منتدى استراحات زايد - احــبك من صغر سني ** ما بالغ من يوم ميلادي

اسعد اللحضات في عمري حبيبي 000
لي نظرتك تبتسم وانت معايه 000
كنت تشيبك دنيتي وانت طبيبي 000
وانت روح الروح واوصالك كفايه000
نظرتن منك تطفي لهيبي 0000
والهنا في قربك وهذا منايه 000

اليوم هو اليوم الي متفقين ايروحون فيه المزرعه ظهرو الشواب في سيااره والشباب في سياره
سياره حمد مايد ومها والود ووسياره حمدان شوق وامل وريم
وصلو المزرعه الساعه 4 العصر وراح كل واحد يريح
والشباب راااحو يتسبحون في الحوض والبنات ميتات قهر

مايد : هاا ودووه اجوفج محتره
الود : ليش انشاء الله
حمدان: عسب احنا نتسبح وانتو لا
الود : ااااععع اصلن لو المووت ما تسبحت اع
حمد : ليش فديتج ؟؟
الود : عسب الماي وصخ ورااحت عنهم
مها وريم: احسن ادبتيهم
الود : اعرف
وراحن البنات الفله يكملن سواالف مع امل وشوق
الشباب ظهروو من الحووض ورااحو داخل يغلسن علي البنات
وفليل كانو الشباب والبنات امورين ضو وقاعدين عدالها وكان الجو وايد حلوو
ريم : اقوول حمداان شو رايك اتقول شعر
حمداان : لاتعبين عمرج لاني هب قايل
حمد : حمداان يلا عاد سمعنا
ماايد : هيه حمداان
مها : شوفو انا عندي اقترااح شورايكم فيه ؟؟
الشباب والبنات : شووو؟؟؟
مها :حمدان ايقول شعر والود بعد
حمداان في خاطره يااي وبعد تعرف تشعر بمووت فديتها محلاها قمر والله قمر والازرق ايجنن عليها
الود كانت لا بسه كندووره زرقا وكانت امحطيه اجحال وقلوس خفيف واخدودها طبيعيات لونهن وردي وطالعه صدق حلوه واحلي مافيها اعيونها العسلياات الكباار
شووق : لا الود تغني صوتها يجنن عسب حمدان يشعروالود تغني شورايكم
حمداان : دام جيه اوكي بتحدي ام لساان
الود : منوقال اني موافقه
حمد : حراام ودووه يلا
حمداان :اصلن ماترووم تتحداني
الود : مسكين حالك والله ثرك بعدك ماتعرف منو الود
حمد: عااشت ختيه اموااح
الود: اوكي اتحدي بس بشرط
حمداان : شو ؟؟
الود: مش علي الصووت والادااء
حمدان : عيل علي شو ؟؟
الود : نتسابق في الخيوول اوكي
شووق : يااي عجيبه الفكره
ماايد : تحدي حلو
حمداان في خااطر عنبو مقوااج ظهرتي قويه ولا تخافين من التحديات
الود : هاا حمداان شو قلت
حمدان: غايتيه قد التحدي
الود : قده واقدوود
وشعرحمدان وهو يقول في شعره 0000
أخاف أقولك احبك وتبادلني بعدك
مع إني أموت في حبـــــــــــــــك
تدري أني بشــــــوق انتظــــــرك
وأتمنى لحظه قربـــــــــــــــــــك
احبك واحلف بربي أني احبك
بس للأسف ماني بقلبــــــــــك
كل محاول اقرب تبعد عني كن ماعرفني قلبك
عجزت أفكر كيف اكسب حبك
عيني ثواني ماتصبر من دون شوفتك
حفظتك فقلبي وعلى غيري بديتك
وكل ماشوف حروف أعدهم واركب اسمك000

وعقب الود وغنت الود اغنيه تنتظر كلمه احبــك 000وماعرفو منو يختارون لانه كل واحد
شعره واداه احلي من الثاني وطبعا الود كانت عارفه ان القصيده كانت لها لان حمدان طول الوقت كان يطالعها وهي كانت سرحانه فكلماته واثرت فيها شوي بس طبعا كعادتها الغرور بيذبحها وسوت عمرها ولا مهتمه وقامت وعقب راحو الاصطبل ايظهون الخيول حق التحدي
حمدان :ها بعدج مصره
الود : هيه
واتسابقومن اول المزرعه الين الدروازه وفازت الود ومحد كان متوقع انه الود بتفووز
حمد:ششتتتتتتت ودووه كيف عجيبه
حمدان مستغرب كيف انها فازت واستغرب منها
وعقب رااحو داخل وحمدان تم واقف برع عسب ياه تيلفون وهو كان قاعد يرمس ويوم سكر التفت وجاف الود واقفه
الود : هاا شو رايك ؟؟
حمداان :عنبوو انتي مش بنت ولد
الود : نعم نعم اخ حمداان اييه بابا انا بنت بس من يوم اناصغيره اعرف ا لفروسيه فهمت وكل ما اتكون عندي اجازه أي اهنيه ادرب
حمداان :هيه اتصدقين ودووه
الود : شو
حمدان : احسبج انتي غير عن كل البنات
الود : كيف يعني ؟؟
حمدان: يعني انج قويه ومستحيل تستسلمين وطيبه وحبوبه وحلوه بعد
الود اهنيه حست بشي هااي ثاني مره يمدح جمالها الي كلحد ينعجب في جمالها
ورااحت عنه وقبل ماترووح بغمت بغمه واركضت تتمسمك في ايد حمداان وحمدان فاتح اعيونه ولاكن حس باحساس غريب وعقب قال : ودووه شو فيج
الود : حمداان صرصور عند الباب اجتله الله يخليك ابليز
حمدان نقع من الظحك :احين انتي اتخافين من الصرصور الصغير\
الود : حمداااااااااااان يلا عااد والله اخااف بموووت اجتله000وحمدان قاعد يطالع شكلها كيف حلو 0000
الود : حمدااان اتحرك الله يخليك هكووه جرب اماااااااااااااااااايه وكانت اشوي وخلاص بتصيح
حمداان احين هووين ؟ هو احين في عالم الود
ركب الصرصور علي كندووره الود واهنيه الود خلااص قعدت اتصييح ميته من الخوف اخر شي سوته اتعلقت في حمداان 000 حمدان احين استوعب يوم جافها اتصيح شرات اليهال
الود : حمداان الله يخلييك شله شله ودموعها اربع اربع
حمدان كسرت خاطره كيف اتصيح اخر شي جتله والود بعدها اتصيح
رااحت ويلست علي الارض وحمدان راح وقعد امجابلنها
حمدان: ابا افهم احين ليش الصياح خلاص مات
الود : ثرك انت ماتعرف انا يوم اجوف صرصور امووت وليش ماجتلته من اول ماقلتلك
حمداان:لنج ياماما مااسكه اديه كيف ارووح
الود فاتحه اعيونها ولون اعيونها العسليه تلامع شرات الؤلؤ وفي خاطرها مفتشله احين بيقول عني ياهل وقعت اتفكر
حمدان عرف انها استحت لانه جاف ويها كيف غدا من المستحي
الود : اقول باي 000 وراحت من دون ماتترياا يوم حدرت داخل جافت الكل نايم من التعب
اليوم الثاني كل حد قام من وقت عسب بيرجعون بوظبي
واستانسواا الشباب في هاي الرحله واايد

0000في ثواني في دقايق 000
000في شهر ولا سنه 0000
000القلوب هيه الي تحكم 000
000 ماهو انت او انا 000

عقب مروو اشهور من روحت المزرعه
والود وريم امتحاناتهم قربت
في بيت محمد
شوق منسدحه علي السرير والودمعاها
الود وهي تطالع الصقف وتلعب في قلبها : اقول شوشو
شوق : قولي
الود : اتحبين حد ؟؟؟
شوق : لا انتي ؟؟
الود : لا بس في خاطريه احب
شوق :عيل احس انج تحبين حمدان
الود : انا؟؟
شوق :هيه لانه حمدان يحبج من يوم ماكنتو يهال
الود استغربت وقامت اعتدلت
شوق : شوفيج يلستي
الود : شو دراج انه حمدان يحبني
شوق : لانه يوم كنتو يهال كانو محيريمكم لبعض
الود : بس هايوم كنا يهال مش احين
شوق : ولين احين يباج حمدان
الود : بس انا قايله ماريد ا خذ حد من اهليه
شوق : ودوه حبيبتي شلي عنج هل التفكير
الود : ليش؟؟
شوق : لانه حمدان يحبج فحراام صدقيني وهو ولد عمج واولابج
الود : بفكر 000وراحت الود غرفتها وهي اتفكر في كلام شوق ولين مانامت واهي تفكر

في بيت احمد
حمداان كان قاعد يفكر في الود وكيف يوم كانو يهال ويذكر الود وكيف يوم كانت دلوعه واذكر يوم
تمسكت فيه وظحك ونام
في اليووم الثااني

اليوم هو يوم امتحان الود وريم ومها
وكانوالود والريم يدرسن مع بعض
عقب راحو لمطبخ يسوون شي ياكلونه
الود: رييموو وين الصحون ماليلكم
ريموو : في الكبت هذا روحي
وحدر عليهم حمداان واهو يشوف الود وهي اتسوي همبرغر واشوي والود صرخت راح حمدان يطالعها
حمداان واهو خايف علي الود: شو فيج ؟؟
الود : احترقت
حمداان: خلي عنج البشكاره بتسويلكم انتي روحي ريم روحي يبي ابلاستر
وحمدان حط عينه في عين ود وكانو يتكلمون كلام العيون ماحد يفهمه غيرهم
الود ارتبكت من نظرااته ورااحت عنه دااخل
وعقب رجعت الود بيتهم وهي اتفكر في حمدان
وعقب نامت 000
ومرن الاياام وخلصن الود وريم امتحانات
الود علي اعصابها تتريا النتيجه
وقاعده علي النت وكل حد قاعد علي اعصاابه
واشوي ظهرن النتاايج وحطت رقم جلوسها ويووم جااافت النتيجه انصدمت
وقعده اتصييح 000
الود : لا مستحيل هذي نسبتيه انا اييب 96% مستحييل ما اصدق
وقعده تقراا اسمها مره واثنين وثلاث يوم استوعبت انه هاااي نسبتها حولت تحت وهيه تركض
ويوم وصلت علي اخر دري اتخرطفت وطااحت وعقب قعدت اتجووفهم
وحمد وشووق وامها وابوها مستقربين شو فيها !!!
حمد: ودووه شو يااج اتعورتي ؟؟
الود : هااا !!!
حمد: شو فيج جيه اطاالعيناا
ابو حمد: الود اماايه شي ياااج ؟؟؟
الود: لا
ام حمد: عيل اماايه ليش كنتي تركضين ؟؟
الود وهي فااجه اعيونها بكبرها : اماايه مااصدق نسبتيه 96%
ام حمد : مبرووووووووووووك فديتج واشعنه ما اتصدقين
بوحمد رااح عند الود وحضنها : مبرووك غنااتي
الود وهي بعدها في حالة الصدمه: ما كنت اتوقع اييب هااي النسبه
حمد: شششت ولا بنت مصريه
الود وتفز من حظن اوها : ابووووووووووويه جووف حموود بيحسدني
ام حمد: اذكر الله فيها عنلاتك يا الهرم هااي ختك
حمد: اماايه شوو فيج عليه
ام حمد: ماشي بتحسد ختك
شوق: مبروووك حبيبتي
الود : لا والله توه النااس
شووق: شو اسوي ما عطوني مجاال
ابو حمد: شوراايكم انسوي حفله حق الود
الود : هيييييه صح ذكرتني ؟؟
بو حمد: شوو فدييتج؟؟
الود : برووح اتخبر ريموو بنت عمي كم ياابت واربعت اتدقلهاا
توووووووووووت تووووووووت ايرن التيلفون
حمداان: الوو مرحباا
الود: ياا مرحباا السااع في ولد العم
حمداان : هلا والله في الدحيحه اشحاالج
الود : حمدانووه يا السباال بتحسدني قوول ماشاء الله
حمداان: ياابوج كلتينا ماشاء الله ارتحتي
الود : هيه
حمداان : مبرووك علي النجااح وعقباال الي في بالي
الود : شو الي في باالك ؟؟
حمداان : مايخصج
الود: لا والله انززين عطني ريمووه احسن منك
حمدان: افا ياا بنت عمي مليتي مني
الود: هيه والله شو اسوي سواالفك ممله
حمدان : خيبه امره كاش في الويه
الود : والله انا ما اجاامل المهم عطني الدبه ريموه
حمدان : لحظه 000رييييييييييم ريااااااااااااامي
ريم : هاااا لحظه ياايه
حمدان: الود اتري احين ياايه
الود : اوكي
وصلت ريم : هاا حمداان شو اتريد
حمدان :الود تريدج
ريم : عطني السمااعه
ريم : هلا والله بالمصريه
الود : اهلين وسهلين وبوستين علي الخدين امموااح اموااح ثاانين قولي ماشاء الله امحق
ريم : ماشاء الله ودووه ظهرتي اشطر عني
الود: اسكتي والله انا امبوني منصدمه من علامتيه مش امصدقه
ريم : ايحقلج لازم96وين بتصدقين وانتي ماكنتي تدرسين عدل

الود: عيل لو كنت ادرس كم كنت بيب
ريم : اشدراني
الود: صح ريموه كم يبتي ؟؟؟؟
ريم: اسكتي لا تتخبرين
الود: لايكوووووووون رسبتي ؟؟
ريم : فال الله ولافالج مالت عليج
الود:عيل كم يبتي؟؟
ريم : 89%
الود : انزين زين احسن من لاشي
ريم : اعرف الحمدالله بس اتعرفين انا شاطره هب اني كسلانه
الود : المهم انج نجحتي هذا أهم شي
ريم : صح لاكن بعد
الود : انزين ريمو اقولج ابوويه امسولي حفله يوم الخميس تعالوو
ريم :فالج الطيب اكيد اول الناس احنا
الود :اوكي عيل اخليج بدق احين حق مهو السبااله
ريم : اوكي سلمي عليها
الود: اوكي ببااي
ريم : جااااااااو
وسكرت الود من عند ريم ودقت حق مها وقعدت اتسولف معاها