انتوا الي مروركم احلى و اروع والله ^^"

وهذيل بارتـــين ..

الجـــــــــــــــــــــزء الثـــــــــــــــــاااني ...

هلاااا يامن تعلى في عيووووني عن الغيـــــــر .......هــــــلااا يامن في طيبـــه فوووق كـــــــل النـــــــاااس عالــــــــــي ..

شهقت وقلت وانا اصرخ : يمـــــــــــــــــــــــاااااااااااااااااااا اه ..
ورحت اركــــــض لها ولويت عليها وقعدت اصيــــــــح وقلت : يمه وحشتيييييييني وحشتيـــــــني مووووت ..
امي وهي تصيح متأثره بعد : وانتي اكثر يانظر عيـــــني ..
هند من وراي : قوومي يااا ..هاذي امج بروحج ؟ قومي عيالها يبون يسلمون عليها بعد ..
ضميتها اكثر : مالج خـــــص .. " التفت على امي وقلت : يمـه وين ابوي وعمي عبدالعزيز ؟
امي : في الميلـس ..
قعدت اناافخ واتأفف : اووف ياربي ..ابي اشووووووووفهم ..
وماأوعى ألا وانا منسدحه ع الارض ..
هند : ههههههههههههههه تستاااااهليـــــــــن ..
وانا لين الحين على وضعي مسكت ركبي وصرخت فيها : يالررررررزيلــــــه ..
هند : هههههه يالحولــــه ..مو انا ..هاذي منور اختـــــج ..
التفتت على منور وشفتها لاويه على امي هي ومهرووه ..
جيت عندها وكفختها كفخه معتبره على راسها .. وقلت : علشــــان تتعلميـن ماتضربيـن الاكبر منج ..
منور وهي لاويه على امي : طيـــــــري اقووووول ..
قلت لها وانا استضرف دمي : ماعندي جنــــــاااح هاهاهاها ..
منور : ريد بوول بيعطيـــكي جواانيــــــــج ..
الكل : هههههههههههههههههههه ..
قاموا كلـهم وقعدوا على الكرااسي وكملوا سوالفهم ..وانا ومنور مشبصيـن في امي الي يشوفنا يقول الحيـن بتطير وبتخليكم ..انا على يمينها ومنور على يسارها ..ونسوي حركات حق بعض .. اما انا طلعت جوالي واتصلت على علي : الو علااااااوي ..
علي : هلاااااااا بأم احلــــى كيــــــكه ..
ضحكت وبغرور قلت : اكيـــــــــد كلتوا اصاابع يدكم ورااهااا ..
علي : وانتي الصاجه اصاابع ريوولنـــا ..
ضحكت وقلت : ليش ماقلتوا لي ان امي بتجي ؟
علي: والله ماندري ..هذا عمي عبدالعزيز هو الي قايل لأمي وابوي مايقولون لنـا ..
قلت : اهااا .. زين علوي حياتي طلبتك ..ابي اشووف ابوي وعمي .. قول لهم يطلعووووووون ..
علي : لاااا والله .. يطلعوون والميلس مترووس ريااييل ..
قلت وانا محتره : زين هو ربع سااااااااااااعـــــــــه بـــــس ..
علي شهق : انا اخبر السلاام مو اكثر من دقيقه ..
قلت بدلع الي يحبه علي : علااااوي .انت تعرف يعني لازم الوي على باباتي وعلى عمـي واقعد اصيح ..واتحمد له بالسـلااامــه ..."وكمل عني ..
علي : وتسوويـن فلــــــم هندي معتبــــــــر ..
ضحكت وقلت : هذاا المطلوووووووووووووووووب ..
وشكله احد جاا صوب علي لاني سعمت حس رجال ..وعلي وطى صوته : زين زين عوش الحين بقول حق ابوي وعمي يجون .. باي ..." وسكر الخط في ويهي .."
وبعد يمكن عشر دقايق ..طق الباب ..طرت طيران وفتحتـه وشفت عمي وابوي ولويت عليهم وقعدت اصيــــــــــح ..
ابوي : عوش ..شبلاااااااااااااج ؟
قلت له وانا اصيح : وحشتـــــــــــووني .. الحمدالله ع السلامه يبـا ..
ابوي ابتسم ابتسامه نروت ويهه : الله يسلمج يابنيـتي ..
وشوي ومنور ومهروه جاين ويلوون على ابوي ..
عبدالعزيز عمي : شدعووه وانا ؟ خـلاااص من لقى احباابه نسى اصحاابه .؟ مو كأني بعد انا كنت مسافر ويااه ؟
رحت له ولويت عليه : فدييييييييييتك انت الخيــــــر والبركـه ياعمـي لولااك .."قاطعني وقال : بسج بسج تقردن ..اعرفج كله مجاملااااات ..
ضحكت وقلت : افاااااا ..انت عمي ..انت حبيب قلبــــي .. واصلا ويني انا ووين المجاملاااات ؟
عبدالعزيز : زين بسكم بسكم .. يلااا احنا رايحيـن الميلس ..
شهقت وقلت : شنو شنو شنو ؟ وين ترووحون ..الرجاجيل عندهم بطي وعلي وانتوا قعدوا ارتاحوا ..توكم جاين من السفر ...
ابوي : بس عيـب ياايمـه نخليهم ونروح عنهم ..
قلت وانا معصبه لان ابوي مارتااح وتعب عليه هو وعمي : عيب عليهم هم جايـن هالحـــــــزه ..
عبدالعزيز عصب علي : عوووووووش ..شنو هالكـلااام اليديد ..واصلا احنـا الي جاين فجأه ..وعلي وبطي مع عيال عمج وربعهم ..
تضايقت وقلت وانا رايحه : كيــــــــــفكم ..
دخلت الصاله وشفت الحريم يتعشوون .. مافووت ورحت على طووول وقعدت آكـــــل ويااهم وبعد العشـا راحوا حريم عمـامي علشان امي وابوي يرتااحون لانهم توهم جاين من السفر .. ونسيت اقول لكم ان عمي عبدالعزيز عايش ويانـا . بس هو ساكـن في ملحق بيتنـا .. ورحت حجرتي وبدلت ملابسي ولبست بجاامــــه ونخمـــــــدت ..
قمت الصبـح وشفت المكـان مظلم ..شنو السالفه ..حتى النـور مايبيـن ..وشوي وسمعت حد يدق باب غرفتـي رحت بسـرعه وانا اتحسس المكـان علشان مااظرب بشي .. ووصلت عند الباب وفتحتـه ..شفت علي ماسك شمعـه بيده ..سألته : شنو السالفه ؟ الكهرباء مطفيه ؟
علي بهمس : اوووش ..وطي صوتج ..وتعالي خلنـا ننزل تحت ..
مافهمت ليش مايبيني اطلع صوت ..بس كان في خاطري اعااند واصرخ ..بس كنت نعسـاانـه فـ ماحبيت يجيـني كـف ينسيـني اسمي .. نزلت وياه تحـت ..وشفت ابوي وعمامي كلهم مجتمعيـن تحت ..وبطي وياهم .. سألتهم بخوف : شنووووو السالفــــــه ؟
ابوي ابتسم : تعالي حبيبتي تعالي ..
رحت له وقعدت يمه وبخوف قلت : يبه شنو السالفه ..؟
ابوي : انتي موافقه تبتعديـن عنـا ؟
استغربت : يبــــه انا مستحيــــــــل ابعد عنكم ..ووين اروووووح ..؟
عبدالعزيز : البنت مالها كلمــــه ..
التفت عليـه وماكنت اشوفه وجهه عدل لانه الشموع خفيفه ومو صوبـه ..لكن رديت عليه : مستحيـــل ابعد عن اهلـــــي مستحيــــل ..
بطي عصب : مو على كيــــــــفج ..والقراااااااار مو قراااااارج ..
عصبت عليهم : انتوا شفيــــــــكم ..؟ وين تبوووووني ارووح ؟ علي تكلم ..يبـه عمي سالم شسالفه ؟
ابوي : عبدالعزيز احنـا مانقدر نغصبها ..
عبدالعزيز : ماعندنـــــــا بنــااات يقررووون ..
وشوي واحـس بحرااره بريوولي ..وحركتها بسرعه واسمع منور ميـــته من الضحك ..
صرخت عليها وانا اشوف الشمعه بيـن يدينها وتقربها صوب ريولي : يااااااالرزيييييييييييييلـــــــــــــــــــــــــ ـــه ..
منور : هههههههههههههههههه ..ميــــــــته قهـــر منـــــج .. تستااهليــــن ...
رحت لها اركـض بس السباله سبقتني وطلعت وسكرت الباب وراهااا ..رجعت غرفتي ..وفي لحظه استوعبت الي صاار ...لحظه لحظه .. الي صار مساعه كلـه حلــــــــم !! .. بس وين يبون يودوني ..ابتعد عنهم اروح وين ؟ يااه ألا حلـم .. رحت الحمـام غسلت ويهي .. ولبست بنطلون زيـتي فضفاض وجيبيـن صوب الفخذ ..ولبست بدي زهري ولبست جاكيـت ليموني وعليه كلااام بالزهري ..ترى الدنيــاا برد ..ورفعت شعري ذيل فرس وانا طالعه من الغرفه شفت بطي طالع بعد من الغرفه ابتسم لي وقال : صباح الخيــر ..
ابتسمت وقلت : صباح النور .. هاا بتروح الشغل ؟
بطي وهو ينزل من الدري وانا الحقه : اي برووح .. تبيـن شي ؟
قلت له وانا اعديـه : لاا سلاامتك ...
ووصلنـا غرفه الطعام وشفت ابوي وامي قاعديـن يتفطرون ..بستهم على راسهم ..صبـااح الخيـــــر ..
الكل : صباح النــــــووور ..
قلت وانا آخذ لي جبـن ويا خبز : هاا شلوونــكم ؟
ابوي : بخير داامـج بخير ..
ابتسمت وحذفت الخبزه في حلجي : دووووم ياااااااااااااربي ..
امي : عوش اليوم بيجون اخوان ابوج واختي سعاد ..
طالعتها وانا مستغربه : انزيـن .؟
امي ابتسمت : اي حبيبتي ..بيجون بيتغدون عندنـا ...و .." وابتسمـت لي ابتسـامه عريضـه ..
استغربت حدي ..شفيها امي : يمـه شفيــج ..و شنو .؟؟
امي : والخداامــتيـن بيكون عندهم طبــاااخ ..وانا مافيـني حيـل اقوم انظف ..
صرخت : لااااااا ..يمــــــــه ارجووووووج لااا تقوليــــــن ارتــــــــب ..
بطي وهو يشرب الحليب : وليش ياعيوون امج ماترتبيــــن ؟
قلت وانا معصبـه : يااخي ماحب ارتب ..تفهم ..ماااااااااااااااحب ..
بطي : عيب عليـج امج تآمرج وانتي ترديـن كلااامها ؟
نزلت راسي بحيا ..بصراحه صج اني جليلة حيـا ..امي تأمرني وانا اقول لاا ..ماستحي على ويهي ..قلت لها وراسي في الارض : ان شالله يمـه ..تبين شي ثاني ؟
امي ابتسمت : بس ابيـج تنظفيـن مجلس الرجاجيـل ..
رحت لها وبستها على راسها : تأمريـن امر ياالغاليـه ..
طلعت من غرفه الطعـام ..ورحت الصاله وشفت منور تشرب عصير برتقال ..
قلت لها وانا منقهره : وحظرتج ليش مو رايحه الجامعه ؟ هاذي اول سنه لج وجي مستويـه بليـــده ..تلحلحي ..
منور ببرود : والله ياعيووني محاظراتي تبدأ الساعه 9 ونـص .. وانتي بعد ليش مب رايحه ؟
طالعتهاوقلت لها : انا اليوم off "وكملت وانا اشوفها بخبث وانا ادري انها تجذب " دااااام محاظراتج متأخره عيــــــل يلااا جداامي المجلس
منور مستغربه : وليش ؟
قلت : الخدامتيـن مشغولـتين بالطبـااخ .. وابيـج تنظفيـن ويااي المجلس ..
منور بكذبه سريعه : ويييييي نسيـــت ان اليوم الثلاثا ومحاظراتي يبدون الساعه 8 .." وقامت " سووري عوش .." وطلعت بسرعه من البيت علشان الدريول يوصلها .. ضحكت عليها من قلب ...طلعت بروح صوب المجلس ..ووقفت في نص الحوش ..قلت خلني اروح اشوف عمي .. طقيت باب الملحق ..وجاني صوت : تفضـــلي ..
دخلت وشفته قاعد يلبـس غترته .. قلت له وانا معجبـه بشكلـه : الله الله ..شنو هالجمــــااااااااااال ؟
عبدالعزيز بغرور : عمج طول عمره جميـل .. مثلج ( وغمز لي )
رحت له وسكرت معقم ثوبـه : والله ياااعمـي انا مارحت بعيـد ..طلعت ع القمر الي جدااامـي ..
ضحك وقال : يااحظ ريلـج فيج ..لســـاانج عســــــل ...هههههههه ..
تكدرت وضااق خلقي ..يعني لازم كل حزه يذكرني بالزواااج ..لاحظ عمي اني متضايقه ..جا ولوى علي وقال : عوااشه حبيبتي لاتضيقيـن بخااطرج ..هذا واحد مايستحي على ويهه ..وحقير وخاايـن ..
قلت بسرعه : مايجوز ع الميـت غير الرحمـه ..
ابتسم : والله انج بنت رجاجيـل .. والله لو بنت غيرج ..لين يومها وهي تسب فيـه ..
ماحبيت اطول ويااه في الموضوع لاني ماحب حد يجيب سيرته وقلت : انا طالعه .. تبي شي ؟
عبدالعزيز : سلااامتج ..
طلعت ورحت المجلس الي برع .. دخلت وانصـــــدمت .. من الفوضى الي صايره في المجلس .. قواطي بيبسي ..آكـل ..قراطيـس ..منثره في كل مكـااان : يااااااربيــــــــــــه .. انا شلوون بنظف هذا برووووووحي ..!؟
سمعت حس من وراي :..تبين اسااعدج ؟
التفت بسرعه وشفت فصول اخوي ..
ابتسمت له ونزلت لـ مستواه : اي حبيبي ..ابيك تروح غرفتـي ..بتشووف CD ع الكومدينوا ..جيبـه ..
استانس فصول انه بيروح غرفتي ...وراح يركض .. قعدت ارتب والم الوسخ والكلينكس والاشيـاء المنثره .. وشوي ودخل علي فصول ..خذت منه الـ CD وطلع من المجلس .. وانا شغلت الـ CD وكان Be-easy لـ massrri مسكت المكنسـه وقعدت اكنـس المجلس وانا اغنـي ويااه وارقـص .. وبعديـن احتريت ..فصخت جاكيـتي وربطته على خصري ..وكملت رقـص .. ويحليلي اشتطيـت وقمــت اسووي فيديو كليب ..خلصــت تظيف المجلس بعد ساعه و ربع .. لانه المجلــــس كبيــر ..وفي جزء منه مانظفــته لاني عيزاانـه ..وبعدين شفت مكان الـ CDs ..CD i-am لـHilary Duff استخفيـــت ...لاني امووت على هاذي المغنيـه .. وعرفت انه علوي ألي جايبـه لان هو بعد يحب يسمع لها .. شغلته وقعدت ارقـص انجليـزي ..والي معلمتني ارقص انجليزي هندووه يحليلها ..ورحت اناقز على الكرااسي وانا اسوي حركـاات ..شووي وخلصت الاغنيـه وسمعت تنحنح ..التفت بسرعه وشفتـــه ..آآآآه محلى عيووووووووووونـه ..هو نفــــسه ..الي شفتـه في المطبـخ .. حاولت اتحرك .. بس ريلي مجمده ..مو قادره اخطي ..عيوني على عيونه ..محلااااه .. وبعد شوي حسيت به محد ..وين رااح ياربي ..معقوله اتخيـل .. مادري شنو الي خلاااني اطلع واتأكد اذا كنت متخيلته ولاا لاا ..طلعت وطليت شوي شوي من المجلس ..ألا اشووفه عند الباب وفي وجهي ..صرخت صرخه ..حسيت انه لوزي طااااحــت ..ورضخت الباب في وجهه ..وقعدت على اقرب كرسي وانا اناافخ ..خاايفه ..مرتبكه ..ماااعرف شلوون ؟ وشوي وسمعت حـس عمي عبدالعزيز يقول : اقلط المجلـس ..
والطرف الثاني يقول : لااا لااا اسمحلي ..انا الحيـن راايح ..
عبدالعزيز : ورااه يارياال .. اقلط مايصيـر ..
الرجال : لاا اسمح لي والله ورااي شغل وعفسـه لين رااسي .. امرك في وقت ثاااني ..( وفي قلبي قلت الحمد الله انه ماجاب سيرتي ولااا قال انه بيدخل المجلس ....وشوي وحسيت بـ صوتهم يبتعد عن المجلس ..طليت من الدريشه ..وشفتهم راااحوا بعيــد ..طلعت من المجلس ركـض ودخلت البيـت .. شفت امي في المطبخ ويا الخدامات يسوون الاكل ..رحت بسرعه فوق قبل لاا تمسكني امي وتقول تعالي طبخي ..انا وين والطبخ وين ..انا سويت وحدي .. حذفت روحي على السرير ..وماوعيـت ألا على ضرب على الباب ..
مهره من ورى الباب : عوووووووووووووش ..يــــلااا مو رقاااااد عليــج .. الساعه سبع ونــــــــص المغــــرب ..
شهقت والتفت بسرعه ع الساعه ..وكانت صج سبع ونـص .. بسرعه قمـت من الفراش ورحت غسلت وجهي وتوضيـت ..وصليت الظهر والعصر والمغرب .. اووف يااربي ولااا حد يقومني .اعوذ بالله من الشيطان الرجيـم .. بدلت ملااابسي ..ولبســـت فستـان ليموني حمالات ضعاف لين ساقي .. ولبست شبشب ابيـض ..رفعت شعري وسويـته مثل الايماراتيـن بكليب اصفـر ..ولبست تاج اصفر ومنقط بالابيـض ..ونزلت غرتي شووي .. حطيت لي بودره وميك اب خفيف وقلوس وردي ..وتعطرت بعطري الفضـل .. ونزلـت تحت .. شفتهم كلهم موجوديـن ..
هند : تو النـــــــــااس .. ليش جاايه جان كملتي رقاادج ..
ضحكت ورحت سلمت ع الحريم ..ووصلت عند البنات وقلت : مادري والله بس كسرتوا خااطري ..قلت مساكين بيتمللوون بدووني ..
ثجوب : لاااااا يالوااثق .. ترى وجودج والعدم وااحد ..
المياسه : لاا حدج ثجوب ..كلـــــــش ولااا عوش .. هي نواارة البيـــت ..
تنحنحت بغرور : اشكرج ميــااستي ..
وقعدنـا نسوولف ونضحك وشوي و ثجوب تقول : بنااات من خااااطره يرووح البحـــــــر على هالجــــووو ؟
صرخنــا انا وهندوه ومنور ومياسه ..ان نبـي نروح .. واولهم انا ..ههههه
ثجوب : هههه ..عيل تعالوا بووسوا يدي ..
منور : هذا الي نااااااااقـــص بعد ..
ثجوب : اووكي ..بعدين ترجيـني قولي ثجوب وديـني ...زيييييين ..
منور : يوم بتسووقيــــــــن وبيكوون عندج سياره بعدين افكـر اترجااج ..او اركب وياج ..
ثجوب : عيوني مو اناالي بوديج اخوي بندر ..
تضاايقت من طروولي اسمـه وقلت : انا مو رايحـه .
ثجوب : افااااااا ..ولاا علشـان بندر الي بيوديـنا ..
ماحبيت ابيـن لهم اني ماابي اركب ويااه او اكرهه ..اصلا انا مااكرهه ..بس حركاته لي ماتعجبـني .. فـ قلت : لااا مو علشان بندر .. اصلا انا مابي اروح ..
المياسه : الله الله .. مو جنج انتي اول وحده قايله تبيـن ترووحيـــــــــــــن ؟
تبلعمت وتغير لون وجهي وقلت : اي .. بس الحين غيرت راايي ..
هند جرتني من يدي : قوووووووومي اشووووف ..
عااندت وقلت لها : ماااابي هندووه مابي ..
قاموا ..مياسه وثجوب يلبسون عبيهم ..
هند : عوش عن السخاافه ..يلااا ادري فيج عشقج البحر ..
قلت لها : غصب يعني غصب غصب .. ماااااااااابي ..
هند جرتني من يدي حسيت انها انفصلت عن عضمي الثاني من قوتها ..صرخت عليها :آآآآآآآآآآي يالدفشششششششششه ..
هند : ههههههه ..يــلااا يلاااا ...علشان ترجع الذكريـــــــاااات ..
وراحت ركـض الصاله الصغيره علشان تاخذ عبايتها .. اما انا ركبت الدري علشان اروح غرفتي .,.وقلت ليش احرم روحي من احلى مكان عندي .. برووح وان شفته يسوي لي حركات ولااا شي صرخت في ويهه وفضحته جداام خوااته .. لبست عبايتي ونزلت تحت وماشفت غير منور ومهروه ونجود والحريم ..سألتهم : وينهم البنات ؟
عمتي خلود : رااحوا ..لحقي عليهم .. ههه
رحت اركض وانا اضحك على عمتي ..ياحليلها عمتي ..وصلت عند السياره وركب ورى بندر وقلت : السلام عليكم ..
الكل : وعليكم السلام ..
بندر : شلونج عاشه ؟
قلت في قلبي ..اتحدااك اذا قلت حق هندوه ولا مياسه شلونكم .. بس اعرف سوالفك ..ولكن فاجأتني هندوه تقول : الحيـن انا مرتزه في السياره اول وحده ماقلت لي شلونج يابنت عمي ..وعوش توها راكبـه قلت لها ؟
بندر : هههههه ..شنو غيرااااااانـــه ؟
هند : وييييييي ..هذا الي نااقـص هند بنت محمد تغاااار ..
ثجوب : اي ادري فيج ..وينج ووين الغيره ..
وقعدوا يسولفون ويتناقرون وانا في خاطري ابي اسوولف بس سااكـته ومتحمله لاني اذا تكلمت بفتح مجال لبندر انه يسولف ويااي وانا مابي .. طلعت المبرد من شنطتي وقعدت ابرد اظافري ..وشوي وألا مياسه تقول : بندر حط لنـا شي ..مااحب هدوء السياره .. ابي شي يطربنــااا ..
كتمت ضحكتي على هالمربووشـه ..والله كان في خاطري اسمع شي ..زين منها قالت ..فديييتها والله .. رفعت راسي وتلاقت عيني في عين بندر في المنظره .. شافني وعلى طول غير نظرته لـ مياسه الي كانت في الوسط وسألها : شنو تبيـن تسمعيـــــن ؟
مياسه : جوواد العلي ..حبيني وشوفي ..
كنت بصرخ وبقووول وااااااععععععع .. بس زين مني مسكت حلجي ..بس ردت ثجوب وقالت : واااااااااااععععع .. الله يكرهه ..لاا لاا والله ان شغلته حذفت روحي من السياره ..
بندر : ههههه ...آسف بنت خالتي ماقدر اشغله لج ..بصراحه انا اختي ابيها ..
ثجوب بغرور : احم احم ..حط لنـــا ..محمد عبووه ..الطرب الاصيـل ..
نقزت هندوه : وعععععع الله يقرفه من مطرب ...واايد شاايف روحه ..والله انه صوته يجيــب المـرض ..حط لنـاا shakeera خلها تطربنـا ..
وانا في قلبي ..ياااروحي على ذووقج ياهندووه .. بس اخااف ماامسك روحي وارقص لكم بالسيااره ..
نقزت المياسه وقالت : شنو شنو ؟ شاكيرا .. لااا عيوني ..تبيــن سياره ولد خالي تنفجر من صرااااخهااا ..
ماقدرت امسك ضحكتي وقعدت اضحك ..
ثجوب : زين سمعنـا حسج ..تصدقيـن على بالي رقدتي ..
فشلتني السباله وقلت : هاهاها .. ليش جايفتني ثاجبه ارقد في السياره ..
كل الي في السياره فطـس من الضحك ..
وثجوب : ارااويـج يالرزيلـه ..مااسكـه علي هالساالفه من ثمان سنيــن ..
بندر : هههههههههههههه .. بسكم بسكم ..وصلنـــا ..
نزلوا مياسه وهندوه وثجوب يكضون وانا بلحقهم بس كانت عبايتي شايره في السيت الي جداامي ..حاولت اطلعها ماقدرت ..قعدت اجر فيها واجر مافي فايده .. وشوي وألا احس بظل فوقي رفعت راسي ألا بندر يقول : شفيج ماتنزليـن ؟
عدلت قعدتي وقلت : لاا بس بقعد في السياره ماله داعي انزل ..تراني اشوف البحر ..
بندر مستغرب : شنو ؟
قلت له وانا احاول اسكر باب السياره الي هو متكي عليه : احب اشوف البحر من السياره ..
بندر راح صوب البحر : كيفج ..
رااح وانا دنعت علشان احااول ااجر العبايه من السيت ..وشوي وألا صوت خشن يجيني : قولي من الاول ان عبايتج شايره ..
رفعت راسي وانا اشوف نظره سخريه بـ عين بندر عصبت وقلت : كيييييفي مايخصك زين ..
طنشني ونزل لـ مستوى الست وجر عبايتي مره وحده وطلعت من تحت السيت .. انصدمت .. وانا صار لي سااعه وانا اجر في هالعباايه الملعونه وماطلعت ..
بندر شاف ويهي وضحك : شبلاااااج ؟
احترق ويهي ونزلت من السياره بسرعه ورحت صوب البنـات وين ماكانوا يلعبووون .. قعدنـا نلعب بالرمـل ونرش بعض بالمــااي ونضحك ونذكر اياام قبـل .. وانا كنت حاسه وعارفه ان عيونه علي وين مارووح ..وبعد شوي وألا بندر يقول : بــــــــــسكم عاااااااد يلاااااا ..
ثجوب : بندووور ارجوووووووك ..
بندر : يلااا يلااا اكوهم الشيـااب سندرووني يقولون لي جيبهم ..
رحت بدون اعتراض وركبـت السيـااره ..ورجعنـا البيــت وكان سوالف وحشره نفس الجيـه ..
دخلنـا الصاله شفنـا الحريم يتعشوون ..
قلت لهم : ايااااااااااا الخوونــــــه .. انطروووونااا زيـــــن ..
عمتي خلود : انتوا تأخرتوا ..
قلت وانا افصخ عبايتي بسرعه علشان آكل : زين انطروووا ..
ورحت بسرعه وعفدت على الاكل وقمت آكـل وآكـل . بصراحه كنت ميتـــه من الجووووووع ..
خلنصـا عشــاا وعلى الساعه 11 راحوا بيت عمامي ..وشوي وراحت عمتي بعديـن .. رحت غرفتي تعباااااااانـه جسمــــي مكسـر ..تسبحت بسرعه ولبست بيجامه بيج وعليها دبدووب في الوسط بني ..والبنطلون عليه دباديب منثره بنيـه .. انسدحت على السرير وخذت جوالي وشفت فيه 3 مكالمـات ومسج ..
شفت المكالمات كلها من رقم غريب .. والمسج من نفس الرقم .. اسغربت ...من بيكون ؟
فتحت المسج والفضول بيقطعني ..ويوم شفته احتتتتتريــــــت وبغيت اكسر الجوال ..تخيلوا توقعوا ..شنو المسج ..؟ نقطـــه ..اي نقطـــه ..مطرش لي نقطه ..اوووف يالقهر ..شنو هالسخاافه الي فيه .. وييييه ليكوون نوير ماخذ رقم يديد ومسويه فيني مقلب ..ارااويها بكره في الجامعه .. حطيت جوالي في الدرج وانخدمــــــت ..
قمـــت على صوت منبه الجوال .. سكرته وقمت بكســــل .. رحت غسلت ويهي ولبست لي تنوره ورديـه عليها حركااات بالسماوي وبدي ابيـض عليه حركات سماويـه .. رفعت شعري كــاامل ..وانا متضاايقه منه ..اطوول شعر في عايلتنــا هو شعري ..اوف والله يملل .. في خاطري اقصه بس بيحشرووني ..والله يقهرون يعني هو شعري ولا شعرهم ..احتريييييت وحطيت لي بودره وكحــل وقلووس وخذت وياي شنطتـي البيـضه ..ولبست عبايـتي وحطيت شيلتي على كتفي ونزلت وشفتهم في غرفه الطعام يتريقوون قلت : صبــــــــحكم الله بالخيــــر ..
الكل : صبحج الله بالنــــــــووور ..
قعدت آكـل بهدووء لأول مره .. بس لاني كنت اخطط لـ شي .. ونقزت فجأه وقلت : وين بطي وعلي ؟
ابوي : راحوا اشغاالهم ..
صرخت : لااااا ..ومن بيوووصلــــــــــــــــــني الجاااااامعه ؟
امي : انتي ماقلتي لهم ان اليوم عليج جامعه ..
قمت بسرعه وانا اجمع كتبي واخذ شنطتي : زين زين بروح ويا الدريول تراني تأخرت ..
امي : الدريول راح يوصل مهره المدرسه ومنيره الجامعه ..
صرخت : واناااااااااااا ..من بيوصلــــــــــــني ؟
جاني صوت من وراي : افاااااا عليـــج .. بالخدمـــــه ..
التفت ورى وشفت عمي عبدالعزيز ..رحت لويت عليـه وقلت : وااي فديتك .. يلا يلا بسرعه تراني متأخره والدكتور بيطردني بعديــــن ..
عبدالعزيز : هههه زين زنطتيـني ..
وخرت عنه وانا منحرجه ..مسكين زنطتـه .. ضحكت ورحت بسرعه السياره .. ركب بعدي السياره وانا قعدت احووس بين الاشرطـه .. محمد عبدوه .. جواد العلي ..حسين الجسمي .. ماجد المهندس ..فيروز ..تامر حسني .. اوف اوف .. قلت له : بــــــــاال ..شنو هالاذواااااااق التمضااربــــه ..
عبدالعزيز : هههههههههه .. احب انوووع ..
قلت له وانا اقلب بالاشرطه : يعني ماتحب تسمع لـ شخص معيـن ؟
قال لي وهو مركز على الطريج : نو ..
حذفت الاشرطه وشغلت شريط ماجد المهندس ..وجات على عنيـه جنه جنه .. عاااااد شقيـــت الحلج وقمت اغني وياااه ومشتطــــــه ..
عبدالعزيز : هههه ..شوي شوي لاا تقلبيــن علينــا السياااره ..
طالعته بنـص عيـن وقلت : ههيهي ..
عبدالعزيز ضحك وكمل طريجـه ..وشووي وألا السيــاره تختـــض وكانت بتنقلب بندت المسجل بسرعه ... يالله حسن الخاتمـه ..وقمت اصررررررخ ..

الجــــــــــــــــــزء الثــــــــالــــث ..
اذا هـــان عليــــــك ايام من غيــــــــــــر سماع صووووووتـــــــي .... بيهوووون عليــك يالخال سماع خبـــــــر مووووووتــــــــي ..
لكـــن عبدالعزيز سيطر على السياره وركنـا على جنب ..التفت عليـه شفته متوتر وحاله معفووس .. ماقدرت امسك روحي وقمت اصيـــــــــح ..
عبدالعزيز : ولييييييــــــن .. سكـــــتي ..
وانا اصيح : كنــــاا بنمووووووووت ... " ورجعت اكمل صيااحي .."
وشفته يطلع جواله ويدق على شخص .. وشوي وألا يقول : الوو .. هلاااوالله .. الحمدالله ربي يسلمك ..انت شخباارك .." وانا في قلبك يالمتفيــــــــج طااااااق سلاااماات وانا ورااي محااظره بتأخــــــــــــــر ..
قلت له وانا اصيح : عزوووووز والله بتأخر ..
طالعنـي عبدالعزيز بنظره ..حسيت ان موتي قرب .. وقال لي : عووش انطمـي .. بلعت ريجي ..وهو كمـل مكالمتـه : انا في طريج الجامعه .. اي ..يلاا عيل انطرك .. ههههههه ..طيـــــر .. لااا لااا مو محتااج منتك .. زين يلاا باي ..
والتفت علي وقال : يوم انا اتكلم في التلفون انتي تسكتين زين ..
ماعرفت شنو اقول وتميت ساكتـه ..
صرخ علي وقال : تفهميــــــــــــــــــــــــــن ..
صحت وصرخت عليه وقلت : زيييييين لااا تصــــــــــرخ ..
وكملنـا يمكن عشر دقايق ألا سيـاره صافه حذاانـا .. عبدالعزيز يقول لي: تغشي ..
بسرعه تداركت روحي وغطيت ويهي .. نزل عبدالعزيز وقام يسوولف ويا الشخـص ومادري شنوي يقول له .. بعدين قال لي نزلي ..نزلت ووقفت على جنـب .. وقاموا هو ورفيجه ..مادري هو رفيجه ولاا لاا بس الي ويااه ..قاموا يركبون تاير " عجله " حق السياره لان التاير الثاني انفــش ..قمت اراقبهم بس ماكنت اشوف وااااضح لاني كنت متغشه والغشوه ثقيله والشمس على عيــني ..خلــصوا وأشر لي عبدالعزيز اني اركب السياره ..ركبت السياره والفت الصوب الثاني وشفـــته يااربي هذا صج ولاا لا ..صار لي ثلاثة ايام وكل يوم اشوفه .. كان يغسل يده بقرشه ماي هو وعبدالعزيز ..وكان باين عليهم يضحكوون .. وركب هذا الشخص سيارته ..وبعدين ركب عبدالعزيز السياره وكمل طريجه .. الحيــــــن عرفت من يكوون هذا .. هذا رفيــج عمي ... ياااه ياازيـــــــنه ..يهبـل يهبــــــل .. وشوي وصلنـا الجامعه نزلني وانا متضايقه لاني عارفه الدكتور بيطردني ..وبالاساس يعني اذا دخلت ولا مادخلت مابيأثر لان فكري وياا رفيج عمـــــــي .. دخلت عليهم في نـص المحاظره ..وهاوشنـي الدكـــتور وكان بيطردني .. بس انا قمت اطلع حجج واتأسف ..والحمدالله مشت عليه وماطردني .. قعدت يم نوروه ..وبعد ساعه ألا ربع خلصت المحاظره وطلعنـا ..وقعدنـا في الكفتريـا ..انا ونوروه وثجوب لان شفناها في طريجنا هي ورفيجتها .. قعدنا على الكراسي نسولف ..وشوي وجات رفيجتي دانه .. قمت سلمت عليها وعرفتها على البنـات ..
دانه قالت لي : عوش ممكن شوي ..
رحت ويا ها : خير ..
دانه وهي مستحيه : اممم ..استحي ..
ضحكت على شكلها : هههه شبلاااج دندوون ..
دانه : انخطبـت ..
طرت من الوناااااسه : واللــــــــــــــــــه .. مبروووووووووووك دنووون مبرووووك ..
دانه مستحيـه : الله يبارك فيج والفال لج ..
ابتسمت غصب عني وقلت لها : أياا الخاااااينــــــه ولااا تقوليـــــــن ..
دانه : ههههه ..والله العظيم انج اول وحده تدري ..وانا قلت مابي اقول لكم ألا اذا رديت عليهم بالموافقه ..
حظنتها وقلت لها : فديييييييييتج ..والله بيبي .. صغييييييره ..
دانه : عداااااااااااااال ياام العيااااال الحين .
فطست عليها من الضحك ..ترانا في نفس العمر ..
خلـص وقت البريك وخلصت المحاظراااات وماحسيت فيهم لان تفكيـري انشاال وياا رفيج عمــي ..اووف ياربي بس اعرف اسمـــــــــــه ..
خلصت واتصلت على بطي ..وقال لي مشغول ..اتصلت على علي ..وقال لي انه جاي .. وصل علي ورحنـا البيــــت وانا بطني بيذبحني من الجووع ..وصلنــا البيـــــت وفصخت عبايتي بسرعه وقعدت آكل ويااهم .. خلصت غدا وطلعت فووق غرفتي بدلت ولبست بجامه وانخمـــــدت .. قمـت على حس بطي يقول لي : عوش قوووومي ابوي يبيج تحت ..
قمت بسرعه وغسلت وجهي وبدلت ولبست بنطلون ابيـض برمودا وبدي اصفـر ورفعت شعري ونزلت وشفت بطي وعبدالعزيز وعلي وابوي وامي قاعدين قلت : السلاااااااااااااااااام .. متجمعيـــــن اليوم خيـــر ؟
ابوي يبتسم : خير ان شالله ..
قعدت يم ابوي وانا ابوس راسه: آمرني يبـه ..
ابوي يمسك يدي : عاشه يابنيتي ..اليوم بندر ولد عمج خطبج ..وواحد من ربعنـا بعد خطبـج .
انصــدمت .. شنو ؟ هذااا ماينفع وياه شي ..رفضته ثلاث مراات مايفهم ..
صرخت وقلت : قلت لك يبــــــه انا بندر ولد عمي اعتبره اخوووووووي ..فهمت شنو يعني اخوووووووووي .. وفكره الزوااااااج كلها شيلوووها من رااسكم ..انا زواااااااج مابتزوووج ..
صرخ علي بطي : مااعندنــــا بناات يقعدوون ببيووت اهلهم ..البنت مالها ألا بيت ريلها ..
قلت له : انا ماااااااابي اتزووووج ..وليش بندر يخطبـني رافضته ثلاث مرات ..خله يشوف غيري ..ماابيــــه ....
عبدالعزيز بهدوء غريب : زين ..والرجال الثاني الي خطبج .. مالج عذر عليـه ..رجال معرووف بين الكـل له مركـزه والكـل يعرفه ..ويمدح فيـه ..
قلت لهم : ماااااااابي اتزوووووج شفيـــــكم..
صرخ علي بطي : شووووووفــــي يااتتزوجيـــن بندر ..ولاا احمد ..
صرخت عليهم : موعلى كيــــــفكم ..الراي رايي انا .. يبــــه تكلـــم ..
ابوي : يابنيـتي الي يقوله اخوج وعمج صح ..ياترضيـن ببندر ولا بـ احمد ..ومايصير توقفيـن حياتج علشـاان واحد ماعرف قيمـتج ..
قمت اصيح وقلت لهم : حرام عليكم انا مابي اتزووج لاااتزووجوني ..خلاااص انا جربت واحد وكفاااااايــــه .. مابي اجرب مره ثااااااانيــــه مااااااااابي ..
عبدالعزيز وقف وبصوت وقف قلبي قال : ولد عمج عرفنـــا سبب رفضج لـه .. قلتي اخووي ورفضنـا اكثر من ثلاث مرات ..بس احمد ..شنو سبب رفضج له ..
قلت وانا اصيح واصرخ : مااااعرفه شلوون تبيني اتزوووج واحد ماعرفه ..
عبدالعزيز صرخ علي : لااااا ..انا قاعد اسمع كلااام يديد .. شنو بعد ماعرفه .. شراايج تقوميـن تسووين ويااه علااااقه قبل زوووااجكم وتشوفيـن اذا كان يصلح لج ولاا لا ؟
صرخت عليه وقلت : انتوا ماتفهمووووووووني ..انا ماااااااابي اتزووووج ..خلاااااص عفت الزووواج ..انا مترمله وانا صغيييره ..وكرهت الزواج وسيره الزوااااااااج ..
عبدالعزيز وهو يطالع ابوي : قلت لك ياجاسم ... البنات مالهم رااي .. وانا بكره برد على الريال خبـر .. ومتى ماحدد الملجه بتملجين ..مفهوووم .. " وطلع "
صرخت وطحت على الارض ودموعي على خدي وانا اقول لأبوي : يبــــــه حراااام عليــــــه حــــرااااااااااااااااااام ..ماابي اتزووج مو غصب مو غصــــــــب ..ورحت اركـض غرفتي وقفلت على نفسي الباب ..وقمت اصيـــح واصيــح ..
ورقدت على هذا الوضع ..قمت ع الساعه 3 الفجر وانا احس راسي بينفجــــر ..قمت خذت لي بندول وشربت وراه ماي ..وغسلت وجهي ..وطلعت برع الغرفه شفت البيت مظلـم ..طبعا الكل راقد .. رحت المطبخ وسويت لي نسكا فيه ..رحت الصاله وانا أفكر ..ياربي ماابي اتزوووج ماااااااااااااابي ..وشوي وسمعت حس حد نازل من الدري قمت بسرعه علشان بروح غرفتي .. شفت بطي نازل ..قال لي : شمقعدج هالحزه ..." طنشته وكملت طريجي ..بس شهقت يوم مسك يدي بقووه ..وقال : يوم اكلمج تردين علي فاهمه ..
صرخت عليه وانا اصيح : مالك شغل فيـــــني فااااااااهم ..
بطي عصب : لااا طوووليــن حسج علي ..
صرخت عليه معانده : كيييييييييفي ..كفايه بتزوجوني على كيفكم ...
بطي حسيته نقهر وقال : هه وازيدج من الشعر بيت الملجه بعد الخميس الجاي ..
انفجرت من الصياح وخليته ورحت اركض غرفتي وقعدت اصيح ..ياربي ليش انا جي منحووسه ليش مايحسوون فيني اني مابي اتزووج ولا افكر بالزواااج .. ياااربي شنو هالعقــد الي عندهم ..اهلـــــــي معقـدين .. غفيــت ووعيت ع الساعه 8 ..اووف ياربي اليوم الاربعاء ..يعني باقي 8 ايام على الملجه .."وقمت اصيح ...وبعد فتره قمت ورحت الحمام ..كان وجهي شاحب وعيون متورمه .. طلعت لي ملابس وتسبحت وقعدت أنشف شعري بالاستشواار ...وشوي ودخلت علي منور اختي ..
منور شاقه الحلج : اياا الخااااااااااااااينـــــه تنخطبيـــــــن ولا تقوليـــــــن لي
عصبت عليها وصرخ وقلت : اطلعــــــــــــــي بررعععع ..
منور : هههههههههه أي من قدج المعرس بيجي الخميــــــــــــــــــــس ..
عصبت من كلااامها ومسكتها من جلابيتها وقلت لها وانا اصرخ : برع ..مابيج تدخلين غرفتي فاااااااااااهمـه
منور تحاول توخر يدي ..وبطريقه تقهرني قالت : لااا ويهبــــــــــل مو مثلــــــــج ..نيهاينهايهاااااااي ..
عصبت وحذفتها برع وسكرت الباب وقعدت اصيح ..اووف ياربي ليش مايحسوون فيني ليش داايم يفرضوون رايهم علي
قمت بعد ساعه من الفراش وبدلت ولبست تنوره فوشيه وبدي ابيـض عليه فراشات بدرجات الفووشي ولبست شبشب ابيـض ورفعت شعري ونزلت
وشفت منور قاعده في الصاله وتغني : وينوه حبيبي من بعد غيبه سنين يقول ساامحني برد لمكااني وانا وربي ماتشاافيت للحيـن لليحـن وانا من جرووحه اعاااااااااااااااااني ..
صرخت عليها : انطمـي مع هالصوووت .. نشاااز ..
منور : اووه العروووس ..لاا لاا اذا العروس أأمرت ماقدر اخالف امرهااا ..
وسكتت وقامت تطالع التلفزيون وهي ساكته ..
بصراحه عجبتني السالفه .. بس مابي اكون عرووووووووووووووووس
رحت المطبخ وانا ميـته من اليووع .. طلعت لي ربيان " شبس بفكي " وحطيت ويا شطه ..وطلعت وانا ماسكه بيبسي وياي .. قعدت في اصاله آكل ومنور تشوف التلفزيون ..
شوي ودخل عمي وبطي ..وانا في قلبي اقول ..اذا اجتمعوا هالثنيـن جااتني مصيبه .. وقفت وقلت بروح غرفتي ..
بس صوت عمي صرقني : عوش اقعدي مكانج بقول لج شي ..
قلت له وانا ماعطته ظهري : ليش في شي ثاني ماقلتووووه .. زواج غصب وغصبتوني ..والملجه بعد اسبوع ..خيـــــــــر في مصيبه ثاااانيه ..
صرخ علي عبد العزيز : شووووفي تكلميــــــــــــــن من اوووول ...احترمي نفسج ولااا تعليييييييييين صوووتج .. ولما تكلميني جابليني لاتعطيني ظهرج
نزلت راسي والتفت عليه يكمل كلااامه ...
عبد العزيز : مهرج بيجي اليوم .. وبترووحين السوق ويا خواتج تخلصين جهاازج ..فااهمه ..
رفعت راسي وعيوني مليانه دمووع ..ورحت اركض لـ غرفتي ..
وسمعت منور تقول : شفيها ..انتوا غاصبينها ع العرس ؟
بطي : ماعليج دلع بنــااات ..
منور : والله لو انا منها جان الدنيا مو شالتني من الوناااسه ..
ماسمعت الباقي لاني وصلت غرفتي وسكرت على نفسي الباب ..وقعدت اصيح ...وشوي واسمع صوت التلفون يرن ..رحت له وشفت توأم روحي ..رديت وبينت اني طبيعيه : هلااا النووري ...
نوره : هلااااااااااا والله .. اخبااارج ؟
قلت لها : بخير ربي يسلمج ..انتي شلوونج ؟
نوره : بخير داامج بخير .. شفيه صوتج متغير ..
ماقدرت امسك نفسي وقمت اصيييح ..لاني من النووع اذا أي حد كلمني وانا ابي اصيح ..ماقدر امسك رووحي ..
نوره بخوف : عووش حيااتي شفيييييييييج ...تكلمـــــــــي ..
قلت لها وانا اشهق من الصياح : نوورووه ..نوروه بيزووجووني ..
نوره شهقت : شنوووووووووووووووووووووو ؟
وانا اصيح واعلي صوتي : بيزووجوني غصب بيزووجووووووني ..وعرسي الخميس الجااااااااااااااي..
نوره : شلوووووووووون ؟ ليش ماعترضتي ليييييييييييييش ؟
قلت وانا اصيح : اعترضت يانوره اعترضت بس رايي مايهمهم ..هم قالوا لي الخبر ما شاورووني .. بيزوجوني واحد ماعرفه
نوره تواسيني : حبيبتي عوش اهلج يعرفوون مصلحتج وداام غصبوج اكيد عارفين ان هالريااال زين
صرخت عليها : انا ماااااااااااااابي اتزووووووووج شبلاااااااااج ..؟
نوره : حبيبي عوش ..انتي يوم بتهديـن انا بتصل لج اوكي ؟
مسحت دموعي : اوكي .. باي ..
وسكرت الخط وقمت اصيح .. شوي وجاني مسج ..شفت الجوال كان ثلاث مكالماات ومسج ..الي توه واصلني فتحت المسج كان من ثجوب..
" مبرووووووووك حيـــــــااتي ع الخطبـه ...وان شـالله بنجيـج الخميـس الجاي ..يااعرووووس "
مت من الحــــره وحذفت الجوال ع السرير ..وقعدت اتقلب في الفرااش ..وفجأه طرى على بااالي رفيج عمي .. آآه ..لو هو الي متقدم لي ..بوافق .. بس ويــــــن .. لااا اطالع فووق واايد لاا تنكسـر رقبتي .. اوووف ..قمت وشفت الساعه 9 ونـص .. نزلت تحت وكان البيت هدووء عكس ماتوقعت .. كنت يوعاانه الله يخسهم ماخلوني اكمل البفكي مالي .. رحت المطبخ شفت الخدامه تسوي تبوله ..رحت خذت لي منها شوي وترستها ملح وليمون وقعدت في الصاله وتميت آكـــل ..اووف ياربي وينهم ..وين راحوا ؟
رحت صوب المطبخ وسألت الخدامه وين الباقي ..؟ قالت لي انهم راحوا بيت خالوه حصه .. حمدت ربي وشكرته اني مارحت وياااهم ..بصراحه خالوه حصه انا ماحبها ..تقهررررني .. رحت صوب الحديقه وانا في الطريج شفت مصباح الملحق مفتوح عرفت ان عمي موجود ..طنشته ورحت صوب الحديقه وقعدت آكـل تبوله واغنـي ..
اللي بينساني بانساه يا حبيبي ولا يوم ارجع لوه تاني
ومحدش قال تنساني يومين ويومين ترجع لي تاني
حالك مش طيب وقريب حتقيني وتحني يومين
عمري انا ما احن عشان قلبك بيسبني وينساني سنين
وقطع علي الغنيه صوت من وراي يقول : اووه النفسيه اليوم تمااام ..
التفت وراي وشفت عمي عبدالعزيز ..طنشته وقمت اكل التبوله ..قعد عبدالعزيز ع الكرسي الي حذاي وقال لي : عوش حيـاتي احنـا ماغصبناج ع الزواج ألا واحنا عارفين الرجال وعارفين طبعه ..
رفعت راسي وقلت : بس انا مابي اتزووج ..
عبدالعزيز مسك يدي : حبيبتي ..احنا نعرف مصلحتج وندري ان الي نسويه صح وبكره بتشكرينا ان احنا غصبناج ع الزواااج ..
نزلت راسي وحطيت الملعقه في المله وكنت باكل .. بس شفت ان التبوله خلصت .. حطيت المله في الطاوله الي جدامي وتمت ساكته ..
عبدالعزيز مبتسم : يلااا قومي الحين روحي داخل ..الرجال بيجي ..
رفعت راسي بسرعه له وهو ضحك .. قمت من مكاااني بسرعه وانا اركض رحت دااخل غرفتي وسكرت الباب ..ظليت مده وانا متسنده ع الباب ..وبعد فتره رحت بسرعه وفتحت الكبت مالي ..ولقيت اللابتوب ..يااي من زمان مادخلت النت ..بدخل وبضيع وقتي ..
دخلت النت وقمت احوس في المنتدياات واسمع اغااني ..ومارفعت عيني ألا والساعه 11 في الليل ..اوووووف ..قمت ونزلت تحت ماشفت حد ..ياربي ماجوا ..؟ رحت المطبخ ماشفت حد بعد .. تصدقوون ماكنت يوعاانه .. رحت خذت لي تفاحه بس جي .. ابي اكل ..رحت الغرفه خلصت تفاحتي حذفتها في الزباله وانخمدت ..
قمت اليوم الثاني على صوت امي تقول : عووش قوومـي لبسي علشااان تروحيـــــــن السووووووووق ..قوووووومي ..
تأففت وقمت بكسل من السرير ورحت الحمام غسلت وجهي ولبست لي تنوره لين الركب سوده ..وبدي احمر ..وشبشب اسود ..نزلت تحت وشفتهم قاعدين في الصاله رفعت راسي شفت الساعه 12 الظهر ..
قلت لهم : انروح السوق الظهر ؟
منور : اي لان بنتغدا هنااك ..
طالعتها بنـص عيـن ..وصديت على امي وقلت : ليش ماقعدتوني حق الجامعه ؟
امي : اخوج وقف لج هالكوورس ..علشانج عروس ..وبتكملين السنه الجايه ..
تضااااااااايقــــــت ..ومت من الحررررره ..ماله خـص يووقف الكوورس ..
قعدت ع الكرسي وانا محتره ..
شوي ودخل علي وقال : السلااااام ع الجميع ..
الكل : وعليكم السلااااااااااااام ..
علي يقعد حذاي بعد ماباس راس امي وابوي : شلوونج عروستنا ؟
طالعته وصديت صوب التلفزيون وقلت : زينه..
علي يبي يلطف الجو قال : زينه ولا نحوووول ..هاهاهاهاهايهاهايهايهاي
منور : هههههههههههههههههههههههه حلووووه عليوووووووي حلووه ..
طالعتهم وانا ابي اشووف شنو الي يضحك في السالفـه .. هزيت راسي ورجعت نظري لتلفزيون ..
منور : والله ياعووش ياشيـــــــــــــــــــــــنج اذا كنتـي متضاايقه ..تحسسيــــن الوااااحد ملـــــــغ وسخيــــــــــف ..
مادري ليش ماقدرت امسك روحي وقمت اضحك ..
وقاموا منور وعلوي ينكتوون ويسوولفون وانا اضحـــــــك ..
وبعدين علي قال : يلااا قوموا لبسوا علشان نروح السوق ..
منور ومهروه قاموا ينااقزوون ان مستانسيــن راحوا يركضووووون ..وانا اشوفهم وكنت اتمنى اني استااانس مثلهم .. بس ..اووف ياربي .. ويني وين الونااسه دامني الخميس برتبط في شخص اكرهه قبل لاا اشووفه .. قمت بالغصب ورحت غرفتي ولبست بنطلوون وردي وسيع ..وبدي ابيـض ورفعت شعري كااامل ..لبست عبايتي وخذت شنطتي وشيلتي ونزلت تحت وشفت علوي ومنور ومهره توهم طالعين من الباب ..رحت وراهم وركبت السيـااره ..وطول الطريـج قاعديــن نفكـر اي مجمع بنرووح ..عاد من كثرهم ..هههه .. بس آخر شي قررنا نروح حياة بلااازا ..وبعدين بنروح الستي ..
وصلنا حياة بلاازا ..وقعدنا ندوور ..وبعدين منور ودتني باريس غاليري ..وشرت هي لي شوي عطورات ومكياج ..رحنـا تغدينا في المطااعم ..وبعدين طلعنا ورحنا الستي وشرو منور ومهروه فستان ..اما انـا ماعجبـني شي وقعدنــاا ندوور ..وبعدين علي عصـــــب علي وقال لي آخر محل بندخله واذا ماشريـتي مو لازم طلعي لهم ببجامتج .. دخلـنا محل ومنور شرت لي فسـتان ..اما انا ماعجبـني بس خذته لان علي عصب ..طلعنـا ورحنـا البيــــت ..وصلت البيت نعســـــــــــااااانه ..بس يووعااااانه ... معني توني مااكلـه .. بس رحت المطبخ وشفت الغدا لحم بالفرن ..حطيت لي شوي وكلــت .. دخلت علي منور .. وشهقت ..
تخسبقت وصرخت عليها : شفيج خرعتيـــــــــني ..
منور : الله يخســــج ..لااااا تاكليــــــــن .. بعدين بتمتنيــــــن والرجاال مابيااخذج ..
قمت احط الاكل بسرعه في حلجي وانا اقول لها : احســـن ..
وبعديـن قصيت في الاكل وقمت اكح واكح ..اما منور ضحكت وجابت لي ماي ..
شربت الماي ومنور قالت : تستااهليـــــن ..
طنشتها ورحت غرفتـي وشفت مكالمـه من نوروه ..طنشتها وانخمدت .. قمت ع الساعه 7 .. رحت تسبحت ويوم طلعت شفت منور ع السرير .. قلت لها : نعم ؟
قالت لي : قومي لبسي اليوم بنروح بيت عمي سالم ..
قلت لها : مابي اروح ..
قالت لي : امي تقول لج لبسي .. يعني اذا بتعارضين قولي لهاا ..
تأففت وهي طلعت من الغرفه ..رحت بدلت ولبست تنـوره بنيـه كلوووش ..وبدي تركواز ..ورفعت شعري بكليب بني ..وحطيت لي بودر وكحل ونزلت ..
امي وهي تلبس عبايتها : يلااا سرينـا ..
قلت لها : زين صبري ابي آكـل ..
صرخت علي وقالت : بسج اكل بسسسسسسسسسج ..
قلت لها :يماااااااااا ..ابي اكل .. ماااااااا كلت شــــــي
قالت لي وهي عند الباب : اكلي في بيت عمج ....وراحت ..
لبست عبايتي وطلعت .. وكان الدريول الي بيوصلنـا ..اوف الله يكرهه يعني المشوار بياخذ عشر دقايق ..واحنا بنوصـل بيت عمي في عشرين دقيقه ..اوووووووف .. ركبت السياره وبعد ربع ساعه وصلنـا بيت عمي ..نزلت امي وخواتي وبعدين انا نزلت ويوم دخلت البيت شفت بندر في وجهي .. تخرعت وطاحت شنطتي ..
شفته يطالعني بحـزن ..بعدين دنع وخذ شنطتي وعطاني اياااهاا وطالعني بنظره غير ..مافهمتها ..حزيـن ..ولا يتألم ..ولامجرووح ..بصراحه مادري مادري خذت منه الشنطه بسرعه ..بس وقفني صوته ..بندر قال لي : عاشه ..
التفت له ..لكنه نزل راسه كانه مايبي يشوفني وقال : مبروك ..
مادري ليش دمعت عيوني بس حمدت ربي اني كنت متغشيـه وماشاافني .. قلت له وانا الغصه ذابحتني : الله يبارك فيك ..وعقبالك ..
رفع راسه وقال : ماظن .. " وطلع بسرعه ..دمعت عيوني ..ورحت بسرعه داخل ..وكانت ثجوب في وجهي .. حظنتني وقال : مبروووووووووووووك ..
ابتسمت غصب : وقلت الله يبارك فيج .. وهمست لها عقبالج ..
شقت الحلج وحظنتني اكثر وهي تقول : يارب يارب يارب .. يااااااااااااااااااارب
هندوه : اووه عاشه المرطه عندنا .. مبرووك ..
صرخت عليها لاني ماحب حد يقول لي جي : جااااب ..
هندوه : ههههه ..مبروك زين ..
قلت لها : الله يبارك فيج ... " وبالعماله قلت " وعقبالج ..
هندوه صرخت علي : ليييييييش عيوووووني ..مينووووونه انا اتزوووووج ..؟
ثجوب تطالعني : الحمدالله والشكـر .. زين انها مو اختي ولا ذبحتـــــهاا ..
ضحكت وطنشتهم ورحت سلمت ع الحريم وفصخت عبايتي وقمت اسولف ويا البنـــاات .. بعدين قمت بروح اكل لي شي ..يوعاانه ..رحت المطبخ وحطيت لي كم فطيره وقمت اكل .. وخذت الصحن قلت بدور في الحديقه .. بس وقفني منظر ..كانت ثجوب لابسه شيلتها وتكلم تركي .. لزقت اذني علشان اسمعهم ..
ثجوب : تركي انا ابي اخلص الجاامعه ..
تركي : اوووه ياثجووب .. يعني قولي لي الجامعه بتفيدج في شنو وانتي شغل مابتشتغليـــــــن ..؟
ثجوب : بس كيــفي ... ابي اكون جاامعيـــــه ..
ضحكت على كلااامهم ..ورجعت المطبخ وحطيت الصحن وطلعت ..
و ع الساعه 10 ونص رحنـا البيت ..وصلت البيت وانا ادور فراااشي ..رحت انسدحت عليــــه على طوووول وانخمدت ..
مرت الاياام وكانت ممله بالنسبـــــه لي ..وكالعاده ماتغيرشي .. لكن اليوم ملجــــتي يااحسرتي ..
دقت منور علي الباب : عووووووش يالرززززززززيله فتحي الباااااااااب
ماتكلمت سويت روحي راقده ..مادري ليش هل اني اتهرب من الملجه ... بس مالت علي مردي بفتح الباب ..شفت الساعه كانت 5 ونص العصر.. فتحت لها الباب وكانت كاااااشخه بالفســـــتان ومسويه تسريحتها وميك اب ..
قلت لها : اوووه اووه .. بس لو يشووفج عمر ..
منور شكلها نست الي كانت بتقوله لي وقالت : آآآآآه .. بس لو يعطيــــــني ويهه هالدقـــــــــس ..
ضحكت عليها بس صرقعتني يوم قالت : يلاااااا عاد روحي تسبحي الكوافيرا وخبيره التجميل في غرفتي يعدلون مهره ..
قلت لها زين ..دخلت الحمام وتسبحت يمكن ظليت ساعه .. وطلعت وشفت الكوافيرا وخبيرة التجميل ووحده بعد ,.سألت منور قلت لها من هاذي الثالثه ..
منور : هاذي بتسوي اظافرج ..
طنشتهم ورحت قعدت ع الكرسي ..
وجاتني خبيره التجميل وبدت تسوي لي ميك اب ..وقلت لها تسوي لي ايااه لبناني ..وسوتـه وبصـراحه طلــع غرااااام ..يهبـــــل ..
وبعدين جات الكوافير ونشفت شعري ..وجاتني فكره وقلت لها : تعرفين تقصين الشعر مو ؟
قالت لي : أيه اكيــد ..
قلت لها : عيل قصيه لي ..
قالت لي : يووه ..حراام ..ده طوويل أوي ..
قلت لها : اي ادري انا مابقصـه واايد .. شوي بـس ..
قالت لي : براحتك ..
قلتل لها تقصه لي لين آخر ظهري ..
قصــــته وبعديـن استشوورته
وسوتــه مطعـــج .. ورفعته بطريقه حلووه وبعدين نزلت الباقي ..
وهي تسوي شعري جتني الحرمه الثالثه وسوت اظاافري وعدلتهم ..وحطت لي منـاكيـر بـيج نفس لون الظفر تقريبـا ..ومن جداام حطت لون ابـيض وع الجنب حطت فصيـن صغاار حلوويـن ..
خلصــوا شغلهم وراحوا ..اما انا لبســـت فستــااني كــان ذهبـي حريــر وحمالاته مرصع عليها فـص وصووب الصدر حركـاات خفيـف بـ الفصوص ..وبعد تحت عند الذيــل ..طالعت نفسـي بصرااحه طالعه اهبــل .. بس صرقعني طق الباب الدفـــــــش ..
وصلت عند الباب وكانت هندوه ومنور يطقوون الباب
صرخت عليهم : شبلاااااااااااكم ؟
هندوه شافتني وشهقت : انتي عوووش ؟
قلت لها بغرور وادري انها بتقول اني حلوه : طبعا اي ..
منور : يلااااااا الساعه 8 ونـــص ..الحريم تحت ..
مسكت يد منور وقلت لها : من تحتتتتتتتت ؟؟
قالت لي منور : حرمتين عمامي وعمتي وخوات المعرس ..
مادري ليش دمعت عيوني في دخلت امي لـ الغرفه ..ظميتها وقعدت اصيح ..
امي : ويييييي يااعووش ..بسج يــــمه ..
قلت لها وانا اشااهق : ماابي اتزووج ماابي ..
امي : قومي حبيبتي خلي الحرمه تعدل مكياجج الحيـن اخوج بيجيج علشان توقعيـــن قومي الله يرضى عليج قوومي ..
قمت بطاعه والحرمه عدلت لي مكيااجي ..وبعدين طلعت هي وهندوه ...ودخل بطي ومد لي الكتاب وقال : يلااا عوش وقعي ..
مسكت القلم وانا انتفـض ..ابي اصيـــــح .. بس مسكت دموعي مو وقتـه ..ألا اذا ابي كـف يطيرني بنقلااادش .. وقعدت بعد طلعت رووح ..باسني بطي فوق راسي وقال : مبرووووووك عوويـــش ..
نزلت راسي وقلت : الله يبارك فيك ..
جاتني امي وحظنتنني هي ومنور وباركوا لي ..
وبعدين نزلت تحت عند الحـريم وسلمت عليهم ..وامي كانت حذاي وهمست لي : امه متوفيـه ..هاذي عمـته سلمي عليها ...والي حذاها خواته ..
سلمت عليهم وانا مبتسمـه ابتسامه خجــل ..
عمته : هـــــلاا بالعروووس هـــلااا يمـه شلوونج ؟
قلت لها وانا منحرررجه : بخيــر خالتـي ..
سحبتني من يدي وقعدتني حذاهاا وقامت تسمي علي وتقول من كلاام العياايز الي خبركم ..
وبعديـن جاتني مهره وقالت لي امي تبيـج ..ستأذنت من عمته ورحت لأمي ..
امي : روحي الحوش عمج يبيج ..
رحت الحوش وشفت عبدالعزيز يتكلم في التلفون ويضحك .. رحت له ويوم شافني سكر التلفون ..
عبدالعزيز سلم علي : مبرووووووك عوووش ..
نزلت راسي بحيا : الله يبارك فيك ..
عبدالعزيز : يلاا الحين احمد في المجلس ..يبي يشوفج ..
شهقت وقلت : لاااااا .لاااا ارجووك ماابي ..
عبدالعزيز : مو مكشله عوش انا ويااج ..
ارتحت داام عمي ويااي ..
مشيت وانا ميــته من الروووع صوب المجلـس ..دخلنـا ..وسلمت بصوت وااااااااطي ..احس انه ماسمع ..بس عارف اني بقول السلاام عليكم ..
احمد : وعليكم الســلاااااااام ..
عبدالعزيز يقدمني صوب المجلس وقال : يلاا انا استأذن ..
شبصت في يده وهمست له : وين ؟
عبدالعزيز ابتسم : بروح بعد شنو ..رجال وحرمته انا شدخلني ؟
شوي وكنت بصيح قلت له : عزوز لاا تخليني برووحي ..
عبدالعزيز ضحك وقال بصوت عالي : يلااااا اخليـــــــــــــــكم ..
ورااح وانا الحقه بنظرااااتي ..ويوم رجعت نظري لجداام انصدمت ..هذاا هوو ..اي .هاذي عيووووونه ..عاااااارفــــته والله عااااارفــــته .. ظليت فتره اشووفه ..وبعدين استوعبت ووخرت بسرعه ووورى ..
احمد يقدم : شفيج ؟
قلت له : خلك مكاااانك ..


اتريووني في الجزء الرابع ..
وابي ردودكم الحلوة ..

يسلموااا عالطرح