|
اقتباس:
و ان شاء اللهــ ما اتاخر عليكم في البارت الياي... |
البااارت باااجر :) |
نترياااااج حبويه |
البـــــآرت الثـــــآلث ..* مر هالشهر بســـرعه .. ميثــا بين الأسـواق و وياها سلامـي يجـهزن اغراض العرس .. منصـور بعده مايدري انه ميثا بتعرس !!! فـي بيـت ابو منصور في الصــاله .. كانت سلامي و يالسه وياها روضـه ( بنت خالتها ) يالسـات يشوفن تلفزيون دخل منصور الصاله منصور : الســلام عليكم سلامي + روضه : وعليكم الســلام منصور : اووهـ روضـه هنــي !! غريبـــه .. شو الي طـاري عليـج روضه ( بدلع زيـاده عن اللزوم ) : والله وحشتـوني عشـان جي زرتـكم ..المــهم .. شحالكـ منصـــور ؟ منصور : بخيـر الحمدالله .. الا اقـول روضـه انتـي في المدرسـه بعدج ؟ روضه : ويييه لا انا في الجامعه ..~ و صدت صوب سلامي روضه : الا اقــول سـلامي مارويتينـي فستانج الي بتلبسينه في عـرس ميثـا ( متعمده عشان منصور يعرف و ينصدم ) منصور ( فتح عيونه و وقف من الصدمه ) : نـــــــــعم!!! .. أي ميثـــــــاااااااا ؟؟؟؟؟ سلامي ( وقفت تحاول تهدي منصور) : هـا ؟! .. مـيـ.. ميثا ربيعتنــا انــ .. روضـه ( حاطه ريل ع ريـل ) : سلامي خلاص لاتمـون تكـذبون زيـادهـ منصـور لازم يعـرف انه ميثا عرسها بعد اسبوع يعني خلاص ميثا بــح !! منصور ( بصـريــخ ) : لااااا انتـو تكـذبـون ميثـا تحبنـي انـا انــا ابـاهـا ليــــش مـاتـريتنـي !! .. حـرام عليهـا ليـش تسـوي فينـي جـي هي تـعرف انـي احبهـا الا اعشقهــا والله لـو تطلب روحي بعطيها !! ..و بدا صـوتي يروح والدمـوع محبوسات في عيونه .. و مسكـ سلامي من ذراعها بقو منصـور : سـلاااامـي قـولي كـلام غير هـا يعنـي انـا طـول هـالمدهـ و انا مادري !! ليـش مـاقلتـولـــــي !!ليــــــــش (( و يهـز اخته بقـو )) روضه : فديتكـ منصـور لـو هي تحبكـ جان تريتكـ طـول عمرهـا بس هي ماتحبكـ ولا تباكـ راحت عنـد واحد ثاني و عرسها ترا بعد اسبوع سلامي : جـــــــب روضـــه !! .. منصور حبيبي روح ريـح الحيـن .. و انسى ميثا منصور : انسـاهـا ؟! .. ههـه تتحـرين بهالسهـوله اقدر انسى حب طفولتي و حياتي.. والله الي يحب مثلي مابيقدر ينسى !!! .. (( دموعه خانته و نزلن غصبن عنه )) .. و على طول ركب سيارته و شخطها وييل و راح بسرعـه جنـونيه .. عنــد سـلامـي و روضه سلامي بعصبيه : ليــش تتكلمــين عن عـرس ميثا جدامـه لــيش ؟؟؟ روضه ببرود : والله زين مني قلتلـه الحين .. اصـلاً جي ولا جي بيعـرف .. سلامي : ادري انـه بيعـرف ..بس انتــي ليش تقوليله ..!! نحنا كنـا بنـقوله بس بطريقـه غير روضه : اووهـ عاد الي صار صـار .. اموت و اعرف شو يحب في هاي ميثـــاااا .. لا جمال ولا شى .. خله جمالي كله ( و اشرت على عمرها ) و راح عند هــاي ! سلامي : احتــــرمي عمرج روضــووهـ !! .. والله انا ساكتـه عنـج لأنـج في بيتنا ..~ و راحت عنها غرفتها و قفلت الباب.. (( طردهـ محتــــرمهـ هـع هـع )) بعد اسبوع فــي يـوم ملجت + عرس مــيثا الساعه 12 الصبح ميثا تركـض صـوب الصاله : ميــــووووود وينكـ !!! يــالله ماعـندي وقـت ابـا اروح الصالـون الحيـــن !! .. كان واحد معطيها ظهره مجابل التلفزيون .. ميثا ( مسكت جتفه بقوه ): شو انتـــه ماتسمعني يــالله قـوم ماعندي وقت ودني الصالون !! محد الدريول .... : انا مش مـــايد يا ميثـــا ( و قـــام ) انــــــا منصـــــــــــور !! ميثا ( منصدمه من ويهه كانت عيونه حمر و ملامح الحزن باينه في ويهه ومنصدمه من وجوده في هالوقت) :مـ.. منــ.. منصــور ..!! منصور : هيه نـعم .. منصــــور الـي يحبـج مـوت !! .. منصور الي يبـوس التـراب الي تمشين عليها !! منصور الي كان يبني احلى احلامه ويـاج .. بس انهدمـت احلامه منـج .. ليـــــش يـا ميثـا حرام عليـــج !! .. انـا من سنيــن و سنيـــن اتـريـاج تخلصيـن دراسه عشان اخطبـج .. بس انـصدمت انج بتعرسيـــن .. واليــــــــــوم قبل ماتتكـــلم ميثــا دخلت امها .. ام مايد : وييـي منصـورعندنـا حيــاكـ فديتكـ ليــش واقـف .. يا مرحبابكـ يـالدكتور .. شحالكـ ؟ منصور : مرحبتيـن خالوه ( و راح يحب راسها ) الحمدالله عــايش .. شحالج انتي ام مايد : بخير يالغـالي ..ها ميثـا اشوفج لابـسه عبـاتج وشيـلتج ويـن رايـحه ؟ ميثا ( منزله راسها ): عنبو امـايه نسيتــي بروح الصالون .. ويـنه ميوووود بتأخر ام مايد : وييييه ماعرف شفيني صايره انسى وايـد هالأيام .. ميـود محد و الدريول طرشته الجمعيـه يبلي كم غرض ميثا : امــــايه حرام عليج الحين كيف بروح تراني وايد تأخرت .. منصور : خالـو من بعد أذنج انا بوصل ميثا ترانـي فاضي ماعندي شغله ام مايد : زيـــن تسوي فديتكـ مافيني على حشرتها ودهـا ميثا : امـايه !! ..لا ماعليه منصـور مانريد انتـعبكـ بتريا الدريول ام مايد : عن الدلـع ميثـووه ترا منصور قال بيوديـج و بعـدين هو هب غريب عادي مافيها شى منصور ( قام ) : يالله ميثا اتريـاج في السياره .. وراح ميثا راحت ورا و كانت بتفتـح بـاب السـياره الي ورا منصور : ها شيخه تراني هب دريول عندج تيلسـين ورا .. تعالي جدام ميثا : كيفي ابا ايلس ورا .. ارتاح اكثـر منصور : انــا قلت تعالي جدام يــــالله ميثا : شو يعني عشانها سيارتكـ بتيـلس تتحكـم وين أيـلس .. انـا بركب جـدام مـش عشان اسمع كلامكـ بيلـس عشان تأخرنا منصور: هههه يالله انزين فكينا اركبـي وهم في الطريــق ساكتيـــــن طول الوقت و كل دقيقه منصور يطالع ميثا و كـأنه اخر مره بيشوفها ولا حد فيهم يالس يتكلم و منصور حاط غنيـت (ليش تتعمد) ليش تتعمد تعذبنيـﮯ .. ليش زادت منـﮓ طعونـﮓ ماﮔـفاﮒ جـروحيـﮯ وهميـﮯ .. مايكفيـﮯ سيل غلطاتـﮓ تدريـﮯ انـﮓ حيل سالبنـﮯ .. تدريـﮯ انـﮓ في الحشم مبونـﮓ ﮔم عـلى عتابـﮓ بتجبـرنيـﮯ .. ﮔم اداويـﮯ زود هفـواتـﮓ و وصلو الصالون الي ميثا تباه .. و قبل ماتنزل منصور : ميثـــــا ميثا شافتـه : هـلا ؟ منصور : وش لـــي غيـــر العــذاب بدنيتــــج !! ميثا ( نزلت راسها ) و طلعت من السياره و سكرت الباب بقو ستـــــــ stop ـــــــب ~ تتـوقعـــون ميثـآ بتـآخـذ خليفه ولا بتصيـر مشكلهـ على اخـر لحظهـ .. ؟ " |
لا ليش وقفتي هنيه الباااااااارت طرررررررررررررررررررررررررررررر نتريا البارت الياي وان شاء الله ماطولين علينا |
| الساعة الآن 05:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir