|
السلام عليكم ورحمة الله وبركاته الحلقه 11 تلخيص يوم الأثنين الثلاثاء الأربعاء تاريخ 25-6-2009 سامحونيه غبت ها الأيام لأنيه والله مشغووووووووووووووووووووووووووووووووووووووووول بشكل غير طبيعي خلونيه أشتغل قالو يوم أنك هب فالح فالدراسه (( التوفل يقصدون)) يمكن يفلح فالشغل ههههه فمظهرين عينيه ها الأيام بس أرابع بوظبي والعين الدواير .. البلديه الأشغال ..آخ أستوتليه سالفه يوم الأربعاء كنت في ad المهم ونا طالع من المشرف دعمتنيه وحده زلمه .. نزلت شفت السياره ... أنا ماتظررت وايد شي بسيط .. هي يحليلها تظررت وايد .. فقلتلها شو تأمينج قالت ضد الغير يعني بس يصلح السياره الي دعمتها مايصلح سيارتها.. قلتلها خلاص حصل خير أنا بروح أروحه ليسنيه هب عنديه !! << من سمعة الزلمه ها الكلمه حتشرت وآآ وأنته ومادري شوو !! قلتله حوو أيه لاتزعقين ع ويهيه !! أتصلي لشرطه .. يالله !! وركبت سيارتيه .. المهم يت الدوريه نزلت أونه هو معندوش ليسن ومادري شو يانيه الشرطيه قالي ليسن ملكيه عطيته الملكيه قالي ليسن عطيته المخالفه شاف أنه ليسن محجوز عند شرطة دبي !! المهم ظهر رقم اليسن وعطانيه ورقت تصليت وعطها وهي يحليلها أنصدمت هههههههههه عبلها ماعنديه ليسن عسبت كذيه تحولت تبا تقلب الموظوع عليه والله لواته !! .. واليوم أتصلليه المندوب أزيك يا راعي كحيلان آآ متيجي نخلص مادري شو .. قلتله خلاص سبقنيه أنته وبكون عندك بعد عشر دقايق !! وأحلى طاااااااااااف ياولد !! ههههههه عيبتهم السالفه !! أنا ماحظر الا للموظيع الكبيره << هذا الي بيحسسكم ههههههه !! وبس هيك الله بدوو !! وسامحونيه قطعتكم نشوووفكم على خير إن شاء الله فداعة الله |
السلام عليكم ورحمة الله وبركاته الحلقه 12 يوم الخميس 26-6-2009 مرحبا مليون اليوووووووووم طبعا ويكند بعدد المعهد مرغده لين الساعه 1 ونص <<(( ظبط أموريه ويا الحكومه :7bteeen: )) اليوم أستوت سالفه ههههههههههههههههههههههههه والله ينيه من أذكرها أظحك كنت أنا ولد خاليه وربيعيه واحد يدرس ويايه فالجامعه ... كنا يالسين فالميلس... أنا يالس أشوف فلم ... ولد خاليه وأحمدووه يالسين يسولفون برع.. راعي كحيلان : أيــه !! عن الأستهبال تعالو عنديه ببند الفلم .. (( يزاعق وهو يشوف الفلم )) \ أحمدوه وحامد رباعه : نبا ديووو !! راعي كحيلان : تونيه ندبت مسعود الجمعيه دقايق وبيرجع !! (( ردو لبسونيه ودق سوالف وحش فيه المشكله أسمعهم عيني عينكم يحشوون)) راعي كحيلان : أيـــــــــــــــــــــه <<(( محتشر)) حدروو داخل !! أحمدووه: <<<(( طالعو قوات الويه قدام ولد خاليه شو يقول )) رح رح دور ربعك !! راعي كحيلان : :522: راعي كحيلان : الي يحيد عمره فيكم ريااال يحدر داخل وبنتفاهم .. أحمدوه يحرض ولد خاليه :: أيه ماعليك منه هذا تراه نذل .. صح هو ولد عمتك بس تراه نذل .. يسبك !! قم عليه !! <<(( شوفو قوات الويه )) المهم أنا يالس أزط أورمان سي وشوف الفلم وشوي بكسر الغرشه من القهر !! ولد خاليه : قم قم خلنا ندقه !! أحمدوه : يالله (( المشكله غشيم مايعرف ولد خاليه ههههههههههه)) قاله ولد خاليه شوف أنا بحدر من الباب الي ورا أنته حدر من قدام .. أحمدووه : خلاص أوكيه حدر أحمدوه .. توه يبطل الباب ..شيوون طااخ (( فريت الغرشه بس الله سلمه )) <<< (( يتخبل يوم يتغيظ )) المهم حدر وسكر الباب أحمدوه :: حاامد <<(( يزقر علا ولد خاليه )) ححاااامد!! دقاايق يظهر ولد خاليه حامد من دريشة الميلس (( عااش ولد عمتيه عندك يااه عندك يااه )) ههههههههههههههههههههههههههههههه والله أنيه كنت بموت من الغيظ بس من شفت ويه ولد خاليه ويه ربيعيه كيف منصدم من نذاله ولد خاليه !! أنطرييييييييييييييييييييييييييييييييييييييييييييت ظحك .. ههههههههههههههههههههههههه غبي !! هذا الي صار اليوم والله منسااه ها الموقف يالله نشوفكم على خير إن شاء الله فداعة الله |
السلام عليكم ورحمة الله وبركاته الحلقه 13 تلخيص يوم الجمعه 26-6-2009 أستانست ها اليوم ... بعد صلاة الظهر خطف عليه برؤؤؤؤؤؤؤووك .. وحركنا دبي إلى دبي مول :7bteeen: والله طمااااااااااااااااشه.. أستانست ليني أحب الخناخيش يعني الأماكن الي فيهن خشات للتوضيح (( يعني أحب المكان الي تقوول مغاره كل شوي تكتشف شي ولا تظيع )) الممهم روحنا وقفنا فالهوتيل الي ورا ويلسنا نحوط من 5 العصر يليــــــــــن 8 والله ماقعدنا .. كله نفررفرر ونشووف ونحدر محلات وسوالف وظحك طماشه . الموول روعه !! خلاف الساعه 8 بر ؤؤووك تعب قالي بنروح نيلس والله لو مقال يكمل هههههههه كنت مستانس .. المهم روحنا مطعم أسمه كليفورنيا << أقتراح برؤوووك .. وحلوو الصراحه .. تعشينا ويلسنا نشوف أكبر نافوره فالعالم الي ترقص على الأغاني تخيلو هي تبدا كل ربع ساعه تقريبا .. أول ماتبدا .. تحصلون العالم كلهم يربعوون صوب النافوره زززززززززحمه وناس عالم ويصورون والله الي ماراحه أنصح يروح والله مابيندم .. ويبا يشوف العالم وناس يروح يوم الجمعه !! وبس هذا الي صار رديت البيت الساعه 1 كنت خلاص منتهي فما قدرت أكتب ملخص ها اليوم لوول !! يالله السموحه طولت عليكم نشوفكم على خير إن شاء الله |
السلام عليكم ورحمة الله وبركاته الحلقه 14 يوم السب 27-6-2009 اليوم ... من أصبحت ونا فالبيت ظهرت يلست فالميلس كان عنديه ريال ورديت البيت .. شي فيه اليوم جويــه طاقع كان .. وحس عظاميه منطحنه ظنتيه ها كله من قل الرقاد المهم العصر حسيت الجوو حلوو يعني شي أحتمال بيصب مطر .. على طوول يا بااليه الفتك ... أتصلت حق راعي الكراج ما رد هو على أساس بيخلصه اليوم روحت الصناعيه .. ماخلص أصبـــــــــت بأحباااااااااااااااااااااااااااااااااااااااااااااا ااااااااااااااط طقع جويه بالقوو فرديت البيت ... ونا فالبيت ظهرت أشوف الحديقه شي عرقوب رمله هب عرقوب اممم نكوود .. المهم .. ها أنا قايلهم من شهر يزرعونه حشيش .. لقيته نفس ماهو محد صاكنه زقرت البوي مال الحديقه قلتله ليش مازرعته ؟؟ قالي مستر محمد سي نوو .!! راعي كحيلان : آآ؟؟ وين مستر محمد أزقرعليه .. مستر محمد وصل ها يديد يشتغل أول مره أشوفه من شهر فالبيت تخيلوو هههههههه ها مسؤل على العمال .. مصـــــــــــــــــــــــــــــــــري هوو ههههههههههههههههههههههه قلتله ليش مازرعتوه ؟؟ مستر محمد : ماينفعش راعي كحيلا : هااا مستر محمد : ماينفعش !!!!!!!!!!!!! راعي كحيلان : ليش الماي مايوصل هني ؟؟ هاذن البيبات الرشاشات . مستر محمد : لاء هو مابينفعش راعي كحيلان : كيف ؟؟ 0 مستر محمد : أصله ها يووئع = يعني بيطيح " يقصد يوم بيزرعون الحشيش على نكود بيتزحلق الحشيش وبيطيح " هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه والله والله ماقدرت أمسك عمري أنفجرت في ويييه .. !! هههههههههههههههههههههههههه ولا أونه مهندس هو !! هههههههههههههههههههههههه يحليله قلتله أزرعه ومايخصك ونا عيونيه بينبطن من الظحك والله أني حبيته ها الأنسان كنت كاره عمريه طاقع جويه ومتظيق وو ماعرف شو فيه .. وخر شي ها غير جويي هههههههههههههه بس ها الي صار اليوم وسامحونيه طولت عليكم |
السلام عليكم ورحمة الله وبركاته الحلقه 15 يوم الأثنين 29-6-2009 اليووووووووووووووووووووووووووووووووووووووم والله ماعرف كيف أوصف ... جوي فوووووووول .. ههههههههههه بقولكم سالفه ستوتلي بغت تخبصلي يومي اليوم من صحصحت على طوول الصناعيه كحيلان اليوم بيخلص .. رحت الكراج خلص جهز كحيلان .. المهم دقيت سلف رحت المغسله بغسله لأنه شوي مغبر ..<<((( عور قلبي))) مايهون عليه ههههههه المهم وصلت المغسله ... بندته .. وجامتيه مفتوحه .. فقالي الهندي سكر الجامه رديت بشغله ماشتغل والله .. لو كنت قريب من الكراج يتررررررررررررررررررفس في بطنه صديق هههههههههههه !! أثرها البطاريه مفظيه .. وروح وشتري بطاريه ونركبها فالمغسله .. و 1000 سياره ورايه ويلعنوون عليه ههههههههههههههههه المهم ونحنا يالسين نبدل البطاريه أنا والهندي مال المغسله قالي الحين أرباب بيشوف في مشكل راعي كحيلا:: خللللللللللللي ويلي :4200: الحين فكنيه أشتغل .. خلنيه أروح تخيلوو المفاجأه (( ظهر الأرباب في ويهي)) :93.gif: هههههههههههههههههههههههههههههههههههههههههههههههههه ههههههههههههههههههه ... راعي كحيلان في خاطره ((( أيوا استوووت ))) تعرفون أبا أرقع أبا أدس تعابير ويهي (( الأحراج )) .. :37.gif: هههههههههه آآآآآآآآخ يالموقف والله قوي .. المهم روووح الرياال .. بعد ربع ساعه قبل لا شل سيارتيه وروح رحد عنده .. راعي كحيلان : سلاام عليك .. الريال : وعليكم السلام راعي كحيلن : (( يالس يحك يده )) سمحلنا ياخويه عطلنا شغلكم.. الريال: لا والله افا عليك .. ماشي ورنا .. !! المهم تميت أستسمح منه هههههههههه .. وشرحتله السالفه آآآآآآآآآآخ ويهي اليوم صدق أحراج .. المهم ظهرت من المغسله .... رديت البيت .. وطبعا المعهد أحلى طااااااااااااااااااااف ينننننننننننننننقلع !! حدرت البيت عرض مستطرب (( عسبت ماحسسهم أني غايب عن المعهد اليومم)) ههههههههه ... الحكومه : ها شو المعهد راعي كحيلان : رقيص أميه الحكومه : داومت اليوم راعي كحيلان : أونه ماسمع يالس يشرب ماي ههههههههههههههههههههههههه الحكومه : هب كنه هاييله كتبك .. (( غصيييييييييييت )) هههههههههههههه .. يلست أكح ويهي هب بس طماطه .. ههههههههههههه !! المهم قردنتها وحبيتها على رسها والأمور طيبه ههههههههههههههههه بس هذا الي صار اليوم وهذا هو صديقي الصدوووق .. http://www.3nabi-up.com/uploads/imag...1c1edfcc8c.jpg وسمووووووووووووووووووووووووووووحه نشوفكم على خير |
| الساعة الآن 09:47 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir