منتدى استراحات زايد - روآآية ذآآبحني غـلآك

البارت الرابع

طلعت فطامي من الحمام
فطامي :يالله تعالي نودي الموبايل
شذوي:اخوج يه روحه وشله
فطامي:زين بعد
من صوب شهود و غالييوه و ندوي
غاليوه:وجي اخباركم
ندوي:هيه
غاليوه:يالله غدى
تغدوا وخلصوا وعقبها ع العصر قرروا يروحون البحر
غاليوه تركض ف دعمت في واحد
---------:دفشه جوفي جدامج قبل
غاليوه:سووري
-------:دفاشه
غاليوه:اوهو علينا يا فزاع
فزاع :جوفي جدامج قبل
غاليوه:انزين قلنا لك سوري بلااك><
فزااع:هههههههه شوي بتصيحين
غاليوه:ما بصيح
فزاع:ههههه روحي يبي لي رد بول
غاليوه: مارروم
فزااع:يالله ع البزا روحي يبي وفكيني
غاليوه :اااااااااف اوك
بعرفكم ع فزاع
فزااع عمهم بس ما يقولون له عمي لانه صغير عمره 23 ويحب بتفلسف ويعلق وهو يسكن عند اخته اللي هي ام منصور وهي مربتنه من يوم كان صغير حليو جسمه زين لا انه ضعيف معضل مغاااازلجي درجة اولى ومايرضى ب الغلط وعلى نيااته
من صوب الحريمات كان يالسين ع الحصير مجابل البحر
ام محمد:البنات كبرن يا حليمه
ام حميد:هيه والله كبرن جوفي فطامي و شذوي ما باجيلهن شي ويخلصن
ام محمد:هيه والله الله يوفجهم
ام حميد:امين
ام منصور:رويلاتي تعورني
ام حميد:يمكن من شغل البيت
ام منصور:هيه والله
من صوب البنات كانوا يسولفون ع البحر
ندوي:خاطري اسبح ب البحر
فطامي:انزين دشييي لاا
ندوي:لاا والله تبين حميد يذبحني
فطامي:ههه انزين اقولج يبي عياله اهنه
شذوي:هيه انا بتصل له
اتصلت شذوي له حميد وراحت شذوي تاخذ عييال اخوها
ححميد:والله فييج خير مشكورة واذا تعبوج يبيهم
شذوي:حميد لا تتفلسف عااد تراهم مب طفووس زين ماطلعوا ع امهم
حمييد:هاي عاد ختوليي شكلي بطلقها وبفك عمري من صدعتها
شذوي:الله يعينك ياخوي >مدت ايدها لعيال اخوها
من صوب ثاني عند الشباب سيف كان يترقب كل حركاتها
سيف:ان شاءالله تكونيين من نصيبي (يقول فخاطره)
فزآآع:اللي ماخذ عقلك يتهنى به
سيف (انتبه لفزاع) :محد ماخذ عقلي
فزآآع:متأكد
سيف:هيه هههه
محمد:جوفوا حمييد يكسر الخاطر
سيف:هيه والله الله يعينه بصراحه
عقب دقايق رجعوا البيت
ف بيت بو محمد كانوا توهن داشين البيت
محمد:السلام عليك ابويه
بو محمد:وعليكم السلام جان رقدتن ب البحر
ام محمد:تراها لمة و طلعة لازوم التأخير
بو محمد:بلا هذرة زايدة الحين الساعة جم يالله سوي العشى
غاليه:بابا
بومحمد:آمري
غاليه:آآمم بنروح بيت عمي
سيف:متى!؟
غاليه:الحين بنسبح وعقب بنسير
سيف:آآوكيه اجهزن
بومحمد يطالع سيف بنظرات
سيف :خير ابويه في شي
بومحمد:احييد انا اللي اقرر هب انت
محمد سرحان "غريبة اجوفك مشتط يا سيف ع الروحه ضاري ماتحب واايد تروح بيت عمي "
محمد: (تنهد) انا بروح اسبح
ام محمد:وانا بعد
وكل واحد اتجه لغرفته
من صوب بيت قوم بو حمييد
شذوي كانت توها ظاهرة من الحمام (عزكم الله) كانت لابسة
جلاابية خفيفة لونها احمر وفيها حركات خفيفة لونها ذهبي ع الصدر وسوت جحال اسود و قلوس شفاف ولمت شعرها وتعطرت وظهرت
من صوب بطي كان يرمس وحده
بطي:هههههههه ....... لاا ............ يالله انا بسكر الحين
عقب ماسكر سوى حق الفون مالت وظهر بيروح يقعد ب الصالة
بطي كان متكشخ لانه بيروح ويه محمد عوافي ......
بطي :السلام عليكم
وجاف مرت اخوه يالسة وحاس بوزه ويلس
بطي"تسمع الاخبار وتروح تنشرها حق آهلهآ الله يعينك يا حمييد"
شذوي:بطووي
بطي:شو
شذووي:ابا باسكن
بطي:يوم برد بيب لج
شذوي:ليش مب الحين
بطي:لانه الحين بظهر ويه محمد
شذوي:اف ها المحمد مول ماتودره
نوره:هيه والله صدقج لاصق فيه
بطي:محد طلب راايج
نوره:ها البيت اييب الرقااد والملل وكل شي
بطي:انقلعي بيت اهلج
نوره:طالعت بطي بحتقار وسارت غرفتها
ف قسم حميد ننوره دخلت تصيح اونها
حميد:بلااج
نورة:اخوووك اخووك يا حميد ضربني
حميد:ماايصدق كلامها لانها دوم تسوي مشاكل""
حميد ياي يظهر
حميد:زين
نورة :اقولك ظربني تقولي زين
حميد طلع وما سوى سالفة
بيت بو ناصر
ام ناصر:غمضوني عيال حميد
فزآع :هاي امهم الحقيرة الله يعين حميد عليها
ناصر:خله يطلاقها ويتزوج ثانيية
ام ناصر:لا االا الطلاق وعقب عيالهم بتلعوزون
شهوود:اصلا هي فيها حالة مرة زينة ومرة مب زينة
منصور:يالله حياكن انا ظاهر
فزآآع:وين
منصور:الحمام وين يعني بروح ويه ربعي
ام ناصر:عن التأخير
منصور:ان شاءالله بس
ناصر:بس شوو؟
ناصر:ابا
فزآآع:فلوس.. طلع فزاع من جيبه الف وعطاهم حق ناصر
ام ناصر:فزاع شلهم انا بعطيه
فزاع:عادي كله وراح
منصور:ماعندك سالفة
ناصر:مشكور
فزاع:تكفيك
منصور:هيه وعندي زيادة بعد
ام ناصر:طماع ها الولد
ابتسم وطلع
من صوب بيت بو محمد
الكل كان تحت ف الصالة ومحمد كان توه نازل
محمد:انا ظاهر تبون شي
بومحمد:نبي سلامتك رد بسرعة بكلمك ببموضوع
محمد:خير ان شاءالله باي
الكل:ربي يحفظك
ام محمد: شو كنت تباه
بو محمد :عارفة انتي الموضوع
ام محد:بس الولد م—
كانت بتقول شي بس قاطعها بو محمد
بو محمد:لابس ولاشياته انا الموضوع فبالي من زمان __وساار
ام محمد:سيفوه في واحد اتصل يباك
سيف:امنوا هاا؟
فطامي:ماللك خخص
سيف :يطالعها بنظرات )امنوا ؟
غاليه:مانعرف
ام محمد:راحت المطبخ تسوي العشى
وسيف شله خواته و وداهم بيت عمته
عقب ما وصلوا جافوا محمد هنااك
محمد:هاي سيارة سيفوه شو يايبنه اهنه
فتح الجامة وتم يرمس سيفوه
اماا البنات دخلوا داخل
بطي جاف البنات
بطي:توه ماظلم البيت
فطآآمي :اصلاا ظلم عشان انته كنت دااخل و الحين نور عشاان احنا ينا
بطي:هههه اخوج الدعله برع
غاليه:بخبر<<
بطي:خبري يالله دشوا دااخل
ركب بطي السيارة
بطي:السلام
محمد:وعليكم جاان رقدت ابوي ليش ياي
بطي:ججب اتعدل بلااك انته
محمد:جنك بتاني
بطي:هه وانته هندي
محمد:اصلا انا احلى عنك
بطي:روح روح الله يخليك
من صوب ثاني
ف بيت بو حميد
شذوي:ما بغيتوا تييوون
فطامي:ههه
شذوي:ما باجي شي ع امتحانات اخر السنة
فطامي:هيه والله خوفه
غاليه:اسبوع بس
ندوي:انتوا شدوا حيلكم
يت ام حميد
ام حميد:السلام عليكم
قاموا فطامي و غاليه يسلمون عليها
ام حميد:نورتوا البيت
فطامي:امنور بأهله عموه
ام حميد:ميري يا ميري
ميري:شو يريد مدام
ام حميد:يبي الفوالة
ميري:انجيين
فطامي:لشوا العبالة خالوا ما نبا شي
نزلت نورة وكانت لابسة عباتها
نورة: (ترمس بدون نفس) السلام عليكم
غاليه:اهلاا ما بغينا نجوفج
نورة:لهاي الدرجة مشتاقة لي
غاليه:تصدقين وايد مشتاقة لج
ام حميد :حبت تلطف الجو لانه تعرف انه غالية مشاءالله عليها تستفز الواحد"ووين رايحة
نورة:طالعة ويه ربيعتي
ام حميد:وعيالج وين
نورة:رقدتهم
ام حميد:الله يهديج روحي
نورة:"ليش شو جايفتني اتمصخ" (تقول فخاطرها")
طلعت نورة
ام حميد:هاي الحرمة مادري شبلاها علينا\
شذوي:خ تولي
ام حميد :انا بروح بيت يرانا شذوي عشي البنات
شذوي:ان شاءالله
مر الوقت والبنات ردوا بيتهم
استوت الساعة 11:00
محمد توه داش البيت
محمد:السلام عليكم
الكل:وعليكم السلاام
بو محمد:محمد تعال برمسك
محمد:ابوي بس انا تعبان ورايح ارقد
بو محمد:تعال قلت لك محد قالك تتأخر
محمد:راح
بو محمد:جوف يا ولدي انته كبرت وعمرك استوى 20 والزواج سنة الحياة
محمد:بس يابوي انا قايل مابي اتزوج
بومحمد:لا تقاطعني ها انا جفت لك بنت عمك تناسبك
سيف:صد لأبوه ""
محمد:ابوي انا قايل لك مابا اتزووج
بومحمد:"معصب"قلت لك الكلام اللي اقوله ما اتنازل عنه وبنت عمك شذى من تخلص امتحانات بتاخذها وامك بترمس امها عقب ما تخلص امتحانات
محمد:منصدم من كلام ابوه"
سيف:"جنه حد صاب عليه ماي بارد"(آخوي بيااخذ البنت اللي انا اباها البنت اللي رسمت هدف انها تكون لي ليش يابوي ليش)
محمد:بس ليش مب سيف اللي ياخذها
بومحمد:سيف صغير وانته البجر يعني بنت عمك لك وانا مرمس ابوها وابوها ماعنده اي اعتراض بس باجي نرمس امها و البنييه
محمد :تنهد بقو وراح
فطامي:الله شذوي بتصير مرت اخونا يا سلاام
محمد دخل غرفته وعق الغتره وفصخ كندورتخ وعقها وراح ع السرير
محمد""آآآه ياا بوي قررت ع كيفك ولا خبرتني انزين لييش ما خليتني افكر لييش بس بعد البنت مافيها عيب بس يعني ابووي وعمي قرروا ع كيفهم حرام عليكم والله حراام "وماحس بعمره ورقد
من صوب بو محمد وام محمد
ام محمد:كدرت خاطر الود يا سعيد
بومحمد:جووفي يا عائشة لا تيلسين تسوين لي هالحركات البنت من تخلص ع طول بنخطبها
ام محمد:البنت يمكن تبا تكمل دراستها
بومحمد:لا اطلعين عذوورتتصرف هي وريلها عقب
ام محمد:الله يهديك
بو محمد :رقد ما سوى لها سالفة
توقعاتكم؟!!
---------:امنوا قالج
---------:توني سمعته ييرمس ب الفون

البارت الخامس
بعد آسبوع بدت امتحانات البنات وجي المويهم وكان ها رآآبع امتحان لهم
ف آلسكوول
عقب الامتحان طلعوا البنات
شذوي:ها شو الامتحان
فطآآمي:صعب شووي
شذوي:يالله المهم اناا حليننا
من صوب محمد ما ظهر من الغرفة بعده كان يفكر ف كلاام ابوه لانه هو اصلا ما يبا يتزوج
نزل محمد تحت
محمد كان شكله تعبان و رايح مبهدل شعره متكشكش وحالة حاله
ام محمد:محمد تعال تريق
محمد:مالي نفس اميه
ام محمدد:ماخذ بخاطرك على ابوك
محمد:اميه ابوي كل شي يباه لازم يسويه
ام محمد:هذا طبعه والله قنعته مارضى يغير رايه
محمد:الله كريم وظهر
ام محمد:الله يهديك يا سعيد جانك بتغصب الولد ع البنية وهو ما يبها ماعرف كيف بيسعد البنت وياه الله كريم
كان قاعد ع البحر ويفكر
سيف:والله ماعرف كيف بجوفهم ويه بعض ماسك ايدها يسولف وياها يرمسها يضحك وياها تضحك وياه
ذياب:سيف انت لازم تنساها هي جريب بتصير ع ذمت أخوك
سيف:مااقدر
ذياب:الله كريم شو نسوي
سيف:تنهد بصووت عالي)
من صوب ثاني فبيت ام ناصر
ام ناصر:كيف ابوك يسوي جي
محمد:ااه عموه تعباان اصلا ابوي ليش يقرر روحه مب هو اللي بيعيش وياها
ام ناصر:انت جايف ع البنيه شي
محمد:حشه عليه بسس عموه ابوي يجبر الواحد مايقول بشااور
فزآع :ها طبع ابوك شو نسسوي
محمد:انا مب ويه زواج
ام ناصر:لا تقول جي انته ريال والنعم فيك وشذى بنت والنعم فيها اخلاق وسنع وجمال
محمد:عموه اناا ماكنت حاط براسي فكرت الزوااج
ام ناصر:ماعليه الله يجدم اللي فيه الخير والله يوفقكم ويه بعض
فزاع و ناصر:آمين
عقب كم يوم ها كان اخر امتحان للبنات
توهم طالعين من قاعة الامتحان
فطامي:واخيراا ها اخر امتحان
شذوي:هيه والله الحمدالله افتكينا
من صوب ثاني فبيت بو محمد
بو محمد:من باجر ترمسينهم
ام محمد:ان شاءالله "ماعرف متى بتم تقرر روحك عن عيالك الله يهديك"
بو محمد :وينه محمد
ام محمد:ماعرف
بو محمد:الله يسعده ان شاءالله
محمد توه ياي من برع
محمد:السسلام عليكم
بو محمد و ام محمد: وعليكم السلام
بو محمد:محمد روح يب خواتك وبنات عمك من المدرسة
محمد:ابوي انا تعبان خله سيفوه او بطي
بو محمد:انته دومك تعبان توكل
محمد:" وحد ما يتعب من هالعيشة"راح محمد فووق
بو محمد اتصل حق سسيف وقاله
ف المدرسة
كانوا يتريون حد اييهم
غاليه:هذوه سيفوه
فطامي:يالله شذوي وندوي
شذوي:يالله
ركبوا السيارة
فطامي :السلام عليكم
سيف:وعليكم السلام
شذى:السلام عليكم
سيف:وعليكم السلام
ف الطريج كان سيفوه كله يطالعها من الجامه
سيفوه"خلاص بتصيرين حق وااحد ثااني حق اخوي بس احبها والله احبها"
من صوب ثااني
بيت بو محمد
محمد توه نازل من فوق
محمد:ياالله انا طالع
بو محمد:وينن
محمد:بروح ويه بطي
ام محمد:ربي يحفظك
ظهر محمد وكان بطي يترياه برع ركب محمد السيارة
محمد:السلام عليكم
بطي:وعليكم السلاام معرسنا
محمد:هه "تتحراني مسستانس يا بطي "
بطي:بلآك
محمد:ما فيني شي مضايج شوي
بطي:يالله بتعرس وما بتضايج
محمد:ابتسم
من صوب ثاني
ردوا البنات البيت
ف بيت بو حميد
شذوي:السلام عليكم
الكل:وعليكم السلام
ندوي:يوعااانة
شذوي:ههه روحي اطلبي لج
ام حمييد:شو الامتحان
ندوي:الحمدالله زين
ام حمييد:الحمدالله وانتي
شذوي:زفت صعب وايد
ام حميد:شذوي انتي شكلج ها السنة ف الثامنيين كله صعب ما اذاكرين عدل
شذوي:ههه والله اذاكر عدل
حميد توه نازل من فوق
حميد:صبآآح الخير
ام حميد:صبآآح النور
حمييد:وين اليهال
ام حميد:برع يلعبون ب الحديقة
حميد:زين
وروحوا البنات فوق يبدلون ملابسهم
حميد:امييه رمستيها
ام حميد:شوي شوي عليها توها يايه من المدرسة ومخلصة امتحان خلاف يصير خير
حميد:خير ان شاءالله
من صوب ثآآني
صوب محمد وبطي
محمد:اقولك بطوي
بطي:هلا
محمد:مر شوي المستشفى بيب لي كم غرض
بطي:آآوك
مر بطي المستشفى نزل محمد
دخل المستشفى وتوجه لمكتبه
محمد جاف عيضة
محمد:السلام عليكم
عيضة :وعليكم السلام
محمد:وينهم الاوراق
عيضة:اهنااك اول درج ف مكتبك
محمد:مشكور عيضة تعبناك
عيضة:افا عليك هيه صصح اقولك
وقبل لا يكمل كلامه دشت عبير
محمد:انتي ما ترومين ادقين الباب قبل لا ادشين
عيضة: ببلااج انتي جي لا تخليني اخبر اخوج عن كل سوايااج
عبير:انزين بلااك انا مابييك انته ابي محمد شوي
محمد:مب فاضي لج انا ويالله اجلبي ويهج
عيضة:اقولج الريال مب فاضي لج جريب بيعرس ليش تلاحقينه
عبير:"منصدمة"انته بتعرس ليش واناا
محمد:هيه بعرس شو انتي اصلاا انا ما افكر فييج ياخي قومي عن طريجي بس لاعت جبدي منج
طلع محمد
عيضة:يالله طلعي برع
عبير:الله يخليك قولي منوا بيااخذ
عيضة:برع والامور اللي ما تخصج لا تتدخلين فيها
عبير ظهرت وكانت حاقدة على محمد وعيضة
عبير"والله ماخليك تتهنى ف اللي بتاخذها والله "
من صوب ثاني
سيف :والله شفتها يا ذياب
ذياب:استغفر الله خلااص سيف هاي بتصير حق اخووك افهم
سيف:آآآآآه انته بلااك انا مستحيل انسهاا
ذياب:حرام اللي قاعد تسويه انته تظلم اخوك جي
سيف:مهما قلت ماراح انساها
من صوب ثاني ع المغرب ف بيت بو حميد
ام حميد راحت ترمس شذى
ام حميد ادق الباب ع غرفة شذى
شذى:ادخلي امايه
ام حميد:شو تسوين
شذى:قاعده ارمس فطامي ع المسن بغيتي شي
ام حميد:هيه بغيت ارمسج بموضوع
شذى:خير اميه شو مستوي
ام حميد:ما مستوي الا كل خير
شذى:ارمسي
ام حميد:يا بنتي الحين انتي كبرتي والزواج قسمة ونصيب ف ولد عمج طالب ايدج ع سنة الله ورسوله
شذى:شووو امنوا قالكم ابا اتزوج وامنوا من عيال عمي
ام حميد:شوي شوي بلااج محمد ولد عمج سعيد
شذى:مابا اميه انا ابا اكمل دراستي حراام عليكم
ام حمييد:والله انا مايخصني ابوج قالي ارمسج وانتي حرة ومع ابوج ولا تنسين محمد والنعم فيه وجمال وادب واخلاق وكل شي اهم شي انه رابي ويه بطي من يوم كان صغير
شذى:بس انا مابا اتزوج
دخل بطي
بطي:مب كيفج تقررين بتاخذين محمد غصبن عنج ففاهمة رضيتي ولا مارضيتي محمد بتاخذينه يعني بتاخذينه
شذى:تدمع)
ام حميد:بطي اسكت
بطي:اماايه ليش اسكت هيه خ تحمد ربها انهاا بتاخذ محمد جوفي عندج يومين يوم بيسألج ابوي تقولين موافقة فاهمة
ام حمييد:بطي اطلع برع
بطي:دلعيهم بس ماعرف ها الدلع ليت وين بيوصلنا
ام حميد ظهرت ورى ولدها
شذذى قفلت الباب وتمت تصيح
شذى:حراام عليكم كيفكم تقررون جي تخلوني اكره والله اباا اكمل دراستي وانا بعدني صغيرة ليش يابوي ليش ........
تريوني ف الباارت اللي عقبه ه