|
اقتباس:
يااااقلبي انتي اشكر متابعتج لروايتي ردج يريحني واتشرف انج من اوائل المتابعين لي خلج دووووم جي ولاتحرميني من حسسج :001_wub: |
اقتباس:
وانتي الاحلى والله خلج دوووم متابعه وان شاءلله يعيبج البارت الياي بعد اشكر تواجدج .. :ax: |
رواية "اهل الغرآآمـ" :001_wub: الجزء الرابع ............. خليفه" نشيت وانا ميود راسي وارص عليه .. آآآآآآآآآآآآآآخ.. احس بصداع فظيييييييييييييع .. جنه حد ميود مطرقه ويدقها براسي !! .. شليت تلفوني اطالع الوقت .. ششششششششتتت .. الساعه 4 !! وانا مواعد سعود بروح وياه الوكاله اليوم .. آآآآآآخ يا راسي .. الم فظيع ماروم اتحمل والله .. امس شربت وايد ومانتبهت لعمري .. الله يغربله هالسم مادري متى بودره؟؟.. كم مره احلف اني مابشرب خلاص بس ماقدر اقاوم ابد احس اني ادمنته بالقو !! وماتحلا فعيني السهره الا بكاسين يروقون المزاج شوي .. بنش اخذ لي حبتين بندول وبسبح يمكن اتنشط ويخف هالصداع عني ..ممممم بس خل اتصل لسعود قبل اشوفه وين اكيد قاعد يسبني الحين !! ... اتصلت له وسمعت نغمة تلفونه دعاء .. ابتسمت .. سعيد ملتزم شوي .. عكسي انا تماما .. ياما يقعد ينصحني بس انا ماسمع له مول .. لا حيااة لمن تنادي يعني !! .. هذوه رد .. واخيرا سعيد: نعم !! يودت ضحكتي وقلت برقه : حبيبي سعيد يتافف : افففف.. اخلص .. شو تبا متصل ؟ مازلت اتصنع الرقه : حبيبي انت زعلان مني؟؟ حسيت من انفاس سعيد انه يقاوم ضحكته سعيد اونه معصب : بتقول شو تبا ولا ابند فويهك الخايس الحين؟؟ ماقدرت اقاوم ضحكتي : هههههههههههههههههههههههههههه سعيد : ضحكت من سرك بلا .. حيوان واحد انا : سعوووووود والله قاطعني سعيد سعيد: راحت عليك نومه .. صح ؟؟؟ هزيت راسي وكانه يشوفني وقلت: صح سعيد: زين كمل رقاد يلا باي رديت بسرعه : لالالا حلفت ماتبند .. والله فيني صداع يا ريال امس ماقدرت ارقد الا متاخر سعيد ببرود :هيه خليفه ادري .. صدقتك مممم .. اعرف انه مب مصدق وانه متاكد اني كنت سهران كالعاده ..اصلا سعيد ماتمشي عليه هالحركات .. ربيعي من سنين وحافظني عدل .. بصراحه ..مافيني على المواعظ الحين!! .. غيرت الموضوع انا : ها بعدك بتسير الوكاله؟؟ ..تراني جاهز سعيد: لا خلاص اجلتها لباجر .. شو عندك اليوم ؟ بتطلع مكان ؟ انا : لا والله ماوراي شي .. ليش ؟ سعيد: عيل قم خلنا نحوط متملل .. ابا اسير اشتريلي شغلات وبندخل السينما بالمره انا : خلاص تم .. دقايق بس بلبس وبمر عليك سعيد : مب على اساس جاهز؟؟ شت .. جكني !! رديت ارقق صوتي وقلت باستهبال : احوووووووبك هههههههههههههههههههه طوووط ... بند فويهي الهرم !! .. هههههههههههههه بقوم البس عالسريع قبل لا اييب اجلي اليوم ......... ميثه"" كنت فالمطبخ قاعده اطبخ للشيخه هاجر الورق عنب.. طبعا هالشي الوحيد الي اعرف اضبطه .. مب شاطره بالطبخ وايد وامي دووووووووم تهزبني .. دايما تقولي " انتي بتفضحينا .. بتروحين بيت ريلج ماتعرفين تقلين بيضه !!" .. عاد امي بالغت شوي .. اعرف اقلي بيض و اسوي جاي وقهوه و صمون جبن واندووومي .. شو بعد؟؟ .. ها كله مايسد؟؟...بعدين الحين منو تطبخ لريها؟؟ .. ماشاءلله الخدامات مايقصرن!! .. يلست اتخيل عمري اغدي ريلي اندومي واعشيه على بيضه .. هههههههههههههههه ضحكت على افكاري الغبيه والله بيطلقني من ثاني يوم هههههههههههههه سعيد : الحمدلله والشكر وييي ,,ها متى دخل ؟؟ سعيد: شو فيج يالخبله تضحكين ؟؟ ترمسين عمرج؟؟ انا قفطت : جب مايخصك .. سعيد يشم بتلذذ : يميييي .. شو هالريحه الحلوه ؟ انا : ماتشوف يعني !! .. ورق عنب سعيد بطنازه: غرييييييييييييييييييييييييبه .. ماحيد اليوم عيد داشه المطبخ الشيخه ميثه ؟؟ شو هااااااااااااا؟؟ ... طايحه من عيون الكل انا!! ... افففففففف حطيت ايدي على خصري : يعني الحرمه ماتكون حرمه الا لو تعرف تطبخ ... وبعدين لا عيد ولا شياته .. ربيعتي يايتني اليوم وطالبتنه طلب .. تعرف بعد محد يسويه مثلي سعيد : سكتي الله يخليج سكتي .. لو مانعرفج بنقول بعد .. المهم ... كم يباله لين يجهز ؟ انا : مممممممم .. 10 دقايق وبيجهز ان شاءلله سعيد : عيل جهزيلي شوي فبارسل باخذه وياي غمزت له : وين ؟؟ .. بتسير للريم ؟ سعيد يطالعني بطرف عينه : لا .. ربيعي بيخطف علي الحين .. " ويدق راسي " ..يلا جلدي كرووو .. لاتتاخرين .." وطلع " انا : افففف انزين .... طرار ويتشرط سعيد يصرخ من برع : سمعتج تراااااا يا حيوانه كملت شغلي وانا ابتسم ... يااا حبي له .. علاقتي مع خواني كبيره الحمدلله.. يمكن لان ربي مارزقني باخت فهم عوضوني بحبهم واهتمامهم وحنانهم الكبير.. مب مخلين علي قاصر .. حتى فاوقات كثيره كانو يفتحون لي قلبهم ويخبروني عن مشاكلهم ويشكون لي مثل ما كنت انا اشكيلهم .. بالاخص عبود .. يمكن لانه اقرب لي بالسن من سعيد !! .. سعيد يخاف علينا وايد حتى مرات احس ان ربي رزقني ف ابوين مب واحد .. صح انه يلعوزني وايد بس انا اعرف ان ها كله من حبه ومن خوفه علي.. خاصه بموضوع الشغل الي مب راضي يقتنع فيه ابد !! .. الله يعين الريم خلصت ثانويه وسيده ملجت والحين عرسهم جريب بعد !! .. حتى سعود ماصبر عليها تكمل دراستها عسب ماتفكر فالشغل بعدين .. يلست اجهز لسعيد الصحن الي طلبه مني .. شليته بروح الصاله وانا امسح بالشيله على ويهي ... حرررررر .. شفت باب الحوش مبطل وشي سياره مبركنه برع!! ... اكيد ها ربيع سعود ... اخييي .. الحين كيف امر انا ؟؟ .... انتبهت لسعيد طالع من البيت جان ااشر له بايدي عسب ينتبه ... سعيد ياي صوبي : شو موقفنج هني ؟؟.. دشي داخل انا : ماقدرت .. الباب مبطل وسياره برع!! سعيد شل من ايدي الصحن : عادي انزين بيتحرونج البشكاره هههههههههه طالعته بنص عين : ماعليه يالسبال .. مافيك خير سعيد: ههههههه .. "ويبوسني فوق راسي"... مشكووووره حبيبي ماتقصرين .. نخدمج بعرسج ان شاءلله .." وطلع لربيعه" ماقولكم احسه ابوي الثاني!! ... الله يخليه لنا .. دشيت داخل بسير اسبح واتلبس .. هجور بتي الحين وانا ريحتي خااااااااااااايسه ................ غاية" من البارحه للحين اتصل به ومايرد علي ..امس كان يبند التلفون فويهي كل ماتصلت له .. بس عالاقل كنت اطمن عليه بهالحركه لكن الحين مايرد علي موووول!! .. كم مره نضارب على هالموضوع ماحب اتصل به ومايرد .. يخوفني عليه وايد!!...نزلت تحت شفت امي يالسه ومعاها محمد وفطيم حرمته .. انا : السلام عليكم الكل : وعليكم السلام امي : صح النوم .. جان مانشيتي .. حد ينام هالكثر ؟ .. عوذ بالله .. انتي تسهرين طول الليل وترقدين بالنهار!! .. متى بتعدلين رقادج يعني ؟ كم مره افهمج ؟ اففف .. مليت من هالمحاضره الي تسمع لي اياها امي كل يوم .. ماتخلص !! : امي يعني انش من الصبح شسوي؟؟ .. اقعد مع قريني مثلا؟؟ ..وبعدين فطيم من امس محد راقده بيت اهلها .. شو تبيني اسوي ؟ امي : ايلسي وياي .. ولا مب تارسه عينج انا؟ تنهدت : استغفر الله .. امي ماقلت شي انا .. بس امس كنت سهرانه على فلم وماحسيت بعمري الا الصبح جذبت عشان اهرب من الموضوع !! .. بصراحه امس ماقدرت ارقد و السبب خليفه .. ماقدرت اهدا ويغمض لي جفن الا لما اطمن عليه!! .. حاولت ابعده من تفكيري شوي وسالت فطيم انا : فطيم .. عيل ميروه وين ؟ ماشوفها ؟ فطيم : هجور اختي شلتها وياها بيت ربيعتها .. تقول مشتاقتلها انا : اها .. ربيعتها منو ؟ فطيم : ميثه ال *** .. تعرفينها ؟؟ انا : هيه هيه ميثوووه .. اعرفها من ايام المدارس بس هيه كانت علمي .. اشوفها فالجامعه ويا هجور بعد فطيم : هيه دوم ويا بعض ماشاءلله طالعت محمد شفته يتعبث بفونه ويبتسم .. جنه يكلم حد ومستانس!! كلمت محمد بمزاح وانا اصفر : الي واخد عقلك يتهنى بوو يا حبيبي محمد ويسوي عمره منتبه : شو ماخد مب ماخد ؟؟ .. خل عنج هالكلام .. عيب!! فطيم تنرفزت : صدقها محمد .. من قعدنا وانت مب ويانا .. قابض لي عالتلفون ماتبا تودره!! محمد بعصبيه : فطيم شو فيج ؟؟ ماصار شي الحين !! .. تراني يالس وياكم .. لا يلسه تعيبج ولا طلعه تعيبج؟؟ .. شو يعيبج يعني .؟؟ مب فاهم عليج !! ... " تافف وطلع عنا " خيبه مايسوا عليها كلمته .. جنه بغاها حجه عشان يضارب ويطلع ؟؟ .. طالعت فطيم الي كسرت خاطري وانا اشوف دمعتها الي تحاول تخفيها .. سرت عندها وومسكت ايدها انا : فطيم فطيم صدت الصوب الثاني تمسح دمعتها : انا : فطيم فديتج لاتضايقين بعمرج .. ماعليج منه محمد تعرفينه هو عصبي شوي فطيم : لاني اعرفه يا غايه قلبي يعورني عليه .. محمد ماكان جي والله .. ماكان عصبي جي!! ماعرف شو ياه علينا ؟ انا : ادري فديتج بس ماعليه اعذريه . يمكن عنده ظروف ولا شي فالدوام مخلنه مظايج هالفتره .. طولي بالج معاه .. ترا مرده اييج ويراضيج وين بيروح يعني؟؟ فطيم : ياغايه محمد ماعنده شي .. لاظروف ولا مشاكل ولا غيره .. محمد مل منيييي ملل .. حتى بنته مايجابلها ولا يلاعبها ولا يرقدها فحظنه مثل قبل .. انا ماعرف شو الي غيره علينا فجاه!! غمضتني .. تعبت وانا ادور لمحمد اعذار .. بس هيه حرمته وهيه ادرى فيه !! انا : زين خلاص لاتمين زعلانه جي عشان خاطري .. قومي تعالي وياي فوق براويج ملابس شريتهم لميروه بس شاكه بالقياس.. " سحبت ايدها وقفتها وياي " .. يلا نشي فطيم وهيه بعدها زعلانه : ان شاءلله ................. منصور " دشيت البيت وانا افكر بجذبه اجذبها على امي الحين .. وين بقولها رقدت امس ؟؟ .. تعبت من هالوضع ماعرف متى بينهي؟ .. تعبت اسير بالدسه عشان اشوف ولدي ولا حرمتي .. تعبت اتعذر باعذار غبيه واجذب على ابوي لو سالني" وين تيلس باليومين برع ؟؟ وعند منو؟ " .. ماعرف متى برتاح .. مرات اييني شور اصارحهم بكل شي وافتك .. بس اخاف من ردة فعل ابوي ولا امي .. اخاف امي اطيح ولا يستويبها شي !! .. ولا ابوي يتبرا مني ويروغني من البيت مثلا !! .. عادي ابوي واعرفه ممكن يسويها !! .. بس انا مب ياهل عشان يحددون لي مصيري!! .. عمري 27 الحين .. ربطوني ب هالميثه من صغري بدون مايهتمون براي او رايها ؟... انا ماقول ميثه فيها عيب لا سمح الله .. بنت عمي والنعم فيها .. بس انا تعلقت برغد .. من شفتها وانا مسافر دشت خاطري وتمنيتها لي .. رغد محترمه وايد وطيبه لابعد الحدود .. فالبداية رفضت زواجنا لاني طلبته بالسر .. بس وعدتها انها فتره بسيطه وبصارح اهلي بكل شي .. فالنهايه انا عندي ولد!! .. ومن حقه يعرف اهل ابوه !! .. ماتخيل ردة فعل عمي كيف ؟ .. مستحيل يوافق على هالزواج بتاتا .. او عالاقل .. مستحيل يوافق اتزوج ميثه ورغد بعدها على ذمتي !!... وانا بصراحه ماتخيل حياتي بدون رغد و حبيبي مايد !! .. تنهدت بتعب.. دشيت البيت وسميت بسم الله منصور : السلام عليكم لقيتهم كلهم متيمعين .. امي وابوي و الريم واخوي حمدان الكل : وعليكم السلام تجدمت صوب ابوي وبسته على راسه وبالمثل لامي .. يلست وانا مستغرب حالة الهدوء الي هم فيها حسيت ان ابوي مضايق ويتجاهلني بنظراته وصديت على امي شفتها ساكته وماطالعني بعد .. شو السالفه ؟؟ .. طالعت حمدان ادور على اجابه لسؤالي وكانه فهم علي .. هز راسه بمعنى " مايخصني " ..و فجاه سالني ابوي ابوي بهدوء : وين كنت امس ؟ وترني هدوءه .. بالعاده يكون معصب ويسمعني كم كلمه تسد البدن .. بس هالمره غير !! .. وكانه نفذ صبره ومل مني !! جاوبته : كنت سهران ويا ربيعي سالم فشقته امس .. يمعة شباب يعني .. ووحسيت بتعب شوي .. تعايزت اسوق السياره فليل جان ارقد عنده لاحظت ان حمدان اخوي يطالعني بنظره تفضحني .. وكانه ماصدق الكلام الي قلته ومتاكد اني اجذب .. تعذرت عشان اشرد من مواجهة ابوي المستمره لي .. وقلت بسرعه وانا ناش انا : انا بسير غرفتي ببدل .. من رخصتكم طلعت فوق ولاحظت حمدان يطلع وياي وكانه يبا يلحق علي حمدان : صبر شوي صديت اطالعه : حمدان بتشكك : انت متاكد كنت ويا سالم امس .؟؟ انا : حمدان شو متاكد بعد ؟؟ ياهل انا تجذبني ؟؟؟ حمدان : محشوم .. بس لاني كنت ويا سالم امس وسالني عنك !! سكتت .. ماتوقعت اني اطيح بهالموقف ابد .. حمدان : منصور .. شو سالفتك ؟ .. شو وراك ؟ .. لو عندك شي وخاشنه خبرني !! .. انا اخوك يمكن اساعدك .. بس لاتخلي امي وابوي على هالحال دوم !! .. " طالعته وانا ضايع ماعرف شو ارد عليه .. لو يقدر يساعدني جان خبرته من زمان بس انا اعرف انه حمدان مابيده شي .. سمعته وهو يكمل كلامه " .. منصور .. انا اعرف انك عاقل مب طايش .. انا ماحيدك مال سهرات خايسه لنصاص الليالي ؟؟ .. بس بسس حالك يشككنا بصراحه .. ريحني وفهمني .. شومستوي ؟ انا احاول اطمنه : حمدان ارتاح .. مافيني شي والله .. بس متملل من البيت شوي .. لاتحاتي .. وسرت عنه داخل احاول اتفادي اسئله الي ماعندي لها جواب!! ..................... عبدالله" صارلي ساعتين فالميلس اترياها توصل .. بشوفها حتى لو من بعيد .. كنت كاشخ جنه عرسي اليوم .. حاس اني بشوفها والله .. قلبي يقولي جي .. ميثوه راغتني من البيت اليوم وهددتني على قولتها " مابا اشوف رقعة ويهك فالبيت .. ربيعيتي يايه ومابا الموقف الي صار قبل يتكرر " .. ههههههه .. لو تدري اني منخش هني شو بتسوي عيل ؟؟... سمعت صوت سياره برع .. ركضت عالدريشه اترياها تدخل .. شفت ميثه اختي برع تستقبلها .. ممم مغطيه ويها مارمت اشوف شي .. بس لحظه !! لاحظت ان ميثه قالت لها شي لان من بعدها هاجر رفعت غشوتها عادي .. يمكن قالت لها ان محد فالبيت عسب تاخذ راحتها؟؟ .. كنت احاول اطالع ملامحها عدل .. للحين اقول وبتم اقول انها احلى ما رأت عيني .. كنت اشوفها تبتسم .. وابتسم وياها .. واتفداها ف قلبي كل مارمشت بعينها .. لاحظت انها ميوده حد !! .. انتبهت على بنت صغيره تجننننننننننن .. تشبهها وايد .. لحظه !! منو هاي ؟؟ .. معقوله ؟؟ معقوله بنتها .؟؟؟؟ ...بسس بس انا ماذكر ميثه قالت ان هاجر عرست ؟؟... حسيت بقلبي ينقبض وخاصه لما لمحت التشابهه الكبير من بينهم ... شفتهم يدخلون داخل ويلست عالكرسي وانا محبط .. معقوله معرسه؟؟؟ .. معقوله؟؟... مابالغ لو قلت حسيت بالدموع تتيمع فعيني .. حسيت اني مخنوووق وبديت اعرق من القهر .. ماحسيت بالوقت الي يمر وانا يالس عالحال .. يمكن كملت ساعه وانا على هالقعده .. شفت الباب يتبطل شوي شوي .. ودشت منه بنت صغيره .. مب هاي نفسها الي كانت ويا هاجر ؟؟ .. نشيت بسرعه شليتها وانا ابتسم .. احسها نستني كل حزني بلحظه .. شكلها يعذب ..تجنن .. تاخذ الروح تمت البنت اطالعني بخوف وملامح ويها تعلن على بدء صياحها .. حاولت الاعبها عشان تسكت قمت اهزها وارفعها فوق وانزلها وهيه تضحك مستانسه: هههههههههه فدييييييييييتج انا .. محلاج ياربي .. قطع علينا صوت الباب وهو يفتح .. صديت وانا الابتسامه مازالت فويهي .. دشت وكانت هيه .. والله هيه .. لميت الصغيره لحضني كاني اطلب من قربها يهديني .. شفتها منصدمه مثل ماكنت انا منصدم .. كانت بتطلع بس وقفتها بسرعه انا : هاجر وقفت وهيه عاطتني ظهرها .. قلت بتردد: آآآ .. البنت كانت يايه بروحها ..خليتها عندي قلت يمكن ميثه تيي تشلها بعدها ساكته .. وحسيت ترجف من صوت انفاسها القوي تشجعت شوي وقربت منها بعطيها الصغيره .. وبنفس الوقت لفت علينا هاجر تبا تاخذها ...تفاجأنا !! .. كنا قراب من بعض وايد .. توترت !! ماعرفت كيف اتصرف .. وهيه بدورها رجعت خطوه لورى من الخوف .. تميت ثواني اطالعها واتأمل ويها عدل .. حسيت بقلبي بيطلع من صدري .. لازم اتصرف ؟؟ .. نزلت البنت من حضني عشان تسير لها.. بس شفتها متشبصه فكندورتي ماتبا تروح !! .. حاولت الطف الجو شوي وقلت بابتسامه تخفي توتري :هههه... شكلها حبتني .. ماتبا تهدني مدت هاجر ايدها للصغيره عشان تقرب منها .. بس بعدها الصغيره ميوده كندورتي هاجر بصوت متقطع من الاحراج : ممـ ميره تعالي يلا والبنت بعدها معنده!! هاجر : يلا ميره بنسير عند مااما ماما ؟؟ يعني هيه مب امها؟؟ .. يعني الصغيره مب بنتها ؟؟.. طلعت مني تنهيده وقلت بارتياح .." آآآه الحمدلله " .. حسيت براحه .. شفتها تطلعني مستغربه .. قفطت.. بس تمنيت هاللحظه ماتخلص .. نزلت على ركبتي اكلم الصغيره انا : ميره حبيبي تبين كاكاو ؟ هزت راسها ميره ببرائه وقالت: هييي طلعت من مخباي حلاوه كنت شالنها من غرفتي .. مديت ايدي لهاجر انا : يودي هاجر بطلت عيونها : نعم !! ضحكتني : هههههههههههه .. يودي .. اغريها بالحلاوه عشان تي عندج تمت ساكته جنها تفكر .. عقب تردد مدت ايدها تاخذها .. لمست ايدها حسيت بكهربا تمشي بعروق جسمي .. غمضت عيوني وانا بعدني ميود ايدها ابا اتلذذ بملمسها .. ايدها ناعمه .. نسيت نفسي ورصيت على ايدها مابا اهدها .. حسيتها تسحب ايدها بقو و قربت مني بسرعه شلت الصغيره وركضت برع .. شششتت .. حطيت ايدي على رقبتي وانا توني انتبه شو سويت !! .. ثاني مره اتصرف بغباء وياها .. بس لاتلوموني ماقدرت اقاوم قربها مني والله ..انا احبها .. اعشقها .. بعد هاليوم انا متاكد اني اموووووووووت فيها .......... هاجر" ركضت برع جني فمسابقة ماراثون .. ابا اطلع ابا اشرد .. احس اني مختنقه وابا اشم هوااااا .. طلعت برع شفت الدريول يترياني .. ركضت للسياره وانا افتح الباب مره مرتين ثلاث ..ماقدرت ابطله من توتري .. . .افففففف مب وقته .. نزل الدريول بسرعه وبطل الباب .. دخلت داخل السياره وانا اتنفس بقووووو .. ياربي ياربي .. قلبي بيوقف .. يودت ايدي حاولت اخفف من رجفتها ... غمضت عيوني بقوو وانا اتذكر الموقف الي صااار .. مسك ايدي ورص عليهااااا !! .. شفته يغمض عيونه ويتنهد جنه لمستي ريحته من هم ثقييييييل عصدره !! .. قربت ايدي اشمهاااا .. ريحة عطره لصقت فيهاااا !! .. بللت شفايفي احس بعطش ..ياربي ماتحمل .. تذكرته لما تنهد و قال " الحمدلله " .. شو يقصد فيها ؟؟ .. طالعت ميره شفتها تطالعني بعتب .. زعلانه لاني ماخذت الكاكاو ؟؟ ...ابتسمت لها وحضنتها بقوووو وانا اشم ريحته فيهااااااا .. ياربي شو سوا فيني هالانسان ؟؟ .. ............... سلطان" لا اريدُ أن أغادِرَ بيتي الهادِئ , ولا ذِكرياتِي الكثيرة , لا أريد أن أحزِمَ حقائِبِي وألملِمَ أشيائِي وأودّع ذِكرياتِي وأقبّلَ وجُوهَ إصدقائي وأفرِغَ خزانتي وصناديقي الكثيرة المُمتلِئَة ! أريدُ أن أتذكّرَ أنّني حلمتُ طويلاً بهذه الحياه وأصبحتُ كثيراً ممّا أردت , لا أريدُ أن أحلُمَ أحلاماً جديدة , اريد ان أحملَ معِي فقَط ما تيسّرَ من أحلامِي الّتي ما زلتُ متمسكَ بها لليوم واللحظة ! العودة للذكريات للماضي يُعيدُ كثيراً من الأحاسيس الّتي يصعبُ إزالتها من جديد ! يخلقُ شعوراً آخراً لا أعرفُ ما هو ولذلك لا أريدُ أن أفتحَ صفحات الماضِي الطويلة .. لا أريدُ أن أغادر المكان الّذِي أحببتهُ!! ! رفعت راسي وانا اسمع اخر نداااء للطياره المتوجه للامارات .. دخلت دفتري بالشنظه ورجعت اودع اخره مره المكان الي حبيته.. شليت اغراضي ونا ابتعد عن احلى ايام عشتها فحياتي .. عن احلى لحظات كانت لي فالمكان ..عن لحظات بحن وبشتاق لها وااااايد .. هني ضحكت هني بكيت هني كبرت وهني تعلمت وهني حبيت وهني عشقت وهني للاسف ودعت وافترقت !! .. يلست على الكرسي بالطياره ورجعت راسي لورااا .. تنهدت وانا افكر بالي ينتظرني وبالي خاشته لي الايام .. حياة يديده لازم اعود نفسي عشان اتاقلم فيها !! .. لازم انسى عشان ابدي ايامي من اول ويديد !! ................ نهاية البارت قراءه ممتعه ولاتحرموني من اراآئكم الغاليه,, اختكم شــووقـ :001_wub: |
جمييييييل البااارت حبببي حبيييت موقف عبدالله وهجوور وخااااااطري اعرف ششو بيصير بين غاية و خلييفة ^^ تسسسلم ايدج غلايه ع البارت الحلووو ونبا بارت طوييل المرة الياية وعسااج ع القووة .. لاعدمناج =) |
الباااااررت رررروووعه |
| الساعة الآن 01:34 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir