منتدى استراحات زايد - محتاج أضمّكـ وأتركـ الدّمع ينساب

البارت الثاني ,,

في الميلس ((بعده سهيل ما دخل ))

من السوالف نسن يضيفن البنيه انتبهن لعمارهن ونشن ..
تمت نهله بروحها كانت يالسه عكس الباب ((يعني عاطيه الباب ظهرها ))
دخل سهيل ..
نهله يحليها ما انتبهت ياسه تلعب في تيلفونها و اتلف خصلتها ع صبعها

وهو يتحسبها مريوم ,,هو عادي عنده يدخل عليهن متحجبات مب متحجبات عادي متعود عليهن
رابي وياهن وهن بعد نفس الشي يعتبرنه اخوهن ..
تجدم شوي وتقرب من عندها
^
^
^
^
^
^
^
^
^
^
^
^
^
وكفخها بيده على ظهرها ..
سهيل : شحالج دبووووه بلاج محلوووه ..
لفت نهله بسرعه ويوم انتبهت لبست شيلتها بسرعه وحاولت تتغشى بس طاحت ال شيله
وهو بروحه مصدوم مب عارف شو السالفه ..
سهيل : سمحيلنا الشيخه اتحسبج بنت عمي ..
سكتت نهله مقهوره ومبهته وفي نفس الوقت تقووول ياحلاته شو هاالمزيون ...؟؟
سهيل : منو الشيخه ؟! ..
ضحكت نهله بصوت واطي شو منو االشيخه وين يالسين ..
نهله : انا ربيعة مريم
سهيل : سمحيلنا
نهله : مسمووح بالحل
في هالوقت دخلت مريم واستغربت من هالموقف ..شو يسوي سهيل هني .

في الصاله ..
دخلت ميره وسلمت على حرمة عمها وام نهله ويلست وياهن شويه ..
ميره : اقوول عمووه وين البنات ؟؟
ام خالد : والله يابنيتي مادريبهن كانن هني من وشويه .. شوفيهن في الحوش ..
وهي ظاهره تلاقت ويا حمده سلمت عليها ..
حمده : منو ياي وياج ؟؟
ميره : اخويه سهيل دخلته الميلس ..
حمده : خيبه دخل الميلس ..
ميره : هيه ليش ؟؟
حمده : ربيعتنا يالسه هناك بروحها ..
ميره :هيييييييييييييييييييييييي مادري والله ..
حمده : انزين تعالي بنسيرلهم ..
وسارن الميلس ويلسن ويا بعض ..
نرجع للصاله .
وديمه : بنت منو اللي توها كانت هني ؟؟
ام خالد :هذي بنت صالح اخو بوخالد ..
وديمه الا كم عمرها هي ؟؟
ام خالد : عمرها 20سنه ..
وهناك في الميلس ميره تعرفت على نهله اكثر وخذن ارقام بعض ..

الساعه 9االاربع عقب العشا ترخصن نهله وامها وميره وسهيل روحوا بعد ..

في بيت بو سيف ..

سهيل وميره يسولفون ..
سهيل : اقووول ميرووه
ميره : هلا .. شو عندك ؟؟
سهيل : تشوفين هاي البنيه اللي كانت ياسه وياكم ....ربيعة مريووم ..
ميره : هي نهله بلاها ..انته شو دراك فيها ..
سهيل : تراني كفختها على ظهرها ..
ميره ((مصدومه )) : خييييييييييبه ...لييييييييييييش.....شو بلاك عليها ..
سهيل : انزين شوي شوي علي بتاكليني ..شدراني اتحسبها مريووووووم ..
نقعت ميره من الضحك ..ما تتخيل :انزين وهي شو سوت ..
سهيل : ما شي حليلها مارامت ترمس اصلا..
ميره : هي حليلها وايد طيبه وتنحب بسرعه ..
سهيل : الصرااااااااااااحه تنحب .. هي بنت منو .. وكم عمرها... انتي شو رايج فيها ؟؟
ميره : سهيل شو بلاك تسأل عنها ؟؟والا اهاااااااا لايكون الا دخلت المزاج ..
سهيل وايد قرييب من اخته وما يخش عنها شي ابدا..
سهيل :الصراحه هي ..
في هالوقت دخلت امهم ..
ام سيف : ها بلاكم تتحاترون ؟؟
ميره : امايه تعالي سمعي ولدج يبا يعرس ..هههههههه
ام سيف : هههههه ..والله كبرت يا سهيل انزين خل خوانك يعرسون قبل ..
سهيل : طالع هاي بعد صدقت ترا ميرروه الا خرييط ..
ميره : خريييييييييط اونه ما سمعتيه توه شو قال ..بس اونه مستحي ..
وتم يكفخها بالمخدات ..
المهم ..

في بيت نهله ..ا

ول شي بنعرفكم بعايلتها ..
هم بنتين و3 اولاد .. اول شي خليفه معرس عمره 27 وسالم عمره 25 معرس بعد ..
ومنصور 21 سنه بعده مب معرس يشتغل في الاتصالات ..
والبنات ..
الريم عمرها 19 سنه ونهله .. وابوهم متوفي من 5 سنوات ((الله يرحمه ))

__
كانوا يالسين في الصاله نهله وامها ومنصور اخوها ,.
نهله كانت مشغوله تفكر بالموقف اللي استوالها اليوم وبالمزيون اللي قابتله ما تنسى الطول
والعرض والعيون السود ..
منصور : امايه بغيتج بسالفه ..
ام خليفه : ها مايه شو عندك ..
منصور : تعالي امااايه الصاله الثانيه بغيتج
وسارووا وا م نهله مستغربه
منصور : امايه دام اني اللحين اشتغل ومقتدر ليش ماعرس ؟؟
ام خليفه : والله هاي الساعه المباركه بس في خاطرك وحده ولا تباني اختارلك ؟؟
منصور : لالازين جان بتتنقيلي انتي ؟؟
ام خليفه : شو رايك في بنت خاالك سلامه ؟؟
منصور : امايه سمحيلي على هالرمسه لكن سلامه وايد فاجين لها راسها وانا ابا وحده محترمه وساتره على عمرها ..
ام خليفه : والله على راحتك بتشاور انا وخواتك ..
منصور : على خير انشالله ونش يرقد وام خليفه ردت لبنتها ......
ام خليفه : نهله تعالي حجرة اختج فوق..
نشت نهله وسارت لهم ..
في حجرة الريم ..
ام خليفه : اللحين اخوكن يبا يعرس وقالي اختارله وحده هزركن منو تناسبه ؟؟
ال ريم : والله مادري .اممممم سلامي بنت خالي ..
قاطعتها نهله : لالالا كل حد الا هاي شووووو ماشي بنات في البلاد ما تشوفينها ما تستحي على ويها قليلة ادب ..
ام خليفه : بس عاااااااااد لاتنسين انها بنت اخويه ....
نهله : انزين شو رايج في بنت عم مريوووم اصغر عنه بسنه وماشالله عليها حلوووه ورزين ..
ام خليفه : هيه والله ما شالله عليها خلاص بشوف اخوج ....
في بيت بو عبدالله ((العين )) لطيفه كان عندها اجتماع في دبي ولين اللحينه ماردت ..
ام عبدالله : مهره قومي اتصلي فاختج شوفيها لين لحين ماردت ..
مهره : مادري قالتلي بترد الساعه 9 واللحين 1ونص بقووم اتصلبها ..
وعقب محاولات من الاتصال ((لايوجد رد ))
ام عبدالله : ياويييييييلي شوبلاها هالبنيه والله اني احاتيها ,.
روضه : لاتحاتين امايه يمكن تاخروا في الاجتماع . .
ام عبدالله : هي بس يااا امايه اللحين الساعه 1 ونص وهي بنيه الا اروحها
روضه : ماعليه يااا اماايه انا احيد ربيعاتها ويااها .. بدق ع وحده منهن ..
رن التيلفوون ..
ام عبدالله : قومي امي روضه شوفي يمكن اختج ..
ونشت روضه ترد عليه ..
روضه : الو السلام عليكم ..
المتصل : وعليكم السلام هذا بيت عتيج عبدالله ..
روضه : هيه منو معايه ..
المتصل : ويانا لطيفه عتيج عبدالله ..مسويه حادث ..
اول ما سمعت روضه كلمة حادث فرت السماعه عالاارض وركضت فووق ومهره وراها .,
نشت ام عبدالله وشلت السماعه وقالولها الخبر .. وعلى طول طاحت ..
مهره : روضووه شو بلاج ..منو متصل ..
روضه : لطيفه ........اهىء اهىء ..............سوت حادث .
انفجرت مهره من الصايح ..
ونزلت عند امها واول ما شافتها طايحها تمت تزاعق على اخوانها اللي سمعها علي ..
علي :شوبلاج مهروووه ,, وطاحت عينه على امه .. شوفيها امايه ..تكلمي ..شو استوى ؟؟
مهره: لطيفه سوت حادث واول ماسمعت بالخبر طاحت ..
علي : انزين في اي مستشفى هي ؟؟
مهره : مادري والله رد اتصل على الرقم اللي توهم متصلين منه وسألهم ..
علي : انزين هاتي قطعة شكر يمكن السكر نازل عندها .. سارت مهره ويابت ويوم عطوها نشت ..
ام عبدالله : ودوني عند بنتي ؟؟
علي : انشالله امايه .. وطبعاً عقب ما تأكد انها في مستشفى زايد العسكري ..
بعد ربع ساعه وصلوا المستشفى سألوا عن مكانها وقاللولهم انها في قسم الحوادث ..
وعلى طوول راحوا لها ..
وصلوا عندها وعلي سار يستفسر عن حالتها عند الدكتور فقاله الدكتور بأسف انه العمود الفقري متحرك ويباله عمليه ..
فقرر انه يسفرها برع للعلاج .. وهو طالع من حجرة الدكتور شافهم يسحبون واحد ((على السرير)) تأمل شوي فويهه ..
علي : هالويه مب غريب ..............حامد .............مبلا هذا حامد

((عقب بتعرفون شو سالفة حامد هذا )) ..
سالفته سالفه .. المهم كملوا وبتعرفون ..
^
^
^
^
^
^
^
^
^
^

انتشر الخبر هذا في العايله والكل حزن على هذا الخبر.. الشئيم ..حليلها لطيفه ما تستاهل
لطيفه يوم الواحد يشوفها من اول مره يحس انه فيها غرورو تكبر لكنها عكس هذا تماماً
بس هي جذي لانها مرت بظرووووووووووف واااايد صعبه .. في بداية شبابها ..
بتعرفونها عقب شووووووووي ..
يوم اليمعه لصبح ساروا لها المستشفى
علي وامها وروضه ومهره..
علي شاف اخوحامد في الممر فقرر ان يروح له .
علي : امايه .ا.نتوا دخلوا عندها وانا اللحين بيي ..
دخلهم هم وهو سار عند اخوحامد ((اكبر منه ))
علي : السلام عليكم ..
عامر : وعليكم السلام والرحمه .
سكت علي شوي ..
علي : ما عرفتني عامر ..؟
عامر قعد يفكر ..
عامر : لاوالله بس ملامحك مب غريبه عليه ......منو الريال ؟؟
علي : وياك علي عتيج عبدالله ..
عامر :يا مرحبا والله وينك من زمان ما شفناك ..
علي : والله شو نسوي الدنيا تلاهي وكلاً لهى بعمره .. الا عسى ماشر شو تسوي انته هني ؟؟
عامر : والله اخويه حامد مسوي حادث وانته شو عندك ؟؟
علي : والله حتى انا الرضيعه مسويه حادث وهي راده من طريج دبي ..
عامر :الله يكفينا شر الحوادث ..الا تعال قرب ..
علي : قريييييييييب انشالله ..
عامر : افا علييييييك حياك ..
ودخل علي غرفةحامد سلم عليه وعرفه على عمره لانه من زمان واكيييد ناسنه وسأله علي كيف سوى الحادث (( ظهر عنهم عامر .))
حامد : والله مادري كنت ياي من طريج دبي مسرررررررررع ودعمت وحده طالعه سيارتها بينز رصاصيه من اللفه وكمل علينا تاكسي والله ما يندرى بالبنيه شو استوابها..
علي : سيارتها بينز رصاصيه ........تعرف منو هاذي ..
حامد : لا والله ماعرفها ..
علي : هذي لطيفه اختي ..
انصدم حامد الله يادنيا لطـــــــــــــــيفه ..
لطـــــــــــيفه
لطيـــــــــــــــفه

^
^
^
^
كملوا سوالف وحامد بعده مصدووووم وعقبهها ترخص منه علي وسار صوب حجرة اخته ..
في غرفة لطيفه ترخصن عنها امها وروضه لانه عبدالله يا وشلهن عسب البيت فاضي ما فيه حد بس تمت
عندها مهره اختها ..
دخل عليهن علي سلم على لطيفه ويلس ..
علي : اقوووول لطيفه .. شو نوع السياره اللي دعمتج ؟!
لطيفه وهي مب قادره تتكلم من شدة الالام اللي فيها :
اكس فايف بس حتى هو لف عليه تاكسي وادعمه
عقب ما تأكد علي ان حامد هو اللي داعمنها
علي انتي تعرفين منو هذا اللي داعمنج ..
لطيفه : لاوالله مادري ..
علي : هذا حامد بن مبارك عرفتيه ؟؟
لطيفه : حامد ؟ ودمعت عينها لانها تذكرت سالفه كانت تحاول تتناساها لكن كيف وهالقصه ضيعت احلا سنين من عمرها
وجزء كبير من حياة لطيفه لكن شو تسوي مب ذنبها اللي استوى ؟؟
يا ترى شو سالفة حامد مبارك هذا ؟؟
\
\
\
يلس علي وياهن شوي وعقب روح عنهن ..عند الدكتور

في بيت بوجاسم . .
ماتكلمنا عنهم وايد لانه اشخاص هالعايله مب وايد .. محد في البيت غير راشد وامل وامهم وابوهم والباقي معرسين
كانت عليا بنت بوخالد عند بنت عمها امل ياسات يسولفن وراشد يالس في الصاله تحت ..
عليا : اموووول تدرين لطيفه بنت خالي سوت حادث ..
امل : جذابه..............حرام يحليلها .. ما تستاهل ..
ويلسن يسولفن ومن بين هالسوالف ..
عليا : بقولج شي بس لاتفهمين غلط ..
امل : قولي ما بفهم غلط ..
عليا : احمد ولد خالي قالي انه ............................ههههههه .............استحي ..
امل : شو قاااااااااااااااااااااال ..
^
^
^
^
^
^
^
^
^
^
^
^
^
^
^
^
^
^
عليا : اونه يحبج .. حشرني . كل ما يشوفني يسألني عنج والله مرات يتصل الساعه 12 فليل ع البيت اونه شحاالها غناتي ..
يهذيبج ..
امل :تبين الصراحه يعني احمد يعيبني حتى انا اميل له
عليا : عيل بقولج فكينا من حشرته وخذي رقمه وطلعوني انا من السالفه ..
امل : نعم نعم شو اخذ رقمه بعد هاي ؟؟ لالا مابا ..
عليا : عادي شو يعني ؟؟ انا بدقله اللحين وبشووفه
امل : اتخبلتي انتي شو بتقولين ؟
عليا : صبري اللحين بتعرفين ..
واتصلت حق احمد ..
عليا : الو ياااا مرحباااا
احمد : مرحبتين
عليا : انا عند امووله ..
احمد : حلفي حلفي سلمي عليهاااااا
علياااا : اييه اجلب ويهك انته شو مستويه مطراااش بينكم
احمد : يااابوج تراج انتي الواصل اللي بينا
عليااا : يالغبي خذ رقمها عندها موباايل ترى ورمسهااا
احمد : اممم انزين اخاف اسبب لها مشكله
عليا: لا ما عليكم انتوو يالخواااافين
احمد : جلبي ويهج مب خواف انزين بس عن اسويلها مشكله ويا اهلها ولا شي
عليا : لا عادي عقب ما تكلمك بتمسح الارقام هي
احمد : خلاص شورج وامرنا لله ..
عطيني الرقم
عليا :اوكيك **********
وسكرت عنه ..
امل : والله اخاااااف اخواني يشوفوونه ولا يعرفون بيذبحوني

عليا : لالا انتي عقب ما تخلصين امسحي الارقام اوكي ..
امل : خلاص اوكي ..
عليا :الله بتستوي عندنا قصة حب يديده ..
امل : هههه الله بسنستوي روميو و جوليت .

^^^^
من صدقج انتي ويااااااااهاااااااااااااا

عند لطيفه في المستشفى الساعه 4 يالسات هي ومهره .. بس
مهره : اقووووول لطيفه منو حامد هذا اللي يقول عنه علي ..
سكتت لطيفه شوي وهي اتطالع اختها بنظرة حزن كانها تترجاها سكري الموضوع لكن لازم اتطلع اللي في قلبها ..
لطيفه : حامد سالفته طويله هم نسوها لكن انا اللي ما نسيتها انا اللي كل ما اتذكرها اتالم ..
على قولتهم الصافع ينسى والمصفووووع عمره ما ينسى . . ونزلت دمعه من عينها وقعدت تتذكر اللي استوى
كانه شريط وينعاد ..
مهره : شو سالفةحامد ؟؟

لا تستعيلون اللحين بتعرفون كل شي من لطيفه ..

لطيفه :ابو حامد كان ربيع ابويه وايد ماكانوا ربع وبس كانوا اكثر من اخوان . عنده ولدين عامر وحامد عقب ما توفى بو عامر بسنتين عرست امهم وخلتهم بروحهم كان عمر عامر 16 سنه وحامد 14 يعني كان في نفس عمري خذاهم ابويه
عنده ورباهم معانا يمكن انتي ما تتذكرين لانج كنتي صغيره المهم كبروا وخلص عامر ثانويه وسافر يدرس برااا وخلا
اخوه معانا وكان وقتها عمره 16 سنه حامد حبني وانا بعد نفس الشي وكنت اكلمه من وراهم وكان هالحب يزيد كل يوم
اكثر عن اللي قبله ما تتخيلين كيف كنا ..
بس كان الحب اللي بينا مجرد حب ما يتعدى ع الشي هذا واقسم بالله العظيم انه ماستوى اي شي بينااااا
ويوووم درا ابويه بالسالفه طرد حامد من البيت عقبها باربع سنوات يا حامد واخوه عسب يخطبوني من ابويه
بس ابويه الله يهديه فهمهم اني انا اللي رافضتنه عقب ما طلعوا من البيت اتصلبي حامد يهددني ..
ان ماوافقتي بفضحج تفهمين باتبلى عليج ..
طبعا انا ما بيديه شي وصلهم الرفض لللمره الثانيه ومن غيض حامد تم كل ما يشوف حد يرمس عني
برمسه مب زينه ويتبلى عليه .. نقعت لطيفه من الصياح ..
قامت مهره وحضنت اختها بالقوووو..
مهره :ما تستاهلين حبيبتي ..
.................................................. .

علي عند الدكتور ....

علي : يعني ما شي امل
الدكتور : لأه ما تأوولش كده يا استاااااز الأمل لسه موقوود
علي : يعني نسفرهاااا برااا
الدكتوور : ايووه ازااا بتاأأأدر باااسرع ما يمكن
علي : انشالله بطرش اورااقها انااا
علي طلع من عند الدكتوور و الدنياااااا مسوووده ف عيونه تلاقى وياااا عامر
عامر : شو بلاك ياا علي شكلك تعباااان ..
علي : الله يسلمك الدكتور قال انه الرضيعه يااهااا شلل و اللحين ما بترووم تمشي
عامر : لا حول ولا قوة الا بالله واللحين شو بتسوي
علي : بسفرها انشالله باقرب فرصه
عامر : انزين انا طرشت اوراق حامد المانيا اعرف واحد من السفاره وانشالله بيسهل الاموور تباني اطرش اوراقها ..
علي: والله تسوي خير يااا خوويه ..
عامر : افااا عليك لا تقوول جي احنا اهل ..
على : مشكور و ما تقصر ..
عامر : افااا عليك بس انته لا شكر على وايييب ..
ترى حامد استوى عنده كسر بسيط ف الراااس و ايده انكسرت ورضوض ف ريووله ...
دخل علي عند لطيفه و مهره ..
لطيفه رااقده .
مهره : هااا علي شو قال الدكتور
علي و يحاول ما يبين شي : لا لا كل خير انشالله و بتظهر من المستشفى قريب انشالله ..
مهره تطالع علي بنظرة استغراااب وبصووت واطي : اكييييد
علي طالعها وقالها تعالي شووي ..
وقفووا عند البااب ...ويرمسوون بصووت واطي
مهره : شوو مستووي ..؟!!!!!!
علي : ياابوج ماعرف شو اقوول بس مابا لطيفه تدري اللحين
مهره : خوفتني شوو صااااااااير شو قالك الدكتوور ..
علي : انشلت يااا مهره انشلت لطيفه انشلت ...
مهره وتعلي صوتها : شوو شوو تقووول يعني ما بتمشي
علي :شووووووووووووووش وطي صووتج ماباااها تسمع اناااااا
مهره ودمووعها تطيييح : فديتهااا والله ما تستاااااااااهل ما تستااااااااااااهل
علي : خلاص انا قررت اني اسفرها وباااقرب فرصه انشالله ..
مهره : انزين طرش اوراااقها اللحين ..
علي : عطيت اورااقها عامر وهو يعرف حد ف سفاارتنا اللي ف المانيا وطرش اوراق اخوه واللحين بيطرش اوراق لطيفه بس ادعولها انتوو
مهره :بس الله يستر امي شو بيستوويبها يوم بتعرف ..
علي : تحملي تخبرينها ما نبااها تدري
مهره : عيل كيف بتسفرها وامي ما تدري
علي : ما عليه بقوله اني بسفرها تعالج عن كسر ف ريلها ..
مهره : خلاص اوكيك تعاااال داخل عن تنش وما تحصلنا
علي : يلا عيل
دخلووا ولقوا لطيفه واعيه وتمش دمووعها ..
علي : شو بلاج .؟؟؟!!!
لطيفه : هااا لا ول شي بس حلمت بكابووس ..
علي : بسم الله عليج ..
لطيفه : شو قال الدكتوور ؟؟!!
علي : هاا.... لا كل الخير كل الخير وبتظهرين قريب ..
مهره : يلا عاد لطووف شدي الهمه وخذي دواج عدل عسبة تظهرين بسرعه
لطيفه : علي اناااا مب ياااااااهل عشان تقصوون علي
علي : فديتج شو نقص عليج ؟؟
لطيفه : ادري يا علي ادري وانا ايمااني بالله قووي و راضيه باللي يصير ..
مهره :شو تدرين ؟!!
لطيفه : اللي قالج عنه علي ..
علي : شوو قلت لها انااا ؟!!
لطيفه وبابتساامه : اني نشليت وما بروم امشي ..
علي : فديتج ابدا لا تحاتين و انشالله بتساافرين قريب و عامر بيطرش اورااقج اليوم ..
لطيفه : ما عليه وما تقصرون انا الحمدلله راااضيه بقضاا ربي ...
يت مهره صوبها وحضنتهااااااا ..
لطيفه : بس دخيلكم لا تحسسوني بالعجز حسسوني اني انساااانه عااديه ..
علي : وفعلا انتي انسااانه عااااااديه ..بس اللي نبااه منج انج ما تخبرين امي ..
لطيفه : وهذا اللي انا اباااااه ..

في بيت بو عبدالله ...

عبدالله ياااالس ويا امه و روضه واحمد وابووهم ..
دش عليهم علي و وياه مهره ..
ام عبدالله :ما ظهرووها اختك ؟!!
علي : انشالله بيظهرونها قريب ..
مهره : شحالك عبدالله ..
عبدالله : بخير وسهاله شحالج انتي ؟؟
مهره : الحمدلله ع كل حال ...
علي طالعها بنظره يعني ماله داعي تحسسينهم انه في شي
علي: تراااني بسفر لطيفه تتعالج ..
ام عبدالله : ويدي شبلاهاااااااااااااااااا بنتي ؟؟
بو عبدالله : يا بنت الحلال صبري خلينا نفهم السالفه ..
علي : لا يااا امي ما فيها شي بس كسر ف ريلها وبنوديها المانيا لانها ما بتروم تمشي ع ريلها المكسووره
بو عبدالله : هييي بس يااابويه يعالجوون عن الكسوور هني ..
ام عبدالله : هييي ليش ما تعالجها هني ..
علي : لالا هناك اضمن وخلاص انا طرشت اورااقها ويا عامر ..
بو عبدالله : عااااااامر !!!!
علي : هيي عامر ترى حامد اللي داعمنها .. وهو لف عليه تكسي ودعمه و صاابته كسوور و بيسير المانيا ويانا ..
بو عبدالله : هذااااااااا متعمد ..
علي : لا ياااا بووي هو اصلن ما يدري انها لطيفه ..
بو عبدالله : وانته شدرااك ..؟؟
علي : ترى هوو قالي دعمت بنت وما دري عنها شي
رووضه واحمد شراات الاطرش ف الزفه ..
بو عبدالله : حصل خير .. ومنو بيسافر وياها منكم .؟!!
علي : انا بسير ويااهااا .. و عبدالله ترى بدت الاجازه مالت جامعه الامارات و كليتنا ..
ام عبدالله : ياااااا ولدي شلوني ويااكم خلوني اطمن عليها ..
عبدالله : لا اماااايه والبنات منو بيلس وياهن ؟
ام عبدالله : ما عليهن شر انشالله ابوهن هني ..
بو عبدالله : لالا ماعليه خلي اخوانها يسيرون بس ..
مهره : هيه ياا امي وبعدين اناااا ماروم ايلس بروحي بدوونج ...
روضه و احمد : هي حتى نحنا ما نرووم ..
ام عبدالله : خلاص امري لله شو اسوي بعد ..مع انه قلبي نا غزني احس انكم خاشين عني شي ..ونشت تزهب فوالة العصر ..

بو عبدالله : ابوويه علي قوول الصرااحه شو بلاها اختك ؟!
علي : يااا بووي بقولكم بس امااااااانه ما توصلوون السالفه لامي تفهم ياا احمد ويا رووضه ..
احمد + روضه :انزين ما بنقولها .
عبدالله : علي بلاها خوفتناااااا ؟
علي : لطيفه نشلت ..
نزل عليهم الخبر و الكل تيبس ف مكااااااانه منصعق و روضه تمت تصيييح
عبدالله : وهي درت ؟؟
علي : هيه سمعتنا بس ماشالله عليها ايمانها بالله قووووي ..
بوعبدالله : ماشالله عليها ..
علي : روويييييييض سكتي عن تسمعج امااااياااا ..
روضه تنااااشق: انزين شو يعني نشلت ؟كيييف ؟؟!!!
احمد : يوم انج ما تعرفين شحقه تبااااغمين ؟
روضه : افففف انزين اعرف انه شي مب زين ..
عبدالله : افففف مب وقتكم انتوو بعد
ونش سااار حجرته ..
رووضه : اهئ اهئ اهئ حرااااام والله حرااااام
ودخلت ام عبدالله : ويدي شبلالالالالالاج تصيحين ..
مهره : ماشي بس احمد فر عليها كم كلمه ..
ام عبدالله : احمدووووووه وشو قلت حق اختك يعني انته ما عندك غير المغاااايض تشووف وقته اللحين ..
احمد : لا والله الل,...
قااطعته مهره : لا تيلس تستهبل مره ثاانيه لا تيلس تغااااايض و تفر بلواك ع غيرك فاااهم .
ام عبدالله : تراه شرات اليهال مادري متى بيعقل ..
و علي وبو عبدالله ناقعين من الضحك ع شكل احمد ..
احمد : استغفر الله العظييييييم اففففف
ام عبدالله : يعني مصفع اختك وبعدك اتنااافخ ..
علي : خيييبه سووه مصفعنهاااا
مهره : هي روويض رااوي امي وين ضربج ..
رووضه : اهئ اهئ امييييييييييييييييييييي ضربني هنييييييي
ام عبدالله تشل النعال واحمد يربع : تعالل هني تعال اقوولك ..
احمد : ههههههههههههههههههههههههههههههه
ام عبدالله : بعد تضحك يا مسوود الويه ضااربنها وبعد تضحك
وتم يربع وهي ورااه و فجأه تخرطفت العيووز
الكل : ههههههههههههههههههههههههههه
ام عبدالله : ماعليه ياللي ما تستحون
بو عبدالله : وانتي شو مربعبج قري مكااااااانج خخخخخ
احمد : زين عشاان مره ثانيه ما تربعين وراااي ..
رووضه : اففف والله انكم متفيجين وسااارت حجرتها و رقعت بالبااااااب ..
علي وهو ينشش امه من الارض : اماااايا مره ثااانيه لا تربعين ما فينا بعد تكسرين
احمد : تراااها تبا تسير المانيا وتبا تسوويلها سالفه ..
ام عبدالله : اسكت انته يامسود الويه ..
احمد: انزيييين وصد صوب مهره : انتي دوواج عندي ..
مهره : والله شو اسوي ما لقيت غيرك .خخخ

ومر هالاسبووع بدون اي احدا ث مهمه .. والكل حاله من الدوام لين البيت و يسيرون عند لطيفه في المستشفى . .. والخبر ماظهر من بيت بو عبدالله ..ولا حتى عند ام عبدالله ..

نسير صوب اهل بووظبي ..
يوم الاربعااا
ام خالد ياالسه وحاطه بنت فهد ع ريوولها و فااطمه و عفرا يسولفن ..
ظبيه : يدووه انتي ليش تشلين حصوه وتلاعبينها وانا لا ..
ام خالد : هههههه
فاطمه : عمووه ترى بدت الغيره خخخ
عفرااا: ههه ترى محد غيرها كان وماخذه الدلع
فااطمه : اقول عموة شحالها لطيفه بنت عمي عتيج ..
عفرا : هي والله حليلها غامضتني ..
ام خالد : توني مرمسه ام عبدالله ياويل حالي عليهاااا بيسفرونها تعالج برااا ..
فاطمه : يحليلها متى بتساافر .؟!!
ام خالد : بتسااافر عقب يومين (( اليمعه ))
عفرااا : هيه ياا حليلها ..
ام خالد : عااد لازم نسير نسلم عليهم لانه الكل بيتيمع هنااك ..
دخلت شماااا : وين بتسيرون ؟!!
ام خالد : بنسير العين بيت خالج ..
شما : شو يمعة الاهل ؟!
ام خالد : هي الكل بيكون هناك عسبت نسلم على لطيفه واخوانها ..
شما باستغراب : ليش ؟!
ام خالد : ترى علي و عبدالله بيشلون لطيفه يعالجونها المانيااا ..
شما والعبره خانقتنها : وكم بيلسون هناك ؟!!
ام خالد : والله علمي علمج يا بنتي بس اكيد مب اقل عن اسبوعين او 3 اسابيع ..
شما : هيي حليلها لطووف .. متى بنسيرلهم انشالله ..
فاطمه تيلفونها يرن ..
فاطمه : الوو هلا والله بالوالده ..
ام جاسم : هلا بالغاليه ..
وعقب السلامااات ..
ام جاسم : عمتج عدالج ..
فاطمه : هي امي هذييه .. عموه امااايه تبااج ف التلفووون ..
ام خالد : عطيني ايااها وخذت عنها الفون
ام جاسم : ياهلا يا مرحبا
ام خالد : يا مرحبا بج زود شحالج الغاليه
ام جاسم : يسرج حالي وشوو من صوبج ؟
ام خالد : ما نشكي بااااس
وعقب السلامات ..
ام خالد : ما بتسيرون ويانا باجر بيت اخويه ف العين ..بنسلم على عياله بيسافرون
ام جاسم: والله خاطري بس بنكلف عليهم ..
ام خالد : لالا ما عليج هي بروحها ام عبدالله عازمتنكم ..
ام جاسم : خلاص عيل انشالله بنظهر ربااعه ..
ام خالد : هي انشالله تزهبووا عقب الغدااا
ام جاسم : انشالله ..
ام خالد : يلا عيل ف وداعة الله نتشاوف باجر
ام جاسم : ع خير انشالله ..
وسكرت عنها ..
ام خالد : اميي عفرااا دقي ع بيت بو سيف
شما : ليش اماااايه .؟؟
ام خالد : بنشوفهم جان بيون ويانا لانه ام عبدالله عازمتنهم ..
شما : هيييي
ودقت عفرا ع بيت بو سيف ..وردت ونيه ..
ونيه ((ام سيف)) : ياا مرحباااا ..
ام خالد : يا مرحبيتن
ام سيف : شحالج ؟؟
وعقب السلامات ..وجي
اتفقوا ع اساااس انهم يسيرون اليمعه لانهم ما بيباتون ..
يوم الخميس الكل عقب الدوام تزهب ..
وركبوو سياراتهم كالاتي :
عايله بو خالد :: سيارة خالد ومعاااه (( فاطمه وبنتها و شماوبو خالد وام خالد وعلاياااا )) ..
سيارة فهد( عفرااا و بنتها و مريوم وحمدوه و سعود ))
عايله بو جاسم ::
سيارة جاسم (( شرينه وامل و ميثه بنت جاسم ))
سيارة بو جاسم (( ام جاسم + بو جاسم + راشد + مي و خليفه عيال جاسم ))

واتجهووا كلهم جدااااا دااار الزين ..

في سيااارة جاسم

أمل مسجات بينها وبين احمد ..
وكل شووي التيلفون يسوي صووت ..
جاسم : الشيخه امل منو هاي اللي عندها وايد رصيد ..
امل حاولت انها ما ترتبك ..
امل : ههههه لا هاااي اسمووه ربيعتي محتشره متضاااربه ويا بينه وتباني احل المشكله ..
جاسم : وانتي حلاله المشاكل ..
شرينه : خخخخ المصلح الاجتماااعي
امل عاشت الدور : واااي فديتني .. وحطت فونها ع الصامت
ف المسجات ::

احمد : وين وصلتووا اللحين ؟!!
امل : تريااا ما بقى شي ..
احمد : يعني كم تقريبا تراني خست ف الشمس اتريااا
امل : وااااااااع لا يكون ريحتك فاااحت ..
احمد : انجبي انجبي اللي يقول بتستقبليني بالاحضاااان ..
امل قفطت و ما ردت ..
احمد : وينج ؟!! استحيتي يعني ؟؟
امل : يااااااابووك شو تباني ارد عليك يعني ..
احمد : فديت اللي يستحون اناااا
شو لابسه ؟؟!!
امل: مب انته قلتلي البس بنفسجي ..خلاص انا لبست ...
احمد : هيي شاااطره سمعتي كلامي يعني ..
امل : هي شفت عاااااااد كيف ..انزين اقوولك انا مب راقده من امس برقد شووي ف السيااره ..اوكيك ..
احمد تأخر ف الرد
غفت عين امل و حطت فونها ب حظنهااا
و ولع فونها ع ساااس انه ياينها مسج نيوو
وهي ما نتبهت راااقده ..
شلته ميثاااني ياهل عمرهااا 7 سنوات ..

وفتحت المسج

ميثه : عمووووووه عموووووووووه مسج وصلج .. مكتووب فيييييييييييه
اوكيك فديييييي

نشت امل وشلت عنهاااا الفوون و هي مترووعه وقرت المسج حمدت ربها انه مب مكتوب شي قووي

احمد : اوكيك فديتج نوم العووااافي ..

بس اصلا محد انتبه على ميثاني ..

طرشتله مسج ..
وخبرته بالسالفه ..
احمد : خيييبه زين ما فضحتنا.. ههه المهم وين وصلتوا ؟؟
امل : خلاص يابوك وصلنا عند اللفه اللحين ..
احمد : هييي هيي اشووف سياره بيت عمتي ام خالد ...
امل : اوكيك احنا وراهم
احمد : يلا عيل اشووفج ع خير ..

وصلووا بيت ام خالد .. ووراهم بيت بو جاسم ..

والكل وصل ودخلوا البيت ..

الكل سلم و يلسووا ويا بعض الحريم ف ميلس الحريم و الريايل ف ميلس الريايل
والبنات كلهن تيمعن ف الصاله اللي فووق ...

وامل يالسه ويا الحريم و حاطينها ع الكرسي ومفهمين الكل انه كسر وبس

نروح عند البناااااات ..

(( مهره – روضه – شما – مريم – حمده – عليا – امل ))

مهره : والله حلوه اليمعه بس فديتها ميرااانه ناقصتنا ..
شما : هي فديتها باجر بيون انشالله ...
حمده : رووويض اباا اطلع حرتي ابا اسووي شي ..
روضه : خخخ ادري ادري تبين شرات كل مره ولا غير ..
حمده : هههه لا غير
رووضه : خلاص عيل خبالنا هالمره غير ..
الباااقي : شو ناويات تسون ؟
مهره : دخلونا وياكم .؟؟!!
حمده : افااا انتو لازم تكونون معانا شرات كل مره
روضه : انزين شو نسوي مقلب ف الشباب و لا الشياب ولا العيايز
الكل : خخخخخخخ
روضه : شو رايكم اليوم على الشبااب وباجر ع العيايز و الشياااب
شما : هي هي هي والله هالمره طرررر
عليا : انزين فكرووا شو نسووي؟؟
روضه : اول شي فكروا عن الشباااب شو نسويبهم ؟!!!
مهره : هييييي شووفووا شو بنسوي .. بنسرق سياااراتهم شراااااايكم ؟؟
الكل : هيييييييييييي والله انج طررررر
روضه : كل وحده منااا تعرف تسووق صح ولا لا
مهره : هي الله يخلي البر شاطرين يعلموونا ف البر وما يخلونا نسووق
الكل : هي والله
شما : انزين انا بشل سيارة سعوود ومهره تشل سياارة عبدالله ورووضه تشل سياره علي اوكيك
روضه + مهره = اوكيك
الباقياات : انزين ونحنااااا
شماااا : لا انتن ما تعرفن ..
عليا : لالا ما يخصنا ما يخصناااا لازم نشاارك
امل : هي لازم نشااارك
مريم : انا بتكلف اني ايبلكم لسويجات من عندهم
حمده : وانا بساعدها
شما : وكيف بتيبونهن ..
حمده : بطريقتنا الخااااصه ..
شما : انه كيدهن عظيييم انزين بنشوف
عليا و امل : احنا شوو نسوووي ؟؟!!
روضه : انته احرسن حقنااااا
علياا : اوكيك
امل : عاااش احس كشخه بس متى التطبيق ؟؟
مهره : الساااعه 1 1 ونص ..

ام عبدالله من عند الدري : رويض رويض
روضه : لبيه امااااااااايه
ام عبدالله : حبيبتي زقري البناااااات عشاااااااااا
روضه : بنااااااااااااااات تعالن تعشن ..

ونزلن البناااات تحت و تعشن ويا الحريم و عقب العشااا خالد وجاسم و فهد ترخصوا ويا حرميهم لانهم بيباتون في فندق ..

الحريم سارن يرقدن ..
ام خالد + ام جاسم = غرفة الضيوف ..

عند الشبااااب : في الميلس

(( عبدالله – احمد – علي – سعود – راشد ))

عبدالله : وشحالكم يااا شبااااب
الكل : يسرك حالنااااا

احمد : ياخي ملل قوومووا نظهر

راشد : هي والله نباااا نظهر ..

سعود : وين تسيرون السااعه 11 .

علي : يلا قووموا نسير السنمااااا

الكل : يلا

وظهرووا ..

علي : وييييييين السيارااات ؟!!!
عبدالله : وين سااااااااااااارن ؟؟
سعوود : حتى سياره ابويه اللي اسووقها ماشي ..

علي : تعالووا ندور ف الحاره يمكن حد من البتااان شلهن يسونها الحمير ..

وسااار والكل وراااااااه

والا يلقون سياراتهم ال 3 مصطفاات ..

سعوود تعالووووووو يالحراميه

والبنااااات كلهن يدوووسن و سييييييييييده جدااااااااام
وهم يربعون وراااهم وما يدرون منوو داخل

ويوم تعبن وقفن تحت الشير قريب من البيت .. ونزلن

علي : انتن... ههههههههههههههههههههه
الكل : هههههههههههههههههههههههه
مهره : شرااااايك علووه بقدراتنا ..

علي : مثل ويووهكن ..

البنات : افاااا

سعووود سحب اخته شمووه ..

سعود : شمووه مهاااري اللي كانت تسووق سيارة عبدالله ؟؟

شموو : هيه شراايك فيها ؟؟
سعوود : خخ ماشالله عليها

عبدالله : ع مقلبكن هذاا يبالكن عقااااااااب ..

البنااااات : لالالالالالالا ..

علي يشووف شماااا بنظرة غريبه و نظرة حب ..

شما شافته و نزلت راسها وابتسمت ..

وعلي ابتسم لهااااا

عبدالله : يلا ردن داااخل وهاتن لسوجياات ..

عطووهم البناات لسويجات وساارن فووق

ف حجرة مهره باتت عندهااا شمااا والباااقيات ف حجره روضه ..

مهره : شمووه بلاج ؟!!!
شما : ها لا ول شي ليش؟؟
مهره : بسم الله عليج .. بلاج تضحكين برووحج وتبتسمين
شما : لالا تذكرت شي بس
مهره : يوم علي طالعج و عقب ابتسم ..
شما : هاا شو متى طالعني اصلن ..
مهره : علينااااااا
شما: جب جب
الباااب << طخ طخ

مهره : منووه .؟؟!!
علي : انا علي تعالي بغيتج
مهره فتحت الباااب
مهره : نعم شو
علي : بسم الله شو بلاج ؟؟
مهره : لا يعني تعرف انه شمووه عندي شو يايبنك
علي : هااا لا ماشي
مهره : والله انكم انتوو اليوم حاله ..
علي: منوو احنا ..
مهره : النااااس اللي عندي .
علي : هههه ليش شو بلاها
مهره : ما يخصك وخلصنا شو تبااا
علي : لا ما با شي بس مب رايم ارقد ..
مهره: وشو المطلوب مني ؟؟!
علي : اففف ابا حد ييلس معاااي كلهم رقدوا
مهره : فاااارج فكني ابا ارقد
ورقعت الباااب

شما : حرام عليييييج
مهره : واايد فاضي يعني .
شما : انزين ترى يبا حد يسوولف معاه
مهره : انزين شو رايج تروحين انتي ؟
شما : بعد هذا اللي ناااقص ..
مهره : خخ شو اسويبكم
ورقدت مهره وشمووه سارت تبا تاخذ شنطتها نستها تحت عند الباااب

ظهرت وشكلها متروعه لانه ظلالالام

وتتسحب شووي شوووي و كانت لابسه بجامه بيضاااا وفوقها شيله بيت طويله

عقب سمعت شي يتحرك من الخوف نقزت و علي يراقبها ويضحك ..

سارت تحت وتحاوول تشل شنطتها بس مارامت تجيله

ياااا حد من وراها

علي : اشلها عنج ..
شما بخووف : لالا ماعليه ما عليه
علي : شبلاج خخخخخخ ؟؟ ليش خايفه ؟؟
شما : ها لا مب خايفه ..
علي : انزين هاتيها عنج
و فهالوقت تلامست ايدها بيت علي
علي تم ماسك ايدها
شما: عليييي
علي : شوو ؟
شما : افتح ايدي
علي : ماقدر
شما : عليييييي
علي : شماااا بغيت اخذ رايج ف شي
شما : افتح ايدي قبل
علي : انشالله
وفتح ايدهاااا
علي : شما تعرفين انه من زمان يقوولون شما ل علي و علي ل شماااا
صح ولا لا ؟
شما بخجل : هي ..
علي : واللحين خلاص بتستوي شما ل علي
شما : ................قافطه
علي : شو قلتي ؟؟ اخطبج ؟؟
تراني لقيت شغل ..
والدرااسه العصر ..
واصلن ما بقى شي .

شما : ابتسمت و خلت شنطتها وركضت فووق

علي : فديتج اناااااااااا

و اييي من ورااه حد ويمسكه من رقبته

..........:: فديتج انااا هااااااا

علي لف

علي : خسااللة هالشيفه من وين ظهرت

عبدالله : من يوم قلت تدرين علي ل شما وشما ل علي
علي : هههههههههه شرايك ؟؟
عبدالله : والله شو اقولك بس تراك تسرعت ..
علي : ليش .؟؟!!!
عبدالله : نسيت انه امي ما بيوزك قبلي ..
علي : خخخ لا انا متفاهم ويا امي ما عليك انته ..
عبدالله : اثرك مزهب كل شي ..
علي : هي عيل شو بترياااك اذا تريتك بعفن
عبدالله : خخخخ والله ماشي وحده ف المزاج لين اللحين ..

وشل شنطت شمااا وساار فووق

و تذكر الهديه اللي اشتراها من تهاني الخليج حطها داخل شنطة شماااا و دق باب حجرة مهره و حط الشنطه مجابل البااب و راح ..

شما سمعت دق الباااب و فتحته و حصلت شنطتها .. ابتسمت عرفت انه علي اللي حاطنها

فتحتها لانها تبا تاخذ شي من داخل و تفاجأت باللي شافته

شو هذا من وين ياااا ؟؟!!
وفتحته البطاااقه وشافت I miss you
From Ali to : S

ابتسمت و ضمته لقلبهااا

حطته في الشنطه و سارت ترقد ..

حجرة روضه ..

الكل راقد الا امل ..

مسجات هي و احمد..
احمد : اقولج يلا

امل : احمد دخيلك لا تحطني ف موقف محرج

احمد : شووفي اذا ما ييتي تراني بزعل وما برمسج

امل : احمد ليش عااااااااد ؟

احمد : لا تخاااااااافين انا ما بسويلج شي بس بكلمج شووي وبشووفج

امل : انزين خلاص بيي ..

احمد : هي اللحين امووله اللي اعرفها ..

امل : يلا انزين ترياااني .

و ظهرت وهي لا بسه بجامااا بنطوولن و شيله طويله ..

احمد يوم شافها صفر ..

امل : اششششششششششششششششششششش عن حد يسمعك ..

احمد : يلا تعالي ..

امل : وين ؟؟!!

احمد : الحجره بعد وين ؟؟!!!!

امل : لالالا خلنا هني احسن ..

احمد : يا ذكيه اهنيه كل حد بيشفوونا تعالي داخل احسن ..

امل : احمد شو بنسووي داخل

شو راايكم بالبااااارت ؟؟!!!!!

احمد & امل ؟؟

علي & شما ؟؟

لطيفه والعلاج ؟؟

لقطات من الباارت الثالث..

احمد : يلا عيل سوي اللي بقولج عليه ..

سعود : شفتك وضااع الكلام ..

ام جاسم : والله ما يندرابه شو داس ورااه مب طبيعي هالريال