|
مــقـــتـــطـــفــــات عـــنـــي * من فتره مسوي جو فالبيت .. ابغيهم يرتبون من الحين للسفر فالصيف .. وطبعاً كل كلامي وترتيبي نرد نسافر ألمانيا , هو كيف كان الوضع وصار ترى لازم ارد اسافر اخر شهر ستة ميونخ .. :GIF_13.gif: :ASZ9.gif: * عشقت اسمع مخاوي الليل من سنة 95 تقريبا , كنت في ذيج الايام توني فـ بداية مراهقتي .. اول غنية كنت اسمعها له باستمرار ( انزع الصمتي - عود ) وقبل اشوي سمعت غنيه اسمها اسئل نفسي دائما .. في مقطع فالغنيه يقول ( لاني حبيبك أو قريب ^ حتى تكوني من اهتمامي ) خالد عبدالرحمن أول غير والحين غييييير , مثله مثل ميحد ومحمد عبده .. :ASZ9.gif: * أحب اطلع كل يوم الصبح وروح كوفي ستار باكس مستشفى اتوام فالعين , اطلب هيزل نت لاتيه .. وحبه حااار .. واقرا الجريده ( الرياضه بسسس ) واطالع رسايل البلاك بيري ومن عقبها اروح المكتب واخلص شغلي واشوف شو لي وعليه وارد البيت .. أحب دوام المسا عن الصبح ... الصبح احب اخلص فيه اشغالي الخارجيه في اي دائره او مؤسسه او برع العين .. :ASZ9.gif: * احب اكون واقعي وصريح , وفي نفس الوقت ما تكون صراحتي وقاحه , واحب اتابع كل شي من بعيد لبعيد في كل حاجه ما اقدر اتدخل فيها او حاب اتابعها واعرف عنها ولكن بدون فضول , واحب يكون لي ذكرى طيبه في ذاكرة كل من عرفني .. وتمسووون على خير ... الياسي |
فرحت وايد من ايام يوم عرفت انه نزل الموسم الثاني لمسلسل Game of thrones وايد احب اتابع المسلسلات الاجنبيه .. وتابعت من المسلسلات لين الحين The.mentalist , Once Upon A Time , Justified , Lost , White Collar , Merlin Terra.Nova , Wild.Boys , Camelot , The Cape , Hell on Wheels , Chaos , The legend of the seeker , Robin hood , Prison break , Crusoe 2008 كل مسلسل تابعته له حاله وذكرى عندي وجو عشته ... ما احب اتابع المسلسلات الخليجية بسبب ( صريخ , صياح , خيانات زوجيه , مستشفيات , وفيات ونواح ) يعني معاناه في كل مسلسل والقضايا اللي تتعالج في المسلسل صارت اجتماعيه وعائلية وطريقة معالجتها ناجحه وفاشله في نفس الوقت , المسلسلات صارت تفج عيون الصغار والكبار على امور مش المفروض يعرفونها لا الحين ولا بعدين .. المفروض يعرفون الدين والعادات والتقاليد وتربية اهلهم , صارت مشاكل تصير من ورا هالمسلسلات , وبعد في هالوقت صارت العلاقات اضعف من قبل بسبب التطور واجهزة الاتصالات < وبتقولون يا جيل اليوم بعد فتره من الزمن أول كان احلى |
آتشاااور من ايااام اغير نكي ...!!! ويكووون ( خالد المهيري ) نـك الغضي الياسي غامض ودوم يتنشدون عن معنى النك , وفي قبيلة اسمها الياسي والناس تشبك النك بالقبيله ( ونحن ما نرد من هالقبيله ) الياسي : فرد من عشيرة بني ياس < والاسم ما يخصه في منطقة بني ياس عشيرة بني ياس هي من 14 قبيلة ( المهيري , السويدي , السبوسي , الهاملي , الفلاحي , الفلاسي , المحيربي , المزروعي , المرر والخ ) رايكم اغير نكي ؟ |
مشتاق لـ بوظبي أول .. أيام دنيا العجايب مخبز الكمال ألعاب رأس الأخضر حديقة فاطمة الأهليه أيام كنا نشوف الرملة البيضا في فريجنا وعلى الكرنيش أول الناس فيهم رحمة أكثر ... الحين الناس على حكمة اليوم يصبحون ويمسون وأعصابهم ومودهم على أتفه الإسباب تتأثر ويتشكون زمن بلاك بيري وايفون ، هب شرات زمن عشناه بحلوه ومره نفرح بسياره لاسلكي ولا لعبة ناتندو |
* من فندق هلتون مكه اقول الحمدلله اني امس اعتمرت والفضل لله .. |
| الساعة الآن 11:28 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir