|
الجزء الخامس عشر: ابتسمت فهو يريد أن يكون اسم طفله طلال ولايعلم أكان بنت أم ولد "أقول انتي بس اسلم تبتسمي ايش عندك ؟ حنين "اضحك على الناس الفاضيه أجل طلال وهو لسى ماشرف ؟ مشعل "بيشرف ويتربى بين أمه الحلوه وأبوه الذيب حنين "مانسيت احد ؟ مشعل يهز رأسه باستفهام لترد حنين عليه "ومرت أبوه ساره ؟ مشعل يضحك بهستيريا مما اثار فضولها لتعرف مابه مشعل "لاتقولين انك تغاري ؟ حنين تحترق غيرة من الداخل ولكنها أجابت "ليه أغار هي بنت عمك وعادي ليه اتدخل بينكم ؟ مشعل أصيب ربما بخيبة أمل ولكنه أكمل "لا بس قلت دامك ماتحبيني ولانتي مهتمه ليه طريتيها ؟ حنين بينها وبين نفسها تقول أنا التي أحبك فقط أنا لكنها أحبت أن تغيظه فأجابته "أنا حبيت اذكرك فيها واعوّدك من الحين عليها لأني مو دايمتلك انا بس بأولد بروح لأهلي وبكمل حياتي لكن مشعل ربما لم يتحمل ماقالته فأسرع اليها ممسكا بكتفيها يهزها ليقول "والله لو تموتي ماتكوني لغيري والا نسيتي انك كنتي في بيت أهلك اكثر من شهرين ولافكرت أطلقك ؟ هاه انطقي؟ قولي ؟ حنين وقد ألمها هزه لكتفيها صاحت به متألمه "آآه حرام عليك اتركني انت شو ماتحس ؟ تركها وهي تفرك كتفيها من الالم ونظر اليها ليقول "اذا ماتبين تعصبيني مره ثانيه لاتهرجين بالروحه لأي مكان لأني ماراح اتركك فاهمه ؟ واتجه الى الباب ولكنها نادته "انت ماترضى اللي يصيرلي يصير لوحدة من خواتك والا انا بالطقاق ماعليك مني الحين بتتزوج قلي ليه متمسك فيني حتى ولدك بأعطيك اياه ماابغاه ؟ كانت وهي تقول هذه الكلمات تتمزق من الداخل ولكنه ليس بيدها فهي تريده لها لوحدها ردعليها بقوله والنيران تشتعل بعينيه "تدرين ليش مابخليك ؟ لأنك لي من يوم دخلت القاعة تذكرين ؟... انتي لي من يوم سمعت صوتك ... انتي لي من يوم طاحت عليك عيني ... انتي لي انا بس وماراح اسمح لأي مخلوق ياخذك مني فهمتي ؟ بس تدرين حسافه اذا ماانتي فاهمة ؟ منتي فاهمة ايش معنى المشاعر ايش معنى يكون للانسان عواطف ؟ كان سيخرج ولكنها انفجرت لتقول "أنا اللي ماأفهم ؟ حرااام عليك انت اللي قاسي انسان متحجر ؟ أنا أحبك انت ماتحس حرام عليك حرام ؟ حتى بعد مارجعت معك من غير ليه قابلتني بأحسن خبر "خبر زواجك " وماقلت شي بس انك تكون لها هذا ماقدرت استحمله تخيل انت مارضيت أكون لغيرك وأنت ماتحبني أشلون لو ... لم يدعها تكمل بل اسرع اليها ليحضنها ويقول بصوت هامس "لاتكملي ياروح مشعل انا مو أحبك أنا أموووت فيك وماأتخيل أحد ياخذك مني انتي ماتعرفي ايش صار فيني لما رحتي ماصرت اشتهي الاكل ولادخلت الجناح بعدك أبد والحياة عندي لالون لها ولاطعم من بعدك انتي روحي والجسد من غير روح مايعيش " حنين "طيب ليش قلتلي روحي ؟ مشعل "أنا ماطلبت تروحين أنا شفت الشنطه اللي مجهزتها بأسفل الدولاب وقلت أكيد أنك رايحه رايحه فحبيت تكون مني ماكنت ابي كرامتي تنهان لما تروحي غصب عني حنين "بس الشنطه اللي كنت مجهزتها كانت ملابس ماأبغاها وقلت اتصدق فيها ؟ مشعل "هههههههه وماجيتي تتصدقين الا بذاك الوقت والله فكرتك مروحه حنين "ههههههه ايش دراني انك متسرع بس اللي متأكده منه انك مغرور مشعل "فديت الضحكه ياناس بس على فكره غروري حطمتيه من زماااان من يوم شفت هالوجه الحلوووو خجلت حنين من نظراته لها ولكنها استمرت تسأله وتحادثه وتجنبت موضوع ابنة عمه لأنها تأكدت من حبه لها فلايهم ماذا يأتي بعد ذلك .......................... الجزء السادس عشر والأخير : استمرت الإسبوعان بعد ذلك على خير مايرام فمشعل يزيد من الكلام المعسول والنظرات الوالهة العاشقة وحنين تزيد من حبها وعشقها له وتزيد من دلالها وغنجها الذي يجعل مشعل يذوب عشقا لها يوم الاربعاء صعدت ابتسام لتخبرها أن ملكة سارة اليوم وأن حنين يجب ان تحضر ولاتسبب شوشرة حنين شعرت بالدنيا تدور حولها ولكنها قالت بنفسها أنها ستتحمل فقلب مشعل لها هي وحدها وهي الاجمل وستفوز به حتماً ارتدت اجمل الفساتين التي تخفي بطنها الذي بدأ بالبروز بلون الكريم الهاديء ووضعت الزينه الثقيله والكحل الغامق أحمر الشفاة الاحمر الامع ورشت العطر ونزلت عندما أمرتها ابتسام بالنزول نزلت وهي تشعر انها انسانة محطمة خاويه الجوف لاتقوى على شيء ولكن مع نزولها انطلقت الاهازيج والالحان والصلاة على النبي انها زفة العروس ربما يظنو ان سارة من سينزل لكن الافكار بدات تأخذها وهي ترى مشعل أسفل الدرج ينتظرها مبتسماً بحب فكرت انه ربما يتوقع نزول سارة ولكن هذه الابتسامة لها هي بالذات إنها تعرف ابتسامات مشعل وهذه التي تنضح بالعشق والهيام انما هي لها لوحدها لم تشعر الا وهي في أحضانه ويضحك الكل من حولهما رأت اريج التي تبتسم ودموعها في عينيها لتقول "وربي مثل المسلسلات أشوى اني ماخربت عليكم الخطه خطه ؟ عن ماذا تتحدث ؟أي خطة ياترى ؟ مشعل وهو يخاطب حنين"حبيبتي حنونه ياقلبي انتي عروووستي بس سامعه ؟ حنين "وساره ؟؟؟ وهي تائهة النظرات مما اضحك الكل عليها مرة اخرى مشعل " سارة بنت عمي ملكتها ببيتها لأنها بتتزوج ولد جيرانهم هههههههه ايش رايك بالخطه ؟ حنين اصبحت تضحك لاتدري اتصدق أم تكذب أم انها تحلم وأن مشعل حبيبها لها لوحدها مشعل " حبيبتي حنين ايش فيك ؟؟ وربي ياابتسام لو صار لها شيء مايحصلك طيب ؟ ابتسام بضحكه "الحرمه مي مصدقه انك لها ياخي شوف بتموت من الفرحه هههههه وبعدين تراك رضيت بالفكرة مشعل" ايه بس ليتني سمعت كلام اريج والوالده !شكلها انجنت هههههه عندما سمعت كلامهم حنين لم تستطع تمالك نفسها فضحكت ثم قالت " ايش قالولكم ماني شايفه خير ؟ وبعدين عااادي اصلا كنت ****ه انك تتزوج مشعل "ههههههه ايه ****ه وانتي نايمه بالليل ماتشوفي نفسك وانتي ترافسي وتقولي"لا مشعل حبيبي انا لوحدي لا اتركوووه خجلت حنين من كلام مشعل وتلون وجهها مما دعى أهل مشعل للضحك عليها مشعل " خلاص وكثر الله خيركم ممكن تتركونا أنا وحبيبتي ؟ ذهب الجميع الى الاعلى ولم يتبق بالصالة الاهما مشعل " حبيبتي انتي لسى مصدومه ؟ حنين والدموع في عينيها " ايه ماني مصدقه حبيبي لي لحالي وشو تبيني اسوي يعني ؟هههه مشعل "ههههههه ياقلب مشعل انتي تعالي تذهب حنين الى أحضانه هذه الاحضان التي طالما تعودت على دفئها ولاتريد مغادرتها أو الابتعاد عنها إنها أحضان حبيبها وزوجها مشعل مشعل "في اشيا كثيره ودي أقولها لك ؟ ودي أقولك اني مع اني كنت شاك بأخلاقك بس عمري ماقدرت أكرهك ؟تذكرين يوم رحتي مع السواق ؟ كنت هذاك اليوم مصمم اخذ اللي ابي منك واتركك بس لما شفت وجهك انهزمت وعرفت أن مره وحدة ماراح تكفيني ولاراح أمل منك فصممت أنك ماتكوني لغيري حتى لو أخلاقك شينه !ماتتخيلين الجنون اللي صابني وأنا أفكر ان في اشخاص ثانيين قدروا يشوفو وجهك الي أسرني وحتى بعد الزواج لما قلت اني بعاقبك وراح اعاملك كجماد هزمتيني !كنت لما اشوفك نايمه اتمدد بجنبك واتأمل ملامحك الحلوة واتخيلك تحبيني وحدي أنا بس !وماتصدقي فرحتي لما اكتشفت ان اللي يجيبك الشركه ماهم الا اخوانك بغى يغمى علي اول مافتحو الباب صدقت على طول أنك طاهرة كنت بجي واضمك بينهم لو اني ماتمالكت نفسي وكمـ........ كان سيكمل مشعل ولكنها وضعت اصبعها على فمه لتقول بغنج "حبيبي اوووووش خلاص مانبي نعيد الاحزان نبي نبدأ بالأفراح بس أهم شي الحين اني أحبك ! ابتسم مشعل ورد لها الكلمة بقبله عذبه ليقول"أحبك ....بس بأعترفلك بإعتراف أخير صمت ثم تابع "كنت مسميك الريم اللعوب ! كانت حنين ستقاطعه ولكنه أكمل "كنت دايم أردد بيت من قصيدة حامد لأني حبيتك حتى وعقلي كارهك يقول "وعز الله إني كل ما تطـري لـي الريـم اللعـوب حرمت أمد ايدي علـى حاجـة وانا مـا أقـوى لهـا!" إنتي ياحنين شي لاقدر قلبي يتحمل حبك ولاعقلي وافق قلبي .....لكن ألحين القلب والعقل تخاووا وحبوك سوا " وابتسم لها ابتسامة تنطق لها بالعشق الدائم ............. مابعد النهايه بعد 3 سنوات أريج خجلة وهي بجانب محمد الذي ينظر اليها بهيام تأتي حنين اليه وهي تقول بمحاولة للتخفيف من نظرات أخيها محمد الجريئه "محمد خف عالبنت تراها مره خجوله مووو أروجه أريج "ايه حنين ومحمد "هههههههههههههه حنين "الحين أقول انك تستحين تقولين ايه ؟ هههه وانت يامحمد شوي شوي عليها يلا شوي وبجي ابتسااام "أقول ولدك العله ذا أذانا يبي ابوه حنين "حبيب امه والله !الحين نروح معه البيت ليه مستعجل ؟ حنين استمرت بتقبيل ابنها طلال حبيبها وابن حبيبها مشعل انتهت ملكة أخيها محمد على أريج أخت مشعل بخير وبالليل وهي تضع طلال بسريره يأتي مشعل من خلفها ويطوق خصرها بيديه ليهمس بأذنها "ألحين طلال ماخذك مني ؟وابوه المسكين ماله شي ؟ تلتفت اليه حنين لتهمس له "ابوه أهو حبيبي الاول والاخير والوحيد بس هاه ايش رايك ؟ ينحني ليقبلها وليهمس لها "الله لايحرمني منك ...أحبك حنين"أحبك ....... تمــــــــــــــــــــــــــــــــــــــــــــــــ ــــــــــــــــــت................ |
احذف الموضوع يعني |
| الساعة الآن 08:44 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir