|
البارت الثامن في قاعة العرس كلهم كانوا متكشخات ليلى كانت لابسة فستان تركوازي وابيض طووويل وضيج مايل على جسمها ورافعة شعرها بتسريحة خفيفة اما تيمية وهجور كانات لابسات نفس الفستان ومسوين نفس الميكب بلون فوشي وفستان اصفر وفوشي وتسرييحة مختلفة بما انه هجور شعرها قصير سوت استشوار على برا . اما تيمية كانت مسوية بف لنص شعرها وخصلات طايحة بالفير . ليلى كانت تمشي مع خدوي جافت عمتها ام وليد ماعرفتها لانها كانت كاشخة وشكلها يوحي انها بنت صغيرة . قامت ام وليد وسلمت ع ليلى يوم مرت يمبها ليلى مستحية وهي تبوسها : اشحالج عمو ام وليد : تمام حبيبتي . انتي اشحالج ليلى : بخير الحمدلله . ماعرفتج اللصراحة ام وليد : هههه عادي حبيبتي المهم انا عرفتج ليلى استغربت من ردة فعلها ام وليد : فديت حرمة ولدي مستوية قمر ليلى استحت وابتسمت لها ام وليد حست فيها غيرت الموضوع : وينها امج ليلى : مادري يمكن عند يدوه ام وليد : اوكي حبيبتي بترياها عيل ليلى : اوك بخليج عيل وروحت )) هجور كانت يالسة مع يدتها تاكل تيمية : هجور قومي نرقص هجور : خليني اخلص اكلي والله يوعانة مب ماكلة من امية سنة تيمية : الا هو يوم مب امية سنة ع قولتج هجور تاكل وبيدها ورق عنب تيمية سحبته من ايدها : خلي حقي حبة وحدة على الاقل زطية وحدة هجور طالعت القاعة من يمين ليسارها : مدام شي ناس بالقاعة ف عليج باألف عافية . اليدة مريم : عيب يا بنات غدن حريم تيمية : عادي يدووه . . انا بسير ارقص هجور قامت سارت وياها وتموا يرقصون ، وتيمية بحركات دلع خلت الكل يشد انتباهه لهاا . \ / \ حور عقب ما خلصت من الصالون وصلت القاعة ويتها المصورة تبا تصورها حور : احس مكياجي مخترب ام سالم : لا بالعكس حبيبتي حلو طالع عليج حور : ماما انا خايفة ام سالم :. الليلة ليلتج وخلج قويه لا تخافين الله يسعدج حبيبتي حور ابتسمت لامها ام سالم طلعت وخلتهم يتصورن على راحتهم المصورة صورتها كم من صورة بروحها حور تفأجات يوم جافت عمر داش لا احم ولا دستور عمر كان منبهر بجمالها والفستان اللي كانت لابسته على جسمها الضعيف كان ضيج لين الخصر ويتوسع لين ريلها وميكبها ما كان فلل اوفر سوت مكياج عروسي خفيف بلون وردي ورصاصي المصورة لاحظت خوف حور يوم عمر يطالعها ، وحبت تصور وتخلص بسرعة . خلتهم يسوون كم من حركة وصورتهم و طلعت من الحجرة عمر كان يطالع حور ما كانت تقول شي وهو حس بخوفها و فضل يطلع برا الحجرة حور ارتاحت شوي يوم رفعت عينها وتأكدت بنفسها ان عمر طلع وما له اي اثر عقب عشر دقايق دخلت اليدة مريوم عند حور اليدة : بسم الله م شاء الله تبارك الرحمن هذي عروستنا ولا انا احلم حور ابتسمت بإنكسار في قلبها / هذا نصيبي يا يدوه \ : يدوه خايفة انا اليدة : والله يا بنتي انا اللي خايفة عليج اخاف يعطونج بعين حور حظنت ايد يدتها بالقو اليدة تمت تقرا عليها معوذات ‘ ‘ اما عند الريايل عرسهم كان بسيط عشاء و سوالف شياب ، اما الشباب شوي كان شالين عقبها وقفوا تعشوا خلصوا العشا ومعظمهم سلمو على المعرس وروحوا في صالة الحريم سكروا الاضاءة في باقي الصالة وحصروه على الكوشة دخلت العروس حور على انغام قصيدة القااها سالم وابتسمت على كلمات اخوها ، سمـوا باسم الله على خطوة دلعها ,,, لامشـت والــورد باحساسه تبعهـــا وده يمسك يــدها او يمشي معـها ,,, أو يزف احساس عطر الشيخه حور من شعرهــا يستمد الليل لـــــونه ,,, والكــحل من عيـنهــا كحــل عيونــــه والغصن منهــا خذا اوصاف الليونـه ,,, والزهــر يتمنـى لــو سمــوه شيخــه صلوا صلوا يالحاضرين على النبي الهادي الامين هذي أحلى بنات دبي محروستن من كل عين تمت تمشي وهي بقلبها خوف كبير ، لين ما وصلت الكوشة وقعدت على الكرسي وعيون الناس كلها تخز تطالعها بحسد بجمالها واناقتها بفستان الزفاف وتمو يصورونها المصورات وما خلصوا الا والحريم وربيعاتها يسلمون عليها بعد ماخلصت قعدت ارتاحت شوي لان الوضع هدى شوي لكن سرعان ما خوفها رجع يوم اعلنو دخول المعرس وسكروا الاضاءة دخل المعرس مع ابوه وابو البنت وصلو عند الكوشة و عمر وقف قدام حور وباس راسها ورجع وقف عدالها وبو سالم ( بو حور ) سلم على بنته ونفس الشي بو عمر سلم على بنت اخوه تقدمت اليدة وسلمت على احفادها وباركت لهم وام عمر وام سالم سلموا على عيالهم . قعدوا المعاريس وصورتهم المصورة وبعدها قطعوا الكيك واكلوا بعض حور كانت خايفة ومرتبكة بهالليلة وحور يت عينها بعين عمر واستحت نزلت راسها قرب منها عمر : مبروك عليج اناا حور ابتسمت . عمر : خلاص انا شبعت من عرسي بسير بيتي الحين حور ماردت عليه اليدة مريم يت عندهم وسمحت لهم يروحون حور لبست عباتها وسلمت على الكل وحظنت امها كانها تودعها كانت حاسة انها بتموت بهالليلة تمت تصيح بحظنها وامها تهديها ، وطلعووا راحوا للفندق دخلو الحجرة عمر كان مستانس ع لى شكل الحجرة ، وحور نفس الشي كان مستانسة من الجو الحلو وفي قلبها ( ليييتك انت يا محمد ليييتك مامتت لييييك بسسس ) طلعت عباتها وهي مستحية قعدت يدامه عمر : تعشيتي ولا ياسة على لحم بطنج حور : لا ماتعشيت عمر : اوكي الحين بطلب حور : اوك ، بسير اتسبح عمر طالعها بانه موافق ومسك تلفونه واتصل على الرسبشن اما حور فجت تسريحتها تسبحت ونشفت شعرها لبست فستاان خفيف وحطت شدو خفيف وقلوز احمر وسارت يلست مع عمر ، عمر كان في خاطره يقوم يحظنها بس كان مستحيي منها وتم يلاعب بفونه اما حور كانت خايفة تسرح شوي وترد تطالعه . عقب فترة وصل الاكل واكلوا . حور سارت المطبخ حطت الاكل يوم رجعت ما شافت عمر ، ظنت انه في الحمام قربت من الحمام ما سمعت صوت . يا عمرمن وراها ومسك خصرها : شوووو تسوين حور نقزت من الخوف وصارخت عمر سكر اليت : هههههههههههههههه حوور انا عمرر ، حور متروعة : لييييييييييش سسسكرت اليييت ، حراام عليك انا اخاف ، انت ويين عمر مسك ايد حور وباسهاا . \ / \ في الفجر سيف كان سهران مانام وهو يرمس مريوم مريوم : هههه والله انك نكته سيف : والله صدق اقولج ، يصيح يبا يعرس مريوم : زوجوه مسكين طايح بالحب سيف : هي صدقج هها سالم مب صاحي ابداَ مريوم : وكيف كان عرس اخوك سيف : ماشي كان عادي مب جنه عرسه مريوم : افااا ! ليش هو ما يحب حور سيف : ما أتوقعه ، لانه يدوه خطبتلهم وهم مايدرون مريوم : ليش يدوه جي سيف : انا خايف باجر تقولي اخذ بنت عمتي هجور ولا بنت عمي تيمية مريوم : اها جم عمارهم ؟ سيف : اعتقد مابين 16 و17 مريوم : اهاا سيف : فيج رقاد صح ؟ مريوم : لا بس راسي يعورني شوي سيف : سلامتج حبيبتي مريوم : الله يسلمك سيف : خذي لج بندول ونامي ممريوم : اوكي سيف : تصبحين على خير مريوم : وانت من اهله . باي سيف : باي \ / \ اليوم الثاني صباحية المعاريس كانت العزيمة في بيت اليدة مريم طبعاَ الراس العود الكل كان موجود على الساعة 11 بما انه اليوم جمعة فالشباب والشياب روحوا للخطبة وصلاة الجمعة . اما البنات كانوا في حجرة سيف واليدة مريم كانت في حجرتها . عمر و حور موقفين السيارة عدال الفيلآ عمر ماسك ايد حور : انزين عطيني بوسة قبل لا اسير . ما باخذ راحتي اليوم وياج حور : طاعووو هااا ؟! عمر : اهون عليج ! حور : اصلأَ اليوم ما برد الفندق بيلس عند يدوه عمر : هه يدوه ما ترضا تشوفني زعلان بتخليج تردين وياي حور : بصييييح عندها عمر :هيه عشان احظنج وابوسج يدامها حور : حقيييير ( لفت ويهها ) عمر قرب منها وطبع بوسة تحت شفايفها حور استحت .: سير صلاتك احسن لك عمر : ههه يلا نزلي حور : باي عمر : احبج حور ابتسمت له ونزلت من السيارة وعمر لوح بايده سلام لها ومشى بالسيارة للمسيد حور كانت متغشية رفعت عينها للسما : الحمدلله يا رب . دخلت الفيلآ جافت ام ريلها وعمتها ريم وامها قاعدات في الصالة سارت سلمت عليهم وحظنت امها وتمت تسولف وياهم شوي عقب سارت فوق عند يدتها دقت باب حجرتها ودخلت عقب ما سمحت لها اليدة اليدة مريم : بنتي حبيبتي حظنتها حور : اشحالج يدوه اليدة مريم خلتها تيلس : انا اكون بخير يوم اشوفج فرحانة ومستانسة مع عمر حور استحت : الحمدلله يدوه اناا وايد مستانسة مشكووورة يدوه ( باست راسها ) اليدة مريم : تشكريني وانا امج ابي مصلحتج ! المهم ماعلينا قوليلي كيف كان يومكم حور وهي تتذكر عمر في خاطرها فديته : الحمدلله وايد ارتحت وياه اليدة مريم : الحمدلله . حور ابتمست لها : يدوه بخليج عيل بنزل بسلم على البنات اليدة مريم : خذي راحتج فديتج حور طلعت من حجرة يدتها ودخلت حجرة سيف جافت كل البنات هناك : سلام عليكم البنات : وعليكم السلاااااااااااااااااااااااااااااااااااااااااام حور يلست على الكرسي : اشحالكم تيمية : على الاقل قومي سلمي علينا بوسينا فرحي خاطرنا شوي حور : وي مستعيلة بقوم اصلي ( دخلت الحمام ) تيمية : قلنا تتزوج وتعقل بس مب تخق علينا هجور : يا ويلج يا ليلى ان تزوجتي وتكبرتي علينا . والله بعلم ريلج على دفاشتج قبل الزواج ليلى : بسم الله علي مب دفشه الحمدلله تيمية : ههههه هيه صح ( تحط مسكرة وفاتحة حلجها ) هجور : انزين صكي حلجج تيمية : مايخصج ليلى تضحك عليهم توضت حور وطلعت من الحمام فرشت السجادة بتصلي : فديتج لا تسوين حشرة خليني اصلي هجور تأشر لتيمية وليلى : هاي ترمس منو حور كبرت وصلت وتموا البنات يتكلمون بإشارة ايدهم طآآآآآآآآآآآخ فتحت الباب تيمية ركضت وحضنتها وحطت ايدها بحلج خدوي قبل لا تصارخ : اوووووش الله واكبر خدوي تصيح و هي تعض ايد تيمية : ايييييييييييي تيمية : سكتي وتعالي وياي بسويلج روج احمر حق سواف خدوي : تسوين لي روج احمر ؟! تيمية هي تعالي خذتها وسارت تسوي لها روج وطلعتها برا خلصت حور من الصلاة حظنت ليلى : اشتقت لج ليلى : وانا اكثر فديتج تيمية ترمس هجور : كانت مسافرة وانا مادري ؟ حور وليلى ضحكوا ليلى : ولا ازعلكم ( سارت حظنتهم ) ، والحين بكششخ هجور : ليش تيمية : متزوجه حق ريلها بعد ليش هجور : اها ( ترمس اختها ليلى ) يعني انا بعد بسوي جي عقب عرسي ليلى ضحكت حور : عاد عروس عن عروس تفرق هجور : شو قصدج حور : ماشي حبييتي لا تزعلين مني اتمصخر وياكم تيمية : قلنا انج مستانسة بس مب تمصخرين على الناس حور : عادي اصلا بنات عمتي ما يزعلون وانتي زعلج مايهمني تيمية : ليش انا ازعل ؟ كلهم ضحكوا حور خلصت ميكبها سارت عقت عباتها كانت لابسة خوار فوشي ولبست طقم الماس اللي شرتها يدتها حور وقفت يدام المنظرة تيمية : حظك يا بن عمي عندك حور عين مب حور انسان حور : حلوة ؟ ليلى : تهبلين ما شاء الله عليج هجور : خوارج غاؤي وعيبني وايد حور : خلي ريلج ياخذلج هجور : من وين يا حظي . ما عليه عندي نسيب غمزت ليلى وهي استحت ليلى : جب عاد ويه فقر تيمية ضحكت عليها حور تمسح الروج بشفايفها : يلا عيل انا بنزل تحت ، تيمية : حور انتبهي لا تذوبين ولد عمي حور مسكت حلجها : ههه ، باي وطلعت \ / \ دخلت حجرة عمتها اتصلت على الرقم اللي كان اخر مكالمة لها ومتعودة على التواصل هدوي : هلآآآآآ بالعرؤؤؤؤؤؤؤؤؤؤؤؤؤؤس حور : هلا فديتج اشحالج هدوي : تمااام وانتي شخبارج وعلومج وشو مسوية عساج مستانسة حور : مستانسة الحمدلله هدوي استانست : دؤؤؤؤؤؤؤؤؤؤؤؤؤؤؤؤؤؤؤؤؤم حبيبتي حور : احبج يا هدوووي اموت فيج انتي روحي هدوي : وه وه لاآ ما أروم على هالرمسة . شكلج مستانسة ونسيني وياج حو ر: هههه مستانسة وااااااااااايد مستانسة احمدك يا رب . هدوي : خبريني شو استوا حور : عندي واااايد كلام بقولج ايياااه بس مابقول ا لحين لين ما اشوفج لاني بصراحة اشتقت لج هدوي : وانا اكثر فديتجج ، بس كيف وريلج ؟ حور :عادي بقوله يوصلني عندج هدوي : اوكي حبيتي يوم تيين خبريني حور : اوك ، يلا عيل اخليج بسير عند ريلي هدوي : هههه روحي حبيبتي الله يسعدكم حور : امين ويسعدج مع سعيد هدوي : ههه امييين حور : باي هدوي : الله وياااج . باي حور سكرت التلفون وحظنت التلفون بايدها : والله انج شي نادر بهالزمن وانا المحظوظة يوم عرفتج ، الله لايفرقنا يا هدوي عدلت قصتها ونزلت تحت شافت الكل موجود في الصالة وهي اللي ناقصة تيمية : مب جنها قالت بتي قبلنا وين سارت هجور : هيه، مادري والمشكلة عمور هني يالس ليلى : سكتن خلاص حور سلمت على ابوها وعمها وسارت يلست عدال عمور ريلها عمر انقهر يوم شاف حور كاشخة : ليش متكشخة ماتشوفين سيف هني حور انصدمت منه : عمور شفيييك ؟ سيف اعتبره مثل اخوي عمر رص على يدها : عقب بنتفاهم حور : آييي عورتني ودر ايدي عمر : جب وتموا الاهل يسولفون عمر : احبج حور : توك معصب وزعلان تصارخ علي عمر : شسسوي اغار عليج حور : فديتك عمر : شو قلتي .؟؟؟؟؟ عيدي الله يخليج عيدي اللي قلتيه . انتيي تفديتيني ؟؟؟ حلفيييي ،،، حور : ههه عمور شفيك ماقلت شي بس قلت فديتك عمر : مب مصدق . قومي نسير البيت يلا قومي حور : ليييش والعزيمة حق منو عمر : هني المشكلة يدوه بعد حور ابتسمت : ايلس في مكانك عمر : انزين قولي احبك حور : عموووووووووووووووووووووووووووووووووووووووووووووووو وووووووووووووووووووووووووور عمور : يا روححححي انتي حور سارت يلست عدال امها وتمت تسولف وياها عمور عرف انها تستحي طالعته وابتسم لها \ / \ / اما عند مريوم كانت ملانة اتصلت على سمور سمور : الو مريوم : الوو هلاا سمووور شحالج سمور : اهلين حبيبتي مريوم تمام الحمدلله مريوم : وينج من زمان ما اسمع صوتج ولا اشوفج ترمسيني ولا شي سمور : ماشي بس صارت لي ظروف ماقدرت اتواصل وياج مريوم : وان شا ءالله مرت هالظروف سمور : الحمدلله ، انتي اشحالج مريوم : تماام والله مللل يا سمووور سمور : افاا ليش ممللل؟ مريوم مريوم : هلآ سمور : سجلتي حق الجامعة مريوم : هيه مسجلة سمور : اي تخصص ؟! مريوم : ترجمة سمور : وخلوف اخوج ؟ مريوم : بزنس سمور : اهاا مريوم : يلا عقبالج السنة الياية تتخرجين سمور : هي وانتي حظج افتكيتي ، ياربي بيكون ملل الاسكول بدونج مريوم : ههه سمور : صدق خخخ مريم : تصدقين اشتقت للمدرسة ولصرقعتنا فيها تذكرين يوم شلتنا تجتمع شو نسوي سمور : ههه هيه كنا نسير الصفوف الفاضية ونلعب هناك مريوم : خخخ ومآرية كانت دوم تاخذ آي بادها من البيت ونشبك من المدرسة خخخ سمور : ههه وتذكرين يوم نطلب من المطعم في الفسحة مريوم : هااي كانت مارية تتصل بتلفونها سمور : ههه الحين انتي تخرجتي وطلعتي من شلتنا مريوم : بس انا اللي طلعت وانتوا كملوا صرقعتكم سمور : ههه ما يسوى بدونج مريوم : فديتج \ / \ عقب الغداء الكل قعد يسولف الشباب بصوب والحريم مع البنات بصوب والريال بصوب ثاني حور كانت ترمس عمور ممن البي بي : حبيبي عمر طالعها وطرش لها : هلا حبيبي حور : ملانة عمر : احبج حور طرشت فيس مستحي عمر : تبينا نطلع حور : بس يدوه ما ترضا عمر : انا برمسها برب حبي حور طالعته ، عمر قام والكل انتبه عليه : يلا عيل بنخليكم احنا اليدة مريم : وين ؟ عمر ابتسم حق حور : بطلع العروس لاه اليدة مريم : انزين بس ما اوصيك عليها عمر : ان شاء اللله ، يلا حور لبسي عباتج حور : ان شاء الله ، سارت فوق تلبس عباتها عمر : تامرني على شي ا بوي بو عمر : سلامتك . اي شي تبيه حور لا تقصر معاها عمر : ان شاء الله مب مقصر بو ساالم : بو عمر لا توصي عمر الحين صار ريال والنعم فيه بو عمر : لا بس حبيت اذكره انه متزوج و عليه مسؤولية اليدة مريم : عمر ريال ويعرف مسؤولية نفسه ، واظن يا راشد اان عمر ابداَ مب محتاج ارشاداتك عمر : هدي اعصابج يدوه ، اليدة مريم : ما عليك منه يا عمر ، خبرني متى بتسافرون عمر : باجر ان شاء الله اليدة مريم : بتمرون علينا ؟ عمر : ان شاء الله قبل ما نسير المطار بمر اسلم عليج اليدة مريم : الله يحفظكم اليدة مريم عطت راشد نظرة عصبية وهو فهمها نزلت حور كانت لابسة عباتها وبايدها الشنطة سلمت على يدتها اليدة مريم : عسى تحبين الكعبة ، يلا يا بنتي روحي مع ريلج لا تتأخرين عليه حور : ان شاء الله عمر: يلا حور وطلعوا اليددة مريم قامت بتروح حجرتها : سيف يا ولدي تعال ابيك شوي سيف : ان شاء الله يدوه ، روحو وياها فووق ام عمر : لك ويه تقعد هني بعد بو عمر معصب ومنقهر من امه : ( يكلم حرمته ) يلاا قومي حسبي الله عليج من حرمة ام عمر قامت وسلمت على ريم وام سالم وخذت بنتها خدوي وروحوا ريم : الله يهديج يا امي يدام الكل تعامل راشد باهالاسلوب وخاصة يدام سيف بو سالم : ما صار الا الخير ، ويلا احنا بنترخص ام سالم قامت وسلمت على ريم وخذت عيالها تيمية وسالم ورحوا لبيتهم ، ، |
وين التكملة وايد حلوه القصه يسلمو |
البآرت التاسع في السيارة حور : عمور ابا اسير عنند ربيعتي عمر يطالعها : وانا وين اسير حور : بلييز والله اشتقت لها عمر : لا ماشي ححور تترجاه : حرام عليك عمر : شو حور : عشان خاطري انزين عمر : ان شاء الله ولا نزعل بخاطرج ، وين بيتهم حور استانست : عدال بيتنا عمر : انزين طول الدرب حور ترمس عمر وهو يشاركها ف السوالف وصلو بيت هدوي ، حور غطت ويهها بالشيلة ونزلت دخلت البيت استقبلتها هدوي وقعدت تسولف وياها حور : الحمدلله واااااايد مستانسة هدوي : عسى دؤؤم ان شاء الله ، خبريني شصارر .؟ حور : الحمدلله انه بند ليت الحجرة عساس رومنسي ههههه هدوي : ههه حور : عمر واايد زين معاي .قبل ما نتزوج انا عبالي هو يحب وحدة ثانية دؤم كان منعزل عننا ، بس عقب زواجنا انا عرفت اانه يحبني هدوي : الله يسعدكم يارب حور : امين عقبالج . والله يا هدوي اتمنى سعيد يعقل وتزوجون بسرعة شو ها صار لكم سنة مالجين ، \ هدوي : تعرفين شي انا مب هامني سعيد . حور : حبيبتي علييج بالصبر بسس . والله بيهدييه ، عمر كان يالس في السيارة يفكر في حياته اليديدة حياته مع حور ، عقب نص ساعة حور خبرته انها بتطلع وهو تم يترياها وركبت . اما هدوي كانت يالسة عداله وسرحانة تفكر كيف تعشق عمر وتحطه على راسها . وهي تحمد ربها انه ما صار شي ولا كان الحين محد يعرف بحالها غير الله . نزلو الفندق وراحو لقسمهم عمر راح يرقد . اما هدوي كانت ياسة مستغربة المفرروض الحين عمر يطلعها وتفاجات انه ردها الفندق بلا طلعة ولاشي وهم توهم متزوجين يعني، بعدين فكرت انه تعبان يمكن . عند عواش كانت ترمس واحد عواش : ليش انت يسافر ؟ محمد : انا لازم في سافر بلاد عشان ماما وبابا مال انا عواش : افففف ومتى ايجي ؟ محمد : يمكن بعد اتنين سنه عواش انصدمت : هااااااااااااااا ليش وانا وين ايروح ؟ محمد : انته في كلب مال انا عواش : محمد حرام عليك انت تخليني محمد : مجبور اواش هبيبي مجبور لازم يسافر عواش : اهئ محمد : اواش انا لازم انت يقول شي عواش مسحت دمعتها : قول محمد محمد : انا في يهوبي انت بس لازم في زواج لركي ( بنت ) بلاد مال انا . انت اهل مافي زواج من انا عواش : لا مب على كيفك محمد انت لازم تتزوجني . واهلي يوافقون محمد متفهم الوضع : مايصير والله مايصير . هسون لو يأرف في موت انا . انت عرف هسون كيف عصبي عواش تصيح : مابا مابا مابا محمد لا تروح محمد : اوهوو خلاس خلاس انا يروح انت منو عشان تقول انا مايروح مو على مزاجك . وانا اليوم سافر بلاد بعدين رجع بعد اتنين سنة وانا في زواج واولاد بجا انت يمكن في يموت بعد محمد عصب وسكر التلفون وعواش ردت على حالتها بنوبة بكاء عواش مريضة نفسية من صغرها يوم جافت الجحيم في تعامل ابوها مع امها كيف يضربها ويعذبها ويحرقها . تمت في مستشفى الامراض النفسية تتعالج لفترة طويلة مما تسبب لها ترك الدراسة وبعد وفاة امها وابوها ومرت فترة وهي صحت وتعافت لكن ما تعافت بشكل كامل . والدكاترة حذروا اخواتها ان يصير لها شي او تتعرض لصدمة بكل سهولة بترجع لحالتها .وبعد فترة عواش انعجبت في هندي وبالفعل الهندي ماصدق وطمع بفلوسها وتم ياخذ منها فلوس لين شبع منها وتركها وهو يعرف انها غبية فاقدة العقل ولا يمكن احد يصدقها والحين مل وتعب منها . مها وروضة ومريوم سمعوا صوت صياح عواش ولحقو عليها يركضون مها انصعقت وهي تشوف حالة اختها ، وكيف انها رجعت لها الحالة تنهدت وبدت تهديها وتذكرها اشياء حلوة تضحك لكنها ماررضت تسكت وتقول كلام مب مفهوم . روضة تمت تقرا عليها ايات من القران يمكن تهدي شوي اما مريوم تمت تطالعها وهي خايفة لانه من زمان ما يتها الحالة والصياح بهالدرجة جنها صابها حالة هستيرية . مرت ساعة لين ماهدت عواش ورقدت وهم طلعو من الحجرة روضة كانت حزينة جداَ على حالة اختها وهي ندمانة انها مالحقت عليها من الصغر وتركتهاا تعيش بجو العذاب مع امها وابوها . سارت حجرة قعدت تدعي وتقرا قران اما مها ومريم كانوا يالسلات في الصالة مريم مترددة تسال مها عن سبب مرض عواش : مها عواش شوفيها ؟ مها بحزن : مادري شو اسمه بالضبط بس انه من سايكلوجيا الامراض النفسية مريم ببتساؤل : شو يعني ماعندها عقل مينونة ؟ مها : لا عندها عقل بس حالة نفسية يصيبها اذا تعرضت لصدمة او شي صعب عليها تتحمله مريم : شو سببه هالمرض وراثة ؟ مها : لا مب وراثة بس الضروف خلتها جي مريم تبا تعرف التفاصيل : ضروف شو ؟ مها : هذا قبل سنين طويلة . مادري الحين شصار لها وياها فجأة . كنت خايفة انه يصير هالشي بس صار مريم : انزين ليش مها : لانها يوم كنا صغار ابوي كان يعذب امي جدامنا يحرقها ويضربها ، تخيلي ان ابوي كان يشغل امي خدامة حق بيوت ربعه تسير تشتغل لهم عسب توفر له فلوس. وهي كانت ترفض هالشغل حاولت تقنع ابوي بشغلة ثانية لكنه اصر وتم يضربها ويعذبها كل يوم واحن نجوف امي تصيح يدامنا ومب قادرين نسوي شي وقتها كنا صغار توني كنت بالمدرسة وعواش اصغر عني . احن كن انحبس اعمارنا في الحجرة لكن عواش ابوي ما كان يخليها كان يحبها يحضنها ويددوس امي ويبهدلها عواش مااستحملت وهي صغيرة كل يوم نفس العذاب يدام عينها وامها اللي تتعذب فهي يتها حالة كله كانت خايفة و تصيح ما تاكل وتضرب ابويه عقب امي ماتت الله يرحمها وابوي شرد عننا وتركنا روحنا وبعد فترة سمعنا انه مات وعواش خلينها في المستشفى الامراض النفسية لسنين بعد ماتشافت قالو لنا الدكاترة احتمال يصيبها مرة ثانية نفس الحالة اذا تعرضت لصدمة ماتقدر تتحملها . وشفتي عاد صار اللي صار ورجع لها الحال بس مادري شو السبب ؟ مريم متفاجاة توها تعرف انه حالتهم كانت جي قبل كانت متوقعتهم ناس شرات اي عايلة . لانها كانت عايشة بعيد عنهم مع روضة وخلوف \ / \ في بيت اهل سمر سمر كانت يالسة مع سلطان تلعبه . واختها وامها يسولفون سمر : اماايه متى بتزوجين سلطووني امها : ويه فديته ابويه سلطونن ما يهون علي احط ع راسه علة . خلوه في قربي هدوي : ههه خل اللي اكبر عنه يتزوجون اول . عقب بنفكر فيه سمرر : هيه صج اماايه ليش ماتزوجين حمد هدوي : هيه صج اميه . نبا عررس وونغير روتين حياتنا امها : دروي له عيل وحدة سنعة هدوي : اميه انتي جفتي كل ربيعاتي اتوقع مال الثنوية شرايج فيهم ؟ سمر : لا ويعع . مانبا ياهل حق حمود امها : جوفوا له وحدة اكبر تكون في مستوى عقله وتفكيره سمر : هدوي عاد شرات مستوى عقل حمود مابتحصلين هدوي : وليش عاد ما احصل سمر : اخوج معقد اعوذ بالله بس فديته احبه مع انه يضربني ويمط شعري . هدوي تجاهلها : ااميه شرايج بسمية قم عيال عمي أحمد امها : سمية هالمغرورة مابيها . لانه ولدي ماباه يضيع من عندي وتاخذه عني هالملسونة ويروح تعبي وشقاي على الفاضي سمر تضحك على امها هدوي تفكر : انزين اختها نسرين امها : نسرين اي وحدة ؟ هدوي : هاي اللي مب طويلة وايد وما تتكشخ وايد بس سمر : قصدج جيكرة هدوي : جب لا تقولين جي . عيب سمر : والله عاد انتي تبين تزوجين اخوج لناس شرات عيال عمج زوجيه . بس اخوي حمود لا تزوجينه هدوي تطالعتها امها : بس خلاص ولدي مابزوجه خلاص ارتاحو لا تضاربون هدوي تبا تصرف سمر : سمور سيري سوي حليب حق سلطون سمر ترمس سلطان : تلتون يوعان نونو امها : هاتي انا بسويله هدوي : لا اميه ارتاحي . سمر بتسوي سمر : هييييييييييييييييه انا بسوي . روحت عنهم هدوي : امييييه شرايج في تيمية اخت حور ربيعتي اللي توها تزوجت امها تتذكر تيمية : هيه بلاها هدوي تغمز لامها : حق حمود . ماشاء الله عليها حلوة بعد وعاقله مب شرات بنات هاليومين امها : هيه بس مب جنها وايد صغيرة هدوي : صح كلامج وايد صغيرة . بس ماعليه بنترياها تكبر امها : تبين الصراحة انا مب مقتنعه . وبعدين تعالي اخوج شدراني عنه يوافق عليها ولا يرفض هدوي : مادري به رمسيه انتي انزين امها تقوم : خلاص يوما اجوفه بفاتحه بالموضوع . ،، ،، مرت فترة حور وعمر سافروا للعمرة . وردوا . يدتهم خذت لهم شقة يسكنون فيها بحيث يكونو بعيدين عن بو عمر وحرمته اما عواش حالتها ما تسر ابد دوم خايفة وتصيح وترمس بكلام مايفهمونه اخواتها . يحاولون يهدوننها مايبون يرجعونها مستشفى الامراض النفسية عشان لا يزيد حالتها . حاولو ييفهمون منها . بس هي ماطاعت تمت تصيح اما ليلى من يوم خبروها عن موعد الملجة وهي تتجهز كل يوم تسير مولات تتشرا مع امها و تيمية وهجور طبعاَ يوصلهم سالم ومرات يتعايز ويوصلهم سيف البنات في محل ذهب ليلى تشتري مثل ماوصتها يدتها ليلى : ماما مب جنه ثجيل وايد ام ليلى : مب ثجيل ولا شي بس انت عيارتج ما تبين غير الالماس ليلى : لا عاد يدوه قالت لازم اخذ ذهب ام لليلى : انزين وهذا الشغاب لايق على السلسلة ليلى : لا لاا مب شي مال عيايز ام ليلى : سيري خذي لج مال يهال عيل تراج حرمة الحين ليلى : بعدني ماتزوجت انزين في محل ثاني سيف واقف على راس تيمية وهجور هجور تختار لها تصميم لعباة العيد وتيمية واقفة تراقب سيف وهو مشغول بتلفونه رفع راسه تلاقت عيونهم وسيف عصب بدا الدم يفور من جسمه : يلااا بسرعة مابا حركات يهال انا تيمية خافت من نبرت صوته سارت عند هجور هجور : اتريا سواف بعدني . بس شويه سيف رد عليها بهدوء : اوكي هجور ترمس تيمية : زين جي الحين ويا حركاتج البايخة تيمية : هجور جب والله بصيح لا تعصبين علي انتي الثانية ، مب كفاية سواف شوي بيقوم يذبحني هجور : تستاهلين حد قالج تطلعين عيونج عليه . تعرفين سواف مايعيبه البنات تيمية بتفكر : يكره البنات !!!!!!!!!!!!!!!!!!!!!! هجور : هيه تيمية : معقوله في حد يكرره البنات ؟ هجور : هيه سيف يكرهم تيمية : وحتى احنا يكرهنا هجور : احن ماعرف .. بس [ بدلع ] انا يعزني لاني بنت عمته الحلوة تيمية تفكر ففي كلام هجور كيف شاب بهالعمر يكره اللبنات . بس يمكن انا اقدر اخليه يحبني بطريقتي اقدر . والوعد جداام يا سيف بخليك تبوس راسي في ليلة زفتّنا هه . بعد ماخلصو طلعوا كلهم من المول وردوا لبيت : السلام عليكم اليدة مريم : وعليكم السلام حياكم سيف باس راس يدته وقعد حذالها وهو مشغول بتلفونه . تيمية انقهرت من التلفون اللي دوم بيده ليلى يلست حذال يدتها وتسولف وياها : ها شريتي ذهب ام ليلى : مابغت تشتري . ذبحتني هالبنت ما يعيبها شي اليدة تطالع ليلى . ليلى تبا تصرف عليها : لا عيبني والله حلوو . يلا بقوم اودي اغراضي الحجرة اليدة تطالع تيمية : وانتي ليش زعلانه تيمية : مب زعلانة بس ابا اسيير بيتنا اليدةة ترمس ام ليلى : وليش ماوصلتوها بدربكم هني تيمية : قلت بسلم عليج عقب اسير . اليدة مريم بشك : الله يسلمج . بس يا ليت مرة الياية تخبرين ابوج انج بتطلعين مع عمتج تيمية خافت : ان شاء الله اليدة مريم ترمس سيف : يلا سواف قوم وصل تيمية بيتهم سيف طالع تيمية وهي خافت من نظرة سيف : لا عادي بروح بروحي اليدة مريم : ماشي سيف يبيوصلج . قوم سيف وصل بنت عمك سيف : ان شاء الله الغالية سيف طالعع تيمية وهي تعددل شيلتها بمعنى الحقيني وطلع ركب سيارته رنج لونها ابيض تيمية غطت ويها بطرف الشيله وطلعت من البيت جافت سيف يالس في سياررته وشكله يدور ع شي تمت تمشي لين وصلت للسيارة احتارت وين تقعد تمت واقفة تفكر بس أخر شي طلع سيف من السيارة وسكرها ومشى لبرى البيت لحقته تيمية وهي تقول بيمشيني وانا مافيني حيل . تمت تمشي وراه تبا توصل لعنده بس هواسرع منها وفجاة شافت الفون على اذنه وتم يرمس مريم : الو سيف يرمس بصوت خفيف : الوو اشحالج مريم تنهدت بحزن : الحمدلله وانت اشحالك سييف حس فيها : انا تمام انتي شوفيج ليش احسج مضايجة مريم : انا مافيني شي بس ععواش مريضة وايد سيف : الله يشفيها بس منو هاي ربيعتج ؟ مريم : لا هاي اخت روضة الصغيرة سيف : اها دقايق مريوم سيف طالع تيمية : سيري شو تترين تيمية وهي تشهق من الصياح : مابتدش ؟ سيف حب يقهرها : لا مشغول عندي تلفون ماتشوفين تيمية تجاهلته وهي تمسح دموعها ودشت البيت سيف : يهال اخر زمن والله هه ( يرمس ف التلفون ) سوري مريوم هاي بنت عمي العلة تيمية ياي اوصلها لبيتهم مريم : اها سيف : انزين شخبارج بعد مريم : تمام بس كاسرة خاطري عواش سيف : يلا الله يقومها ببالسلامة بس شوفيها مريم : مريضة نفسية سيف تفاجا : اها والحين هي وين مريم : في البيت سيف : ليش ماتاخذونها المستشفى مريم : مادري ماما ماتبا سيف : اهاا . انتي خايفة ؟ مريم : اممممم سيف يضحك عليها مريم : جببب انزين اخاف والله سيف : هههه ترا انا بعد مينون مريم : هيه ادري فيك ترمسني يدام بنت عمك مادري شو بتقول حق يدتك سيف : لا ما بتقول شي ادريبها خوافةة . هاي لو اطالعها دقيقه تخاف وتشرد عني مريم : اها سيف : اليوم موديها السوق بدال ماتتشرا واقفة تطالعني بكل حب مريم بقهر : انزين وبعدين شصار سيف : ماصار شي صارخت عليها بغت تصيح . توها قبل دقايق صاحت يوم جافتني ارمسج مريم : انزين . بخليك عيل بسير اجوف عواش شصار لها سيف : طمنيني عنها اوك مريم : هااه سيف حس انها غارت : حرام مسسكينة مريضة لازم حد يهتم فيها ويحسسها انه واقف وياها مريم : بس هي ماتحتاجك انت سيف : تحتاج منو عيل مريم : مادري سيف : انزين يلا عيل بخليج بسير اسلم ع عمي وبرد ارقد بيتنا مريم : اوكي . باي سيف : باي . سكر عنها ودخل سلم على عمه يوم جاف سالم سيف : هااه متى العيد سالم : مادري بس يلااه قوم وياي ساير حلاق سيف : اصبر يمكن عقب باجر العيد سالم : انت جايف شكلي جني مطوع مصري سيف : ههه ااقولك انا ياي مشي ترا سالم : عندي سيارة . بس تصدق نسير مشي احلى . سيف : يلا . مع السلامة خالووو ام سالم : الله يحفظكم \ / \ في شقة عمر وحور حور سوت له العشاء عقب سارت تسبحت وتعدلت وسارت يلست تطالع تي في تتريا ريلها يرد الساعة 11 حست بصوت الباب ينفتح ودخخل عمر شكله كان تعبان حور قامت سارت صووبه باست خده : وينك حبيبي متاخر اليوم عمر كان منقرف بعد ما كان يدوخ في المقهى : انشغلت شوي حور : يعطيك العافية . اكيد يوعان ، سير غسل وتعال احط لك عشا عمر : انزين كلي انتي بروحج انا بنام حور : بس مب يوعان ؟ عمر صرخ عليها : مايخصج حور نقزت من مكانها : ان شاء الله تمت واقفة يدامه تريته لين سار لحجرته ونام حور بعد ما تاكدت انه نام سارت المطبخ وحطت العشاء بالثلاجة مع انها كانت مضاييجة رمست هدوي : الو حور : الو اشحالج هدوي هدوي تتثاوب : اهلين تمام انتي شخبارج حور : انا زينة . وعيتج من الرقاد صح هدوي : لا بعدني مارقدت . بس فيني رقاد تصدقين حور : يلا عيل تصبحين على خير هدوي : وانتي من اهله اقولج حوري حور : هلا حياتي هدوي : وااي بذووب . ترا شسمه باجر عيد صح يمكن بنزوركم حور : حياج بتين الشقة ولا بيت ماما هدوي : لا بيت يدتج تجتمعون هناك صح حور : هيه هدوي :اوك يلا عيل فمان الله برقد حور ههههه باي الله وياج حور سكرت عنها وهي تفكر في باجر واجواء العيد في بيت يدتها اول عيد لها مع زوجها ان شاء الله يمر بسلام وهو شكله تغير اليوم مادري شسالفته يمكن تعبان ممن الشغل . يلا بقوم بسوي حلويات حق باجر \ / \ يوم العيد في بيت روضة روضة ما نامت طول الليل كانت قاعده عند عواش ترمسها وتجاوب على اسألتها جنها كانت فاقدة الذاكرة والحين تعيد تسترجع ذاكرتها قامت لبست عواش وكشختها الساعة 7 كانوا مريوم ومها وروضة وعواش يالسين في الصالة يطالعون صلاة عيد الاضحى دخل خليفة وسلم عليهم ويلس حذال روضة : عيدكم مبارك عساكم من العايدين والسالمين مريوم : والغانمين ههه مها : على طاري الغنم منو بيذبحه خلوف : بسير ايب رفيق عشان يذبحه روضة : وانا بسير ارقد طول الليل سهرانة . بس ديروا بالكم على عواش لا تطلع وتشوف الذبيحة والدم عواش طالعتها وابتسمت روضة باستها مها : انا بقوم بسوي حلويات . مريوم انتي تمي مع عواش لا تخلينها مريوم : اوكي يلست مريوم مع عواش يطالعون تلفزيون . اتصل سيف على مريم وردت عليه : الوو سيف : الو كل عام وانتي بخير مريم : دقيقة بس . عواش انا بسير ارمس تلفون وبيج لا تسيرين برا اوكي عواش حركت راسها . مريوم سارت رمست تلفون مع سيف في حجرتها .. اما عواش تمللت جافت من الدريشة محمد طلعت على طول وسارت له لكنها قبل لا توصل لعنده وقفت تصيح يوم جافت سكين ودم والذبيحة في الكيس وطرف منه طالع خافت وقامت تصارخ : محمد تعاااااااااااااااال بيذبحوني يطلعون مني دم تعاللللللل محمد يقتلوني بالسكين مايحبوني يموتوني ، محمد من سمعها تصارخ وتزقره أخفتى ، و طلع ع طول من البيت ، اما خليفة وقف متفاجأ من عواش ومنو يذبحها وليش تزقر محمد وما تزقرني انا طلعت مها وراها مريوم ساروا صوب عواش اللي مارضت تهدى دخلوها داخل البيت . شلوها الذبيحة والسككين ونظفوا الدم . مها مارضت تقوم روضة من النوم . تمت تهديها لكنه مارضت تهدي باي وسيلة انهارت من الصياح ، خليفة اصر انه يوديها المستشفى وانه هاي مب حالة عادية . مها وافقت وساروا ودوها المستشفى الامراض النفسية وهناك عطوها مهدى ونامت ربطوا ايدها وريلها على اطراف السرير عشان اذا قامت لا تضرب نفسها . مها تمت تصيح ع حال اختها الصغيرة واما مريوم كانت ندمانة انها هي السبب يوم ودرت عواش بروحها . اما روضة كانت نايمة بهدوء البيت لكنها نشت من اصوات الجرس واليهال يبون عيدية . جافت انه محد موجود في البيت فكرت انهم راحوا بيت الجيران اما عند اليدة مريم فكان عيالها واحفادها موجودين الا بو عمر وحرمته ما يأو تيمية كانت طول الوقت سرحانة تطالع سيف وقلبها مسكور من سمعته يرمس وحدة واكيد يحبها . وسيف كان يالس يرمس ويسولف مع عمه بو سالم عمته ويدته . استأذن مننهم وسار بيت ابوه يسلم عليه هجور : يدوه اكيد غدانا لحم ام ليلى : اكيد ماما اليدة ابتسمت ليلى : بس انا ماباكل اخاف يختررب جسمي وينشق ويهي حور : ههههه كله ها عشان باجر ملجتج ليلى حركت براسها معنى انه هيه حور : اتصدقين يوم كنت بمكانج يعني بيوم ملجتي كنت عادية مب جنه عروس ليلى : هيه صح اتذكر كنتي ماتبين تتزوجين عمور كنتي تصيحين حور تفاجأت من كلام ليلى وابتسمت لها وسكتت . عمر سمع هالجملة وتم يفككر فيها يعني لا هي تحبني ولا انا احبها . ليش مبلشين اعمارنا عيل تمووا يرمسسون ويسولفون لين حزة الغدا فرشوا سفرة الاكل وكلهم يلسو على الارض ياكلون عشان مساحة الطاولة اصغر ماتكفي . بعد شوي ، عمر استأذن منهم انه بيسير حمام صعد فوق لين وصل حجرة سيف الكبيرة \ . دخل الحجرة وسكر الباب بتعب تيمية من سعمت صوت باب الحجرة طرأ على بالها سيف داش حجرته ، صدت ويهها ، تفاجأت و : عموووووور عمر قرب منها وهو شبه مائل بجسمه عن الارض تيمية استغربت وبدا يقترب منها اكثر بحيث صار حاظنها تيمية انصصصصدمت ليش يحضني عباله انا حور ؟ بس انا مااشبهها كيف جي ؟ عمر بحزن وهويشدها بحضنه تيمية منصدمة.: خوووووووووووز عني عمر مسك شفايفها بحيث انها ماتصارخ : والله والله تعبان تيمية بلعت ريجها وهي تحاول تفج عمرها من عمر عمر حط راس تيمية على جتفه وهو يرصه على خصرها بحظنه صار جنه ملتصقين في بعض تيمية ارتاحت بحظن عمر اول مرة تحضن ريال تمنت انه يكون سيف . لكن مستحيل سيف يحضني بهالطريقة بكل حب . فتحت عيننها فكرت انه يمكن يكون سيف اللي حاظنها : انت منو . انتظرت منه يرد عشان تستانس وما يخيب املها انه هو سيف . لكنه مارد عليها عادت السؤال جافت مايرد ، عمر حرام يلمسني حرآآآمممم ، ليش لشيش وععععع حست انه نفسه صار بطيء فجت عمرها منه بكل قرف ، وطيحته على السرير جافته مغمي عليه بدا يزيد منها الخوف ماعرفت شو تسوي تمت تصييح وتصييييح لانها ياهل تخاف وما تعرف تسوي شي وتنقذ عمرها من هالموقف . اكيد الحين اهلنا بيعرفون باللي صار شو بيسون فيني ؟ حور كيف بتطالعني وتعدني اختها عقب ماخنتها . يارربي شو اسوي ياربي شو اسوي . جافت تلفون عمر طايح من جيبه شلته ولا ارادي بدت تدور على اسم الشخص اللي تححبه واللي مب متاكدة اذا ساعدها او ذبحها . لكنها مافكرت في عاقبة هالاتصال والنتيجة بعدها ، و على طول اتصلت بعد رنتين رد سيف : الو تيمية وهي تصيح : سيف الله يخليك انا في حجرتك الله يخليك تعال ساعدني انا في مشكلة . وسكرت وكملت صياححها سيف استغرب لكنه شك انها تكون تيمية بس ليش تصيح ماعرف . سار فوق لحجرته جافها يالسة تصيح على الارض وعمر مغمي عليه : شو مــ .. ــــــسس..سـ ـتووو .. وي !! تيمية وقفت يوم جافت سيف سارت وحظنته على طول سيف انقرف من حركتها وخوزها من حظنه : اسألج شو مستوي تيمية بخوف : مادري مادري . عمر .. عم ـ. م. . مرر سيف تركها وسار عند عمر جافه نفسه بطيء واخترع بدا اتصل ع اسعاف . . رمس تيمية سيري ازقري امي تيمية تمت تطالعه وماتحركت سيف يصارخ : انجلعييييييييييييييييييي تيمية ركضت وهي تتعرج بريولها وصلت لصالة اللي كانوا قاعدين فيها اهلها جافت حور وبدت تصيح حور : تيمية شفيج ( قامت وسارت صوبها ) ثؤ اليدة مريم : ليش تصيحين شو بلاج ؟ تيمية وهي تبلع ريجها وتطالع حور : عمر عمر مادري شصار له مادري حور مسكت قلبها : شفيه عمر ؟ تيمية وهي تشهق من الخوف : مادري سيري جوفيه كلهم صعدوا فوق ماعدا تيمية واقفة تصيح حور من جافت عمر طايح طلعت برا وهي تصيح فكرته مات وصل الاسعاف وخذا عمر وراح على الطوارئ وكلهم لحقوه مر الوقت بعد ساعتين بو عمر وحرمته ياو المستشفى الدكتور قالهم اننه عنده فتحات في القلب وشرايايينه مسكرة ، لازم يتعالج . حمدو على سلامته طبعاَ هو مرقدينه في المستشفى لانه الاجهزة موصلة على شرايين قلبه . كلهم رجعوا البيت ماعدا بو سالم وحرمته قعدو عنده تنفيذاَ لطلب اليدة مريم لانها مارضت بو عمر يتم عنده وخلته يروح لانها تعرف ماعنده قلب مايحب ولده واحتمال كبير يعق اي رمسة ويخلي حالته تسوء حور كانت تصيح وتقرا قران وتدعي انه يقوم بالسلامة وتتحسن حالته ويتعافى . اما تيمية والكابوس اللي صار لها خلاها تفكر وتصيح بحالة جنونية وحتى استغربت منها هاجر اللي اكثر شي جريبة منها . اما ام عمر كانت متاثرة شوية على حالة ولدها تمنت اللي صار في سيف مب عمر . لكنها تمت تحن على ابو عمر عشان يخليها تتم مع ولدها في المستشفى وبو عمر عصصب وقعد يهزئ فيها . \ / \ روضة عرفت باللي صار لاختها الصغيرة وارتاحت وهي منومة في المستشفى عشان ترد طبيعتها . في اليوم الثاني كلهم ساروا يزورون عمر في المستشفى الا البنات تمو في البيت . ليلى كانت حزينة على اللي صار وتفكر انه ملجتها ما يصير اليوم واحتمال يتاجل . بغت تسأل امها لكنها استحت . تيمية كانت طول الوقت تفككر في اللي صار واخر موقف واللي خلا حالة عمر تتبهدل بسببها . لكن هي مالها ذنب هو المفروض يحب حرمته مو يخون فيها ومع منو مع اخت حرمته . هالشي مستحيل وصعب على حور تستحمله . من بعد ما بدت حالتها تتحسن مع ريلها وبدت تحبه وهو خانها . تيمية كانت سرحانة لمحت سيف ، وسارت له يوم وصلت لعنده تناديه : سسواف سيف سمع صوتها بس ما طالع صوبها : شو تبين تيمية : سواف ابا ارمسك سيف : لج ويه توقفين جدامي عقب اللي سويتيه تيمية : حرام عليك سيف ، والله انت فاهم غلط ، اقسم بالله ما صار شي انا بفهمك يا ليت انت تصدقني سيف وقف جدامها : ايووه ، تيمية خافت يوم وقف مجابلها ويطالع عيونها ، كملت : سيف ماصار شي انت فهمت غلط سيف ( بصّرآمة وطولة بآل ) : شو اللي خلاج تروحين حجرتي عند عمر تيمية : ما كنت قاصدة ، وعمر اللي لحقني مب اناا سيف : تبيني اصدقج تيمية : والله العظيم حرام عليك لا تظلمني سيف : شو سوواء لج تيمية خافت وتمت ساكتة سيف : قولي تيمية نزلت عينها سيف ( غير وضعيته ) : سوواء لج شي ؟ تيمية هزت راسها بمعنى لااء سيف : لمسج ؟ تيمية تصيح : حظني سيف تلوم : استغفر الله تيمية زاد صياحها انتظرته يحظنها بس ما اهتم لها سيف : وحد ثاني يعرف باللي صار تيمية : لاااء محد يعرف ، الله يخليك لا تخبر حد ، سلوم يذبحني ، و حور بتطلق بسببي سيف : جآآب ، ع كيفج انتي تبين توقفين حيات اختج تيمية : عيل شو بتسوي انت الله يخلييييييييييييييك لا تخبرهم ، ماما عودة لا تعرف ، تتبرى مني ، عمووو بتكرهني بتصغر صورتي جدام امي سيف : دشي دشي داخل ، الله يكملج بعقلج ، تيمية طالعته ولفت عشان تروح ، سيف بسرعة مسك ايدها قبل لا تروح تيمية استغربت من مسكته سيف : اسمعي تيمية تيمية تطالعه تنتظر منه كلمة اللي تحلم فيه سيف : لا ترمسين عمر مالج خص فيه ، وانسى اللي صار ، ابااج تنسين اللي صار خلااص تنسينه فهمممتي ؟!! تيمية : اوكي ، وشردت عنه وهي مستحية سيف : مادري على شو مصدقة روحج انتي بعد ، وعمور شو من حب ياله في هالياهل ، اسميه تخبل ، فديت حور حلاتهاا ، احلى عن سلوم وتيمية ، الاا من قلة الذوق بس شو نقول دخل المطبخ سيف : انا يوعااااااااااااااااااااان ( يصارخ ) يوعاااااااااااااان سسيفووو يوعاااااااااان ليلى : هلااا ابوييه انته سيف يلس ع الكرسي : الدبه انتي هني ههه ليلى : هاااااه ، انا دبة . صدق صدق حرااام بسوي رجيم عشان ( سكتت ) اضعععععععععععععف سيف : ههههههههههه ليلى : جببب لا تضحك يعلها الدبة حرمتك ام عيسووه سيف : فديتها وفديت عيسووه ولدي اللي في بطنها ليلى : هههه اسميك الااا عيااار سيف : فديت بنت عمتي اناا ، والله ايدينج حلوة سوي لي اكل ليلى : ههه ان شاء الله بس أهم شي كل يوم تمدحني سيف : ترا من تملجين ولوود بيأخذ عنا الدور ويقعد يحبج ويتفداج ، بعد شو تبين ليلى استحت : جببب سوواف عييييب سيف ضحك عليها : انا يوووعان ( ماسك البلاك بيري ) سكت طالعته : بعض الناس يغازلون جنتنا ام عيسوووه سيف ما سمعها ، لانه كان يرمس مريوم اللي كانت تصيح عقب فترة ليلى حطت الاكل وطلعت ، تم سيف ياكل شوي ، عقب طلع . \ / \ مرت فترة على عائلة مريووم ، عواش في مستشفى من حوالي اسبوعيين او اكثر من جي ، ارتاحت شوي حالتها تحسنت ، مهاا تداوم في المحكمة و استلمت اول قضية لهاا وبدت في تلبيسها ، ومريووم بدت تروح الكلية حق الأيلس ( تعليم الانجليزي ) ونفس الشي خلووف اخووها ، امآآ حسوون ما خبروه بحالة عواش واللي صار لها ، طبعاَ محد فهم ولا حد عرف عن سالفة الهندي وهي تحبه ، / اماا عمور سفروه تايلاند يتعالج لانه الدكاترة هناك عندهم تخصصات ، واجهزتهم احسن وارقى ، والأدوية عندهم متوفرة ، عشان جي اللي رافقه سالم و سييف وابو سالم ، اليدة مريم منعت ابو عمر يروح معاهم ، صار لهم خمسس اياام هنااك ، واليوم موعد العملية \ آماا ليلى مضايجة لانهم اجلوا ملجتهاا ، وخافت انه يكون القدر عائق جدامها هي وووليد ، وصارت ما تاكل واييد ، طبعااَ يمكن عشانها حبت زوجها المستقبلي ( حب طآهر )) / اما هجور واوهامها بالماضي وتخيلاتها لايام عاشتها مع مايد ، ما تقدر تنسى ، كلما حاولت تنسى تسرح وتذكر ايامها ، الله يكووون بالعووووووووووون ، النسيآآآآآآن شي مب سهل أبداَاا \ وتيمية صارت حلوةة احلى عن قبل ، كل مالها تتعلق ب سووووووووووووووووووووآآااااف ،، وعقب ما سافر كله مشتاقة له ، حاولت مع يدتها تخليها تروح وياهم ، لكنها ما رضت ، ومستحيل تررضا ، دامها ما رضت حرمته تروح وياه كيف بترضا . ولا رضت امه وابوه يروحون وياهم / آم عمر حالتها حالة مع ولدها خايفة عليه ، وبنفس الوقت تفكر تسافر ووتروح عنده من غير ما تدري اليدة مريم ، لكنها عفريييييتهه ما خلتها تروح ، ومضايجة اكثر انه حتى ابو عمر ما خلته يسسير ، وسالم كل يوم يفكر في مها يبي يخطبها لكن في شي يمنعه ، كل مرة يحاول يرمس امه بس بالاخير يتردد ويهون ، طبعاَ مها ماتدرييييييييييي انه سالم يباها او شي ، لكن بالاخير سالم قرر انه ينسااا مها ويطلعها من مخه ، على قولته نزوة وعدت ،، \ / \ في بريطانياا وبالتحدييييييد في لندن كآآن حسون يتمشى مع صديقته اردنية الجنسية ،، آفنان : ولكككككككككككككك برددددد ، لشو لابس هييييك مُحسسن محسن : آوووخ انتظريني شوي ببدل وبرجع لج ( ضرب جتفها بحركة انتظريني ) افنان ابتسمت له ، وكملت تمشي : عن جد بحسُه هالانسان كتييييييييييييير قلبوو طيييييييييييب ، كيف هييك انسان عايش لحاالوو ، تارك اهلوو بدون محرم ، ، لك بهونها الكريييييييييييييم من فوق سابع سمآآه ، لفت يمين ما شافت حد: آه بابا كتييييييييييير اشتقت لك بتمنى بس ماما ترضا علي وتخليني اروح لاردن واشوفه ، افناان شافت محسن : آجيييييت محسن : هيه افناان وين تحبين نروح افنان حطت يدها على جيبها اللي بالجاكييت : ما بعررف ، محسن يبتسم لها : ولا انا مابعرررف افنان ضحكت عليه : لكككككككك شو بكككككككك انتاااا محسن يطنز عليها : ما بني شيييييييييييي ( بلغتنا مافيني شي ) افنان تضحك : ههههههه حل عني بقاااااا محسن مسك ايدها وشبكها في بعض : شورايج افنان : كيووت محسن ابتسم لها افنان : لككككك يخرب بيتكككككككككككك هيييك ما حد بيـدفي محسن : هااه ( ارتبك شو قصدها هاااي ) افناان : شو صار لك محسن : ولااشي انا وايييد مستانس لاني صادقت وحدة مثلج انتي واييد طيبة وحبوبة افنان : ميرسسسسسسسسي محسن : اممم ولكموو ، انتي تحبين حد افنان : لشوو هالسؤؤال ، وبعدين لااءء ما بحب حداا محسن : ايووا افنان : انت لسا بتفكر فيااا لمريم محسن : هييه وانا ليش اقدر انسااها ؟؟ افناان : لا تشيل همها ، هلآ تكون هي عايشة حياتهاا محسن : صدقج ، لكن ما اقدر اخونها واحب غيرها افنان ارتبكت : ما علييييييييييييش شوي شوي وبتتعود على االوضع ، بتلاقي نصيبك ان شاء الله محسن : لااه انا نصيبي مريم افناان : ان شاء الله محسن ابتسم لهاا : شوفي وين وصلناا للشارع العاام افنان : آه ، لشو بدك تروح على سينما محسن : اممم لاا ما لي خلق افنان : تيييييييب ، انا بروح لمحل ميك آب ، محسن : خلااص يااي ويااج افنان : بدكك تستناني براا محسن : ههههه لاا بدش وياج عادي افنان : آه طيبب دخلو محل ميك آب افنان خذت لهاا بلاشر وظهرت محسن كان واقف يطالعها شاف وحدة لابسة لكنز اسود وقميص أحمر طوله للكوع وايدها عارية ، لون بشرتها حنطاوية محسن عرف انها مواطنة ابتسم تخيلها مريوم ، هي من شافته يبتسم لها ردت له ابتسامة اقوى ، محسن توهق وفي خاطره الحين بترقمني بعد خل اشرد قبل هذا ، \ / \ |
| الساعة الآن 05:45 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir