منتدى استراحات زايد - شمال الامارات مهدد بالخطر

السلام عليكم و رحمة الله تعالى وبركاته..

أولا:أشكرج اختي على اهتمامج بطرح مشاكل البلاد..

بس خليني أوضح لج بعض النقاط:

1- انا وحدة انتمي للمنطقة الشمالية وتفاجأت بالطريقة اللي وصفتي فيها المنطقة كأننا بوحدة من دول شرق آسيا مب فبي الإمارات!!!!!!

2- الحمدلله الكهربا و الماي متوفرة و لله الحمد، صح كنا نعاني من مشاكلها قبل بس الحين واايد أحسن.

3- و إذا على التطور العمراني بالبلاد سواء من مناطق سكنية أو مراكز تجارية و مشاريع عمرانية فالبلاد قطعت شوط كبير فيها و اعتقد ان الكل بدا يلاحظ هالشي. وما اعتقد ان تخطيط المناطق السكنية يتم عشوائيا وفي ناس متخصصة تقوم بهالدور.

4-حتى الشوارع بدوا يعدلونها؛ ما اقول ان مشكلتها انحلت نهائيا و لكنها في الطريق لذلك.

5- واللي استغربت منه أكثر انج قلتي لا مستشفيات ولا خدمات صحية متوفرة وانا متاكدة ان هالكلام "اعذريني" غير صحيح.

6- اما عن المدارس و خدمات التدريس فاعتقد انها من أحسن ما يكون و الدليل ان عدد غير قليل من جوائز التميز والابداع الطلابي هي من نصيب المناطق الشمالية.

7- الشي اللي اتفق وياج جزئيا فيه هو موضوع البطالة و اللي اعتقد انه بينحل انشاالله مع الطفرة العمرانية اللي تشهدها البلاد. و بالنسبة للوظائف اللي يشغلها الآسيويون كلنا نعرف طبيعتها و ما اعتقد ان المواطنين يحبون هالنوع من الوظايف ويخلونها في آخر القائمة.

واسمحيلي عالإطالة في الرد.. شكرا..