|
وتموا على هاي الحاله الين مادق الجرس وكانت الثالثه عليهم رياضيات درسوا وعقب دق الجرس للفسحه ساره : ميروه بلاج ؟ ميره : هاه ساره : بلاج مول ماترمسين كله صاخه ميره : سلطون ساره : بلاه بعد ؟ ميره : والله حرااام عليج ليش جي اتعذبينه .. لو ماتحبينه قولي .. والله انه يحبج .. تدرين ان اليوم ماسار الجامعه ولا هو الي وصلني كان تعباان وراقد .. واونج هب مهتمه ساره : انزيين انا قلتله خلاص كل شي بيننا انتهى .. اصلا حتى ماكان شي بينا .. وبعدين انا مالي ذنب ميره : ساروه بقلج شي بس بليز لاتنسين هالشي ولا تزعلين مني على رمستي ترى مثل ما انتي عزيزه وغاليه سلطون بعد عزيز وغالي ساره : قولي ميره : الي يحب صدق عمره مايكره جان ساره اتنزل راسها وعيونها دمعت : ميرووه والله انتي الوحيده الي كانت اتعارف اشقايل كنت احب سلطان .. بس هو الي خرب كل شي ميره : كنـــــــــت مره وحده يعني خلاص ماشي امل ساره : ميروه دخيلج مابا ابطل هالسالفه مره ثانيه .. انا كل يوم اتعذب ومحد حاس فيه والله ثم والله العظيم اني ......... << جان تسكت وتصيييح ميره لوت عليها : خلااص ساروه خلااص حبيبتي .. بس مب انتي الي تتعذبين والله حتى سلطان بعد .. بس برايج انا برمسه اليوم وبقله يبتعد عنج .. ساره تمت اتكمل صياحها جان اتي باقي الشله الكل : ساااروه بلاااج ؟! ميره : ماشي ماشي .. يعني ماتعارفون ساروه الدلوعه نوف من شافت ساره سارت صوبها نوف : ساروه حبيبتي .. بلاج ؟ .. ( جان اتصد صوب ربعها ) منو هاي الي صيحت ساروه ؟ مزون : محـــد وبعدين انتي ليش رازه ويهج ؟ نوف : حبيبتي وكيفي مزون : هااهااهاا .. لالا الصراحه ظحكتيني بثينه : مزون سكتي عنها الحين خلينا منها جوري : افف والله انكن متفيجات ساروه تصيح وانتو تضاربون ميره : خلاص خلوا ساروه روحها انا برمسها بسالفه خاصه .. بلييز مابا حد يزعل الكل : خلاص اوكي وجان يسيرون ميره : ساروه خلاص ماله داعي اتصيحين .. ترى سلطان مايهمج ساره مسحت دموعها : هيه مايهمني .. مايهــــمنييييي صوب بيت بواحمد ام احمد : سلطان فديتك .. قلي شوفيك ؟ سلطان : والله مافيه شي يامييه بس تعبان ومزجم ام احمد : اشك الصراحه من كم يوم وانت مب طايع تاكل شي .. لين متى يعني ؟! سلطان : امييه فديتج والله اني هب مشتهي ام احمد : ليش يعني انا ما اعرف اطبخ ؟ سلطان : لاا والله .. لاتفهميني غلط .. والله بس انا ما اشتهي ام احمد : الله يهديك بس .. مادري متى بتعقل سلطان : هههههه .. انشالله قريب صوب راشد بالذات فشركه ابوه وعمه كان ياس فـ مكتبه وهو مستااانس عـ الآخر ويفكر فالرمسه الي ساره قالتله وتم يقول فـ خاطره : معقوله فاطمه صدق اتحبني .. هيه ليش لا .. فديتني حليو وريال الكل يتمناني .. اووه بلاني مصدق عمري .. بس والله احبها والله احبهاااا .. خلاص انا اليوم لاااازم ارمس امييه بهاي السالفه لااازم اتسير وتخطبلي اياها .. انا ابااهاا احبها ماروم اعيش من دونها .. وتم على هالحاله فـ بيت بوراشد عوشه كانت يالسه ويا موزه وشيخه تحت فـ الصاله عوشه : ها شيخه .. متى انشالله بتخلصين دراستج ؟ شيخه : انشالله هالسنه آخر سنه عوشه : الحمدالله .. الله يوفقج شيخه : يوفج اليمييع فديتج موزه : الا وين ساروه ؟ شيخه : سارت المدرسه موزه : فديتنها والله .. الله يحفظها عوشه : انشالله موزه : ووين سيف وراشد ؟ عوشه : سيف سار الجامعه .. وراشد الدوام موزه : اهاا .. ومحمد عوشه : فالشركه ويا راشد موزه : الله يحفظهم ويخليهم لنا عوشه : آآمين يارب موزه : الا رشود متى ناوي يعرس ؟ عوشه : هههههه .. والله ما ادريبه .. كل ما اقله عن وحده يقلي انا ما افكر فـ هالموضوع وانا بعدي عـ المسؤوليه .. ومن هالرمسه موزه : مااعليي خلي هالشيبه عليه انا برمسه عوشه : انشالله يسمع رمستج ويعرس .. والله مناي اشوفه وهو ويا حرمته وعياله موزه : ههههه .. ماعلييه ماعلييه وتموا يسولفون الين ماحدروا عليهم حصه وعبيد وانضموا الهم وتموا يسولفون ومر الوقت بسرعه عبيد : يدوو متى ساروه بتي ؟ عوشه : اممم بعد شوي اتريا شو وراك ؟ عبيد : اوكي اوكي وعقب نص ساعه حدرت ساره ساره : السلام عليكم الكل : وعليكم السلام والرحمه سارت ساره وحبت راس يدتها وامها وتوجهت لحجرتها ولحقها عبيد عبيد : سااروه سااروه ساره : نعم شو تبا ؟ عبيد : تدرين ان عمي سلطان تعبااان واليوم ماسار الدوام ساره : شو اسوي ؟ عبيد : حتى يدو هزبته لأنه قام ماياكل .. بيسير ضعييف انا بسير اقوى عنه ساره بدون نفس : هههه .. شاااطر خلك دوم جي وحدرت حجرتها ولحقها عبيد عبيد : سااروه بلاج ؟! .. ليش هب مسوتلي سالفه ؟ .. وانتي مضاربه ويا سلطان ؟ ساره : انت بلاااك .. مافيه شي عاادي بس شوي راسي يعورني ابا ارقد ممكن ؟ عبيد : اول قوليلي ليش مضاربه ويا عمي ؟ ساره : منو قاص عليك وجي قايلك ؟ عبيد : البارحه سمعت ميره وسلطان يرمسون ساره : لالا عادي بس نحن نتمصخر ونلعب يلا اجلب ويهك وجان يظهر من حجرتها وهيه انسدحت عالشبريه وتمت تفكر فالرمسه الي عبيد قالها عن سلطان انه ماياكل وتعبان .. و و و و ... فـ بيت حميد وصلت ميره البيت وسلمت على الكل وبدلت واتسبحت وسارت اتغدت عقب اتوجهت لحجره سلطان وتمت اترمسه واتقله عن الي صار اليوم بينها وبين ساره سلطان : خلااص خليها اصلا هيه بعد ماقامت اتهمني ميره : سلطووون ادري انك اتحبها سلطان : كنـــــت احبها بس من عقب حركاتها خل تنسى واحد اسمه سلطان ميره : اووووه شو انتو والله تقهرون .. اتحبون بعض واتعذبون بعض .. ابا افهم شو من حبايب انتو وجان تظهر من حجرة سلطان .. سلطان قفل باب حجرته وقرر انه ينسى ساره وقال : الي مايبانا مانبااااه كـــــــــــات |
يسلمووو عع البارت هذي عيديه صراحه |
يسلموو خيوو ع الباااارت النــايس وكــل عام وانتـوا بخيــر ^_^ |
يسلموو آخووي غ ـرشووب وو كل عـآم و آنت بخ ـير ^^" |
الاخت متعذبه بس روعه نتريا البارت |
يسلمووووووووووووو ع البارت |
يسلموووووووو وننتظر البارت الياي ثانكيوووووووو :13: |
تسلم الغالي ع القصه الطررررررر نتريا البارت الياي يلا لا طول دخيلك كمل بسرعه واسمحلي ع القصور |
مشكور على البارتات الرووعه .. ونتريا التكمله ... |
ثانكس ع البارت الروعه لاتبطي علينا اتخلينا نحن بعد نتعذب تقبل مروري اختك نونو كيوت |
كل عام وانت بخير و سهالة عساك من العايدين والسالمين لا لازم سلطان يرجع حق سارة حراااااااااااااااااااااااااااااااااااام الله يخليك كمله |
تسلمونـ عـ المرور الفنــــــــــــــــــــتكـ... الحين راحـ انزل البارتاااات... |
البارت التاسع فـ بيت حميد وصلت ميره البيت وسلمت على الكل وبدلت واتسبحت وسارت اتغدت عقب اتوجهت لحجره سلطان وتمت اترمسه واتقله عن الي صار اليوم بينها وبين ساره سلطان : خلااص خليها اصلا هيه بعد ماقامت اتهمني ميره : سلطووون ادري انك اتحبها سلطان : كنـــــت احبها بس من عقب حركاتها خل تنسى واحد اسمه سلطان ميره : اووووه شو انتو والله تقهرون .. اتحبون بعض واتعذبون بعض .. ابا افهم شو من حبايب انتو وجان تظهر من حجرة سلطان .. سلطان قفل باب حجرته وقرر انه ينسى ساره وقال : الي مايبانا مانبااااه وعقب اتلبس وتعطر وتكشخ وظهر وسار هو وسيف ويا ربعه برجمان صوب بيت بو راشد راشد وصل البيت وسار وتلبس وتغدى وظهر ويلس ويا امه راشد : امم .. امييه عوشه : لبيييه راشد : اميه انا حصلت الي اباها عوشه : احلـــــــف .. واخيرا بنخطبلك ؟ راشد : هيه عوشه : ومنو هاي سعيدة الحظ الي رشود ولدي بياخذها راشد : فاطمه بنت عمتي مريم عوشه : والله وعرفت تختار يا رشود .. خير انشالله عقب كمن يوم بنرمسهم عن السالفه راشد : يعني متى ؟ عوشه : هههههه .. بلاك مستعييل اتريا شو وراك ؟ راشد : اتريااا اكثر .. اميييييه والله حراام عوشه : ههههههه .. خير انشالله برمس ابوك عسب نشوف متى بنسيرلهم راشد : بس لاتطولوونه والله اباهااا عوشه : تؤتؤتؤ جاان تقول من زماان راشد : كنت مستحي .. الا وين ساروه ؟ عوشه : والله مادريبها من ردت من المدرسه وهيه ماده البز شبرين حتى مانزلت تتغدا راشد : اوييه .. خلااص انا بسيرلها الحين .. بشوف شو سالفتها هالبنت وسار صوب حجرة اخته ودق الباب وبطلتله وتم يالس وياها ويرمسها راشد : ساروووه بلاج ؟ ساره : ماشي بس اليوم اتضاربت ويا ميروه راشد : اهاا .. تعاالي خبرت اميه عن فطووم .. قالت بتخطبلي اياها ساره : بالبركه .. الله يتمملكم على خير يارب راشد : يااااارب ساره : هههه اشوفك وااايد متحمس راشد قفط وعقب تموا يسولفون شوي وظهر راشد عنها وسار صوب حجرته عسب يرقد فـ العين صوب تحديدا فـ الصاله مايد : ميثوووه .. ميثوووه وصمخ ميثا : اوووه يايه يايه مايد : متى انشالله بســـرعه اتأخرنا ميثا : اووووووووه .. بلاك جي حشره مايد يودها من ايدها ودزها : امشي امشي .. عروس لين ماتتزهب سنه فاطمه : ههههههههه .. ومنو الي بياخذها سعود ؟ مايد وهو فاج عينه : فطوم شو هاي الرمسه بعد .. عيييب هااي اختج ميثا : مااالت عليييج .. انا بياخذني سعود بو البنات هااه .. فدييت ميود اخوي يدافع عني فاطمه : هههههههههه .. السموحه ميود والله بالغلط خميس : اوووه يلا لا بلاكم جي ميثا : انزيين انتو وين وادينا ؟ خميس : بلاج مستعيله عـ رزقج .. على قولتهم كل شي فـ وقته حلوو ميثا : تييراارااراارااا فاطمه : ههههههههههه .. بلاج استخفيتي ميثا : اشدراني عن خموس شوي وبيغني خميس وهو يظرب ميثا : سكتي سكتي .. ما باقي الا الياهالو يطنزون ميثا : اييييه عاااد انا هب يااهل فاطمه : ههههه .. صح بااين ميثا : بلاج كل ماقلنا شي ظحكتي ؟ .. جنج البقره الظاحكه مايد + خميس : هههههههههههههههههههه فاطمه : مااعلييه يالسود ظحكوا ظحكوا .. خلاص مابي وياكم خميس سحبها : فطوم والله نتمصخر .. خل هالياهل تولي .. اصلا هيه اتغار منج ميثا : لا والله اشعنه اغار ؟ مايد : الحمدالله يوم عرفت انها ياهل الكل : ههههههههههههههه مايد : يلا يلا ركبوا السياره بلا دلع زايد ميثا : زايد ولا مايد .. هييهييهيي خميس ظربها على راسها : بلاج اليوم سايره عبيطه فاطمه : هاااهاااهاااهاااي ميثا وعيونها مدمعه : ليش اتغارون مني .. اهئ اهئ .. ليش ماتحبوني كل اتحبون فطوم .. اهئ اهئ مايد : انا لله وانا اليه راجعون .. بدت اتمثل علينا خميس : ههههههههه .. ميود يلايلا انسير خلهم اهني هذيله مب ويه حد يظهرهم ميثا + فاطمه : خلااص خلااص الحين بنركب ركبوا السياره وتوجهوا لدبي ( خميس ومايد كانوا مسوين مفاجأة لفاطمه لأن اليوم يوم ميلادها هيه وخميس فـ هم كانوا حاجزين فـ مطعم جليز ومسوين اوردير لكيك وكانوا حابين يحتفلون وياها .. خميس ومايد ماخبروا حد مول .. وهاي الفكره كانت فكره خميس ترى شرات ماقلتلكم ان خميس توأم فاطمه فحب يفاجأها ويسويلها حفله .. وهم فالدرب مايد ظهر مبايله جان يطرش مسج حق خميس الي يالس عنده << هم كانوا يرمسون بالمسجات عن الحفله عسب فاطمه وميثا مايشكون المسج الي مايد طرشاه لخميس ( شرايك نعزم بنات خالنا والشباب عسب نكون ربشه كشخه جي وبالمره انت وفطوم تستانسون ) رد خميس وطرشله ( خلاص انا الحين بطرشلهم مسجات وبكتبلهم ايون لأن حفلتي انا وفطوم وبقلهم المكان وبقول بعد ان مايخبرون فطوم ولا ميثوه ) رد مايد علي ( اوكي خل هم يسيرون قبلنا ترى اتعرف الدرب من العين لين دبي ) رد خميس عليه ( اوكي ) عقب خميس طرش لهم مسجات << طبعا للشباب لأنه مايعارف رقم البنات وكان كاتبلهم يبوا البنات وياكم و لاتخبرون فاطمه وميثا راشد وصله المسج اول مابطلاه انصدم اليوم يوم ميلاد حياته وهو مايدري سار صوب حجره ساره دق الباب طق طق طق راشد : ساااروه بطلي الباب ساره : هلا رشود .. خير بلاك ؟ راشد : اييه اتزهبي بسرعه بسير المول بناخذ هديه حق فطوم بنت عمو مريم خموس طرشلي مسج كاتب فيه ان اليوم يوم ميلادها وهم عازمينا بس هيه ماتدري يعني مسويلها مفاجأة ساره : الله ونـــــــــاسه راشد : يلايلا بسرعه اتلبسي ساره : 10 دقايق بس بكون زاهبه وسكرت الباب وسار راشد حجرته وبدل ولبس كندوره بيجيه وسفره حمرا وتعطر وشل تلفونه والبوك ولبس ساعته وكان شكله خبااااال .. خلص جان يسير ويدق الباب ساره بطلت الباب على طول راشد انصدم لما شافها راشد : سااروه شو مسويه بعمرج ساره : هههههههه .. ماشي .. ليش حلوو ؟ راشد : ههههههههه .. جنج مهرج .. بسرعه مسحي الي على ويهج .. قلنالج بنسير حفله هب عرس ساره : رشوووود راشد : بسرعه بسرعه ترى بسير روحي ساره : اوووووه انت دووم جي .. اوكي خلاص سارت ومسحت على ويهها ( هيه كانت حاطه فل ميك اب ) وكانت لابسه تنوره جنز وتوب احمر عجيب وعقب مامسحت الي على ويها بس خلت الجحال والجلوس ساره : هاه جي اوكي ؟ راشد : وليش الجحال بعد ؟ ساره : رشووود بس عااد راشد : هههه .. يالله يالله فكينا الحين ساره : اففف منك تقهر راشد مسكها من شعرها : شو قلتي ؟ ساره : هييهييهيي قلت اني احبــــك راشد : لالالا عيدي ساره : اممممم .. قلت انك اتحب فطوم وجان تشرد راشد تم يظحك على خبالها وقالها تنزل تحت وهو نزل وخبر امه انه بيظهر وبيظهر ساروه ويااه ساره وهيه راكبه السياره : رشود بتصل فـ ميروه بشوفها بتي ويانا راشد : بسرعه قوليلها تتزهب ساره : اوكي اتصلت فميره وقالتلها تتزهب عاد ميره كانت تتصل فسلطان الي كان فبرجمان ويا ربعه وهو مسويلها طااف طرشتله مسج ( سلطون انا بسير ويا ساره وراشد حفله فاطمه بنت عمو مريم ) سلطان هو اصلا ماكان منتبه على المسجات لما بطلهم شاف مسجين كان الاول من خميس يقله عن الحفله والثاني من ميره سلطان : سييف وصلك مسج خميس سيف : هيه .. شو ناوي اتسير ؟ سلطان : هيه وبعدين اختييه هناك .. ماروم اخليها وال**** هناك سيف : اووه صح .. اكييد ساروه سايره الحين سلطان : هيه سايره ويا راشد سيف بخبث : وانت اشدراااك ؟ سلطان : اووه والله ميروه قايلتلي انها سايره وياهم ولو ماتصدق براويك المسج بعد سيف : هههههههه .. بلاك هد اعصابك صدقتك خلااص وعقب اترخصوا وساروا المول راشد مر على ميره وخذها وصلوا المول نزلوا راشد : سااروه .. شوفي انتي احدري المحلات وخذي شي اوكي حق فطوم واتصلي فيه انا بي وبدفع ساره : يعني بس حق فطوم ماشي حق ساروه راشد : افاا عليج كم ساره عندنا ساره : هيه جي ابااك .. اوكي راشد : يلا ابدي شغلج ساره : ههههه .. انشالله وسارت ساره ويا ميره وتموا يتحوطون فالمول ويدورون وطبعا راشد كان يلحقهم عسب يشوفهم مايسيرون مكان مني مناك .. بس مره وحده لفته محل كان يبيع شغلاات حلوه فسار دخل المحل وساره وميره يدورون شي فنان حق فطيم .. ساره وهيه تدور مره وحده دعمت واحد طويل لابس كندوره بنيه ومتسفر بسفره حمرا ساره : اويييه .. السموحه والله ماشفتك الشاب بدون لايلف : شو ماتشوفين ساره : انزيين قلنالك السموحه واول ماصد الشاب عسب يطالعها انصــــــدم وساره الثانيه بعد انصدمت |
لالالا حرام البارت قصير ..خخخخ مشكوور وايد على البارت الروعه .. ونتريا التكمله بفارغ الصبر . |
يسلمووووو بس البارت وااااااااااااايد قصير الصراحه ننتظر البارت الياي لا تتأخر علينا وثانكس مرة ثانية :13: |
يسلمووو ع الباارت خيوو^^ ونتريا البااارت اليااي لا تطـول علينــا ^^ |
ليش حراااااااااااااااااااااااااااام البارت قصير اتمنى يرجعون سلطان و سارة لبعض الله يخليك كملها :30: بليييييييييييييييييييييييييز :30: |
البـآإرت ع ـجيــب ..." دخيــل الله لـآ تبطي علينـآ والبـآإرت قصــير ><" وتسلم .." |
البارت العاشر ساره انصدمت لما شافت شكله كان صدق متغير وضعفاان وحالته حاله ساره فـ خاطرها : معقوله ها سلطان .. فدييته .. حتى وهو جي احبه .. جان مره وحده اتهز راسها .. شو احبه هو الي شك فيه واتهمني اني خايـــنه خلاص انا انهيت كل شي بيننا سلطان : ثاني مره لما تمشين انتبهي جدامج هب تمشين وانتي مسكره عينج ( وصد عنها وسار ) ساره انقهرت وتمت محرجه واتسبه سب فـ خاطرها ميره : ساروه بلاج ؟ ساره : الحقيييير .. الثووور .. وايد مصدق عمره اونه لما تمشين شوفي جدامج لاتمشين وانتي مسكره عينج .. شو يتحرى عمره ؟ ميره : هههههههههه .. ساروه بلاج اتخبلتي ؟ .. ومنو ها الي جي قايلج ساره : يعني منو غير اخوج الثوور ميره وهيه منصدمه : سلـــطوووون ؟!! ساره : هيه سلطون ميره : هوه هنييه ؟ ساره : شو تحقيق .. اقلج هيه وعقب ساره خذت كمن عطر وجلوس من محل وجوه وغلفتهم وسارت صوب راشد الي كان واقف برع يترياهم راشد : ساروه .. ليش مازقرتيني ساره : خلاص الحين انا دفعت فالبيت باخذ البيزات عنك راشد : ههههههه .. مالت عالزط بعد ماتقول تفداك ياخوي ميره : ههههههههههههههههههههههه ساره : هااهااهاا .. وايد يظحك ؟! راشد : بسم الله بلاااج توج اشزينج .. اكييد المحل في شي ؟! ميره : لالا حليله المحل ماله خص راشد : عيل ساره : مــــــــــاشي وعقب راشد ظهر تلفونه واتصل فـ خميس وقاله وينهم وجي .. خميس قاله انهم قريب عالمول عقب راشد شل البنات وسار كوفي من الكوفيات ويلسوا وجان يتصله سيف وسأله وينه وقاله انه يالس ف كوفي عقب سيف وسلطان سارولهم ويلسوا وياهم ساره كانت مقهووووره وسلطان كل شوي يقهرها زياااده وميره ناقعه من الظحك عليهم سيف : ميروه شو استخفيتي يالسه تظحكين ؟ ميره : لا بس اتذكرت ابله عنا فالسكول واايد اتنقع وتنقيعاتها مسكته الصراااحه سيف : منو هاااي ؟ ميره : هيه ادرسنا فيزيا اسمها ابله رائده .. سيف : ههههههههههه .. هاي من اسمها تنعرف انها جيي ميره : ههههههههههههههه سلطان : سيفو سيفو شوف هالغرشوبه ياااوييلييي لالا الصراحه ماارووم ميره : خخخخخ .. سلطـــون اشوفك فصخت الحيا راشد : لا وبعد اشكره جداام البنات .. اييه انت مافيك مذهب ؟ سيف : عادي عادي ياخوي بي كوول راشد : كوول فراسك .. اونه بي كول .. متعلملي كمن كلمه واي يتفلسف علينا ميره : ههههههههههه .. والله انك حركاات راشد : ساروه بلاج صاخه ماترمسيــن ولا تعلقــيـن هب من عادتج سيف : ههههههه .. شكلها مكفخينها تكفيييخ ميره : هههههه .. لا عاااد ساروه خلها بصوب اليوم الابله هزبتها هزااب راشد : ليش بعد شو مسويه ؟! سيف : افااا بنت الـ .... تنهزب سلطان ياله تلفون نش من مكانه وسار رمس بعيد ورد ويلس وياهم وساره مقهوووره الا بتموووت من القهر من حركات سلطان .. وسلطان مستانس لأنه كل شوي يغايظها ساره وهيه ناويه تغايض سلطان : رشود .. ميود متى قال انه بيي ؟ سلطان تم يطالعها وحس انها تبا تغايظه : هو الحين ياي حليله عاد لين مايتعدل ويتكشخ حق حبيبة القلب ساعه كامله ولين ما ايي تقريبا ساعه ونص ساره طنشته ونشت من مكانها راشد : ويــــن انشالله ؟ ساره : بسير اتمشى شوي .. ( اتصد اتطالع سلطان ) لاااعت جبدي ميره : وييت وييت بي وياااج سيف : انا وسلطون بعد راشد : لا والله وانا اتم روحي ؟ ساره : بسير ويا ميروه تموا انتو هنيه وسحبت ميره وسارت ميره : سااروه بلاااج ؟ ساره : ماتشوفين اخوج ميره : فدييته يطيح الطير من السما ساره : مو قصدي على شكله حركاته تصرفاته ميره : ترااج انتي الي قلتي مايهمج .. اشوفه قام يهمج ساره : اوووه ميرووه ميره : تراني قلتله بالي صار اليوم وهو قال خلاص خليها برايها هيه بعد ماقامت اتهمني ساره انصدمت : حلـــــــفي ميره : والله .. بس تعالي لو انتي هب هامنج شرات ماقلتيلي فالسكول ليش مهتمه الحيين ساره : هب مهتمه ولا شي بس هو قاعد يغايظني ميره : اوووه والله انكم متفيجين .. ( وجان اتصد عسب ترد الكوفي ) ساره :مييرووه اتريي انزيين بي ويااج وسارن ويا بعض يوم وصلوا شافوا واحد طويل اسمراني ميره من شافته ذاابت اتخبلت ميره : ساااروه منو هاااه ؟ ساره : يالهبله ها عبود اخو ظبوي ميره : اوووونه ساره : والله .. بلاج مشفره ؟ ميره : يااااربي شكله خباااااال سيف : بلاكم علقتوا تعالوا يلسوا وجان يرن تلفون سيف وكان المتصل خميس رمسه وقالهم اسيرون فالمطعم جليز هم هناك يتريونهم .. عقب ساروا كلهم وراشد قال حق عبدالله يتفضل وياهم بس عبدالله كان شوي مشغول ف مارام يتم .. وصلوا كلهم عند قوم مايد فاطمه وميثا من شافوا البنات استانسوا وتموا يسولفون ويظحكون راشد من شاف فطوم تخبل وساره اتلعوزه واطرش له مسجات اونه لا تطالعها واايد .. شوي شوي على عينك .. وهو طااف ولا هامنه .. جان خميس ينش ويرمس الحرمه الي تشتغل فـ المطعم ورد مكانه وبعد 5 دقايق بالظبط يو كل اللي يشتغلون فـ جليز وتموا يغنون وحشره بس ونااسه عقب يابوا الكيكه وفاطمه انصدمــــت بس استانست بنفس الوقت .. بعدين هيه وخميس طفوا الشمعه وجان الكل يلم عليهم ويعطيهم الهدايا .. عقب راشد تم شوي جان امه تتصل به وقالتله اتي لأنه اليده موزه تعبانه شوي فـ راشد سار وشل سيف وساروا على طول حتى ماخبروا ساره انهم سايرين .. ساره وهيه اتدور على اخوانها واترمس ميره ساره : ميرووووه .. وين رشود وسيفو ؟! ميره : انا شفت راشد يسحب سيفو وتموا يمشون بسرعه ساره : امبيييه يعني وين ساروا ؟ ميره : وانا اشدراني .. اتريي بسأل سلطون ساره : لالالا خلاص بتصلبهم .. وجان اتشل تلفونها واتصلت بـ سيف بس مارد عليها جان تتصل براشد رد عليها وقالها انهم ساروا البيت عسب يشلون يدتهم موزه ويودونها المستشفى .. ساره تمت تتحرطم وجان اتبند ميره : ها وينهم ؟ ساره : ساروا البيت وودروني روحي .. يعني انا منو بيردني الحين ؟ ميره : افاا .. يعني اخوي سلطان هب تارس عينج ؟! ساره : ........ ميره : انزيين .. ليش ردوا بسرعه غريبـــــه ساره : يقولون ان يدو موزه تعبانه وساروا يودونها المستشفى ميره : اويييييه .. فديتج يا يدوه ماتشوفين شر .. جان ساره اتصد صوب سلطان شافته واقف ويا ميثا اخت فاطمه .. وهو بعد لما صد صوب ساره وشافها تتطالعه فلقاها فرصه .. فرد وصد صوب ميثا وتم يظحك وياها واونه مستانس وتم يسولف .. هنييه ساره انقهرت من خاطر .. ومايد لاحظ ان سلطان يحاول يتقرب من اخته ميثا وسار صوبهم وسحب ميثا وتم يرمس سلطان مايد : لو سمحت ابتعد عن اختي .. اختي هب مالت هالسوالف سلطان وهو رافع حياته : لا والله .. بنت عمتي وكيفي .. وبعدين انا هب سايرلها المطبخ واسويلها حركات خايسه شراات بعض الناس انا يالس اسولف وياها هنيه مايد حرج جان يرفع ايده عسب يصفع سلطان بس مسكه خميس خميس : ميوود دخييلك مانبا فضاايح وبعدين ها ولد خالك مايد : ما اتنزل يكون عندي ولد خال شرات هااه سلطان وهو يصارخ : ليش انشالله انا شو سويت ؟! انا الي ما اتنزل انك تكون ولد عمتي الغاليه مريم .. والله حسافه يالثووور ميره صدت صوب ساره : ساارووه سااارووه .. شوفي ظرابه بين مايد وسلطان ساره : اووه والله انهم متفيجين ميره : بسير اسحب سلطون وبخليه يردنا البيت مافينا عـ المشاكل وسارت ميره صوب اخوها وسحبته شوي ورمسته وجان يسلم على خميس ومد ايده لمايد بس مايد طنشه وسار بعيد عنه .. عقب سار سلطان وميره سحبت ساره وياها وساروا صوب السياره .. ميره ركبت عند سلطان وساره بالغلط يلست ورا سلطان .. سلطان من ركب السياره وهو هب على بعضه شكله كان تعبااااان .. شغل السياره ورفع راسه عسب يطالع المنظره على طول عينه يت فـ عين ساره جان ساره على طول اتنزل راسها .. اتنهد سلطان وجان يعق السفره ويعدل شعره وحب يغير جو السياره بطل الأف ام كانوا حاطين اغنية فيصل الجاسم ليش تتعمد تعذبني ليش زادت منك اطعونك ما كفاك جروحي وهمي ما يكفي سيل غلطاتك تدري انك حيل سالبني تدري انك في الحشا مبونك كم على عتابك بتجبرني كم اداري زود هفواتك دمع عيني غالي وغالي ما تهله غيبة عيونك يا عديم احساس يا قلب قد ملاه الغدر من ذاتك كنت الأول في نظر عيني كنت عيني وكنت انا اصونك بس خسرت عيوني وحبي ثم غرقت في بحر اهاتك روح عني روح لا تجيني روج وانساني من شجونك لو تلف الكون ما تلقى مثل قلبي بس ذا فاتك << هنيه على طول سلطان شاف ساره وجنه يقول ها اهداء لج .. ساره فهمتها وتمت سااااكته تسمع الاغنيه وميره تغني ويا فيصل سلطان : اسمييه فيصل الجاسم بيعتزل ميره : هههههه .. اصلا صوتي احلى عن صوته سلطان : بــــــاين عقب وصل ساره البيت بطلت الباب وقالت مشكورين ونزلت وجان تحدر البيت ميره : سلطون حراام عليك ليش جي اتسويبها ؟ سلطان : انا لين الحين ماسويت شي ميره : ليش بعد تبا اتسوي اكثر عن جي سلطان : انا الي الحيــــن ما اهمها هااه ميره : ماعليك منها هيه بس جيه رمسه لو تشوفها وانت اتغايظها هيه ميته قهـــــرر وعقب توجهوا لبيتهم فـ بقعه ثانيه فـ دبي دار الحي تحديدا فـ بيت سالم ( بوعبدالله ) ظبيه : اماايه ابا تلفونج شوي روضه : ليش انشالله ؟ ظبيه : اميييييه ابا ارمس يموعي روضه : عيــب يابنتي هو لين الحين ماملج عليج ظبيه : اميييييه دخيلج شوي بس شوي روضه : اوكي بس ترمسين جدامي ظبيه : اميييييييييه شو ارمس جدامج استحي روضه : لا والله عيل ماشي ظبيه ومدت البوز شبرين : خــلاص مابـــــا وجان اتسير صوب سعيد الي كان يالس فـ حجرته مجابل اللاب يرمس 7 بنات << صدقها ميثوه لما قالت بو البنات.. ظبيه حدرت عليه : سعود حبيبي بو عسكور سعيد : نعم اشتبيــــن ؟ ظبيه : ممكن تعطيني مبايلك 10 دقايق بس سعيد : وانا اقول هالادب ماينزل بس جي مني والدرب .. اول شي ليش ؟ ظبيه : اوووه سعود .. ابا ارمس ميثوه سعيد : يلايلايلا مااشي مبايلي مايتصل بالشيف ظبيه : اوكي بتصل بيموعي سعيد : منــــــــو ؟! ظبيه : يمعه ولد عمتي روضه .. بلا عبط .. دخييييييييلك سعيد : وفالمقابل ظبيه : ماالت عالزط .. اطلب شو تبا ؟ سعيد : اممممممم .. خلاص مابا شي .. بس عندج الفون 10 دقايق بس ماتغازلون بعض وما تردين على التلفونات والمسجات الي بتيني .. فاهمـــــــه ؟ ظبيه : هيه هيه فاهمه فديتــك سعيد : يلا شلي الفون وجلبي ويهج ظبيه شقت الحلج وشلت الفون وسارت حجرتها طيرااان .. على طول دقت لـ يمعه يمعه : الووو ظبيه : هلا والله يمعه : فديــت هالصوت انا .. اهليـــــن ظبيه : شحالك يالقاطع ؟ يمعه : حراام عليج انا القاطع .. الحمدالله تمام .. شحالج انتي ؟ ظبيه : تمام يمعه : ظبووي ظبيه : عيونها يمعه : تسلملي عيونها .. بصراحه انا مستعيـــل ابا املج عليج متى تبين نملج ؟ ظبيه : مادري انت شرايك ؟ يمعه : شرايج الاسبوع الي ياي ؟ ظبيه : انا مايخصني رمس اميه وبويه لو بيطيعون يمعه : اوكي ياقلبي .. شو تسوين ؟ ظبيه : ماشي كنت يالسه اطر تلفون من اماايه وسعود الين ماسعود وافق يعطيني الفون يمعه : هههههههه .. فديتج والله .. كل ها عسب اترمسيني ؟ ظبيه : لاتصدق عمرك واايد انزيين يمعه : وااااي والله احبـــــــج ظبيه : وانا بعد يمعه : وانتي شو ؟ ظبيه : طاع الاستعباط .. مادري نسيت يمعه : ههههههههه .. فديتج والله .. ظبيه : يموع انا بخليك الحين اوكي يمعه : افاا .. شو انتي شكلج بسرعه اتملين مني ظبيه : ههههه .. لا والله هب جي .. بس عندي واجبات وبرد فون سعود وشكلها امايه بتسير عند موزه يده ساروه لأنها فالمستشفى يمعه : اهاا .. خلاص برايج غناتي .. هالله هالله بعمرج ظبيه : انشالله .. وانت بعد دير بالك على روحك يمعه : انشالله حبي .. يالله عيل الله يحفظج ظبيه : ويااك يارب .. فمان الله وجان اتسكر التلفون وترده لسعيد ظبيه : فديتـــــــك ياسعود توني ادري انك طيب سعيد : لا والله ؟ .. اصلا انا دومي طيب بس محد حاس فيه .. ويلست ظبيه حذال سعيد وتمت تسولف ويااه شوي فـ بيت بو راشد ساره من حدرت البيت سارت على طول سارت حجرتها وبدلت وصلت وحلت واجباتها وذاكرت واتسبحت ودقت على راشد وتمت تتطمن على يدتها موزه بس الحمدالله كانت بصحه وعافيه بس شوي الظغط ارتفع عندها .. عقب ما اتطمنت سارت ورقدت لأن باجر دوامات وصوب ميره هيه بعد الثانيه من ردت بدلت وصلت وحلت واجباتها وذاكرت وعقب رقدت |
رووووووووووووووووووووووووووووووعة البارت لازم يرجعون لبعض الله يخليك كملها :30: بللللللللللللللللللللللليز :30: |
طرررررررررررر ^^ بس هذا ميــوود يقهررررررنـي يسلمووو خيـوـو ع البااارت ^^ نترياا البارت الياااي |
مشكوور ياخويه على البارت الروووعه .. ونتريا التكمله .. |
مشكور ع لبارت |
سوو يسلموو غرشووب البـآإرت ع ـجيب ^^ بس والله خ ـآإطري سأآره & سلطاان يردوون شراا قبل |
مشكور ع البارت أخوي وننتظر البارت الياي يسلموووووووووووووو |
مشكور اخويه ع البارت الطرر و نتريا البارتات اليايه باسرع وقت تقبل مروري ختك نونو كيوت |
ااااا :03: <<<انا متاثرة شرات هذا خخخ ع لعموم مشكوور اخويه ع القصة الكشخة ... ونتريا منك التكملة..:10: امممم .. والصراحة انا مقهووورة من ميوود وسلطوون الغبي .. والله انه يستهبل وساروه بعد تستهبل .. :522: يردوون لبعض وخلاص ..:45: |
تسلمونـ عـ المرور الطررر... والحينـ راح انزل البارتاااتـ |
البارت الحادي عشر مرت 4 ايام على خير ماسارت فيه احداث واايده بس الي سار ان موزه تمت يوم واحد فالمستشفى بس عقب ظهرت .. وان يمعه وظبيه اتحددت ملجتهم يوم اليمعه .. هيه عوشه خطبت فاطمه حق راشد وقالوا بيملجون بعد ظبيه ويمعه بـ 3 ايام .. بس ها الاحداث الي سارت فـ هالـ 4 ايام .. يوم الاربعا نشت ساره من الرقاد على صوت رنه تلفونها المتصل : توأم روحي ساره بكسل : ألـــوو ميره : هلا والله ساره : اهليـــن ميره : ساروه بتداومين اليوم ؟ ساره : لا اليوم ما اظن لأن بسير اتشرى فستان حق ملجه ظبوي ماباقي الا يومين ميره : هيه انا بعد قلت جيه .. انزين شرايج اتين ويانا ساره : لالالا .. انا بشل حصوه وياي انتي تعالي ميره : اووووه .. اوكي خلاص .. ساره : تامرين بشي ثاني .. ابا ارقد ميره : ههههههه .. هيه احلمي فيه ساره : شو تبيني اموت ؟ ميره : بسم الله عليج .. يلايلا رقدي يا حلوه ساره : يلا بااي وبندت عن ميره وكملت رقادها وعقب نشت وشافت الساعه كانت 10 ونص .. سارت الحمام غسلت ويها وسارت ظهرتلها كندوره مخوره برتقاليه لبستها واتجحلت بجحال اسود وحطت مرطب شفاف و تعطرت ونزلت وشافت سيف وسلطان وراشد وعبدالله وخميس يالسين ويا يدتهم موزه ساره : السلام عليكم الكل : وعليكم السلام والرحمه موزه : ساروه ماداومتي اليوم ؟! ساره : لا .. لأن اليوم بسير اتشرى حق الملجه موزه : لا والله .. وامج تدري انج غايبه ساره : اكيييد سيف : امااايه مخلتها على راحتها سلطان : حتى ميروه غابت اليوم موزه : بنات اخر زمن دلع عالفاضي الكل : ههههههههههههههههه ساره بدلع : فديتني والله .. يدوه اتريقتوا ؟ موزه : هيه عيل نترياج ؟ ساره : افاا يعني الحين اتريق روحي راشد : ولا يهمج نحن بني ونتريق معاج ساره : فديت اخويه والله وهني حدرت حصه وياها ولدها عبيد حصه : السلام عليكم الكل : وعليكم السلام حصه : مشالله الشباب كلهم هني .. ها يدوه ناويه تخطبين لمنو بعد ؟ موزه : ههههههـ .. الله واكبر عن تحسدينهم .. انشالله حق عبدالله وسيف وسلطان عبيد : يدووه وانا ؟ .. يعني ماتبين اتيوزيني ؟ الكل : هههههههههههههههه سلطان : خلاص كل ولا زعل عبيدان انا بخطبلك انت اختار منو تبا عبيد : انا بخطب لما انت تخطب اموله هنيه ساره انصدمت وتمت واقفه فـ مكانها موزه : سلطون بتخطب امل ؟ سلطان : لا يدووه ها عبيد يألف ماتعارفينه ؟ حصه : لالا انا سمعت امك قبل كمن يوم كانت ترمس عن هاي السالفه وقالت انها بتخطبلك امل بنت اختها الشباب : اووووب اوووووب .. ها سلطون بتخطب هااه .. بنشوفك معرس ساره انقهــــرت بغت اتصيح ماصدقت تمت اتقول في خاطرها : معقووله سلطان بيكون لغيري ؟! .. لالالا مستحيييل انا احبه .. بس انا الي ودرته .. كل مني حليله حاول يراظيني .. اوووه الحين انا مادري لو احبه ولا .. انزين لو كنت ما احبه جان ما انقهرت من حركاته يوم كنا فالمول .. اصلا سلطان نساااني واكبر دليلين هم يوم سرنا المول كان يغازل واليوم لما عبيد فظحه بـ سالفه امل بنت خالته .. الله ياخذج يا امل بتصرقين مني الانسان الي حبيته من كل قلبي .. بس لو هو كان مايحبني ليش البارحه لما سمع اغنية فيصل الجاسم طالعني وجنه يقول الاغنيه اهداء لي .. جان مره وحده تسكت وتذكر الاغنيه ويلست اتغنيها وتسمع كل كلمه من الاغنيه وتتأملها ليش تتعمد تعذبني ليش زادت منك اطعونك ما كفاك جروحي وهمي ما يكفي سيل غلطاتك تدري انك حيل سالبني تدري انك في الحشا مبونك كم على عتابك بتجبرني كم اداري زود هفواتك |
جان مره وحده تدمع عينها وتصيييييح فالصاله سيف : افاا ياسلطون .. والله ماهقيتها منك تخطب من وراي عبدالله : لا من جدامك الكل : هههههههههههههههههههههه سلطان حرج : والله العظيم ماخطبت بلااكم ؟! .. وبعدين ها عبيد هو روحه مألف السالفه راشد : عليينا عليينا سلطان حرج وظهر من الصاله وسار فالحوي وتم محرج وهو يالس يتمشى فالحوي سمع صوت انوثي هب غريب عليه بس الصوت كان هب صوت عادي كان صوت صياح .. زاغ سلطان وسار اتبع الصوت الين ماوصل المطبخ وشاف ساره يالسه عـ الارض يالسه اتصيح .. سلطان من شافها بهاي الحاله مادرى شو الي استوابه على طول ربع صوبها سلطان : ساروه حياتي بلاج ؟ ساره وهيه تصيح وترمس بنفس الوقت : ليــــــــــش ياسلطان ليـــــش ؟ سلطان : ساره حبيبتي قوليلي بلاج ؟ ساره : ليش تتعمد تعذبني ؟ .. ليش اتخوني ؟ .. ليش خطبت امل ؟..( جان اتصارخ ) لييييـــــــــــــش ؟ سلطان يود ايدها ووقفها : ساروه حياتي انتي هب فاهمه السالفه .. والله العظيم اني هب خاطب ولا شياته اصلا انا مافكرت فـ امل موول .. وها عبيد هو روحه مألف هاي السالفه ساره وهيه تكمل صياحها سلطان وقف جدام ساره وتم يمسح دموعها : خلاص حياتي اهدي ساره وهيه شوي هدت سلطان بخبث : تراج اتقولين اني ما اهمج وان كل شي بيننا انتهى واني ولد عمج بس وانج تبين اتغيرين رقمج عسبي اشوف الحين اتغيرت كل هالرمسه ساره : شو اسوي حاولت انساك بس والله مارمت .. سلطان الي انت سويته هب شويه تدري انت اتهمتني اني خاينه وفوق هذا صفعتني سلطان حط ايده عـ حلج ساره : خلاص حبي لاتكملين انسي كل الي صار وخل نبدى صفحه يديده ساره : اوكي بس ممكن سؤال ؟ سلطان : هيه اتفضلي ساره : ليش البارحه يوم كنا فالمول كنت اتغازل واترمس ميثو ؟ سلطان وهو فيه ظحكه : يعني حرام اغازل ؟ .. وبعدين ميثو بنت عمتي عادي ارمسها ساره : لا والله .. هيه حرام اتغازل سلطان : ههههههههه .. ليش اتغارين ؟ ساره باندفاع : هيه اغااار سلطان : ليش ؟ ساره بدون ماتحس بعمرها : لأني احبــــك سلطان صارخ : ياويييييييييل حاااااااااالي بلييز عيديها بلييز ساره بدلع : هههه .. مابا سلطان : عشاني ساره : مااابااا غصب ؟ سلطان : هيه .. اذا ماقلتيها بسوي شي بعمري ساره وهيه مستحيه: خلاص احبك .. بس عااد سلطان : ااااخ ياقلبي وجان يطيح عالارض ساره وهيه زايغه : سلطوووون سلطوووون سلطان نش مره وحده عيديها اخر مره اخر مره ساره : هههههههههه .. والله انك مينون ودزته وسارت لحقها سلطان جان ايود ايدها ساره : سلطون ودرني مافيه سيفو ولا رشود ايون ويسولي سالفه سلطان : نسيت اقلج شي ساره : آمر الشيخ سلطان سلطان : احم احم طال عمرج الشيخه ساره لاتغيرين رقمج ساره : تامر امر سلطان : ساروه احبج ساره بدون لاتحس بعمرها : وانا اموت فيك سلطان استاااااانس وشق الحلج وساره احمرت واخضرت واصفرت وعلى طول شردت حتى ماتريقت .. حدرت ساره الصاله ويلست عند حصه ساره : حصوصه متى بنسير المول عسب ناخذلنا فستان ؟ حصه : بس منو بيودينا ساره : رمسي سيفو ولا رشود حصه : رمستهم من شوي رشود شل عبدالله ولد خالو روضه وظهر وسيفو مستحييل يودينا ساره : اوووه يعني متى بنسير ؟ حصه : تعاالي وين سلطون ؟ ساره اتوهقت : انا اشدراني حصه غمزتلها : علييينااا ساره قفطت : ايييه بلاااج مشفره اليوم ؟ حصه : يعني كل ها عايشين وياكم ومابنعرف شي الله يخلي عبيد بس ساره : حصوو وبعدين عبيد ها واايد يألف حصه : ههههههههه اوكي اوكي خلاص هنيه حدر سلطان وسار يلس عندال يدته موزه سلطان : يدوووه .. اشعنه ماتين بيتنا كله فـ بيت عمي محمد ؟ موزه : ههههههه .. كيفي وانت شو يعورك ؟ سلطان : بصراحه راسي يعورني الكل : ههههههههههههههههههه موزه : سااااروه سيري قولي حق مرتينا اتيب الفواله والقهوه حق العرب ساره : انشالله يدوه وصارت ساره صوب المطبخ ورمست البشاكير وسوتلها نسكافيه وخبز جبن وكلته فالصاله نزلت شيخه وسلمت عليهم كلهم شيخه : امييه اتحيدين الدكتور الالماني لما قلتيله اسمج شو قال ؟ موزه : هههههه .. هيه يقهر اقله اسمي موزه يقلي وااط ؟ شيخه : ههههههههه اميه هب واط وات .. يعني شو ؟ سلطان : شو السالفه ؟ شيخه : الله يسلمك ويسلم راسك هذيك المره كنا عند الدكتور وهو الماني سأل امينه شو اسمج اميه قالتله موزه وهو يقلها شو عادتله الاسم 3 مرات مافهمه جان اتقله بنانا عاد هنيه انا نقعت من الظحك ساره وهيه حادره الصاله : ههههههههههههههه .. يدوه ظهرت متطوره بعد تعارف ترمس انجليزي الكل : هههههههههههههههههههه موزه : ساروه ياجليله الحيا تطنزين ع يدتج صدق ان ماعندج مذهب ساره قفطت : السموووحه يدوو والله ماكان قصدي جان اتسير صوب يدتها ووخت وحبتها على راسها وسلطان كان يالس عند موزه ويطالع ساره ساره : يدوووره خلاص لاتزعلين يعني اهون عليج ؟ اليده موزه : لافديتج خلاص ماتهونين عليه عقب يلست ساره عند يدتها بس من الصوب الثاني وتمت اتسولف ويا عمتها شيخه شيخه : حصوو الحين متى بنسير ناخذلنا فساتين ؟ حصه : هاذو ولد اخوج رمسيه خله يودينا شيخه : سلطوون حبيبي ممكن اتودينا عسب ناخذ فساتين ؟ سلطان يصد صوب سيف : سيفو انت حق شو زين ؟ سيف : انا بوديهم بس بشرط اتي وياي مابا اسير ويا الحريم روحي بمـــل سلطان وهو اونه يفكر : اممممممم جان شيخه اتمط شعره : اتفكر بعد هااه اصلا غصبا عن راسك بتي سلطان : آآآآآي شعري يعورني ساره : هههههههههههههههه عبيد : حرااااااام يالشريره لاتمطين شعر عمييييي الكل : هههههههههههههههههههههه عقب حدرت عليهم عوشه ووياها مديه (ام احمد ) وبنتها ميره سلموا وسألوا عن الحال وعقب يلسوا وياهم ساره سحبت ميره وودتها فوق وخبرتها انها هيه وسلطان ردوا لبعض وميره تمت مستاانسه وماصدقت وعقب ساره سألتها لو صدق سلطان بيخطب ولا ميره قالتلها ها عبيد روحه جي قايل واتطمنت ساره عقب لبست عباتها ونزلت ويا ميره وساروا السياره لأن حصه وشيخه وسيف وسلطان كانوا يتريونهم عسب يسيرون المول فـ العين تحديدا ف حجرة خميس رن تلفونه وكان المتصل : الغلا كله << عنود خميس : مرحباا الساع عنود وهيه تسوي عمرها تصيح : خمييييس الحقني خميس وهو زايغ : بلااج حبيبتي ؟ عنود : خمييس ابوي جابرني اخذ ولد عمي خميس انصدم : شووووووو وانتي شو رايج ؟ عنود وهيه اونها تصيح : اهئ اهئ يعني انت اتعارف اني احبك ومستحييل انساك بس شسوي ما بيدي شي خميس : عنود انا احبـــــج بموت لو خذتي ولد عمج انتي لو ماكنتي لي ماراح تكونين لغيري عنود : اوووووووووه ذليتنا ياخي فكني خلاص ما احبك خميس : شوووو ؟ عنود حياتي بلاج ؟ عنود : يعل حياتك الـ .... << جان تسك خميس انصدم قال معقوله هاي عنود خميس : عنود شو الي غيرج مره وحده عنود : انا جي طبعي وبخبرك شي اصلا انا لاحبيتك ولا شي بس كنت ابا اقهرك على سالفه سويتها فيه وخلاص انا ملييت منك واصلا ابوي هب جابرني ولا شي خميس : معقوووله انتي عنود الي انا حبيتها ؟ عنود : اففف فكني لا اسمع انسى عنود وطوايفها ولا تتصل برقمي مره ثانيه فاااهم وجان اتسكر الفون بويهه تم خميس منصدم ومو مستوعب شي وجان مره وحده يشل لا ردج الله لا ولا أطـلـب ترديـن ادعـي عليـج بعثـرةٍ فـي صلاتـي عثرة تشلـج مـا بعدهـا تقوميـن يا للي نقضتي عهودنـا الماضياتِـي كانت تروح الروح ساعـة تروحيـن وتعـاف نفسـي شربهـا والمقاتـي كنتي مناة القلـب والـروح والعيـن واليـوم عينـج يعلهـا ماتبـاتـي كنت أحسبج للعهد و الحـب توفيـن قلتي الغدر بالحب مـا هـو سواتـي و بان الغدر سمٍ جـرى بالشراييـن الله عسـى يسقيـج سـم الفعاتـي كلي سقيتج حـب و اليـوم تنسيـن تقولين حلـم أيـام و اليـوم فاتـي يتبع |
تابع جان يسير لحجره فاطمه دقلها الباب وبطلته وتم يخبرها عن الي صار كله فاطمه انصدمت وقالتله لايهتم وخل ينساها وانشالله بيلقى وحده احسن عنها وزين يوم عرفها على حقيقتها هاي الخايسه بنت الشوارع على قولتها .. عقب خميس حب يغير السالفه خميس : ها فطوم شحال رشود ؟ فطوم استحت : وانا اشدرااني خميس يغمزلها : علييينا معقوله ماترمسيينه فاطمه هزت راسها بـ لا خميس : اشك الصراحه ميثا وهيه توها حادره الحجره : خمووس هاي جذاابه لاتصدقها اتشوفها الحين يالسه ترمس ويا بانصاف الليالي خميس : جب انتي اصلا حد قالج تعالي رمسي ويانا ؟ ميثا : افااا ياخموس خلاص انزيين زعلت وجان تظهر حس خميس انه صدق ضايج اخته سار وراضاها وقالهم يتلبسون عسب يوديهم الشيشه لو يبون ياخذون لهم شي فـ دار الحي تحديدا فـ بيت سالم سالم : ها ظبوي ماباقي شي عـ ملجتج ظبيه : هيه يابويه والله فديتني كبرت الكل : ههههههههه سعيد :انشالله تعرسين مره وحده عسب نفتك منج ظبيه : لا والله ليش يالسه على جبدك ؟ سعيد : هيه روضه : فديتها بنتي والله مسرع ماكبرت عقب كمن يوم ملجتها الله يهنيكم ويخليكم لبعض الكل : آآآآآمييين ظبيه : بااباا ابا مبايل سعيد : عسب تحشرين يمعه 24 ساعه الله يعينك يايموع مادري يوم خطبت ظبوي كنت سكران ولا معطينك شي سالم : ههههههههه سعيد شو هالرمسه بعد هاي اختك العوده هب عيب عليك سعيد : السموحه ابوي بس اتمصخر معاها ظبيه وهيه تدلع : بابا شوفه اصلا هو يغار لأني بملج سعيد : مااالت اغار منج انتي ويييييع الكل : ههههههههههههههه ظبيه : اميه تدرين ان ملجه فاطمه وراشد ولد خالو عوشه عقب ملجتنا بـ 3 ايام روضه : هيه فديتج خبرتني عوشه امسات سالم : رشود خطب !! سعيد : هيه توها امايه تقول يعني ماسمعت ؟ سالم : اسكت انت محد رمسك سعيد : كلهم خطبوا وبيملجون ماباقي الا عبود ها شكله مو ناوي يعرس مووول عبدالله : سعووود يالدب ليش اتحش فيه سعيد : بسم الله الرحمن الرحيم من وين ظهرت ؟ الكل : ههههههههههه عبدالله : من بطن امييه توني ياي سمعتك ترااني سعيد : ههههههه فديت خشمك والله كنت اتمصخر عبدالله : هيييه اتحرى بعد بس ثاني مره ان سمعتك اتحش فحد ياوييلك بشل عنك اللاب سعيد : اووووووه ذليتنا عاللاب ياخي ماصارت لاب كل شوي بشله عنك وبشله عنك والله ادري انه ببيزاتك بس لاتذلنا جي سالم : دوااك يالملسون الكل : هههههههههههههههههه عقب رن تلفون بيتهم وربعت ظبيه صوب التلفون وظهرت عمتها مهره وتمت اترمسها تسألها لو هيه متزهبه حق الملجه ولا وشو الي ناقصنها وجي فـ مول الامارات ساره : ميروووه يوعانه ابا اكل ميره : اففف حشرتيني تعالي كليني بعد شو اسويبج ؟ ساره : ماشي ماشي ميره : فدييتج زعلتي انزين قوليلي شوتبين ؟ ساره : خلاص مابا شي ميره : ساروووه حبيبتي يلا عاد شوتبين ؟ ساره : ماشي ميره : برايج وظهرت مبايلها وابتعدت عن ساره ورمست سلطان قالتله ايب شي ينوكل حق ساروه لأنها يوعانه سلطان قالها شو تبا هيه ميره قالتله انها زعلت لأن ميره حرجت عليها وعقب بند سلطان عنها وسار باسكن وطلب 6 اسكريم براون لـ ساره وميره وحصه وشيخه وسيف وله عقب دفع الحساب وخذ ماله وعطا سيف وشل الباقي ف جيسه ووداها لساره ، ساره انصدمت لما شافت سلطان ياي صوبها ووياه الجيسه ساره : اويييه اشدراك اني يوعانه ؟ سلطان : قلب الحبيب ياعمري ساره : ههههههههه احلف انت بس سلطان : والله احبج ساره وهيه مستحيه : شو انت ماتستحي ؟ سلطان : لا شوقالولج عني ساروه ؟ ساره : لا سلطون ميره يت صوبهم ميره : اييه اييه انتو وين يالسين يلا مناك يلا سلطان : نعم نعم انتي ليش داشه عرض ؟ ميره : كيفـــــي سلطان : يلا انا ساير تامروني بشي ؟ ساره + ميره : سلامتك وعقب سار سلطان عند سيف الي كان يالس فـ كوستا سلطان : شحال العاشق الولهان ؟ سيف : تمام .. سلطون والله مشتاقلها مادريبها وين من كمن اسبوع الحين هيه ماتتصل فيه سلطان : ليش انت ماتتصل فيها ؟ سيف : مافيه اسويلها مشاكل سلطان : سيفو بصراحه بقلك شي بس لاتحرج عليه سيف : قول قول انا شو وراي غير اني اسمعك سلطان : وراك الكرسي خخخخ المهم احس ان حمده مو مال حب وزواج هاي مال تسليه سيف حرج : سلطان خلااص اسكت وبعدين لاترمس عنها جيه هاي قلبي تفهم شو يعني قلبي سلطان : ههههههههه هيه يعني قلبك سيف : ياثقل دمك مر الوقت وسارت الساعه 3 الظهر جان حصه وساره وميره يتقربون صوب سيف وساره حصه : سيفو تعال وصلنا انا وشيخه تحت احمد ريلي ياي ياخذنا سيف : لا والله قالولج باص مواصلات ؟ وبعدين لو ريلج ياي اصلا ليش يايه ويا البنات حصه : اوووه هب متفيجتلك فكني بسرعه سيف : افف يلا سلطون انا ساير اوصل البرنسيسه عند ريلها الثور وياينك حط بالك عـ البنات حصه : حرمتك الثوره هب ريلي انزين ساره : ههههههههههه سيف : سكتي انتي ويا راسج هذا وسحب حصه وسار يوصلها عند ريلها .. ساره وميره يلسوا عند سلطان ميره : سلطون شو السالفه اشوف الكل مستانس اليوم ؟ سلطان : حسدينا بعد ويا هالراس ماتدرين ليش ؟ ميره : لا قلي سلطان : لأن انا وساروه ردينا لبعض ساره استحـــــت وجان يرن مبايلها وكان المتصل : بثون ساره : الوو بثينه : هلا والله بناعم الصوت ساره : ههه اهلين وسهلين وبوستين على هالخدين سلطان : يعني بس حقها ماشي حقي انا بعد ؟ ساره قفطت وميره تمت تظحك عليها بثينه : ساروه منو ها الي يالس يغازلج ساره : هههه ها واحد لاحقنا من الصبح سلطان : لا والله بثينه : ههههههههه صدق والله منو ها ؟ وانتي وين ؟ ساره : انا فالمول يايه باخذ اغراض حق ملجه بنت خالوتي بثينه : عسب جي ست الحسن والجمال ماداومت ساره : يس يس بثينه : تدرين ان يابولنا ابله عربي يديده اسمها سندس ساره : ههههههههههه حلفيي بثينه : والله فاتج تنقيعاتها عجييبه الصراحه ساره : يالله ماعلي عقب كمن يوم بنشوفها بثينه : ساروه خلوف اخوي يسلم عليج ساره : الله يسلمه سلطان : منو ها ؟ ساره بدلع وهيه ترمس سلطان : محـــد سلطان : ماعليه ماعليه انتي بس سكري الفون وبتشوفين بثينه : ساااروووه ليكون انتي معرسه من ورانا ساره : بثوون شو هالسخافه بعد فديتني بعدني صغيره على هالسوالف بثينه : ماالت انزين منو هاه ؟ ساره : افففف حشرتيني ها سلطان اخو ميره بثينه : وااااااي فديته ها الحلييو ساره : فداج مصري قولي امييين سلطان : احم احم يغارون عليه ساره اتطالعته بنظره ونشت من مكانها ولفت ويهها ساره : بثون انا بخليج الحين اوكي بثينه : اوكي فديتج يلا باي بندت ساره عن بثينه وردت ويلست ويا ميره وسلطان ميره : منو هاي الي كانت عالخط ؟ ساره : بثون منو غيرها سلطان : تعاالي تعاالي منو ها الي الله يسلمه ؟ ساره : هههههه واحد الله يستر عليه ميره : اكيييييد خلوف سلطان : نعـــــــــم منو ها بعد ؟ ميره خبرته السالفه كلها وساره تمت امحرجه وسلطان شوي محرج وشوي فيه ظحكه على تصرفات ساره ساره : ميروووه خلاص افف انتي محد يخبرج شي ميره : وفدييييت ساروه انا كل ولازعلج يالغاليه سلطان : اييه اييه ليش تتفدين حرمتي مب عيب عليج ؟ هنيه ساره صدق قفطت من خاطر واحمرت وماعرفت شو تقول وميره تمت ناقعه من الظحك ميره وهيه اونها محرجه : سلطووون شو هاي الرمسه بعد مب عييب عليك ؟ سلطان : السمووحه الشيخه ميره ميره : احم احم فديتني ساره : انا يوووعاااانه حسو فيه سلطان : فديتج ليش ماتقولين لي ؟ غالي والطلب رخيص انتي بس امري من اي مطعم تبين وشو تبين ساره : امممممممم فخاطري بـ باستا من مطعم باستا سلطان : حاظرين كم ساره عندنا نش من مكانه عسب يسير ياخذلها باستا جان يشوف سيف سلطان : زين ان سيفو ياكم يالله انا بسير اطلبلكم وبي وسار سلطان مطعم باستا وسيف يلس عند البنات عقب عشر دقايق بالضبط قرب سلطان وكان وياه الاكل وعطاهم عقب سار هو وسيف وطلبولهم من ماكدونلز واتغدوا وعقب ردوا البيت اول ماوصلوا صوب بيت عمهم محمد سيف حدر على طول لأنه كان متضايج شوي ساره تمت اتسولف ويا ميره شوي عقب حنت عليها عسب اتم فـ بيتهم بعدين ميره رمست سلطان جان سلطان يطيع وهم سايرين بيحدرون سلطان يود ايد ساره وسحبها لحظنه ميره انصدمت من هالحركه سلطان : ساااروه والله احبــــج ساره وهيه زايغه وقلبها يدق : ادري والله انا بعد ميره حرجت جان اتسير وتسحب ساره وتدز سلطان : سلطوون لوسمحت بلا طفاسه اتخيل لو رشود ولا سيفو جافوكم جي ؟ شو انتو ماتخيلون وسحبت ساره وياها وساره وسلطان يظحكون عليها عقب سلطان طرش مسج حق ساره |
حياتي لاتزعلين من هاي الخبله خلها تولي تراها اتغار ) ساره من شافت المسج نقعت من الظحك مارامت تسكت وميره مفوله عـ الاخر جان اترد ساره عليه ( حرام علييك فديتها والله اني احبها ) فحجرة راشد كان يالس جان اتي فاطمه فباله يود تلفونه واتصل فيها راشد : هلا والله فاطمه بدلع ورقه : اهلييين راشد : وفديييت هالصوت انا شحالج الغاليه ؟ فاطمه : ههه يسرك حالي ومن صوبك ؟ راشد : تمام دامج تمام ها شو تسوين ؟ فاطمه : ماشي كنت يالسه عـ النت راشد : السموحه حياتي لعوزتج فاطمه : افاا وين لعوزتني جان تسمع فاطمه صوت دق عـ الباب فاطمه : رشودي دقايق راشد : وفديت رشودج انا خذي راحتج حبي سارت فاطمه وبطلت الباب وكان خميس خميس : فطوم مشغوله ؟ فاطمه : هيه شوي خميس : اووه ممكن اتأجلين شغلج ؟ فاطمه : لا خميس : ليش ؟ فاطمه : بلاك راشد عالخط خميس : ههههههه قولي جي من الصبح ويا هالراس اخليج عيل خذي راحتج ( وعلا صوته ) بس عن المغازل فاطمه : هههه انشالله ( وقفلت الباب وشلت الفون ) فاطمه : السموحه الغالي راشد : مسموح فطوم احبــج فاطمه : ..... راشد : فطاااامي وينج ؟ فاطمه : هنيه راشد : انزيين انا بيكم العين باجر فاطمه : صدق والله حياااك الله بأي وقت راشد : هههه الله يحيج فاطمه : راشد انا بخليك الحين راشد : افاا ليش ؟ فاطمه : جنه امييه تباني سووري والله راشد : لاخلاص عادي فديتج هالله هالله بعمرج فاطمه : انشالله انت بعد راشد : انشالله يلا بااي وبندت فاطمه عن راشد وسارت صوب امها وميثا وتموا يرمسون عن تجهيزاتهم لملجه ظبيه الي بتستوي عقب يومين ( يوم اليمعه ) فبيت محمد بوراشد نزل راشد تحت فالصاله راشد : مرحبا مرحبا بالعيوز موزه : عيز حيلك فديتني بعدي شباب محمد : ههههه رشود اشو هالرمسه بعد فديتها اميه فعز شبابها راشد : السموحه الشيخه موزه ( وحبها على راسها ) جان موزه اتدزه : يلا منااك انا عيوز هااه راشد : يدوووه والله اني اتمصخر معاج فديت الزعلانه انا عوشه : افاا يا رشود اتزعل يدتك ترى اذا يدتك زعلت ماراح تملج على فطيم راشد : لالالالالالالاااا كله ولافطيييم يدوه يلا عاد لاتزعلين والله اني احبج موزه : ههههه كل ها عسب فطيم فديت روحها راشد : يدوه لاتتفدينها اغااار محمد + عوشه : ههههههههههههههههههه موزه : مالت بنت بنتي وكيفي انت شو يعورك ؟ راشد : يدوه فديت روحج اتصلي فيها ورمسيها موزه : اشعنه ؟!! راشد : ماشي سولفي وياها عشاااني ابا ارمسها ابا اسمع صوتها موزه : هب متفيجه وبعدين هيه لين الحين هب فـ ذمتك اشعنه تبا اترمسها يالاسود محمد : ههههه عادي عادي امييه موزه : افاا افااا افااا ولدي محمد جي يقول ؟! .. لالالا انا ما اصدق عوشه : هههههههه فديتج يا ام ريلي اكيد محمد يمزح ماتعارفينه حدر سيف عليهم سيف : افاا اتسولفون من وراي ؟ راشد : لا من جدامك سيف : يااربي مادري انت من يوم خطبت فطوم استخفيييت راشد : لا والله جي فطوم اصغر عيالك اسمها فاااطمه وبعدين انت ليش اتغار لأن ماخطبولك ؟ سيف تذكر حمده وتضايج بس ماحب يبين : هههههه لا فديتك ما اغار الله يتمملك على خير وسار ويلس وياهم فـ حجرة ساره ساره كانت يالسه ويا ميره جان يحدر عبيد عبيد : ميرووه وين عمي سلطان ؟ ميره : مادري بس اظني انه رد البيت عبيد : اووووووه ليش يسير وماياخذني ساره : كييفه وبعدين انت ليش جي رزه ؟ عبيد : ليش اتغارين لان سلطون يحبني اكثر عنج ساره : اصلا هو مايحبك انزيين عبيد يظهر لها لسانه : يحبني يحبني واكثر عنج بعد جان مره وحده تحدر عمتها شيخه شيخه : ساره منو ها الي يحبج ومايحب عبيد ؟! كـــــــــــــــــــــــــــــــــات |
:15gt7.gif:ياسلام سلم على غرشوب اتكلم تسلم غرشوب ع القصه الطرررر انزين كمل ياخي بسرعه والله اني اشوي وبدش في اللاب والسموحه اتريا التكمله |
السلام عليكمـ امممممم انا مسافر المانيا بعد كمنـ يوم عسب اكمل دراستيـ عسب جيـ راح اخليـ اختيـ التوم منيـ اتنزل البارتااات وسموحهـ عالقصور..... |
رووووووووووووووووووووووووووووووووووعة البارت :169: الله يخليك كملها :30: بلللللللللللللللللللللللليز:30: تروح و ترجع بالسلامة تسلم عالبارت |
والله بس القصه طررر اشكرك ع القصه اتروح وترد بالسلامه والسموحهـ |
:861:يسلموووووو على القصه بس بعدني بكملها ماخلصيتها |
طررررررررررررررررررررررررررررر تروووح وترد بالسـلامـهـ خيـوـو ^^ ويسلمــوو ع القصــه الرووووووووووووعـهـ^^ نتريــا البارت اليااي ^__^ |
الله رووعه البارت .. ونتريا التكمله .. وتروح وترد بالسلامه انشالله ... |
تسلمونـ عـ المرور طررررر ولعيونكمـ راح انزل البارتااات |
| الساعة الآن 04:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir