منتدى استراحات زايد - حمــــدان * تكفا * لا يطول غيابكـــ { حمدان + فــــرح

____

"البارت الثاني"

الجزء الاول

فرح : اوكي اشوفك بالمكان هذا...
الاول : اوكي بهذا الوقت
فــرح : ان شاء الله تم
الاول : ان شاء الله
وفرح تضحك من دااااخلهااا وتقوووول والله هذا مصدق عمره بواعده بمكان
ههههههههه والمسكيييين صدق وناوي يروح يشوفها حسباله جاده بكلامها
وانه بقابلهاا وهي بس داخله تسولف وتضقي الوقت
الاول : زين ممكن طلب صغير
فرح : تفضل
الاول: دام فضلج بس بغيت ايميلج
فرح : ههههههههههههه احلم
الاول: غريبه عاد ليش البنات اللي يدخلون الجات عادي يعطون الايميل
فرح : مو كلهم وانا مو منهم >< وبعدين سكرت فرح المحادثه بويهه
وماكان لها خلق واهي تقول اخر زمن اضيف واحد ما اعرفه ولا بالجات
مكلمته لمدة 15 دقيقه هههههه حلوه هذي ايميلج ومن عقبها ماردت على احد
قعدت تخربط بالعام وتسولف عن مواقفها والمقالب اللي يسونها فيها رفيجاتها
ومن بعدها كلمهاا واحد ثاني وكان نكه شعر : كن حبكـ ضيف والقلب بدوي

كن حبكـ ضيف والقلب بدوي : سلام عليكم ورحمة الله
فــــــرح :............
كن حبكـ ضيف والقلب بدوي : السلام لله اختي
فـــرح : وعليكم السلام ها رديت شتبي بعد الحين
كن حبكـ ضيف والقلب بدوي : العفووو شكلي ضايقتج بس على فكره اسلوبج جاف حيل
واتوقع اكثر الناس بيبتعدوون عنج من اسلوبج ولازم تحكمين بسلوبج قبل تعاملج مع الناس
والناس يبون معامله حلوه اكيد مثل منتي تبين ومع السلامه

ومن بعدهاا فرح حست بالذنب وانها غلطت ورجعت للنك ودخلت عليه
فــرح : سلام عليك
كن حبكـ ضيف والقلب بدوي:وعليكم السلام ورحمة الله وبركاته
فـــــرح : انا اسفه
كن حبكـ ضيف والقلب بدوي : لا انا اسف وغلطان اني دخلت عليج
فــــرح : اوكي سامحني
كن حبكـ ضيف والقلب بدوي : ما بقلبي عليج يالغلا اصلا انا من وين اعرفج
عشان ازعل عليج :) بس انا حبيت تنتبهين لاسلوبج شوي لان مو كل الناس
يتحملون هالاسلوب وبس
فــــرح : مشكور ع النصيه ولا هنت ويزاك الله الف خير
كن حبكـ ضيف والقلب بدوي : زين انتي جم صارلج بالجات
فــــرح : اول يــــوم
كن حبكـ ضيف والقلب بدوي : صج لا يكون انتي من البنات اللي كل يوم لهم نك
فـــــرح : ههههههههههههههه لا شكو ماكو شغل
كن حبكـ ضيف والقلب بدوي : ودام اول يوم شدخلج للجات والله كسرتي خاطري على
هالنك اللي حاطته من قدهم المنتدى اللي انتي فيهم وشكلج متعلقه فيهم حيل
فـــــرح : والله السبب بنكي مكتوب ومن الملللللل لاني تعودت حيل ع المنتدى
وصار جزء من حياتي ما يفارقني وهو قطعه مني هو واللي فيه
كن حبكـ ضيف والقلب بدوي : هالله هالله عااشووو يبيله تصير شاعره على هالكلام
فــــــرح : لؤؤل البركه فيك
كن حبكـ ضيف والقلب بدوي : هههههههه شدراج اني شاعر
فـــرح : والله صج انا امووت بالشعر ودايما اقرا واكتب خواطر قصيره بس وقلتها بالصدفه
بس ><
كن حبكـ ضيف والقلب بدوي :ماشاء الله ان شاء الله نشوفج شاعره كبيره
فــــرح : هههههه لا من صجك الاهل ما يرضوون بنتهم تصير مشهووره لؤؤؤل
كن حبكـ ضيف والقلب بدوي : هههههههه في شاعرات اشتهرو باسم مستعار واهلهم
ما يدروون وبجذي نموو موهبتهم من دون اي مشاكل وبس
فــــــرح : اي صح واشعارهم دوم بالقلب
كن حبكـ ضيف والقلب بدوي : الا ما قلتيلي جم عمرج :]
فـــــرح : اممممممم خمن جم عمري
كن حبكـ ضيف والقلب بدوي : اتوقع فوق 20 لان عقلج كبير وناضج :) ولا انا غلطان
فـــــرح : هههههههههههههههههههههههههههههههه
كن حبكـ ضيف والقلب بدوي : دوم هالضحه < بس ممكن سبب الضحك
فـــــرح : هههههه لانك كبرتني وايد
كن حبكـ ضيف والقلب بدوي : يعني جم ما احب اخمن قوولي
فــــرح : عمري 16
كن حبكـ ضيف والقلب بدوي : العمر كله يارب << طلعتي كتكوته وصغيرونه بس
ماشاء الله عقلج اكبر من سنج
فـــــرح : تسلمـــــ هههههه دايما يقولون عني جذي زين انت جم عمرك
كن حبكـ ضيف والقلب بدوي : انا عمري 19 ياطويلة العمر
فـــرح : العمر كله يا رب ^^
كن حبكـ ضيف والقلب بدوي : وياآآج يالغلا
فــــرح : انت شنو تدرس
كن حبكـ ضيف والقلب بدوي : >>>>> كثرة اسالت البنت لؤؤؤؤؤؤل
فـــــرح : خلاص ماراح اسال ><
كن حبكـ ضيف والقلب بدوي : شفيج اضحك انا طبعي مزووحي
فـــرح : عاااشؤؤ اهل الطبع المزوحي خخخخخخخخخخخ مغازل علني
ههههههههههههههههههههههههههه
كن حبكـ ضيف والقلب بدوي :ذكرتيني بوحده
فـــرح : منووو ؟؟؟؟؟
كن حبكـ ضيف والقلب بدوي :وحده بالجات كنت اسولف انا والربع ع العام ومندمجين
بالسوالف عاد اهي دشت عرض بكل روم تكتب من يتحداني نسوي محاوره وهي شاعره
وقعدت ادور وانا رديت عليها وتحديدتها واهي اختارت القافيه و الاشياء الثانيه
وعقبها اهي تكتب وانا ارد عليها والمحاوره كانت عجيبه وفزت بالمحاوره
وتدرين شقالت عقبهاا
فــــرح : شنووو
كن حبكـ ضيف والقلب بدوي : قالت ضيفني بايميلك بتعرف عليك وقلتلها ما اضيف بنات
اول مره وحده تغازلني هههههههههههههههه
فــــرح : ههههههههههههه حدكم عجيبين بس غريبه ما عطيتها ايميلك عاد انتو الشباب
ما تصدقون وحده تقولك اوكي موافقه خخخخخخخخخخخ
كن حبكـ ضيف والقلب بدوي : ههههههه لا حرام عليج مو الكل هذي فئه قليله
فــــــرح : اهااا اي تذكرت اللي قبلك قالي ابي ايميلج وما عطيته وقال ابواعدج
وجذبت عليه وشكله راح يروح للمكان وماراح يلقى احد هناك ههههه
كن حبكـ ضيف والقلب بدوي : لا عاد لا تجذبين حراام عليج المفروض ترفضين
مو تواعدينه جذب ادري مو معقولة بتطلعين مع واحد غريب ما تعرفينه بس
ارفضي مو تجذبين
فـــرح : اوكي بس اللي صار صار وعشان يتوب خخخخخخخ وما يواعد بنات
مره ثانيه ويستاهل اللي يصيرله
كن حبكـ ضيف والقلب بدوي : ههههه كيفج
فـــرح : انت عمرك 19 يعني متخرج من الثانويه ولا انت من اللي يعيدونها
لين تزهق المدرسه مهنم ههههه
كن حبكـ ضيف والقلب بدوي : لا شكو الحمد الله متخرج على سني ولا مره
صقطت بالمدرسه و الحين انا ادرس علوم اداريه بجامعة االكويت ^^
فـــــرح : ماشاء الله الله يوفقكـ
كن حبكـ ضيف والقلب بدوي :زين الحين ما سالتيني شنو اسمي ؟؟
فــــــرح : شنو ؟
كن حبكـ ضيف والقلب بدوي : معاج حمـــدان بكل لحمه وشحمه هههههههههههههه
فــــرح : هههههههه عاشت الاسامي حمدان
كن حبكـ ضيف والقلب بدوي : عاشت ايامج > زين انتي ما عرفتيني باسمج
او شنو تحبين اناديج
فـــــرح : معاكـ الريــــم
كن حبكـ ضيف والقلب بدوي : عاشت الاسامي ريوومه
فـــــرح : عاشت ايامكــ

<يتبـــــع >