|
( الصفحة الحآدية عشر ) أحياناً .. يقودنا التسرع بالقيام بأمور خاطئه ، فدائما مانقول لماذا تسرعت .. ! ربما لابد من التفكير قبل التسرع ، ولكن من المؤسف أن يحدث أمر لم نتوقعه من أقرب الناس .. ونحاول تقبل الأمر .. ربما نخطأ عندما نتقبل الأمر ، فيرجع الخطأ لنا .. بدلا من الإعتراف بالخطأ .. فتظهره فجوة سوداء ربما توقف مجرى حياتنا .. . . . . [ بعض البشر مثل الماء لآ حطيت فيه قطرة حبر تلون بكبره وتغير ] دخلت الحجرة وسكرت البااب .. مآعليييه سعووود بتندممم .. مسحت دموعي أنآ الغلطآآنه كآن المفروض أرد عليه ليش سكتت ليييييش .. دخلت الحمام عزكم الله وغسلت ويهي .. كنت أسمع صوت باب حجرتي .. معقوله سعود رجعت يتأسف ..!! نشفت الماي من ويهي ورحت صوب الباب قلت : منووووو !! سمعت صوت ساره : ميثه هذي أنآآ .. كنت أحس بشعور غريب لأن ساره تغيرت مآحبيت تشوفني جيه قلت : ساره روحي الصاله وبييج عقب شوي .. ردت علي : أوك أتريااج .. سرت صوب المنظره وقلت في بالي " خلآص ميثه ماصار شي لآتبيين لها شي " .. إنتظرت شوي لين مآحسيت أني هديت ، عدلت شكلي عسب لآتحس بشي .. عقب ظهرت من حجرتي سكرت الباب شفت أميه يايه صوبي .. أميه : ميثه حبيتي مآعليه أنا بتفاهم معاه مسود الويه .. قلت وأنا أبتسم : أصلا عادي ماصار شي .. أميه وكأنها فهمت أني ما أريد أرمس عن الموضوع : زين حبيتي ساره تتنظرج فالصاله أنآ بسير أشوف أبوج إذا محتآي شي .. رديت عليها : أوك مب مشكله ، وأنا عقب بمر صوبه .. كنت سايره للصاله بس وقفت وأنآ أسمع صوت شمياء دآخل !! كآنوا يضحكوون بصوت عالي ؟؟ مآدخلت تميت واقفه مكاني .. شو السالفه ليش شيمااء هنيييه !!!!!!! كنت أهدي عمري خلآص تولي ماتهمني تبي تسوي مشاكل برايهاا .. وصلني مسج شفت فوني كآنت ساره قريت وأنا مستغربه ، ( خلآلآص ميثه شكلج مشغوله بشي أنآ بظهر مع شيماء مشوار وبرد عقب ) .. كنت أقرااا وأناا منقهررررره ألحييينه تبدلني بشيماااء !!!!!! . . . . , معقووله أنآ مديت إيدي على ميثه .. !! زين هيه الغلطآنه مب أنآ .. أووف ألحينه أميه بتضايق مني .. كله منهآ هالبنت دومها جيه لآزم تسوي مشاكل ، إلسانها متبري منهاآ .. نزلت من السياره وإتصلت على سيف بس مآرد !! غريبه ليش مآيرد .. دخلت مكتبي كالعاده ويلست أجآبل شغلي .. سمعت صوت غريب : سعود ! رفعت راسي منصدم : منصوور !! منصور ييه صوبي وتخاشمناا : شحآلك وينك هالغيبه ؟؟ منصور ويبتسم : وين يعني عند إربيعي أقولك في موضوع أريد أرمسك فيه .. إستغربت : حيااك إيلس ، موضوع شو ؟؟ منصور : والله أريد أزوركم اليوم وبرمس عموه ، بس المشكله مثل مآتعرف عمي مآيروم يرمس .. ومحتآر أرمس منو فقل برمس أمك .. إذا ممكن تقولي وين سآرت مرت أبوي وخواني ؟؟ قلت : لييش شو تبى فيهم ؟؟ منصور ويضحك : ههه ماشي أريد أشوف خواني شحالهم وينهم كيف الدنيا وياهم .. إستغربت شوي يعني مب معقوله ألحينه فكر أن يسأل عنهم : زين مب مشكله برمس أميه ولآيهمك .. عقب يلست أسوي شغلني .. مر الوقت وخلص دوآمي إستغربت وينه سيف مآبين اليوم ؟؟ ركبت سيآرتي .. إن شاء الله مآصآر له شي .. بعد مآ وصلت البيت كنت أحس بتعب من شو مآ أدري حسيت بحرآره بجسمي .. بندت السياره ومشيت أريد أدخل البيت مدري ليش حسيت بدوخه .. يمكن عشان الدوآم والدرب الطويل .. فتحت الباب ودخلت قلت : أمييه .. أمييه وينج ! مآشي رد وين سآرت !! قلت مره ثانيه وأنا دآخل الصاله : أمييه ويينج !! مآحصلت حد بس إنتبهت ميثه يالسه على اللآب .. حسيت أنها مسويه طآف حقي ! رحت صوبها وقفت جدآمها وهيه بعدها مسويه طاف ، قلت : السلآم عليكم .. مآشي رد .. قلت : ميثه وينها أميه وشيما ؟؟ مآرفعت راسها بس ردت علي : أميه نايمه وحمود نآيم .. قلت : وين شيماء عيل ؟؟ مآردت علي .. يلست حذآلها : شو فييج ألحينه !! قالت ببرود : شو فيني يعني يالسه عاللاب أرمس ربيعاتي .. رديت : لآ مب قصدي شو يالسه تسوين ، "سكت عقب قلت" مضايجه مني صح ؟ إلتفت صوبي وطآلعتني بنظره وعقب تحركت .. قلت بصوت عالي : ميثوووووه لآتستهبليييييين وقفيي يالس أرمسسج .. هيه وقفت وقالت : أنآ ما أستهبل ومآ أريد أسمع منك شي وعلى فكره أنآ مب يالسه أنتظر منك إعتذار أو تتأسف لي عسب أسامح ولآ أنتظر منك تبرر موقفك فهمت قصدي !! قمت من مكآني ورحت صوبها : زين من قآلج أني بتسآمح منج !!؟ حسيتها مستغربه .. كملت كلآمي : أنآ ماسويت شي غلط ليش أعتذر منج إذا في حد لآزم يعتذر هو إنتي ، المفروض تعتذرين مني ومن شيماء على الكلآم إلي قلتيه .. وبعدين أنآ أشوف أنج زوتيها وايد هالفتره وأنآ ساكت .. يمكن لأني مآ أريد مشكال في البيت لكن ألحينه تغير الوضع مب كل مره بسكت عنج .. نزلت راسها وكأنها يالسه تفكر في شي !! عقب قالت : زين سعود إذا إنت بتكاابر على تصرفك فأنآ بعد أعرف أكآبر وأني أعتذر من شيماء إعتبره من ثآآمن المستحييلآااات .. قلت : ومعنى كلآمج آنسه ميثه أنج تعرفين تصرفج كآن غلط .. ردت علي : تصرفي غلط لأن كآن المفرووووض أني مآ أرد عليها وبس كآن المفروض أضربها شرات مآ إنت ضربتني هذا الصح في عيني .. تأففت : وبعديين يعني ، عقلي شويي خلي عنج سوالف الييهالل هذي تضربني وأضربها .. أنآ كل إلي عنددي قلته وإنتي برايج سمعتي رمستي ولا لا بس عقب لآتحاسبيني لآ عصبت منجج في شي .. أنآ مب مستعددد أيلس أراضي شيماء عن تصرفاتج الطفوليه هذي .. رديت علي بعصبيه : تصرفااااتي أناا طفووليه !! وشوت قوول عنهااا هيه أووول ماشافتك يلست تصيح شرات اليهاال كأنهاا ماقالت شي مع أنككك سمعت هيه شوو قاالت .. كيييف إنت راااضي تقووول حق أمييه إلي قااااالته ..!! عصبت : مييييييثه قلت لللج أن الغلللط منجج مب منها هيه مآقالت شي غلط .. ميثه : لآاااا والله مآآ قااالت شي غلللط هيه كآآنت تمزززح صحح !! .. تدريييي شي مابييناا كلآم ومآبضيع وقتي معااك " وتحرك لحجرتهاا " .. . . . . , سكرررت الباااب بقووو حيووان .. أنآ الغلطاانه ردييت علييك .. ألحيينه بشووف هالشيمااء لويين بتووصل يعني سعوود وسااره تغيروا بسبتهاا .. خذيت فوني بتصل على عموه أم ماايد من زمان مارمستها اشتقت لهاا حياتي والله مآفي حد يفهمني كثرهاا .. خذيت فوني وإتصل بس كآلعآده مآترد .. والله خايفه عليها معقوله كل هالأسابيع مشغووله !! ليش دوم مآترد علي .. حتى المسجآت إلي أطرشهاا .. تذكرت المفروض آخذ أبوي المستشفى ، بس أتوقع تأخر الوقت بآخذه بآجر الصبح أحسن .. يلست أعابل في فوني ليش ساره ماردت علي للحين !! شو صار معاهم .. إنسدحت عالشبريه ويلست أنتظر أي رد .. شويه وأسمع فووني يرن ردييت : هلآ ويييينج ماترديين !! ....... : أرد ؟؟ إستغربت من الصوت شفت الرقم مب متسيف عندي .. : منو ؟؟ ....... : منو تتوقعين .. ؟ رديت : لو سمحت بتقول منو ولآ أسكر ؟؟ سمعت صوت ضحك عقب قال : ميثه الخبله أنآ منصور ، ولد عمج الله يرحمه .. قلت بإستغراب : ومن وين يبت رقمي .. " منصور : من ويين يعني أقوولج وين عموه ؟؟ رديت : أميه ! راقد ألحينه ليش في شي ؟ " منصور : ماشي بس كنت برمسها عن أهلي أقصد خواني ومرت أبوي تعرفين شي عنهم ؟؟ قلت بإستغراب : ليش تسأل عنهم هم مآيحبونك ولآيفكرون فيك أصلا ً .. !!!!!!!! " منصور ويضحك : هههه ليش التحطييم ، مب مشكله لآيحبوني بس أريد أعرف إذا تعرفين شي عنهم ؟ تذكرت : هيه أعرف ، أتوقع هم في العين إذآ مآخاب ظني .. أو هنيه بيت عمي الله يرحمه .. " منصور : زين بطلب منج طلب إذا تقدرين يعني أبآج تدليني وين البيت ؟ قلت : والله ما أذكر من زمآن ماسرت زين تعال باجر وإرمس أميه وهيه بتقول لك إذا تعرف شي .... وعقبها أنآ بآخذ أبوي المستشفى وبدلك وين البيت لأني مآ أعرف أشرح لك فالفون .. " منصور : هيه مب مشكله أنآ باجر إن شاء الله بمر بيتكم ورمست سعود أخوج .. قلت : أوك مب مشكله .. تعآل الصبح لأني بظهر بروح المستشفى .. " منصور : عسى ماشر .. عمي فيه شي ؟؟ قلت : لآ الحمدلله هو بخير بس تدري ظهر عنده سكري ولآزم آخذه مرآجعه عند الدكتور وآخذ دواه .. " منصور : أها ماتقصرين ، ربي يعافيه إن شاء الله .. رديت : آمين يارب ، زين السموحه بسكر ألحينه .. " منصور : أوك الله وياج ، سكرت .. غريبه يبي يعرف وين خوآنه مالت عليييهم أصلا مب خوان هذيله مآفكروا يسإلون عنه أو حتى يتصلون .. صج إنسان غبي ، لو أنآ مابفكر فيهم .. أذكر مرت عمي عنها ولدين راشد وسلطآن .. مدري إذا عندهم حد ثاني ، سمعت صوت الأذآن ماشاء الله أذن .. بقوم أتوضآ وأصلي العشاا عقب بروح أسوي شي آكله وبرقد عسب بآجر أقوم من وقت .. . . . . . مهما تفرقنا الأيام .. يبقى الحنين لوجود إخوه .. قد نحزن على تلك الأيام التي أبعدتنا .. وجعل كل واحد منا في منزل مختلف بعيدا عن تلك اللحظات التي ستجعل الحياة أجمل .. ولكن الحقيقة هي أنهم لربما لآيحتاجون لنا في حياتهم ! , (( اليوم الثاني ، الصبح بيت بو سعود )) يلست أتريق بروحي كالعآده سعود يتريق مع شيماؤو .. صار ماينزل تحت كله غذاه وعشا وريوق فوق في حجرتهم مآلت عليهم أصلا أنا ليش مضايجه أحس عسب لآيسدون نفسي من الصبح .. كآن أبوي ياكل معاي فديته أحسن من الكل ربي يحفظه .. سمعت صوت الجرس منو ياي في هالوقت / عدلت الشيله ورحت أفتح الباب .. قلت : منو ؟؟ ..... : مييثه أنآ منصور .. فتحت الباب : حياك أبوي دآخل .. دخل وسكرت الباب رد علي : شحالج اليووم ؟؟ قلت : الحمدلله .. " عقب سرنا عند أبوي وهو سلم عليه إتصدقون أبوي كآن مستانس وايد حسيت من ملآمحه كأن شاايف ولده حتى أنآ ما يستتاانس يوم يشوفني جيه مدري تأكدت أن أبوي وايد يحبه يمكن لأن يذكره بعمي الله يرحمه ، " .. منصور ويلس عداله : هلآ أبووي عسااك بخييير .. أبوي مستانس همهم ومسك إيده .. منصور باس إيده : عساني مآ أنحرم من هالإبتسامه .. يلست أكمل ريوقي وأراقبهم .. منصور : هاا سمعت أن فيك سكري يوم قلناا لك لآتكثر من الحلوو مآتيووز كله طايح على الحلو .. أبوي ضحك عليه وضربه على الخفيف بإيده.. منصور : ههههه مآفيك حيل تضربني ، حليلك يا بوي ربي يعافيك ويقويك .. قلت : آمين ، منصور متريق ولآ ؟ منصور : لآ والله مب متريق .. قلت : زين لحظه بسويلك توست جبن .. وشي كرك عاد هذا من إيده أميه يعني لآيطوفك .. منصور ويضحك : هههههه زين مآبقول لآ لأني صج يوعان .. رديت : أدري عسب جيه سألتك .. منصور ويتطنز : أبوي بنتك ساحره كيف عرفت أني يوعان .. رديت : خبره خخخ .. عقب يلست يترق .. "دخلت أميه وشافته قام بيسلم عليها " أميه : إيييلس خلك مكآنك كمل أكلك .. منصور : شحالك عموه إن شاء الله بخير ..؟ أميه : الحمدلله وإنت كيف حالك عساك مرتاح .. منصور وحسيت أن يجذب : هيه مرتاح الحمدلله .. قلت : أميه منصور ياي يبي يرمسج في موضوع ، أميه وإطالع منصور : خير إسألك لآتستحي .. منصور ويضحك : هههه ليش أستحي إنتي مثل أميه الله يرحمها .. أنآ وأميه : آمين يارب .. منصور ومحتار : كنت بسألج إذا مرت أبوي هنيه ولا فالعين .. يعني تتواصلين معاها تعرفين شي عنهم وعن خوآني ؟ أميه ومنصدمه : لآ ما أدري بهم بس هم في بيت أبوك الله يرحمه ، أمآ عن أخبارهم والله مآ أدري شو أقول لك .. هم مآيحبونا ولآ نحن نتصل فيهم أو نسأل عنهم .. لآتزعل بس ما أظني يفكرون فيك .. منصور تضايق ، شفت أميه بمعنى لآتقولين جيه تضايق .. أميه كملت : بس مع هذا هم طيبين ، ويمكن مآيدرون شو أخبارك ونحن مآنقدر نظلمهم .. منصور : ماعليه .. بس حبيت أسأل عن خواني .. أميه : من حقك تعرف كيف حال خوآنك ميثه تعرفين وين بيت عمج ؟ قلت : هيه .. بدله يوم بآخذ أبوي المستشفى .. أميه وتوقف أبوي تساعده يمشي : زين عيل يالله بو سعود قوم تبدل ثيابك .. " عقب ساروا " صار هدووء .. عقب أنآ وقفت : إصبر هنيه بروح أييب سويج السياره وراده .. دخلت حجرتي غسلت إيدي .. وخذيت سويت السياره وفوني ، عقب شفت اللآب مفتوح بندته .. وحطيته فالطآوله .. . . رديت الصاله شفت منصور مغمض عيونه وحآط إيده على خده !!!! ليكون رقد ..؟ خطفت من جدامه وشليت الكوب حطيته فالصينيه .. إلتفت بعده مغمض ههههه شكله رقد مآ أتخيل : احممم احم !! منصور ويفتح عين وحده : صحه ! ضكحني شكله : رقدت !! عقب عدل يلسته وقال : لآ كنت برقد .. والله أحس من زمآن مب رآقد عدل شرات الناس .. قلت : ليش يعني ؟؟ منصور : مممم شو أرد عليج .. مب مهم ! سمعت صوت خطوآت عقب دخل سعود وشافنآ مستغرب : صبآح الخير ؟!! منصور وقف يسلم عليه : صبآح النور .. سعود كآن لآبس يعني بيظهر الدوآم : شحالك ؟ منصور : الحمدلله .. سعود ويطالعني : ميثه أبآج تآخذين الريوق فوق لشيماء .. أنآ هنيه تنرفزت ليش مآتنزل هيه .. ! مآرديت .. سعود ويعيد رمسته : ميثه إخذي الريوق فووق !! رديت بقهر : إلي يبي يتريق بروحه يخدم نفسه .. "منصور كآن مستغرب وحس بشي" سعود طآلعني بنظره ، بس الحمدلله أميه يت وأنقذت الموقف .. مسكت إيد أبوي : يالله عيل بروح المستشفى منصور ، يالله منصور : أوك يالله سعود أخليك .. سعود وعينه علي : أوك الله وياك .. ظهرت وركب أبوي فالسياره سكرت الباب .. لما شغلت السياره شفت سعود ظهر وركب سياره تحرك .. حسيته يسوق بعصبيه .. قلت : سخييففف قال شو إخذي الريوق لها .. إلتفت لأبوي : أبوي سعود يقهررر .. أبوي حرك رآسه كأنه يقول ماعليه .. عقب ظهرنآ ويلست أسوق ومنصور يلحقني بسيارته أنآ أستهبل أسوق بطيء وعقب أسرع .. أبوي مستانس على خبآلي .. شويه ومنصور يدق قلت لأبوي : هههه إتصل شكله عصب .. رديت : هلآ ؟ منصور : ميثه سوقي عدل عن تتهوريييين .. وبعدين شوي شوي شفيج مشتله .. رديت : عسب لآترقد وإنت تسوق .. منصور : خخخ خبله زين باقي وايد ؟؟ قلت : لآ قريب شوي ونوصل .. منصور : إنزين لآتستعيلين أحآتي عمي يمكن يضايق من سواقتج .. رديت : لآ أبوي مستاانس ، منصور : هيه ترآج طالعه عليه .. إزين أقولج بتدخلين إنتي بالأول ترمسينهم عقب أنآ بدخل .؟؟ رديت : لآ شوووو مقدر .. منصور بعنآد : يالله عاد بس إدخلي وياي عسب تسهلين علي الموضوع وهم يعرفونج أكثر عني أنآ محد شافني .. مآ أدري شو أرد عليه .. !! يعني مآحصل حد غيري أنآ بروحي كآرهتنهم .. منصور : ألووووو ؟؟ رديت : زين منصور مب مشكله .. منصور : تسلمين يالله باي " وسكر " طع سكر .. " شوي ووصلت " بركنت السياره ونزلت خليت السياره تشتغل : أبوي شوي مآبتأخر .. حسيت أبوي مستغرب كأن مايبيني أروح عندهم ، أكيد أبوي مابيرضى خاصه أنهم كانوا قبل يسوون مشاكل ويا عمي الله يرحمه .. قلت : لآتحاتي مآبتأخر شوي وراده .. عقب نزلت منصور ييه صوبي : هذا هو .. هزيت راسي بمعنى هيه .. عقب رحت أنآ بالأول ومنصور واقف على طرف .. دقيت الجرس وإلتفت صوب منصور وهو يسوي لي أوكي خخخخ مدري يالسين نسرق ولآ شو بالضبط .. وهو بعد وااقف بعييييييد يراقب .. إنفت الباب وظهر واحد شكله غرييييييب !!!!! كآن لآبس وكأن يبي يظهر من البيت .. فإستغربت شوي يمكن أنآ مخربطه في رقم البيت ولآ شي ..؟ قآل حقي : هلآ إختي ؟؟ قلت : منو إنت " من التوتر ما أعرف شو أقول " طآلعني منصدم : كيف إختي ؟؟ تبين منو إنتي ؟؟ رديت : أنآ بنت عمك بو سعود .. تذكره ولآ ؟ تمت يطالني منصدم!!!!!!! : منو ميثه !! رديت : هيه ميثه ، وينها أمك أريد أرمستها لو سمحت .. رد علي : من زماان عنكم حيااج دآخل أمايه في الميلس .. أنآ راشد .. "هو دخل" أنآ قبل لآ أدخل إلتفت أشوف منصور تكلمت بدون صوت : تعااال .. "وأشرت له " بس هو سوآ حركه بمعنى : شووو ؟؟ دخلت وسكر الباب كنت متوتره .. قآل لي : بلآج خايفه ؟؟ قلت : لل ل لآ مب خايفه .. إبتسم وقال : تعالي أميه فالميلس .. "ومشى دخل الميلس" دخلت شفت حرمه كبيره فالسن كآنت يالسه قال لي : هذي أميه .. أمآيه بنت عمي ميثه تذكرينهاا ..! " تغيييييرررررررت وايد مب شرات قبل .. " شفتها تقول : ميثه أي مميثثه !! راشد ويطالني : ماعلي شكلها نست أميه شوي صايره كله تنسى ، حياج .. دخلت وسلمت عليها : شحالج عموه .. رديت علي : الحمدلله بنيتي هااا منوو رشوود ليكون تزوووجت .. ضحك راشد : هههه أماايه شو تزوج هذي بنت عمي بو سعوود تذكرينهم .. ؟؟ ردت عليه كأنها ماتسمع عدل : شوو قللت تزووجت .. كنت بضحك بس مآسكه عمري .. راشد : أماااايه أقووولج بنت عمييي بنت عميي بو سعود .. رديت عليه : هاا هييه شو أخبارج وشخبار أمج ..؟ رديت : الحمدلله بخير وسهاله " كنت مستغربه معقوووله هذي مرت عمي .. صج دنياا دواره قبل كآنت دوم تتهاوش مع أميه وتحب تسوي فتنه بيناا وألحين مافيها حيل سبحآن من غير الأحوال محد يتم على حاله " .. ردت عليه : زييين سلمي عليها ماشاء الله مستويه عوده .. رديت : ربي يسلمج .. عقب قاالت : هااا راششد شرايك في بنت عمكك .. أنآ هنيه إنصدمت شو تقوول ههه .. رآشد ومتقفط : أمااايه شو فييج .. السموحه منج .. رديت : مسموح .. راشد : هههه الله يسامج أميه زين جيه .. ردت عليه : شووو إلي شوو أسأللك شراايك فيهاا أخطبهااا لك مآتقوول تبي تتزووج ؟.. راشد : أماااايه بس خلآص .. " كآن متفشل " . . شرايج تمرين صوب إختي المهم لآتميين هنيه ولا مآبتخليج أميه بحالج .. ردت عليه كأنها سمعت رمسته : شووو منو الي مابتخليهاا بحاالها تعاالي يمه عندي .. رآشد يحرك راسه بعني لآتروحين عندهاا .. ضحكوني قلت : زيين عموه بسلم على البناات عقب بييه لج .. ردت : أي بناااات !! راشد : قصدهاا إختي مريم .. قالت : هييه زيين روحي اميه .. تحركنا وظهرنا .. راشد : السموحه بس أميه كبرت فالسن وتعرفين ماتعرف شو تقول .. رديت : لآ عادي .. راشد : زين مريم راقد ألحينه بس قلت جيه عسب أشرد ههه .. شويه وأشوف حد نااازل من الدري بسرعه وإنصدم يوم رفع راسه وشافني .. قال بإستغراب : !!!!! منو إنتي .. راشد : بنت عمنا بو سعود .. رد : أهاا أوك باااي "وظهر مستعيل" .. إستغربت شفيه هذاا !! .. راشد : هههه مآعلي شوي العايله فاصله تحصلينه مب مركزز ومستعيل .. رديت : زين السموحه على الإزعاج أنآ بظهر ألحينه .. راشد : مسموحه سلمي على الأهل كلهم من زمآن عنكم والله لآحس ولآخبر .. رديت : يوصل إن شاء الله في أمآن الله .. وظهرت وأنآ فوق راسي علآمات تعجب منهم !! رحت شفت منصور واقف عند السياره قلت : زيييييين جييه خليتني أدخل بروحي .. منصور ومستغرب : ليش شو صار ؟؟ قلت : أنآ بروحي ومحد هناك غير أمهم مستويه عيوز ماتعرف شو تقول .. منصور : السموحه عيل ورطتج .. رديت : مب مشكله .. زين بإختصار لآتعب عمرك مرت أبوي ماتذكر شي ومآتعرف شو تقول تخيل شو تقول لراشد أخوك .. منصور ومستغرب : شو قالت !! رديت : تقووله تزوووجت على أساس أنا حرمته .. منصور ويضحك : ههههههههههههه حلفي .. رديت : والله ماتعرف شو تقول ، أونه شرايك فيها .. منصور ورافع حايبه : وهو شو قال ؟؟ رديت : شو يعني بيقول قال السموحه أميه كبرت وصارت ماتعرف شو تقول المهم منصور السموحه أنآ تأخرت بآخذ أبوي المستشفى وإذا تبي تروح ترمس مع خوانك ترى موجودين داخل .. شويه ويظهر راشد طالعني بإستغراب !!!!!!!! ييه صوبنا : السلآم عليكم ؟ منصور سلم عليه : شحالك راشد ؟ راشد ومستغرب : الحمدلله يسرك الحال منو الأخ ؟ منصور : مديم .. أنآ أخوك شكلك ناسي أن عندك أخوي حبيت أذكرك .. أنآ إستغليت الفرصه أتحرك : يالله في أمآن الله "شرررده ورجعت السياره " مآ إلتفت صوبهم دخلت وشفت أبوي قلت له : السمووحه أبوي تأخرت .. " عقب مشيت كآنوا واقفين ويرمسون إن شاء الله يتفاهمون" كملت وأنا فالدرب قلت لأبوي شو صار وعن مرت عمي وحالتها .. . . . , وصنآآ المستشفى نزلت أنآ وبووي سرت عند فطوم بنت عمي وسلمت عليهآ .. فطوم : هلآ حيااكم ، خير شو فيه ؟؟ رديت : ماشي بس عنده مرآجعه مآل السكري .. فطوم : خلآص تمي إنتي هنيه وأنآ بآخذه .. حبيت السالفه لأني مآ أحب المستشفى أبدد أكرهها تصدع الواحد خخخ : أوككك تسوين خير .. فطوم : يالله عمي تعال " عسب تآخذه، ظهرت هيه والممرضه الي وياها .. منو قده أبوي هههه .. يلست فالكرسي أنتظرهم لين مآيرجعون .. حسيت بملل ويلست أتعبث في الأغرآض .. عقب ظهرت سرت أدورهم وينهم ملييت .. مآحصلتهم يلست أدور ماشي فايده رديت المكتب مال فطوم والدكتوره ماحصلت حد .. كآن شويه فالمستشفى مب وايدين وهدوء ... يسلت متملله عقب دخلت وحده ما أعرفها إبتسمت لي وأنآ رديت الإبتسامه .. قآلت : إختي تفضلي شو فيج ؟ رديت : لآ لآ مافيني شي بس أنتظر بنت عمي تشتغل هنيه عندكم .. ردت : خلآص إنطريها برع لأن مايستوي تيلسين هنيه .. وقفت وقلت : أها أوك خلآص بظهر " ظهرت أتمشى من الملل" ويينهم تأخروا .. شويه وأشوف أخوي سعوود !!!!!!!!!!!!! شو الساالفه لآزم يوم أنآ أكون فالمستشفى هو يكون موجود ! تغشيت عسب لآيشوفني لأني كنت طايحه الغشوه ع اساس محد موجود .. يييه مررر من صوبي وأنا قلبي يدق بقوو مع أني مب خافيه ولا شي بس مدري ليش حسيت بتوتر كأني مآ أباه يشوفني .. تنهدت بعد ماخطف من صوبي ويايه بمشي بس حسيت بإيد تمسكني .. ....... : ميثه !! إلتفت صوبه وقلت : هيه سعود .. مب على أساس بتروح الدوآم ؟؟ .. شو السالفه سعود ؟ رد علي متوتر : هاا ماشي ياي أشوف شو صار مع أبوي رمست أميه وقالت أنكم هنيه .. رديت : أبوي للحين مع الدكتور .. سعود وحسيته مب طبيعي كأن في شي : أها زين عيل بروح أشوف حد .. مآرديت عليه بروحه تحرك وإختفى من عيني !! منوه الحد إلي ياي يشوفه ؟؟؟؟؟؟؟؟ ، عقب إنتبت على فطوم سرت صوبها : ها شوو صار ؟؟ فطوم وتعطيني كيس الدوآه : لآتحاتين هذآ الدوا الإرشادات مكتوبه .. رديت : زين الحمدلله .. "إلتفت وإبتسمت لأبوي، عقب مسكت إيده " فطوم : يالله ربي يحفظكم .. رديت عليها : مشكوره فطوم .. ماتقصرين "عقب تذكرت" فطوم شرآيج تمرين اليوم عندناا ..؟ حسيتها توترت : ها لآ مقدر مشغوله شوي .. حسيت فيه شي وواضح من ملآمح ويها قلت : ع راحيتج في أمآن الله .. " عقب تحركنا انآ أبوي نرجع البيت " . . . . , (( بعد 3 أيآآآآم )) مآشي خبر عن عموه أم مايد كالعاده .. منصور إختفى ومارد علينآ شو صار معاه .. سآره مآ أدري عنها شي .. إلي أعرفته أن شيماء وايد تظهر معاها .. !! شوق وفطوم مآ أدري ليش مآيردون علي !! .. مهاا وعنود سآفروا يغيرون جو سفره عائليه كلهم مع بعض .. كنت أحس ملل وخنقه فالبيت محد موجود .. غير أنآ أبوي وأميه والكل برع .. وأميه وأبوي وحمود دوم نآيمين وإذا قام حمود يروح بيت ييرآنا يلعب مع اليهالوه .. كنت أنزل تحت فالصاله بعد مآخلص صلآة العصر وأشوف تلفزيون .. يلست أطآلع فوني كل شوي بس مآشي أي مسج ، إستغربت شو إلي صار لهم عسب مآيردون علي معقوله كلهم في نفس الوقت تأففتت من هالوضع .. فكرت لييش ما أشوووف نوره يمكن حآلها من حآلي وملآنه بروحهاا .. إتصلتت مآآررررد .. فكرت بدق على رقم البييت مآلهم ، إتصلتت شوي وترد علي : هلآ .. قلت : أهليين نورررره شحآآآآلجج ؟؟ نوره : هلآ وغلآلآلآ بخير وإنتي شحالج .. قلت : والله شو أقولج ملآنه وقلت بمر عنج دآم بيتكم قريب شرايج ؟؟ إذا كنتي فاضيه ألحينه .. نوره : لآ شووو حياااج أصلا بروحي ملآنه محد عنديي .. إستانست : أوك بيييج بعد شوي .. نوره : أوككك أنتظررج ، قلت : أوك يالله عيل بسسيير ألبس .. نوره : أوككك في أمآآن الله " وسكرت ، زين دآمها ملآنه بروح أغير جو شوي " رحت حجرتي وبدلت تعدلت عالسريع وشيلت شنطتي وسويج السياره قبل لآ أظهر مريت صوب حجرة أميه .. بس مآ ترد علي " شكلها راااقده ومآتسمعني شو بسوي ألحيين يالله مب مشكله عقب بدق لها وبخبرهآ .. ظهرت من البيت وسكرت الباب رحت عند سيآرتي ، شفت سياره سعود موجوده يعني هو فالبيت ..! شغلت السياره ورحت لبيت نوره .. لمآ وصلت وقفت سيارتي ونزلت رحت صوب باب بيتهم .. شفت في سياره عدال البيت بس نوره قالت محد موجود عندهآ .. !!! دقييت على الجرس وشويه ينفتح الباب كآنت نوره سلمت عليها كآنت مستاانسه .. نوره : حيااااج نوور البييت .. ضحكت : ههه أكييد .. نوره وتسكر الباب : ميثه أخوي هنيه بس هو بحجرته تعالي الصاله .. رديت : أها أوك ، عقب دخلت الصاله ويلسناا .. نوره : شحآآلج عساج بخير وأخبار الأهل ؟؟ إبتسمت : الحمدلله بخير ، وينها عموه !! نوره : أميه بيت يدوه تراها ماتعيش ويانا .. رديت : هيه صح قلتي لي المره الي طافت .. سمعت صوت ( نوره .. نوره ) نوره وتوقف : لحظه مييثه هذا أخوي .. شوي وراده .. "عقب رآحت " أنآ تذكرت نفس الصوت شكله كان فون أخوها .. ليكون عرف أني دخلت حجرته لآلآ ما أتوقع .. بس عرف أن حد إستخدم فونه عسب جيه إتصل على رقم شوق .. شوي ورجعت : أووف قلت : شو فيج نوره ؟؟ نوره وبعصبيه : أنااا لييييش عندي أخوووه .. لو كآآن عندي اختت بداله مب أحسسن لي .. ضحكت : هههههه هيه والله حتى أنآ أقول هالشي .. الإخوان أحيانا يضايقونج بكلآمهم وتصرفاتهم وهم مب حاسين .. نوره وإطالعني : إنتي ماتعرفين أخوي كيف ولآ قلتي بنتحر أحسن .. قلت بإستغراب : لآ مب لهدرجه !! نوره وبحزن : وأكثرر أصلا أكرررهه مآيحب إلآ نفسه مغرور وأناني .. ويحقد على الكل يبين أن طيب بس بداخله شي أسوود وحقد مناافققققق .. ضحكت لأنها صج معصبيه : لآ تقولين جيه هذا أخوج هههه .. نوره : مب اخوووي مب أخوي .. رديت : براحتج بس لآتعصبيين .. عقب يلست أسولف معاها حليله تطلع إلي بقلبها ماعندهاا حد تشكي له ، عقب تحركت سارت المطبخ .. يلست أنتظرها سمعت صوت حد .. يوم إنتبهت شفت حد لآبس كندوره وغتره يعني ريال .. تذكرت هيه أعرف هالانسان مب غريب علي كآن يالس على الكرسي حرك الكرسي وراح صوب الطاوله إلي عالزاويه .. أنا تغشيت ..!! كآن يطالع الورقه مدري شو هيه بس مب حااس ولآ كأني أنا موجوده هنيه !!!!!!!!!!!!!!!!!!!!!!! كنت أطآلع مستغربه هذا كييف جيه مايشووف حد يالس هنيه .. عقب رجع حرك الكرسي مر شوي قريب مني رفع راسه شافني عقب رجع حرك كرسيه وقال : إنتي شو يابج هنيه .. أنا ومستغربه ! هذا يكلمني ولا كيف وضعه وينهاا نوووره تأخرت .. عقب رجع تكلم : أنا أقوول هالإنسانه مب غريبه علي إخت سعود صح ! إنصدمت كيف عرف ، مآرديت عليه تميت ساكته أنتظر نوره .. قال : القطوو كله لسااانج ولا مآتبين تردين ولآ شكلج ماتسمعين ! قلت : لآ أسمع بس عيب تدخل الصاله وتشووف شي بنت هنيه .. ضحك : ههههه والله هذا بيتي يعني كيفي على الأقل ما أدخل حجرة حد بدون ما أستأذن .. إنصدمت كيف عرف خخخ حسيته يحاول يخليني أرد عليه غصب .. بس مع هذا سويت طاف .. سمعته يقول : سلمي على سعود ومره ثانيه ماتدخلين حجرة حد مآتعرفينه " أكيد توقع أني دخلت محد يزورهم غيري !! كمل كلآمه : هه المشكله عادي يعني دخلتي بس تاخذين فوني وتتصلين منه حركه قويه منج ..! ليكوون يفكر أني دخلت عسب الفون !! خخخخ لآ عاد مب لهدرجه .. أدخل عسب أتصل من الفون وأظهر .. عقب قال : مابتردين علي زين المهم إختي بقولج كلمه حطيتها ببالج ... "سكت شوي كأن يفكرعقب قال " .. نوره ماتتمنى لج الخير وحاولي تبتعدين عنها .. "عقب تحرك وأنا مستغربه ليش يعني يقول عن إخته جيه .. تأكد لحظتها أن نوره مظلومه " رجعت نوره شاله صينيه بايدها انتبهت على أخوها .. يت صوبي : ليكوون ييه هنييه ؟؟ هزيت راسي بمعنى هيه .. ردت علي : السمووحه ميثه .. أنآ عقب تفاهم معاه .. رديت : لآ ماقال شي يمكن كآن يدورج .. نوره : لآ اخووي انسان فيه شر مب طبيعي مدري ليش بس هو دوم يحب يبعد الناس عناا .. يحب نكون بروحنا مالنا حد عسب جيه أنا دوم فالبيت بروحي وماعندي حد أسولف معاه .. أو حتى أظهر من البيت .. قلت : حراام ليش جيه ..؟ نوره ومضايقه : شو اسوي ميثه مقدر أسوي شي يالله خليها على الله ، عقب يلسنا نكمل سوالف .. وبعدها تأخر الوقت وقلت برجع البيت أخاف أميه تحاتيني .. سلمت عليها وإتفقت معاها المره اليايه هيه تزورني بيكون أحس لأن أخوها فالبيت وأنآ ما أقدر أزورها دآم أخوها موجود .. وهيه ردت علي بتحاول كآنت معصبه أكثر مني من موقف أخوهآ ، قلت لها مب مشكله مره ثآنيه تعالي عندي ، وعقب ظهرت .. رحت صوب سيارتي وشغلتهاا أرجع البييت .. . . . , [ العشااء ] .. في بيت بو عبدلله .. في الصاله الكل يالس بو عبدلله وعبدلله وأم عبدلله وساره وناصر وأحمد .. عبدلله : أبووي شو قلت ؟؟؟ بو عبدلله : لآ أبوي مانقدر نخليهم بروحهم برع البلآد يكملون دراستهم هنيه .. وخلاص بعدين شفيهآ بلآدنا مب مقصره وأحس المدرسين موجودين ليش تروحون بلآد الأجانب ناس غرب لآيعرفونكم ولآ تعرفونهم أم عبدلله شرايج ؟؟ أم عبدلله : والله أنآ مايهون علي أخلي أحمد يسافر ويتغرب وهو تعبآن .. أحمد : أمييه لآتحاتين ناصر وياي وبعدين منو قال لكم أني مآ أروم للسفر .. كم سنه ورادين ويمكن مانطول إذا لله راد .. يعني لآتحاتون كل شي بكون بخير وإذا أبوي إنت مب راضي أنآ ما أقدر أسافر وإنت مب راضي .. نآصر ويكمل عليه : هيه وبعدين أحمد صحته زينه ألحينه والحمدلله مافيه شي نكمل دراستنا وبنرجع لكم وإن شاء الله نبيض الويه .. أم عبدلله : خلآص إلي يريحكم بس طمنونا عليكم .. بو عبدلله وشوي إقتنع يوم سمع أم عبدلله راضيه : زين ربي يوفقكم .. ناصر : يعنيييييي خلآص راضي نتوكل على الله .. بو عبدلله : هيه .. ناصر وأحمد إستانسوا وساروا يبوسون راس أبوهم .. عبدلله : إحمممممم وأنآ تراني يالس أقنع فيييهم .. الكل ضحك .. أحمد : هاااا ولآ تزعل " وباس راسه " عبدلله : هييه كفووو يالله طووفوا جداامي عالمسييد .. . . . , [ عند سيف ] يلست تتكلم وكل شوي تعيد السالفه وشكلها مابتسكت .. نوره : سييييييف ررررد علي رمسست شي لإربيعتي ؟؟؟ مارديت عليها .. نوره وتتأفف : إنت شووووو مااتسسسمع قلت لك مالك خص في حياتي وألحيينه هيه شو بتقول أخووها مايستحي على ويه ولا يعرف يحشم النااس .. كيف تدخل الصااله وإنت تدري أن ربيعتي موجوده ؟؟ .. قلت : ربيعتج ها !! نوره وبعصبيه : هييييه إن تشو تبيي لييش تغاار ؟؟ قلت : مابي شي ومن قالج أني أغاار ؟؟ نوره : سيف لآتقعد ترد على بإسلوووبك هذاا تراني مآ أحبه .. أرمس معاي عدل وجآآوب ..!! ضحكت : هههه أوك بس بالأول شو سؤالج لأني كنت مسوي طاف ومب منتبه لكلآمج ؟؟ نوره وإتنرفزت من كلآمي : أوك سيف ماااعلي " وراحت حجرتي " إستغرربت وييين سارت هذي !!!!!! شويه رجعت وشاله أوراق في إيدهاا وقاللت : هذي أوراااق مهمه لشغلك صح "عقب قطعت الورق " طالعتهاا منصدم : نوره !!!!!!! نوره وتفر الأوراق : يالله ألحينه بشووف شو بتسوي .. عصببت وكآن خااطري أضربهاا بس كنت عاجز حتى مآ قدرت أصرخ عليهاا كنت أطالع الورق الي على الأرض .. هذي الأوراق تعبت عليها واييد ويلست بالساعات عسب أخلصهاا وأعطيهاا لمديري فالدوام !!!!!!!!! رديت عليها ببرود : بتندمين على هالحركه .. نوره : أناااااااا خلآص برروووح عند أميييه .. ضحكت : هه روحي أصلا هيه مآتبااج .. وبعدين تراها قريب وبتتزوج يعني خلآص ماتبينا في حياتهاا .. نوره وبعصبيه : لآ بروح عندهاا مستحييل أتم هنييه .. إبتسمت : زين بس ليش خربتي علي شغلي ؟ قالت بغرور : أرييدهم يطردونك من الشغل ..عسب تصيير عآجز أكثر وماتروم تسوي لعمرك شي هذا الي أبآه .. مآ استغربت من رمستها أنآ أكثر واحد أعرف نوره : يعني بآجر لآ رحت الدوآم بقولهم السموحه إختي خربت علي شغلي إلي تعبت عليه عشان هيه تبآكم تطردوني من الدوآم هيه تستانس يوم أنآ أتعب وأكون عاجز صح ؟؟ نوره وتوترت : قوول الي تبي تقووله مايهمني لأنك في النهايه بتم مثل مآ انت .. رديت : أكيد وأنا مآ أحب أنافق وإنسان صريح .. . . . , شففتتت فوني كآآن يرن [ أم ميود ] .. ردييت بسرعه : ألووووووووووو؟؟؟ عموه : هلآ ميثه حبيتي شحآلج ؟ رديت : وييينج إشتقتلج .. تعبت وأنآ أدق لج .. أنآ بخيير إنتي شحآلج وين مختفيه ؟؟ عموه وصوتها مآيبشر بخير : شو أقولج مايد ولدي تعبآن وأنآ في المستشفى من إسبوع .. إنصدمت : تعباااااااااااااان !!!!! عسى ماشر شو صار فيه ؟؟ عموه بحزن : مدري حآلته سيئه وحرارته مب طآيعه تعتدل مرتفعه وآيد .. قلت : حليييييله ويين في أي مستشفى ؟؟ عموه : ميثه أنآ فالعين ألحينه خلج مكآنج لآتعبين عمرج إن شاء الله إذا تحسن حآله بدق لج .. قلت : لآم ايخصني بييه لج مآيهون علي إنتي بروحج ووآضح أنج تعبانه من صوتج .. عموه وتكمل : لآ خلج مكآنج .. زين بسكر ألحين سلمي ع الكل في أمآن الله .. كنت برمس : لحظ " بس سكرت " .. حليله ميوود ربي يشفييه وأنآ أقول شو صار معاهم .. حسيت بضيقه .. مدري مآتستاهل يصير معاها جيه بألأول ريلها وألحين ولدهاا .. سمعت صوت الباب .. قمت من مكآني وسرت أفتح الباب : منووو ؟؟ |
( الصفحة الثآنية عشر ) . . . لازلت أذكر تلك الأيام فقد جمعتنا الصداقة وشيء أكبر من مجرد قرابة .. كنت مثل أختي ، عندما أحتاجك أراك دائما بالقرب مني ! ولكن الحقيقة لابد من أن يأتي مثل هذه الأيام .. قد نخدع كثيرا بالآخرين .. و يجعلنا نتصرف بإسلوب مختلف مع من نحب .. الواقع أنها مجرد مواقف تظهر لنا معزة الآخرين .. فنحاول مسامحتهم ! مهما حدث فهم جزءٌ من حياتنا .. ودائماً نحاول أن لا نخسرهم .. نتقبل تصرفاتهم .. ونحاول أن نضع لهم الأعذار .. ليس لأننا نشعر بالضعف .. لكن لأننا نود أن لآتنتهي تلك العلاقة الجميله .. وإنت أخطأ في حقهم ، فهذا يعني أن مازلت أحاول أن أتقبل تصرفاتهم ولكن دون جدوى ! . . . . , كنت برمس : لحظ " بس سكرت " .. حليله ميوود ربي يشفييه وأنآ أقول شو صار معاهم .. حسيت بضيقه .. مدري مآتستاهل يصير معاها جيه بألأول ريلها وألحين ولدهاا .. سمعت صوت الباب .. قمت من مكآني وسرت أفتح الباب : منووو ؟؟ سمعت صوت ساره !!!!!!!!! إشتغربت وايد ؟ فتحت الباب وسلمت عليها ، هيه قآلت : شحآلج ميثه إن شاء الله بخير ؟؟ قلت وأنآ مستانسه : الحمدلله بخييير وإنتي شحاالج .؟؟ " حضنتهاا مابي أخسرج لآتخلين كلام الغير يغيرنا " ساره وكأنها تفكر في شي : بخير الحمدلله .. أشرت لها تدخل : تعاالي نيلس .. ردت علي : بعديين .. وينهاا شيمااء أدورها ماشي ؟؟؟ ظهرت برع البيت .. أنآ هنيه تغيرت الإبتسآمه الي ف ويهي وقلت : ساااره شوو فييج كله لمآ ترمسيني تسإليين عنهاا .. مدري وينهاا ولآ أبي أعرف .. ؟؟ " وتأففت " ساره : زييين مايسوى علي سألتج .. أوك باي بروح أشوفها يمكن في المطبخ .. أنآ عصبت : شووو انتي ياايه علشاااني ولآ علشانهاا ؟؟؟ ساره : أنآ رمستهاا وقآلت ليي أمر عندها مضاايجه البنت بروحهاا في البيت وإنتوا محد معبرنهاا .. رديت : لآ والله صج !! ساره وتبي تتحرك : هيه صج باي .. أنا صرخت : لا تروحيين عندهاا ، ساره إنتي ماتدرين .. ساره سوت لي طااف ونزلت .. تميت وآقفه مكاني منصدمه ألحين هيه إتييه عندناا علشان شيمااء !!!!!!!!!!!!!!!!!!!!!!!! وأنآ نستني نست أني أعتبرها شرات إختي ، ودووم أتزورني نسولف ونضحك ، نست أني وقفت معاها يوم أميه كآنت ماتبيهاا تدخل البييت .. ورآضيتهم !!!!!!!!!!!!! ، حسيت بشعور فضيع كيف يعني ساره تغيرت ب هالسهوله .. رحت خذيت فوني أتصل لشوق .. يلست أنتظرها ، وهي مآترد .. سكرت بقهرر !! .. شو صار لهم ، الكل يتهرب مني ولا شو السالفه .. شويه وأشوف شوق إتصلت رديت عليها : ألوووووو شوق شو فييج مآترديييين علي كل مره أتصل ماشي رد؟ شوق وفي صوتها شي غريب : هلآ ميثه السموحه تدرين من آخر مره صارت مشكله .. قلت : أي مشكله تقصديين أخوي سعود رمس أمج ولآ شي ؟ شوق : هيه رمس أخوي حمد .. وتعرفين حمد مآصدق سعود قآله أني أضايق حرمته وأسوي مشكال معاج ومدري شو بعد قال له بس حمد كآن معصب وايد .. و "سكتت عقب قآلت " .. طلب مني أني مآ أرمسج .. رديت بإستغراب : ليش يعني أنآ شو سويت ؟؟ شوق : مدري والله شو وصل له عنج .. حسيت بقهرر : برايه المهم شوق أريد أشووفج ..؟؟؟ شوق : شوفي أنآ مستحييل أظهر من البيت.. شرايج إنتي إتيين عندي ؟؟ قلت : زين خلآص بمر عندج .. شوق : أوك مب مشكله هيه صح هااتي وياج شي ناكله وإنتي يايه فالطريج جيه سويت وبيبسي وجبساات .. ضحكت : هههههه أوك ولآيهمج بشتري لج إلي تبينه .. شوق : إحم فديتج والله .. ضحكت : حق المصلحه هااا ههههه أسولف أو يالله أخليج ألحين .. شوق : الله وياج " وسكرت " بعدها غيرت ملآبسي وتعدلت .. وبعد مآخلصت مريت عند أبوي سلمت عليه .. ورمست أميه إذا محتايين شي أييبه لهم ، .. ولما نزلت فالصاله شفت ساره وشيماء .. قلت : السلام عليكم ماشاء الله سوالف وضحك .. شيماء وبغرور : ليش مايستوي نضحك ؟؟ رديت : لآ يستوي إضحكي محد ماسكنج ، عالعموم أنآ بمر عند شوق تنتظرني ، حليلها تسأل عني .. " حبيت أقهر ساره " ساره : سلمي عليهاا .. رديت : يووصل في أمآن الله .. "ظهرت وسكرت الباب" عقبها ركبت سيارتي .. . . . , في بيت ( بو حمد ) .. نزلت شوق وراحت عند إختها وأمها الي يالسات فالصاله .. ومشغلين فلم ، يلست عدال فطوم إلي كانت مندمجه فاللآب .. وأمها تطآلع الفلم .. شوق تفكر ترمس أمها ولآ لا .. عقب قالت : أمييه ميثه بتمر عندنا .. أمها وبإستغراب : ليش ؟ شوق : شو ليش .. بتمر تسلم عليناا مشتاقه حقنآ .. أمها ومطنشه : أهاا زين حياها الله ، "شوق استانست" .. شويه وتقوم أمهاا : أنآ بروح عند يارتناا .. ومآبتأخر وايد إذا سأل أبوج قولي عند يآرتنا أم عمر .. شوق : أوك " عقب ظهرت أمها " .. شوق : فطووووم .. فطوم : هلآ .. ؟ شوق : أقوولج رمستي مهووه ؟؟ فطوم : هيه دقت علي تقول مستانسيين .. " كآنت مندمجه وتتكلم وعيونها عاللآب " .. شوق : حظظظظظظظظهم غيروا جو .. وإحناا طايحيين فالبيت .. فطوم : والله عندنا شغل مآنقدر نسافر ألحينه .. شوق وبقهر : هيه إنتي عندج بس أنآ ماعندي .. .. دخل حمد الصاله : السلام عليييكم خواااتي الغالياات .. فطوم + شوق : وعليكم السلام ورحمة الله وبركآته ، شوق : غريبه راد البييت من وقت اليووم ..؟؟ حمد ويروح ييلس عندهاا وحط راسه على ريلهاا : تعباااااااان برقققد .. شوق وتشل غترته وتلبسهاا : شراايج فطوم ..؟؟ "وسوت حركة حبتين" فطوم وتضحك : هههههه حلو أخوي بس لآتعيدينها .. حمد : خلي الغترررره بحاالهاا .. شوق : إنزيين قووم رااقد على ريلي كسرتهاا ويا راسك هذااا .. و شعرك قصصصه لي متى بتخيله يطول .. حمد ويقوم : قولي إنج تغارين مني .. اصلا مب طويل واييد ليش هالغيره يعني ؟ عسب احلى من كشتتج.. "أشر على راسها" شوق : هاااهاها ليش أغاار منك ، والله تخسي شعري احلى .. حمد ويطالع فطوم : فطوووم شعري حلوو صح !! فطوم : هيه .. حمد ويطلع لساانه : سمعتييي .. شوق وتضربه : ماااالتتتتت والله يااهل صج العقل نعمه .. حمد ويوقف : برررقد أنآآ ألحييينه .. شوق : مااعندك رد !! حمد : شوووقووه عقب نكمل الضرابه ألحين مافيني حيل "تحرك عقب وقف وإلتفت قال حقها " ذكريني أنج تطنزتي علي ، شوق : زيين إجلب ويهك خخخخ ميثه بتييه بعد شوي .. حمد ورافع حايبه : ولييش إن شاء الله ؟؟ شوق : شفيييكم إنتوا كل حد يسأل ليش ولييش !! .. يااايه تسلم علينناا ونسوولف .. حمد : نسووولف ونسوولف "عقب كمل كلآمه بطريقة تستفز " .. عقب نسوي مشااكل صح ! شوق : أقووول رووح إرررقد .. حمد .. تحرك وراح حجرته ، . . . , نزلت من السياره وشلييت الأكيااس ، رحت دقييت الجرس .. ويلست أنتظر ليش اليوم الجو برد ، تنهدت ويينهم محد يفتح البااب !! شوي وإنفتح البااب " كآنت شووق " سلمت عليها ودخلت : شحاااالج شووقووه الدووبه .. شوق وتضحك : هههههه دبببه إنتي ، حيااج .. عطيتها الأكيااس : يالله عسب لآتقووليين ليش ماشريتي لي .. شوق : هههههههههه فدييتج تسلميين .. " عقب دخلت الصاله شفت فطوم وهيه يت تسلم علي " فطوم : شحالج ميثه .. وشحال أمج وعمي .. ؟؟؟؟ رديت : الحمدلله بخير وعافيه .. فطوم : مديم حالكم يارب .. يالله أنا بروح حجرتي وإنتوا اخذوا راحتكم .. قلت : لآ شوو خلج وياانااا .. فطوم ومستحيه : السموحه عندي شغل ، رديت : خلاص مب مشكله " عقب شلت لابها وراحت " يلست أنا وشوق ، .. شووق : وييييييه ميييييييثوووووه شوو هااا !! أنآ ماقلت لج إشتري كل هذاا رديت : بالعافييه وبعديين مب بس حقج خخخخخخخ .. شوق : هههههه أوك بفتح الجبس وبناكله مع بعض .. "ويلست تاكل " .. قلت : وأخباارج بعد عيل وين عمي ؟؟ شوق : أتوقع فووق في حجرته ، وأميه ظهرت عند يارتناا .. رديت : أهاا زين .. شووق : يالله تكلمي شوو صار ويااج ؟؟ قلت بإستغراب : شو يعني ؟؟ شوق وتضحك : هههههههههه يعني إنتي فالعاده لما تتصلين لي لآزم يكون في شي صار وياج .. ضحكت : هههه هيه .. ماشي والله بس مضايقه .. شوق : من ساره ولآ شيماء ولا أخوج ولآ منو ؟؟ قلت : هيه منهم .. "سكت شوي " .. شوق منو آكثر ربيعة تعزينهاا .. شوق وتفكر : مممممممممم محد .. طالعتها منصدمه : لآ صج .. شوق وتضحك : هههه هيه صج محد ربيعاتي من بعد مآتزوجن مآ يسإلون عني .. ضحكت : هههه ليش يعني .. شوق : مممممممم يمكن كآن الرابط بينا المدرسه .. ! تقدرين تقولين صدآقه مؤقته .. ضحكت على تفكريها : إتصدقين إنتي غريبه أحآول أفهمج مآقدرت للحين .. طريقة تفكريج إسلوبج مدري ههههه شوق وتتطنز : لآ والله ليش إن شاء الله وبعدين أنآ أكثر وحده المفروض تفهمينهآ لأنج دوم يالمصلللحه إذا تحتاجين حد إتيين عندي .. ضحك : هههههههههههههههه الله يغربل إبيلسج .. شوق ومآده بوزها : قلت الصج .. إنتي ومهووه أم إلسان مآتسإلون عني إلآ إذا في شي .. شوفي ألحين مآتسأل عني من بعد مآ سافروا .. ليين ألحيين .. رديت عليها : زييين خلآص هااا بسييير البييت " وقفت " شوق وتمسك إيدي : شفييييييييييج ويييين أسووولف وياااج .. قلت : مآآبي برووح البييت .. شوق : ميثوووه لآتستهبليين أعرف هالحركات يلسي مكاانج .. رديت وأنا أضحك : ههه ماابي باااي .. شوق وتيلس : زيين سكري الباب وراج وهالحلآوه كلهاا حقي " ويلست تاكل جلكسي وإطلع أصوات شرات اليهال" تمييت أطآلهاا .. طالعتني بنص عين وقالت : شوو تترييين !! دزييتهاا عالخفيف : دبببببببه .. "سحبت عنها كيس الحلآوه " .. شوق وتضحك : ههههههههه يعنيي غيرتي راايج عسب إلي بالكيييس .. قلت : هييه عيل علشاانج .. "يلست" عقب يلسناا نضحك على أعمآرناا. . . . . البعض يستطيع تغير شعور الأسى في قلبك ببعض من المزاح .. في حين آخرين يحاولون قد المستطاع إفساد حياتك .. تختلف النفوس وقد تتشابه .. ولكن الحياة تغير كل شيء بلحظه ، فمن كان بعيدا يصبح من أقرب الناس .. ومن كان قريبا قد يتخلى عنك ويتركك وحيدا .. ! في الحقيقة نحتاج أن ننظر حولنا فهنالك الكثير من الناس قد يكونون جزءاً كبيرا في حياتنا.. ويغيرون فينا ونغير فيهم !! . . . , ( عند شيماء وسارة ) .. شيماء : سااره والله إنتي ما تدريين ميثه إسلوبهآ معاي مب حلو .. حتى سعود تغير أنآ مآ أريد أتم معاهم .. بس لأني مجبوره على هالشيء .. أنآ يوم سعود ييه يخطبني رفضت وقلت مآبي ، بس أميه أصرت علي أوافق من حقي أرفض بس شو بنسوي إذآ أهلنا جبرونا على شيء وألحين .. ميثه تتحراني أريد أسوي مشاكل .. ساره : حااسه فيج والله .. أخس شيء يوم تنجبرين على شيء مآتبينه وآيد بنآت صآر معاهم مثلج .. شيماء : تدرين حتى سعود أحسه نفس حالي كأنه الموضوع غصب .. ساره : لآ ما أتوقع أصلآ هو إلي رمس أمه .. زين ألحين إنتي حاولي ترضين فالوآقع وخلآص .. شيماء وتضحك : ههه .. أوك فديتج مشكوره بحآول .. على الأقل في حد يسمعني .. شويه دخل سعود .. سعود : السلآم عليكم .. " كآن يتحرى ساره ميثه " .. شيماء + ساره : وعليكم السلآم ورحمة الله وبركاته .. سعود ومستغرب : عيل وينها ميثه !!؟ شيماء : رآحت بيت عمك .. سعود : أهاا .. زين شيماء تعالي شوي .. شيمآء وقفت : أوك .. "عقب راحوا المطبخ" . . . شفتها تطالعني بإستغراب ، فقلت : شيماء .. عندي لج خبر حلووو ..!! شيماء وبإستغراب : خبر شو ؟؟ .. كنت متحمس أشوف ردت فعلهاا : إحممم بنسآآآفر وإنتي إختاارين وين تبين إتسيريين شراااايجج ..؟؟؟؟؟؟ شيماء ومتوتره : ن نسافررررر ؟ إستغرب من ردها توقع أنها بتستانس : هيه شو فييج ؟؟ .. أنآ وإنتي وميثه وأخوي حمود .. شيماء تغيرت ملامحها : وليييييش إن شاء الله خوانك معاناا ؟؟ إنصدمت شوي كنت حاط في بآلي أنها يمكن تعترض أن ميثه ويانا قلت : شو لييش ..؟؟ بعديين أنآ باخذ ميثه وحمود عشان لآيتمللون بروحهم هنيه وأميه بتم مع أبوي .. و بالعكس بنستانس كلنآ مع بعض .. شيماء وبعصبيه : أنآآ ما أرييييييييييد أسااافر أوووف .. قلت : لمآ ترمسييني لآتعليين صووتج وإتكلمي عدل .. وبعديين مب ع كييفج أنآ ياي أخبرج قبل لآ أشاورج .. شيماء تحرك وظهرت .. لي متى هالحركآت .. !! وايد سكت عنهاا وعن إسلووبهاا البايخ .. . . , [ بعد سآآعتيين ] .. في بيت بو حمد .. شوق : صصصصصصصج ميثووه رحتي بييتهم !!! قلت : هيه .. تخيلي مرت عمي صاايرررره عيوز .. يعني مابتصدقيين يوم بتشوفينهاا .. شوق وتضحك : ههههه هيه .. والله زين أحسن على الأقل مآتصير مشاكل شرات أيآم أول .. رديت : هيه بعد أنآ جيه قلت .. منصور مآرد علي أحآتيهم شو صار وياهم تفآهموا ولا .. شوق : صبري يباالهم وقت خآصه أن منصور كآن بعيد عنهم لسنوآت .. [ نزل حمد وييه صوبهم .. حمد : إحم .. شوق وتتطنز : شووو إحم بعد النااس تسلم .. بنت عمناا هنيه مآتعرف تحشم الناس .. حمد : منو قالج أني مآ أشووف ؟؟ أشووفهاا مب أحول .. شحالج بنت عمي ..؟ "قالها كأن ماله نفس" رديت : الحمدلله يسرك الحال .. حمد : أقوول ترى أذن صلييتن ولآ بس فآلحيين حش في النااس ؟ شوق : لآ والله تتحرى كل النااس مثلك وبعدين صلييناآ من زمان .. حمد : أهاا يعني ماتحشون فالناس ولا بس تسووون مشاكل حقهم صح كلآمي ميثه ؟؟ طالعت شوق إلي نظراتها تغيرت وقلت بإستغراب : شو تقصد ؟؟ حمد : ماافهمتي قصدي .. !! " إنتبهت شوق تطالعه بنظرات غريبه كأنها تقول سكتي " رديت : شكلك مثل مآ قالت لشوق تتحرى كل النااس مثلك .. حمد وإبتسم إبتسامه غريبه كأن يتطنز : لآ بس كل وآحد يعرف عمره .. وبعدين خلج بعيده عن شوق إذا تبين تسوين مشاكل سويها بروحج .. مب ناقصيين عقب يرمسون ويقولون شوق صارت مثل ميثه .. كنت منصدمه شو يقول هذا : إنت شوو تقوول شوو يالس تخرط من عندك وشو قصدك شوق صارت مثل ميثه .. ! شوق ومتوتره كآنت تطالع حمد بنظرات مافهمتهاا : حمممددد بس خلآص ... حمد : شو مب عايبنكم كلآمي وبعدييين أنآ قلت هالبنت ماتدخل بيتناا ..؟؟ كنت أطالع شوق منصدمه وهيه تطالعني وعقب نزلت راسها كأنه ماتدري شو تقول .. منو إلي موصل هالفكره لهم عني !! كنت منصدمه : عيييب تقول هالكلآم أنا بنت عمك إنت ماتستحي شو ؟ حمد ويطالعني بجديه : إنتي إلي شكلج ماتستحين يعني قلت أني مآ أريدج هنيه وبعدج يالسه .. حسييت من كلآمه كأنه يطردني من بيتهم حسيت بشعور فضيع مسكت عمري .. ووقفت : في أمآآن الله .. وتحركت أبي أطلع وشوق يلست تلحقني : مييثه ميييثه للحظظه ميييثه .. كملت طريجي وظهرت من البيت كييف يقول هالكلام عني .. ركبت السياره وشغلهاا وأنا أفكرر معقوله قايليين عني كلآم ومنو ؟؟ حسيت بإهاانه .. حسيت كبريائي تلآشي .. . . . رجعت البيت كنت أحس بألم براسي من زود التفكيير الله يسامح إلي يبي يسوي لي مشاكل .. خلآص من اليوم وساير إلي يبيني إييه عندي .. آخر عمري أنطرد ولآ من بيت عمي تم الكلام يتردد في بالي .. شوق صارت مثل ميثه !! شوق صارت مثل ميثه !! شوو قصده ؟؟ فريت شنطتي ويلست تنهدت : أووف شو فيهم النااس جيه حتى أهلك صاروا يرمسون عنك .. شفت سعود ييه ويطالعني بإستغراب : مييثه !! بلآج ؟؟؟؟ وقف جدامي ويلس يطالعني بإستغراب : ليش جيه ويهج محمر ؟؟ شو صحتي ؟؟ عدلت يلستي : ليش أصيح ماشي تعبانه شوي .. حط إيده على راسي وقال : حرآآرتج مرتفعه قوومي بااخذج المستشفى .. "مسكني من ايدي يرفعني عسب أقوم" قلت بعصبيه : ماابي أروووح مكاااان خلني بحااالييييي .. سعود : تعوذي من الشيطان شو فيج معصبه جيه .. دخلت شيماء ووقفت بعيد "طالعتها وهيه يلست تطالعني " : سعوود يالله وصلني بيتناا .. !! سعود : لحظه شيماء .. مييثه تبيني آخذج المستشفى ..؟؟؟ شيماء : سعوووود أمييه تترياااني .. قلت : روووح خذهاا بيتهم لآتمووت .. أنآآ برووح أررررقد "وتحرك رحت حجرتي وسكرت الباب بقوو " وإنسدحت .. محد غيرهاا أكييد شيمااء .. تبي تسوي مشاكل بيني وبين سعود وألحين حتى بيت عمي سامعين كلام عني .. . . . , [ إن لم يعجبك الحديث .. فيمكنك التجاهل ، أو التهرب لكن حاول أن لآ تظهر هذا الشعور ] ! (( في اليوم الثاني الصبح )) في الدوآم .. عند سعود ، دخلت المكتب شفت وايد أوراق على الطاوله .. تأففت مافيني أجآبل كل هالأشغال .. يلست أفكر شو صاير مع ميثه عسب معصبه ومالها خلق تكلم حد .. غريبه يعني ! صح هيه من يوم رجعت من بيت عمي وجيه حالها يمكن صار لها شي ؟ .. أو حد قال لها شي ضايقها .. قاطع تفكيري صوت الباب : قلت هلآ حيااك سيف .. سيف ودخل : ممم كنت سرحان ؟ رديت : تقريبا كنت أفكر في شي ومحتار .. سيف : شيء خاص ؟ قلت : مممممممممم هيه .. سيف : المهم شو الأخبار ؟ قلت : والله ماشي إنت أخبارك مختفي هالايام .. سيف : ماشي تدري رايح وراد عالمستشفى وآخر أخباري أن قررت أ أجل السفره لوقت ثاني .. قلت بإستغراب : ليش شو صاير وياك ؟ سيف : شيء خاص .. ضحكت :هههه أوك براحتك .. وأنآ قلت بغير جو وباخذ إجآزه بس الظاهر محد يبي يروح وياي تخآويني ونروح ويا بعض ؟؟ سيف : بفكر .. مع أني أريد أروح بروحي .. رديت : يااخي شو بروحك بتملل عقب ويعديين تحييد يوم كنا في تايلند أكيد كنت متملل حزتهاا .. سيف : لا ماكنت متملل يكفي أنآ الصدفه جمعتنا هذيك الأيام ولولآها ماصرنا ربع مع أن كنا زملاء عمل .. بس الشله مالتك ضحكوني صح شخبارهم ؟ قلت : والله بخير مثل ماهم .. يعني تعترف أنا ربع ؟ سيف ويغير السالفه : سلم عليهم .. رديت : ربي يسلمك .. صح كنت بسألك شو ماشي يديد يعني أهلك ؟ سيف إبتسم لي : يالله أخليك بروح أرمس المدير عسب آخذ إجازه .. " وظهر " كنت بسأله ليش الإجازه .. بس هو ظهر ! مآعطاني فرصه أسأله شكله مستعيل ولا شي .. . . , [ في بيت بو سعود ] .. شليت الكوب ويلست أشرب حليب .. ظهرت ورحت الصاله ، شفت شي فوق الطاوله .. ! أوراق مدري مال شو يمكن سعود نسى ياخذهم .. شليت فوني .. شفت أم مايد كاتبه شي لي قريت .. ( ميثه لاتحاتين مايد بخير ألحين وقريب بنظهر من المستشفى .. ) مدري أتصل لها .. لآ يمكن مشغوله .. حطيت الفون على جنب سمعت صوت خطوات حد نازل من الدري شكلها شيماء محد غيرهاا .. دخلت الصاله ووقفت جدامي .. رفعت راسي وقلت : خير ؟؟ شيماء : أبآج توصلني بيتناا .. ضحكت : ههه شو عيدي ؟؟ شيماء وتتأفف : أبآآج توصلني إذا ما عندج ماانع .. لأن سعود مشغول .. تميت أطالعهاا من صج هذي تسوي مشاكل وبعد تبااني أوصلهاا !! .. تمت واقفه تترياا مني رد .. طالعتها وهيه قالت : بتوصليني ولا ؟ وقفت : عندج أقل من 15 دقيقه لين مآتتريقين وتتجهزين .. وإذا تأخرتي دوري حد ثاني .. إبتسمت على طرف عقب تحركت وهيه تضحك بصوت شبه مسموع .. ماسويت لها سالفه برايهاا رحت ألبس لأني أصلا بظهر وبروح أشتري كم شغله ، بعدد مآخلصت .. طالعت الساعه مرت أكثر من 20 دقيقه هههه مالت وأنآ أهددها آخر شي بروحي تأخرت .. كله من سويج السياره لآزم يضيع وأيلس أدوره .. نزلت شفتها واقفه تتنظر .. أحس على الأقل ارد الحركه إلي سوتهاا .. سمعتها تتكلم فالفون : هيه خلالااص سعوود ميثه ظهرت لآتعب عمرك .. أوك مع السلآمه .. مسرع مآ إتصل لسعود وقالت له .. طالعتهاا بنظهر وخطفت من صوبها : يالله إمشي بسرعه .. . . . , دخلت البيت .. ليش أحس بشعور مايطمن أبددد .. شفت نوره كالعاده يالسه تتابع مسلسل ، سلمت وهيه رد ! رحت صوبها وقلت : نووره .. خذيت إجآزه ، نوره : إنزين وبعدين ؟ إبتسمت : تعرفين عقب كلآمي شو مب لآزم أقولج .. نوره : هااا يعني تبااني أرمس أميه عسب تعرف صح ولآ ؟؟ قلت : مممم كنت أتوقع أنج ذكيه .. أوك عقب نتفاهم "بسير أرقد " نوره وتضحك : هههههه لحظه برمسك في شي خااص .. طالعتها بإستغراب : شي خاص كيف يعني ! " تذكرت سعود خخخ شفيهم اليوم كله شي خاص " نوره : مممممممممممممم هيه ، رديت : أوك .. نوره وتبي تكمل .. بس قاطعت عليها : أوك عقب مب ألحين .. تحركت ورحت حجرتي أدري شو يالسه تفكر خخخ .. تباني أرمس أميه عسب ترد لناا .. ومب أنآ إلي أقول للناس شو يسوون .. مثل مآ أحب حد يدخل في حياتي مآ أحب أدخل في حياة الباقيين .. سمعت فوني يرن شفت كآن " علي " منو علي !! هيه خخخ إربيع سعود شو يبي مآبرد عليه .. تم الفون يرررن .. !!!!! وبعدين رديت : ألو ؟؟ علآوي : مرررررحباا السااع هلآ والله .. قلت : مراحب ، ! علآوي : يااااااخي وييينكك إنت مشتاقيين لك .. مب ناوي تمر صووبناا ؟ قلت : علي برقد ألحين ، عقب يصير خير علآوي : يالله عااااااد قال برققد شووف السااعه كم ألحيين توناا في أول اليوم وبعديين كلنآآ هنيه .. شو بيستوي إذآ رقدت عقب .. قلت : أقولك برررقدد ألحيين .. علآوي : زيين كلييتناا إررقد ولآتعصب عليناا .. رديت : ههه زين يالله السموحه .. علآوي : بعد زيين تعرف تقول السموحه .. إنت مب ويه حد يعزمك .. ضحكت على إسلوبه في الكلآم : وبعدين !! علآوي : يالله في أمآن الله ومسموح .. ولايهمك .. قلت : مع السلآمه "وسكرت" خخخ قال مشتاقين حقي .. . . . , [ في بيت بو شيماء ] .. بيتهم مب بعيد وايد عن بيت بو سعود .. كنت أفكر ليش ما ايلس مع أهلها .. أذكر أمها يوم إتييه بيتنا أحسها طيبه مع هذا مآ أعرف شو نواياهم .. عنها خوات في العرس شفتهن بعد يبين أنهن حبووباات .. مممم خلاص بنزل معاها ، إلتفت أطالعها وقلت .. .. : شيماء إنتي رمسيتهم أنج بتمرين صوبهم .. شيماء : هيه رمست أميه .. قلت : أها زين عيل أنآ بنزل وياج .. "تم ساكته مآردت علي" بركنت السياره .. ونزلت أنا وهيه .. شفت يهاالوه يالسين جدام البييت ويلعبوون بالكوره .. شيماء وتصرخ : عبوووود إدخل دااخل كم مره قلت لآتلعب بالكوره هنيه .. تجدم الياهل صوبناا كآنوا 4 أولاد يمكن عمرهم أقل من 9 .. قال وهو شال الكوره وثيابه كلها رمل : ماابي ليش تخربين عليناا اللعب .. شيماء وتمسكه من إيده : يالله جداامي داااخل تسبح وبدل ثيابك .. كنت أطالعه حليله .. قلت : شيماء خلي براحته يلعب وعقب يدخل يتسبح .. اليهال يلسوا يطالعوني يوم قلت جيه .. شيماء وإطالعني : إنتي مالج خص .. ضحكت ودزيتهاا عالخفيف عسب تهد إيد الياهل .. وقلت حقهم : شووفي عنكم 10 دقايق بس إلعبوا عقب كل واحد يدخل يتسبح ويبدل ثيابه زيين ..؟؟ اليهال مستانسين : زيييين .. شيماء طالعتني بنظره عقب دخلت البيت .. ضحكت : ههههه حتى اليهال مآخلتهم بحالهم .. دخلت وراهاا شفت الحريم والبنات مسويين يلسه في حوش البيت والدله والأكل بصوب وسوالف .. حبيت المنظر وحسيت بشعور حلو يوم سمعتهم يضحكون وسوالف .. شفت شيماء يالسه تسلم .. عقب رحت أنآ بعد أسلم .. في حرمه أول مره أشوفها : هلآ والله بشيمااء توه ماانور البييت يمه .. شيماء سلمت عليهاا وكآنت مستانسه أول مره أشوفها جيه .. حسيت مكآني غلط بس أخيرا حد إنتبه علي .. : هلآ والله بضييفتناا حيااج تعالي لآتستحيين .. شيماء : هذي إخت ريلي إذا تذكرونهاا ميثه .. أمهاا : كييف ماا نذكررهاا تعالي إميه يلسي .. يلست شيماء عدال أمهاا .. وأنا تميت واقفه وين أيلس !! عقب نفس البنت أشرت علي أيلس عندهاا .. يلسوا يسولفون وأنا أسمعهم .. تميت ساكته ومبتسمه ، إلي عدالي تقريبا شكلها مال مدراس .. همست لي : شرايج أرآويج ألهامسترر مالي ؟؟ يلست أفكر وعقب قلت : أوك .. عقب وقفت وأنا وقفت معاهاا ، قالت : أميييه أناا وميثه بنرووح حجرتي براويها الهامستر مالي .. أمها : زين .. عقب سرناا دخلناا البيت ماشاء الله بيتهم كبير .. وحسب علمي أخوانها المتزوجين عايشين مع حريمهم في هالبيت .. والي برع يالسات عمتها وحريم خوانها .. وهذي إختها ، ! دخلنا حجرتها وشغلت الليت عقب شلت القفص مال الهامسترر ويلسنا عالشبريه .. قالت : حلوووين صحح .. شفتهم وإبتسمت : هيه حلويين كتاكييت .. ردت علي : هيه هذا أخوي شراهم لي .. كانوا 3 بس مات واحد .. رديت : أهاا ، زين فديتج شو اسمج ؟ قالت : اسمي آمنه .. أموون " وإبتسمت " قلت : عاشت الأسآمي آمون .. شكلج مال مدارس صح .. ضحكت : هههههه هيه عمري 15 سنه .. صف تاسع ألحينه .. قلت : أها العمر كله يارب .. ألحين لآزم نرجع لهم ولآ ؟؟ آمون : لآ سواالفهم مب حلوه ههههه .. ضحكت : هههه .. يالله مب مشكله .. "شفتهاا قامت رجعت القفص مكانه " عقب ظهرناا .. ولما نزلنا من الدري سمعت صوت ريال تحت .. قلت : منو عندكم ؟؟ آمون : هيه هذا صوت أخوي .. عقب ظهرناا رجعنا صوب الحريم .. لمآ يلست في وحده قالت .. : لييش تضآآيقين شيماء ..!! هنيه أنا إتوتر وتفششلت من الخااطر حسيت كل العيوون صوبي !! ماعرفت شو أقول ، أمون : شفييييكم أنتهم البنت ياايه ضيفه عندكم وإنتوا تقولون لها هالكلام .. فدييتها والله يوم قالت جيه إستانست .. لأن حسيتهم تقفطو شيماء : آمنه إنتي محد كلمج لآتتدخليين لما الكبار يتكلموون .. آمون صد ويهاا وقالت بصوت شبه مسموح : شو تبي هالغبيه .. حسيتها شراتي ههههههه مسكت ضحكتي ، عقب همس لي : كم رقمج " وعطتني فونها أسجل رقمي " .. مر الوقت بسرررعه وكله سوالف .. وعقبها حسيت خلآص أنا لآزم أرد البيت .. قلت : يالله السموحه أنآ لآزم أرد البيت ، شيماء : زيين روحي أنآ عقب برد برمس سعود .. سلمت عالكل وظهرت ... شفت اليهالوه بعدهم يلعبون !!!!!!!!!!!!!! قلت : إنتوا بعدكم تلعبون ؟ واحد منهم تكلم : ما خلصنا اللعب .. قلت بعصبيه لأنهم صج وايد لعبو : أنااااااااا شووو قلللللللللت لكمم قبل هااا ؟؟ اليهال بخوف : نعلم وعقب نروح نتسبح ونبدل ثيابناا .. قلت : زيييييين ولييش للحين تلعبون ؟؟ اليهال : خلاص بنروح .. كنت بضحك بس ما ضحكت عسب لآيتحروني أسولف وياهم : يالله قولوا آسفيين .. اليهال : آسفييييين .. "عقب دخلوا داخل البيت هههه حبيتهم " سمعت صوت من وراي : زيين سويتي .. إلتفت .. إبتسم ويت تسلم علي : شحآاااالج ؟ رديت بإستغراب : الحمدلله بخير !!! .. ضحكت : هههه مستغربه شوو .. رديت : ههه لآ يعني ، بس مآتوقعت أنج بتمرين هنيه ؟ ردت علي : ههههههههههه ليش ؟؟ تميت ساكته !! ليش نوره هنيه .. صح أنهم أهلها بس كنت أتوقع أنها ماتحب تمر عندهم ، قالت : يالله عيل تك كييير "ودخلت" .. ركبت سيارتي ورجعت البيت .. . . . في أغلب الأوقات نحتاج للحديث مع من يفهمنا .. ولكن لا نجد .. نتقبل الكلام الذي يضايقنا كي لاتزيد الأمور وتصبح أسوأ .. فقط تجنب بعض الكلام .. كأنه تجنب مشاكل أخرى .. وعندما نخطأ في التوقعات نشعر بالأسى على الأفكار التي صنعناها .. فنتمنى لو أننا لم نتوقعت الأمور ..! في الغالب تكون التوقعات عكس ما نتمناه .. وعلنا تقبل الحقيقه .. ! ولا نخدع أنفسنا أكثر فالرضى أفضل بكثير !! . , [ في اليوم الثاني الصبح ] .. سعود كالعاده مايرمسني وراح الشغل .. شيماء في حجتهاا .. أميه راقده ، أبوي يالس في حجرته يقرا قرآن .. حموود في المدرسه ، حليله خخخخ مدري أحيانا أحس حمووود محتاج حد يكون معاه ، دوم مايروح المدرسه مع أن أهم مرحله دراسيه هيه البداية ، .. هو حتى مآيعرف يتكلم عدل كله من أميه كآن المفروض تخليه يروح المدرسه على طول بس دوم تدلعه وتخليه يتم راقد .. بس زين أن سار اليوم .. تميت أفكر في وايد أشياء أبي لهاا إجآبات مآ أدري محتاره تفكيري مشتت .. سمعت فوني يرن شفت كآن " منصور " .. . . . , في الجهة الثآنيه عند [ سيف ] .. كنت يالس أنتظر منها الموضوع إلي كآنت تبي تقول .. قلت : شو فيج ساكته ؟؟ تكلمي ! نوره : ممممممممم أبآك تساعدني بشي ! رديت بإستغراب : أساعدج ؟؟ ومن متى أنآ أقدم مساعداات لج ؟؟ "طالعتني بنظره كأنها عصبت ! " ردت علي : بطلب منك طلب .. أو بالأحرى أتمنى تنفذ إلي بقوله لك .. ضحكت : هه خبريني شو الشيطآن يالس يلعب براسج ألحين ولآ كيف .. ؟؟ نوره وتضحك : ههههه مدري ليش تفكيرك جيه .. المهم أبآك تخطب وحده أعرفهاا .. ضحكتني : خخخ وليش يعني ؟"سكت عقب قلت لها " أنآ فاهمنج زين .. نوره : مممم بس أبآك تتزوج لي متى بتم جيه .. قلت : هاا تبيني أتزوج وأظهر من البيت يعني ؟؟ نوره : ممممم مب شرط تظهر من البيت هالشي رآجع لك في النهايه ولآ كلآمي غلط ؟ قلت : وإذا قلتج مآ بسوي إلي براسج ؟؟ نوره : مممم أميه تبي هالشي مب أنآ بس يعني إنت مآتبي ترضي أميه ولآ كيف .. كأنها يالسه تربط الأمور ببعض قلت : أميه شو عرفهاا ؟؟ وبعدين شكلج إنتي إلي رمستيهاا في هالموضوع ولآ هيه مايهمهاا أساسا ً ؟؟ نوره : تبي الصج هيه أنآ كلمتها وخليتهاا تقتنع وقآلت أنها بترمسك بعد .. حسيت بشعور مب حلو كيف يعني أمك تسأل عنك بس إذا حد خبرها تسوي هالشي ! مع أنها تخلت عني من سنين ، نوره : شوف صدقني البنت طيبه وأكيد بتوافق دآمني طلبت منها هالشيء ف إستغل هالفرصه لصالحك ولآ بتم جيه طول عمرك فهمت ولآ ؟؟؟ |
(الصفحة الثآلثة عشر) نحن نختار كيف نريد أن نكمل حياتنآ .. رغم تدخل الكثير من الناس فيها .. ولكن بعض الخطوات قد تكون عبارة عن تهور .. وربما تكون سوء تفكير وإستعجال ، ولا ندرك ذلك حتى فوات الأوان .. ! . . . نوره : تبي الصج هيه أنآ كلمتها وخليتهاا تقتنع وقآلت أنها بترمسك بعد .. حسيت بشعور مب حلو كيف يعني أمك تسأل عنك بس إذا حد خبرها تسوي هالشي ! مع أنها تخلت عني من سنين ، نوره : شوف صدقني البنت طيبه وأكيد بتوافق دآمني طلبت منها هالشيء ف إستغل هالفرصه لصالحك ولآ بتم جيه طول عمرك فهمت ولآ ؟؟؟ رديت : بفكر في كلامج .. . . . بعد أذآن المغرب في بيت بو سعود ، كنت يالسه أقرا قرآن مع أبوي .. كآن المكان هدووء مافي حد فالبيت غيري أنآ وأبوي والباقيين ظهروا مع سعود ، يلسنا فالصاله وطلب مني أييب القرآن ونقرا مع بعض .. أبوي من يوم نحن صغار كنا كلنأ نتيمع حوله وهو يقرا لناا وألحين حليله مآ يقدر يرمس كنت أطآلعه كل شوي مدري أخآف الأيام اليايه كيف بتكون .. مر الوقت .. وبعدها شليت المصاحف ورجعتها الحجرة .. ولما رجعت عند أبوي قلت له : ها أبوي كيف نفسيتك إن شاء الله مرتاح ؟ أبوي إبتسم .. قلت : أبوي منصور خبرني أسلم عليك .. وشكله يباله وقت لين ما يتأقلم مع خوانه ، ويمكن يمر اليوم ويسلم عليك .. شفته إبتسم قلت : أبوي شكلك وايد تحب منصور يذكرك بعمي الله يرحمه .. أبوي حرك راسه بمعنى هيه .. سمعت فوني يرن .. رديت كآن منصور : هلا ؟ منصور : ميثه أنآ عند الباب .. قلت : أوك دقايق .. "وسكرت" طالعت أبوي وقلت : وصل عمره طويل ههه تونآ نرمس عنه .. عقب قمت بروح ألبس وقايه .. ركضت بسرعه رحت لحجرتي عقب رحت أفتح له الباب .. شفته واقف : السلام عليكم .. رديت : وعليكم السلام والرحمه حياك أبوي في الصاله .. عقب دخلناا وهو راح يسلم على أبوي ، منصور : هلآ بأبووي الغالي " وباسه فوق راسه ويلسع عداله " أنآ سرت المطبخ أشوف القهوه وخليتهم على راحتهم .. . . . , ( عند سعود وشيماء وأمه وحمود ) .. كآنوا في محل الخياط ، يشترون مخور وسعود تعب وهو ينتظرهن ، يلست أطلعهم شكلهم مطولين : أوووف أنتو لين مآتختارون إلي يعيبكم يبالك يوم كآمل .. أميه وتسأل شيماء : أميه ماعلييج منه إختاري على كيفج وإذا ماعيبج إنروح محل ثاني .. شيماء : فديتج عموه ماتقصرين .. أميه : شوفي هذا حلوو عليج .. شيماء وتراويني القطعه : سعوود شرايك في هاللون علي .. قلت : مب حلوو .. شيماء وتشل قطعه ثانيه : وهذاا ؟؟ رديت : مب حلو عليج .. شيماء ومحتاره : إنزيين وهذااا ؟؟ قلت : بعد مب حلوو .. شيماء : سعووود !! ضحكت : ههههه أسولف وياج أي شي بتلبسينه بيصير حلو بس المهم خلصييناا .. شيماء : خلآص اريد هذيله .. أميه : زين يالله عيل وأنا باخذ هذي .. قلت في قلبي أخيرا خلصوا " بعد ماخلصنآ حساب " قلت : يالله بس تعبت وأنآ واقف .. أميه : بنروح محل الدخون والعطور .. قلت : أميه بس خلآص تعبت والله .. شيماء وتضحك علي : هههههه هيه عموه بعد أنآ في خاطري أشتري العطر إلي رمستج عنه .. طالعتها بنص عين : نعم شيماء شو قلتي ..؟؟ شيماء : عموه شوفي ولدج كيف يطالعني .. أميه : سعود خل البنت بحالي الله فديتج بآخذج المحل إلي دوم أشتري منه وإشتري إلي بخاطرج .. تأففت شفت حمود : أنا محد كاسر خاطري كثر حمود ليش يايبيينه معاكم ما أدري .. ولآ عادي مستانس "طالعته وقلت" والله قاصيين علييك .. حمود : ثعوود بعدين بنروح الألعاب .. لآ والله !!! سويت عمري ما أسمعه أنا الغلطان إلي قلت بوصلهم : هيه إنزين يالله بسرعه خلصن شغلكن .. . . , قريب أذآن العشاء ، ( في بيت بو سعود ) كنت أطآلع الساعه شكلهم مطولين خخ الله يعين سعود الحمدلله مب أنآ إلي وصلتهم ، منصور : ميثه مييه!! رديت : هلا ؟ منصور : سرحانه خخخ أقولج أنآ باخذ عمي وبنسير المسيد قريب يأذن .. رديت : مدري أخآف يتعب ولآ شي صعب عليه يمشي ! منصور : لآ ما عليج بالعكس أحسن لجسمه مآتدرين شو بيصير وبعدين الحركه تساعد الجسم إلي مثل حاله عمي ، أنا بخلي السياره والمسيد قريب مب بعيد وايد .. لين مآنصل يكون أذن .. تميت أفكر أخآف أخليه يروح .. ! منصور : الووو ؟؟ رديت : أوك خلآص بس تحمل من أبوي .. منصور وابتسم : لآ تحاتين .. يالله ابوي باخذ المسيد " عقب رفعه منصور ويلس يمشيه " كلام منصور أثر فيني لأن حتى الدكتور قال أن حالة أبوي يمكن تتحسن إذا حاولنا معاه .. ظهروا من البيت وتميت واقفه عند الباب .. مدري ليش كل هالخوف فجأه !! منصور إلتفت وقال : دخلي داخل قلت لج لآتحاتين يالله في أمآن الله .. دخلت وسكرت الباب .. ليش تخافين ميثه !! منصور يمكن أكثر مني يخاف على أبوي .. دخلت حجرتي ويلست على الشبريه .. شفت نوره داقه علي .. إتصلت عليها أشوف شو تبي ؟ ردت علي : هلآ والله .. قلت : أهلين نوره شحآلج عساج بخير يارب ؟؟ نوره : والله الحمدلله بخير .. ممممم كنت أريد أرمسج في موضوع ، رديت بإستغراب : خير إن شاء الله صاير شي ؟ نوره : لآ ، بس مدري الكلآم فالفون ماينفع شرايج باجر أمر بيتكم ؟ قلت : حياج في أي وقت مآعندي مانع .. نوره : فديتج والله أوك عيل بخليج ألحين وباجر أكلمج .. رديت : الله وياج .. "وسكرت" حليلها هالبنت دوم تتصل حقي من يوم صآرت قريبه بالنسبه لي وهيه تسأل عني مب مثل ساره ، على الأقل كانت المفروض تتصل تسأل عني هيه حتى مآفكرت تتصل كل هالفتره .. يلست أطالع رقمها أتصل ولا لا ؟ .. ممممم بطرش لها مسج كتبت لها ( هلا سارووه .. شحالج ؟؟ إن شاء الله بخير ^^ ) .. طرشته وعقب سمعت الأذآن .. يالله بصلي ألحين وعقب بروح أسوي لي شي آكله يوعانه .. \ / \ / , في اليوم الثآني ، ( العصر ) في بيت بو سعود .. يلست أفكر فلي صار أمس علاقة أميه وشيماء حلوه خاصه يوم رجعوا البيت حسيتهم مستانسين حتى سعود كان يضحك ويسولف معاهم وحمود بعد كان مستانس لما ييه وقالي أن شيماء شرت له حلاوه ويلسوا يلعبون معقوله أنا كنت غلطانه يوم فكرت أن شيماء ممكن تكون سبب المشاكل ؟ بس ليشه المحبة نزلت فجأه . . كيف تغيرت فجأه !! شفت فوني وقريت رد ساره إلي للحين مب مصدقه أنها كتبت لي هالكلآم !! ( زين يعني فكرتي تسإلين ولا كالعاده لازم أنا إلي أسئل عنج ) .. !! ليش يعني تقول هالكلام إلي بينا مب متحاي نتعازم منو يسأل عن الثاني .. قمت ببدل ثيابي نوره بتمر اليوم .. فتح الكتب وخذيت لي مخور لونها ذهبي وبني غامج ، حطيتها علي ممم شكلها حلو ؛ هذي شريتها من فتره يوم رحت مع أميه .. بلبسها اليوم من يوم شريتها مالبستها غير مره ، عقب دخلت الحمام عزكم الله أخذ شور .. . . بعد مآخلصت سمعت صوت حد يدق الباب رحت فتحته شفت أميه .. أميه : ميثه اليوم في حرمه بتمر عندنا بعد شوي .. قلت وأنا مستغربه : بس أنا عزمت ربيعتي تمر عندنا اليوم ؟؟؟ أميه : زين شوفيها عادي المهم ألحينه أنا بروح أجهز الفواله .. رديت : أوك .. "عقب راحت" أووف شوو هاا يعني مآفكرت الحرمه تمر إلآ يوم نوره بتمر عندي بطرش لها مسج وبقولها .. شليت فوني وكتبت .. ( نووره .. أميه عازمه حرمه إذا مآخاب ظني مب مشكله بنيلس أنآ وإنتي في غرفتي عسب نآخذ رآحتناا ؛) أول مآتوصلين خبريني ) .. رحت المطبخ وولع فحم عسب أسوي بخور وأبخر البيت .. شفت شيماء نازله وعليها ابتسامه غريبه : مساء الخير .. ضحكت : ههه مساء الورد .. شيماء : تصدقيين تووني يايه بسوي بخور تعرفين منو بييه اليووم .. طالعتها بإستغراب : ممممم حرمه مدري منو بس ليش هالوناسه .. شيماء : ممممم لأني أعرف منو هالحرمه .. "وابتسمت" .. حطيت الفحم و مديت لها المبخر وقلت : دآمج متحمسه لهدرجه روحي بخري الميلس . . "وتحركت " غريبه شيماء شوفيها اليوم خخخ حآلآت هالانسانه .. رحت أشوف فوني ماشي رد يلست أنتظر رد من نوره مآترد إتصلت لها أكثر من مره !! ماشي رد بسم الله شو صار معاها .. تميت أحاتيها .. معقوله صار شي لآ شووو يمكن حاطه فونها سايلنت ولآ شي .. . . . . مر الوقت وبعدها سمعت صوت شيماء : مييثه .. مييثه !! فتحت الباب : هلآ شيماء ؟ شيماء وإتأشر : تعالي الصاله الحرمه وصلت ونوره بعد .. إستغربت : أها أوك .. نزلت من الدري ودخلت الصاله شفت حرمه أول مره أشووفها !! ونوره بعد يالسه .. سلمت عليهم ويلست عدال نوره : نوره ليش ماتردين علي ؟؟ نوره إبتسمت .. ومآقالت شي .. أميه : هذي ميثه .. الحرمه : هيه ماشاء الله عليهاا ربي يخليها لج وعسى تفرحين فيها .. شيماء وإطالع الحرمه : هيه عموه ترا مآبتحصلين وحده أحسن من ميثه .. طالعتها بإستغراب شو يقولون هذيله .. آميه : ميثه الحرمه يايه تخطبج حق ولدهآ .. والقرار الأول والأخير لج ، إنصدمت !!!!!!! تميت ساكته أميه شو تقول !! نوره وتبتسم : ميثه هذي أميه وكلمتها عنج وإن شاء الله اذا مكتوب بتصيرين مرت أخوي .. وقفت من الصدمه !!!!! من متى نوره يالسه تفكر تخلي أمها تخطبني لأخوها !! أميه : ميثه شو فيج يلسي .. رديت : ها هيه "ويلست " حسيت عمري مب مستوعبه إلي يصير كانوا يتكلمون ويتكلمون .. وأنا في عالم ثاني ما قدرت أركز على إلي يقولونه دخلوا في وايد مواضيع .. وكل مآ أميه التفت صوبي قالت شي هزيت راسي بمعنى انزين وأنا ما أدري شو السالفه .. تميت طول اليلسه ساكته .. !! ماحسيت بالوقت .. وآخر شي أذكره يوم وقفت الحرمه إلي طلعت في النهايه أم نوره ونوره .. يسلمون على أميه وشيماء وبيرجعون بيتهم .. وسملوا علي ونوره لما سملت علي .. همست لي : أتمنى توافقين .. وعقب ظهروا .. رجعت يلست مكاني بعدني مب متأكده صج الي صار ولا لا ..؟ على أساس نوره تمر عندي ونيلس نسولف . مب أنه أمها اتيه وتخطبني حق ولدها ..!! حسيت بإميه يلست عندي وقالت : ميثه شو فيج .؟؟ رديت : ها .. ماشي بس منصدمه شوي ليش ماقلتي لي من البدايه .. أميه : ماعليه المهم ألحين إنتي شو رايج .. إذا ماتبين تتزوجين مب غصب هالشي في إيدج مب مجبوره .. وإذا من رايي الحرمه ماشاء الله عليها طيبه ، وبعدين انتي تعرفين نوره وهذيله من أهل شيماء يعني أشوفهم ناس طيبين وماعليهم كلام وإذا عن الولد ان شاء الله باجر بيمرون وتشوفينه وتردين لهم الخبر .. ضحكت : ههههه أميه منو قال أني أبي أتزوج ..؟؟؟ أميه : لتقولين جيه هذا نصيبج وإذا مكتوب أنج تتزوجين بتزوجين .. رديت : إنزين أنا ما أفكر في هالشي وبعدين أميه بعدني صغيره .. أميه : شو صغيره ماشاء الله عليج كل شي تعرفين وباجر بيصير لج بيت وعيال وابوج بيفرح فيج .. قلت : لآ مب الحين أنا أريد أشتغل بالأول .. أميه : ووين تبين تشتغلين مآفي شغل بدون دراسه .. رديت : عادي بكمل دراستي .. أميه : زين على راحتج إنتي باجر شوفي الولد وإذا ماشي نصيب فالله كريم .. قالتها وهيه مضايقه حسيت فيها عقب قامت راحت حجرتهاا ، كانت شيماء واقفه تسمع قالت : مممممممم يعني مب موافقه ..؟ رديت : تعرفين أني مابي اتزوج ألحين وبعدين ليش خلصوا البنات !! .. شيماء وتضحك : ههه عادي وأنا كنت نفسج مآبي بس جبروني ؟ وبعدين مافكرتي في شعور نوره؟؟ رديت : و شو يعني أسوي شي بس علشان خاطرها وأنا مابي هالشي ؟ شيماء : ممممم مدري كيفج فكري عدل ب هالطريقه بتخسرين نوره وأخوج بعد يمكن يضايق .. ضحكت : هههه لأنه ولد عمج يالسه تقولين هالكلام ؟؟ ولا عشان نوره ؟ شيماء : لآ نوره ماتهمني ولا حد يهمني أصلا ، بس حبيت أوضح لج الفكره عسب لاتندمين عقب .. " وعقب راحت " .. ياربي شو بسوي ألحينه .. قمت بروح حجرتي بس سمعت صوت سعود .. سعود : ميثووه .. "وييه صووبي" رديت : هلآ ؟ سعود ويطالعني منصدم ومبتسم نص ابتسامه : صج كلآم شيماء ؟؟ قلت في بالي هذي مآتخلي شي الا وتخبر سعود ، رديت : كلام شو ؟ سعود ويضحك : ههه لآتستهبلين صج يوه يخطبونج ؟ رديت : أووف هيه صج .. سعود ومستانس : حلفي !!!!! طالعته بإستغراب : لآ والله بعدد مستااانس حيوان تبي الفكه مني .. سعود : لآ شووو منو قال أنا مستانس لأن إلي بيخطبج ربيعي .. رديت : هاا؟؟ سعود : شو هاا ، عاد لأتفشليني وترفضينه .. قلت : تستهبل صح ؟ قوول انك تستهبل ؟؟ سعود ويضحك : ههههههه ليش أستهبل .. "سويت له طااف ورحت حجرتي " . . . . , يلست طول اليوم أردد في بالي مستحيل أوافق مستحيييل !! كنت أطالع فوني محتاجه أكلم حد بس مقدر ساره أدري تغيرت ويمكن كلامها يضايقني .. وشوق مقدر أتصل لها مابي مشاكل ومابي يتكلمون عني أكثر .. وعموه فديتها تعاني مع ولدها أكلم منوو !! ماتم حد ربيعاتي مشغولآت فالدراسه مابي أشغلهن معاي .. ومهووه .. آمنه ربيعتي مب متفيجه لي أدري من يوم خذيت رقمها مآتتصل ولآ أنا أتصل لهاا .. تذكرت آمنه إخت شيماء هههه شو هذي صغيره شو بقول لهاا .. على الأقل بتصل لها وبسأل عن حالهاا .. شليت فوني وإتصلت لهاا .. ردت علي : هلآ ميثثثثه ؟؟ رديت : أهلين شحآلج دبوه ؟؟ آمون : بخير الحمدلله إنتي شحآلج ؟؟ قلت : مديم حالج ، والله ماشي الحال ملآنه شوي ومحتاره في أمور .. أمون : ههههه زين شرايج إتيين عندي .. قلت : لآ مقدر ألحين مره ثانيه .. آمون : تعااااااااااالييي بليييييييييييزز .. رديت : مآ أحييدج جيه عنييده هههههه .. أمون : والله أنآ بروحي ملآنه لو أدل بيتكم كنت بمر عندج بس مآ أعرف وين بيتكم .. قلت : هههه لهدرجه مشتاقه حقي ؟ أمون : ههههه يب أريد أشوفج رديت : يالله مب مشكله المره اليايه إن شاء الله .. زين خبريني كيف الدراسه ..؟؟ أمون : الحمدلله زينه .. قلت : زين شدي حيلج نبي درجآت حلوه ، وسلمي على الكل .. والهامستر بعد هههه أمون وتضحك : هههههه زيين يوصل ربي يسلمج .. قلت : يالله عيل أخليج .. أمون : الله وياج .. "وسكرت" . . , قلت بإستغراب : ليش يعني ؟؟ شيماء وتضحك : ههههه شو ليش يعني أكيد ميثه رافضه لأن وضعه سيء يعني من حقها ترفض .. قلت : سيف عنده فرصه يتعالج يعني ماتدرين شو بيصير عقب وبعدين ليش نستبعد أن ميثه ماتوافق نصبر ونشوف.. شمياء : إنت تقول جيه لأن ربيعك بس أنا كلمت ميثه وهيه مب موافقه .. رديت : في النهايه مانقدر نجبرها .. شيماء : سعود أكيد مانقدر نجبرها بس ب هالطريقه يمكن تصير فجوه بين علاقتكم فيهم .. ضحكت : هههههه لآ مستحيل يصير شي جيه لآتحاتين .. شيماء : ممممم ليش هالثقه وبعدين سيف إنسان عاجز حاليا .. قاطعتها : ويعني في النهايه هذا نصيب ، ليش الي مثل حالته حرام يتزوج ويعيش حاله حال أي انسان ثاني ؟ شيماء وتعاند : شوف انت تقول جيه لأنك ربيعه .. قلت : خلاص غيري السالفه .. خبريني شو قلتي بموضوع السفره ؟؟ شيماء : الله كريم .. رديت : والنعم بالله .. هيه صح تذكرت أنآ قلت أني ما بشاورج يعني مب مهم رايج .. . . . , (( في اليوم الثاني )) ، كنت يالسه فالصاله أطالع فلم .. وكل شوي أشوف الساعه كل شوي .. ياربي شو هاليوم من أمس وأنا أحاتي .. سمعت صوت حد نزل من الدري .. كآنت شيماء .. سويت عمري ما أشوفها .. يلست عدالي : مساء الخير .. " سكتت عقب قالت مره ثانيه " مسااااء الخيييير !! رديت : مساء الخيرات .. شيماء : شكلج متوتره .. قلت : لآ ؟ شيماء : لآ يبين عليج متوتره .. طالعتها : غصب أكوون متوتره ؟؟ .. شيماء وتضحك : ههههه لآ لا لآتفهميني غلط بس حبيت أساعدج ., رديت : شكرا ما أريد منج شي .. شيماء : ما تم شي لين مآيوصلون روحي إتعدلي وإتكشخي .. رديت : مابي غصب ؟؟ بطالع الفلم .. شيماء : ميثه شوفي الساعه كم .. تأففتت :أوووف ماابي قولوا البنت رفضت من البداايه وخلاص .. شيماء وإنصدمت : شوه !!! ميثه من صجج إنتي ؟؟ ضحكت : هههههه ليش تتحريني بوافق عشان خاطركم .. شيماء حسيتها اتقفطت وكأنها كآنت تخطط علشان هالشي وأنا خربت عليهااا .. كنت أحس شي في داخلي يقول هالموضوع مخططين له وتباني أظهر من البيت عسب تاخذ راحتها .. تدري أن وجودي بيخرب كل شي يالسه تخطط له .. يمكن نوره ماتدري ب هالشي .. رديت : ليش سكتي ؟ قالت وهيه متوتره : ها لا .. ماشي .. بس .. كيفج .. "وسارت" رحت عند أميه وقلت لها أذا يوه تقول أني رآفضه .. وخلاص ننهي هالموضوع .. حسيتها ماتبي تقول أكيد بتحس بإحراج جدامهم بس يالله عادي بيتقبلون هالشيء فالنهايه .. رحت حجرتي وقفلت الباب علي .. شفت فوني نوره متصله أكثر من مره .. يمكن شيماء خبرتها .. سوري نوره مقدر أسوي هالشيء بس علشان مصلحة غيري ولا علشان خاطرهم .. طرشت لها مسج مآ أريد أرمسها كتبت فيه ( السموحه نوره ما أقدر ) .. إنسدحت على الشبريه، ويلست أفكر .. ليش أربط حياتي بإنسان بالمقابل غيري مستانس وأنا أتعذب .. تذكرت أخوي سعود هيه بيضايق لأن ربيعه بس عقب بينسى .. \ / \ / \ , أسوء أمر أن تشعر بأنك تشكل حملاً ثقيلاً .. على نفسك ومن هم حولك ! فيحاول الجميع الإبتعاد عنك .. أن تجبر على أمر فقط لأنك تراعي مشاعر من حولك كأن تقع في بئر صنعته بنفسك دوم أن تدرك .. فتتخلى عن الكثير من أجلهم ، قد نتطر بأن نفكر في مشاعر أصدقاء وأقرباء فتشعر حينها بأنك في حيرة من بينهم ، ومن يستحق الأفضل في حين أنك وضعت لهم معزة في قلبك .. فلا تعلم تتخلى عن أي أحد فيهم !! (( لمآ وصلت أم نوره )) كنت أطالهم : أمييه وصلوا أسمع صوت حد يدق الجرس .. أميه : سعود إنت روح داخل .. رديت : أنآ بروح أشوف سيف وإنتوا دخلوا الحريم الصاله والرياييل الميلس .. أميه : هيه زين .. عقبها راحت أميه وشيماء .. بس قبل لآتروح شيماء همست لي : ترا ميثه مب موافقه وتقول مابتظهر من حجرتها .. رديت : صج ؟؟!! شيماء حركت راسها بمعنى هيه وسارت .. مدري أروح أرمسها ولا لا .. على الأقل تنزل وتكلهم مب حلوه تحبس عمرها فالحجره جيه .. في نفس الوقت مابي أروح أدري فيها بتعصب وبتسويها سالفه .. رحت استقبل الرياييل ودخلتهم الميلس .. كان سيف وعمه بو شيماء وأخو شيماء بما أنه أبوه متوفي ، سرت يلست عدال سيف وقلت له : سيف .. سيف : هلا ؟ رديت : كنت بقولك يمكن مايصير نصيب .. سيف وابتسم : من غير ماتقول أدري .. بس خلهم يتقبلون هالشي .. قلت : منو تقصد ؟؟ سيف : أميه وإختي أباهم يتقبلون هالشيء أدري مافي وحده بتواقف على واحد في مثل حالتي بس هم الله يهديهم مدري ليش جيه تفكريهم .. رديت : لا تقول جيه .. سيف : هه زين المهم نخلص من هالموضوع بسرعه .. كنت أطالعه يعني هو متوقع هالشي وعادي عنده ، اشك أهله بينصدمون لأنهم حاطين املهم في ميثه وأنا مثل ما سيف ربيعي ميثه إختي وأكيد أبي مصلحتهاا ، وهيه تستاهل كل خير مب مجبوره تعيش مع سيف ... . . . , (( عند الحريم )) كآن الوضع متوتر وأم سعود وشيماء يتبادلن النظرات .. أم سيف : ماتقصرون والله .. نوره تتلفت لشيماء : شيماء شحآلج ؟ شيماء : الحمدلله بخير .. أم سعود كآنت تحاول تدور عذر ولا شي كآنت مستحيه تتكلم .. شيماء تهمس لها : عموه ألحينه شو بنقول حقهم .. أم سعود : مدري شو بقول لهم كلميهم إنتي أحسن .. أم سيف كآنت تطالعهم وحاسه في شي .. عقب قالت : عيل وينها بنتكم ؟؟ شيماء تطالع أم سعود ومتوتره : هيه .. عموه هيه بعدها .. في الحجره يمكن .. ماتدري .. أم سعود : هيه .. بروح أشوفهاا " ووقفت " شيماء وقفت تصب لهم القهوه .. أم سعود راحت لحجرة ميثه تدق الباب : مييثه .. مييثه . أميه وينج ؟؟ .. ميثه !!! ماشي رد .. حاولت مره ثانيه : ميثه أميه .. إنتي راقده ؟؟ !!! ماشي رد .. رجعت الصاله ، ويلست .. شيماء وتهمس : ها اشو صار ؟؟ أم سعود : بصراحه يا أم سيف مانبي بينا زعل .. أم سيف بإستغراب : وليش الزعل يا أم سعود ؟؟ نوره كآنت ساكته لأنها تدري ميثه رافضه أنها توافق على أخوها بس مابينت شي جادم أمها .. أم سعود : ميثه بنتي .. شيماء : عموه يعني بنقول الصرآحه لأن .. أم سعود تكلم : شكلها ميثه .. ... : السلآم عليكم ورحمة الله إلتفتت أميه وشيماء ومنصدمين !! : ميثه !!!!!!!!!!!!!!!!!!!! رحت صوب أم سيف وسلمت عليها : شحالج عموه عساج بخير ؟؟ أم سيف : يسرج الحال الغاليه .. ورحت سلمت على نوره : شحالج نوره ؟؟ نوره ومستغربه وقفت تسلم : الحمدلله بخير .. يلست وقلت : السموحه أدري تأخرت عليكم .. أميه تم تطالعني منصدمه ، وشيماء نفس الشي .. حسيت عمري غبيه أني ظهرت بس مابي يكون الموقف محرج ، وخاصه أنها عمة شيماء .. ونوره حليلها مآبيها تضايق على الأقل أكون موجوده وعقب يصير خير .. مر الوقت عقب سرت مع أميه وسعود عسب يشوفني سيف ، ماكنت متوتره ولا شي حسيت عادي يمكن لأني شفته من قبل .. دخلت أنا وأميه وسعود عقب ظهرت أميه وتم سعود .. كنا ساكتين مانرمس .. بس سعود إلي كان يرمس : شو يعني محد بيرمس ؟؟ كنت أطالع سعود إلي كان يالس فالنص بينا .. وأخيرا سيف تكلم : مب مجبروه توافقين .. سعود ويقاطعه : ليش هالكلام ألحينه ؟؟ رديت : ماجذب صح كلآمه .. سيف : هه زين بس حد فيكم فكر كيف يقنع إلي برع بالموضوع ؟؟ ولا بتخلون السالفه علي أنا ؟ سعود ويفكر : هممممم والله مدري شو أقول يعني هم حاطين أملهم فيج ميثه .. قلت وأنا منقهره : ألحين أنا بتزوجهم ولا بتزوج سيف .. ليش مصرين ان سيف يتزوجني؟ سيف : كلامها منطقي ! عقب تمينا نفكر شو بنسوي .. سعود ضحك فجأه : هههههه والله تضحكون .. قلت : لآ والله !! سيف : مب وقته سعود هالضحك .. سعود وماسك عمره : زين خلآص بلآكم كليتوني .. سيف : أنآ إنسان عاجز ألحين وعلآجي مطول مدري إذا برجع أمشي شرات باقي الناس مره ثانيه .. سعود : زين الله كريم .. سيف ويكمل كلآمه : أي وحده بترفض ترتبط بإنسان مثلي "عقب طالع سعود" إنت ماتبي إختك تعيش مستانسه ؟ سعود ويطالعني : أكيد أباها تعيش مستانسه .. سيف ويطالعني : زين خلاص ميثه بعد مآتظهر تقول بتفكر في الموضوع وعقبها تقول خلاص مابي .. كنت أطالعه ومستغربه منه يعني هو صج مآفكر يخطبني وكله علشان أمه وإخته !! .. وهو حاس أني مجبروه على هالشي وأن متوقع أني أرفضه ، سعود : ميثه ؟..!! رديت : هاا .. مدري ! سيف : نوره عبالها أنج بتوافيق بمجرد أن العلاقه بينكم صارت قويه بس هذا مايمنع أنج ترفضين خاصه واحد مثلي مثل ماتشوفين أنا ما أقدر أعيش مثل أي إنسان ثاني وفتره العلاج مطوله والأمل أني امشي مره ثانيه أشبه بالمستحيل .. وإنتي تستاهلين كل خير وفي وايدين غيري .. سعود : أوك خلآص مثل ما اتفقناآ .. كان سعود محتار فيهم في نفس الوقت يحاول يراعي مشاعر سيف وميثه !! عقب ظهرت أنا وسعود وكآنوا كلهم واقفين يتريوني هههه .. قلت ببرود : مدري بفكر وعقب برد لكم الخبر .. ورحت حجرتي وأنا مستغربه كيف جيه أهله ماحسوا بمشاعره .. حطوه في موقف مب حلو أبد .. كنت أطالع الباب متوقعه حد منهم اييه ويرمسني بس محد .. شكلهم يبوني أفكر على راحتي ، حسيت بظلم بالنسبة لي أني آوافق على سيف .. وفي نفس الوقت موقف أهل سيف ماعيبني أبد .. فكرت شو بسوي قلت بصلي إستخاره وبفكر .. . . |
(الصفحة الرابعة عشر) . . . إن كان الندم يفيد .. لكان الأمر مختلف ! لكن الواقع أنه لآ جدوى من الندم .. للحياة طرق كثيره تجبرونا للإختيار ، وتجعلنا في دوامة الحيرة لنختآر .. فتربط بيننا وبين أقدار ، ولكن قد يكون القدر بأن نتخلى عن الكثير .. دون أن ندرك بأن الأيام قد تحمل في جعبتها مفاجئات كثيره ، . . (( بعد مرور إسبوع )) .. كنت يالسه في الصاله أتآبع مسلسل من الملل .. سمعت صوت حد فالمطبخ !! تحركت رحت صوب الصوت كان حمود أخوي فاتح الثلاجه .. قلت : حمود شوو إدور ؟؟ حمود : ويين الكاكاو ماالي ؟؟ قلت : مب موجود ؟ "حرك راسه بمعنى لآ" .. قلت : روح حجرتي إفتح الثلآجه الصغيره بتحصل شي حلاوه وكآكاو خذ الي تباه .. حمود ومستانس : زين شكرا .. "وراح " إبتسم : عفوا .. كنت بظهر من المطبخ بس شفت شيماء دخلت وقالت : هلآ بالعروس .. قلت ببرود : أكيد مستانسه ومب مصدقه للحين .. شيماء وتضحك : ههههه والله كل يوم أحآول أقنع عمري .. ومب مستانسه وبس إلآ بطير من الوناسه .. قلت : زين زين .. قالت حقي بطريقه تقهر : ميثه مب ندماانه !! يعني ماتحسين بالندم أبدد ؟ أبددددد ؟؟ سويت طاف وظهرت من المطبخ ..قلت في بالي .. بمووت من الندم .. تنهدت ويلست أطالع فوني والرسايل إلي وصلتني .. من عموه ( مبرووك وصلني الخبر ، إن شاء الله فالملجه بكون موجوده لآتحاتين بكون وياج ) ومن آمون ههه ضحكتني ( ميثه بتزوجيين مبرووك مبرووك مستانسه لج وايد ) من ربيعاتي والكل عرف تقريبا في الموضوع .. بس ساره ماردت علي ولا حتى إتصلت ليش مدري ؟؟ حتى منصور مطرش لي ( ربي يتمم على خير وتستاهلين كل خير ) مدري ليش حسيت أن منصور مب مقتع ، حتى أبوي تضايق وايد يوم سمع الخبر .. بس شو اسوي الشي صار وانتهى .. يلست طول هالايام أفكر ومضايقه وشعور بالندم كنت أحس بشعور مقدر أوصفه .. حسيت أني تسرعت ماعرفت أقرر يمكن كان المفروض حد على الأقل كان ينصحني ويخليني أفكر أكثر .. تأففتت ليش جيه صار .. سمعت فوني يرن (نوره) .. رديت عليها : هلآ نوره ؟ نوره : أهلييييين شحالج ميثه ؟ قلت : ماشي الحال ومن صوبج ؟ نوره : الحمدلله .. مستعده ؟ رديت : حق شو ؟؟ .. نوره : بروح نتسوق حق الزهبه طبعا أنا وإنتي وعموه وأميه .. أوك رديت : زين .. نوره : أوك عالساعه 6 وشي بنمر عندكم يالله باااييي .. "وسكرت" طالعت الفون وقلت ياربي شكلي مابخلص من هالشي بسرعه .. ما أريد أووف كرهت عمري وكرهت اليوم الي وافقت أني أتزوج .. . . . , قلت : شو الحين ؟؟ سيف ويطالعني : مدري محتار ؟ قلت : على فكره ميثه ماتبي تسوي حفله قالت بس بتسوي حفلة الملجه وبين الأهل .. يعني حفله صغيره .. سيف : على راحتهاا .. قلت : ليش أحسك جيه مب مستانس وكأن الموضوع مايهمك .. سيف : ليش تحس جيه ؟؟ سكتت .. سيف كأن مايبي هالشي وميثه نفس الشي الله يعينهم سيف : سعود خبرني إنت مستانس ؟؟ قلت : ليش لا هيه مستانس يعني كنت أترى اليوم الي ميثوه تعقل هههه سيف ويطالعني بنظره : ليش إختك مينونه ؟؟ ضحكت : هههههههه لآلآ أسولف وياك .. بس صج مستانس حقكم إنتوا الاثنين مع أني ما أدري كيف بتكون حياتكم بس فرحان علشانكم .. سيف : الله كريم المهم خلني أرجع للشغل .. كنت أطالعه ماكنت أبي هالشي يصير بعد مآتراجعت فالقرار ميثه حسمت الموضوع يوم وافقت .. يمكن أنا السبب ما حبت ترفضه لأن ربيعي .. \ / \ / \ [ في بيت بو حمد ] .. أم حمد : هييه بس مالقت توافق غير على هذا الي اسمه سيف .. شوق وبعصبية : خلآص كييفهاا البنت بس لآتتكلمون عنهاا بسكممم خلااااااااااااااااص .. حمد ويضحك : هههههه أكيد شوق المحآمي مالهاا .. فطوم وتقاطعهم : منو؟؟ شو السالفه !! شوق وتضحك على شكل فطوم : هههه إنتي منعزله عن العالم .. ميثه إنخطبت وواقفت والملجه الشهر الياي .. فطوم وبإستغراب : صج ؟ محد خبرني توني أدري .. منو الي خطبها حد نعرفه ؟؟ شوق : ممممممم من قوم بيت شيماء مرت سعود أتوقع هيه ولد عمهاا اسمه سيف !! فطوم ومنصدمه : سيف !! شوق : هيه سيف .. فطوم تمت ساكته وكأنها تفكر ،/ شوق بإستغراب : شفيها .. فطوووم بلآج ؟ فطوم : هاا .. ماشي بس سيف مايروم يمشي مقعد كيف وافقت ؟؟ حمد ومنصدم : شووه !!!!!!!! شوق ومتوتره : مدري والله بس هيه موافقه .. يالله ربي يسعدهم .. حمد ومب مستوعب : ههه شوق من صجج ألحين ميثه توافق على واحد مقعد مستحيييييييل !! شوق : ليييش مستحييل وبعديين ميثه مب مثل ماتفكرر .. حمد ويضحك : هههه لآ صج الحين ميثه واقفت صج هذي معجزه .. فطوم : شوق متأكده أنه هو نفس سيف ولا حد ثاني ؟؟ شوق وتفكر : مممممم لآ ما اعتقد حد ثاني ماعندهم الا سيف اذا ما خاب ظني .. أم حمد : يالله حمد قم وصلني بيت عمك بو عبدلله .. حمد ويوقف : إن شاء الله ببدل وبييج .. "عقب راح حجرته وبعده مستغرب" تحركت شوق وراحت عند فطوم وهمست : أعرفه سيف شفته مره يوم رحت عند إخته نوره شكله حبوب .. فطوم ومتوتره : هيه .. وأنا اعرفه شفته كذا مره فالمستشفى بس أبد ماتوقعت أن يخطب ميثه ..!! شوق : لآتنسين أن ربيع سعود .. كآن فطوم في حيره ومستغربه .. وحمد نفس الشيء كان يدور في باله كيف ميثه قبلت واحد مقعد !! \ / \ أسوء شعور أن نشعر بأن كل الأنظار نحوك .. فقط لأنك قمت بشيء لم يتوقعه منك الآخرون .. ويتصرفون بأنك مجبور على هذا الأمر ، لربما لم تصلهم تلك المشاعر القاسيه .. ! أو لم يدركوا حقيقة الأمر ، فالواقع تقاس الأمور من المظاهر .. وتبقى في القلوب الحقيقه المجهوله ! / \ . , [ بعد مرور الايام .. في يوم الملجه ] .. الأوضاع كانت متشتته والأخبار تنتقل بسرعه فالعايله والكل منصدم وعيونه على ميثه .. كان التوتر ملحوظ وايد خاصه على أم سعود إلي ماتعرف شو ترد على كلآم الناس .. أما ميثه فكانت تبي تخلص من هالكابوس .. ومن كل الكلآم إلي تسمعه خآلاتهآ وعمآمها الكل فاتح تحقيق معآها وليش وافقت، وأكيد امج وأخوج جبروج على هالشي .. !! بالمقابل أم سيف ونوره مستانسين لأن وجود ميثه إحتمال يخلي سيف يظهر من البيت .. والمسؤوليه بتنتقل لميثه كونها حرمته وهيه إلي لآزم تعابله .. ! شي أشبه بالقسوة والظلم من الطرفين .. في البيت بعد ماخلصوا كل التجهيزات حق الحفله .. والكل تقريبا وصل الأجواء زحمة والأصوات عاليه .. ورجعوا البنات من الصالون (في بيت ام سيف) نوره : ميييييييييثووه ماا اصصصصصدق .. طالعتها : أنا الي اصدق .. كانت عموه واقفه عندي وتهديني عسب لا أتوتر .. طلعت كل الي بالغرفه وتميت أنا وياهاا .. عموه أم مايد : ميثه خلج عاديه زين .. أنا هنيه كنت ماسكه عمري عن اصيح قلت : عموه مدري تسرعت .. عموه وماسكه ايدي : لآتقولين جيه .. قلت وأنا شوي بصيح : ما اريد خلاص برجع البيت .. عموه ومنصدمه : ميثه سكتي إنتي تقولين هالكلام لأنج متوتره .. قلت : عمووه والله والله ندمانه .. عموه يلست تتلكم وتهديني وتقول لآتحاتين .. مدري شو كانت تقول سرحت ويلست افكر .. \ / \ / \ ولمآ خلصناا .. !! كان وجودي في صمت تام .. كل المعازيم رجعوا البيت وإنتهى كل شيء ببطء كأن حلم مر بطيء كنت يالسه أنسى نظرات الي كانوا موجودين .. أنسى أني شفت ربيعاتي مستانسات أنسى أن أميه فرحانه وأدري في داخلها حزينه علي .. ولما مهوه وعنود يتصورن معاي ويضحكون ويجبروني أضحك معاهن ، ولما شفت ساره الي كانت يالسه بعيد عني وكنت دوم أقول اذا ييه هاليوم بتكون واقفه عندي !! وحمود إلي كل شوي هو ومايد يبون ياكلون الكيكه وعذبوه عموه حليلهاا .. ونوره الي تغيرت ملامحها فجأه مدري ليش !! وخوات شيماء وآمون الي كانت تقول لي طاعة أحلى وحده فينا بس مب أحلى عنها هههه ضحكتني يوم قالت جيه .. وبعدها يوم دخلو الريااييل سعود الي يوزع ابتسامات الخبل مستانس وايد وابوي حليله ماقدر اييه كان تعبان بس أدري أن مب مستانس حاله من حال منصور الي ماحضر الحفله .. وناصر وأحمد وعيال خالي وحمد كلهم كانوا صوب الرياييل مدري هم مستانسين عشاني ولا لا .. وأخيرا سيف إلي ماكنت متوقعه أني بوافق عليه .. !! انتهى هالشيء وحسيت براحه لما الكل راح خلاص أنا الحين مكاني مع سيف في بيتهم .. بشتاق لبيتناا .. بشتاق لكل يوم أنزل وأروح المطبخ وأضارب مع شيماء .. بشتاق لكل لحظه كنت أيلس مع أبوي نسولف وأمر عليه وأضحكه .. بشتاق لأميه الي دوم تصبرني على شيماء .. بشتاق حق حمود الي ماله حس الا اذا يبي شي ولسعود الي كل يوم لازم نتزاعل ونقلبها هواش وضحك ولمنصور الي كنت استانس لما اشوفه مع ابوي ، مدري كيف بتكون حياتهم وأنا بعيد ومدري حياتي كيف بتكون بعيده عنهم .. إلتفت تذكرت أن عموه ونوره رتبوا الكبت وحطوا ثيابي وأغراضي ماقصروا .. فتحت الكبت خذيت ثياب بروح أبدل .. دخلت الحمام وانتو بكرامه تسبحت وبدلت عقب لما ظهرت .. رفعت راسي شفت سيف موجود .. كملت طريجي وسرحت شعري وتعدلت خلني اتكشخ واستانس لو ان في داخي شعور بالندم .. كان الجوء هدوء لدرجه أني كنت أخاف اطلع صوت ولا أكفخ شي بالغلط كنت أتحرك بحذر وتوتر في نفس الوقت حتى مآ إلتفت صوبه .. أحاول أشغل عمري بأي شي .. سمعت صوته مدري شو قال بس كأن قال شيء بس إلتفت .. وطالعته بعنى شو قلت ؟ رد علي : يوعان .. !! استغربت ليش هو ماكله شي للحين أنا الحمدلله كليت قبل لآ أروح الصالون بس بعد يوعانه مر وقت وايد وألحين قريب يأذن الفير .. قلت : بتصبر عقب صلآة الفير ؟ سيف : خلآص مب مشكله " عقب رقد وتلحف سمعته قال " تصبحين على خير .. قلت : وإنت من هله .. كنت أريد أرقد بس مافيني نوم تمييت قاعده وبالي مشغول .. لين مآسمعت الأذان أذن .. قمت أتوضآ وبعدها صليت دعيت ربي تمر هالايام على خير .. يلست أدعي وعقبها .. رحت عسب أوعي سيف يصلي بس مدري ماقدرت ظهرت من الحجره .. بيتهم يخوف كآن ظلآم مطفين الليتات بس شي اضائه شوي ، معقوله بعدهم راقدين !! سرت المطبخ تذكرت سيف كان يوعان ونام مسكين .. يلست أفكر شو اسوي له معرف شو يحب ، بطلت الثلاجه وخذيت بيض وجبن .. بسوي له توست جبن .. يلست اسوي الحليب وألسندويج .. عقب طبخت البيض جهزت كل شي وغطيته بروح أبدل ريحتي صارت بيض خخخخ .. تحركت للحجرة شفت سيف مب موجود شكله فالحمام خذيت ثياب ورحت الحمام ثاني ، بدلت وعدل شعري رفعته فوق بربطه ورحت صوب المنظره رسم عيوني بكحل وحطيت روج وردي فاتح ، وبلشر خفيف عسب لآيقولون ماتتكشخ حق ريلهاا خخخخخخ مافيني ، عقب رحت المطبخ .. سمعت صوت كآنت أم سيف : صباح الخير العروس ناشه من وقت ؟؟ رديت : صباح النور هيه .. " ماتدري اني مانمت من الاساس " أم سيف وتلتف على الاكل : ماشاء الله طابخه بعد .. قلت : هيه سيف يوعان .. أم سيف : ليش ماقلتي لي إنتي توج عروس ويالسه تطبخين .. رديت : لآ عادي عموه يستاهل سيف كل خير .. طالعتني بنظره تخوف مدري ليش عقب راحت !!! حطيت ايدي على صدري ليش هالشعور !! سمعت نبضات قلبي تدق بسرعه شو فيني جيه خايفه .. رجعت عند سيف كان يصلي .. طبعا هو يصلي وهو على الكرسي ، يلست أنتظر لين مايخلص ولما خلص .. قال : صباح الخير شو هالقمر الي يظهر الصبح ؟ .. استحيت من كلامه : صباح النور " رحت قريب عنده وقلت " يالله تعال عسب تترق ، وقفت وراه عسب أدز له الكرسي بس هو التفت وقال : ماله داعي بروحي بروح .. وتحرك .. [ عقب لما دخلنا المطبخ ] يلست وحطيت الاكل فالطاوله ويلست بالكرسي الي عنده .. دخلت نوره : صبااااح النووور شخبار العروس ؟؟ رديت : الحمدلله .. عقب حسيت أني غبيه لأني بس طبخت لسيف مب حلوه كآن المفروض اسوي للكل .. نوره وتيلس : يآسلآم سمعت الريوق من ايد العروس .. ابتسمت : السموحه ماطبخت لكم .. نوره : لا عادي بروحي بسوي لي " ووقفت تسوي لها حليب " وأنا همست لسيف : سيف انت اجازه الحين ؟ سيف : هيه .. ابتسمت .. سيف : اونه طابخه بس حقي يعني ..؟ تفشلت : والله مدري ماكنت أدري أن لآزم اسوي حق الكل .. سيف : ماعليج وبعدين إنتي من اليوم وساير همج أنا ومالج خص فيهم .. قالها بطريقه غريبه : زين سيف : شو مب يوعانه ؟ رديت : لآ بس بشرب حليب .. سيف : براحتج وتسلم إيدج .. قلت : ربي يسلمك ، . . . بعد الريوق ، كنت أنا وسيف ونوره يالسين فالصآله .. أم سيف اختفت !!!!!!!! كنت أطالع سيف متوتره .. أخاف اسأله وين أمك ، حسيت أنها مستغربه ويالسه تدور اميه وسألتها : ميثه بلآج ؟ ميثه : ماشي .. وين عموه ؟؟ كنت محتار أقول لها أميه خلآص مابتكون ويانا يمكن إتييه بعدين .. أو أقول لها أميه بروحها تروح وترد محد يدري متى ترجع تميت ساكت .. عقب نوره قالت : أمييه راحد تشوف يدوه .. ميثه وإطالعني : اها زين .. كنت أفكر كيف ميثه بتتقبل تعيش جيه !! وليش غيرت رايها ؟؟ وماسوت الي اتفقنا عليه .. يمكن شعورها بالشفقة .. ! . . . . . [ بيت بو سعود ] .. سعود يالس فالصاله يخلص ريوقه عسب يلحق على الدوام .. وحمود وشيماء بعد يترقون .. شيماء : سعوود ماقلت شرايك نغير فالبيت شوي ؟ قلت مستغرب : كيف يعني ؟ شيماء : ابي اغير أثاث غرفتناا .. قلت: إن شاء الله أول مآ أفضى بكلمج عسب نروح نشتري ونشوف أثآث غيره .. شيماء : زين سعود ليش مانعيش في بيت بروحناا .. طالعتها : شيماء قلت لج ألحينه ما أقدر أظهر وأخلي أميه وحمود وأبوي بروحهم .. شيماء وتضايقت : زين فهمت .. قلت : زين لآتتدلعين وايد ميثه وراحت بعد شو تبين .. شيماء وبعصبيه : لآ والله شو تقصد ؟؟ رديت : ما أقصد شي إنتي وكيفج إفهمي مثل ماتبيين .. شيماء وتوقف : زين ماعلي " وراحت " خخخ شو فيها من الصبح .. " طالعت حمود" : هيه انت اكل وعقب تروح المدرسه زين .. حمود : زين وينهاا ميثه ليش مب موجوده ؟؟ قلت : ميثه خلآص بيت ريلهاا عقب بتيييه .. حمود : زيين ويلس يكمل أكله ، يلست افكر الحين ميثووه شو تسوي في هالوقت تكون تشرب نسكفيه وتطالع تلفزيون !! \ / \ / \ ظهرت من الطبخ ويلست أطالع تلفزيون .. سيف : ليش ماسويتي لي كوفي بعد أنا ..؟؟؟ قلت : ماكنت أدري أنك تبي .. سيف : أمزح معاج مابي مشكوره .. يلست أطالع تلفزيون وسيف ساكت ويطالع معاي .. نوره في حجرتهاا ، سيف : مستانسه ؟ استغربت : ليش هالسؤال ..؟؟؟؟ سيف : يمكن فضول أو يمكن تأنيب ضمير .. قلت : عادي يعني مب مستانسه هذاك الزود .. سيف ويبتسم : زين اتجهزي بعد كم يوم بنسافر .. قلت منصدمه : صجججج !!!!!!!!!!!!!!!! سيف : هيه ليش منصدمه مب من حقج تسافرين وتستانسين مثل أي وحده متزوجه .. ضحكت : ههههه هيه بس مآكنت أدري انك بتوافق .. سيف : ليش لا .. زين خبريني وين خاطرج تروحين ؟ قلت وأنا أفكر : مدري سيف : همممم شو رايج نروح جزر المالديف ولا تبين من دول اوربا ؟؟ قلت : ممممم عادي احس الجزر نايس بحر وجيه .. سيف : اذا في مكان عيبج ولا شي خبريني .. قلت : اوك .. . . . . . [ الظهر بعد الغدآآ ] .. كنت يالسه أنظف الصحون محد في البيت يعني أنا علي كل شي ههه .. حليلي والله شفت نوره دخلت حطت صحنهاا وقالت : غسلي هذا بعدد .. ابتسمت : من عيوني .. نوره : سمعت تبون تساافروون !!! استغربت شو هيه يالسه تراقبنا وتسمع شو نقول رديت : هيه .. نوره بدون نفس : أها زين " عقب ظهرت" بعد ماخلصت رحت الحجره عند سيف .. كنت مضايجه من نوره ليش جيه تعاملني !! سيف : بلآج ميثه ؟ رديت : ماشي .. قال : قالت لج شي نوره ضايقج ؟ رديت : لآ نوره حبوبه .. ما قالت شي يمكن مب قصدهاا .. سيف وضحك ضحكه غريبه : هه مسكينه انتي .. قلت : ليش تقول جيه !!!!!! سيف : مخدوعه بلي حولج هذي الحقيقه عالعموم إذا بخاطرج تمرين صوب أهلج باجر بنروح لهم .. قلت : هييه بروح لهم .. سيف : بالمره تخبرينهم عسب السفره .. رديت : زين \ / لي أشخاص أحبهم كثيرا .. رحيلي عنهم مؤلم ومحزن ، ولكن ما هو الا فراق فالدنيا .. دائما اشكر الله لوجودهم معي ، فمن الجميل أن تدعوا لمن تحب .. وجميل أن تكون راضٍ وتتقبل الواقع .. وإن كان قاسياً في بعض الأحيان !! \ / \ في اليوم الثاني [ بيت بو سعود ] .. بعد مآوصلت البيت نزلت وبركنت سيارتي .. شفت ساره تنزل من سيارة ناصر راحت اسلم عليهم .. وصلت صوبهم كانوا يتكلمون عقب إنتبهوا علي .. قلت : السلآم عليكم " وسلمت على ساره " ناصر : أوووه العروس هنيه .. قلت : خخخ هيه هنيه .. ناصر : ها ميثه خبريني عسى مرتاحهم معاهم .. قلت : الحمدلله .. ناصر : زين ربي يوفقج .. يالله أخليكم بروح عندي كم شغله .. " ركب سياره وراح " تميت أطالع ساره إلي بعدها متغيره علي وقلت : شو بلآج ؟؟ ساره : ماشي "عقب دخلت البيت وأنا لحقتهاا " دخلناا وشفت أميه يالسه بالصاله وسعود وشيماء وحمود .. سلمناا عليهم .. ورحت سلمت على أميه حضنتها وبستها فوق راسها : شحالج اميه ؟؟ أميه استانست يوم شافتني : الحمدلله فديتج .. شخباارج إنتي ؟؟ رديت : الحمدلله .. سعود : هلالالا والله ميثوووه .. قلت وأنا اضحك : أهليين .. سعود ويطالعني : متتتكششخه وجيه حركااات هاا علييناا اتصدقيين توني الاحظظ صابغه شعررج يالحيوانه ما احب البنت الي تصبغ شعرهاا .. "ضربني براسي عالخفيف" ضحكت : ههههههههه توه الناس .. سعود : هييه حق ريلهاا قااصه علييه أونه شعرهاا لونه بني فاتح ولآ هو كان شرات الفحممم قبل .. ضحكت : ههههههههه زين كيفي .. أميه : خلهاا مب حقك حق ريلهاا .. سعود ويبتسم لي : اصلا انتي جميله بدون شي ، أنا تفشلت هذا سعود دوم جيه غيرت السالفه : وين أبوي ؟؟ أميه : توه من شوي رقد .. قلت بحزن : أوووف ليش لو كنت أدري جان ييت من قبل .. سعود : بل يعني مب يايه علشااني ؟؟ ضحكت : ههههههههههه سخييف " شفت شيماء الي راحت هيه وساره فوق حجرتهاا " لهدرجه مايحبون ييلسون معاناا !! عقب يلست .. أميه : ليش ماخليتي ريلج اييه وياج ؟ سعود : هيه والله ؟؟؟ رديت : مدري هو مايبي شكله .. هيه أميه ان شاء الله بعد كم يوم بنساافر .. سعود وبقهرر : تساافروون وأنا ابي اساافر وياج كنت شو هالحظظ .. قلت وأنا اضحك : ههههههه ساافر مع حرمتك .. سعود ويهمس : من صجج انتي والله بتنسيني ام الوناسه .. ضحكت : هههههه زين انك تعرف .. " أميه تحرك راحت المطبخ " سعود ويهمس : تبين الصج شيماء تجبرني أكرههاا .. قلت : حالي من حالك .. سعود : يالله يصير خيير المهم يعني مابنشووفج ؟؟ قلت : برد لكم عقب السفره إن شاء الله .. سعود : زين استانسي واتحملي من روحج ومن ريلج .. رديت : إن شاء الله .. يلست أسولف معاهم وعقب قام حمود شافني وانصدم ييه ويسلم عليه ومستانس .. واميه يلست تسوي سويت وتخبص فالمطبخ مايلست مكانهاا حليلها مستانسه حقي أما ساره ظهرت من البيت وما قالت لي حتى مع السلامه .. تضايجت وايد بس مابينت جدامهم خاصه جدام شيماء مابيها تحس اني مضايجه ، عقب سلمت عليهم ومريت صوب ابوي بسم راسه حليله راقد .. وعقبها ركب سيارتي وقلت لشوق بمر اسلم عليها بس مابدخل داخل عند الباب .. لما وصلت دقيت الجرس ظهر لي حمد .. قلت : السلآم عليكم وينها شوق ؟ حمد : وعليكم السلآم والرحمه .. خخخ ليش تقولينها جيه جنه مب عايبنج الي واقف جدامج .. رديت : قول لشوق ميثه عند الباب تترياج .. حمد : يعني ماتبين تدخلين ؟؟ قلت : لآ بعد ماطردتني من البيت .. حمد ويضحك : هههههه أناا طررردتج!!! قلت : حمد لآتستهبل الحينه .. شكلك نسيت كلامك عني ؟ حمد : هيه نسيت ،ومابستهبل يالعروس ولاتزعلين .. قهرني بس تميت ساكه .. عقب قال : انا حيرني سالفة زواجج .. يعني وافقتي على واحد مايروم يمشي مب غريبه ؟ رديت : ليش يهمك الموضوع ؟ حمد : لآ ليش يهمني .. "عقب دخل" شوي وترجع شوق وفطوم .. شوق ومستاانسه حضتنتي : ميثووووووووووووووووووه .. سلمت عليهاا : هلآ شحاكن ؟؟ عقب سلم على فطوم : قلت بمر أسلم عليكن .. ميثه : نحن بخيير انتي شحالج ؟ عسااج مرتااحه ؟؟ قلت : الحمدلله .. فطوم وميثه : مديم يارب .. قلت لفطوم : شحالج فطوم عساج بخير ؟ فطوم : الحمدلله ، حيااج .. قلت : لآ مستعيله شوي مره ثانيه .. يمكن أسآفر فحبيت أودعكم .. وسلمو على عمي وعموه .. شوق : يوصل حياتي تك كيير .. ابتسمت : إن شاء الله .. شوق : أوك ربي يحفظج .. قلت : يالله عيل السموحه في أمآن الله .. فطوم وشوق : في أمان الكريم .. التفتت وامشي لورا اسوي لهن بااي هههه زيين مادعمت في باب السياره .. \ / \ / رحت عقبها بيت خالوه .. أسلم على مهاا وعنود ، وقفت عند الباب أنتظرر . . عقب ظهرت مها وعنود .. عنود : هلآ والله منووره البييت حيااج يلسي نبي نسوولف ويااج .. قلت : لآ بس حبيت أسلم عليكم بشتاااااق لكم واايد " قلتها وانا أحس بحزن ما احب الفراق ".. مهاا : مسسسسسستعييييله لييييييش إذا تتعايزيين تسوووقين ف الليل أنا بسوق بدالج .. ضحكت : لآ دخييلج استريحي مافيني يصير شي بالسياره .. مها وتضحك : ههههههه عاد تخيلي عاد شوه الصدفه تزوجتي راعي السياره الي دمعتهاا هالمره بندعم يمكن يكون من نصيبي .. ضحكنا انا وعنود على خبالهاا .. عنود : سكتي مهوه دخيلج .. مها : هههههههههه والله صج يبالي أجرب .. ضحكت : ههههههه بس مب بسيارتي .. مها : ههههه أسوولف بلآكم .. عنود وتضحك : هههههه الله يخس ابيلسج .. زين حبيبتي ماعلي مقبوله منج هالمره .. قلت : فديتج هههه .. ماعلي بعد السفره برد لكم إن شاء الله .. مها : ان شاء الله يالله ربي يحفظج .. وسلمي على ريلج قولي الي دعمت سيارتك أمزح أمززححح .. عنود وتضربها بالخفيف : لآتستهبلين هههه .. كنت مستانس وانا اشوفهن يضحكن عقب قلت : يالله في أمان الله .. عنود ومها : الله وياج .. مها : ربي يححفظظج .. " عقب ركبت السياره ارد البيت اكيد سيف مستغرب ليش تأخرت وايد " .. لمآ دخلت البيت .. ماحصلت حد وينهم !! شفت الساعه 11 وشي .. دخلت الحجره .. شفت سيف يالس يقرا كتاب .. قلت : السلآم عليكم .. سيف ويلتفت : وعليكم السلآم ، ليش كل هالتأخير !! رديت : مريت أسلم على البنات .. سيف حسيته شبه معصب : ولو كان المفروض تتصلين على الأقل .. قلت بتوتر : هيه كنت بتصل لك .. سيف : كنت !! وليش ما اتصلتي ؟؟ قلت : ماكنت ادري ان .. كنت بتكلم بس قاطعني وقال : في شي لآزم تعرفييييينه وتحطيينه ببالج .. حسيت بخوف تغير فجأه !!!!!!! .. |
( الصفحة الخآمسة عشر ) التصرف بالهدوء يحمل سرا عميقاً .. خلف كل شخص حقيقه تكشفها الأيام .. الحياة مواقف .. ومن تلك المواقف تعرف لك قيمة الآخرين ، ومن يحبك يستمر معك .. في حين تكشف الأيام حقيقه كثيرين .. . . . سيف حسيته شبه معصب : ولو كان المفروض تتصلين على الأقل .. قلت بتوتر : هيه كنت بتصل لك .. سيف : كنت !! وليش ما اتصلتي ؟؟ قلت : ماكنت ادري ان .. كنت بتكلم بس قاطعني وقال : في شي لآزم تعرفييييينه وتحطيينه ببالج .. حسيت بخوف تغير فجأه !!!!!!! .. سيف حس أني خفت : شو فيج خفتي هه ؟ رديت بتوتر : لآ بس انت معصب مني .. سيف : زين دامج تعرفين أبآج تعرفين ما أحب الحرمه إلي تظهر وتتأخر برع البيت زين ..هزيت راسي بمعنى زين .. سيف : زين يالله أنا برقد ألحين .. قلت : مب يوعان تعشيت .. سيف بعصبيه : لآ برقد إذآ إنتي يوعانه تعرفين وين المطبخ .. "عقب رقد " فصخت عبايتي وبدل ثيابي وعقب سرت المطبخ .. يعتتتتت من الخااطر مع أني كليت وأميه ماقصرت بس بعد يوعانه .. لما دخلت المطبخ فتح الثلآجه وخذيت تفاحه أكلها .. يلست أقطعها وآكل .. سمعت صوت خفت وايد تحرك وقلت : منووو ؟؟ " رجع الصوت مره ثانيه " مدري من وين تميت خايفه .. عقب تحركت ركضض للحجره وسكرت الباب .. يلست اتنفس بصعوبه .. بسم الله شوفيني مجرد صووت مافي شي ميثه هدي .. سيف انتبه لي وطالعني باستغراب !!!! رحت يلست فالشبريه وقلت : ماشي .. سيف : شو الي ماشي !! شو فيج جيه خايفه وحالتج حاله .. قلت وأنا متوتره : س س سيف في صوت برع ؟؟ سيف ويضحك ضحكه غريبه كان وراها شي : أقول ارقدي أحسن .. " كنت خافيه بس رقدت " .. \ / \ / [ بعد يومين يلسنا نجهز أغراضناا عسب السفره ] .. سيف : ميثه لآتنسين شي تأكدي عدل .. قلت : لآ إن شاء الله مابنسى شي بنظهر من الصبح باجر ؟؟؟ سيف : هيه إن شاء الله .. قلت وأنا محتاره : سيف عادي أمر عند أبوي المره الي طافت كان راقد .. سيف : روحي .. إبتسمت : زين ألحين بعد شوي بروح .. يلست أتعدل وعقب لبس عبايتي والشيله وتعطرت .. ويايه بظهر .. سيف : ميثه سلمي عليهم .. قلت : يوصل .. عقبهآ رحت البيت كنت مستانسه .. بحاول أتقبل أني لآزم أكون بعيده عنهم ، بس ألحين ما اقدر خاصه ابوي .. لما وقفت سيارتي شفت سيارة منصور .. نزلت وهو نفس الشي نزل من سيارته إنتبه لي .. قلت : السلآم عليكم .. منصور : وعليكم السلآم ميثه .. "تم ساكت" قلت : أكيد ياي عسب تشوف أبوي .. منصور : هيه انا بدخل بالأول مب حلوه ندخل مع بعض .. "عقب دخل" تغير عن قبل أكيد لأني ألحين تزوجت ، بيكون اسلوبه مختلف معاي .. عقب شوي دخلت أنا رحت اسلم على أميه .. أميه : هلآ بالغاليه حياج اميه .. زين أبووج مب راقد هالمره .. قلت : ههههه هيه زين عيل وين سعوود الغبي ؟؟ سمعت صوته من وراي : منووووو الغبي " ومسكني يحاول يخنقني بايدده " أميه : سعوووود هد البنيه لآيصير فيها شي .. سعود : لآ بالاول تقوول منو الغبي .. كنت أتنفس بصعوبه : ا ا اناا .. سعود : زييين "عقب تركني وباسني فوق راسي" فديت العيووز .. ضحكت : هههههه عيوز حليلي بعدني صغيرونه .. سعود : زين تعالي عيل الوالد بيستانس .. عقب رحت وشفته مع منصور سلمت عليه واستاانس واايد يوم شافني .. بست راسه وايده : هاا ابوي مشتااق حقي أكيد .. سعود : ههههه لآ ما أظني .. أبوي همهم .. قلت : فدييت ابوي أنا مشتاقه لك وايد .. ولآتحاتي بنتك مستانسه .. شفت منصور كان ساكت مايتكلم .. سعود : أبوي ميثه بتسافر ولاتحاتي سيف ريال والنعم فيه وماينخاف على ميثه .. أبوي ابتسم .. حسيت أن إقتنع من كلام سعود بس كلآمه مايقنعني وايد .. سعود ويطالع منصور : منصوور يالله بعد انت تزوج بالمره .. منصور : خخخخ الله كريم ليش مب مستعيل .. سعود : هيه والله ولا اقول خلك لاتعرس .. ضحكت : هههه حرام عليك خله براحته متى مايبي يتزوج يتزوج .. عقب ظهروا منصور وسعود ، كنت أبي أسأل منصور كيف علآقته مع خوانه .. بس ظهروا .. . . بين الضحكات حكاية مؤلمة .. نرسم إبتسامة من أجل من نحب .. شعور بالرضى رغم الأسى .. تحمل الكلام والكتمان ، ولكن إلي متى ؟؟؟ . . . وتميت أنا وأبوي يلست أسولف معاه ومابينت له أي شي حسسته أني مستاانسه وسعيده في حياتي اليديده ، ومر الوقت شفت الوقت خفت مابي أتأخر أكثر من جيه سلمت على الكل .. وظهرت أرجع البيت قبل لآ أتأخر .. ماحسيت في الوقت لمآ وصلت صارت الساعه 10 بالضبط .. نزلت بسرعه ودخلت البيت سكرت الباب شفت نوره قاعده .. سلمت عليها : السلآم عليكم .. نوره : وعليكم السلآم ورحمة الله .. قلت : سيف موجود ؟؟ نوره باسلوب غريب كأنها تعاتبني : توه الناس .. هيه داخل .. تحركت بروح الحجره ان شاء الله مب معصب ، سلمت : السلام عليكم .. سيف : وعليكم السلآم .. تميت انتظر أي كلمه منه .. بس تم ساكت فصخت العبايه والشيله ، عقب رحت المطبخ اسوي عشاا .. يلست أفكر شو اسوي .. عقب قلت بسوي لهم بآستاا بالجبن .. يلست أعابل واسوي وتأخرت وايد ههه عفست مطبخهم وعقبها يلست أنظف وخليت الباستا ينطبخ ، عقب يوم اسوى بندت الفرم ورحت .. اخذ شور وابدل ثيابي ، ظهرت واستشور شعري عن الماي وتعدلت عالخفيف .. سيف كان متلحف ونايم ، عقب ماخلصت سرت المطبخ وسويت سلطه .. وجهزت كل شي .. رحت بالاول اشوف نوره .. دقيت الباب : نوره ؟؟ نوره وتفتح الباب : هلآ ميثه محتايه شي ؟ قلت : لآ بس تعالي تعشي .. "ابتسمت" نوره : اوك شوي ونازله .. سرت عقب أشوف سيف احساسي يقول أنه مب راقد .. دخلت ورحت صوبه : سيف ؟ .. سيف سيف : هلآ ميثه في شي ؟ رديت : هيه يالله تعال تعشى .. سيف ويعدل يلسته : ممم زين شرايج اتعشى هنيه مب لآزم اروح المطبخ .. قلت : أوك مب مشكله .. عقب ظهرت شفت نوره : ماشاء الله شو هالريحة الغاويه .. رديت : حياج ، نوره : تسلم ايدج فديتج .. ماتقصرين والله تعبنااج وايد .. قلت : لآ عادي ولا يهمج بالعافيه علييج .. عقب حطيت لسيف وحقي وشليت الصينيه .. نوره : وين ؟ قلت : سيف يبي ياكل فالحجره .. نوره : هه زين ماعليه بالعافيه صاير ياهل اشوف .. "قالتها بطريقة غريبه كأنها تتطنز أو شي" ما اهتميت وايد رديت لسيف كان يالس وحطيت الصينيه .. سيف ويطالعني : تسلم ايدج .. قلت : ربي يسلمك بالعافيه .. عقب هو خذا له شوكه وأنا بعد سيف يطالعني بنص عين : بتاكلين وياي ؟ قلت : لييش تراني حطيت لك ولي ؟؟؟ سيف : لآ عيل اكلي بروحد .. "سكت شوي عقب قال " أسولف وياج بالعافيه.. عقب يلسنا ناكل .. وبعدها ظهرت انا عسب اغسل المواعين والعفسه الي فالمطبخ يلست أنظف تعبت من الخاطر .. بعدها سمت الصوت مره ثانيه خفت شو السالفه يخوفي من الكهرباا هالصوت ولا شي نحترق ههه لابديت اتخيل وايد لما ضحكت زاد الصوت تحركت أدور عن الي يطلع الصوت : منوو ؟؟ محد فالبيت غيري انا وسيف ونوره .. نوره في غرفتها وسيف نفس الشي من وين هالصوت .. كنت أبي أظهر من المطبخ بس خفت شوي .. يسلت أقرا قرآن .. الصوت بعده موجود ظهرت من المطبخ ركض للحجره وسكرت الباب .. رحت يلست على الشبريه وتلحفت من الخوف .. حسيت فيها كأنها خايفه مره ثانيه ..!! التفت وقلت : ميثه بلآج ؟ ميثه : س سيف و والله في صوت برع .. قلت : تعوذي من الشيطان شكلج من الزود السهر تعبانه .. ارقدي باجر ورانا سفره بتتعبين زياده عقب .. ميثه وبعدها خايفه : سيف روح شوف شو هالصوت .. قلت : عقب الحين انتي ارقدي ولاتحاتين .. زيين ؟ ميثه : اوك .. ضحكت هذي نوره تسوي جيه .. مب غريبه والله تخوف ميثه اكثيد تغار منهاا .. برمسها عقب حركات يهال مابي .. وبتفاهم معاها يمكن لأني بسافر وبتم بروحهاا عسب جيه ، نوره متى تترك هالغيره والحقد الي بداخلها ما ألومها كلنا جيه في هالبيت .. طالعت ميثه صاده ويها الصوب الثاني كأنت تقرا قران بصوت شبه مسموع .. يلست اسمعها عقبها ماحسيت بعمري رقدت .. \ / \ / \ (( في اليوم الثاني )) ، بطلت عيوني شفتها يالسه وحاطه طاولة عليها الريوق هه .. ميثه : يالله سييييييف بنتأخرر قوم .. قلت : زين زين .. سمعت صوت فون يرن .. ميثه : منووو متصل ألحين .. " شافت الفون بس ماردت" قلت بإستغراب : منو ؟؟ ميثه : هاا محد .. يالله أنآ بكون في الصاله .. " وظهرت " . . ظهرت الصاله ورديت على فوني .. قلت : ألوو هلآ شحاالج أمووون ؟؟ آمون : أهلييييييين وسهليييييين .. وصبآآح الخيرووو .. قلت : صبآح النور حياتي .. شخبارج ؟ عساج بخير .. آمون : تمااام الحمدلله خبريني بتسافرون اليوم .. ليش ما مريتي صووبي .. عسب أسلم عليج دبه .. ضحكت : ههههههه دبه إنتي .. والله كان خاطري أمر صوبكم بس شو أسوي ماشي وقت أبد .. أمون : ههههه ماعلي عاادي المهيييم تك كيير واستانسي وصوري وايد .. رديت : إن شاء الله .. سلمي على الكل .. أمون : يوصل فديتج .. يالله في أمآن الله .. قلت : الله وياج "وسكرت" عقب رحت أكوي عبايتي والشيله .. وكويت بعد كندورة ثيآب سيف وغترته وحطيتها على السرير .. كنت أفكر سيف ان شاء الله يرجع يمشي مقدر أكمل حياتي معاه جيه .. ومايهون علي اشوفه جيه يعاني ، بس احساسي يقول شي امل دامه يقدر يرفع عمره ويتحرك .. برمسه عسب يكمل علاجه ولا يوقف .. بعد ماتجهزت يبت البخور وبخرت عبايتي عقب لبستهآ ، مابالغت في الميك اب شي خفييييف وأصلا بكون متغشيه .. ظهرت أشرب ماي .. وشفت نوره إلي كانت ابد مب مبتسمه كأنها معصبه او شي .. رحت ابي اسلم عليها .. بس هيه تحركت وراحت حجرتهآ !! رجعت عند سيف كان نوره تغيرت علي فجأه ؟ أحسها حاقده علي .. قلت : سيف .. مآشي رد ؟؟ قلت : سسيف ؟؟؟ .. مآرد " كأن مسوي طاف حقي " .. شوفيهم اليوم شليت الشنط بروحي وظهرت .. بعدها حطيت الشنط فالسياره ، حسيت ظهري انكسر خييييبه ثقييله كيف قدرت أحطهم ، رجعت داخل شليت سويج السياره ونظارتي وظهرت .. ركبت السياره وشغلتهاا لبست النظآره عن الشمس .. شويه وظهر سيف .. كآن معاه الدريول ساعده عسب يركب .. وبعدها سكر الباب ، إبتسمت له بس هو أبد مب معبرني .. قلت : سيف نوره مضياجه ماسلمت عليها .. رد علي بعصبيه : مب لآزم يالله سرنآآ .. عقبهاا يلست اسوق وطول الطريج سيف ساكت ، !! \ / \ / \ [ بيت بو عبدلله ] .. في الصاله .. كآنوا ناصر وأحمد وأبوهم وساره يالسين .. وعبدلله ، عبدلله : اووووووووووووهووووووو اميييه ويينهااا !! ناصر : في المطبخ يالسه تسوي الغداا .. عبدلله : من الحيين .. أحمد : بوو زيوود تعاال انت ما تباناا نشوف زيود ولدك خاايف عليه ؟؟ عبدلله ويضحك : هههه ولدي حبيبي راقد ألحين المره اليايه فديتكم .. ناصر : خخخخ مالت عليك وعليه .. عبدلله ويتكلم شرات اليهال : إنت تغاار مني صح سوسو .. سآره طاف .. عبدلله : سوسو شفييج جعلانه .. أحمد ويضحك : ههههههههههههههه جعلانه عبدلله : ثبببببب ههههههههههه اسولف صج ساروه بلآج جيه ساكته لا حس ولا شي ؟ ناصر ويهمس : أقولكم إختي فيها حآلآت نفسيه محد صدقني .. ساره : جب زييييييين تتحراني ما اسمع ؟؟؟ .. عبدلله ويروح ييلس عندهاا ويطفرهاا : سوسو كله ولآزعلج قولي شوفيج ..؟؟؟؟؟؟؟؟؟ ساره وطالعه بنظره من الخوف تحرك من مكانه ووقف : خواني الاعزاء سوسو الآن في حاله حرجه الرجاء عدم الاقتراب هههههه .. الكل يلس يضحك عليه .. ناصر : هههههههه أنا أدري بلآهاا .. عبدلله : شو صاير بعد ؟؟ نآصر : مضايجه من ميثه يمكن ؟؟ "وإلتفتوا كلهم يطآلعونها" ساره هنيه عصبت وقالت : ماايخصصصصصصكم فااهمييين .. "وعقب تحركت راحت حجرتهاا" عبدلله : خخخخ أقول ماعلي دلع بنات .. إنزين يالله شباب ناويين نروح البرر شوي ونغير جو حياكم .. ناصر وأحمد : أوكك .. عبدلله : أبوووي باخذ احمد وناصر ويااي .. بو عبدلله : زين تحملو من روحكم .. عبدلله : يالله عيااالي الشطااااارر اناا الي بسووق .. أمآ ساره قفلت على عمرها الحجره ، الواااقع كان شعورهاا بين الندم وبين الخووف بس من شو ؟؟ .. \ / \ عندما يصيبك سهم لآتتوقعه قد يكون مؤلم .. ولكن أشد الألم عندما ترى من هو صاحبه .. فيصدمك بأنه شخص لم تتوقع ان يفعل ذلك بك .. الحقيقة المؤلمة مؤلمة جدا .. أشبه بسهم قاتل يقتل سمه ببطء .. أمور تحدث دون أن ندرك .. ! مواقف كثيره .. ! وربما مجرد بداية لرحلة شاقه .. لكن إلي متى ؟ / \ (( لما وصلناا الفندق )) كنت حاسه بشعور مايطمن أبدد .. سيف طول السفره سااكت .. أريد أسأله أخااف .. دخلناا الغرفه ، وخذيت شور وعقب ظهرت .. شفت سيف يالس إستغربت شو صاير معاه ؟؟ رحت صوبه وقلت : سيف شو بلآك تعبان من السفر ؟ سيف ويطالعني بنظره أول مره اشوفه جيه .. شكيت في عمري يمكن سويت شي غلط أو سؤالي غلط!!!!! تحركت وطلعت له ثيابه عسب اساعده بس هو صرخ علي : مب محتااج مسااعدتج .. يلست افكرر مب على اساس نغير جوو .. مر الوقت .. تذكر يوم كنت في تايلند كان نفس الشعور تقريباً القلق .. الملل .. الخوف .. تذكرت بفتح الموضوع مع سيف عن العلآج .. لما رد الغرفه قلت له : سييف مابتكمل علآجك ؟؟؟ سيف التفت لي : مااايخصج ميثه هالموضوع بالذات لآتطرينه فااااهمه ؟؟؟؟؟؟؟.. قلت بإستغراب واستعيلت فالرمسة ويليتني ما استعيلت : شووو يعنيييي طووول عمرك بتم جييييه !!!!! سيف وإنصدم من كلامي وقالها بطريقه تخوف : شووو تقصديين ؟؟؟؟؟؟؟؟؟ رديت: ما اقصد شي .. سيف بعصبيه : لآا قووولي شو تقصدييين ؟؟؟ قصصدج أني عااجز صحح ؟؟..قصدج أنج خلآص ماتبين تعيشين معاي لأني ما اقدر اعيش مثل باقي النااس ؟؟ .. كلامه يستفز بس سكت .. سيف : لييش سااكته قوولي خاايفه من شي ولا خاايفه مني ؟؟ قلت : لييش اخاااف منك ؟؟ سيف : اهاااا زيين يعني خلآص بينتي على حقيقتج ومسويه عمرج المسكينه إلي تعابل ريلهاا عسب أبين أنا جدام الناس ظالمنج وإنتي الضحيه صح ؟ كنت ساكت وايد بس علشان ماتصير مشاكل .. تميت ماسكه عمري أكرره شي في حياتي لما حد يقول عني منافقه : إنت ماتعرفني عسب تحكم علي .. سيف ويتطنز : لآزم أعرفج ؟؟؟؟ تحاوليين تبينين جدام أميه ونوره أنج طيبه بس ماتقدرين تقنعيني بهالشيء.. مع الأسف يا ميثه ماقدرتي تخدعيني .. لأني أدري شو نواياج أدري ليش وافقتي علي ماتحبين تبينين جادم أهلج أنج انسانه قاسيه وماتهمها مشاعر غيرها صح ، بالرغمم انج كنتي رافضه من البدايه ؟؟ لحظها مب مصدقه الي الكلام الي اسمه عيل ليش ماقال هالكلام من قبل الحين .. يوم سافرناا قال هالكلام ؟؟ سيف : شو منصدمه ؟؟ هه قلتج انج مسكينه .. على فكره تدرين منو الي كلم نوره عسب تطلب مني أخطبج ؟ كنت احس خاطري اذبحه كل هالفتره كان بريء والمسكين وكله خررررط .. سيف يستفزني زياده : تبين تعرفين ولا لا ؟؟ قلت بعصبيه : قوول لآتخلي شي قول طلع الي عندك يالمناااااااااااااافق اذا حد فينا مناااااااافق بتكوون انتت .. سيف ويبتسم على طرف : بنت عمج .. انصدمت بنتتت عمييييييييي !!!!!!!!!!! لاا مستحيل مستحييييييييييل تكون الي في بالي ؟؟ قلت بعصبيه : منووووووووووو تقصصد ؟؟؟؟؟؟؟؟؟؟؟؟؟؟؟؟؟؟؟ سيف : يعني اونج ماتعرفيين بنت عمج الي كانت وياج في تايلند .. هيه الي طلبت من نوره تكلمني فالموضوع سااااره .. انصدمت س س سااااره !!!!!!!!!!! سيف بإستفزاز : حاقده علييج لهدرجه ؟؟ تدري ان حياتج بتكون تعيسه معاي بس ليش تسوي جيه ؟؟ قولي بيني حقيقتج .. ضحك وسوالف ونفاق بسج تمثييييييييل .. مسكت دموعي مستحيل انا شو سويت لهاا عسب تسوي فيني جيه صحيييييح تغيررررت بس مب معنااته انهاا تسوي جيه !! سيف يكمل كلآمه كان يطعني بكلامه : شو كلامي يديد علييج ؟؟ تبين الصج " عقب قالها بطريقه خلتني أكره اليوم الي ظهرت من بيت ابوي " استغليت هالشيء أنآ مب خسران شيء بالعكس استانس لما أشوفج جيه .. قلت وانا شوي بصيح : إنت حيوااان تعرررف هالشي لأنك ماتستااهل اني اوافق علييك ولا منوو بتوافق على واحد عااجززززززز تفهم شوو يعني اناااا الغبييييه وندماااااانه مليووووون مرره على هالشيء .. سيف ويضحك بوقاحه : هيه طلعي الي بقلبج قوولي ليش تخدعيني وتخدعين الي حولج وتبينين مايهمج ومسويه عمرج الطيبه الي وافقت على انسان عاجز بس علشان تبين انها مسكينه ومظلومه أي وحده مثللج ماتقبل واحد مثلي ، أي وحده مثللج مايهمهاا شي غير نفسهاا هذا الصج ومآ قلت شي من عندي .. قلت بعصبيه : أناا مب طيييبه ومببببب مسكيييييينه المسكيين اننننت وهيه صحح أنا سويت هالشي عسب أتجنب الكلآم وعلى فكررره مابتمممم لحظه هنيييه .. طالعني بنظره وأشر على الباب الغرفه : نسيتي نحن وين ؟؟ كيف نسيت ان نحن ف الفندق حسيت بشعور قااتل حساافه .. سيف ويكمل : نوره الي تتحريناا تحبج ترا هذاا كله جذذذذب بجذذذذذب هه كل همهاا انج اتيين وتشغليين الفراغ والملل الي تعيششه فالمقاابل تستغلج شراااااات الخدامه لأنج ببساطه غبيه وقدرت تستغل هالشي .. لا مستحيييييل : انت جذاااب ما اصدددقكك نووره مب جيييه نوره احسسن عنككك .. سيف بغرور : مب انتييي الي كنتي مستغربه من نووره الفتره الاخيره ؟؟ "كنت أتذكر إسلوب نوره كان غييير وايد غييير ".. سيف : تذكريي كييف كانت تعااملج .. ولآ أذكرررج ؟؟؟ كنت اطاللعه معقوووله وااحد مثل سييف يحطمني جيه بسووله بكلآمه .. وقفت وقلت بعصبيه : صدقنييييييي لآ انتتت ولا اختتتتتك ولآ ساااره تهمووووني .. سيف وابتسم ابتساامة نصرر .. فهمت قصده ، تحركت ودخل الحمام وإنتوا بكرامه سكرت الباب بقوو ... يلست اصييييييح مستحييل اتمم هنييه مستحييل اريد ارججع البييت .. مسحت دمووعي ليش انكسر جداامه وابين له ان كلامه أثرر فيني ، تنفست بعمق وعقب دقاايقق ظهررت .. شفته يطالعني رحت لبس عبايتي وشليت الشيله .. كان يطالعني بس تجاهلت وجوده كأنه مب موجود .. قال بعصبيه : وييييين إن شاء الله .؟؟؟؟ سويت له طااف شو يعني بيلحقققني ماايقدددرر .. ظهرت من الفندقق أدري تهور وأني في جزيره يعني مافي امل اني اطللع منهاا .. كنتت امشي وأطالع الناااس كلن مشغوول ويضحكوون وانا مكتووب لي ما استانس هنيه .. الكل مستاانس ويضحك الا اناا كنت احسسسس بحززن عميييق بقلبي كاانت مشاعري تتلاشى .. هذا على اساس بنساافر وبنغير جوو لو كنت أدري أن الموضوع جيه الله يسااامح الي كاان السبب .. لو مااظهررت من الأسااااس مببببب كااااان احسن لي .. كنت كل شوي التفت مدري اخااف سيف يحلقني بس ما اتوقع هالشي منه .. نظراته حقييره كلآم ، مااتوووقققققت ابببددد ان حقيقه جيه ، كنت افكررره احسن من جييه .. ونووره هذي آخرة ضحكهااا وسواالفهااا .. كيييف مافكررت من هالنااحيه !!!!!!!!!!!!!! إنخدددعت شراات الغبيه من حقه يقول اني غبيه .. أخرتهاا طلعت لعبة راسمينهاا علي وانا ما اردي ، تأخرر الوقت يلست على واحد من الكراااسي صوب البحرر .. يلست أذكرر موقف جدييم \ / \ | / \ / \ كنت أضحك حزتها ومستانسه وايد كلنآ يالسيين وسوالف وضحك .. سآره : ههههههههههه لآ والله .. أنآ : ههههههه أصلا والله تبوون الصجج ساروه اعزهاا اكثرر عنكمم .. سآره وتحضني : فديييييتج والله وأناا بعدددددد .. نآصر ويتطنزز : ماالتتت علييج وعلييهاا .. أبوي ويطالع ناصر بنظره خلته يخااف : شوو قللت نصووور عيد رمستكك .. ناصر : اقصدد اسحب كلآمي كلآ ولا عمي ههههه ، ضحكنآ علييه .. سعود : أصلاا ميثوووه تحبني أكثرر من الكل حتى أكثر عن أبوي .. قلت : خررررررررررررط ماحبك انت بالذاات .. أبوي وضحك علينآ : هههههههه ألحين شوفيكم الشيطآن داخل بينكم خلآص سكروا السالفه .. \ / \ كنت دووم أبين جدام الكل أني أعز وأحب ساره واايد .. والحين عرففت انهااا ماتستاااهل هالمحححبه الله يسااامحج طول هالفتره حااقده علي .. وقدرررت وحده مثل شيمااء تغيرررتهااا بسهوووله .. الله يساامحج ساره توقعتها من الكل الي انتي .. لو كنت أدري ان هالزواج جيه بيكوون كنت مابوافق ولآ سيف يهيني جييه .. يلست أدور فووني نسسييت فوووني ياااااااااااربي ليش جيه صاار.. لييش وااافقت على سييف .. !!!!! شو بيغيررررر كلامي الحييييين خلاص مقددر اسوي شي كنت كل شوي احاول انسى مقدرر انا لآزم اخليي سييف يرجعناا الامارات ما اريد اتم هنيييييه .. كل ما اتذكرر احس بصييح احس في شي بدااخلي تحطممم .. تمييت برع الفندق كنت احس بوحده بخووف كنت لحظتهاا ما اعرف بشو افكر كان مثل الصدمات الي يالسه اتقبلهاا كيف بيخلصص هالكاابووس كييف !!!! انا مب ضعيفه لهدرجه .. بس لو تمييت اكثر برع موت من اليوع والبرد .. بس مابررجعع الفندق .. تميت أتجاهل نظرات النااس ومر الوقت .. كنت اطالع الوقت دخلنا نص الليل، سمعت صوت من وراي كاانت حرمه غريييبه تكلكم لغه مب مفهوومه .. تحركت من مكاني .. شوو تبي هذي !!! يلست امشي ابتعد عنهاا .. ماحسييت بعمري رجعت الفنددق تميت واقفه جدام الباب .. مابي ادخل بعد الي صااررر ..! وحسااابي عقب معااهم .. ومابي اسمع شي زياااااده سييف انسااان حقووود انآآآني مااايستاهلل حد يسوي خييرر .. ماايهمني شووو صااار برجعع وبخلييهم يعرفوون منوو ميثه وبخليهم يندموون ، . . . بلحظه دون أن تستعد تكشف الدنيا بأمور تحطمك .. تكون مثل قطعة شطرنج في يد الآخرين دون أن تدرك .. فتقع في نفق مجهول ، بين من أحبك فطعنك وبين من يكرهك فضحك عليك .. ربما هنالك أمور أخرى لم تظهر بعد !!!! فكانت بداية لنهاية .. . . . . فتحت الباب حصلتها واقفه عند الباب إبتسمت استفزها : شوو أشوفج واقفه عند الباب ..؟؟ طالعتني وقالت : كسرت خاطري تعرف شو يعني كسر خاطري عسب جيه وافقت عليك .. ولآ أنا ما اريييد اتزوج كنت ارييد اكمل ادرس واشتتغلل .. عصبت من رمستهاا : محددد يكسر الخااطر غييييييييرج .. أنا ما انتظرررر شفقه مننننننج ولا من غيييييرج .. أنااا الحمدددلله عشت حيياااتي كلهاا رغمم كل شي بدووون ما احتااج حدد ولاتفكريين اني محتااج لج بششيي ، ميثه : باااجرر بنررد وإذاا مااتبي بررررررد برروحيي .. ضحكت : على فكررره مب انتي الي تتآمريين علي هه تبيني اطلقج وانهي الموضوع أسرع جيه ؟؟؟.. ميثه : غصصصصصبن عنننك .. ضحكت : ههه تحلميين تعرفييييييين شو يعني تحلميين .. ميثه بجديييه وبغروور: هيه بالضبط غصبن عنك ماتطلقنيييييي .. انصدددمت !!!!!!!!!!!! كيف يعني كل هذا وبعد ماتبي تتطلق ؟: هاا تبين تكمليين الفلم مالج ؟؟ جدام اهلي وأهلج ؟؟صج أنج إنساانه .. قاطعت علي الرمسه : مب علشااانككك ولا علشااااني ابي هالشي بس ماابي كلام زيااده .. كنت أطالعهاا انساانه مايهمهاا حدد الا نفسهاا هذي حقيقتج ميثه .. \ / \ / \ [ بيت بو سعود ] .. شيماء : سعووود لييش ساااكت قووول ؟؟؟ عصبت زياده تعبببت منهاا ومن أسإلتهاا : شمياااااااء مب متفيييج حقج لو سمحتي خليني بحاالي .. شيمااء : لأنك جباااااان .. كان خاطري اعطيها طراق بس مسكت عمري رصييت على اسناني : شيماء سكتتتتي احسن لجججج .. شيماء : أدري كللل شيييييي لآتتحرااني مب فااهمه أدري لييش تزوجتني .. بس مب معنااته أني خلآص بتم جيه مسويه عمري مب فااهمه .. تأففت : كررررهجج خلاص سكتي لآ أعصب علييج .. شيماء وبعناااد : لماا رفضضتكك سااره كنت تدري ان السبب مييثه ؟؟؟ إنصدمت كييف عرفت !!!! منو الي خبرهاا : شي انتهى من زماان من زمااااااااان فهمتي ولا لا ؟؟ .. شيماء : والسبب أنهاا كاانت ماتبي تخلي ساره الي تحبها تعيش مع وااحد مثلللك .. ماحسيت بعمري الا وانا اعطيها طراق من القهررر : جببببب مالج خص بلي صار بيناا الموضووع انتهى لآتفتحيين الساالفه مره ثااانيه فااهمه !!!!!.. شيماء وبعدهاا ترمس والدموع في عيونها كيف تتجرأ : لآ مابسككككت قوول لييش ..؟؟؟؟؟ قلت بعصبيه : شميااااء قلت لللللج سكتي مابي اسمعع صووتج فاهمه اوووف .. وظهرت من الحجره .. محد خبرهاا غير ساره أكييد ولآ هيه عرفت هالشي !!! أنا الغبيي الي تزوجتهاا ماجذببت مييثه يوم قاالت مب مطمنه لهاا ، \ / \ / [ في بيت بو حمد ] ، كانت شوق يالسه بالصاله مع فطوم وحمد كالعاده .. شوق : فطووووووم أبآآج في موضوع ؟؟ فطوم : عقب شوق مب الحين يالسه اسوي شي .. حمد ويهمس لشوق : هذي إختج مدري شو بلآها ماتسوي لحد ساالفه .. شوق : خخخخخخخ اسكت لآتسمعك .. حمد : أقوولج شووق انتي إختي الذكيييه صح .. شوق وتطالعه بنظره : قول شو عندك بدون مقدمآات ومدح لو سمحت .. حمد ويضحك : هههههه تعجبيني تفهمين بسرعه زين أريد اعرف شو الي تعرفينه من سالفة زواج ميثه .. شوق وبحيره : ممممم شو الي تبي تعرفه بالضبط ؟؟.. حمد ويفكر : أريد أفهم ليش وافقت على الي اسمه سيف شو السبب ؟؟ شوق ضحكت : هههههههههه حمد ورافع حايبه : شو الي يضحك ألحين ؟؟ شوق وتتطنز : في حد غييركك يعني شو تبي بالبنت خلاص تزوجت وانتهى الموضوع مب مهم شو السبب .. حمد ويحاول يخليها ترمس : قولي أنج ماتعرفين ..؟؟ شوق : لآ أعرف بس لآتحاول مابقول لك أي شي من الي اعرفه ، فطوم وتقاطهم : شو فيكم تتسآسرون ؟؟ حمد وشوق : مااااااشي .. فطوم شلت لآبها وراحت حجرتهاا ، حمد ويطالع شوق بإستغراب : شووووو زعلت ألحيين ؟؟ شوق : ههههههه مدري عالعموم بروح أرمسهاا في الموضوع ، حمد : خبريني عقب شو يصير "عقب غمر" شوق : أوكيييييي ، عقب تحركت وسارت عند فطوم ، ولما دخلت حجرتهاااا |
| الساعة الآن 11:24 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir