|
وبعد 3 ايام جا العيد وجات نوف وهي كبر وسام تحب الاكشنات بحياتها وهي حلوه بس شخصيتها تميزها عن غيرها وقالت لاجوان:ها شخبار الحبيب طالعتها اجوان بنضره استغباء: أي حبيب ؟؟؟ نرفزت نوف وقالت لها: لا تستغبين افنان(تقصد فيصل بس تمويه تسميه افنان)<<حركات بزارين هع هع قالت اجوان وبكل برود :أييييييي فيصل ما قلت لك نوف وهي على احر من الجمر :لا ما قلتيلي اجوان :امي درت بالسالفه نوف وهي متفاجاه : انتي من جدك انتي اجوان :إييييييييي من جدي ليش في مزح بهالامور؟؟ نوف وهي متحمسه: طيب وشو قالت لك امك ووشلون درت اجوان ماتبي نوف تعرف بالقصه وبعدين هي مغتمة من القصة وما تبي تجيب طاريها قالت لنوف:سالفه طويله وانا مالي خلق اقولها نوف صحيح ملقوفه بس لها طريقه خاصه بتسحيب الكلام قالت لاجوان:براحتك متا ماتبين تقولين لي قولي طيب اجوان عارفه طريقتها بتسحيب الكلام قالت لها : طيب نوف انقهرت دايما اذا سوت نفسها مو مهتمه على طول تجي اجوان وتقول لها السالفه قامت قالت لها : وين وسام....... تبي تضيع الموضوع قالت لها اجوان وهي مو مهتمه لانهي كانت قاعده تسولف مع نجلاءونجلاء كانت كبر اجوان وهي جمييله لابعد حد وحدها مزاااااجيه بس طيووبه مرره :ما ادري قامت راحت نوف تدور عن وسام |
السلاام علييج .. مشكووورة عـ الباارت ,, ابصراااحهـ وااااااااايد قصيير >< فـ انتظاار الباارت الياااي ,, بس يااريييت لو يكوون طوييل ^^ السموووحهـ .. |
قالت نجلاءلاجوان وهي زهقانه : الجو برا حلو ليه ما نطلع نتمشى بالحديقه اجوان بنفس الزهق اللي نجلاء حاسه فيه: ياليت ......حاسه نفسي مكتومه وهم قاعدين يتمشون كان الجو شتا )كانت نجلاء لابسه تنوره ضيقه لونها اسود مع هاي نك نص كم اسود وفوقه بالطو اوف وايت ) (اجوان كانت لابسه تنوره قصيره فيها كسرات وبلوزه شتويه ولابسه سكارف pink مطلعها مررره كيوت) لمحت اجوان فيصل وهو يسلم على جدتها عند الباب قامت سحبت نجلاء وركضو وطلعو برا الحديقه وراحو للحوش وتخبو ورا الخيمه قامت نجلاء تقول لاجوان وهي مستغربه : شفي ليه ساحبتني اجوان وهي تهمس : اصصصص فيصل هنا نجلاء فهمت السالفه : ايييي الا فجاه فيصل لحقهمشكله لمحهم قامو ركضو لين ما وصلو عند ممر يودي على حوش ثاني نجلاء وقفت عند بداية الممر واجوان ركضت لين راحت عند اخر الممر ورا جدار ع الجنب فيصل : نجلاء مين كان وياك نجلاء وهي مسوية نفسها ما تدري عن شي: ماحد فيصل كاشف كذبتها: اجوان صح نجلاء ارتبكت وقالت بينها وبين نفسها :(عارف لييه يسال) فيصل :ها ما قلتيلي اجوان صح نجلاء خلاص الكذبه مكشوفه:أي قام فيصل لحق اجوان اجوان طلت من ورا الجدار الا تشوفه جاي قام سلم عليها وردت السلام وهي قاعدة تناضر بالارض استغرب منها شفيها حزينه وماتطالع فيه زي كل مره والعاده لما تشوفه تبتسم قام يبي يصرف السالفه فيصل وهو يبتسم : كل عام وانتي بخير اجوان وهي منزله راسها : وانت بخير فيصل وهو خفف من ابتسامته : ليش ما قلتيلي سلامات صارلي اسبوع بالمستشفى كنت متوقع ع الاقل اتصال اجوان وهي حزينه اكثر: انا ما كنت ادري انو انت المريض انا ع بالي انو خالي فيصل هو المريض وبعدين خيم السكوت لحضه اجوان والحزن مقطع صوتها:فيصل ما اقدر اشوفك فيصل يبي يتاكد من اللي قالته اجوان :تبيني اروح ؟ اجوان وهي منزله راسها وعيونها مليانه دموع هزت راسها بالموافقه فيصل متفاجئ باللي قالته اجوان وكرر اللي قاله: تبيني اروح ؟؟ اجوان و بصوت هادي يعلن الاستسلام :أي فيصل متفاجئ وشو اللي حصل لاجوان اللي تحبه ومليانه بالحياه وشو اللي حصل لها ؟؟ اسئله كثيره تدور ببال فيصل وما لها جواب........ فيصل مشا بهدوء ومشت وراه اجوان وكل راح بطريقه BRB |
فيصل راح يبي يدخل من الباب الوراني للبيت الا يشوف وسام ونوف نوف تقول لوسام وهي تهمس : روحي سلمي عليه وقولي له انو امك درت بالسالفه وسام وهي مو عارفه شلون تقول له او شلون تتكلم : فيصل فيصل وهو شارد باله مع اجوان: نعم وسام :شخبارك (يارب هذا وقتي اسلم :@) فيصل :الحمدلله وسام:فيصل ترا امي وابوي عرفو فيصل مبلد عنده العقل : بأيش وسام بينها وبين نفسها : كأنو مايدري فيصل يبي يعرف وش السالفه:وسام ماقلتيلي بايش؟؟؟؟؟ وسام : بسالفه اجوان فيصل يطالعها وهو متفاجئ ومنصدم وسام وهي مستعجله لان نوف قاعده تجرها عشان تدخل: انا بدخل فيصل كل الاجوبه اللي بباله انحلت من مجرد كلمتين وفهم ليه اجوان كانت حزينه |
اقتباس:
فمكان ثاني بستار بوكس بالامارات احمد قاعد بالكوفي يضحك على بنت انكب عليها الكوفي يطالعها باحتقار ويقول لصديقه ماجد : اللي يبا يشتري كوفي يتعلم شلون يشيله البنت مسكينه صار وجهها احمرررررر من الفشيله وماجد رفيقه قاعد يقول له وهو ميت ضحك : هههههه انت ماتخلي عوايدك هههههههههههههههههههههههه البنت صاروجهها احمر من الفشله حرام عليك احمد وهو فخور بنفسه : انا ما سويت شي غلط ماجد يبي يضيع السالفه : وين تبا تسافر هالعيد احمد وهو مو مهتم : الدمام ماجد : غريبه مهي عادتك دايم تسافر برا والاغلب بريطانيا احمد : شنسوي الوالده تبا تسير هناك وتشوف خواتي هناك وبالمره اشوفهم انا ماجد مندهش : لك خوات هناك احمد بكل برود وغير اهتمام: أي مو خليصات ماجد زادت دهشته وبغت عيونه تطلع من مكانها: عمي يوسف متزوج وحده ثانيه ماجد يسمي ابو احمد العم يوسف احترام له ولانه متربي مع احمد وابوه وابو احمد رفقان مرره ابو احمد كان فاحش الثراء وله مكانته بالمجتمع عشان كذه ولده مدلع وشايف نفسه..... وابو ماجد كان مثل ابو احمد ثري وله مكانته بالمجتمع بس ولده كان متواضع وشخصيته احسن من شخصية احمد احمد ضحك لين عيونه دمعت من شكل ماجد :هههههههههههههههه لا .... خوات بالرضاعه ماجد فهم السالفه وقام يضحك ع روحه:ههههههههههههههههههههه --------------------------------- شيما قاعده تكلم نجلاء وشيما هي بنت خالهم حمد وهي اكبر من نجلاء : ها شخبارك شلونك ؟؟؟ نجلاء بهدوء وشارد بالها مع اجوان :الحمد لله شيما لاحضت شرود نجلاء وتبي تعرف وشو السالفه اللي ماخذه كل تفكيرها بهالشكل : نجلاء حبيبتي في شي شاغل بالك ؟؟ نجلاء :نعم .....ها لالا مافي شي شيما اللحين تأكد لها انو في موضوع فبال نجلاء وهي مصره تعرفه : نجلاء متاكدة انو مافي شي ترا لو قلتي لي سرك فبير نجلاء مو قادره تكتم السالفه اكثر : الا في شيما قربت توصل للي تبيه : طيب تكلمي ليه حاطته بقلبك وانا موجوده نجلاء لقت اللي فاهمها وقالت لشيما سالفه اجوان ....... : ياترى وشو اللي راح تسويه شيما بسالفه اجوان ؟؟ ووشو سالفه اخوهم احمد ؟؟ ووشو راح يسوي فيصل واجوان هل علاقتهم هذي هي نهايتها ولا بدايتها؟؟ كل هذا تتبعوه في البارت الثاني |
| الساعة الآن 03:14 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir