منتدى استراحات زايد - --{ عِِـيٌـٌِِِـِوِن أَحْـــمَـــدْ .~

--{ مرحبا السآع .~

شحالكم .. عساكم بخير =)

لوووووووووووووووووووووووووول .. الصراااااااحهـ يوووم شفت الردووووووووود .. استانست =)
يلا حمستووووني و السموووحه ع التأخير =)

.........

--{ عيون أحمد .

الجزء الأول .~

يوم الخميس .. في مدرسة ***** الخاصهـ .. الحصه الرابعه قبل الفسحه

ميثا : اف ياربي شو هالممدرسه اللي الله باليني فيها .. عيل في مدرسه تكووون فسحتهم عقب الحصه الرابعه ؟؟
ريم : هيه .. مدرستج !!!
ميثا : ريمووووه والله يوووعااااااانه .. مب مدرسه اعنبووووهم عذاب !!
ريم : الا اعنبووج انتي ما همج الا بطنج .
ميثا : يعني تبيني اموت من اليوع مثلاً .
ريم : ما قلنا موتي من اليوع .. بس اصبري شوي الحين بيرن الجرس .
ابلة العربي : ست ميثا و ست ريم .. شاركووونا في موضوعكم .. عن شو عم تحكووو !!
ريم : ها !! .. ما في شي .
ميثا : ابله الصرااااحه انا بطني يعورني بمووووت لازم آخذ دوااايه و ما يستوي آخذه و انا هب ماكله شي فمن جي لازم آكل شي .
الأبله : أيه ميثا .. بس ما بيصحلك تاكلي في الصف هادا بيسموووه قلة ادب .. و بعدين هلى بدو يرن الجرس انطري شوي .
ريم (( بصوت واطي )) : ميثووه خلاص هانت الحين بيرن الجرس .
ميثا : اسمحيلي ابله بس خله يستويبي شي بقووول ابله بشيره اللي تدرسني عربي ما خلتني آخذ دوايه .. عااد انتي تفاهمي ويا ابووي .. و بعدين ابله شو قصدج قلة ادب .. يعني انا اهلي مب معلميني الادب .. ابله ما اسمحلج !!
..اونها من الله تدور علثه عشان تتناقر ويا الأبله و تيا تطووف الوقت و عشان الأبله تطلعها ..
الأبله : لا لا .. خلص روحي دخيل الله روحي .
ميثا : شكراً ابله .. قال الرسول صلى الله عليه وسلم : ارحمو من ي الأرض يرحمكم من في السماء !
الأبله : يلا روحي .
و سارت ميثا و دارت في المدرسه و سارت و اشترت من المقصف جان يرن الجرس .
ريم : ميثووووه حسبي الله ع بليسج مب لسان عليج مشاءالله .
ميثا : جفتي عاد هاللسان اللي ترمسين عنه طلعني و فكني من الابله .
ريم : هههه .. هيه والله .
تمت ريم و ميثا يحوطون في الساحه .. تمت ميثا سرحاانه .
ريم : بسم الله وين سرحتي دبوووووهـ !!
ميثا :: (( بعدها سرحانه ))
ريم : ميثووووه و ريل انشاءالله !!
ميثا : هاا .. آمين =)
ريم : هي من طرينا الريل فزيتي .
ميثا :فديته ريلي شو تبيبه .
ريم : (( في خاطرها : هيه والله يا حظه .. مشاءالله عليج ميثووه .. جمال و عيوون ذباحه و حياه مقروونه ع الخفيف جنها مرسووومه .. و جسم متناسق .. وكله ولا شعرج الطويل اللي يوصل لين ركبج .. فديتج والله الله يحفظج ))
ميثا : ريمووووه .. منو اللي سرح الحين !
ريم : انا لا سرحت ولا شي .. صح تعالي ميثوووتي شو فيج ابا اعرف بشو كنتي سرحاانه .. شكله شي جايد .
ميثا : هيه والله .. يا ريموووه لو تعرفين شو اللي شاغل فكري و قاهرني .
ريم: انطقي شو ؟
ميثا : ريموووه والله متحسرهـ ع حالنا !!
ريم : أي حال .. ايييه انطقي .. بسم الله شو مستوي !!
ميثا : مافي شي مستوي .. بس قاهرتني الحاله اللي نحن فيها .. تخيلي بنت عمج وياج في الصف و ما بينج وبينها شي ... ولا انتو شالين نفس االإسم و ما بينكم غير السلام .. والله اعرف انه عايلتنا كبيره .. بس والله ودي نكووون عايله بالمعني مب بس بالإسم .
ريم : ميثوووتي انزين انتي مب ايدج حيله هم جيه من يووووومهم .
ميثا : والله يا ريم ودي اقترب منها .. ودي اني ما خش عنها شي و ودي انها ما تخش شي عني ابد .
ريم : لقييييييييييييييتها .
ميثا : شو لقييتي انتي الثانيه .. طاع انا شو اقوول و هي وين !
ريم : انا عندي حل .
ميثا : قولي يا ام العريف انتي .
ريم : ليش ما تقتربين منها و تيلسين وياها في السكووول و ما ليش ما تاخذين ايميلها ومن هنااك بتتطور الأموور .
ميثا : صح والله كيف ما يت في بالي هالفكرهـ .
ريم : احم احم .. ماشي شكر يعني .
ميثا : فديييييييتج انا .. والله مادري شو اقدر اسوي من دونج .
ريم : اقل شي اقل شي .. ما تقدرين تعيشين .
ميثا : ههههههههههه .. لا تشوفين عمرج واااايد عاد .. يلا عالصف رن الجرس .
ريم : يالله هانت حصتين بس و بيرن الجرس و سيييده البيت رقاد .
و مرت الحصه الخامسه و السادسه و السابعه و اخيرن رن جرس البيت .
.. ميثا شافت في ويها عفرا بنت عمها يمعه فحبت تسير تسلم عليها .. الحبيبه توها يت تسلم .. مب حنهم في صف واااحد ..
ميثا : هلا والله .. شحالج عفاري ؟؟
عفرا : الحمدلله بخير .. انتي شحالج ؟
ميثا : السموووحه بنت العم السموووحه ما سلمت عليج مساعه .
عفرا : لا عااادي .
شوي ويت سجا ربيعة عفاري الروح بالروح .
ميثا : هلا سجوووي شحالج .
سجا : الحمدلله انتي شحالج ؟

ميثا (( في خاطرها )) : ياربي ما اطيق هالبنت ماادري عفاري كيف طايقتنها .. بروح احسن لي ..
ميثا : الحمدلله يسرج الحال .. خلاص عيل بخليكم بسير اشوف ريمووه .

و سارت ميثا عنهم .
سجا : اويه من وين طالعه الشمس .
عفاري : شو قصدج سجووي ؟
سجا : غريبه ميثا يايه تسلم لا لا ما اصدق .
عفاري : عادي شو فيها بنت عمي ويايه تسلم علي ما في شي غريب ؟
سجا : بس مب بالعاده .. ما بغت تكسر غرووورها و خقتها .
عفاري : السمووووحه سجووي بس ما اسمحلج تغلطين عليها ولو ترى تبقى هاي بنت عمي و من لحمي و دمي .. صح انه نحن مب واايد ويا بعض .. بس ما بعد ما اسمحلج تغلطين عليها .. و لا تقوولين غروور و خقه .. يمكن ماتي تسلم مرات لأنه عندها ظروووف .
سجا : ظروووف قالت .. لين متى بتمين تحطيلها اعذار خلاص تقبلي الواقع .
عفاري : سجوووي قتلج انتي ما تعلمين ظروووفها .. و بعدين انا و بنت عمي انتي شو دخلج .
سجا : اصطفلي انتي و بنت عمج انا بخليج وصل الدريول .
..
ميثا (( في خاطرها )) : اف وينها هاي ريمووه ما تصدق اهدها لحظه سيده تختفي .. اكيد روحت .. اويه استوت الساعه هنتين و هالدريول ما وصل .. شو السالفه ..
المدرسه خلت و ما تم فيها حد غير ميثا و عفاري و كم بنت ما يعرفووونهن .
عفاري (( في خاطرها )) : شو السالفه لين الحين دريول قوم عمي ما وصل بالعاده يوصل من وقت .. اسير اسئلها شو السالفه ولا لا .. ممم .. اكسر الخطوه ولا لا ..

شوي الا و عفاري سايره صوب ميثا ..
عفرا : خير ميثا غريبه لين الحين ما وصل دريولكم بالعادهـ تروحين من وقت .
ميثا : ما ادري شو سالفة الدريول اليوم .. يا خوفي سار ويا امايه مشوار و نساني .. الا انتي اللي ليش لين الحين ما روحتي .
عفاري : انا دووم اييني الدريول هالوقت عشان الشيخ خلف (( عمها )) دوومه يتأخر يتم يلعب ويا ربعه بالكره ..اكيد الحين بلقاه عند الباب .. انزين شو رايج تين وياي انا بوصلج .
ميثا : لا عادي عفاري مابا اثجل عليج .
عفاري : اعنبووه شو اثجل عليج ولا شي .. نحن اهل و ما بينا هالرمسات .
ميثا : خلاص عيل اوكي .
اما في القسم الثاني من المدرسه (( قسم الأولاد ))
عبدالله سهيل : فديت عمي انا .. خلف ياخي والله احبك ..
خلف : عبووود من الحين اقووولك قوول شو عندك .. اكيد شي عندك .
عبدالله : ما عندي شي ولا شيات بس جيه احبك يا ريال .
خلف : مشاءالله .. والله و نزل ع راس النحس الحب .. ابد مب مصدق من الحين اقوولك قوول شو عندك .
عبدالله : ممكن توصلوني البيت .
خلف : ليش وين سيارتكم .
عبدالله : ها .. تراني قلت حق الدريول يروح لأني بروح وياكم .
خلف : مشاءالله .. بعد مخطط الأخ من زمان و توه يقوول .
عبدالله : يلا عاد بلا مذله ما يسوى علي انا ولد اخووك جذه تسوي فيني عيل الغريب شو .
خلف : ايهي .. الحين بيسويلي افلام هنديه طوووف .. بس انا اعرف اصلاً انت مب ياي ويانا محبةً فيني .. يا ي عشان حبيبة القلب .
عبدالله : ابد .. ياي عشانك والله .
خلف : عشاني هي ما عليه صدقتك يلا طوف اقوول عن ما تتحرطم عليه حبيبة قلبك .
جان يربكووون خلف و عبدالله .. و مرو ع البنات .. فالسياره خلف ركب عبوود جدام عشان ما ييلس عدال عفاري اللي هي بنت اخو خلف و تستوي بنت عم عبوود ..

عفاري : ميثا يلا هكوو الدريول وصل ..
ميثا : ليكوون حد وياه .
عفاري : لا محد وياه الا خلف عمج .
ميثا : اووه حليله اتولهت عليه من زمان ما شفته .
في السياره ..
عبوود : خلف اتخبرك منو هاي اللي ويا عفاري .
خلف : تصدق ما اعرف .. ياربي انا قايلها ما تييب حد من ربعها وياها احراج ولا اليوم انته ويانا .
عبووود : صدق ما عندك سالفه دام انه ربيعاتها جيه غرااام خلها كل يوم تييبهن .
خلف : ههههههههههه .. طاع ها انتو صدق انك طالع ع اخوووك احمدوه .. بس صدقكـ ربيعة عفاري حلوه .
عبوود : اسكت يو .
دخلت عفاري و وراها ميثا .. طبعاً ميثا بطلت عيوووها منو هاييل اللي في السياره .. هي ما تعرف انه اللي في السياره عمها و ولد عمها .. لأنها من زمان ما شافاتهم .. فلأخت ناسيه أشكالهم ..
عبووود : هلا والله بالغلا .. شحالج .
خلف : ايه استح ع ويهك انا هني و جيه ترمسها جدامي .
كلهم ضحكو .
عفاري : اهلين .. يسرك الحل ولد العم .
ميثا يووم سمعت عفاري تقوول ولد العم تفاااجات زيااده .
عفاري : ممم .. خلف و عبدالله .. هاي ميثا بنت عمي سعيد .. ميثا ها خلف عمي و ها عبدالله ولد عمي سهيل ..
من رمست عفاااري .. و الكل مبطل عينه و منصدم من الكلام اللي سمعه .. الاولاد اصلاً من الأساس ما كانو يدروون انه بنت عمهم في نفس السكووول وياهم ..
خلف : لا لا ما اصدق ميثا بنت اخووويه ويانا ولا عرفتها .. اسمحيلي ميثاني .. شحالج ؟
ميثا : الحمدلله يسرك الحال .. انت شحالك ؟
خلف : مانشكي الحال .
عبدالله : how r u cuzn ?
ميثا : fine gd & u ?
عبدالله : not bad
خلف : بسكم فلسفه بلعنجرييييزيي ترى والله ما افهمه ..
عبدالله : والله ما ادري ليش يدفعووون حق المدرسه 20 الف سنوياً والله ع الفاضي يووم هالنتايج .. حتى شحالك بالإنجليزي ما تعرف .
عفاري : لا دخيييلك يا الدحيييح انت اللي تعرف .. زين اذا نجحت شي من المواااد بروووحك بدووون رشاوي و بدون تقردين .. عفانالل كله منجحييينك بالمصحله .
ميثا حبت تغير الموضوع لأنهم شكلهم بيتجاتلووون .
ميثا : شحالكم بعد .
الكل : بخير
خلف : شحال ابووج ؟
ميثا : الحمدلله بخير .. البارحه مسافر فرنسا عنده شغل هنااك
الكل صخ .. لأنه معرووف انه ابو ميثا دوووم يسافر .. حب عبوود يغير السالفه و تم يغازل عفاري و يلعوزها .. شوي وصلت ميثا بيتهم خذت ايميل عفاري و نزلت البيت .
اول ما دخلت ميثا البيت تمت تتحرطم ع الدريول اللي نساها .. طلع الشيخ غط في نومه .. سارت ميثا حجرتها و هي تغني و حالتها حاله الإخت فرحانه .. بدلت ثيابها لبست بيجامه ورديه كيوووت عليها بنت صغيره .. و صلت و رقدت ..

الساعه 3 ..
في الجامعه الأمريكيه – دبي تحديداً ..

احمد ج يالس في الكلاس و لايعه جبده من المحاظره .. قام و فتح المسن بالدس .. لقى ولد عمه احمد
.
Ã7mãĎ : احمد يمعه
المنصوري : احمد سهيل

المنصوري : هلا هلا بإبن عمي ؟
Ã7mãĎ : اهلين اهلين ..
المنصوري : كيفك .. انشاءالله منيح ؟
Ã7mãĎ : منيح بشكر الله .. انت كيفك ؟؟
المنصوري : وينك انت عم دور عليك .؟
Ã7mãĎ : انا هوني بالمحاضره .
المنصوري : تأبرني ولي .
Ã7mãĎ : اقووولك بسك عاد .. مب جنه زودنااهاا .
المنصوري : لا تلووومني هاي الزلمه اللي تلحقني مخبلتبي واييد اثرت فيني .
Ã7mãĎ : ههههههههههههه ..
المنصوري : والله اقووولك مخبلتبي تخبيل البلا .. وين ما اسير القاها في ويهي مره مجابله .. والله حتى في الكلاس تيلس عدالي >.<
Ã7mãĎ : ههههههههههههه .. تستاهل زووود بعد .
المنصوري : افا ليش .. جانك انت ولد العم جي تقوول .. الله يسامحك
Ã7mãĎ : لووول
المنصوري : اقوول متى يخلص دواامك اليوووم .
Ã7mãĎ : السعه 4 ليش
المنصوري : لأني انا بعد دوامي يخلص الساعه اربع .. شو رايك عليها المول سيده بنسير المووول .
Ã7mãĎ : لا ما اقدر بسير البيت ابدل اعنبوووك معفنين بالثياب من الصبح شو تبا الناس يقووولووون عنا .
المنصوري : ههههههههههههههههههههههه .. انزين .. ازقر خلفووووون ..
Ã7mãĎ : انزين .. احسن عشان اطلع وياه ضربه .
المنصوري : احمدووووووووه .
Ã7mãĎ : احمدووووووووووووووه في عينكـ .. تتحراني اصغر عيااالك .. لو سحمت الشيخ احمد بلييز ..
المنصوري : السموووحه الشيخ احمد .. تراني محضرلك مفاجأه
Ã7mãĎ : ايهي ,, والله مفاجآتك نفس ويهكـ .. آخر مره السبال متعرف ع وحده صوماليه و قايل انه انا و وهقني بها .. والله انها لين يومك ها تتصل .. ع فكره انا ما نسيت المقلب .
المنصوري : هههههههههههههههههههههههههههههههههههههههههههههههههه هههههه .. شو اسوي احبك .. لا اليوم مفاجاه حلوه .
Ã7mãĎ : يلا عيل بخليك الإستاذه شكت اني فاتح المسن ..
المنصوري : أي استاذه تدرسك ؟
Ã7mãĎ :هيلين مال البزنس
المنصوري : هيه هاي كانت متخبله علي والله كنت اقردنها سيده تنجحني .. سلم عليها .
Ã7mãĎ : في وحده تمت ما قردتنها .. اقوول يلا اقلب ويهك قبل لا ما اخليك تاخذ اختي
المنصوري : هههههههههههههههههههههههه .. يلا تيك كير ..
Ã7mãĎ : يو تو

الساعه 4 ..

روضه : ميثووووه .. نشي يلا بنات خالوووه بيوووونا قومي يلا نشي ..
ميثا :هممم
رووووضه : نشييييييييييييي يلا بنطلع بنسير المول .
ميثا : انزين نشيت

قامت ميثا غسلت ويها و توضت و لبست كندووورا مخوره و نزلت عند امها في الصاله .. سلمت عليها و باست راسها ..

ام مطر : حيالله بنتي شحالج ؟
ميثا : يسرج الحال امايه انتي شحالج ؟؟
ام مطر : بخير ..
ميثا : امايه قوم خالووه وين ؟
ام مطر : الساعه 3 مرمسه خالتج كانو توهم طالعين اكيد الحين بيوووصلووون .. اتصليلهم شوفيهم ؟؟
ميثا : بسال رويض هي اللي مرمستنهم الا رويض وينها صح ..
ام مطر اكيد في حجرتها فووق شوفيها

.. سارت ميثا فوق عند رويض عشان تسألها عن بنات خالتها ..
ميثا : رويض قوم خالو ما قالووولج كم يبالهم لين ما ايووون ؟؟
رويض : يبالهم نص ساعه .. بس هم متلبسين و مخلصين يعني من ايوون سيده بنطلع .. سيري طلعيلج شي تلبسينه ..
ميثا : اوكيك .

.. سارت ميثا حجرتها ..

ميثا (( في خاطرها )) : شو البس ياربي .. اف الكبت كله معفوووس وين بلقا اللي اباه .. ايوه عرفت شو البس .. بلبس هدية ابووويه .. لبست قميص ابيض مكتووب عليه بالذهبي من فيندي ويا بنطلووون سكيني (( ضعيف من تحت )) غامج و مطرز بخيط بني .. و لبست حزام فندي و جوتي فندي .. لبسها كان بسيط بس حلو =) .. و طلعتلها حلق فصه ذهبيه يناسب و ساعة فندي و شنطة فندي عسب تكمل الطقم =) .. و لبست عباه ساده عليها توقيع ذهبي صغير و شيله محدده بذهبي .

يمكن في الوصف تحسووون لبسها واااايد حشره بس هوو سمبل .. لأنه العباه تغطي !!

سارت وقفت جداام المنظاره و شغلت التلفزيوووون و حطت اغاني و طولت على الآخر >> الإخت مرتبشه .. و سحت شعرها و سشورت قصتها و رفعتها سوت بف صغير مب مبالغ فيه .. وتجحلت خفيف من فووق عيونها شرات مال الستينات .. و نزلت تحت تتريا بنات خالتها

في نفس الوقت في بيت يمعه احمد المنصوري ..
احمد كان توه راد من الجامعه سلم ع امه و ابووه تغدى و خذااله شاور سريع و طلع له كندووره بيضا و لبس كاب ed hardy اللي يكوون شرات الغتره .. اون بدال ما يلبس غتره =) .. كان شكله سمبل و كيووووت خصوووصياً ان عينه لووونها غريب ترد ع كل الألوااان و ويه مليان شوي و هاللي كان محليه .. اما جسمه فكاااان حلو و معضل لأنه من يومم كان يدرس في المدرسه وهو يسير الجيم ..

سار يشغل سيارته اليديده مرسيدي g55 سودى روعه و رقمها ثنائي منو قدهـ .. يلس يتريا اخوووه خلفان ..

شوي و تحركووو سارو المووول ...

اما في بيت سعيد كانت ميثا تتريا اختها و بنات خالتها و هي كانت يالسه في الصاله طبعن يالسه بالعباه بس و الشيله ع الجتف و يالسه تسمع الآي بود و تاكل من الفواله اللي جدامها .. شوي اللا جان يدخلووون بنات خالتها ويا اخووهم سعيد هو كان يايبنهم من بوظبي .. طبعاً الإخت ميثا ما كانت منتبهه لأنها كانت كانت في عالم ثاني و ما سمعته وهو يهود .

سعيد و بنات خالتها : السلام عليكم
ميثا حست انه في حد موجود في الصاله يوووم صدت وراها .. الصدمه الكبيره .. سعيد هني و الأخت بدووون شيله انزين يا غبيه البسي شيلتج .. من الصدمه تمت منثبره مكانها ..

ميثا : و عليكم السلام .. (( جان تلبس شيلتها ))
ميره ومهره : ميثوووه نحن بنسير فوووق عند رويض ..
ميثا : انزين سيرو (( تمت ميثووه مب عارفه شو تسوي يالسه رووحها ويا ولد خالتها ))
سعيد : شحالج ميثا ؟
ميثا : الحمدلله بخير انت شحالك ؟
سعيد : يسرج الحال ..
ميثا : مديم الحال انشءالله .. لحظه بسير ازقر امايه ..
سعيد : محد في البيت من اخوانج ..
ميثا : لا .. احمد اخوويه مسافر لندن يمتحن و ابووويه مسافر فرنسا ويا شغله و مطر طالع .
سعيد : اها .. خلاص عيل سيري ازقري خالوووه .
ميثا سارت تشوووف امها لقتها في المطبخ تطبخ ..
ميثا : امايه ترى سعيد هني في الصاله ياي يسلم وترى محد في البيت من الأولاد ..
ام مطر : وافضيحتييي سيري ايلسي وياه لين ما انا اسير ابدل ثيابي ..
ميثا : انشاءالله

سعيد (( في خاطره )) : مشاءالله عليه جمال معنها بس متجحله بس اسميها غراااام .. شعري البني و حياتها المقرووونه .. اييه سعيد شو تقوول انت شو تخربط .. !!

ميثا : سعيد
سعيد : هلا
ميثا : امايه شوي و بتي ..
سعيد : انزين لا تخليني رووحي يلسي ويااي لين ما تي امج ..
ميثا : انشاءالله

سعيد : مشءالله ميثووه كبرتي صف كم انت ؟ (( بالعماله يسئل ))
ميثا : صف ثاني ثنوي
سعيد : هيه مشاءالله يعني السنه اليايه بتخلصين
ميثا : انشاءالله ..
سعيد : مفكره تكملين دراستج ؟
ميثا : هيه
سعيد جاسته غصه .. لأنه مفكر ياخذها بس هو مايبا حرمته تكمل دراسه >> بدوي ما ينلام .. لوووول

سعيد : اها .. ليش اتعبين عمرج يلسي في البيت احسلج و تريي الريل احسنلج .
ميثا (( في خاطرها )) : شو بلاه يسألني هالأسئله .. بعدين انا كيفي اكمل ما اكمل .. شو من وراه ها ..
ميثا : الله يعلم لين هذاك اليوم شو بيستوي .
سعيد : هيه والله الله يعلم ..
دخلت ام مطر و سلمت ع سعيد .. ما صدقت ع الله ميثا جان تظربها شرده .. سارت عند قووم رويض تمو يتريووون سعيد يطلع من البيت عشان يسيروون المول .. شوي تم سعيد جان يطلع .. و هن سيده طلعن من الباب اللي ورى لأنه الخوااات مستخفات شويه مطلعات قصيصهم وما فيهن ام مطر تشوووفهم ..

الساعه 5 .. في الموول

احمد و احمد و حمد يالسين في الكوووفي اللي مجابل السينما يعني يشوفووون الساير و الراد ما خلو حد في حال (( احمد س)) لووول .. شو عليهم رياييل ما عندهم شغل غير مجابل البنات .. تمو شوي عقب اونهم بيتشروون ثياب حق الجامعه .. فسارو صوب محلات الماركات

يوووم وصلو البنات الموول سارن يتمشن و تشرن .. دخلو البنات محل جوتشي .. يالسين يشوفون الشنط اليداد

احمد س : احمدووووه خلوووووف شوفو الغراشيب اللي صوب الكاونتر قومو بنقردنهم شوي ..
احمد ج : ياخي انت ما تمل من ها السوالف خاف ربك والله ان تميت جيه تراني هب ميوزنك اختي .
احمد س : احمد لا خلني العب ع البنات .. والله اختك غير فديتها .. و هاييل غير .. عقب يوم باخذ اختك بتحجزني و ما بقدر اسوي شي .. بعدين نحن الا محيرين حق بعض .
احمد ج : هي نعم بنشوووف .
احمد س : يلا طوووف نسير صوبهم .
.. صوب الكاونتر البنات كانو واقفين يشوفون الشنط شوي جان يشوفون 3 اولاد وقفين عدالهم شوي ابتعدن ..
احمد س : احم احم .. السموحه اختي أي كاب احلى الأسود ولا البيج .. (( يرمس ميره ))
ميره هني انحرجت ما تعرف ترد عليه ولا .. و مب حلوه تسويله طااف لأنه مجابلنها فيس تو فيس و هو ما غلط سئلها بكل ادب .
ميره : البيج ..
احمد س : مشاءالله ذوقج حلو .. مشكوووره =) .
ميره : العفو

ميره (( ترمس قوم ميثا بصوت واطي )) :: اقووووول يلا نتحرك بسرعه عن ما يلزق فينا هالنطع .
و بسرعه شردن البنات ..

احمد س بسرعه دفع و مشى بسرعه ورى قوم ميثا و تم يرقم و احمد ج و خلفان وياه ببس لاتعليق لأنهم تعودو .. مسكين ما يأس شاد الهمه يرقم و يرقم .. و البنااااااااات طاف .. شوي جان يضيعوووونه .. تمو البنات يتمشن ..

احمد س : اللع يغربلهن من بنااات تعبني نشف ريجي و انا ارقم .. طااف ..
احمد ج : تستاهل .. لأنك تيوووز .. زين سون فيك .
حمد: ابا اسير اشتري قميص لاكوست .
احمد ج : يلا نكمل مشترياتنا .

الساعه 9 ..

ميثا : اييه انتن والله يعت قوومن يلا ناااكل .
رويض : انتي كله همج بطنج .. ع كثر ما تاكلين ما تمتنين !!
ميثا : تف تف .. قووولي مشاءالله .
ميره : انا بعد يعت .
مهره : عيل خله نسير المطعم الغربي الجو هناك حلو وناااسه .
رويض : اوكيك .

عند الأولاد ..

تيلفوووون .. احمد س يرن ..

احمد س : ها عبوووود شو تبا ؟؟
عبوود : بسم الله شو بلاك الناس يقووولووون مرحبا الساع و هلا والله و انته عفاناالله .. ها عبود شو تبا (( و يقلده )) .
احمد س : من الآخر قوول شو تبا هب فاضلك ؟
عبوود : انتو وين ؟؟
احمد س : نحن في الموول .
عبووود : اوه حتى نحن تونا ظاهرين من السينما .. شو رايكم نتعشى لأنه انا و خلف يواعه .
احمد س : لحظه بشوووف و بطرشلك مسج ..
عبووود : خلاص عيل .
احمد س : باي
..

احمد س : اقووولكم عبوود اخويه هني هو و خلف و يبوونا نتعشى ضربه وين تبووون تاكلووون .
حمد: خلنى ناكل ماكدونالد .
احمد ج : انا عندي مكان روعه مطعم مغربي ما في وااايد ناس يدلوووونه .. و اكله لذيذ ..
احمد س : عليها عيل ..

.. في المطعم ..

يلسن البنات و طلبن ..

شوي الا و دخلو احمد س و احمد ج و خلفان .. ماشي مكان غير الطاوله اللي عدال البنات .. عاااد البنات من شافوووهم كرهو حياتهم ..

حمد : هكن اللي كنت ترقمهن !!
احمد س : وين وين ؟
حمد : في الطوله اللي وراك ما يجابلووونك .
احمد س : والله لأغير مكاني .
احمد ج : بلا فضايح و انثبر مكانك .
احمد س : احمدوووه لا انا عمري محد ردانني تيي هاي آخر عمرها تسويلي طاف و تردني والله لأعاندها .
احمد ج : مادري متى بتعقل .
قام احمد س و غير مكانه يلس عدال احمد ج فقام حمد و يلس مكان احمد س .. و كان احمد س مجاااابل ميثا و ميره .
احمد ج : احمد شوووف هاي ام فندي غاااااويه مشاءالله عيوووونها حلوه ..
احمد س : انشاءالله اذا رمست هاي اللي عدالها بعرفك عليها ..
احمد ج : هههههههههههههههههههه .. قلت حلوه ما قلت ابا ارمسها .. و بعدين انت لين الحين عندك في حالهن !!
احمد س : والله ما خليتهن ..

.....
ميره : اف انا الله بلاني بهذا النطع ما صدقنا نضيعه رد يطلعلنا هنه !!!
ميثا : الله يعين ..

ميثا : فجأه صرخت اويه ..
كلهم : شو بلاج ؟؟
ميثا : نسيت مو بايلي في جوتشي >.< .. بسير اييبه حد ايي وياي بلييز .
الكل : محد متفيج كلنا متكسرين من المشي .
ميثا : ما عليه بتشوفن منو اللي بيساعدكم ..

سارت ميثا بتنزل باللفت لأنه المطعم فوق جوتشي بالضبط .. و هي نازل لقت في ويها عبود و خلف .. فسلمو عليها محد كان وياهم ..

خلف : ميثوووه
ميثا : خلف و عبووود شو تسووون هني ؟؟
خلف : انتي يا مسودة الويه شوتسوين هني ؟
ميثا : يايين نمشي بنات خالووه ياينا من بوظبي .
خلف : اها و شعنه مظهره قصتج ؟؟
ميثا : ها !! .. بس جي حابه اغير =)
عبووود : ويا منو يايه ؟
ميثا : ويا بنات خالتي الهنتين و و روضه اختي ..
عبوود : اها .. وينهن عنج ؟
ميثا : في المطعم ..شو بتسووون ؟
خلف : ماشي متواعدين نتعشى ويا احمد اخو عبود و احمد و حمد عيال يمعه .
ميثا : اها ..
خلف : وين سايره حضرتج روووحج ؟
ميثا : ما شي ناسيه فووووني في محل جوتشي و محد طااع ايا ويايه .. فقلت بسير روحي نفاد الا هو هني !!
خلف : قصووورج والله .. انا باي وياج عبووود ما عليه انته تجدم .
و سارت ميثا و خلف محل جوتشي و لقو الفوووون .. و عقب خلف خذ رقم ميثا و هي بعد خذت رقمه ..
ميثا : خلف انا بسميك عمي خلوووف !!
خلف : هههههه .. شو اصغر عيالج و انا ما ادري .. عيل انا بسميج ميثوتي =)

و يوم ردو المطعم دخلو ويا بعض الكل هني اتفاجأ !!!

اول ما يلست ميثوووه ..
روضه : ايه يالمستخفه تخبلتي داشه المطعم ويا منو ؟؟؟
ميثا : بسم الله كلتيني .. هذا عمي خلف =)
روضه : قولي والله !!
ميثا : والله .
روضه : ميثوووه شوفي ويا منو يلس !!!
ميثا : اويييييييييييييييييييييييييييييييه .
روضه : شو بلاج ؟؟

كـــــــــــــــــــــــــــــــــــــــــــــــــ ـت

...
شو تتوقعون بيستوي ؟؟
و شو بتكوووون ردة فعل احمد س يوم بيعرف انه البنات يستووووله ؟؟

مع السلاآمهـ

●●●

تيكـ كير

^
^
^

▪● άηoOoмά ●▪