منتدى استراحات زايد - قصة خيالية رواية كنت أناظر صورت وأتأملك

البارت الحادي عشر

ذياب : هههههههههههههههههههههههههههههههههههههههه
سيف : تخبلت انت !!!!
مايد : لا استخف الريال
منصور : بلاك ذياب شو اللي يضحك ف السالفة
ذياب : هههههه ماشي ماشي
مايد : الحمدالله و الشكر
سيف: اشك أنك صاحي
مايد : الحين شو هاي المصخره , عبود ما يسحتي شو ؟
سيف : قاهرني و يا راسه كيف اتجرأ و سوا جيه !!
منصور : هو مب اصغر منها
الكل : هيه
منصور : انزين عادي
ذياب : بس ترا اصغر من بعض بسنة يعني ما يستوي انهم يحظنون بعض
منصور : هيه أوكيه
يا عندهم عبود و هو فرحان
عبود : هاااااي شباب
مايد (معصب) : انته شو ما تستحي على ويهك
عبود (بكل برود ): ليش شو سويت !!
سيف : الصراحة مول ما سويت شي
ذياب : بس حظنتها , ليش ما بستها بعد
عبود : كيييييييفيييي ياخي
منصور : بس تدري ان ها الشي غلط
مايد : اتأدب عبود هااا
عبود : انزين هي ما قالت شي , انتو ليش معصبين !!
سيف : لانها ياهل شراتك و ما تعرف الصح من الغلط
عبود : انا مب ياهل
مايد : دام انك مب ياهل ليش سويت جيه
عبود : لانها شرات اختي و اكثر , هاي اللي حظنتها تقدرني تحترمني تحس فيني عمرها ما حسستني اني ياهل , اما انتو شو , على كل شي انت ياهل انت مادري شو حتى اختي نفسكم , اما هي عمرها ما حسستني ب ها الشي من صغري و هي اللي ترفع معنوياتي , لا تتحرون يوم سافرت انقطعت اخبارها , لا بالعكس علاقتنا زادت و كل يوم اكلمها بس ما خبرتكم , و انتوا من سافرت نسيتوها و يوم رجعت تذكرتوها و اونكم تبون تتحكمون فيها , هالمره انا ما بسمح لكم اتأذونها (وسار عنهم بعد ما فجر قنبله خلت الكل في حالة صدمة).
ذياب : ههههههههه لا انا اليوم بتخبل صدمة ورا صدمة
سيف : ابداً ما توقعت عبود شال ف قلبه هالكثر
مايد : معقوله نحن ما نقدره و نحس فيه
منصور : تراه ف سن المراهقة , محتاج حد يكون جريب منه و يسمعه
سيف : انا اكثر واحد وياه بس عمره ما قال انه متضايج منا او شي
منصور : مب لازم يقول , لازم انتو بروحكم اتعرفون
ذياب : كسر خاطري اتصدقون
مايد : بعدين بنسير انصالحه ترا ما عنده حد غيرنا
----------------------------------------------------
يزوي : شيخووو يوعانه
شيخة : سيري قوليلهم
يزوي : تعالي وياي
شيخة : مب متفيجة اشوفهم ابا ارقد
يزوي : اووووف منج تقهرين (و فرت عليها مخده )
شيخو (تصرخ ): يزووووووووووووووووووووووووووووي يالحيوانة , تدررررررررررررررررررين ما أحب هالحركة , صدق حرررررركااااااااات يهااااااااااااااااال
يزوي: خيبة بلاج اتصارخين
شيخة : تنرفزين تراج
يزوي(اتنرفزت): انتي محد يمزح وياج مالت عليج
شيخة (عصبت أكثر ): اصطلبييييييييييي هاااااااا تراني ساكته عنج
صوب الشياب و الشباب و الحريم
بو شيخة : بسم الله شو ها الصريخ
مايد : صوت البنات
عبود : شكلهم يتضاربون
بو سيف : قوموا شوفوا شو السالفة
ساروا الشباب كلهم فوق ما عدا منصور لانه غريب عن البنات
--------------------------------
يزوي: انتي شو اللي ردج كنا مفتكين من ويهج
شيخة : اللي يقول اني ميته عليكم يعني
يزوي : اكرهج و اتمنى ما اشوفج بعد
شيخة (حست بضيجة ) : و ها اللي بيصير , جريب انشاءالله
يزوي : احسن بعد
و ف هاللحظة دخلوا الشباب
سيف : بلاكم اتصارخون يهال انتوا
مايد : ما تستحون انتوا
يزوي : اسكت دخيلك ف كل شي راز ويهك
مايد : احترمي نفسج
سيف : لسانج طولان اشوف
يزوي : كييييفيي
عبود (عصب): يزووووووووووووي اصطلبي هاا و سير اتغطي ,كاشفه عن عمرج جدامهم
يزوي زاغت وسارت تلبس الشيله
اما سيف و مايد و ذياب استغربوا من خوفها من عبود و هو اصغر منها
سيف : و انتي بعد لا تستوين ياهل يالسه اتضاربينها
شيخة شافته بنظره
مايد : عيب تراكن كبرتوا على هاي السوالف
شيخة شافته بحتقار و صدت ويها
ذياب : فهمتوا الرمسة انتوا الهنتين
شيخة و يزوي ضحكوا:هههههههههههه و نطق الحجر
علامة تعجب كبيرة على ويه ذياب
البنات و الشباب نقعوا ضحك :هههههههههههههههههههههههههههههههههههه
ذياب : بلاكم !!!
الكل : ماشي
عبود : شيخة اتستري على عمرج بسرعة
الكل شاف شيخة , كانت لابسه برموده و شعرها مفتوح وكانت طالعه ياهل و بريئة و الشباب ما انتبهوا عليها الا لما عبود قالها تتستر , بس اتخبلوا على جمالها ,ركضت بسرعة الحمام
شيخة : الله يغربلني كيف نسيت اني لابسه جيه , صدق فضيحه
صوب يزوي
يزوي: نعم شو تبون الحين يالله برع
مايد : اتأدبي انا اقولج , ومابا اسمع صريخكم (طلع و لحقوه الشباب)
يزوي: شيخوووه طلعي
طلعت شيخة
شيخة : صدقووواااااا
يزوي : هيه
وتموا يضحكون بصوت عالي
------------------
ام مايد : بسم الله الرحمن الرحيم لا بالله البنات اتخبلوا
بو سيف : توهن يضاربن والحين يتضاحكن
عبود : ليش ما تدرون يعني !
الكل : شووو!
عبود : انهم مسوين فيكم مقلب و يالسين يستعبطون عليكم (و سار غرفته )
كلهم تموا فاجين حلوجهم من الصدمة و حسوا عمارهم مصخره
-------------------------
بعد ربع ساعة
ام شيخة : يالله بحط الغدا
بوشيخة : بتتغدون داخل ولا برع
الكل : برع أحسن
ام ذياب : خلاص عيل بنروح انجهز ( وقاموا الحريم كلهن )
------------------
بو اليازية : حد فيكم يزقر هالهبلتين
عبود : انا ساير (و قام عنهم)
منصور : ما تلاحظون ان عبود قام يتحاشاكم و ما ييلس وياكم
مايد : هيه حسيت بس ما عليه بعدين بنراضيه
صوب عبود
دق الباب عليهم وقال :
يالله تعالوا بيحطون الغدا برع
شيخة : الحين يايين
نزل عبود و بعد 5 دقايق نزلوا البنات

توقعاتكم ل هالبارت http://forums.graaam.com/images/smil...aam%20(16).gif