|
الحمدلله انا مب هاك الزوود وي التلفزوون وعمري ماشفت هالمسلسل بس والله اني من احدر الكلاس من الصبح البنات يخبروون بعض شوو صار في المسلسل ولا كنهم شايفينه ...لازم يسمعون لبعض الحلقه خخخخخخخخ واحســـه واااااااااااااايـد تافه .. بس حب وغراام ؟؟اوكيه وبعدين ...شو السالفه...؟ اي شي.. شو هالشي السخيف الي قمنا نهتم له ...وين اياام البراااءه يوم كنا انشووف ليدي وسالي وكبمارو ... والله فخاااطري اعرف الحلقه الاخيره شو بيسوون هالنااس...كيف بتكون حياتهم بعد هالمسلسل..الصرااحه احس ان اووول مسلسل جي يهتموون فييه بس لان البطل حلووو ؟؟؟اوول مره يشووفوون حلوييين وبعدين هو مب واايد حلوو ماحس ان فيه شي يجذب.. ومثل ماقلتي اختــي هــذا غزوو فكــري ..يحاوولوون يخربوون عقوولنا... وتسلمييين عالطرح ..ولاتحرميــنا.. اختج.. ][البرنسيسه][ |
أول شي شكــرا ع الموضوع.. ثانيا مسلسل نور ما أعتقد أن مسلسل في خليعه بالعكس مسلسل وااااايد حــلو من أحلى المسلسلات الأجنبيه أو المدبلجه ..بغض النظـر عن مسلسل نور هناك أيضا مسلسل ( سنوات الضياع ) أيضااا 1) هل ترجمة هذا المسلسل إلا اللغه العربيه ..له تأثير على فهم مضمون المسلسل.؟ نعم... 2) نور..تأثيراته السلبيه على المجتمع العربي والإسلامي..؟ لااااااااااا 3) نور هل هو مجرد مسلسل ام قنبله تتهيأ للإنفجار لتدمير العرب؟مسلسل فقط لاااااا غير.. هذا وجه نظـــري أناااا وانا من متابعي هــذا المسلسل وما شفت شي مااااصخ في المسلسل |
السلام عليكم ورحمة الله وبركااته.. والله المسلسل...زين و ما فيه شي..صحيح انه فيه مبااالغه...بس عااد نحنا العرب اذا شفناا شي ..ما نخلي...و ماشاءالله اول شي السلبيه ..ع طووووول ناخذهاا...لانه الايجابياات..عمرنا ما خذينا..ولا راح نأخذ...لا اله الا الله...انا اشووف هالمسلسل...كانه مسلسل عاادى..مثل اي مسلسل..وبس.. و عااد مثلما قاال اخوي النعيمي...المسلسلاااات الخليجي غطت ع الاجنبيه..ماشاءالله ما خليناا شي.. أشكرج ع الطرح المميز....لاهنتى.. ربي يعطيج الف عاافيه |
بصراحه انا هليه شرات اهل اخوي ظبياني والكبير والصغير تقووولون التلفزيون طاااير بس انا الوحيده اللي ماتابع شي باختصار لانه جدا سخيف وماله هدف ومسلسل عادي جدا بس انا صدج انقهرت لما سوو هالزوبعه اللي مالها داعي ويابوا الممثلين على دبي وراحوا يسوون دعايات بالمجلات وخرابييييط باااطت لي جبدي معقوووله مستوى التفكير سطحي لهالدرجه حبيبتي الاعلام مايعرض الا الشي اللي يسوي للقناه جماهيريه عريضه mbc سوت تجربه باول مسلسل وشافوا انه نجح لييييييييييش لانه مجتمعنا راضي ومتقبل وكانه يقوووول هل من مزيد ويابوا المسلسلين الثانيين نور وسنوات الضياع وانفجرت القنبله العيب مو بالاعلام العيب فينا نحن كأهل وناس موجهين بالبيت تحياتي لج والسموحه عالاطاله |
السلام عليكم أولا يسلمو ع الطرح أنا بصراحه أتابع هالمسلسل بس ماشوف انه مسوي "غزو فكري" ولا شي المسلسل فيه قصه عن واحد حب وحده تزوج و ماتت مرته و زوجوه غيرها و بس ... يمكن فيه بعض المشاهد بــــس ما يختلف عن مسلسلاتنا الخليجيه دخيلكم يعني ...ما شفتوا "عيون من زجاج" ؟! أنا أمايه ما خلتني أشوفه لانه يرمسون فيه عن أشياء"مخله بالآداب" لكن مسلسل نور ما يطرح قضية ولا شي مجرد قصة حب و خلاص .... لا تضخمون المواضيع و هذا مجرد مسلسل لا أكثر ولا أقل ... تقبلي مروري |
| الساعة الآن 05:19 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir