منتدى استراحات زايد - غلاتك من غلا روحي

مرحبااا الساااع ..

شحالكم .. شعلوومكم

عساكم بخير وعافية وماتشكوون باس

هذا البارت الرابع وان شاء الله يعجبكم

في طريج لدبي طلعوا بسيارتين سيارة مايد الرنج روفر : فيها مايد طبعا وسيف (للحين ما خذ سيارة وفي دبي بيشتري)و سعيد وامنه و سلامة ،، سيارة هزاع الفتك : هزاع طبعا وراشد وموزة والريم ،، في سيارة مايد كان الجو حلو والضحك مالي السيارة
مايد وهو يطالع سلامة من المنظرة : هاي الاغنية اهداء لناس غاليين على قلبي

:: أحبك لو بغيت انساااك :: ميحد

احبك لو بغيت انساك مـا قـدر
احبك لا تسال القلـب واصبـر
احبك من زمـن يـوم الطفولـه
ويوم الوقـت احـلام وتصّـور
رسمتك في خيالي في ضميـري
جميلٍ ما على وصفك انا اقـدر
اشوفك كالسمـا صافـي بليلـه
قمرها نصف شهر يوم يظهـر
واراك بعينـي ودي والتمانـي
واشوفك جسم في الصوره واعبر
احبك انت ما اقدر ان ارابـض
خطايـه لا ذنـوب ولا تكبـر
ملاكٍ نظرته احلى من الشـوف
تشوقنـي تناديـنـي وتـأسـر
وثغرٍ بسمتـه مفتـاح لـي بـه
حوامه تشتهـي نفسـي ويبهـر
احبـك تجتمـع فيـك المزايـا
حـلاةٍ وانسجـام الله وأكـبـر

احمرت سلامة : ــــــــــ
سعيد : ها بو خليفة اجووف صرت رومانسي
امنه : اخوي من يوم يومه رومانسي

سيف : سلامة بلاج جي محمرة
الكل : هههههههههههههههههه
مايد : فديتج محلا هالويه
سلامة نزلت راسها
تنرفز سعيد : ماايد ،، اهداء ما قلنا شي بس تتفداها لا
مايد يستهبل : بوعسكوور تقصد منو انت ،، انا اتفداه امووون
الكل ما عدا سعيد : هههههههههههه
سعيد : ضحكتوا بلا ظروس
صاح تلفون سعيد : اششششش ولا كلمة لاحد يرمس
سعيد : مرحبا بالزين كله ،، فديتج والله انا بعد اشتقت لج ،، بخير دامج بخير انتي شحالج ،، انا ساير دبي ،،الله يهديج انا اقدر اجووف بنت وانتي في قلبي وعقلي ،، اوكي دري بالج على عمرج ،، فوداعة الله
امنه : سعووود بسك من البنات متى بتعقل
سعيد : سعوود في عينج ،، بعقل اذا شلة الخراب عقلوا
طالعة مايد بنص عين : ومنو شلة الخراب
سيف : يعني منوو انت وهزاع وراشد
سلامة عصبت : مايد انت للحين اتقردن بنات
سعيد : وانتي شو لج ،، اخوج،ريلج، ابوج
الكل : ـــــــــــــــــــــ
في سيارة هزاع
الريم كانت يالسة ورى هزاع وموزة ورى راشد ،، تجدمت موزة من هزاع وصارت واايد جريبة منهم (راشد ذاب من ريحة عطرها اما هزاع فما درى عن وجودها)
موزة تجربت من اذون هزاع : يا بوك خف عالبنية ،، ذابت من نظراتك
ابتسم هزاع : وانتي شو لج
اول ما وصلوا دبي ساروا بيت بو حمدان ( بو حمدان عنده بيت في دبي يسيرون له في الويك اند وبيت في العين دار الزين ) دخلوا البيت وكل حد سار يرتاح واتفقوا انهم يطلعون عقب صلاة المغرب
في العين في بيت بو احمد
سالم يلعب في الحديقة ودخلت عمته خديجة وريلها مبارك وبيان ،، سار سالم وسلم عليهم ،، دخلت خديجة وريلها وتمت بيان عند سالم
بيان : شهالك ثالم ( شحالك سالم )
سالم : شهالك ثالم هههههههههههه
بيان : هيييييييييييييييي بلات (بلاك)
سالم : الله يخسج فشلتينا شو هالرمسه جنج بشكارة يدووو
بيان : بستارة انت ( بشكارة )
سالم : هرمة
بيان : انت انت انت
سحب سالم شعرها : مسودة الويه تعالي
دخل سالم الصالة
خديجة : سلووووم وويع هد شعرها ،، عليا جوفي ولدج قومي اخذييه
عليا وهي فمكانها : سالم فديتك هد شعر بنت عمتك
قامت خديجة وهي معصبة من برود عليا : وخذت بيان ،، سلووم يا الهرم بصفعك اذا عدتها
سالم وبقواة عين : شو تصفعيني عبالج انا ياهل ،، وبعدين بنتج اذا قلت لها كلمة تردها لي عشر
خديجة :
عليا ادبي ولدج وعلميه شقايل يرمس الي اكبر منه

احمد دخل وسمع بس كلام خديجة و انقهر
احمد بصراخ : خدووووووووي
لفت خديجة راسها : نعم
احمد : ونعامة ترفسج ،، احترمي نفسج
دخل بو احمد وسمع صراخ احمد : بلاكم صراخكم واصل اخر الفريج ،، احمد شعنه ترمس اختك جي
ابتسمت خديجة ابتسامة سخرية : ابويه انا اتعودت على اسلوب احمد من يوم عرس وهو خلاص تغير 180 درجة
عليا وهي تصيح : شقصدج خديجة يعني انا غيرته ،، عمي قولي انا شسويت شعنه الكل ما يحبني وكل مشكلة في البيت لازم يدخلوني فيها
بو احمد وهو معصب : عليا ماله داعي الصياح واحين محد ياب طاريج
احمد : ابوي خديجة قالت ان انا اتغيرت من يوم عرست يعني شو مرتي السبب
ام احمد كانت واقفة ويودت الكرسي ركضو لها كلهم
في بيت بوظبي (مريم) ام راشد وبنتها سارة يالسين ألمون قشارهن
في الغرفة
ام راشد : سارة امييه عطيني المقص
سارة : ان شاء الله امايه
خذت سارة المقص وطاح على ريلها بالغلط وهو كان وايد حاد فانجرحت ريلها
سارة : امييه انجرحت ريلي بسير اغسلها وبحط لزقة
ام راشد:الله يهديج شعنه ما تحاسبين،، سيري بسرعة
نزلت سارة من على الدري وما لاحظت ان حد واقف عن الباب لانها كانت مشغولة بريلها (الدري سيدة الباب)
مطر : هود هود
رفعت سارة راسها وجافت مطر فنزلت بسرعة بدال ما تركب وطاحت على خفيف ،، ركض مطر لها ومسكها من يدها وقومها وهي ذااايبة من المستحى
( سارة بيضة ،، عيونها بنية و ناعسة ،، خشمها سلة سيف ،، وجسمها ممتلي شو ،، مو طويلة واايد ،، شعرها ناعم وقصير لرقبتها وقاصته مقطع ،، وكانت لابسة برمودا جينز وجبنيز احمر و فالة شعرها ) مطر تخبل عليها بس لفت نظره الدم الي ينزل من ريولها فنزل لريولها وطلع كلينس من مخباه ومسح الدم ووقف
مطر : السموحة ما كنت ادري ان حد من البنات هنيه ( وسار )
سارة تمت مبهتة مو مستوعبة الي صار من شوي بس قطع عليها افكارها صوت امها
سارة : نعم امايه
ام راشد : وينج سرتي وللحين ما ييتي
سارة : احين بيي
في بيت بوحمدان
بوحمدان وام حمدان يالسين في العريش ( في عريش واايد عوود مسونه بوحمدان في الحديقة )
بوحمدان : اليازية
ام حمدان : لبيه ياعيون اليازية
بو حمدان : تسلم عيونج يالغالية ،، شو رايج انسير المبرزة
ام حمدان : غايتييه ،، بسير اخبر ميثا جان بتسير معانا (وقامت)
سحبها بو حمدان من يدها : ما نبا ميثا ولا غيرها ابا اطلع معاج بروحنا من زمان ما طلعنا (غمز لها)
احمرت ام حمدان : تم بسير اييب عباتي وبيي

شرايكم في البارت
توقعاتكم ؟؟؟؟؟؟؟؟؟؟؟؟؟؟