السلام عليكم ورحمة الله وبركاته ,.

اشحالكم وعلومكم ؟!

أحب أشكرج ختيه ع الموضوع الرايع ’ , ولاتحرمينا من هالأفكار الطرطريشنيه < < يديده هذي هههه

مزيون أسميك وهقتنا هههه , .

بدينا , .

: { قايـد الحلوييـن ، .

من هو ؟! مهما أقول فأنا ناقص , . والكمال لله عز وجل والانسان لايستطيع

الحكم على نفسه , . الناس هي التي تحكم عليه , .

، بعض من قصايدي > > المكتوبه على البحر القايدي < < يديد هذا بس لي طبعا بدون وزن هههه , .


جيتك مشتاق والشوق ياشوقي دعاني
مشتاق والشوق فيني يزيد حروقي
من يوم عرفتك سلمتك نظر الأعياني
ولك قلبي دوم تواق ويزداد شوقي
هديتك صادق الاحساس مع الحناني
وودي أهديك الروح بلا شهود ووثوقي
تمنيتك من يوم عرفتك وانته اتمناني
وأسمـك قلبي ينطقه وتردده عروقي
تغيب ساعـه بـأجزائها ابقى اعاني
أعدها ثانيه ثانيه من الغروب للشروقي
بس يقبل الدجـى ادعي نورك يباني
واجلس أتأمل وأرسم طلوع معشوقي
ولحظة طلوعك أحس شوقي شلاني
كالطير طـرت يوم للحباري يتوقي
على صوتـك ألحن أعذب الحاني
وساقني الشوق بدفى حظنك سوقي
بالنهايه اعترف أحبك طول الازماني
وبحبك تأكدت انـــه حلو ذوقي
وسريت فيني شرا دمي بشرياني
وان جمال الطبيعه مـنك مسروقي
جمال يعكس جمال حور الأجناني
طبيعي ماهو بمكياج صالون السوقي

- - - - - - - - - -

دامني أحبك مستحيل أنساك
ودامك تحبني مستحيل أخليك
أوعدك ووعدي اسلمك فيمناك
لو الموت خذاني ببقى أغليك
لاتحسب غيابي نساني غلاك
صوتك يتردد بأذني وطاريك
يازينها كلمة أحبك من شفاك
تلحن أحساس بعودن يغنيك
لو كنت كلمات أحساسي غناك
ولو كنت ملحن بألحاني بحكيك
لاكن القمر مايوصل مستواك
وأبيات الشعر مستحيل توفيك
أبحكي قصتي مع بطل فتاك
فتك قلوب الخاينين بوفاه تفتيك
أبصم بالعشرة اصابع لـ وفاك
ياذهب خالص تاجر مايشتريك

- - - - - - - - - - - -

غايب صديجي وغابت طيوفه
وشوقي لروياه مولع يتفجر
وحشني كلامه والحلا بطروفه
وأشتقت لمحياه شبيه القمر
وش سبب غيابك وش ظروفه
ولاخلاص شطبتنا من الفكر
وحشني قلبك وربعه وضيوفه
وحشة الصحرا لقطرة المطر
سافرت وقلبي ذابحه خسوفه
ودموع عيوني في مد وجزر
والحزن يرسمه قلمي بحروفه
الحبر دمعاتي لي عالخد تتقطر
خاطري أجمع الحزن بكفوفه
وأهديك هديه ياقاطعنا بالخبر
يمكن عتابي عتابك يطوفه
وألاقي لغيابك سبب أو عذر

- - - - - - - - - - - - - -


لفيت الكون أدور ناســن لي حبايب
مالقيت سوا دمعـن من عيوني يصب
تجرحت الخدود منه وسوا عــجايب
كنــه جنــدي بساحة القتال والحرب
أصبحت للدمع مخاوي وأعز الحبايب
وعدني حسبة مدمن وأدمانه صعب
كنهاالدمعه المخدر بالشرايين ذايب
أحاول أداويها لاكن عجز حتى الطب
تعودت على جرح الحبايب والقرايب
وتعودت على جرح أغلى من أحب
ومهما تبتليني أشد واقهر المصايب
اصدها صد المجاهد للي بيحــارب
تعلمت من هالدنيا ماتعلمه الشــايب
وتوني بزهرة الشباب وتوني أشب
تعلمت أن الوفا يسقي ضما السحايب
واليوم ضمــا وسهم الغدر له نشب
تعلمت ان الانسان يدفع للحب الضرايب
وبالاخير من لجله ضحى ينكر هالحب
تعلمت أبقى وفي ولو حبستني الغرايب
لجل ماأخيب ظنون حبيبي والصاحب

- - - - - - - - - - - - - - -

من احلى القصايد . لكن هب قصايدي

- - - - - - - - - - - - - -

يابوي ضاع العقل مني في شف خلي ناعم العود
امس ابتعد يابوي عني واليوم فكري معتمي زود
عفت الحيـــاة بلاه كنـــــي منقاد انا لاحزانيه قود
دوم الزمـــــان معاندنـي ليته يزيـح الهــم ويـــود
بالاول زمانــــي كنت اغني وحيد به كنت محسود
واليوم غارق بالتمني وسط البشر ماني ابموجود
اسرح وهوجس به ووني وادعي عساه يرد ويعود
يابوي ضاع العقل مني في شف خلي ناعم العود

- - - - - - - - - - - - - -

اهداآء , . لصاحبي , . مخاويي

أضحك وكني رايق البال خالي
والناس تحسدني وانا أموت بسكات
أقضي نهاري بالمزح والتسالي
واسهر بليلي في هموم معانات
غريبه هالدنيا على كل حالي
الحزن دايم ! والفرح بس لحظات

- - - - - - - - - - - - - -

فالنهآيه , . لاتغركـ ضحكتي ولا سلوبي أعرف أعزاز النفوس أمن الرديه

السموحه على الأطاله , .

لكن الموضوع أجبرني , .

تقبلو تحياتي , .

الفكره روووعه............من عضوه لها افكارها المتميزه

تسلم مزيووون وقاااااااااااايد على الابيااااااات والقصااايد

يعطيكم الف مليووووووون عاااافيه