منتدى استراحات زايد - ●●{{ والنفس من ذا الصبر تجني ثمرها .. بقلم : آشجان }}●●

البارت الـ 4 ..

رد : آلو
مريم : هلا ماجد شخبارك حبيبي ؟
ماجد و تقول حبيبي بعد افف : الحمدالله بخير وانتي اشلونج ؟
مريم : بخير بسماع صوتك
ماجد : دووم
مريم : وياك
و بعدين تمو يسولفون
مريم : انزين ماجد بقولك شي
ماجد الله يستر : وشو ..؟
مريم : ماجد احنا تمينا انحب بعض تقريباً سنتين
و الحين انا بخلص المدرسة بعد شهرين .. واخاف … ( ماجد عرف مقصدها و قاطعها )
ماجد : حبيبتي .. انا ماخلصت دراسه و انتي ادرى بالظروف
مريم : اخاف ايي حد يخطبني واروح عنك .. و انا مابي هالشي اخاف والله اخاف
ماجد آآخ وهقه : لا تخافين ماراح اخلي حد يقرب صوبج
مريم : صج والله ؟؟
ماجد و يات في باله فكره جهنميه : أي لا تخافين حبيبتي
مريم استانست : اوكييه يلا مابي اطول علييك مع السلامة
ماجد : مع السلامة

ماجد كان حاط على السبيكر و كانو اثنين من ربعه يسمعون المحادثه << عيين النذاله
حمد : ههههههههه والله هاي ميته فيييك
ماجد : هههه اكيييد و غصبن عنها بعد
أي صح هي قالت لي اني ماخلي حد يقرب صوبها صح ؟؟
عندي فكره خطييره .. وقال لهم الخطه
فيصل : حرام عليك لا تسوي جذي في البنت تراها تحبك
ماجد : لا والله ؟؟ محد قال لها تطلب هالطلب
فيصل : خاف ربك مادام انك ماترضى على خواتك ليش ترضى على بنات الناس ؟؟
ماجد : اقووولك خواتي ماعندهم هالسوالف و لا الخرابيط و انا افتشهم اول بأول
فيصل : شووف مجوود انا بروح البيت الكلام معاك ضايع
ماجد : احسن ويكون افضل .. عطنا مقفاك
فيصل عطا ماجد نظرة و ركب سيارته وراح البيت
فيصل كان رجال طيب و يعرف الأصول ماعنده سوالف المغازل و البنات

حمد : ياخي يلا يلا متى بتنفذ الخطه ؟؟
ماجد : اممم لازم اتفق وياها قبل
حمد : انزين .. اشرايك تاخذها من المدرسة ؟؟
ماجد : والله فكره .. بس بترضى ؟؟
حمد : إذا كانت تحبك صج بترضى
ماجد : اوكييه بجرب اتصل لها الحيين
حمد : يلا
خذ ماجد الجوال و اتصل لها
و اول ماشافت مريم الجوال فز قلبها

البندري : قووولي والله !!
فجوور : ههههه والله اشفيييج
البندري: خاااااايسه والله صرقعتيني
شجون : اصلا احنا نبي نصرقعج هههههههههه
و الكل ضحك عشان تذكرو الموقف
البندري: حمييييييييير
ظبوي : هههههه كنا بنسويها حق احلامووه حقيقتا
احلام : شنوووووووووووو ؟؟؟
شجون : بس مارديتي علينا ههههههههه
احلام : هههههههههههه و البندري راحت فيها مسكييينه هههههه
البندري عصبت وراحت عنهم
و تمو يضحكون عليها

مريم : هلا
ماجد : اهليين .. مريوومي حبيبتي طلبتج
مريم : آآمر ..؟
ماجد : انتي اتحبيني صح ؟
مريم : امووت فييك
ماجد : انزين وانا اكثر
مريم : شنهو طلبك ؟؟
ماجد : انا بايي اخطبج الاسبوع الياي
مريم اهني ماااتتتت ماصدقت : قوووووول والله !!
ماجد : بتوافقين ؟
مريم : اكييييد
ماجد : انزين انا حجزت شقه وابيج اتشوفينها عشان آخذ رايج
مريم : لا ماقدر مااقدر
ماجد : تكفيين آخاف ماتعجبج و بعدين اخطبج و ماتعجبج ؟؟
لازم اراويج اياها قبل لا احجزها
مريم بعد تفكير .. : انزين خلاص بس اشلوون ؟
ماجد : شوفي انا بايي على الساعة 10 مدرستج وباخذج منها , ماراح نتأخر
مريم : انزين انشووف
ماجد : اوكيه حبيبتي مع السلامة
مريم : ويين تو الناس ؟؟
ماجد : مشغول اشوي بكلمج بعدين
مريم : على راحتك .. مع السلامة
ماجد : ربي يحفظج
سكرت من ماجد و قعدت تسأل عمرها .. اللي اسويه غلط ؟؟

خليفة : انزيين علوي الحين شسوي ؟؟
علاوي : اممم مادري اللي تشوفه
ولا اقوولك خل امك تخبط لك اياها
خليفه : توها صغيرة وانا بعد ماخلصت جامعه
علاوي : املج عليها بس و خل العرس بعدين عشان اشظمنك انها ماراح تروح حق غيرك ؟؟
خليفه : أي صج .. بس مب الحيين لازم اعرف إذا البنت تبيني ولا لا اخاف استعيل .. و افترض البنت طلعت تحب ؟؟
علاوي : اممم يمكن و يمكن لا .. استفسر من اختك
خليفه : أي والله يبيله .. انزين اقوولك اشرايك انروح الستي ؟؟
علاوي : اوكيي فكره حلوه وخصوصاً ان ماعندنا شغله هالأيام
خليفه : يلا بمر علييك الحين
علاوي : اوكيه انتظرك

شجوون في غرفتها قاعده اتحل واجباتها
شجون وهي تحاول تحل واجب الرياضيات
شجون : يوووه هاي السؤال معقد بتصل حق ظبوي خلها تفهمني
و خذت التلفون و اتصلت
….. : آلوو
شجون بخوف : السلام عليكم
……..: وعليكم السلام , من معاي ؟
شجون : موجوده ظبيه ؟
……: أي موجوده بس من اقولها ؟
شجون : رفيجتها
……: انزين بس من ؟؟
شجون تكلم نفسها افف شيبي هذاا : شجووون
اهني فز قلب خليفه كان بيكلمها بس مسك عمره
خليفه : لحظة بناديها
خليفه وهو يصارخ : ظبيووووه ظبيووه تعاالييي تلفووون
ظبيه : من ؟؟
خليفه هاج التلفوون وبتعرفين
ظبية : آلو
شجوون : هلا
ظبيه : وي هاي انتي .. شخبارج ؟
شجون : تمام وانتي ؟
ظبية تكلم خليفه : اشتبي ؟؟ رووح
شجون : من تكلمين ؟
ظبية : اخوي .. واقف مادري شيبي
شجوون : شكلج مشغووله .. بسكر
ظبية : لا لا عادي .. بتصل لج بعد اشوي اوكيه ..؟
شجون : لا خلاص ماله داعي كنت بسألج عن واجب الرياضيات
ظبيه : آها .. انزين 5 دقايق و اتصل
شجون : اوكيه
سكرت من شجون و تلفتت على اخوها
ظبوي : ها خير ؟؟ اشفيك ؟؟
خليفه و ظبوي كانو كله ويا بعض و عادتاً خليفه مايخش عن ظبوي شي
خليفه : ظبيوه انا بقول لج شي .. بس تكفيين ماتقولين حق حد
ظبيه : اوكيه قوول
خليفه : انا احب
ظبية : جذااااااااب !! من تحب ؟؟؟

ستوب ..