|
الإدارة : الرجاء اختيار الكلمات والمفردات المناسبه عند طرح رد جديد , ويمنع كتابة رد جارح إلى أي شخص كان من يكون ,, |
اقتباس:
و لج كل الاحترام على تقبل الآراء ... اخويه خيال القوافي الواحد الواثق من رايه .. المفروض انه يوضح هالراي بأسلوب حلو و بمنطق و بأدله مب يدخل يسب ويشتم ! مكتوب تحت قسم الحوار والنقاش : [ حوار/نقاش بكل حريه..ناقشنا وأطرح رايك ] مب مكتوب [ شتم/سبَ بكل حريه..اطرح رأيك ] اللي عيبني في ردَك بس [ السياسه الاستعماريه ] هذا اللي انا كنت اقصده فـ ردَي على الاخت الجود سياسه استعماريه مب من انسان مسلم أعطى لجامعة زايد كل اللي يقدر عليه لين وصلت لمستواها اللي يبا يحكم ع شخص يشوف انجازاته السابقه .. اللي كان له حرية اصدار الأوامر والقرارات فيها [ السياسه الاستعماريه ] يالخيال .. هي سياسه خارجيه و اوامر من الدول الاوروبيه المناهج اليديده شكل من أشكال الاستعمار الشيوخ هم اللي اختاروه ولعلمك علاقتهم بالدكتور حنيف علاقة اخوَه مب علاقة رئيس و مرؤوس و لو ما كانوا راضين عنه كانوا بيشلونه فـ التعديل الوزاري الأخير أقدر أتعمَق فـ هالموضوع أكثر وأعطي أدلَه أكثر لكنَي أكتفي [ واسمحيلي اختي الجود ع المداخله للمره (2) ] |
اقتباس:
شيوخناآآ راضين في الوزيــر وراضين عن أسلوب تفكيره وقيادته للوزاآآره " وسخها " اسمحيلي شوفي ردج على االموضوووع وعقب احكمي ع الرياآآل وعلى اخلاقياته واشكاله على قولتج .... " الوااحد المفروووض يراجع نفسه وردوده قبل لا يحطها لان ردده يحكم ع الشخص نفسه وع اخلاقياته ... ع الاقل الوزير مستحيل تطلع منه هالالفاااظ ... " واشكر بنوتة باباتي على ردها الطيب .. والسموووحه منج اختي الجود |
اقتباس:
اسمحيلــي اختـــي اعقب على كلامج ..~ اتقولين ان التعليم في دولتنا خاضع لسياسه خارجيه والدول الاوروبيه تمارس ضغوطها علينا .. انزين ممكن اتحطين ادله معقوله على هالكلام اللي تقولينه .. ؟؟ وليش ما كانت موجوده هالضغوط قبل .. عالدفعات اللي قبلنا .. ليش طلعت الحين ؟؟ بصراحه من وجهة نظري .. ما اعتقد انها تخضع لهالضغوط .. و في قانون يحكم الدول .. ولا دوله لها الحق في انها تتحكم اف تعليم الدول الاخرى .. لوانهم صج يضغطون جان نحن ماعرفنا شي عن تاريخهم الاسود وحروبهم والقتل والسلب والنهب اللي صار من جانبهم .. وثقافتنا راح اتكون محدودة .. وذا صج هالسياسه موجوده .. جان نحن مادرسنا عن الدين والعقيدة والاحكام والعلاقات .. جان جبرونا على دراستهم .. يمكن في جزء بسيط يخضع لهالسياسه .. واللي هي دراسة الجامعات .. لكن المدارس ما اتوقع .. الموضوع واضح ومايبيله تفسير .. الوزارة تبا تطبق النظام اليديد .. وهالنظام ما بيتطبق الا اذا كانت نسبة دخول الطلبة للجامعه في هالسنه ضئيله جدا "هذا اللي سمعته " .. لكنهم بدوا في الوقت الضايع .. و طلبة الثانويه العامه اللي تعتبر هالسنه مصيريه بالنسبه لهم .. كان من المفروض انهم يبدون في الهيئة الاداريه والمدرسين .. ومن ثم الطلبه ..اللي هم في بداية دراستهم .. (المرحلة الابتدائية) والغلط اللي طاحوا فيه انهم يبون نتايج هالنظام بسرعه اكبر من المعقول .. يعني اذا فشل هالنظام .. يمكن يطلعون بنظام يديد .. واللي بعدنا بيكونون ضحايا بعد ..الله يعينهم بس .. والشي الثانـــي .. ليش الشتيمه والمسبه لولاة الامور .. وليش الدعاء عليهم ؟؟.. وانتو تعرفون هالشي ما بيفيد .. اذا لكم حق ادعوا رب العالمين يرده وهداية هالناس اللي تسببوا في هالكارثه .. من دون اللجوء للدعاء عليهم .. والسموحه منج اختـــي بنووته لتعقيبي على كلامج .. احترامـــي لشخصج الكريم .. الطير الحزين .. |
[ اسمحيلــي اختـــي اعقب على كلامج ..~ ] تفضَل اخويه في أسئله ما عندي اجابات عليها بس برد عليك في الاشياء اللي انا متأكده من صحتها اول شي [ انزين ممكن اتحطين ادله معقوله على هالكلام اللي تقولينه .. ؟؟ ] هيه ياخويه ممكن مناهج التربيه الاسلاميه لكل المراحل التعليميه تغيرت التغير الواضح و اللي أدى إلى ضجه كبيره >> حذف آيات الجهاد من هالمناهج لكل المراحل << انته طلبت ادله معقوله .. صح ياخوي ؟ انته [ بوجهة نظرك ] معقوله انسان مسلم سواء كان شيخ او وزير او مسؤول يقوم باتخاذ هالاجراء و هو راضي تمام الرضا عنه ؟ الجواب الـ [ معقول والمنطقي ] : لا ! لكن / بما انه في ناس يدعون على انسان مسلم .. يمكن يكون جوابهم : هيه .. من المعقول ان [ حنيف ] يسويها خلاص .. خلنا بعيد عن المنطق [ لإقناع هالفئه ] الدليل انه المناهج تخضع لضغوط استعماريه : بعد الضجه اللي صارت على الاجراء طلع تصريح يزيل كل الشكوك و كان في جريدة الـ**** من مسؤول او مثل ما يقولون ( خبير ) أجنبي :007: شو يقول الـ ( موقَر ) في تصريحه ؟ ( تم حذف آيات الجهاد من جميع مناهج التربية الإسلامية لأننا رأينا أنها تشجَع على الإرهاب ) << نقطه .. انتهى لو ( ولاة الأمر ) كان بايدهم يمنعون هالشي .. تأكَد انهم بيمنعونه [ وليش ما كانت موجوده هالضغوط قبل .. عالدفعات اللي قبلنا .. ليش طلعت الحين ؟؟ ] الصراحه ياخويه ماعرف ! [ السموحه منج اختـــي بنووته لتعقيبي على كلامج .. ] أسعدني تعقيبك يالطير .. الموضوع انطرح للنقاش و تبآادل الآاراء ^^.. |
| الساعة الآن 06:04 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir