البارت4
بعد ما تعشوا اترخصوا الربع وبقي حمد ومحمد يتمشون فالمول وهم فطريج جافوا بنوته حلوه هي وقصته الشقرا والكعب معطنها برستيج والعيون وساع يايه ع لون ازرق نيلي كان شكلها يخبل كانت يايه صوبهم
البنت:اخويه انا مضيعه
حمد من كثر جمالها مااقدر ينطق بكلمه بس تم يطالعها
ومحمد (هوفي خاطره فديت حسج انا وهو قاعد يتاملها
حمد:نعم اختي(في خاطره عيونج تذبح)
البنت:انا مضيعه ممكن اتخبرني وين انا
محمد(كان يبي يرمس بس قطعه حمد)
حمد:انتي صوب المطاعم
البنت(في خاطره يا ويلي يذبح الي لابس فانليه بيج تقصد(محمد)
البنت:مشكور اخويه
حمد:لا شكرا ع واجب
محمد (تم يطالعها الين ما اختفت عن نظره)
حمد( قرب صوب محمد وياشر علي محمد بيده)
حمد :ممممممحممممداااا
محمد(وبعده سرحان يفكر في البنت)
حمد:مممممممحمممداااا
خاف محمد من الصوت
محمد:تستهبل شو يالس تزقر شرات الحريم
حمد:الي ماخذ عقلك يتهني به
قطعت رمست حمد ومحمد (فون حمد يرن )
حمد:الو حبيبي
ملاك:يالبي قلبي انته
حمد:فديت قلبي دام انتي فيه
ملاك(مستحيه)
حمد:شو استحيتي
ملاك(وبدلع):هيه حمود بس عاد
حمد:انشاءالله حبيبي
ملاك:حبيبي انته شخبارك
حمد:تمام قلبي انتي شخبارج
ملاك:دام انته تمام انا تمام
حمد:فدتيج حبيبي حبيبي بصكر
ملاك(اونه زعلانه):حبيبي ليش
حمد:انا عندي ربعي الحين وعقب بتصبلج
ملاك(تعطيه بوسه):باي قلبي
حمد صكر وحط ايده ع قلبه وقال (اه فديتج محد غيرج يفرح قلبي الله يخليج لي)
مهاري وميثاني واليازيه عقب ما خلصو متصلين سارو صوب المطبخ عسب يجهزون العشا
ميثاني:اتصدقون انا مستانسه لاني اخير بجوف عذاري الي ترمسون عنها
مهاري+يزوي:صدقيني بتحبينها واااايد
ميثاني كانت اتقص الخضار عسب اتسوي تبوله
ومهاري حطت ورق العنب ع الغاز
يزوي وهي تقطع اللحم عسب يشون
بعدلحظات من السكوت رن فون ميثاني
ميثاني:الووووو
......:........
ميثاني:اووووف تستهبلون يعني صكرت الفون
وعقب شوي نفس الرقم متصل ميثاني سوت طاف
ميثاني:اووويه الساعه7 وبعدين ما اتلبست
مهاري+يزوي:صدقج باقي شوي وبنخلص بنروحون انبدل جي فشليه نطلع جدام البنات جي
مهاري خلصت وراحت فوق اعسب تبدل وتتعدل ميثاني حطت الصحن تبوله بثلاجه ولا حقت مهاري
ويزوي بعده معاناه من اللحم
يزوي(وهي تتحرطم):اووووف اقطع يا خي وشوي جرحت صبعه وصراخت اي ي ي ي
ميثاني سمعت الصوب وربعت :يزوي بلاج (ميثاني ايدها علي قلبها)
يزوي:لا ما فيني شرا بس جرحت صبعي
ميثاني:ويت بسير ايب معقم وبحط لزقه ع الجرح
يزوي(هذا وقته يعني اوووف متي بخلص) ميثاني وصلت
ميثاني:عطيني صبعج (يلست اتحط المعقم) حرق يزوي شوي بس غمضت عيونها عسب نا اتخاف
ميثاني وهي تحط الزقه:خلصنا يا حلوه
يزوي :هههه شكرا يا قمر
ميثاني ساعدت يزوي عسب يقطعون اللحم ويرحون عسب يلحقون يبدلون
مهاري فوق اتسبحت ولا بسه بدله كويتية بلون اخضر فاتح وفي مفتوح الصدر والا يدينا كان شكله روعه مع حبات الكريستال الملونه الي معطتنه جمال وربطة الوردة علي رقبته كانت صج كشخه وحطت كريم اساس
واي شود بلونين اصفر واخضر ورسمت عيونها وحطت بلاش وردي فاتح مع شويه لمعه وحطت روج وردي فوشوي ولبست اكسورارت بلون ذهبي وكانت طررر ميثاني ويزوي يربعون علي الدري يتسبقون فجوا الباب ع مهاري بقوا زاغت مهاري:اعوذ بالله مب بنات
ميثاني+اليازيه لا تعليق كان شكل مهره طررر كانت قمر مشاءالله عليها
مهاري:بلاكم جي اتطالعون
ميثاني+يزوي:مشاءالله طالعه اتخبليني
مهاري(اونه استحت نزلت راسه)
ميثاني+يزوي:هههه(يضحكون ع مستحي مهاري
مهاري:قومن تلبسن باقي شوي بيوصلون قوم بنات خالي وخالج
ميثاني+يزوي:اوكيه
ميثاني اختارت بدلة بحرينية بلون الاصفر كانت بدلة مفتوحه من الظهر والصدر وكان عليه شغل بلون الوردي
كانت واايد حلوه ع ميثاني لان جسمه من عند الخصر وسط لا ضيعفيه ولا ملينه وااايد وعقب حطت بورده واي شود بلون عيناوي وذهبي واسود كانت متربتنه ع جفن عينها بطريقه مميزها محلتنها وبزرت عيونها اكثر وحطت جحال وبلاش وردي وروج احمر غامج كان شكله طررر مهاري+يزوي كانت منبهرين بجمال ميثاني كان شكلها وحده من الاميرات وعقب لبسة يزوي شرات مهاري بس كان لون ازرق نيلي كان جنان ع جسمها لان هي عليها جسم بس مب احلا من جسم ميثاني >هههه وحطت اي شود بلون ازرق واسود وذهبي وبلاش وردي مع لمعة ولون الروج شرات ميثاني كانت اتخبل الواحد نزلو تحت كل وحده اتحط دهن عود حك الثانيه وادخون
مهاري:يالله بخبر حنان عسب تفتح المليس
يزوي+ميثاني:اوكيه

يا سلام روعة يا حلوة

اووويه عيون انجبي شوي حطي هالخبر بجريده شورايج

شو شو انتي تسلمين لي ع ردج الحلو