Arabic اليازيه وهيه قافطه: sorry يلست عدال بنت و أول شي سووه ........طلب الاستاد منهن يتعرفن على البنت الي ياسه عدالهن....... اليازيه: هلا........... حمده: هلا ..........شوسالفته هذا الوغد من أوله يالس ألنا English....... English...... اليازيه: صدقج........ماعليج منسولف بالعربي..... حمده: أنا حمده من دبي اليازيه: و انا اليازيه من دبي حمده : في أي مدرسه كنت........ اليازيه:في دبي الوطنيه......... حمده: الضيافه.......... اليازيه: لا الممزر........ حمده: هيه...........أنا كنت في مدرست لطيفه في ند الشبا اليازيه: هيه .......... |
حمده: شو ناويه تتخصصين........ اليازيه: مادري .........يمكن ديزاين ولا IT................ونتي شو ناويه حمده:أنا أبا اعرس وفتك أنشاء الله قبل ماأتخصص أكون معرسه......... اليازيه: انتي مخطوووبه. حمده: لا للأسف........مادري شو مروع الشباب من الجتبيات........ اليازيه و ماركزت أنه جتبيه: لا ودهم والله بس عميان............ حمده: فديتج والله .........أرتحتلج والله وجني أعرفج من سنين....... اليازيه والأستاد ياي عدالها oh me too في البريك يلست هيا اليازيه حمده و وايد تفاهمن ..........صارن ربع وايد دوم يالسات هيا بعض بس ما وصلت ربعتهم لين حد أنهن يعرفن أسرار بعض و اليازيه لين هذا الوقت ما عرفت أن حارب أخو حمده..........شكت بس قالت فضيحه تسأل........ يتبع ..... وبعد شهر تقريبن ........... العصر ظهرن حمده و اليازيه صوووب الباب............ حمده : اليازيه وين سيارتكم..... اليازيه : ماشووف الدريول....... حمده: اتصليله......... اليازيه وهيه تتطلع الموبايل من الشنطه.........: ياربيه مفضي وسكر حمده: لا تقولين...تعالي أتصلي من تلفون دريولنا ...لأن تلفوني خربان ..بس البطاقه عندي........ اليازيه: لا ماعليه........ حمده : لا والله ........هذيه نيسانا تعالي أتصلي بدريول وروحي......... سارن حمده و اليازيه صوب السياره..........كانت السياره مخفيه وماينعرف منو داخلها.... فجت حمده باب السياره الجدامي وهيه صاد صوب اليازيه وتقولها تعالي....... حمده وهيه صاده صوب اليازيه وتفتح الباب: عبدالسلام هات التلفون.... في السياره كان حارب ياي يشل اخته بس شو هذي الصدفه الحلوه...... اليازيه كانت ور الباب فماشافت حد.........وهيه تضن انه الدريول ...بس من داخل كانت اليازيه واضحه مثل الشمس في عين حارب......... حارب: هلا بحمده........ حمده وهيه قافطه :أنته ياي توصلني........... حارب : لا ياي أفصلج فستان...... حمده : هات موبايلك...... ظهر حارب موبايله ودون مايسأل شي......... مسكت حمده ئيد اليازيه و طافت هياها لين باب الجامعه ... اليازيه: مافي داعي تعبتج هيايه سايره راده.... حمده: انتي اللي سامحيني...ثرا خويه كان في السياره و انا مادري اليازيه: ياالقفطه...بس حصل خير.......أقول نوكيا 6600 مابيكزن عند الدريول..... اليازيه ماكانت حاطه في بالها أن حارب اللي في السياره.........كانت تتحسب أخو حمده وبس ......بس منو ماتدري......... التصلت بدريول وسارت البيت.......... أما في سيارت قوم حمده........... حارب: مامن شر شوبلاها ربيعج.......... حمده: مافيها شي تلفونها مفضي وكانت تبا تتصل بالدريول ....... حارب: هيه...من زمان تعرفينها....... حمده: من دخلت الجامعه بس....... حارب: هيه ..........من العوير صح........ حمده : وانت شو دراك.......... حارب: اليازيه........................ حمده:أفا والله .............ظهرت من صاحباتك.......كنت أتحسبها بنت زينه......... حارب: لا تفهميني غلط..........جان اعرف أسمها يعني البنت فارطه.........لاحول ولاقوه...... حمده: عيل شو دراك ابها......... حارب: بشرط........ حمده: مابقول مابقول ادري ..........سرك في بير........... حارب هوه لاف على وافي:........بسولف هياج تعالي......... نزلو وافي ويلسو في كوفي شوب خالي في الطابق الثاني.......... حمده هيه متحمسه حق السالفه: ياله قول ......... حارب ساكت وطالع المنيو....... حمده: حرووووووب لا .......قول .......... حارب: أطلبي شي قبل ........ حمده: مابا شي شبعانه............ياله قوووووووووووووول حارب وهو يبتسم : عنبوه ......هدي حمده: النزين النزين........... حارب............:أحبها حمده وهيه فاجه حلجها: شو حارب: من أول مره لمحتها صوبت قلبي........ حمده: بسم الله عليك.......شو لايكون سحرتك.......... حارب: الا سحرتني و سحرتني.......... حمده مب رايمه تستوعب: كنت اترمسها عيل من قبل .......... حارب: لا والله .........صوتها ماجد سمعته......... حمده: عيل شقايل........ صارح حارب حمده بكل الي في قلبه من أول ماشافها عند تبنجييييييير التاير لين هذي اللحظه.......... حمده: ياسلام......ماكنت أتوقع أن في حب من أول نظره.........كل المرات الي شفتها فيهن لو جمعناهن ما يكملن ساعتين...................شو هذا كله......... حارب ساكت و مندمج في كوب الكابجينو وهوه يخلطه........... حمده: و ماتعرف شو رايها فيك......... حارب يرفع عيونه بس: هذا عليج.......... حمده: شو اسوي ......... ماعرف...........تخيل أقول اللها أخويه يحبج ........لا قفطه..وتخيل ماتعرفك و لا سألت عنك ........تخيل تحب حد غيرك..........تخيل حارب: ياربيه...........لاتفاولين............جوفي بشتريلها شي وعطيها الياه وقوليله اذا كانت تتذكرني..........يمكن تنجح.....شورايج..... حمده: اليازيه بنت مؤدبه و الكل يمدحها ماضن تقبل شي مني ............ومابا أخسرها حارب: يالهبله......طاعي.......اذا خذيتها ما بتخسرينها الا بجابلينها....... حمده: مادري.........؟؟؟؟؟؟ حارب: ياربيه...... حمده : مب أحسن ترمس أميه عشان تسوي الواجب........تسأل ..........تطالع رايها و راي أهلها......... حارب: ماضن الأنه قفطه يردوني عقب........ حمده : صدق قفطه........ حارب: انتي بس جيسي النبض......... حمده: وشعرفني..........قالولك دكتوره........... حارب: عندي حل ........ حمده: عذبني......... حارب: التحيدين شريط استراليا الي كنت فيه ايول....... حمده: هيه..........اللي نقلته على CD حارب: بضبط........... حمده وهيه مبتسمه:هيييييييييييييييييييه الحين عرفت منو هل العوير...........شي غريب ظهرت البنت الوحيده اللي رابعتها في الجامعه و رتحت اللها............. حارب: شوفي.............. راويها الفلم..... عاد أونج بدون قصد.........المهم وطاعي ردها جان أذكرتني ...........يعني بتسأل منو هذا ولا أي شي ونتي قوليلي رايها فيه...... حمده: هذا الشووور السنع....... أذن المغرب فردو البيت.................. كان الخميس و الجمعه..........وحارب يتحرقص يتريا يوم السبت عشان يعرف رايي اليازيه............. السبت الصبح.......... حارب يدق على باب حمده الساعه 6 الصبح : حمدوووه قومي دوام......... حمده وهيه تتحرطم: شو قامت وفجت الباب.................... حمده: شو سالفتك ............. حارب: الساعه 6 قومي نشي ......مابسيرين الجامعه......... حمده: دوامي اليوم 9 وبعده وقت بنش عقب......... حارب: هيه...............متا بتخلصين........... حمده: مادري...........ماطالعت الجدول...............................بتخبرك أنت ماعندك دوام................. حارب: حمدوووووووووه عنبو الأسبوع اللي طاف متخرجين من الكليه ..........عندنا أجازه شهر.......... حمده: الله يعين .........بداوم شهر كله في البيت............ حارب وهوه مستحمل سخافتها.: برايج .................. سارت حمده الجامعه و في البريك.............يلست هيه و اليازيه كل وحده على لابتب مالها ...... حمده وهيه تستعبط: يزووي سمعتي غنيت ميحد اليديده......... اليازيه: ما دري ..........يمكن.........طرشيها على المسنجر........ حمده: ok اليازيه: هذي....... حمده: شو مكتوب ........ اليازيه وبعدها مافتحتها: مكتووووب شط الحشا و من شطبه.........ياربيه فديتج ياحمدوه ذكرتيني بغرشوب قولد كوست........... حمده وهيه منصدمه: لا.له عنبوه بعج مافتحتي الفولدر.................. اليازيه تسوي دبل كلك عليه و من شتغل شهقت وحطت أيدها على حلجها.......... حمده شاقه البوز تبا تعرف ردت فعل اليازيه......... اليازيه وهيه تصارخ: حمدوووووووووووووووووووووووووووه الحقي.............. نشت حمده و طالعت شاشة اليازيه: شو.....خير اليازيه و هيه مب مصدقه: حارب حمده: منو شو تقولين .........ماسمعج اليازيه تمط حمده وتيلسها عدالها: هذا حارب حمده: ماشاء الله ..........مشهور ظهرت ياالحربي اليازيه وهيه مستغربه: تعرفينه........... حمده: للأسف أخويه...................... اليازيه حست بالقفطه و تمت منحرجه وفي مخها تقول شو بتقول عني .........أكيد بطيح من عينها......... حمده: شو فيج متبلمه مب حلو الفايل............. اليازيه :هاه ........هيه حمده تمسك ايد اليازيه: لا تخافين .........أنا متأكده منج..........ولا جان مارابعتج..... اليازيه تبتسم: أبصراحه................وقالت لحمده نفس السالفه الي قالها حارب من يومين............. حمده و هيه فيها صيحه: فدييييييييييييتكم حلوين........... اليازيه: لا يكون خذيتي عني فكره مب عدله........... حمده: لا ........................أنت لو تدرين أن.......... وصاح تلفون حمده........... حارب: مرحبا حمده حمده وهيه شاقه البوز: هلا والله بالحربي صدت اليازيه وهيه قافطه وقالت : حمده بسير أصلي ....... حارب: منو عدالج حمده: برايج بخلص وبلحقج........ صدق اليازيه تدورج كانت حصه......... حارب: اليازيه عدالج.......... حمده : روحت حارب: كان صوتها .......... حمده: لا صوتي حارب: قولي شو سويتي......... |
حمده: شو تعطيني......... حارب: اللي تبينه بس أرمسي............ حمده: جان جيه أبا نوكيا اليديد.............. حارب: بترمسين لوووووووولااا................. حمده: سلمك الله الحبيبه ............لا مابقول الانه عندي كلاس......... حارب: والله بزوالج ...............قولي لأراويييييييييييييج............ حمده: أنزين أنزين............لاتعصب................ من قبل ماتشوف الفلم .........بس من شافت أسم الغنيه.......تذكرتك وقالت كل خير فيك........وتخبلت يوم شافت الفلم .........سبحان الله القلوب عند بعضها.......... حارب: شو قالت بذمج......... حمده: في البيت بقولك ماروم الحين............. حارب: سلمي عليها وقوليلها أني مانسيت عيونها من يوم سالفت التاير............ حمده: ياسلام ......... شو هذا كله .............برايك عيل حارب: حافظنج الله............ عقب الصلاه سارن سييييده الكلاس و مارمسن في السالفه لين خلصت الحصه........... اليازيه تلف قشارها وسايره البيت.......... اليازيه: فمان الله أنا بروح........أخواني خاري حمده: سلمي على أمج و موزه....... اليازيه: سلامن يبلغ بخير......... وفي السياره طرشت حمده مسج لليازيه بلي قالها حارب.......... اليازيه مب مصدقه .....................أنا في حلم أكييييييييد .......... حارب ما نساني وتميت في باله لين الحين......... وطاف حارب على حمده وشلها من الجامعه ................وخبرته كل شي بالتفصيل..... حارب: شو تضنين حمده: بصراحه ...........فنانه و هيه تستاهلك............. حارب: بتوافق ضنج............. حمده: هيه لا تاخذ هم من صوبها ...........بس عليك ترمس أميه........... وفي نفس اليوم اللي كان حارب بيرمس أمه ...........أنعرض عليه دوره في بريطانيا لمدت 4 شهور.............. يتبع......... |
| الساعة الآن 11:38 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir