منتدى استراحات زايد - هذه [ أنــْآ ] من يـوم مآربي خلقنـي !»⚝«ݦݪݢۃ ﭑڸـأإﮀــṢṣــاس»⚝«

هااااي
شحالكم عساكم طيبين؟؟

اليوم::1/2/2012 <<مبروكـ للي منولدين اليوم

مممم انا دشيت المنتدى امس بس ما دشيت مدونتي المهم..~

امس كان وايد حلو عسب كنا نتذكر ايام المدرسهـ والاكشنات
اللي كانت تصير بخبركم شو كان يصير واعتبرو من ذكرياتي

من ذكرياتي:: كنا في يوم ملانين وجي قتلهم ليش ما نسوي
اكشن او نخلي اليوم بطوله اكشن × اكشن << خخخ
الليي صار الله يسلمكم كل ابله ادش لازم تظهر معتفسه خخخ
اول حصه كانت عربي >>نحو<< اكره النحو المهم اول ما دشت
انزاعج واون نضارب وجي قالت بس وانتو ما تحترمون اللي يدش
وتعرفون التقرير على ما اعتقد انزين وهي تتنازع نحن نضحكـ نبي
نفور بدمها شوي وعصبت وزقرت المديره والمساعده والاخصائيه الاجتماعيه
خخخ قعد يتنازعون ونحن مب مسوين سالفه قالو نحن ليش معورين حلوجنا
تعلو وقعو انذار وبعدين بنتصل في اولياء الامور ونحن طاف رحنا وقعنا وجي بعدين
قالو روحو صفكم خخخ قلنالهم اوكي يلا سلامو وعصبو قلت لرفيجتي يالله الشرده
<< خخخ اشكالنا تضحكـ ونحن نركض خلصت حصت العربي وطبعا نحن برا مطرودين
حليلنا ههه واللي عقبه رياضيات اتفقنا ان ما نسويلها شي عسب تقربلي <<اووفف
الحصه كانت ملل بس رفيجتي وخويتي قالت ويت انا براويج قلتلها قعدي انا ما فيني
عـ المصايب قالت انتي شلج ويت ما بيعرفون اوك رن جرس الحصه وكالعادهـ الابله بتروح
ولو شفتو الابله كيف انقللبت عند الباب << الاخخت جاب ماي وصابون يم الباب بس شوي
مش وايد والابله اون من برستيجها ماا تجوف تحت كل اطالع جدام ورافعه خشمها والله فاتكم
المشهد وانجلبت واون نترابع ابله شي بلاج اون نستعبط عليها حليلها ليومها ما تدري خخخخ
واللي بعده اسلاميه وكان الدرس عن الحجاب اونه تعلمنا كيف نلس الشيله انا احط الوقايه ع نص
راسي يعني نص الشعر ظاهر اقوللها يعني ابله جي وربيعتي تقولي لا مب جي جي غطي شعرج
وحواجبج ما يستوي تظهريهم والربع كلهم يضحكون والابله حبيباتي مب جي الحواجب مب حرام ((اوفف
من برودة دمها)) قلنا ما منها فايده ورحنا الحمام ومن هناكي الشردهـ ما نبى نرد الحصه تملل فينا اووف منها
وبعدها في البريكـ الاول اما الرابعه والخخامسه ما رحنا دقيناها شرده وبعدها بريكـ السادسه كان علينا انجليزي
طفرنا بالمس لين ما طردتنا خخخ مسكين حالنا والسابعه الله لا يراويكم علينا موسيقى ههه ما مهتمين موسيقى عادي طاااف طفرنا بها ووقفت الصف كله وراحة تنادي لنا المديرهـ خخخ المديرهـ عندها ضيف والاخصائيه مب موجوده <<خخ يا قفطتج بس الكلام اللي كانت تقوله لنا هي زنمه فبعض الكلامات معناها عير عنا >>اما بالنسبه للرده طلعنا كل وناستنا فالباص عسبت ان نعرف انا بننهزب في البيت كنا ربشه بالقو الكل عينه ورى عنا وبعضهم مرتبشين ويانا انا وربيعتي شفتات مرهـ انا اغني ومره هي المهم >> فالبيت والهزاب ما يحتاي ابوي انتي شمسويه وما ادري شو وانا ابوي حراام يتبلون علي وبعدين هم ما يحبوني ويبون ينتقمون وجي وتعرفون التكمله ما يحتاي خرطه مني ومناك ترضيهم اما ربيعتي فحياتها كول عطول دشت وين الكرفايه وده ارقد ومحد يوعيني ما عللينا شي باجر امها وابوها كانو ظاهرين عسب عندهم ظرف طارئ فما في احد ففي البيت غير اخوانها اللي ما يعرفون شي واللي عقولتهم يا غافرين لكم الله <<خخ حليلهم
بس والله وناسه انتو بعدكم ما ععرفتو شي