|
[QUOTE=النعيمي;455587] اقتباس:
اللـه يسلمك ع مرورك الطيب اقتباس:
صح ياخوي ردك طيب بس ترا الرمسة غير والواقع شي ثاني .. والله يكثر من امثالك لووول... تسلك ع المرور اقتباس:
ودام اني مرضي ربي وساير ع نهج الرسول اكيد بضمن اللي مهرها معقول عقب الزواج ربي بيبارك في زواجنا ... (سوري رمست بصيغة المذكر) بس هذا ردي لو كنت شاب... وتسلم ع المرور اقتباس:
صـح كلامج منطقي .. ماتقصرين اقتباس:
واللـه يالخالدي يبالي اسوي انترفيو وياك ... ردك عز الطلب انزين يالخالدي لك مني سؤال: تخيل انك مقبل على زواج وكل شي مرتب ومتدين من البنك فوق 300000 .. عسب تتزوج ... وانت يالس تحسب التكاليف وطلعت بالضبط 300000 وفجأة تتصل فيك العروس وتطلب منك طلبات ثانية (طلبات مالها داعي) .. بتطفر وتقول خلاااااااص ماباج؟ بتتحملها وبتزود القرض؟ وان ودرتها شو بتفكر تسوي بالقرض؟ .. تشتري لك سيارة ولا تتزوج من الخارج؟ ابي اعرف شو ردة فعلك بالضبط .. وياليت باجي الاعضاء يشاركونا |
يا مرحبا ترحيبتن شذاها ورود ورياحين ^^ موضوع غاوي ختيه .. والله لو البنيه تحبني وتباني .. بتخف من الحمل اللي عليه وما بتتفيزر وبتخق يدام الخلق بالمهر ولفلوس الزايده .. أحيد الحريم يخقن بريايلهن .. مب بلفلوس ههههه .. ف يعني لو لبنيه تباني ,, ما بتشترط عليه امور ثقيله ومهر زايد وأصلا هالشي بينعكس سلبيا عليها يعني لو كان المهر مرتفع ,, الريال ما بيروم يعيّش حرمته حياه مريحه وسعيده لنه بيكون عالق فديون المهر والعرس ,, ومضغوط من الناحية الماديه فهالشي بيضر الحرمه >> فكروا عدل ^^ << .. اما لو الحرمه تبا تتفشخر شرا ماقلتي ,, وتبا مهرها مرتفع ف هذي حرمه ما تصلح حق زواج أصلا لنها تفكر فمصلحتها وبس .. وحرمه شروا هذي وراها عوار راس أريد و أريد وأريد .... وطلبات مالها أول ولا آخر .. يعني انت توك ياي من الدوام وتعبان تبى ترقد .. بتقولك أريد خاتم الحين هههههه مب لهالدرجه ,, بس يعني ههههه <<<<< ... ترا الحرمه فالنهايه ما بينفعها مهرها ولا بتنفعها الخقه .. اللي بينفعها هو ريلها ماغيره فالحرمه كل ما فكرت فمصلحة ريلها ,, فهالشي بينعكس ايجابيا عليها يعني كل ما ارتاح ريلها ..هي بترتاح وبيسويلها اللي تباه اما اذا كانت مطلعه عينه ,,, ف عويناتها الثنتين بيطلعن بعد هههه .. وأنا رايي واضح ... وهو كالآتي : اذا الحرمه بغت مهرها مررتفع وانا ما اروم عليه فهذي ما تصلح حق زواج لنه هي تبا لفلوس وما تباني انا ولنه تفكيرها أصلا ما ينفع يخليها تكون ربة بيت وفوق هذا لو انا ما رمت ادفع المهر هي ما بتوافق يعني هي باعتني عسب المهر .. وهي تعرف اني ماروم أدفع واللي باعك يا صاحبي برخيص بيعه ولا شرايج ^^ يعني لو كنت أحبها ,, بس هي بتكون بايعتني واللي يبيعني انا ماريده وانا ماحب شخص مايحبني ويبيعني و .. و .. و .. و جني كتبت مقاله ههههه :::: زيين ختيه لج كل الشكر عالموضوع الغاوي تقبلي مروري : النورس |
إذا أحبها الغالي يرخص لها وإذا ماحبها بدور غيرها اللي خلقها خلق غيرها ألوف |
اقتباس:
السلام عليكم ورحمة الله وبركاته والله يااختي انا ماراح يكون اعتمادي كله على هالقرض واذا اني اقدر على هالطلبات اكيد بجيبها لها لأني احبها وبسوي اي شي عشانها.. اما اذا كانت طلبات مالها داعـي وفوق طاقتي بتزوج لكن مهب من الخارج من السعوديه ولا من اي دول الخليج.. ومثل مااسلفت بنات الحلال اللي يبن الستر ومتفهمات هن واهلهن واجد.. والله يوفقنا وياكم لكل مافيه خير وصـلاح. آخــوتس الـخـآلــدي |
أحبها على عيني وراسي بس هب يعني اني اعيش روحي فهموم وديون المفروض تفهمني وتفهم ظروفي واذا هي تبي ترتاح فحياتها لازم اتراعي حالتي الماديه راح اتفاهم ويا ابوها واقول له باللي اقدر عليه .. واذا قدرت ابدا ماراح اقصر او ابخل عليها بشي اللي فخاطرها بسويه بس اني ادين هالشي ماارضى احط روحي فيه وانا اكره المثل اللي يقول { ادين واتزين } وراح اتفاهم ويااا اهلهاا واقنعهم .. كل شي بالتفاهم والزين بيي وبنوصل لحل ومشكوره ختيه عالموضوع اخوج حمدان |
| الساعة الآن 04:30 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir