منتدى استراحات زايد - يقوولون استرجلي يابنت هذا الزمن ماعاد به رجاجيل (( قصه بويات & بنوتات))

قبل يبدا كلاس الرياظيات..

زيود : منصور مابي احظر بنسير نشرد

منصور: صوب ادبي حفظناه وقوم عواشر يهالو وين تبينا نشرد

زيود : صوب العلمي

منصور: اوووه العلمي شو السالفه ماحيدك تحب قوم العلمي

زيود: لالا احبهم منو قال ماحبهم هاذيل كل دنيتي

منصور (( حس يطري منو بس مو متأكد ))

منصور : ليكون بس تطري اللي ف بالي

زيود : فديتها اللي ف بالك .. هيه اطرييها

منصور : مالقيت غير الريم يعني ماحييدها من الاستايل اللي تحبه

زيود : لا هالاستايل احبه انا .. يلا بنسير قوم العلمي

في حصه الأحياء

كان عند الريم عرض وكانت مستهم وايد طيبه

دق الباب زيود

منصور : خديه انت ههههه شو بلاك الناس يبطلونه ويشردون هههه مب جي

زيود : اسكت انت تراني بحظر الكلاس بلاك هههه

منصور : قوات عين والله خخخ

بطلت المس الباب

المس : شوفيكم بنات

زيود: مس ابي احظر وياج الكلاس سمعت انج ادرسين اوك ومستنا ماتعرف تشرح واحتمال انتقل عندكم

منصور((فيه ظحكه بس حاول يزخ عمره))

المس طيبه حليله ابتسمت لهم : خلاص اوك

زيود ((شاق الحلج واستانس يوم شاف الريم كانت واقفه وتعرض بوربوينت كانت صدفه حلوه))

منصور : اوه الريم اليوم المس هههه

المس: يلسو ورا ومابي صوت

زيود : تامريين امر فديتج

المس : يلا الريم كملي

الريم (( @@ مصدومه وتوترت )) : مس خلي بنيه ثانيه انا نسيت شي أطبع الاوراق

زيود: لالا كملي

المس : اسكتي

زيود : والله بس لعيونها بسكت <<يقصد الريم

الرييم : خلاص مس بكمل

كملت الشرح .. وطول هالوقت كان زيود سرحااااان ويطالعها ومبين عليه انه سرحان

هني الريم تنذلت قالت انا بسألكم واللي ماتجاوب تنسخ السؤال والجواب 30 مره

الريم : عويش (( زيود)) شو فايدة كريات الدم البيظاء؟

زيود ( توهق) اممم شو عيدي ماسمعت عدل

الريم : شو مراحل تكون الجنين

زيود: وايد طويل بكتبه لج بورقه وبعطيج

الريم : لا تقول جدام بنات الكلاس عسب يعرفون الاجابه

زيود ( وشكله كان يكسر الخاطر) اسف ماكنت مركز وياج يوم شرحتي هالبارت

الريم : اوك مو مشكله سؤال ثاني

زيود (@@) لازم يعني

الريم : شو فايدة كريات الدم الحمراء

زيود : يعني شو فرقت عن السؤال الاول بس مغيره اللون هههه

الريم : تنسخ السؤاليين يعني بيكون 60 مره

زيود : من عيوني

الريم استحت بس صدت للمس ..

الريم : مس خلصت

المس : حلو العرض تستاهلين 18

زيود: تستاهل 20 ليش 18

المس : تعالي بس مكاني احسن وانا اطلع برع

الريم ( ابتسمت )

استانس زيود يوم شافها ابتسمت

زيود : يلا مس لازم نظهر بيدق الجرس بعد شوي

الريم ماكانت تبيهم يسيرون ماتحبه بس تحس تستانس يوم يكون موجود ويااها .. بس يوم يكون عصبي محد يتحمله بس كانت شخصيته حلوه وقويه

منصور (( كان حاط راسه ع الطاوله راقد ))

زيود : منصور شو تسوي من الصبح ترسم ع الطاوله

منصور: هاااا شو تبي انت

زيود : راقد الحبيب

منصور: خلصنا شو تبي اقولك اطلع برع مو فايج لك

زيود ( ظربه ع راسه ) اقولك يلا بطلع خلص الكلاس

منصور (نقز وهو مسطل ) : اي كلاس

تذكر عقب زيود تم يظحك علييه

الريم كانت اطالعهم بس يوم يصد عليها زيود تسوي عمرها ماتشوفهم

في البرييك

زيود: منصور دخيلك قول للريم تمشي وياي بس اليوم

منصور: انت تعرف الريم ماتحب هالحركات وصعب تقتنع

زيود: حاول دخيلك .. ربيعك يتعذب تراه

منصور: دخيللك عاد هههه

سار منصور عند الرييم يقنعها

منصور : زيود يبي يبي يمشي وياج

الريم : شو @@ تستهبلين حظرتج مابي لو الموت

منصور: شو بتسوين يعني في البريك

الريم : بتم ف الكلاس بدرس عندي كويز

منصور (( يت ف راسه فكره)) خلاص اوك برايج

سار عند ربيعه زيود وخبره

منصور: سير عندها الكلاس ايلس وياها .. ترا الريم طيبوبه بس يبالك ماتعصب عليها لان لو عصبت خلاص ماتتحمل وتكرره

زيود : فديتها والله

سار زيود الكلاس

منصور: انا بسير اللحين عند عذور دير بالك ع اختي

زيود: بحطها ف عيوني

دخل زيود الكلاس

الريم (انصدمت يوم شافته) شو تبيين انتي

زيود: ابيج انتي

الريم : عن هالرمسه البايخه

زيود: الريم ليش انتي جي وياي

الريم : لان انتي تجبريين الناس يعاملونج جي

زيود : ليش شو مسوي انا

الريم : شوفي استايلج شوفي كيف حالج ولوين وصلتي

زيود: ومنصور مو جي يعني

الريم : منصور ستايل بس واهم شي انه مقتنع من داخله انه بنيه وكان بيتغير بس يوم ييتي انتي تغير للأسوء اكثر

زيود: انتي تعرفين ليش ياي اللحين

الريم : ليش

زيود : انا ابي اتغير مليت من الحال اللي انا عليه احس ربي مو راظي عني

الريم ( استانست وايد ) طيب ف شو اقدر اساعدج

زيود ( استانس لان كل اللي خطط له يمشي صح بدا يكسبها بهالطريقه ) اممم ماعرف بس ابيج ماتخليني وتساعديني

الريم : ان شااء الله

زيود: ممكن اخذ رقمج

الريم (( شكتت)): ليششش

زيود : لايروح فكرج لبعيد بس ابيج توعيني للصلاه ابي احد ييلس ع راسي وجي فهمتيني

الريم : اوك

كتبت له الرقم وعطته

زيود تسلمين الريم الله يخليج لي .. انا ساير اللحين بخليج تدرسين وسموحه ظيعت وقتج

الريم : مسموحه ^^

ظهر زيود من الكلاس

منصور: عذور شوفيج اليوم هاديه

عذاري: ماشي حبيبي بس مظايجه شوي

منصور: ليش

عذاري: لأن مابقى غير اسبوعيين ونخلص السكول ويمكن تبتعد عني وتحب غيري

منصور: فديتج حبيبي لي جي تفكريين ..محد بيفرقنا

زيود (( من بعييد يزقر منصور)) منصووووووووور احبببببببببهااااااااااااااا

منصور عرف يقصد منو ابتسم

عذاري ( بلقافه) يحب منو

منصور: يحب الريم اختي

عذاري ( بحقد وكانت تفكر بشي ) : هيييييييه

زيود: اخ والله بتخبلني اختك احبها

منصور: شو مستوي

زيود ( يطالع في عذاري ويرمس منصور) بعديين بخبرك

انقهرت عذور من هالحركه

دق الجرس

في الكلاس كانت في ايمو اسمها عنود كان خاطرها تتعرف على منصور وزيود

وفي الحصه طرشت سكتر لزيود

ممكن باجر اسير وياكم ف البريك

ابتسم زيود وكتب ف استكر ..اسف مامشي ويا كل من هب ودب

وصل الاستكر

عنود قرته وحدها معصبه من رده وهو يشوفها وناقع ظحك عليها .. عقب قطعت الاستكر وهو يطالعها

عقب كتب ستكر ثاني قال لها استهبل وياج بس حبيتا وصل لج فكره ان صعب احد يوصل لي .. بس دخلتي مخي

ابتسمت عنود من رده بس سوت طاف

في الجامعة

خلود ( لودي) : يلا نشي صلاه

مهره : يلا انزين بنش خلاص لاتسوي جي لازم تحببينا بالصلاه ههه

لودي: حببناج مافاد ماينفعلج غير الشده هههه

مهره : تعالي كم حطلج السير

لودي: بي

مهور : مشاء الله عليج

لودي : يلا انا بسير اصلي وبرايج

لودي عمرها 20 بعمر منصور وزيود . كانت طويله شعرها طويل وظعيفه .. كانت وايد حلوه وشخصيتها حلوه مدينه وبنفس الوقت اجتماعيه وتحب تساعد البنات ..

مهره اختها عمرها 22 وكانت وايد تخاف وايد ع اختها تحس انها ياهل وبسرعه ينقص عليها لانها طيوبه

دق الجرس وكان على الباصات

زيود: يلا بوصلكم بسيارتي

منصور: والله فيك خير .. هييه صح نسيت عسب ناس هههههه

زيود : جب وسير ازقر اختك

راح منصور يزقر الريم ع اساس يسيرون ويا زيود

الريم : يلا ياييه

في السياره كانت الريم هاديه وتفكر ف كلام زيود كانت تحس بشي غريب بس ماتعرف كيف تترجم شعورها

منصور: اقولك شو مسوي انت ف هالايمو نسيت اسمها حتى

زيود: ماشي بس لعبت بأعصابها شوي هههه

منصور: ع فكره طرشت لي ستكر كاتبه خقاق ربيعك كيف متحمله

زيود : هههههههههه اراويها باجر

منصور: اليوم احلى شي يوم توهقت ويا الريم هههه

زيود: هيييه الله يسامحها تعرف اني سرحان فيها

الريم : وبعديين يعني مابتصطلب ولاتنسى باجر تنسخ السؤال 60 مره اقصد السؤاليين

زيود: من عيوني هذا اول شي بسويه

عقب وصلو البيت

نزل منصور

منصور: تعال كل يوم وصلنا ههههه

زيود : افا عليك تامر امر ويغمز للريم

الريم : سي يا

زيود : سي يا

منصور : يلا اجلب ويهك

زيود: ويت منصور طلبتك قول عطيتك

منصور: عطيتك

زيود : ابي ايميلها

منصور ظهر من السياره و هو يظحك : تبيييه اطلبه منهاا

سارو البيت دخلت الريم تبدل ملابسها .. وكانت تفكر بكل شي صار لها ..هي حست بإحساس غريب تجاه زيود وتبي تساعده بس ماتعرف شو نيته بالظبط