|
تسلمون ع الردود الغاويه:) |
ودق عهود حق راشد وغيرة من صوتها عهود// ألوووووووووووه حبيبي راشد // هلا والله عهود // شحالك راشد // منوه ويايه عهود // أفـــــــــــا يا محمد نسيتني راشد// لا أخت أنتي مغلطة عهود// لا تيلس تستهبل عليه اللحين راشد // الأخت تراج والله مغلطة أنا مب محمد عهود // عيل منوه أنته راشد // شوه تبيبي عهود // خلاص أفــــــــــا عليك بنتعرف راشد // شكلج فاضيه عهود // أفضي عمري لو كنت مشغولة كل على شان عيونك يا ...... صدق منوه أنته راشد // لاحـــــــــــول أبتلشنا عبد الله ربيع راشد الروح بالروح// شوه بلشك راشد // يخوز التيلفون بعيد ويرمس عبد الله بصوت واطي .. وحده تبقي تتعرف علية عبد الله // عطها رقمي راشد يرد على عهود // الشيخة أنا مشغول بس عندي هنية ربيعية إذا بترمسينه عهود // زين أنا دقيت عليك أنته أبقيك أنته ما أبقي ربيعك راشد // أنا ما أعرف أغازل هو أحسن مني وأفطن عني في ها السوالف وعلى فكره تراه شيخ في حلاته.. مخلف عليه الجمل اليوسفي عهود // أشكر أنا (ردت على صوتها الطبيعي) راشد // منوه عهود // عيال محمد حشام .. وما يعرفون يغازلون أضني بسك من المغازل يكفن اللي ترمسهن راشد // منوه أنتي عهود // جان بسك من الهوامه في دبي طوف علية بيت قوم عمي سلطان مب تتأخر أوكيه راشد // منوه عهود عهود // هي راشد // زين وين خلود ولا حمدان عهود // ما أدري راشد // خلاص برايج عبد الله // أنته منوه ترمس با الظبط راشد // ما شي سواء تفاهم عبد الله // ويا منوه راشد // ما حد وحده فاضيه عبد الله // با الله عليك تعطيني رقمها بلعوزها لك راشد // ههههههههههههههه عبد الله // ليش تضحك راشد // الساعة كم اللحين؟ عبد الله // تصدق راشد أسمية العقل نعمة راشد // الساعة كم ؟ عبد الله // ليش وين بتسير واعتها راشد // لاحول .. وين تيلفوني بشوف الساعة عبد الله // زين الساعة في يدك شوفها راشد // هي صدق أوف الساعة 12 ونص عبد الله // وااااااااايد مستعيل حضرة جنابك راشد // تعرف قبل ما إيي صوبك عقيت الأهل في بيت قوم عمي سلطان واللحين تذكرت عبد الله // زين خبر خلود ولا حمدان يسيرون صوبهم راشد // أكيد ما حد في البيت ها الوقت هم يا في العين مول يا صايعين في الشوارع عبد الله // لا تقول بترد وتخليني روحي راشد // عيل منوه اللي بيرد أهلي والله فضايح لين ها الساعة في بيت قوم عمي عبد الله // وأنته جية ما رديتهم قبل ما إتي راشد // أنا وصيت خالد عبد الله // خلاص برايك سير العين راشد // حد بييك عبد الله // بدق حق المنصوري شايفنه هني أنا من توى راشد // أوكية سمحلي عيل ويترخص راشد من بوحميد عسب يرد العين .. وطاف على عهود وردها حق البيت .. وهم في دربهم حق البيت راشد // ما فيج حيلة يا عهود وتعرفين تغازلين بعد عهود // صــــــــــــــدق تذكرت بقولك شي راشد // خير عهود // تعرف الضبعة بنت عمتيه صبحوه راشد // أي ضبعة فيهن عهود // نوره راشد // شوه فيه لاتقوليلي تضربتي وياها في الرمسة عهود // لا الخايسة تعايرني أني ما سرت الجامعة جدام البنات وان شوه بعد ما عندي تيلفون راشد // غيرنه منج علشان أنج أنتي مرتاحة لا تسرحين ولا تضوين عهود // والله جيه رأيك راشد // أكيد .. تعرفين أنتي لو عندج تيلفون شوه بيصير في الدنيا عهود // شوه راشد// تخترب وتضيع عهود // وكل عادهم وصلوا البيت .. رشود سير رقد يقولون نوم الظالم عباده راشد // باجر شوه الخميس عهود // هيه راشد // لج عندي بشاره عهود // شوه قول راشد// لا باجر بقولج يوم الخميس الصبح قامت أم راشد توعي عيالها ما طاع حد يقوم وياها الصبح وعقب سيرت صوب المزرعة وعلى الساعة 11 الصبح قام راشد يوم دق له منصور خاله من بوظبي .. على أساس يكون عندهم ها اليوم لانهم من زمان ما شفوه ومنصور خبر راشد انه بيكون على الساعة 12 ونص تقريبا عندهم وبيكون وياه أخوه هزاع .. وقام راشد يخبر أمه بس ما حصلها قالتله البشكاره أنها سيرة صوب المزرعة .. وعقب سار صوب خالد و حمدان يوعيهم ويوعي عهود وعقب تيمعوا في الصالة يتريقون وشوي أم راشد وصلت. راشد // مرحب مرحب الساع بالغالية شمعة الجلاس أم راشد // مرحب باجي وسلموا على أمهم عهود // أخبركم عاد عقب صلاة الفير حلمت مانع و أبويه رادين من لبنان راشد // بعدهم مبطين يمكن على نهاية الأسبوع المجبل أم راشد // وشوه دراك انته راشد // البارحة دقولي ويردون السلام عليكم خالد // أمي خبروج شعنه أبويه مسير صوب لبنان أم راشد // لاحشى شعنه مب علشان أشغاله خالد // وهو يغمز بعينه أشغاله يقص عليج ساير يعرس يأخذ له شقراء أم راشد // فكنا من الرمسات اللي ما فيها فايدة وخبرنا عن دوامك من نزلت البارحه وأنته طافر خالد // يرد السلام عليج بخير أم راشد // منوه أبوك والكل يضحك على أم راشد خالد // والله رحتوا يا عيال محمد وطاحت كروتكم بوراشد خذ الحب كله مالكم مكان في القلب أم راشد // خلود بتليج ولا خالد // لا خلاص بسكت وبشوفكم كيف تضحكون من عقبي راشد // عندي بشاره لكم عهود // هي صدق شوه السالفه راشد // خالي منصور وهزاع بيون اليوم العين عهود // قول والله أم راشد // مرحب فيهم .. عهود خبري البشكير يزهن الفوله عهود // أكيد أميه دام منصور اللي بيشرف فديته شيخ بوظبي وضوحيها خالد // رحنا وطي دام عيال ال......... شيوخ نحن شوه أم راشد // إلا الهرم خوالك منصور وهزاع وصلوا العين وعلى طول بيت محمد نسيبهم .. وظهروا الشبيبة يرحبون فيهم عند البوابه الخارجية وعقب طلعن أم راشد وعهود أم راشد // مرحب مرحب الساع منصور // مرحبتين أم راشد (ويسلم عليها وعقب يسلم على عهود ) شحالج دلوعة العين خالد // اللحين هذي دلوعة العين وأنا أقول شوه بلاه الدلع مصخ ها الأيام عهود // سمع خالي اللي ما يستحي ولا يخيل وعقب يدش هزاع ويا راشد ويسلمون هزاع // عيل وين عهود عهود // هنيه خالي.. عهود ترمس خالد ..خلود قوم شويه هزاع // مرحب عهود عهود// مرحب مليار ويقربون في الصالة وسوالف وعلوم ومني ومناك لين طاف الوقت ودش العصر عليهم .. راشد // يا لله هبابنا نوصل المسيد قبل ما يقيم الصلاة ويسيرون المسيد وتقوم أم راشد حق غرفتها علشان تصلي .. تمت عهود في الصاله تزهب فولة العصر ويا البشاكير وشوي ويدق تيلفون الصالة عهود // ألووه مرحب عبد الله // مرحبتين .. ممكن الشيخة لوسمحتي أكلم راشد عهود // ما حد ساير يصلي دق له على موبايله عبد الله // ما حد يرد على الموبايل عهود // زين أنا بخبره يدق لك عبد الله // مشكورة الشيخة عهود // لو سمحت منوه أقول له عبد الله // قوليله بوحميد عهود // حاصل وداعة الرحمن وعقب صلاة العصر تيمعوا الشبيبة يتقهويون في الصالة وشي وعهود نازله وياها تيلفون راشد عهود // رشود شوه هذا تيلفونك من الصبح يرن ما ترد عليه حليله بوحميد *** كثر ما يدق لك وأنته كلة لبسنه .. ليش عاد؟ راشد // و أنتي شوه دراج أن اللي يدق بوحميد عهود // هو خبرني راشد // عهود أنتي من وين تعرفين بوحميد عهود // الخبلة من وين أعرفة يعني توه حليله دق على البيت وجان أرد علية وخبرني أنه من يدق على الموبيل ما حد يرد علية علشان جية دق على البيت.. وقال خبري أخوج الزطي يرد علية والرصيد على حسابي لا يخاف والكل يضحك على رمست عهود راشد // و أنتي منوه اللي سمح لج تردين على تيلفون البيت عهود // خيراً تفعل شراً تلقاء راشد // كم مره قايل لج عن تردين على التيلفون .. اللحين شوه بيقول مرغدين بناتهم يردن على الريايل منصور // الغلط عليك يا راشد جيه معطنة رقم البيت خالد // حصل خير عاد منوه اللي رد علية ملكة جمال لبنان إلا عهود عهود // خالي شوف خلود منصور // أدريبك تغار منها علشان أحلــــــى عنك خالد // اللحين هااااااي أحلى عني الله يسامحك يا خالي عهود // وهي طالع خالد من طرف عينها .. أقول حمدان منوه ذاك اليوم يقول ليت ها الويه عندي جان ما بعدن البنات عني رواحهن بيرقمني . ويصيح تيلفون راشد // مرحب الساع بوحميد عبد الله // لا عادي لا ترد سود الله ها الويه لي من ساعة وين ساعة من القايلة وأنا أدق لك راشد // سمحلي فديتك والله تيلفون في الغرفة ويالس في الصاله خوالي عندنا اليوم والتهيت عبد الله // متى تبقين نسير دبي راشد // الشبيبة زاهبين حق السيرة عبد الله // أنا ومحمد وسيف زاهبين القاله أنته راشد // أوكيه أنتوا طلعوا من بوظبي بنتلقف في العين ومن العين بنسير دبي أوكيك عبد الله // أوكيه عيل اللحين بنطلع ويسكر راشد التيلفون // سمحولي بسير عنكم دبي منصور// برايك مسموح خالد // خالي منصور شوه رايك نسير وياك العين مول بنجحل عيونا حمدان // لوسمحتوا لا تنسوني منصور // أنته وراك مذاكره عليك ثانوية عامة حمدان // خالي زين اللحين عندنا ويك أند بعد لازم أعذب عمري خالد // عاد سكت اللي يسمعك يقول تنبشن الكتب يوم عليك دراسة هزاع // وأنا وين أسير عهود // أنته تعالى لي رمسه وياك حمدان // أنا مالي خص بسير وياكم خالد // شاور خالي حمدان // الهرم كل يوم تبقيني أحوط وياك ويوم لقيت لك خوي تلبسني هذا وأنا أخوك منصور // بس خلاص بنشلك ويانا أم راشد // قبل بتسيرون ويايه حق العزبه منصور // أفــــــا عليج يا أم راشد أكيد هزاع // شوه تبقين عهود عهود // صبر خلهم يروحون حق العزبه هزاع // شوه تبقين لا تتخبريني عن عليا لا ني خلاص مسحتها من حياتي عهود // هي صدق شوه أخبارك وياها هزاع // طاعوا هذي .. توني أقولج لا تتخبرين عنها عهود // أوكيه خلاص هزاع // شوه تبقين عهود // أبقيك ترمس رشود هو وايد يحبك وتقول له يسوي لي موبيل خلاص ما أبقي أسير الجامعة بس والله أبقي موبيل يوم نتيمع ويا البنت يتمن يعايرني عسب ما عندي موبيل هزاع // صح أنا غالي عند رشود بس ما أدخل في حياته وياكم عهود // ليش أنته مب خالنا المصون هزاع // شوه رايج في شي أحسن عهود // اللي هو هزاع // تخاويني حق دبي .. مفصل جنادير بسير أخذهن و بنتحوط شويه وياج عهود // صدق والله هزاع // والله بس بسرعة أترياج في السيارة عهود // أوكيك وعقب ساروا حق دبي نرد حق راشد وربعه اللي في دبي عبد الله // شوه رايكم بنسير ماركاتو سيف// وش عليه محمد // أسميكم ما تكلون ولا تملون من ماركاتو راشد // أنا عني بسير السينما فيها عرض فيلم يديد محمد // أنا بخاويك عيل راشد// نتلقاء فليل أوكيه علشان نتعشاء عبد الله // أوكيه ويسيرون عبد الله وسيف حق ماركاتو .. وتحوطوا وعقب ساروا حق الكوفي ... نرد حق هزاع وعهود هزاع // شوه خاطرج تشوفين في دبي عهود // برج العرب هزاع // بس عهود // وبعد كل شي في دبي هزاع // شوه رايج نخطف ماركاتو عهود // والله هزاع // هيه ليش مب مصدقه عهود // تبقي الصدق ولا ولد عمه هزاع // الصدق عهود // لاحشى مب مصدقه .. وبعدين أخاف رشود لو درى يذبحني هزاع // ما عليج دام الرحمن وأنا وياج عهود // ما أصدق بدش ماركاتو هزاع // شوه تبقين تأخذين عهود // عطورات هزاع // أوكيه وطافت عهود محل العطورات وخذت دهن عود واحد حق راشد واحد حق هزاع هدية .. وعطورات حقها .. وخذت معمول وعود حق أمها وعقب طافت عند الشيل والعبايا وخذت شيلة على ذوق هزاع وتحوطوا شوي هزاع // بسير شويه الكوفي أنتي تحوطي هنيه زين عهود // بسير وياك حق الكوفي هزاع // وين تسيرين الله يهديج متروسه شباب عهود // زين مب تتاخر عليه هزاع // أوكيه وتمت عهود تتحوط وعقب طافت عند المكياج وعقب تمت طالع الخلايق من فوق اللي يدش والشبيبه اللي يحوطون وعقب شافت واحد يطالع صوبها وياه ربيعه واللي يطالعها واااااااااايد حلو يذبح لابس كندوره سود ومتعصم بسفره حمرا ويتمشون تحت وعقب ركبوا في السلم المتحرك. عهود وترمس عمرها سميت بالرحمن عليك يا رحامه فيك غير شكل أسميك تعق الطير من السماء .. الله يخليك حق أهلك .. وطافوا من عدلها وهي مغطيه ويها بس عيونها ظاهره وتطالعه بعيونها وتم يطالع فرحان هي بتموت من حلاته وهو بيموت من نظراتها وتقول في خاطرها ما شاء الله عليك شوه حله فيك ولد شيوخ أكيد.. و كان يطالعها هاي شوه عندها طالعني ويغني تكلم لا تنظرني تكلم كلام العين ما يطفي لهيبي أنا أتحرك طول الوقت وأحلم وش أحلا من صدى كلمة حبيبي .. تهقون منهو هذا اللي مر من صوبها ؟؟؟؟ وشنهي سالفته ؟؟؟؟؟؟؟ وانتظروااااااااااا الجزء الثاني ...... ويالله أبي راااااااااااااايكم ..</div> |
Tslmeeen 3 el 89ah!! W ntrya el part el yaaay =) E5tkum ..... =D Ameerat DxB |
يسلموووووووووووووه |
«®°·.¸.•°°·.¸¸.•°°·.¸.•°®»تسلمين ع القصه الحلوه ولا تحرمينا من البارتس اليايه «®°·.¸.•°°·.¸¸.•°°·.¸.•°®» |
| الساعة الآن 10:21 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir