منتدى استراحات زايد - قصة واقعية خٌبّٱل فُٱلمدُرسًۂ .. مصِٱيّبّ فُٱلجَٱمعۂ .. مشّٱكل فُٱلبّيّتُ .. وِٱلحًيّٱۂ تُمشّيّ ..~

( البارت الرابع )
صوب خلوف وحرمته ( هنادي )
( هالثنين يحبو بعض وايد بس دوووومهم يتضاربو )
الساعه 5 العصر
خليفه : هناادي ييبيلي كندورتي بظهر مع ربعي
هنادي ( وهي اطالعه بنظرات احتقار ) : انزين ...
خليفه : شفيج اطالعيني جيه قلت شي غلط انا ؟
هنادي : لا سلامتك > بس انت وايد تقعد وياي واتظهرني اكثر من ما تظهر مع ربعك ( وهي تقصد العكس وهو فاهم الي هي تقصده )
خليفه ( وهو يبي يقهرها ) : تراني 24 ساعه مجابل ويهج لازم اغير جو
هنادي : ع الااقل ويهي احسن عن ويهك >> شف شف شكلك انت بس
خليفه : لا تاخريني بسرعه ييبي مب متفيجلج !!
( هنادي وهي مهصبه راحت ويابتله كندوره > وهو لبسها وطلع مع ربعه وماسوالها سالفه )
الساعه 6
( بعد ما هدت هنادي لنها كانت حدها مفوله > راحت عن عمتها الي هي ام ريلها )
هنادي : هلا عمووه
عمتها شيخه : اهلين بنيتي تعالي حياج
هنادي : قريب عموه
( وقعدت هنادي تسولف ويا عمتها وشوي تدش خلود ويا اخوها سواف )
الساعه 8 ونص
سواف : هلاا هنادي شحاالج
هنادي ( طبعاً هي عادي ترمس سواف لنه اصغر عنها ب3 سنين ) : اهليين سوااف
سواف : قومي تطلعي ويايي عاازمنج ع العشى ؟
هنادي : ممم فاي مطعم .؟
سواف : مابخبرج قومي اذا تبي
( هنادي كانت تبا ادق ع خلوف عسب تقوله انها بتطلع ويا سواف > لكنها تذكرت الي صارت وعاندت )
هنادي : اووك :p
( راحت هنادي طلعت ويا سواف وتعشو بعد ماخلصو رجعت البيت )
الساعه 10
( هنادي دشت البيت وشافت خلوف راجع قبلها )
خليفه : وين كنتي حضرتج ؟
هنادي : مايخصك
خليفه : لا والله وصارت ترد بعد !!
هنادي : انت تظهر وتروح وترجع وماتقولي وين رايح
خليفه ( وهو يصرخ فويهها ) : لا والله الحين صرتي تقارنيني فيج > ويين كنتي انشالله ؟؟
هنادي ( وهي خايفه ) : كنت رايحه اتعشى
خليفه : ررحتي ويياا منوو ؟
هنادي : اخوك سواف
خليفه : وتطلع بددددون اذنبي بعد
هنادي ( والدموع فعينها ) : اسفه
خليفه : صيحييي بعد صيحي !! انا متزوج يااهله شوو كل ماقلتلج كلمه صحتيلي
( هنادي ماقدررت تتحمل كلامه وانفجررت صيااح )
خليفه : انااا ماقلتلج جيييه عسب تزييدييين صياااحج > نااقصنج انا الحين بعد!!
_____________________________________
ف bbm
مهروه( ع اساس انها عبدالله ) : هلا حبيبي اشتقتلج
فطوم : موبي ارمسك زعلانه l
مهروه : شفيج حياتي ؟
فطوم : انت ماتهتم فيني ولا تسئل عني
مهروه : خلاص فديتج اوعدج من اليوم وراايح رااح اهتم فيج اكثر عن قبل
فطوم : جد ؟
مهروه : هييه لبى قلب الزعلانه اناا
فطوم : كلي لكك فدوه
مهروه : :*
فطوم : عبود ابا اقولك شي بس مب عارفه من وين ابدا
مهروه : قولي قلبوتي
فطوم : انزين عطني رقمك عسب اعرف اقولك
مهروه ( وهي متوهقه !! ) : لا حبيبي خايف عليج عن يدرون حد من هلج
فطوم : عبود محد بيدري عطني رقمك
مهروه : وبعدين اصلا انا مب قاعد بروحي عندي ربعي عاطنهم طاف وارمسس الحب 3>
فطوم : يعععني انت الحين مخلي ربعك وترمسني انا !!!
مهروه : كل وقتي لج
فطوم : عبود انا .. انا ...
مهروه : شفيج بيبي قوليلي
فطوم : انا حبيتك عبود احبك احبك
مهروه ( مستاانسه لنهاا قدررت تلعب على فطوم ) : وانا احبج من زماان لبى روحج
فطوم : أبيييك دوم وياي مابييك تفارقني ولا لحظه l
مهروه : انا موجود > ورااح اوقف معاج فالحلوه والمره
_______________________________________
فالسكول فالفسحه صوب شله العنود
( طبعاً كل الكلاس يظهرو فالفسحه وشله العنود من عيازتهم ماقدرن يطلعن وقعدن ورا ف الكلاس )
مهروه : هههههههههههههههههههههههههههههه سوييييتها
العنود : شسويتي بعد -,-
شهد ( وأونها تتدلع ) : سو سويتي
مهروه : لعببت بفطووم لععب ههههههههههه
ساره : هههههههههههههه عاااشت مهااااااري
العنود : شتقصدين ؟
مهروه : تميييت ارمسها ليين ماخليتها تقوولي احبك
شهد : وهه ياااااا قوويييييه ههههههههههه
العنود : وشوووو قالتلج و شسمه بشوو رمستيها ؟ وكيييف بترمسينها بالفوون ؟
مهروه شوي شوي علي حبه حبه >> تميت العب عليها وهي مصدقه ورمستها بالبي بي مال اخوي الصغير ع اسايس اني ولد > و ارمسها صووت بصوت خليها علي هذي
ساره : هههههههههههههههه وربي انج مينونه هههههههه
العنود : تنظقي شبتسويييين ؟؟
مهروه : يوووه ترااج واايد تسئلي طفرتيني بتعرفي كل شي بعدين >> ساروه قومي نظهر ( وهي تغمز لساره بس محد انتبه لها )
ساره : اوك
العنود : ونحن انشالله k
ساره : قري مكانج
شهد : مولت عليكم
( طلعو ساره ومهروه يتمشون فالساحه )
مهروه : أقلج ساروه !
ساره : هلا ؟ شو وراج ؟
مهروه : تعرفي البويه الي مسميه عمرها فهود الي صف 12 !!
ساره : هيه اعرفها بلاها ؟
مهروه : انتي ترمسيها ؟
ساره : هي عندي فالمسن بس مارمسها وايد وويع مالت عليها و ع الي مثلها
مهروه : عطيني ايميلها !
ساره : ليش شتبينه ؟
مهروه : عسب اخليها ترمس فطوم ع اساس انها ولد !!
ساره : لالا يبه يبه شتبين فيها انا عندي لجج فكره
مهروه : وشو فكرتج ؟
ساره : في برامج تنزلينها فالفون تخليج تقدرين تغيرين صوتج لما ترمسين فالفون !
مهروه : هيه ادري بس مافيني ع البرامج
ساره : انزين اعرف بنت صوتها شراات صوت الشباب مرره !!
مهروه : منوووو هالبنت !!
ساره : تعرفين في وحده اسمها نور من صف 11 !!
مهروه : هييه اعرفها وارمسسها فالمسسن !!
ساره : عيل خلاااص اتفقي ويااها !!
( وشوي ودق جرس بدايه الحصه الرابعه وراحو للكلاس )
_______________________________________
صوب رشود
( رشود كان قاعد بروحه فالصاله فبيتهم وفججأه يااه اتصال من رقم غريب )
رشود : ألو !
البنت : مرححب
رشود : منو معاي ؟
البنت : انا الي رقمتها ذاك اليوم ف **** مول
رشود : انتي شوق ربييييييييعة اختي مثااايل ؟؟؟
شوق : شووو انت الي فتحت عني البااب ؟؟؟ انت اخو مثايل ؟؟؟
( كانت شاكه بس ماتوقعت انه هو نفسه لو كانت تدري كان مادقت )
رشود : هييه
شوق ( وهي منصدمه ) ماتوقققعت اببد
رشود : طلعتي حقيره ونذله
شوق : ليش انشالله شسويت انا
رشود : لا والله يعني ماسويتي شي !! وتلاحقي ربيعي طول الوقت وكل ها وماسويتي شي !!
شوق : ولا تنسى الي انت سويييته رححت عن ربعك عسب ترقمني
رشود : سييري لاه انا رحت عنهم عسب اروح الحمام مب عشانج !
شوق : انزين شفيك ليش معصب وهذي اول مكالمه بينا !
رشود : ورااح تكوون اخر مكاالمه > ماكنت ادري انه اختي تراابع هالاشكاال
شوق : واناا ماكنت ادري انه خواان ربيعتي مثل هالاشكاال
رشود ( من هالكلمه حس جنه سهم قطع قلبه وماعرف بشو يرد عليها )
شوق : رشود خلاااص اوش بلا هالكلام الفاضي وانا خلاص مابسسوي هالشي مره ثانيه l
رشود : واانا خلاص مابرقم وبودر هالسوالف !!
______________________________________
ياا تراا شو راح يصير مع هنادي وخليفه ؟؟
وشو راح تسوي مهروه بفطوم و ويين بيوصلو ؟؟
وشو راح يصير مع شوق ورشود ؟؟
كل ها بتعرفونه فالبارت الخامس ترقبوني ^_*