|
4 في يــوم واحد .. ~ :132:. . :sad: . . اليوم مزاجي تعكر من العصر حسيت اني ابى :69: استغفر الله :lol: اليوم قلت لامي ليش الدنيا ضدي :132: تقول شو فيج انتي بعد لاترمسين معاي تيبين الهم :خ8: اقول ليش مب امي تقول امج تضيجين بي يوم ترمسين جي حشى عيوز هم الدنيا فوق راسها :sad: قلت لها امي انا مهمومة ماطلعتونا اليوم حرام عليكم :132: هذا الشي مايرضي الله ولا رسوله :sad: تقول فارجي عن ويهي كله تبون تطلعون قلت مايخصني اكرف بهالمعهد من سبت للخميس مستبخلين الجمعه تظهروني ليش طلعوني باجر ولا باجر بعلن انتحاري :69: وبفشلكم امي تقول انتي مستخفه صدق مستخفه ياخي ابى اطلع صار لي 3 اسابيع مزروعه بالبيت بس ناقص يطلع لي ثمار . . توبة يالسورية .. ~ :001_rolleyes: صح اليوم امتحنت ونجحت بالاختبــــار الحمدالله ويالسة عندي وحده سورية قهرتني والله كل حين تقرصني تبى اغششها الحين ابى احل يالسة افكر اقول الحين من لازم يقرص الثاني مادري المهم قهرتني كل مرة تنادي الاستاذ عسب يحل عنها ويوم ظهرت قلت للبنات الاستاذ يغششها ليش ماتزقرونه انتو بعد قالت حرام عليكي والله انا بس كوووونت اناديه عشان سؤال :خ8: قسم بالله انه اشوي وبيحل الامتحان والله العظيم كل ماتزقره يحله ويروح عنها وهيه استاز استاز استاز استاز قلت التوبة ايلس عندها بعد هيه الا تلصق عندي انا يالسة عندها وتكذب غصب تسوي عمرها شاطره المهم يبت انا 96 ماتت قهر :ena: وموتوا ياعزاااااااااااااال موتوا . . انعـــــام .. ~ :987: هالورود لأنعام وناااااااااااااااسه هالبنت صدق بالمعهد يوم تغيب اعصب :11: اقول لاتغيبين لاتغيبين اليوم شفتها وقمنا نسولف وبهدلنا الاساتذه انعام الكل يعرفها كل الاساتذه كلهممممم ويوم ترمس شو يسكتها هذي والله خلني اسالها سؤال واحد عن المعهد معاشاتهم اعمارهم والمراقبين ومتى ايون ومتى يروحون كل العلوم عندها اي استفسار انعام للخدمات موجودة سوت حشره وقمنا نضحك من سوالفها الاستاذ دخل قال هدوء في ناس تمتحن سكتنا قال من اقدم وحده بالمعهد ع طول بنفسه قال انعام قال مسكي هالحطبة وضربي الي يرمس وقمت اضحك قلت الصراحه عرفت تختار ام الســــــــــــــــان بعينه وتم يضحك قال يمكن تكون مسؤله المهم مرة قلت لها انعاموا هاتي لي جااي من برع راحت ورجعت قالت اخخخخخ والله ان الولد حلو بس يقهر لبس وكشخه وشكل وحاله لله بس ريحة اعوذ بالله خرب ع نفسه مرة وحده عاد انا وين تلقوني من الضحك استغرب متى وصلت لريحته والله نصيحة للشباب { يبالي اسدح لكم صورتها خخخ عشان تاخذون حذركم وتعطرون وتكون اموركم 100 على 100 لانها ملاحظتها قوية ع الشباب اخر الرمسة الي قالتها لي اليوم شو هذا اسمي انعام اكره هالاسم امي مالقت تسميني الا ع اسم يدتي تقول والله احس نفسي بموت كل مااذكر ان اسمي ع يدتي تقول صدقوني بغيره وبطرش لكم جريده بس تصدقون نسيت اسالها شو بتسمين عمرج عاد اتخيل تسمي نفسها مهرة ميثة وقسم بالله مايليييييييييييييييق :21: ملاحظة لأنعام .. وقسم بالله اسمج راكب :lol: . . معاناة بقــــرة .. } اليوم بالعزبة الساعه 1 الظهر رحت صوب الحيوانات مقسمينه لثلاث تقسيمات اول قسم جلب اسود يلوع بالجبد :132: ماحبيته حسيته مستخف وحسيته قااااااااار بس ناقص انولعه القسم الثاني غزالة حلوة وبعد خجولة :ast7eee: نشوفها تنزل راسها لان الكل يقول اللللللللللللللله عيونها كباار تغمض عينها الله رشيقة تمشي اشوي اشوي وتتخقق اندوكم والله تحس نقعت من الضحك وعاد خذتها فرصه وكل حين اقول الله والله الله والله اخر شي يت بنت عمتي ماتحب الغزلان قالت وع من زينها بوزت :21: اشكره تفهم المهم القسم ثالث شي ابقررررررررررررره اكبييييييييييييييرررررة :bored: يتني الصاعقة من كبرها ماشاء الله ماشاء الله لو لعبت واندسيت وراها صدقوني تحلمون تلقوني الا اذا تحركت كيلوا قدام مصختها بالتعبير ادري المهم هيه كبيرة كبيرة بصورها لكم مرة بتنصدمون ابقره ع اصول والله وعندنا وحده مصرية وشكبرها الكل يزقرها ام طارق البقره بعد والله لو سمعت بتخلي المصرين يسون مظاهرات علينا عاد الهل يخليكم موقع محروم فزعتكم وقتها نبيها لان صدق بنكون انتهينا ع ايدها لانها لصقـــــه لصقــه بمعنى الكلمة وراك وراك ومع البقره ثور وقسم بالله الثور اصغر عنها عنبوا سوي رجيم خليه يشوفج حلوة جميله شكله هو يروح الصاله وهيه تاكل تنتفخ :9559: يوم اعيال اختي يعطونهم اكل هيه تاكله كله مسكين هو والله مسكين الدبة تخلص عنه الاكل يوم تي صوبي :خ8: اقول ايه روحي ناقصه وزن شو هاه امي سمعتني عاااااااااااااااااااااد يالله منو يسكتهم تقول بتعطينها عييييييييييييين اقول منفخة ماتبون ثيران اصغيره احس الثور مب طايقنها امي تقول شكى لج الحال :790: قلت لا احساس امي تقول وااي بموت ناقصه عمر من السانج قلت امي الحين شوفيها اشكبرها وهو اصغير كيوت بنت عمتي تقول :lolr43: من متى يقولون للبقر والثيران كيوت المهم عمتي يت عاد عمتي يوم تي شو يسكتنا قالت تصدقين يبالنا انيب بقره رشيقة عشان تغار وتسوي رجيم عاد من الضحك مت قلت لا ماينفع قلت ليش نحرق قلب البنات بس حرااام يبوا ثووور ع كبرها الثور هذاك بينقهر وبينتفخ عمتي وين تلقونها تقول صدقج هالريايل يبالهم جي عااااااااااااااد امي وعمتي استانسوا ع السالفه وماتوا ضحك وشكلهم بيحطون راسهم من راس البقره وبيساعدونها بس الي ضحكني اكثر بو السان ولد عمتي الصغير يقول امي تصدقين شكله الثور ساكت ومتحمل لانه يغازل الغزاله :lolr43: الي احذاله قلت شييييييت مب منك من يلسة الحريم الي تيلسها مع امك . . :smilies-113: . السوالف ماتخلص والله بس ارقاد تايم .. ! :45: . . ناشة بدري وحالتي لله . . اخر كلامي : كل ماضاجت بك الدنيا قول الحمد الله تلقى الدنيا تصفى لك |
طفولتي البائسة .. ~ . . اليوم بطلع :lol: . . وانا ع المسن يالسة اشوف صور اربيعتي يوم كانت صغيره :sad: قلت وع صوري يوم كنت اصغيره كشه وحالتي لله صورج اشوي ينبلعون انتي بعد اناااا يبجون :0088: يوم اشوفها استغرب اقول امي ماشي امشطه قبل والله ماشي ليش ماتمشطين شعري انتي تقول انطبي طبج الله تشوفين المشط تركضين مثل الصخله :888: ليتها خليتها تمشطة ع الاقل يوم براوي زوج المستقبل اتشرف مايضحك علي ويفشلني فيها بقصهم صدقوني حالاتي مرة زاخه اصخلة اصغيرة بيدي وماسكتنها والله حسيت فيها الحين ان مكسرتنها بيدي عشان صورة ابوي يقهررررررررررررر :007:هو الي يصور مافي صورة وحده تشرف والله ابي ابجي . . كان ودي اسدح لكم صورة بس صدقوني مايشرفون :132: هم اخبااااااااااااال ويبجون من الاخباااااااال اخاف تحسدوني اللهم لاحسد عشان جي بحتفظ فيها لنفسي :smilies-113: . . |
ندمانة وسامحني .. ~ . . اوهايو . . قولوا جيز :28: . . البارحه كان يوم عالمي بالنسية لي طبعا كنت راقده :45: وتقريبا الساعه 1 ونص ظهرا واسمع دق دق :smilies-120: وجان اعصب قلت اكيد البشكارة بهزبها واول مافتح الباب اخوي بويهي :bored: بسم الله شو السالفه اول مرة يسويها اخوي عكس قانون :kk_ed: الشكل والشعر والبهدله يالبييييييييييييه قلت خير ان شاء الله من الفشيلة :smilies-113: قالي تلبسي بنظهر عازمنج ع الغدا قلت هاه :w00t: انصدمت قلت هاه اوكى اوكى :no_6: دقايق وبطلع وابسرعه بسرعه وامي تشوفني تقول هاه :kk_ed: قلت امي لاترمسيني ويو بطلع واخيرا بطلع ويو امي تقول الحمد الله وشكر قلت تعالي معانا بس انا بيلس قدام مايخصني قالت توكلي ماقدر بتريا اخوانج يرجعون من المدارس بغديهم قلت ماعليه امي غيرها بخيرها بروح الحق قبل ماولدج يغير رايه :169: اول ماركبت :bored: طبعا اول الكلام ودايما خيبة ليش تاخرتي رغم اني والله حسيت نفسي مب متاخره :sneaky2: المهم رحنا واخذنا اختنا وازط بهالاكل اخوي يقول ماطلبتي شي وانا جييييييييييييي :21: ماخليت شي ماكلته اكلي واكل اخوي كلت منه واكل اختي اجرب كل شي اخر شي اخوي قال خلصي الاكل وانا من الدهاقة الي فيني اكل من هنيه وهناك شبعت خلصنا وركبنا السيارة قلت لاخوي بعد هالغدا يبالنا سدحة محترمه وقيلولة فنتكية قال مااشي بروح اخذ اغراض للوالده ورحنا المول وقام ياخذ اخوي هدايا لامي وانا جي :21:وين تلقوني عاد اخذ وحط من تحت لتحت ونصه عادي اخذه بتدفع لي هذا عادي وين تلقوني اخوي قال اقولج حركاتج مب علي نص هالاغراض حقج :خ9: قلت كمل جميلك طلعتني خذ لي قال انا قلت مابدفع اخذي الي تبينه يوم سمعت اخذي الي تبينه حسيت ان قلبي بيوقف :888: وقمت اخذ آآآآآآآخر شي قالي حشى محد يعطيج كلمة :005: ونحن نمشي بالمول شي بنات يطالعون اخوي عاد انا منكرية قمت الصق واقهر فيهم اونه صدقني يعني هههههههه نقع ضحك اخوي قال شرر شرررر الي بياخذج انا بدعي له والله :kk_ed: . . وبعدين رحنا صوب المينا ياخذ اخوي اغراض للبيت عشان خاطر العيوز :28: وقمت اصوره واطرش لامي صوره وامي تتفداه قلت امي انا هنيه تفديني قالت كلي تبن ام السان المهم يلسة بالسيارة ويلسة العب بالآيباد لين ماخلص وفجاة ونحن نمشي قلت لااااااااااااااااااااااااااااااااااااااااااااااااا ااااااااااااااااااء قلت دخيلك ورفجة عرب :9988: استاااار بوكس هالطلعه بدون استار بوكس ماتسوى قال يالله ماشي مافي وين تلقوني انا طلعت عشانه :14: انتهييييييييييييت وتميت ساكتة وامبوزة وحالتي لله وبداخلي صرخات عشانه :16.gif: وكل مايرمسني بدون نفس ارد هيه لاء لاء هيه قال حشى حشى بعدين باخذ لج قلت زين زين الله كريم . . :15gt7.gif: . . ورجعت البيت ومارحت استار بوكس :297.gif: نزلت من السيارة والبوز واصل لعند امي قالت شو فيج قلت مارحت للقوطي قامت تضحك امي قالت الله مب رايد ورايحه صوب غرفتي اخوي يزقرني اغراضج يالهبله اغراضج تعالي شليهم يوم اشتغل خادم عندج بشلهم قلت خل البشكاره قال الا انتي وانا متحطمة . . ورقدت ساعه وحده :45: قبل ماروح المعهد وتوكلت المعهد بعدها والقى اربيعاتي وسوالف وضحك كالعاده :kk_ed: تونسنا واستانسنا ومشى الوقت ع خير :139.gif:واستار بوكس ع البال . . نصيحة : لاتخلي الي بخاطرك اخر شي قوله عشان لاتخسره |
بابانويل حلاوة .. ~ :09: . . هاي اليوم مودي تمام كان عندي امتحان :14: تحسبت اني برسب وخلاص بس نجحت هه هه هاااي بس مقهورة من هالزلمكة وقسم بالله السخيفه ام السخافه السخف والتافهه :angry: يوم تبى حايه تسالني وتزقرني ويوم تسالني اجاوبها يوم سالتها طنشتني :132: عاد وين تلقوني واسوي بها حركت نذاله وكل ماتسال اطنش :001_rolleyes: زين اسوي فيها :ena: بس نجحت قهررررر الصراحه خلها تتأدب يعني تغش حلال تغشش حرام . . المهم رحت مع اربيعتي الجمعيه احذالنا واااااااااي موتي يوم اشوف بنت كيوت وحلوة اتخبببببببببببببببببببل والكام لازم اظهرها من شنطتي واصورها تخبل ماشاء الله عليها ربي يحفظها من كل شر اربيعتي تقول بدت بدت قلت سكتي :ena: سكتي احسن المهم خذت حلاوة :17:وقمت اعطيها وادلعها وخذتها من عند امها واخوها لحقنا قلت امسك حلاوة تم يهز براسه مايبي بعدين خذاها ع طول قلت امحق واربيعتي تضحك ههههه ضحكت لاني كل ماشفت ياهل قمت اعطيه حلاوة فربيعتي ام التعليقات قاااااااااااالت بلاج يسد خخخ صايرة بابانويل حقنا شو نقعت ضحك ع هالرمسه :lol: . . :ans_flw: المهم مستانسه برتاح برقد شرى الخلق 3 امتحان انجح فيه عقبال الباااقي مقهورة طرشت لربيعتي مسج مادري ابها من زمان وحلمت ابها طرشت لها مسج حلمت فيج عساج بخير وبصحه وعافيه ماردت علي استغربت قلت صدق نذلة :angry: وبعد اسبوعين ردت :ans_flw: وين تبى هذي طرشت لها مسج ليش تردين بعد توى الناس وطنشت :132: عاد وين تلقوني ع طول دليت رقمها وعاد ما احفظ ارقام وشفتها بالصدفة ماسويت لها سالفه يتني قلت اوووه انتي هنيه :ena: صدق مايستاهلون حد يسال عنهم وعن بختهم بعد :5: يخقون بنخق شو ورانا يعني الي يسأل عنك اسال عنه والي سوى لك طاف عيفه لان دوم بيسوي لك طاف لين يصير لك اسم بيقول اوووووه انا افلان اعرفه والله القهررررررررر يوم يشتغلون البنات يخقون ع اربيعاتهم حسسوني بنسرق معاشهم ولا بنشحت منهم مثلا وقسم بالله غجر يقهرون :angry: امحق صدااقه وقسم بالله :132: مانبى صداقة جي :09: عندنا واايد ربع يسونكم . . اليوم بالبيت كنت شالة بنت اختي الصغيره وبنت اختي الثانية كان بيدها صابون وانعق منه صوب الدري عاد انا واقفه صوبه واشوف اختي تركض وطيح طيحه :5: اعووووووووووووذ بالله لو حامل سقطت ههههه ابي اضحك بس ماسكة نفسي والله العظيم وين تلقوني عاد اخر شي ماتحملت وقمت اضحك واضحك :09: واختي من الصدمة حتى ماصرخت ههه اسميها طيحة عالمية بس اقول لاختي : خيرها بغيرها الييات اكثر لانها صارت معاي :09: . . اول مارجعت من المعهد ابوي يالس مع الوالده قلت باركولي نجحت قال مبروك مبروك هذا العشم فيج لاتضيعين افلوس ابوج قلت زين ايدك ع الفلوس يالله مفتقرة قال ماشي يالله يالله قلت هات ولا برسب صدقني :324r: عصب الوالد قال انتي ماتشبعين كله افلوس افلوس قلت اسمع عطني وبرجعهم بعدين قال سمعان هالرمسه :out: مب مينون اسمع كلامج بعد بس طبعا بالاخير عطاني مافجيت منه لين عطاني ودوخت به عددددل جي الريايل عورو راسهم يبون الفكه يسون الي تبونه :132: عشان جي نصيحة لكل بنت يوم تبون شي من اخوانكم ابوكم ريايلكم تموا فوق رااسهم بيسون الي تبونه تراهم مايحبون عوار الراس مافيهم تحمل شراتنا ابد انا مستحيل حد يطلع مني شي لو ع قص ارقبتي هه هه هاااااي الا المحتاي وحسيت انه يباها وبيصرفها بخير فقط :001_rolleyes: عشان جي احب اطلب من اخواني وابوي سهلين ويعرفوني عوار راس فعشان جي مايطولون ويعطوني بدون شروط . . . وافديييييييييييييييت اخوي فديته فد وفد وفد :1711: قلت له البي بي صار قديم وابى يديد قال تمممم :1711: واليوم عطاني ايااااه وتلوموني لييييييه يلوموني ليش احبه واي شي اباه القااااه مايقصر علني فداه :001_wub: الله لايحرمني منه ياااارب .. ! . . انقهرت البارحه ضافني واحد :132: يقول انتي ضفتي وانا ماضيف حد مني وسلام عاد ماعطيته ويه وطبعا هو تم يسب سبات وعرف يسب منو عاد وين تلقوني هو حادر من البي بي وانا من اللاب وسبه سببب وبسرعه بسرعه اكتب ومنقهره كنت ماسويت به شي ويسب جيي :خ9: بس يخسي ادبته :66: وبلوك ع طول عشان مرة ثااانيه يتأدب ويرمس باحترام حشى يغلطون ع الكل يحسبون البنات كلهم واحد وسوى وكلهم فس الطينة والعينة يالله ناااقص وقمت اسولف لربيعتي تقول بلاج منفعله قلت لها قهرني وقسم بالله سبني سبات اعوذ بالله وقسم بالله كرهت نفسي منه ماقدرت اتحمله :angry: بس زين اسوي فيه . . رجاء يالشباب : اصابع ايدكم يوم تتشابه حزتها رمسوا ع راحتكم بس عمرها الاصابع ماراح تتشابه عشان جي لموا السانكم عن البنات .. ~ |
شبيك لبيك اليوم يلسة مع الوالد والوالده وكنت اشرب الجاي . . ويت اغنية < شبيك لبيك > عاد وين تلقوني اتخبل ع هالاغنية بعد اغنية لاتتصلي . . وقمت اشرب بالجاي بالوحد والاثنين عايشة الجو وامي ابوي يالسين يزطون بهالفواكه وانا مستطربة ايد يمين وايد شمال لاتستحي مول آمر قول ودلل شبيك لبيك وانت الآمر والنهااي :14: واقول لابوي اسممممع لاتستحي مووول يقول .. لايمكن ارفض طلبك :خ8: اهداء من قلب هالاغنية عاد امي وين تلقونها ريلج ريلج ان شاء الله قلت وااااي :007: خلاص امي خلاص . . ماهمني قول من كثر ومن كلل اجيك برضاي لاساهي ولا لاهي غلاك في القلب يكبر بي ويتسلل يقول هالقلب قبل لاتقول اشفاهي . . المهم تيكم السالفه ابوي عرف السالفه افلوس قام يفشلني ويرمس عني يوم كنت صغيره :خ8: وانا كرهي حد يرمس ويفشلني امي تمت تقول توحمت في كل وحده فينا بشو انا عاد لازم علقوا عندي ولازم يقولون القصه بالتفصيل لانهم يقولون يوم كنت صغيره كنت وايد اهذرب واتحرطم وسوالفي ماتنسي لاني كنت وايد اضحك تقول كنت متوحمه في هالقرده الي هيه انا :lol: بحيب الفسيلة حيبت الي بالنخل هالابيض << توضيح المهم تقول قلت لامي وامي مسكينه تمت تدور لي تقول مب زين وبتظهر علامه بالياهل الكيوت الحلو << والله انا خخخ لين حصلت يدتج ويابت لي وقمت اكل واكل واكل بالاسابيع تقول مرة ابوج ايب ومرة امي تدبر لي وتحاول تحصل لي حليلها الله يرحم يدتي برحمته ان شاء الله . . المهم تقول كبرتي ويوم توج ترمسين عطيتج مرة حيب كان موجود فترة ولدتج تقول قبل بالحسرة احصل ومنها عيباج وقمتي تاكلين مثل البقره وتعلفين فيه وكل مرة تيني وتقولين ابى اعرف انج تبينه تقول لين خلص :001_rolleyes: . . تقول بعد سنة من عمرج مادري شو ذكرج ويتي تقولين حيب حيب حيب حيب ابى حيب حيب حيب حيب وانا احسب تقولين حليب وكل ماعطيتج حليب عقيتيه واضربج وتصيحين وابوج كل مايرجع من شغله حيب حيب حيب ابى حيب حيب تقول ابوج يعطيج بهالحليب وانا اعطيج ومن طفرت ابوج وداج البقاله تاخذين الي تبينه وبعده مافهمنا لج تقول لين الليل الساعه 1 سكتي ونحن سهرانين تقول يت يدتج ويلستج في حظنها وامبوزه قالت شو فيج قلتي حيب حيب وتمت تضحك امي عليج :ena: قالت لي بنتج متوحمه حيب الفسيلة تقول مت من الضحك وقلت لامي تحسبت تبى حليب ابوي تم يضحك يقول لامي بنتي الوحمه مايت ع جسمها يت ع السانها :09: بروحي نقعت ضحك يوم قال جي واحليله ابوي يقول كنتي اصغيره مانروم نسكتج غنيتي لنا يقول اخر شي رحت قطعت الفسيله الي عندنا عشانج . . ومن قالوا هالسالفه وين تلقوني ابى حيب صدق والله يبوا لي حيب ابوي يقول من وين ورجعت من المعهد واقول لامي بخاطري ابي والله دبري تخيلي انا حامل استغفر الله متوحمه اي شي هاتي امي قالت جب جب يالله صدق ماتستحين ع ويهج مالت من جيل وزمن . . :angry:صدق ياخي ابي والله . . المهم ايام والله صدق :ans_flw: . . الفشايل يوم كنت صغيره واااااه :132: ليت في شي ينسمع والله لييييت ماظن فيييي . . |
| الساعة الآن 04:02 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir