منتدى استراحات زايد - فليتذكر الذئاب بأن هناك فتيات من حديد لا ينجرفن ورائهم

تدمع العين ويحزن القلب والله على مثل هذه النهااية المؤلمة والمفجعه..

المشكلة تعرف وين أخي الكريم العمر ما يسوى ربي يحفظك ياارب إن الشاب عرف وين نقطة ضعف البنت كلمات معسوله تخليها تعيش في عالم ثاني شو أقوول غير حسبي الله ونعم الوكيل على كل من تسوغ له نفسه لمثل هذه الحركات القذرة والحقيرة ..

سؤال أوجهه لكل الشبااب إذا إنت في خاطرك الزواج وأسفه أقولها الجنس ليش ما يكون بالحلال بحيث أنت ترتااح والبنت ترتاح وتكون القصة جدام النااس وبدون خوف من فضيحة أو عاار ليش اللف والدوران ..

تصدق أخي الكريم لو قلت لك إني تعقدت من هذا المووضوع وصارت عندي أزمة نفسية والحين أكرس حياتي لحل مثل هااذي الموااضيع بس المشكلة إن نفسيتي تتأثر وأتعب والله بالأخص البنات اللي أعرفهن شخصياً واللي وكلوني لحل مثل هذه المشااكل ..
أحل المشااكل بس عقبها أبكي وبحرقة والله على ما وصلت حالتنا من الرذيلة والإنحطااط..

بس فعلاً شيء في قمة الحقارة بإن البنت تعطيه الثقة بسذاجه وبكل طيبه وهو يبادلها بالغدر والطعنه والفضيحه ..

آه بس شو أقول ولا شو أضييف...!!

بس حتى لو صار الذئب الحقير وهددك لا تستلمي له لأننا ولله الحمد عايشين في بلاد قاانون وشيوخنا مو مقصرين وعدنا خدمة الأمين لمثل هااذي المشااكل والقيادة العامة لشرطة دبي بعد مو مقصرين والله جهود جبارة تبذل فيها..
والحقير هذا يجيبوه من تحت الأرض ..
فلا تصيرين غبية للمرة الثانية وتسمعين كلامه تراه بس يخوفج وما راح يسوي شيء لإنه جبان وحقير ..

ورسالة لكل شاب بمثل هاذي القذارة أقول له كما تدين تدان مهما طال الزمن ولا قصر والله ثم والله إن الشيء اللي تسويه في بنات النااس تشووفه في بنات أهلك وأكييد أنت ما ترضى على بنات أهلك فخاف ربك وأتقى الله في نفسك وفي أهلك وين راح تسير من عذااب ربك ..

(((( فليتذكر الذئاب بإن هناك فتيات من حديد لا ينجرفن ورائهم))))

ما عندي شيء غير الله يستر على بنات المسلمين وشباب المسلمين والله يهدي الجميع..

أخي الكريم العمر ما يسوى القصة راح تكون بإذن الله تعالى في ميزان حسنااتك ودعواتي لك بالسعادة الأبدية والراحة النفسية ..
والله يرزقك على قد نيااتك والله يرزقك بالزوجه الصالحة ..
وكثر من الموااضيع الهاادفة التي تجني من ورآئها بإذن الله تعالى الربح في الدنيا والآخره..
والله يكثر من أمثالك..