|
راح انزل البارتااات بدل دموهـ... البـــَـــٍــــُــارت 15 ......}ْ .. .. [ تشابه منهو حبيته وبديته على نفسي ,,, هذاك اللي توقعته ينور بالوفا دربي ,,, أجيه وشايلن همي ..! أدور عنده الراحه ,,, تخيل لما يلمحني تجيني تركض جراحه ..! واذا صديت ناداني .... واذا اقبلت خلاني ,,, واذا قلبي نوا الفرقا يعشم قلبي بفراقه ,,, أبعرف يا بحر ذنبي وش اللي بعمري سوته ؟؟؟ أنا ما أذكر اني بيوم جرحت انسان وبكيته .. ] ع البحر كانت يالسه تنطر حميد على احر من الجمر … وبعد لحظات ودقايق من الانتظار … وصل حميد .. وعلامة البرود والقهر على ويهه مرسووومه ..! سارة : هلا هلا حميد .. اشحالك ؟ ^^ حميد ( ببرود ) والله زين مدامني بعيد عنج … ع العموم مو هذا موضوعنا .. شو الموضوع المهم اللي بغيتيني فيه ! سارة ( تحاول تبرد الجو ) : همم خلنا من هالموضوع .. تدري يا حميد .. كل ما ايي هالمكان .. اتذكر ايام ما كنا نتيمع هني انا وانت .. يا محلاها من ايام .. حميد ( ببرود اكبر ولا مبالاة ) : كانت ايام وعدت …. والحمد الله .. سارة : شفيك حميد منجلب علي ؟! حبيي أأ.أأ ( وهني سارة تسوي روحها زلت ... وهي من صوب ثانيه متعمده ...) حميد : حبيبي !!!!!!!!!! بصفتج منو تقولين هالكلمه ! وبعدين ابيج تعرفين اني احب وحده يا ساره .. احب .. تعرفين شو يعني احب ! سارة ( اللي انفعلت) : بس هي ما تحبك .. انت ما تفهم !!! ليش ما تنساها !! لييييييييييش ؟!! انا اعرف كل شي عن الهام ..... خبروني يا حميد .. خبروني ... بس ابيك تعرف يعني انها ما تحبك ... انساهااااااااا حميد : وفي حد يقدر ينسى روحه يا ست ساره ....! سارة : وأنا يا حميد ؟!! نا وين رحت ؟!! ولا خلاص ما عاد لي مكان فقلبك ... من سنييين يا حميد .. والله حرام عليك ... واخرتها تطلع تحب هالخايسه .. حميد ( اللي عصب وفول حده ) : اييييييييه عاااد ! حدج ..... ما اسمحلج ترا تفهمين ...! مب الهام اللي اتيبينها على لسانج فاهمه ولا لااء ...! .. وتدرين شو !! تراني خلاص فهمت لعبتج ! سارة ( اللي ارتبكت ) : هااه !! أي لعبه ! .. حميد : انج تحبيني ما تحبيني .. انتي تتحريني ما اعرف انج طول هالمده كنتي تستغليني عشان فلوسي ! سارة ( اللي ارتاحت .... الحمدلله اللي يت ع بالة جي ولا انه كشف سالفة هالجلبه ..... فجأاأة سارة تم ناقعه من الظحك ! ) ههههههههههههههههههههههههههههه حميد : ايه .. ايه .. وين يالسه انتي .. (وهني تم يطالعها من فوق لتحت بنظرات كلها احتقار وكره ) الشره مب عليج .... على اهلج اللي ما عرفوا يربونج ... بس ما اقول الا الله يستر عليج يا بنت الناااس .. مع السلامه .. سارة ( يت بسرعه ووقفت جدام حميد اللي كان مروح ) : على فكره بس .... حبيت اقولك .. ان انا السبب فمشكلتك مع ابوك القبليه .. انا اللي خبرته كل اللي صار .. واقدر اسوي اكثر من جي .. هههه .. انا مب سهلة يا حميد تراني ..... واعرف ان اللي سويته فيني مب شوي ... ( وهني تمت تدمع عينها ) فقدتني عذريتي يا حميد .. اغلى ما عند كل بنيه !!! قصيت علي .. ولعبت علي ... شو خليت فيني !! ولا ما تذكر ايام الجامعه .. ايام ما كنت تقوللي .. انتي روحي .. وانتي قلبي وانا احبج .... ومستحيل احب غيرج ... لين ما خذيت اللي تبيه مني .. ورميتني مثل الجلبه ....! للأسف لعب علي الشيطان .. شيطان متمثل بصورة انساان .. هذا انت يا حميد ..... بس والله لا اعذبك واعذبك ...... مثل ما عذبتني .. ما انكر .. ما انكر اني صدق حبيتك ... بس بس للأسف طلعت ما تستاهل هالحب أبد .. كنت اتحراك تخاف ع مشاعر بنات خلق الله ولا ترضى فيهم نفس ما ترضى ع خواتك ...... بس للأسف الظاهر أن ... حميد ( وهني عصب حميد وصفع سارة باقوى ما عنده ) جااااااااااااااب ولا كلمه ... حدج عاد ! والله وطلعتي تعرفين تتطاولين بعد ... الا خواتي ما تقارنينهم فيج .. تفهمين ! سارة : ههههههههه .. بتشوف فخواتك العذاب اللي انا شفته يا حميد ..... وحزتها بتذكرني ههههههههههههههههههاااااااااااااي ... بتشوف ههههههه حميد ( بكل قهر واحتقار ) : خواتي اشرف عنج وقبل كل شي متربييين .. هني حميد ملا قدر ايود عمره ... كان حاس انه بيموتها من القهر .... بس ما لقا غير انه يدزها باقوى ما عنده ..... ويروح عنها ... وطبعا بدون ما يعطيها أي فرصه انها ترمس توجه لسيارته ... اما سارة فانرمت ع الرمل وتمت تصيح باعلى ما عندها ... دموووع حسرة وندم ... وقهر ع اللي صار ؟! أبعرف يا بحر ذنبي .. وش اللي بعمري سويته !! آآآآآه .. .. فبيت أبو صقر وبالتحديد فالصاله .... ام صقر .. وفاطمه .. ويعقوب يالسين فالصاله .. ام صقر : اااخ ... ما ادري بلاها ريولي .. احسني مول مب رايمه امشي .. فاطمه ( بلامبالاة ) : سلامات امايوه .. هممم انزين اميه بخبرج .. ام صقر : هاه .. هاه .. خبري ....! فاطمة : هممم خالي مروانو ... منو البنيه اللي كان يباها من قبل ..! ام صقر ( انقهرت من هالطاري ) : شياب هالطاري الحينه !! فاطمه : امي عاااده .. يالله .. لازم اعرف .. ام صقر : ما ادري فيه .. كل اللي اعرفه انها مال بوظبي .. فاطمه ( شتتتتت ! يعني هي ؟! ) : انزين امايوه .. لو سألتج شي بتخبريني بدون ما تعصبين .. ام صقر ( بدت تتنرفز ) اففف عاده ... شصايرلج فطيم صايره وايد تهذربين ! فاطمه ( انقهرت ) : هذا وانا بعدني ما رمست وجي سويتي .. عيل يوم برمسج شو بتسوين ! ام صقر : يا ربي .. خوزي عني لاه ... خلني بسير بيت عمج ابرك لي .. فاطمه : انا بعد بسير وياج .. يعقوب : انا بعد .. انا بعد .. ام صقر : لا حوول .. انزين .. انزييين .. يالله عيل بدلو .. واستعيلو .. وها يا فطيم .. ملابس الاولاد هذي ما اباها .. لبسي شي عدل .. مب كل مره عمج بيعيدلج نفس الرمسه ! فاطمه ( بدون أي اهتمام ) يصير خير ! .. .. من ناحية صقر وشوق اللي كانت متضايجه ... ولا حست بعمرها الا وهي فبرج العرب ... وهني فهمت خطت صقر ... اللي كان مجهز لها جناح خاص يباتون فيه كمن يوم ... وبعد ما رتبوا اغراهم ... اختاروا انم يتعشون فالجناح .... عشان يقدرون ياخذون راحتهم ... وبعد ما خلصوا العشا و بكل رومنسيه ... طلع صقر الهدية .. وهي عبارة عن طقم ألماس .. كان مجهزنها من فترة .. وبكل رقة وحنان لبسها اياها ... صقر ( وهو يغني ) : بحط قلبي بين أيدينج هديه .. واقول لج كل عام وانتي حبيبي .. شوق ( دمعت عينها ) : فديتك والله ..... صرت احسدني عليك الصراحه صقر ( مسح دمعت شوق ) : تستاهلين وزووود حبي ... كل عام وانتي بالف خير .. عقبال مليون سنه .. شوق : تقضييها وياي يا ربي .. صقر ( وبكل حنيه .. يهمس لشوق ) : احبج حبيبي شوق ( استحت ) : ههههه انا بعد .. صقر ( يتناذل ) : شو يعني انا بعد ؟! شوق : هههه .. صقر عاد .. انت ادرى .. صقر : لا لا ما ادري ... شو انا بعد .. شالسالفه ؟! شوق : ههههههههه احبك .. احبك .. انت حبيبي .. خلاص ! صقر ( يسوي روحه بيطيح ) : آآي قلبي .. بموت .. وفديتها .... ( رد يغني بصوته الحلو ) : فديته لمن يقلي حبيبي .. فديته صار كل عمري ونصيبي ... الله يخليج لي شوووقي .. شوق ( مستانسه ) : ويخليك لي يا أغلى ما في دنيتي .. .. .. فبيت أبو علي .. البرود يعم البيت .. هدوووء جامد .. وخاصة عند إلهام ... اللي كانت سرحانه بغرفتها ولا قطع ع سرحانهاا إلا دقات أبوها الخفيفة ع غرفتها ! الهام : اتفضل ...! أبو علي ( بعد ما دخل ويلس ع الشبريه ) : اشحالج يا بنيتي ؟! الهام ( قامت وباست راس ابوها ) : انا الحمدلله ياابوي .. انت شحالك ؟! ابو علي : والله شقولج يا بنتي .. حاس بغصة يالغاليه ! اخوووج من ملج وهو ما يقعد فالبيت .. اربع وعشرين ساعه معسكر فبيت عمه .. وهذا وهو بس مالج وجي يسوي ... عيل يوم بيعرس شبيسوي ! الهام ( تتنهد ) : هذي الدنيا يا ابوي .. وبعديك ما عليك منه .. حركات بس قبل العرس .. ولا بتشوف من ياخذها بيمل منها هههههههههه ابو علي ( يبتسم ) : الله يهنيه .. وعقبالج يا بنتي .. عقبال ما اشوف اعيالج .. الهام ( من ورا خاطرها ) : يتربون على ايدك ان شاءالله .. ابو علي ( اللي حس من نبرة الهام ان من ورا خاطرها .. وحب يفتح الموضوع اللي فباله ! ) : الهام فديتج يا اميه ... انتي شوفيج ؟! ... شو شاغل بال ؟! ليش كله متضايجه وحازه بخاطرج ؟!! نحن مقصرين عليج بشي .. مضايجينج بشي !! الهام ( بالغصب ميوده روحها عشان ما تصيح ) : ابوويه .. ما فيني شي .. بس انت تدري ضغوطات الدراسه .. وثانويه عامه ! ابو علي : بس !!! هاللي شاغل بالج !! الهام : هيه ابويه .. مافي شي ثاني .... لا تحاتي .. ابو علي : تجذبين علي وانا ابو .. ع العموم ما بظغط عليج ... يالله انا بروح اشوف اخوانج شو يسوون ! الهام ( وتوه ابوها بيظهر من الغرفه ) : ابووووويه ! ابو علي ( يصد ) : سمي .. الهام : سم الله عدوينك ... مشكور .. ابو علي : العفو فديتج .. وما اوصيج .. فكري واذا بغيتي تقولين لي أي شي ... تراني موجود ... وهني ما ظهر ابو علي من الغرفه الا ودموع الهام تسابقها .. وع طول تمت تطلع حرتها بدموعها .. ولا بيدها شي طبعا ...... آآآآه يالقهر .. كيف اقولكم انا ما ابيه .. كيف اقولكم انا ما ابي راشد كيف !! آآه والله قهر .. والله قهر .. وشو الفايده ... راشد ولا غيره .. فالنهايه ما باخذ حميد ..... شو فايده الكلام ... وحميد اصلا ما يحبني ... آآآه .. شتباني اقولك يا ابوي .. مافي بقلبي الا حميد ... ما ابي غيره ... بس ما اقدر .. ما اقدر .. هو باعني .. واللي سمعته مو شوي .. ابد مووو شوي !! على هالدموع .. على حسرات القهر .. غفلت الهام .. واستسلمت لأحلامها إلي خذتها لبعيييد .. لمكان ما تقدر توصله .... ولا قطع ع حبل أفكارها الا صوت المبايل .... ( وبدون ما تنتبه للرقم .. ومبين من صوتها انها راقده ) : ألووووه .. علي : هلا الهاموو .. بلاه صوتج اييه !! نشي .. الساعه 8 الحين ... ! الهام ( تتنهد .. وتحاول تعدل صوتها ) نعم علي .... امر ! علي : اسمعيني زين .. وبدون ما تقاطعيني ... توه راشد دقلي .. الريال مستعيل .. يبي يملج عليج باقرب وقت .. الهام ( وجنه حد يصفعها طراق ع ويههها ويصحصحها من نومها ) : اشوووووووووووووه !!!!!:@ علي ( عصب ) : قلتلج لا تقاطعيني ... المهم .. انا اتفقت وياه خلاص .. الملجه يوم الخميس الهام ( زادت فيها الصدمه ) : انت تستهبل ! انت شووه ! مافيك دم !!! ما فيك احساااس !!! ما تخاف ربك انت .... حرام عليك والله حرام عليك .... ( وع طوول سكرت ع ويهه .. وغلقت مبايلها ... وردت لنوبة صيااحها ) .. .. فبيت أبو سعود .. الكل فالحديقه ... حتى ميره وريلها ... وفطمه وجواهر .. من قعدوا وهم يعقون رمسه .. ويعطوون نغزات لميره ... وهي قااااااافطه ولا قادره تقول شي .. فاطمه : يقولكم ... امسات قاريه قصه انزين ... اونه في وحده قاصه ع الريال تحبه وتحبه ... وهو خلاص عاد متعلق فيها ... مسكين حاله الصراحه ... واخر شي .. خذت منو .... واحد من اهله ههههههههه .. والله شو ما غمضني .... بس دواه ... يصدق لوث مثل جي ... من قاله ! الريم ( فهمت قصدهم ) : تلعب ع الحبلين يعني هههههه .. انزين فطوم كملي القصه .. وما انكشت عقب .. فاطمه : هههاي .. الا ما انكشفت وبس .. يقولج الكل يعرف بس ساكت .. الا وحليله ريلها اللي مغشوش فيها هههههههههههه جواهر : وحليله .. سعود : شو هاللوووث ! والله الصراحه .. هالبنات بالذات طايح سوقهم .. ما ادري شو يبابها الريال ! ولا شرايج يا ميره ؟ ميرة : ها .. هي .. أأ هي صح .. رايي من رايك وهني جواهر نقعت من الظحك ( وفخاطرها ) : حليلك يا سعود ههههههههههههه ما تدري ان قاعدين نرمس عن مرتك هههههههههههههههههههههههه .. ام صقر ( على طول فهمت اللعبة .. وحبت تلطف الجو ) : همممم انتو خلكم عن هالقصص اللي لا تودي ولا اتيب ... ( ومن بعيد تتوعد لفطيم بالاشارات ) جواهر : تغمز لفطوم ..... خلاص فطوم عيب عليج .. نحن ما يخصنا بالقصص .. انزين بقولكم نكته .. ابو سعود ( وعقب ما ساسرته ام سعود ) : جواهر ... قومي انتي وفطيم والريم دشو داخل ... مالكم قعده ويانا .. يالله اشوف ... الريم : افا يبه .. تطردنا ><" فاطمة : انزين انزين بنرووح .. بس وينهم محمد ويوسفووه ؟! جواهر : هممم انا لمحت سيارة حميد اظني يا وشلهم ..... ! الريم : انزين يالله طوفوا جدامي اشوف ... كــــــــــــــــــــــــــــــــــــــــت ملجة الهام من راشد بتم ولا ؟!!! و ع شوو ناويه سارة ؟! وحميد شو موقفه من كل هذا ؟!!! واخيرا ميره ... شو علاقتها فموضوع مروان ! |
وين البارتاات... |
حلووو بس وايد تاخرت علينا:007: |
السلام عليكمـ.. السموووحهـ عـ التأخير بسـسويت حادث ودشيت في غيبوبه والبارحه العصر ظهرت من الستشفى ... والسوحهـ مره ثانيهــ البـــــْـٍــُــارتٍ 16 .......} [ لـحظـــة تـلاقـينــا حــسبنـــا انـهـ لقـانــا يــدوووم ,,,, صدمنــا الـوقــت بمــروره بســرعــة مـا أنتخــيلأهــا ,,, وفجـاأأة لازم نفـــارق حسـافــه والفـــراق اليوم !] .. .. فبيت أبو سعود ... بعد ما دخلو الريم وجواهر وفاطمه ... راحت عنهم الريم ع اساس انها بتيلس ع لابها شوي .. عندها اشغال ... اما جواهر وفاطمه بفتمو يخططوون ..... جواهر : فطوم الحين شبنسوي ؟؟؟ فاطمه : ما ادري ... ما ادري ... بس لازم نجتلها بالنغزاات ! جواهر ( وهي تتذكر ) : هييه ... تدرين امس اسمعها ترمس سعود .. تقوله اونه انا ما ابا اعيش هني ويا اهلك وهم ما يحبوني وما ادري شوو ! واونه سولي بيت بروحي ... فاطمه ( وهي حايسه بوزها ومنقهره من خاطر ) : امممممحق .... والله خاطري ادوسها ... اوووف جواهر : هدي انزين . هممم شرايج نخبر يوسف ؟ فاطمه : هيه والله ... حسيييت انا بعد .. يبالنا .. هو يحب مروانوه .. واكيد بيسوي أي شي لمصلحته .. جواهر : ههاااي .. كفج يا بنت العم .. فاطمه : كفج خخخخخخخ .. .. الريم فغرفتها .. تسوي اشغالها وترمس الهام فالفون بنفس الوقت .. الريم : اووف .. والله راسي عورني .. هالاشغال ما تخلص ... حتى ع نهاية العام ما يرحمونا ! الهام ( بنبرة حزن ) : اهاا .. حليلج ... الله يعينج .. الريم ( متغصصه ) : اوف .. والله بموووت ! خلاص مب رايمه اكمل اوووف الهام ( وبنفس النبره ) : همم انزين خلاص خل عنج ... الحين بدش المسن .. وطرشيلي وبكملج ... الريم : لا فديتج .. ما تقصرين .. انتي بروحج اللي عندج مكفنج ! الهام : لا ما عليج ... انا خلصت مالي .. طرشيلي والله .. انا ملانه .. ولا عندي شغله ... الريم : اوونه ..... هممم .. مدامج ملانه وما عندج شغله .. تعالي بيتنا ! الهام : هممم ما ادري .. ما اظن يطيع علي .. الريم ( انقهرت ) : اوف من هالعلي ... بعدين .. ما احيده ابوج انا ... سيري خبري ابووج ... ما عليج من علي ... الهام : ان شاء الله ... عيل ويت بسير بخبره ... واذا طاع .. بطرشلج مسج ^^ الريم : اكيد بيطيع .... يالله انطرررج ... الهام : مع السلامه الريم : فحفظ الله .. .. فالصاله تحت ... يدخل حميد ووياه محمد ويوسف اللي اول ما شافوه جواهر وفطيم ع طووول زقروووه .... وتموا حميد ومحمد يالسين يسولفون بروحهم فالصاله ! محمد : والله تعبت انا .. اقولك .. شكلي باخذ اجازه من الدوام يا ريال ...! حميد ( وشاغل باله شي ثاني ) : اهاا محمد : ولا تدري .. يبالي اسافر ... ولا ما ينفع ... تونا رادين من السفر .. ولا انت شتقول ؟؟ حميد ( وبعده سرحان ) : ما ادري .. ما ادري ... محمد : لا حووول .. انت بلااك ؟!! اييه .. ارمسك انا ! حميد ( توه استوعب ) : هاه .. خير ؟! محمد : أي خيرر وانت هذي حالتك ؟! يابوي ارحم عمرك ...! الا سرحان والا متضاايج ... وانا هني من الصبح ارمسك .. وانت الا هي .. وزين وما ادري .... انت بلاك !! حميد ( ميود عمره ... يحاول على قد ما يقدر انه ما يعصب ع محمد ) : ماشي .. ماشي ... تعبان شوي وخلاص ...! محمد : بس !!! هذا اللي شاغل بالك !! يوسف ( من بعيد ) : اييه انتو بلاكم تتناقروون ! حشرتونا .. خلني اسمعهم شو يبووون هالحشره اللي عندي ! جواهر : نحن حشره ها !! ما عليه انزين .. شوف منو يخبرك .. ما بنكمل ! يوسف : واااافديتكم انا .. ماشالله محلوات اليوم .. شالطاري ... فاطمه : حركات اخوووي .. انزين .. خلاص بنكمل ... ومن صوب ثاني .. محمد يرن مبايله .. محمد : الووه // هلا بو عوووف ! // هاه !! لا لا عادي // خلاص الحين مسافة الدررب ...// اوكيه يالله فمان الكريم .. حميد : بتظهر ؟ محمد : هيه .. ها عبدالرحمن ... يباني اظهر وياه شوي ... ها شرايك ؟؟ تقرب ويانا !! حميد : لا ماعليه ... بس سلم عليه .... محمد : يوصل يالله عيل حميد : الله وياك ... وما ظهر محمد ... الا ولحقوا وراه جواهر وفطيم .. ويوسف ساير وراهم .. عشان يوصلهم المول ع دربه !! وطبعا بعد ما استأذنوا .. اما حميد ... فتم فعالمه الثااأااإانـي ... فعالمه الأسود ... خلاص .. ما عاد يطيق عمره .... فقد الأمل فهالدنيا .. فقد الأمل فإلهام ... فقد الأمل فكل شي من حووولهـ ... الهاام ... اااه من الهام ..!! متى متى بس يحن قلبج عليه !! وفجأة !!! يقطع على سرحانه صوت الباب اللي تسكر ... شاف وحده تمشي .. وع طول كملت مسارها .. وجنها ما انتبهت له ... كان متشكك اذا هي اللي فباله ولا لأ .. حس بعمره انه فحلم !! حميد : الهاااام !! الهام ( تصد شوي شوي وبكل خوف ) : أ.أأ.أأ انت !! شو تبا مني ! حميد : الله يسامح من كان السبب !! انتي تعرفين ان كل اللي ابيه من دنيتي انتي يالهام .. انتي ... الهام ( والدمعه بعينها ) : رووح العب على غيري يا حميد .. الحمدلله اللي يت عليا بوقتها وخبرتني كل شي ! حميد : عليا !!!!!!!!!!!!!!!!!!!!!!!!!!!!!!!!!! كيف ؟؟؟ الهام : الحمدلله قبل لا تسافر انت يت وخبرتني عن كل سوالفك وبلاويك وخبرتني عن سارة بعد ... حتى سارة بنفسها يت وقالتلي شسويت فيها انت !! والله حرام عليك !! انا شكلي لا مترقعه ويا الاهل .. ولاني بمترقعه ويا اللي قلبي حبه .. و\( وهني تمت تصيح ) حميد ( فهم كل شي ) : الله يسامحج يا الهام .. هاللي ما كنت اتوقعه منج ... عيل لو قلتلج ان انا مطرش لج عليا عشان تخبرج اني مسافر وطرشت وياها كرت وباقه وحاله !!! ويتني وقالتلي انج ما تبيني !!! مع هذا ما صدقتها .. ما صدقت كلام النااس ...! بس انتي .!!! الله يسامحج الهام ( منصدمه ) كيف ؟!!!!! وساره ! حميد : غلطه يالهام ... غلطه يغلطها أي واحد بموقفي ... جامعه.. بنات ... مغازل .. مواعد .. فلوووس .. هاي كانت حياتي ... بس من عرفتج .. ودرت كل هالسوالف .. مو لشي .. لاني حبيتج صدق ... ولاني ما فكرت فيوم اخونج ! الهام : للأسف ردك يا متأخر يا حميد ! حميد : وانتي عطيتيني فرصه أساسا !! تميني تعقين علي رمسه ...... اكرهك بس ما تعرفين شو تسوي فيني ... هالكلمه تموتني مليون مره فاليوم ..... الهام ( وهي تصيح ) : بس ! بس . حرام عليك ... خلاص حميد .... قلتلك ماعاد يفيد الكلام الحين .. انا ملجتي هالخميس من راشد ! حميد : رااشد !! ... لا مستحييييييل .. انتي لي انا وبس ... طول ما انا حي .. ما بتكونين لغيري يالهام ... الهام ( وهي تمسح دموعها .. وتتصنع اللابتسامه ) : خلاص يا حميد ... نحن ما انكتبنا لبعض ... يالله ادعيلي بس الله يوفقني .... وانت بعد عساك تحصل اللي تحبك وتحبها .. وتعوضك عن كل اللي صار ! وطبعا تراك معزوووم .. حميد (فوول حده ) : انتي شووووووووووه !! تستهبلين ..... (ويقلدها ) وطبعا تراك معزوم ... انا غيرج ما ابي ... فاهمه ! بس يالهام ... وانا اقوولج اياها .... اترحمي ع مووتي يوم الخميس ان ملجتي عليه .... الهام ( وردت تصيح ) : الله يخليك حميد ... خلاص ... خلك فطريجك ... وخلني اسير فطريجي اللي انكتبلي ... حميد ( ببرائة أطفال ودموع القهر بعينه ) : بكل سهول انتهينا !! الهام : هيه انتهينا ... يالله يا حميد ... الريم تترياني فوق ... وتوها بتسير .. ايودها حميد من ايدها .. حميد ( ودمعه تنزل من عينه ) : وين ؟؟؟ انا بعدني ما تهنيت بشوفتج ! الهام ( وتشل ايد حميد من ايدها ) : الله يصبرني يا حميد .... ويصبرك ! مع السلامه ... وعلى طول الهام طلعت فوق .. وتوجهت لغرفة الريم اللي تمت تعاتبها ... الريم : انتي وينج ؟؟؟ تأخرتي وايد .. الهام : همم سوري بس تعرفين الزحمه ...! الريم : وبعدين بلاه ويهج جي غادي !! تظاربي ويا علي ! الهام : لا لا .. ما عليج .. المهم يالله ... خلنا فشغلنا .. الريم : انزين صبري .. يقولج توه وصلتني اظافه .. شوفي ما تعرفين هالايميل ..! الهام : لا ! منو هاي ؟ الريم : بروحي ما اعرف ... .. .. فالمووول ... جواهر وفاطمه ويوسف .. كانو مواعدين مروان ...! يحاولون يسحبون منه رمسه ! مروان : ها شوالطاري ؟! شكلكم ناويين ع شي ! يوسف : مروانووه ... بسألك ... انت منو كنت تحب ؟ مروان : ليش هالسؤال ؟! وبعدين خلاص ترا كل شي انتهى .. وهي عرست .. وما اتمنى لها الا كل الخير ! فاطمه ( بدفاشه .. وبدون تفاهم ) : ميييره صح ؟!! جواهر : انتي بلاج ؟؟ شوي شوي .. مروان ( اللي ارتبك شوي ) : انتو بلاكم ؟ لا ميره ولا غيره ... ها شي خاص فيني وما ابيكم تتدخلون .. يوسف : صدق يا خالي انكم تظاربتوا لهالسبب انت وابووي ! مروان ( عرف انهم يعرفون كل شي واستسلم للأمر الواقع وبدا يخبرهم ) : شتبوني أقولكم ؟! انا ميره ... أبد ما كنت اتوقع اني بحبها ... كنت اشوفها الدلوعه المغرورة ... الأنانيه ... الطماعه ... كانت وياي فالدوام ... بس مع الأيام ... شفت أن ميرة غير عن اللي كانت فبالي .. حبيتها .... وحسب ما كانت تقول انها هي بعد تحبني .!! اغرتني بحبها .. وحنانها ! ومع الأيام كبر حبنا ... وانا فتحت موضوع خطبتي لأبوك يا يوسف .. بس هو طبعا لكثرة أشغاله قام كل مره يأجلي الموضوع .. وكل مره يقولي خليها الاسبوع الياي ... لين مره سعود يا وياي بوظبي ... وين ما أداوم .. ووين ما تداوم ميره بعد ... وعاد شافها الريال .. وعيبته وخطبها ... انا من الصدمه ... سرت رمست بو صقر .. وعصب عليه .... وكان رده ان خلاص .... مدام سعود يباها شلها من بالك .. بس انا ما استسلمت ...... قلت مدامها تحبني .. اكيد بترفضه ... وبينفتح لي المجال حزتها عشان أخطبها ... بس الصدمة كانت يوم وافقت عليه ... وهني رديت مره ثانيه .. واتظاربت ويا بو صقر ... انا اطلع اللي فخاطري .. وهو يستهين فيني ... انا اقول وهو يعارض ... وعلى زيادة الصريخ ما انتبهت لبو صقر الا وهو طايح ع الأرض ...... وديناه المستشفى ... ما اذكر شو كان فيه .. بس اللي احيده لانه ما خذا دواه ولا ما ادري شو بالضبط .... المهم يته سكته قلبيه .. وانتقل لرحمة ربه.... وبس .....! فاطمه ( فاجه حلجها ... بعدها منصدمه .. ما كانت تتوقع ان الموضوع جي ) : .. أ..أأ .. الله يرحمه .. يوسف وجواهر : الله يرحمه ...! علامات الصدمه كانت عندهم كلهم .... كيف ؟! متى ؟! ليش ! مروان : والحين ؟!! خلاص عرفتوا ؟!! انا مالي ذنب فبوتة بو صقر !! بس للأسف اختي اللي هي اختي باعتني .. ولا طاعت تصدقني ...! يالله .. الله كريم .. يوسف : والنعم بالله ... جواهر : والله كرهتها .. حقدت عليها الصراحه هالأنسانه .. ما ادري كيف بجابلها يوم بسير البيت .. مروان : الله يخليكم ... خلاص سكروا هالموضووع ... ولا أباكم تسوون مشاكل ... انا صدق من قلبي اقولها ... انا ما اتمنالها الا كل الخير .. فاطمه : أي خير واي خرابيط .. هاي ويها ويه خير !!! ما عليه ... نحن لازم نفظحها جواهر ( والقصه فبالها ) : زين هي ليش وافقت ع سعود يعني ! مروان : انتو بعدكم ما فهمتوا ؟!! هههههه .. هي ما كانت تحبني او بمعنى ثاني تتصنع هالحب الا لفلوسي ... بس يوم خطبها سعود ودرت ان اللي عنده اكثر من اللي عندي باضعاف ودرتني وسارت له .. فاطمه : اااخ من ابليس يوم يطمع عااد !! مروان : اسمعوني زين ... انا خبرتكم كل شي .. والحين اباكم تسكرون الموضوع مثل ما سكرته انا من زمااان ....! وع فكره .. خلاص اصلا ميره ما قامت تهمني وانا الحمدلله ... لقيت اللي احسن منها .. وجريب بسير اخطبها ..! .. .. يوم الأربعاااء .. فمدرسة البنات للثانوية ... وين ما تدرس الهام ... والريم .. وبالتحديد فالفرصه كانت الهام ياسه تسولف ويا الريم فركن من اركان المدرسه .. الريم : انتي شو يايبنج المدرسه اليوم ؟!! والله اني مستغربه منج !! باجر ملجتج الهام ( صوتها رايح .. والسواد تحت عيونها ) :ما ابااااه ... ما اباااااااه ! الريم : حرام عليج يالهام .. مب زين تسوين فروحج جي ... قومي ..قومي خلنا ندق لاهلج ايون ياخذونج من المدرسه ! عن اتطيحين علينا ....! وتوها الريم بتقوم الهام ... وما اتقوم الهام الا وتستسلم لتعبها وتطيييح مغمى عليها ....! الريم : الهاااااااااااااام !!! .. .. فالمستشفى .... وتوها الهام بتفتح عينها ... بس اول ما لمحت علي ع طول ردت غمضت عينها وبكل هدوووء الهام ( فخاطرها ) : يا حسرتي على عمري .... شو اللي غيرك يا علي ؟!! ما احيدك قاسي جذي ! وينج يا امي عني ..!! وينج رحتي وخليتيني ...! وهني دمعت عين الهام ... اللي من نزلت دمعتها انتبه علي .. وع طوول مسح دمعتها .. كان حاز بخاطره .... ( اسمحيلي يا الهام .. ماكان ودي اقسى عليج جي .. بس هذا اللي لازم يصير ... انا متأكد ان راشد بيقدر يسعدج ...! ) وبعد لحظات من هالجمووود تفتح عينها الهام .. وكلها حزن وأسى .. علي ( وبكل جمود وقسوة .. متصنعه ) : اسمعيني زين .... لا تتحرين بحركاتج هاي الملجة بتتأجل ..... باجر الملجه ! تفهمين ... وانا قلت لمهره .. اتي اليوم تمر عليج .. عسب تسيرون تتزهبون .. الهام ( وهي تترجا .. والود ودها تبوس ريله ) : علي الله يخليك .. ما ابيه .. دخيلك ما ابيه ! اترجاك يا اخوووي ... الله يخليك ما أبيه ... خلني فدراستي ... انت تدري .. لو الإداره دروا اني ملجت ما بيخلوني أكمل ...! علي ( بلا مبالاااة ) : عادي ... الحين املجي .. وعقب العرس كملي دراستج ... الهام : يعني مصر !!!!! علي : هيه ... ولا بغير رايي .. الهام ( ومن القهر ما عرفت شو تقول ) : وبعدين انا اللي بملج ولا انت ؟! قلتلك ما ابيييييييييييه .. خلاص افهم .. علي ( اللي عصب اكثر منها ) : يعني منو تبين ؟!!! حميد !!!! الهام ( انصدمت وتمت ساكته ) علي ( بضحكة استهزاء ) : هه .. تهبين الا انتي وتخسين ... وبعدين خل عنج المنكر .. انا الحين بخبرهم اني بظهرج من المستشفى .. اشوفج ترمسين وتزاعقين ولا جنه فيج شي ! الهام ( وسالت منها دمعة .. خلاص فقدت الأمل ) : الله يسامحك ..! .. .. فبيت أبو سعود ... بعد الغدا ... وبعد ما دقت الريم حق الهام واتطمنت عليها ... سارت تيلس ع اللاب تكمل شغلها .. لانها ما لحقت تخلص قبل ... .. واول شي سوته من فتحت اللاب دشت المسن ... ولقت ذيج اللي ظافتها من كمن يوم اوون .... الريم بنك غلاك في [قلبي] ترا ماله قياأاإاس : السلام عليكم .. والمجهولة بنك متى تموت وارتاأاإاح أنا منك ؟! : وعليكم السلام والرحمه غلاك في [قلبي] ترا ماله قياأاإاس : منو ويايه ..؟! متى تموت وارتاأاإاح أنا منك ؟! هممم وياج منال يالغلا .. انتي الريم صح ؟ غلاك في [قلبي] ترا ماله قياأاإاس : هيه .. كيف عرفتيني ؟؟ وبعدين انا ما اعرف وحده اسمها منال ؟!! كـــــــــــــــــــــــــــــــــــــت |
سلمين نتريا الياي |
تسلمين ونتريا الياي لاتتأخرين علينا مسكينه الهاآأإأآم:GIF_13.gif: |
تسلمينـ ونتريــــــــــــا.... منجـ زود... وسموحهـ |
{.. البــْــٍـــُـاأإرتٍ 17 .. .. *//~ مالك رجا يا قلب فيهم ولا لي ,, حيله على نسيانهم لو تناسيت ,, راحوا وانا عايش وحيدا لحالي ,, تايه ولا لحظه بعدهم تهنيت ,, هذا جزا من كان يسهر ليالي ,, يا ما عليهم في دجى الليل ونيت ,, لااجل الوفى اشقيت فكري وبالي ,, كلا نسى الماضي وانا اقول ياليت ,, راح الزمان ألي نعيمه صفالي ,, مثل السراب ألي من أجله تعنيت ,, صار الشقا والهم فوق احتمالي ,, عقب التصافي بالتجافي تجازيت ,, ما باقي ألا ذكرهم في خيالي ,, ذكرا تجيني كل ما اصبحت وأمسيت ,, ياقلب لا تبكي على ضيم حالي ,,أنسى ترا مالك رجا وأن ترجيت ....] فبيت أبو سعود بعد الغدا ... وبعد ما دقت الريم حق الهام واتطمنت عليها ... سارت تيلس ع اللاب تكمل شغلها .. لانها ما لحقت تخلص قبل ... .. واول شي سوته من فتحت اللاب دشت المسن ... ولقت ذيج اللي ظافتها من كمن يوم اوون .... الريم بنك غلاك في [قلبي] ترا ماله قياأاإاس : السلام عليكم .. المجهولة بنك متى تموت وارتاأاإاح أنا منك ؟! : وعليكم السلام والرحمه غلاك في [قلبي] ترا ماله قياأاإاس : منو ويايه ..؟! متى تموت وارتاأاإاح أنا منك ؟! :وياج منال غناتي ... مب انتي الريم ..! غلاك في [قلبي] ترا ماله قياأاإاس : هيه .. كيف عرفتيني ؟؟ وبعدين انا ما اعرف وحده اسمها منال ؟!! متى تموت وارتاأاإاح أنا منك ؟!: همممم .. مو مهم انتي تعرفيني .. المهم اني انا اعرفج .. غلاك في [قلبي] ترا ماله قياأاإاس : لا والله ..!! اقلج الغناه اسمحيلي مضطره اخليج انا .. فمان الله ( بلوك + دليت ) الريم : والله ناس فاضيه ...! أي منال واي خرابيط ... صدق متفرغه هالبنيه من صوب منال كانت محتررررره من الخاطر .. وكانت وياها عليا .. منال : شفتي يا عليا .. الخايسه تقولي بخليج .. تشوفينها بلكتني .. صدق طلعت مب سهله عليا : هههه يا سارة .. يا حبيبتي .. الدنيا ما اتي من اول مره .. وبعدين مدام انها اخت حميد .. وين تبينها تكون سهله !! منال ( سارة ) : اااخ ... متى بس ؟!! متى اقدر اسوي اللي فبالي وارتااااح ! عليا ( بنظرات خبث ) : قريب فديتج قريب ... بس انتي اصبري ..! منال ( سارة ) : من متى وانا صابرة ؟! المهم ما علينا ... شسوييتي فسالفة الهام ؟! عليا ( وردت تظحك بخبث ) : هههههههههه .. الهام امرها انتهى خلاص .. طمني بالج ( وردت تتذكر الهام ) ههههههههههههههههههههه منال ( سارة ) مستغربه ..! : امرها انتهى ..! ليش انتي شسويتي ؟! عليا : تبين تعرفين شسويت ..! منال ( سارة ) : أكيــــد .! عليا : اوووكيه ..! ما طلبتي .... ( وبعد ما شافت ساعتها ) بس اتريي شوي لانه مشغول الحين .. منال ( سارة ) : منو هو اللي مشغول .!!!!! .. .. من صوب حميد اللي كان يحوط بسيارته لين قرر انه يسير لعلي .... بس بعد التفكير قرر نه يدقله بالاول .. حميد : ألوووه ..! علي : مرحب .. حميد : هلا والله ... اشحالك علوه ؟! علي : والله ما اشكي باس .. شحالك انت ؟؟! وينك مالك حس يا ريال .! حميد : شنسوي .. الدنيا ما ترحم ... كل ما فتحت باب لقيت الدنيا سووده بويهي .. محد يبيلي الخير فهالدنيا علي ( اللي فهم النغزه .. وهم رد عليه بنغزه ) : والله جي الدنيا .... لازم نتقبلها بحلوها ومرها ..! حميد : ههههه هي ما تنلام ... اكيد بتقول هالرمسه .. تراك بعدك ما ذقت المر .. عشان تعرف كيف الدنيا مرها ...! علي ( اللي بغا يغير الموضوع ) : مو مهم .. قولي شو الشغل وياك ؟! حميد : الحمدلله كل شي ماشي ..! قولي انت وينك ؟! ما اقدر اشووفك ؟! علي : انا بالميلس .. اتريا الربع ... اقرررب حميد ( ما صدق السالفه ) يالله على الله بس اوصل قبل لا يوصلون الربع ..! : مساافة الدرب .... علي ( بدون خلق ) : اترياك حميد : فمان الله .. علي : فمان الكريم سكر حميد عن علي .. وزاد السرعه بعد ما زاد الصوت .. على اغنيه راشد الماجد آه العنا بي طالي .. شايل هموم كبـار أسهر وحيد لحالي .. كني غريب الدار عزاه وا عزالي .. ليت الزمـن ماجـار قطع علي حبالي .. طير التلاقي طـار والحق لو ينقالي .. زعلوا علـي كثـار ماهمني عذالي .. هم العـرب الأخيـار محد درى عن حالي .. كلي جروح غزار صابر على غربالي .. قلب العنا صبـار أنشد عنك واسالي .. وأتصنع الأعذار أقول يمكن تالي .. يطفي لهيـب النـار ذكراك دوم قبالي .. محتار بك محتـار أتهمني وتعنى لي .. مهما قست الاقدار ياحر حومك عالي .. ماتلحقك الأنظار غالي وتبقى غالي .. وكنز المحبه أسـرار وما خلصت الاغنيه الا هو جدام بيت علي ... اللي اول ما نزل شاف راشد بعد نازل من سيارته وجنه متوجه للميلس هو بعد ... وما تقرب حميد منه .. الا ويسمع صوت راشد وجنه يرمس وحده ...! راشد : ههههههه .. اطمني كل شي ماشي ما تبين ؟! ....: انا قلت بعد .. مو راشد اللي ما بيسويلي اللي فبالي راشد : اكيد يا حياتي ... وترا الملجه باجر هههههه بس مثل ما اتفقنا ... ....: افا عليك انته بس .. راشد ( ويشوف ظل حد وراه .. واول ما يصد يشوف حميد ) : أ.أأأ. المهم بو جسوم انا بخليك الحينه ... ارمسك عقب ....: فهمتها ع الطاير .. ججاو حبي راشد : مع السلامه .. بعد ما سكر راشد التلفون صد لحميد وتوه ياي بسلم عليه ..... مد ايده ... بس حميد وبنظرات احتقار شاف ايد راشد ولا سلم عليه ... وكان رده واحد : هه والله حاله ... انت ويهك ويه عرس !! ورااح عنه للميلس .. .. .. فبي ابو صقر فاطمه يالسه فالصاله هي ويوسف ويعقوب يعقوب : اقولكم انا فيني مرض خطير والله ..! يوسف : باسم الله عليك ! شفيك ؟! يعقوب ( بهبل ) : انا يوم اغمض عيني ما اشوف ..! يوسف : ههههههههههههههههههههه فاطمه ( تتطالعه بنص عين ) : يظحك ؟!!! تبيني اظحك يعني ؟! يعقوب : منو طلب منج تظحكين وااككككككككك فاطمه ( وتطلع حق يعقوب لسانها ) : عبيييييييط . اننننننننن محمد وهو نازل من الدري وتوه بيظهر محمد : يسوووف .. ما تدري صقور وحرمته متى بيوون ؟! يوسف : له .. اشدراني فيهم هاييل فعالمهم الوردي هههه فاطمه : هي والله حسيت انا بعد خخخخخخخ محمد : والله انكم يهال ...! انا ظاهر .. اذا سألت عني اميه قولولها ساير بيت عمي راشد .. يوسف : عند منو ساير ؟! محمد : عند عمي بعد منو ؟! وبشوف بالمره جان حصلت حميد ؟! يعقوب : ها ها حق عمي وحميد ولا حق ريمو ؟! جكجك هههههه محمد اللي تم يتطالع يعقوب بنص عين .. وبدون ما يعبره توه ياي بيبطل الباب عشان يظهر الا ويدخل صقر ووراه مرته اللي توهم يايين وشالين شنطهم فاطمه : وكاااهم ردوووا .. عمركم طويل .. صقر ( داس وهو يظحك ويا شوق ) : هههههه .. ( وتوه استوعب رمسة فاطمه ) : ها شو كنتوا تقولون ؟! يوسف : كل الخير هههه محمد : الحمدلله ع السلامه صقور .. نورتوا البيت .. يالله عن اذنكم انا ساير صقر : وين ؟! يالسين ..! محمد : مستعيل .. فمان الله وعقب ما ظهر محمد وركب سيارته .. ع طول سار بيت عمه .. .. .. فالميلس وبعد ما الكل توكل .. تم حميد ويا علي حميد : علي ... بسألك بصراحه ..! علي : اامر شيخي .. اسأل حميد : انت بعدك ما نسيت السالفه ؟! علي ( ويسوي روحه ما يعرف ) : أي سالفه .!! حميد : انت ادرى ! علي : مو مهم .. خلنا من هالسالفه ..! حميد ( وبكل جرأة وصراااحه ) : علي .. ابااك تعرف ... ان فيني قلب .. ومب مجرد اني كنت لعاب .. هذا معناته اني مستحيل فيوم من الايام احب .. الحب مثل الريح يا اخووي مرات تقدر تقاومه .. ومرات يشلك الريح بدون رغبتك ..! علي ( ويحاول يهدي ) : حميد .. الموضوع هذا انتهى .. ولو سمحت ما ابيك تفتحه مره ثانيه وياي ... انا يوم رديت وصالحتك لا تتحرى اني صالحتك عشانك ... انا صالحتك لاني وفي ..... ولو شو يصير ما بقدر انسى اللي بينا ..! حميد ( بظحكة استهزاء ) ههه .. وفي ...! علي ( وهو رافع خشمه ) : ليش مو عايبنك ؟! حميد ( وبعد ما قام من مكانه ) : الظاهر ان خلاص ماعاد لي مكان فقلبك ..! علي ( وبعد ما يود ايد حميد .. وجنه يبي يرد ايلس حميد ) : ايلس ..! حميد : ههه .. ولا عاد لي مكان فهالبيت .. عن اذنك علي : حمييييد .. حميد ( وقف مكانه بدون ما يصد ) علي : اسمحلي يالخوي بس هذا اللي لازم يصيير .. ! خل كلن منا فطريجه .. كمل طريجك .. وعساك تتوفق فحياتك ... انا ما استحق صداقتك هذي اللي ترمس عنها حميد ( انصدم !!!!!!!!!! ولا قدر غير انه يقول ) : مع السلامه .. وبعد ما ظهر من بيت علي .. وركب سيارته .. نزلت منه دمعه لا شعوريا ... حميد كان انسان قوي ما يهزه ريح .. بس للأسف فالنهايه اكتشف جانبه الحساس .. ما كان متوقع فيوم انه يحب ... ما توقع ان فيوم هو وعلي بيتفارقون ... كان حددده .. لدرجه انه ما قدر يدخل السويج عشان يشغل السياره .. حميد : اووووووووووووووووووووووووووووووووووووووووووف .. وبعد ما دخل السويج وشغل السياره ع طول ظهرر .. تم يحوط ويحوط ويحوط .. ما كان يبغي يرد البيت .. [ انا شخانتي فهالدنيا .!! انا مالي مكان ؟! محد يبيني .. الهام واختار راشد ..! علي واختار انه ينهي كل شي .. يدي .... ( وبعد ما سالت دمعته ) وراح عني وتركني .. امي .. منشغله فدنياها .. انا شسوي ؟! انا ليش مو متوفق فحياتي ..... ليش يا ربي ... لييييييييييييييييش ؟! اااااااه يا قلبي .. حاس ان قلبي بيوقف من القهر ... ليش دايم الكل ضدي ؟! ااه يا سنين عمري .. ااه .. كفايه حزززن يا سنيني .. لين متى هالحزن ؟! ليش كل ما بغيت اخطي خطوه بحياتي تزيد مشاكلي ؟!! ليش كل ما اخطي الكل يلومني ؟! ليش محد يوجهني للصح !! ليش ؟!! ما عدت اقدر اتحمل خلاااص ... علي ... واااه من علي ... واحسافه على سنيني اللي مظيتها وياك ..! كنت السند لي والحين بكل سهولة تقول خل كلن منا فطريجه .!!! ليييييييييييييييييييييييييش ؟!! بس كل اللي بعرفه ليش ؟! وبعد ما سند راسه حميد على السيت ( ردت به الذكره لموقف صار له هو وعلي يوم كانو فالابدائية ) علي : حميد .. يوم بموت شو بتسوي ؟! حميد : ما بتموت ....! انته بتم وياي لين ما اكبر واتزوج واييب عيال علي : وانته بعد صح ؟! حميد : هي .. ويوم بييب ولد بسيمه علي .. وانته يوم بتيب ولد بتسميه حميد صح ؟.. علي :هي.. بس اذا مت ... تحمل ترابع خلود .. تراني ما احبه حميد : انته بس ربيعي .. كلهم خليهم يولوون علي : يعني بتم وياي لين ما نكبر ... حميد : هي .. اكيد وفجأة اييهم خالد اللي كان همجي زياده عن اللزوم وتوه بيظرب حميد لسبب سخيف بس تسبقه ايد علي اللي يودت ايد خالد : ما يخصك فصديقي .. لو حاولت تظربه مره ثانيه بخبر عليك استاذ مهدي عشان يظربك بالعصا ومن يومها خالد ما قرب صوب حميد .. لان كل ما حاول يظرب علي يسير يخوفه ويهزئه وعلي هالذكرى قال حميد وبكل حزن : من بيدافع عني الحين ؟! ورد يردد وبكل عصبيه : لييييييييييييش ؟؟!! لييش ؟؟! والله ما يسوى اعيش الدنيا دونك يا علي .!! والله ؟اااه يالقهر ............ ! وعلى هالموال تم حميد يحوط فشواارع دبي ... لين أذان الفجر .... سار لأقرب مسجد له ... وبعد ما صلى تم يالس فالمسيد يقرا قرآن ويستغفر ربه لين حس برااحه نفسيه وهدوووء داخلي ..... حتى استسلم لرقاده ...........! .. .. مررر اليوم هذا .. وغاب القمر واشرقت الشمس ببطئ ...... اليوم ملجة الهام من راشد .! اليوم اصعب يوم بالنسبة لالهام ... من صوبها .. كانت راقده فغرفتها .. من ظهرت من المستشفى امس وهي مب طايعه تروح مكان .... مهره تولت كل شي واشترت كل شي لالهام ..! اما الهام فهي الهم كله فوق ظهرها ... ما تصورت فيوم انها تاخذ واحد اهي لا تحبه ولا تعرف عنه شي .. كانت تحلم من صغرها انه تاخذ واحد على حب .... كان ودها تاخذ واحد تعرفه .. تعرف كل شي عنه ... كان حميد بالنسبة لها اهو فارس احلامها .. بس للأسف فارس احلامها ظااع وسط صحرااه .. كانت الهام راقده وبكل برااءة اطفال ... السواد مبين تحت عيونها .. كان مبين عليها التعب ..... كانت ظعفانه بطريقه مب طبيعيه ...! وفجأة ما قامت الهام من رقادها الا ع دقات مهره ع الباب القويه مهره : الهامووووه .. دبوتي يالله نشي .. بسج رقاد .. انتي ما زهبتي .. مب كفايه انج ما طعتي حتى تتحنين امس ؟! اول مره اشوف عروس ما تتحنى ! الهاموووووووووووووووووه ... قوومي .. اووف .. هاي بلاها .. .يالله يالذبه نشي ...! الهام ( وبعد ما بطلت الباب وبدون ما تحط عينها فعين مهره حتى ) : اترييني بسير اسبح ..! وبعد ما دخلت الهام للحمام .. دخلت مهره للغرفه ويلست ع السرير وتمت تزهب الاغراض الهام ... وتطلع كل شي من الاجيااس .. وبعد دقايق ظهرت الهام من الحمام وانصدمت من اللي شافته .... : انتي من صجج الحين ؟! مصدقه اني بعرس يعني ؟! مهره ( بققت عينها !!!!! ) : لا تقولين انج ناويه تشردين ؟! الهام ( اطاع هاي وين وانا وين ) : خل عنج افكار اليهال هاي ؟! وانا اقدر اشرد من هالبوعوووو ! مهره ( وبنظرات حزن وشفقه لالهام ) : حميد يدري ..! الهام ( عصبت ) : هيه .. هيه .. يدري خلاص فكيني عليا .. ما ابا اسمع اسمه .. اووووووووف .. شهالدنيا الارررررف ..! مهره ( وبعد ما قامت من مكانها .. وسارت يودت الهام من جتفها ) : اسمعيني زين ... انتي مو مجبورة يا الهام ... خبري ابوج .. قوليلها انج ما تبين راشد ... ليش تجبرين نفسج ع شي ما تبينه !! الهام : وانا اقدر ؟!! صرت ما امشي يا مهره الا واشوف ويه علي جدامي ... طيفه يلاحقني فكل مكان .. حتى فاحلامي ما اسلم منه ...! مسولي ازمه فحياتي قسم بالله .. ما يسوى علي هالمسج اللي طرشه لي حميد عشان جي يسوي !!!!!!! مهره : اسمحيلي بس اقولج اياها وبكل صراحه .. اخوج صاير سخييييييف ..! الهام : توج تدرين !!! مهره : مو مهم .. شوفي شرايج بالفستان ؟! الهام ( دمعت عينها ) : ما ادري ما ادري .. فالصالــــــــــــــهـ علي وابوه قاعيدن يترمسون عن الملجه ابو علي : يا ولدي انت متأكد انها موافقه ؟! ما اباها تستعيل وتندم ..! علي : هي يا ابوي هي .. انت لا تحاتي .. ابو علي : وبعدين تعال شو الرمسه اللي سمعتها ؟! كيف الهام كانت فالمستشفى وما تخبرني !!! علي ( حايس بوووزه ) : خبرووك ! ابو علي : اسمع زين ... انا ابوك وابووها .. ومالك حكم عليها يا علي ... واظن بعدني ما مت عشان ما تقولولي شو يصير ؟! واتمون تخشون علي !! مو بهيم انا .!! علي : محشووم يا بوعلي محشووم .. بس عادي ما صار الا الخير ...! ابو علي : أي خير يا ولدي ؟! أي خير ؟! انتو من الحين وصرتوا ما تحسبون لي حساااب !! انا من متى ساكت عنك يا ولدي .. بس طالت واشمخت الصراحه ... الهام بنتي الوحيده ... ولا ارضى عليها علي : امحق بنت وتوه علي بيقوم الا ويرن مبايله علي : الووه // وعليكم السلام والرحمه // هي هي انا اخوها // منو معاي // اوه تفضل دكتور .. خير ؟! // خلاص ما عليه .. ربع ساعه واكون عندك .....! ابو علي : خير علي .. شصاير ؟! علي ( مستغرب ) : ما ادري ... عقب بتصل بك ابويه .. انا بسير الحين !! .. .. فالمسيد .... وين ما راقد حميد .. ما قام الا على صوت شايب .. ....: يا ولدي ... قم .. قم .. شو مرقدنك هني !! حميد ( وبعد ما فتح عينه وهو يونون ) : اممم .. امم .. خير ؟! شصاير ؟! .....: كل الخير يا ولدي ..! بلاك راقد اهنه ؟! سير بيتكم وارتاح .. شكلك تعبان حميد ( وبعد ما قام واعتدل فيلسته ) : هيه يا ابووي >احترام لكبر سنه< .. تعبان من هالدنيا وبلاويها .. .....: صدقني يا ولدني هالدنيا ما تسوى .. لا تخلي أي شي يضيج بخاطرك ..! حميد : كيف يا ابووي كيف ؟ّ! حاولت والله .. بس ماشي فايده .! كل ما حاولت انسى .. يصير شي ويضيق بخاطري .. .....: خبرني يا ابوك ... شو قصتك ؟! حميد اللي ارتاح للشايب ... كان فالشايب نوع من شخصية يده الله يرحمه ... وهالشي خلاه يفضفض له ويقول له قصته ..! .....: اااخ يا ولدي ... الصبر .. الصبر .. الصبر .. ونهاية كل صبر فرررج .. حميد : لين متى يا ابوويه لين متى ؟! البنيه عرسها اليوم .! .....: يوم ربي بيفرجها عليك .. ما تدري يا ولدي .. يمكن فيوم اتي وحده احسن عنها ! وهاييك الساعه بتعرف ... ان الدنيا ما توقف ع بنيه ! حميد : ورفيق الصبا .! .....: انت سويت اللي عليك يا ولدي .. وحسب ما قلتلي انك ياما حاولت اتطيح الحطب ..! بس خلاص .. اللي ما يباك لا تصيح تباااه ... لازم تكون لك عزة نفس يا ولدي ... انا ما اقولك انك ما تعتذر وانك تنسى الصداقه اللي بينك وبين علي .. لا بالعكس خلك احسن عنه .. اتصل له بين فترة وفتره .. اسأل عنه .. زووره .. ولا جنه شي صاير .. بس لا تعقب روحك عليه وايد ... لا تبين له انك ميت عليه ... اخرتها بيحس بجيمتك ... .. .. فالمستشفى كان علي متوتر وعلى اعصابه .. لين زقرره الدكتور وبعد ما دخل الغرفه عند الدكتور علي : ها دكتور خير ...! شصاير ؟! خوفتني ؟! الدكتور : انت امس طلعت اختك يا علي من قبل ما تطلع نتايج التحاليل .. بس هلأ طلعت النتايج ..! علي : دكتوووور .. اختصر دخيلك .. اختي شفيهـــا ؟!!!! .. .. كــــــــــــــــــــــــــــــــــــت |
الغالية نزلي البارت لي بعده.... |
نسلمينـ ... ونتريـــــــــا زود منجـ... والحمدالله عـ سلامه .. |
رووووووووووووعه القصه !!!! نتريا البارت الياي ...^_^ |
:\38.gif::\38.gif::\38.gif::\38.gif::\38.gif::\38. gif: وين البارت..... :\38.gif::\38.gif::\38.gif: |
وووووووووويـــــــــــــــــــــــــــــــــــن البارتااااات؟؟؟؟ |
السموحهـ ... عـ تأخير ....والحين راح انزل البارتااات |
{.. البــْــٍـــُـاأإرتٍ 18 *//~ ليـت >.الوجع.< بعروق قلبي ولا فيك.. وليت التعـب غلطأان ســـاهي ولا جأاكـ.. لو الشـفا بضلوؤع صــدري لداويـــكـ.. وأطحــن جميع ضلوع صدري فدأإاياك ...] فالمستشفى كان علي متوتر وعلى اعصابه .. لين زقرره الدكتور وبعد ما دخل الغرفه عند الدكتور علي : ها دكتور خير ...! شصاير ؟! خوفتني ؟! الدكتور : انت امس طلعت اختك يا علي من قبل ما تطلع نتايج التحاليل .. بس هلأ طلعت النتايج ..! علي : دكتوووور .. اختصر دخيلك .. اختي شفيهـــا ؟!!!! الدكتور ( متوتر ) : بصراحه .. اكتشفنا نتيجه الآلام اللي براس الهام .... عندها ورم خبيييث ,, وهذا الشي وضحته التحاليل علي ( وجنه حد صفعه طراق ) : شوووووووووه ؟! اختي فيها سرطان !!!! مستحيل ... انت كيف تقول جي ؟! الدكتور : انا صراحه مستغرب كتييير كيف ما لاحظو هالشي من قبل .. و مع ان عندي فالملف بانها جايه كم مره لهوون .. ومن غير ما يعملو لها الفحوصات اللازمه ...! علي ( وبعده مو مستوعب .. وجنه ياه انهيار عصبي ) : دكتور .. دكتور انته شقاعد تقول ؟؟! انا مب قادر اصدق ... انا للحين مب قادر استووووعب ... دكتور دخيلك قولي اني بحلم ... الله يخليك ...!!ّ! الدكتور : هذا الواقع يا علي ... مافيييك تهرب من الوااقع علي ( وهو يكتم دموعه وغيضه غصبن عنه ) : والحل يا دكتوووور ؟! دخيلك لا تقولي ان مافيه امل الدكتور هووه بصراحه ... الورم متخلد عندها من سنين .... وصعب الصراحه القضاااء عليه ... يعني وباختصار مستحيل تحصل العلاج هووون .... لازم تسافر فاقرب وقت ... وافضل لندن ....! علي ( دمعت عينه ) : اترجااك دكتور ... ابووس ريلك ... قولي انه اختي بتعيش ... قولي انها بتم وبترد نفس الاول واحسن ... انا اترجاك دكتوووووور الدكتور : يا اخ علي ... استهدى بالله ... اذكر الله .. واللي ربك كاتبه بده يصييير .. علي : خلاص دكتور انته عطني كل الاوراق والبيانات اللازمه للسفر ونحن من باجر ماخذين اول طياره للندن .. .. .. فبيت ابو سعود ... الريم يالسه فالصاله هي وجواهر وسعود اللي كان يقرا الجريده .. جواهر : شو رايج لو قلتلج اذا يبتي نسبة فوق الـ 97. انا بسويلج حفله هههههه الريم : هي هي لانج تعرفين ان هالشي مستحيل ,,,,, حركات جواهر : حسيت انا بعد .. انتي عاد شدي حيلج .. وبنشووف كم بتيبين الريم : ان شاءالله .. بس خليني اشووف التلفزيووون .. تمت الريم تجلب بالقنوات ... وجواهر تشوف ويا الريم .. اما سعود فتم يتصفح فهالجريده ...! وجنه يدور شي ... لحظات وتنضملهم ميره ... اللي اول ما دخلت سارت يلست حذال سعود ميره : ها عيوني .. ما حصلت ؟!! سعود : حبيبي ... البيوت اللي حصلتها .. كلها اسعارها ضووووو ...!! ميره : زين وشو يعني ؟؟ ولا ما استاهل انا سعود ( وهو يهز راسه ) : لا حول ... ييصيير خير جواهر ( تتدخل بعد ما سمعتهم ) : ليش ان شاءالله ناوين تعيشون فبيت بروحكم ؟! مب عايبتنكم العيشه ويانا !! ميره : لا بالعكس العيشه وياكم تجنن الصراحه .. لدرجه اني صرت ما اقدر افارقكم دقيقه .. جواهر ( وبنص عين .. وهي حايسه بوزها ) : هي اقول انا بعد .. قصووركم ما تعيبكم العيشه هني سعود ( اللي توه استوعب ) : نعم الغاليه ؟!!!!! انتي اييييييييييه جواهر ( تكمل ع انها اغنيه ) : مش كفايه عليك تجرحني حرام عليك .. سعود : لا والله طالت وشمخت .. وتوه قايم من مكانه بيصفع جواهر ... بس يوقفه صوت ابوووه ....! ابو سعود ( معصب ) : سعووووووووووود .!! حدك سعود : اسمحلي ابويه ... الصراحه بنتك قامت تقل ادبها ابو سعود : بنتي مثل ما هي اختك تفهم ولا !! اول واااخر مره اشوفك تمد ايدك على اختك فاهم .! ( وعلى طول توجه لغرفته بدون ما يسمع كلمه من سعود ) اما سعود اللي يلس مكانه بعد ما هدته ميره ..... وجواهر احلى طاف لسعود ومرته ... اما الريم فهو ولا يخصها فيهم .... سرحانه بعيــــد ... لين قطع ع سرحانها رنة مبايلها ... بس يوم شافت الرقم غريب ما بغت ترد سعود ( اللي كان بعده معصب ) : ليش ما تردين لاه .!! الريم ( ارتبكت .. حست ان سعود شك فيها ) : أ.أأ.أ.أأأ. . الــ ـ رقم غررريـ ــب .. هي غريب جواهر ( داشه عررض ) : اشوف الرقم .. ( وبعد ما شافت الرقم ) : هي صح صح .. انا بعد اقول غريب .. سعود ( وزاد قهره وشكه بالريم ) : لا والله .. ردي اشوووف ...! الريم : رد انته .!!! سعود اللي قام من مكانه .. سار صوب الريم وشل مبايلها ومن بعد ما شاف الرقم .. رد وحط التلفون ع اذن الريم اللي انصدمت من ردة فعل سعود سعود ( يهمسلها ) : ارمسي ... الريم ( انقهرررررررت ) : الووه ..! ...: مرحبــــــــا الريم ( مستغربه .. وتدعي الله انها تطلع وحده مغلطه ) : مرحبتين .. نعم الغلا .. من بغيتي ؟! ...: بغيت الريم ! ولا ها هب رقمها ... الريم ( اوووف ... وهي تعيب فخاطرها .. هب رقمها اونه ) : اووف .. انتي منوووو ؟! ...: وياج منال ولا نسيتيني ؟! الريم : اوهوووووو .. انتي بعد !!!! انتي شتبين مني ؟! فكيني لاه ! حشرتيني .. منال : افا شوي شوي .. بلاج معصبه حياااتي .. ؟!مسكينه انا الريم : تمسكنو عليج سبع ينانوه يا ربي .. ان شفت رقم ع فوني مره ثانيه لا تلومين الا نفسج .. فمان الله .. وبعد ما سكرت الريم ... تم سعود يتطالعها بنظرات احتقار ... : منو هاي ؟!!! بلاج حرجتي عليها ؟! الريم ( اللي طلعت عن طورها ) : اوووهووووو .. محد محد محد ... وسارت لغرفتهاااااا .. جواهر ( اللي حبت تستفز ميره ) : ههههه والله حاله .. سبحان الله شي ناس من دخلوا والنار يزيد حطبها ههههههههههههه سعود ( فهم قصدها ) : انتي الثانيه بتنجلعين عن ويهي ولاه ؟!! جواهر : وشو يخليني هني ؟! ماشي سالفه اتم وياك انته والغووله مالتك ..هههههههههه تشااااااو .. .. .. فغرفة ام سعود وين ما كانت الريم تصيح ع امها .... ام سعود : يا ريمو .. ما عليج منه خلاص .. الريم : يعني انا شوسويت له عشان يتم يزعق عليه .. امي انتي تدرين ان اكره ما عندي يوم حد يشك فيني ام سعود : انزين خلاص يا ماما لاتصيحين ... انتي ما تشوفين حالته هالايام .. متوتر وكله معصب وحالته حاله ... خلاص لا تصيحين .. اخرتها بيي يبعتر بنفسه الريم هي .. جانه ها بيعتذر .. وعلى هالحاله تمت الريم تسولف ويا امها .. لين دخل عليهم حميد ... اللي اول ما دخل حط راسه ع ريل امه اللي تمت تلعب بشعره .. ام سعود : فديتك يا ولدي ...؟! اشفيه ويهك جي غادي ؟! الريم : صاير مول ما تقعد ويانا يا اخوي ؟! ولهنا عليك ..!! حميد : ولهتو عليه ؟!! ع الاقل بتسألون عني ؟! ولا لازم انا اللي اييكم اشكي الحال ام سعود : وانت يا ولدي نقدر نشوفك حتى نسألك ! حميد : خلاص يا اميه ... الحين سكروا هالسالفه خلووني هني جي مرتااح ... ام سعود : فديتك يا ولدي .. ربي يحفظك يا حميد ... ربي يحفظك ويوفقك ... حميد ( وهو يرفع ايده ) : اااااااااامـــين الريم : وانا بعد امي لا تنسين دعواتج لي .. ورا باجر اول امتحان لــي >< ام سعود : يالله ربي يوفقج حبيبتي .. .. فبيت ابو علي .... علي اول ما وصل البيت ع طول سار عند ابوه ... وخاف يخبره باللي فالهام ... فقاله ان ملجه راشد من الهام انلغت ... وانه بيسافر ويا الهام .. لانه يبي يغير نفسية الهام ومن هالرمسه ...... طبعا هالكلام كله ما دخل عقل ابو علي .... كان حاس بان الهام فيها شي ... من اتصال الدكتور وهو حاس بنغزه فقلبه .... بس لا حيله ... ما قدر يقول شي لعلي .... اما من صوب الهام ... فمن بعد ما ظهر علي من غرفه ابوه سار لغرفه الهام .. علي : اسمعيني زين .... اللي تبينه وصار ... ملجتج من راشد واجلناها .. ارتاحي .... بس دخيلج الهااام .. اترجاج تسوين اللي بقولج عليه بدون أي سؤاال الهام ( الللي مستغربه من اسلووب علي ) : وشتبي هالمره ...! علي ( ماعرف شيقول ) : أ..أأأ اباج تزهبين اغراضج ... لان باجر بنسافر انا وانتي لندن ...!!! الهام : شوووووووووه .!! نسافر .. وليش ان شاءالله علي ( يود الهام من جتفها وبنبرة كلها حنان ) : الهام حبيبي الله يخليج انتي بس سافري وياي ... وبعدها كل اللي تبينه راح يصير ... الله يخليج .. الله يخليج .. الهام : اسمحلي مب سايره ... وتوها بتسير .... بس يصدمها علي : الهام .. انتي فيج السرطان ..!!!! الهام ( تصد له والدموع بعينها ) : شوه ؟! علي ( اللي سارع بحضنه لالهام ) : حبيبي الهام ... الله يخليج لا تصيحين الهام: يعني خلاص يا علي ,,, انا بموت ..! علي : يعل يومي قبل يوومج يا بنت امي وابووي .... نحن ان شاءالله بنسافر باجر ... الدكتور يقول لازم نعجل بالسفر .. والامل موجوود .. انتي بس اتفاءلي الهام ( وبعد تفكير تبعد عن حضن اخوها و تمسح دموعها ) : لا والله ,,,, ومن قال اني بسافر .!! علي ( انصدم من رد الهام اللي ما توقعه ابد!!!!! ) انتي شو تخربطين !! الهام ( وتحاول تضغط ع عمرها ) : خلاص اذا ربي كاتبلي اني اموت ... ليش اهرب من القدر ...!!! علي ( تم يهز الهام من جتفها ) : الهااام .. انتي تعرفين شو قاعده تقولين ؟!! حرام عليج الهام .... انتي بعدج صغيره ..! والحياة جدامج .. ومدام العلاج موجود ... ليش ما تتعالجين ... وبنشوف شو بيصير الهام ( وهي تصارخ بكل قوتها ) : ما ابيها هالحياااة انا ... خلاص ما ابيها .... علي ( دمعت عينه .. منصدم من ردة فعل الهام ) : الهام ..... الله يخليج .. ما تبين راشد ؟! خلاص بنلغي ملجتج منه .... مستعد اسير ابوس ريل حميد عشان ايي يملج عليج ... بسوي اللي تبينه .. بس تتعالجين ..! الله يخليج ... اترجاااج .. الهام ( حست حزتها بتعب وبدوخه ..... فطاحت ع الغنفه .. ) : خلاص يا علي سوي اللي تبيه ... ما عاد لي كلمه فهالدنيا ..... واباك بعرف ان مت ترا هذا المكتووب وان عشت ترا بعد ما تفرق وياي ...! علي ( علو طول يلس حذال الهام وتم يحظنها باقوى ما عنده ) : الله يخليج يا الهام ... لا تخلينا وترووحين ... عمري ما حسيت بقدرج غير الحيــــن .... نحن مالنا غناه عنج يالغاليه .. الهام ( وتظحك ع الخفيف ) : ههه ليت المرض ظهر فيني من زمان عيل مدام انه هالشي بيخليك تحس بقدري ,, بس خلاص فات الفوت ... .. .. فمقهى من المقاهى .. وين ما كانت سارة يالسه ويا عليا وراشد ... عليا : انت شقاعد تقوووول ؟؟!! كيف يلغي كل شي !! راشد : ما ادري .... صدق فوولت الصرااحه .. ها يتحراني لعبة فدينه .! ساره : وهالجلبه الثاانيه .. يوم دقيت لها تمت تهدد وحاله ... عليا : هههههههه ... هاي الريم والله طلعت ابد مووووو سهله .. بس خلاص خلوها عليه .. اما عن الهام ... خلها تولي ... المهم راشد انت لا تشغل بالك حبيبي اوكيه راشد ( ويهز ريله علامة لعصبيته ) : اووف .. كيف ما تبيني اشغل بالي ؟! تقريبا خطتنا كلها بحححححححححح ... خلااااااص ... عليا : شدعوة حياتي ... ما عليك .. الخطه بعدها ما خلصت ... وانتي يا ساره لا تخافين بناخذلج حقج ! سارة : الله يسمع منـــــــج .!! .. .. من صوب حميد ... كان توه ظاهر من الحمام .. حس براحه من بعد ما سبح ..! وبعد ما سار جدام المنظره .. وتم ينشف شعره .. قرر انه يشغل الاف ام ويسمع اليديد .. بس صادفه انهم كانو حاطين برناج للقصائد ......... حس حميد برغبه فاشتراكه فالبرنامج ... كان البرنامج عباره ان كذا شخص يشتركون باحلى قصيده لهم .. واكثر واحد يصوتوووله يفوز .. اتحفززز حميد .. خاصه بعد ما عادوا الرقم .. حميد كان من صغره يحب الشعر .... كان معروف فالبيت بانه هاوي الشعر ... بس مجرد انه خلص الثانويه العامه .. ما تم يكتب .. ولا عاد يعطي لهوايته فررصه ........ حس حميد للحظه انه حن لهواية طفوولته ... ولا شعوري يود الورقه والقلم ... وخط ابيات تعبر عن شعوووره ..... و ع طووول دق ع رقم البرنامج .. وطبعا فالبداية تم كله يعطيه مشغول ... ولاكن بالاخير حصل خط ........ المذيعه : ألووووه .. مرحبااا حميد : مرحبتين .. المذيعه : اشحالك اخويه ؟ حميد : الحمدلله ع كل حال ... ممكن اشارك ؟! المذيعه : أي اكيد اخويه .. اتفضل ... بس قبل كل شي الاسم الكريم حميد : همم بغيت اشارك باللقب ..! المذيعه : اوكيه ما عليه ... حميد : وياكم وجع واكـثر .. المذيعه : يا مرحباا بك اخويه ... يالله تقدر تبدا بعد الاشاره .. 3.... 2 ..... 1 .. حميد ( وبعد ما خذا نفس .. ) : يا حروف الشعر جمعي سطوة مشاعر جريــج وبيني كيف الهوى عذب فواااده وانكوى يا حروف الشعر فيني جددي الجرح الصريح في حروفج ياللي تنطق باجمل الحان الهوى علميهم يا حروفي ان العشق ما قد يريح وان العشق ما صار من دون الفراق وما استوى وان كان يبغون الدليل انا هنا اكبر جريح وان كان ما يفيد الجرح خلهم يجربون الهوى وان كان ما يفيد الجرح خلهم يجربون الهوى وسلامتكم طوووووووووط طووووووووووووط طوووووووووووط وانقطع الخط .. ما قدر حميد يتحمل اكثر .. على طول بند من خلص القصيده ... وبند حتى المسجل .. ما كان له خاطر يسمع شــــــي ... وعلى طول استسلم لرقااااااده .... ! .. .. الساعه 5 الفجر .... التلفون يرررن .. يرررررررن ... ما كان له خلق يررررد ... حاول يفتح عينه بس ما قدر .... بس المبايل يررن ويرررن ..... اخر شي قرر انه يفتح عينه غصبن عنه ويرد : الوووووه علي : السلام عليكم حميد ( توه استوعب ) : علووووووي ؟!!! علي : حميد ... الله يخليك ... انا اترياك عند الباب حميد ( منصدم ) : أي باااااب !!!! علي : باب بيتكم بعد أي باب .. بسرعه انا انطرك .. باي .. طوووط طوووط طووووط حميد .. على طول فزز من مكانه .... كان يتحرى عمره يحلم ... بس بعد .... على طووول ظهر من غرفته وسار برررع .. حميد ( منصدم من يية علي .. بعده مو مستوعب ) : علي !!! علي ( ومبين عليه التعب ) : هيه علي يا اخوي علي .. حميد : خير عسى ما شر ؟!! شصااير ؟! علي : حميد يا اخوي .. انا مسافر انا والاهل .. حميد ( لا ارادي ) : الهام !!!!!!!!!! كـــــــــــــــــــــــــــــــــــــــــــــــــ ـــــــت يا ترى شو مصير الهام ....؟! وسارة وعليا وراشد ... على شو ناوييــــن ّ! |
اتمنى منج الغلا انج اتنزلين لنا كذه بارت.. والسموحه منك.. |
تسلمينـ... ونتريـــــــــــا زود منجـ... |
{.. البــْــٍـــُـاأإرتٍ 19 *//~ ودي أبكـــي لين ما يبقى دموووع ,, ودي أشكـــي لين ما يبقى كلاأإم ,, من جروح صــــــــارت بقلبـــــي تنوح ,, ومن همــــوم حرمت عيني المنـــــــــاام و انطفتــــــ في دنيتي كــل الشموع والهنــــا ما يوم في عيني ينــام ...] حميد .. على طول فزز من مكانه .... كان يتحرى عمره يحلم ... بس بعد .... على طووول ظهر من غرفته وسار برررع .. حميد ( منصدم من يية علي .. بعده مو مستوعب ) : علي !!! علي ( ومبين عليه التعب ) : هيه علي يا اخوي علي .. حميد : خير عسى ما شر ؟!! شصااير ؟! علي : حميد يا اخوي .. انا مسافر انا والاهل .. حميد ( لا ارادي ) : الهام !!!!!!!!!! علي ( اللي انصدم من جرأة حميد .. بس بعد ما بغا يكبر السالفه .. ودمعت عينه غصبن عنه ) : هيه الهام يا حميد .. الهام يا اخوي .. بترووح منا .. الهام بتتخلى عنا .. حميد ( اللي تخبل ) : انت شتقول ؟! علي شفيها الهام !! علي ( وغصب عنه ) : مريضه .. مريضه حيييييل ... لازم نسافر باقرب وقت عشان تتعالج ... بنسافر اليوم ! حميد ( اللي حس ان روحه بتطلع ) : لا تخبل فيني .. وترمسني بالالغاز ..... شصاااااااير !!! علي .. وتم يخبره بكل اللي صار .. بس حميد ما قدر يتحمل .. كان حميد يتقطع .. فالبدايه ما صدق !! قال اكيد علي يحاول ينتقم ولا شي ... بس بعد الاصرار صدق .... حميد ( ما اهتم لوجود علي .. دمعت عينه غصب عنه .. بعد ما ساند ظهره ع اليدار ويلس عالارض وهو يظرب صدره بايد ) : اه .. لييش ؟!! لييييييييييش يا علي انا حظي ردي جي فهالدنيا ... ليش كل ما فتحت لي باب لقيت رييييح .. علي : حميد .. الله يهداك .. انا ياي ارمسك .. عشان تساندني ... مو تسوي بعمرك جي .. الله يخليك يا اخوي .. ما اتحملي اشوفك جي ! حميد ( وبضعف ) : انا اللي محتاج حد يساندني يا علي مب انت ! تعبت وانا اكتم واكتم .. تعبت وانا ابدل حزني بضحكه تخفيها .. تعبت وانا احرق دموعي .. حتى ابين بعين الكل القوي اللي ما يهزه ريح .. بس لين متى !!!!! خلاص انا ما عدت اقدر اكتم اكثر من جي ..... ما اقدر يا اخوي .. ما اقدر ..! ( وبجرأأأأة مالها حد ) : تبغي الصراحه .. الهام انا حبيتها هي حبيتها ... وكنت ناوي اخطبها ..! بس لا انت ولا اختي اللي هي اختي .. ولا حد وقف بصفي .. كلكم ما تبون ليه الخير .. ليش !! شو شسويت بهالدنيا عشان ها كله يرد عليــــه !! ليش يا علي اشوووف الكل يظحك .. وانا دايم الحزن صار ما يفارقني .. .. وفالنهاايه !!!! يطلع فيها ( وهني ما قدر يكمل وتم يصيح وجنه طفل ) و ع طول علي سار لحميد .... وبعد ما قومه من ماكنه .. حظنه باقوى ما عنده ... علي : انا ما استاهلك يا حميد والله ما استاهلك ولا استاهل الهام ... ولا استاهل وجودي فهالدنيا ......... الحين عرفت اني حقييير ونذل ..... خلاص يا حميد .... اوعدك من الحين ان الهام لك وحدك !! بس يا اخوي ... لا تصيح .. انا هني مساندك ... وانته بعد خلك وياي .. تراني محتاجك ... لا تاخذ بكلامي فالميلس .... والله يا حميد اني من يومها وانا كله ادخن .. ولا راقد وحالتي حاله ... حميد ( اللي بعد من علي وتم يظرب الليدار باوى ما عنده ) : ااااااااااخ ... قهر بداخلي والله قهرررررررر .. علي ... اترجاك .. بسافر وياكم .. ما اتحمل والله ما اتحمل ... انا بموت لو تميت هني !! علي ( غصب عنه ) : اسمحلي يا حميد .. ما يصير ... وانته ادرى ...! خلاص .. انا الحين لازم اسير .... طيارتنا بعد 3 ساعات .. على ما اسير البيت وازهب اغراضي ع السريع واروح المطار ..! دعواتك يا اخوووي .. حميد ما قدر يعلق فاكتفى بسكووتهـ علي ( مد يده لحميد ) : فمان الله .. حميد : الله وياكم .. دقلي اول ما توصل .....! وعلى طووول روح علي بدون ما يرد على حميد .. اما حميد فمن روح علي وهو يالس عند الباب ... ما كان قادر يشل عمره .. حس بألم فظييييع ... حس انه يتقطع من داخله ...! *//~ حبيبــي أنا بأنتظـار ياحبيبــي ,, حبيبــي أنـا بختصـار خايف حبيبي .. خايف غدر الزمان يطوي الحب اللي كان ,, أيه خايف مالزمــان يأخذ مني الأمـان .. وأعيش بعــدك غريب في ها لحــياة ,, تدرى الهــوى فيه الغروب .. وشـموع نشعلــها وتذوب .. بصمت وندم صمت وندم ,, وتدري الكــلام له ألف باب .. وبحر السكوت خوف وعذاب ,, و آه وألــم .. آه وألــم ...] .. .. فبي ابو علي .. وبعد ما زهبو الهام وعلي اغراضهم .... وقبل لا يظهرون من البيت ..! سلطان : اووب اووب من قدج يالدبه .. سايره لندن عيل ها خخ ؟ سيف : اسميك انته متفيج .. فديتج والله الهامي .. البيت بدونج ابد مب حلوووو .. الهام ( وهي تتطالع ابوها .. وخانتها دمعة نزلت من عيونها ) : عاد هالله هالله بابووي ... لا تخبلوون فيها .. هذا الغالي ابو علي ( اللي مو مرتاح لهالسفره من البدايه ) : ربي يحفظج يا بنتي ... بس .. قبل لا تسافروون .. متأكدين انكم مو خاشين عني شي ...!! تراني مو مرتاح لهالسفره ..! الهام وعلي يتطالعون بعض ..... وتوه علي بيرمس .. تسبقه الهام : همم لا ابويه اتطمن انته تدري ان ملجتي من راشد وانلغت .. وتدري اني ثانويه عامه والضغوطات عليه زاايده .... بسير اغير جو كمن يوم ان شاءالله ورادة لكم .... ابو علي : والامتحانات !! احيدها هالاسبوع انا !! علي ( اضطر يجذب ع ابوه ) : لا ابووويه .. اجلو الامتحانات ... امسات قاري فالجريده .. ابو علي : أ..أأ بس .. الهام ( تقاطعه ) : لا بس ولا شياته ... انت بس ادعي ان الله يوصلني بالسلامه ... ابو علي : تروحون وتردون بالسلامه ان شاءالله ..... يا علي هالله هالله فاختك .. لا تقصر عليها فشي .. وان احتجتوا ما يردكم الا لسانكم علي : ما اتقصر ابويه .... سلطان : ها ما اوصيكم .. لا تنسون الصوغات .. سيف : هي الهامو وحياتج ... فخاطري النكدر مالهم .. هاللي يابلتج اياه ربيعتج الهام (والدمع بعينها ..... ههه .. هذا اذا رديت لكم اصلا ...! ) : ان شاءالله .. يالله مع السلامه وبعد ما سلمت الهام على اهلها .. وبعد ما سلم علي .. اتوكلو ع المطاااار *//~ هلي وان دارت الدنيا عليـــــه !! اوصيكم على روحي وصيــه ,, انا مسافر وخلو قليبي عندكم .. غصب عني ترا لا مو بيديه ..؟ اعذروني اذا سالت دمعتي .. واذكروني اذا طالت غربتي ... يا دنيا لعبة الشاطر لعبتي .. صرت للناس حمال الأسية ,, يا دهري لا تحملني البلاوي ,, انا {المجـروؤح} مالاقي اليداوي .. تراني ع السفر ما كنت ناوي .. حكم حكم القدر غصبا عليه ،،، هلي دمعات عيني بطرف رمشي .. واذا غمضت عيني دموعي تمشي .. هواكم دمر قليبي هواكم ,, شيصير اكثر من اللي صار فيه ....!! ...] .. .. فبيت ابو سعود ! وين ما كانت الضرابه ناقعه بين سعود وابووه !! ابو سعود : الحين !! الحين مب عايبتنك اليلسه هني ! ولا ما تحيد يوم نقولك بنطللعك بيت تسكن فيه انته ومرتك ... ولا خلاص قامت تجرجك هاللي عندك ! سعود : ابوويه لو سمحت ... لا تدخلون ميره فالسالفه ! .. وعاد خلاص هذا انا الحين غيرت رايي .... خلاص ما ابا ايلس اهنه ... انا لي حرمتي .. ولي ولدي الحين .. ومن حقي اكون لي اسره خاصه فيني ...! ابو سعود : وجي ان شاءالله نحن مب اهلك هني ؟! ( وبضحكه استهزاء ) هه انت يوم بتعرف معنى الاسرة !! هاييك الساعه تعال واجهني ! ياللي ما تستحي على ويهك .. صدق اني ما عرفت اربييييييك .. سعود ( عصب ) : لا لا .. اصفعني ... // اسمعني يا ابوي .. انا ما عدت ياهل .. انا ريال طول وعرض .. وكاهي اللحيه ... وفوق هذا متزوج وعندي ولد .. ابو سعود : اوووووووه .. ذليتنا تراك .. ما يسوا علينا هالولد .. اللي من يبته وانت انا عندي ولد وانا عندي ولد ! وفهالوقت ام سعود تدخل البيت .. بعد ما كانت فبيت ام صقر . : هاه ! هاه ! شعندكم صوتكم واصل لآخر الفريج سعود : سألي ابوي الكريم ( وبضكه استهزائيه ) هه شهالبيت اللي مافيه الا المشاكل ! عن اذنكم ( وتوه بيظهر ) : اوه وقبل لا اظهر .. حبيت اقوللكم .. اللي يمس مرتي ترااه يمسني .. فمان الله .. ام سعود ( ما تدري شالسالفه ) : وا قردي !!! راح ولدي ! ابو سعود : خله يولي !! يا عساها روووحه بلا رده ....! مدام انه بيتم ع هالحاله .! وبنشوف الحين من وين بيطلع البيت .. ام سعود : الله يخليك يا راشد .. لا تسويلنا مشاكل .. حرام عليك .. ما تشوف العيال تفرقوا .. حجميد وصار ما ينشاف فالبيت مووليه .. وسعود ومرته والولد راحو ولا اظني يردون ... والبنات الله واعلم منهم ... ابو سعود : شسويلهم يعني !! كل اللي يبونه عطيتهم اياه .. قد قالولي نبي شي وقلتلهم لاء ! هه وهذي اخرتها .. يجازوون الخير بنكراان ...!! ام سعود : بتم مثل ما انت !! ما تتغير ! احياتك كلها شغل .. فلوس .. فلوس شغل ..... عط عيالك شويه من وقتك .. حسسهم انك مهتم .. ! قد مره سألت الريم عن امتحاناتها .. شفتها فاهمه شي .. محتاجه مساعده فشي !! حميد ... من متى وهو ما يحضر الدوام مثل ما تقول ... ما فكرت فيوم تسأله عن السبب ! ما فكرت انك توقف وياه وتعرف اللي مضاايج به ... جواهر ... فقيره هالبنيه ... من وفاة المرحوم وهي مو محصله حد تشكيله .. من صغرها وهي متعلقه فيك انته ويدها الله يرحمه .. بس يدها ورااح .. وانته .. ابو سعود ( يقاطعها ) : وانا شوو ! اووووووووف .. مافي شي ينطاق هني !! ام سعود ( اللي انصدمت ) : حتى انا يا راشد !!!!!!! ابو سعود اكتفا بنظراته لأم سعود و ع طول ظهر من البيت ... من بعد ما ظهر ابو سعود ع طول توجهت ام سعود لاقرب غنفه وبعد ما يلست سالت عيونها دموع القهر !! وفجأة طرا ع بالها حميد .. اللي من قامت وهي ما سمعت لها حس .... وقررت انها تسير لغرفته ... عل وعسى تحصله راقد .......... بس انصدمت لما راحت وما حصلته .. وع طول دقتله .. بس للأسف ما يررد .. ام سعود ( منصدمه ) : واقردي .. هذا ويينه ...!! .. واحسرتي على عيالي اللي ظاعو مني ااخ عليكم من عيال .. متى تعقلوون بس !! > خلني ادق لام صقر اشاورها .. .. .. فبيت ابو صقر التلفون يرررن تررررررن .. ترررررررن .. تررررررررن .. يوسف : ألووووه // هلا هلا خالووه // هاه ! لا اميه محد // لا ما ادري والله .. اظني ظهرت هي وفطيم .. محمد ما ادري وين مودنهم // لا لا كيف اظهر وياهم وانا وراي امتحانات وحاله ! // هي هي ..والريم شو مسويه ! // يالله الله يكون في عونا .. // خلاص ما عليه خالوه .. يوم بتي بخبرها // مع السلامه بعد ما سكر يوسف التلفون .. توه يصد ويشوف صقر فويهه .. يوسف ( نقز ) : باسم الله .. انت من وين طلعتلي !! صقر : هههههههههههه .. الله يكملك بعقلك يوسف : صقووور .. والله مليت .. طفرت .. من الفجر وانا ادح فهالكتب ! صقر ( يتطنز ) : هههههه .. وحليلك .. ومسكين حالك يا يسووف ههههههههههه يوسف ( حايس بوزه ) : هي هي اطنز شوراك انته ! صقر ( وهو يطالع ساعته ) : المهم انا الحين مب فاظيلك .. ههههه ما نرمس مال المدارس نحن ههههههههههههه .. يالله انا طالع فمان الله .. يوسف : وين بعد ! حرام عليكم مخليني مثل الخبله فهالبيت برووحي ! صقر : يالله ما بطول .. بسير بس بشوف حميد ... وعقب بييب الشوق من بيت عموه وبيي ! يوسف : كديييينــــا .. .. طلع صقر عن يــوسف ع اساس انه يسير عند حميد ... بس تم يدقله عشان يلاقيه بس ما رد عليه !! ودق المره الثانيه والثاله !! و نفس الحاله { هذا وينه ..! شفيه ما يرد ؟! لا يكون بعد شي صاير له ؟ لا حول ولا قوه متى بس يعقل ....! خلني اسير امر ع شوق ابرك .. وبنشوف هذا شو اخرته ! عقب ما وصل صقر بيت عمته ام شوق .. نزل عشان بالمره يسلم على عمته ... وبعد ما دخل البيت : السلام عليكم يا اهل البيت .. ام الشوق ( وهي طالعه من المطبخ هي وشوق ) : هلا هلا صقر ... تعال تفضل يا ولدي ..! صقر : زاد فظلج عموووتي ... شوق : ها عيل قلت بتتأخر !! صقر : كنت بمر ع حميد .. بس خلاص ما حصلته !! ههههه جنج الا تبين الفكه الغاليه ! شوق ( وهي تغمز لصقر ) : هي بعد شوه ... 24 ساعه مجابلتنك !! ام شوق ( انصدمت ) : شوق .!! هذا ريلج يا بنتي ...! صقر ( اللي فيه ظحكه ) : لا والله ... خلاص عيل .. لا تراويني ويهج .. خلج هني فبيت امج احسن لج .. شوق ( تكمل التمثيليه ) : يكون احسن بعد ... واتمنى انك ما تدقلي وتحشرني ... اذا تبي الصراحه .. حتى حسك مليت منه ام شوق ( وهي تظرب خدها بكفها ) : واقردني ... انتو اتخبلتو !! شوق .. صقر !! شفيكم يمه ... صقر : ما تشوفين بنتج عموووه .. خلاص مدام ان هالشي يريحها خلها اتم هني .. ولا بتشوف رقعه ويهي .. شوق : ويكون احسن بعد لو تزيد عليها ورقة طلاقي .. ام شوق ( وهني ما قدرت تتحمل .. كانت مثل البهيمه بينهم .. مب عارفه شتسوي .. ولا شتقول ) : حرام عليج .. انتش شتقولين ؟؟ تبين تخربين بيتج بايديج ؟! شوق ( ما قدرت تتحمل منظهر امها جي .. وحزتها نقعت من الظحك هي وصقر) : هههههههههههههههههههههههه .. امي انتي الحين من صدقج مصدقه !! ام شوق ( دمعت عينها ) : خايفه يكون مصيرج نفس مصيري يا امي ...! صقر : افااااااااا .. افا عمووتي .. ماشي ثقه يعني ..! انا شوق ما اخليها لو شوو يصير .. واذا في شي بيفرقنا .. فهو الموت ..! ام شوق ( وهي رافعه ايدها .. تدعي ) : الله يحفظكم .. الله يحفظكم .. الله يبعد عنكم عين الحسوود ... شوق ( اللي حضنت امها وباستها ع راسها ) : اامين .. والله يحفظج .. ويخليج لنا .. ام شوق ( وجنها تتذكر سالفه الجيس اللي فايدها ) : ويييه .. صح .. ولدي صقر .. اسمحولي بتعبكم وياي .. لو ما عليكم اماره .. اباكم تمروون بيت اخويه راشد .. عطو حق ام سعود هالجيس .. صقر : افا عليج ... يالله عيل .. بنتوكل الحين .. شوق : ما تامريني بشي ثاني امايه ؟! ام شوق ( وهي تغمز لشوق ) : ديري بالج ...! ومثل ما وصيتج صقر ( مستغرب ) : شووو ه ! شوق : لا لا ماشي .. لا تحاتين امي .. يالله فمان الله .. بعد ما طلعو صقر وشوق .. وركبو السيارة .. صقر اول ما شغل السيارة شوق : هممم .. اقول صقر .. صقر : لبيييه حياتي .. شوق : لباك قلبي يا قلبي .. صقر : لبيتي حايه .. اامري .. شوق : تحبني ؟! صقر : اكيد احبج حبيبي .. شو اللي يخليج تسألين هالسؤال ..! شوق : لا ماشي فديتك .. بس بغيت اتأكد من قدري بقلبك .. صقر : لا والله ..! عيل تبين تعرفين قدرج بقلبي .. شوق : يا ليت .. صقر اللي زاد من سرعته .. وتم يتجاوز كذا سيارة ....شوق تمت تحن عليه وتحاول فيه انه يخفف السرعه وهو احلى طااف .... لدرجه انه كم مره بغا يدعم .. اما شوق فهي شوي وبتصيح .. : انت تخبلت !! صقر .. خف من سرعتك .. تبغي تموتني ........ صقر ( على عناااااد ) : ما اباااا .. مب انتي تبين تعرفين قدرج بقلبي ...! شوق ( دمعت عينها ) : خلاص ما ابي اعرف منك شي !! بس خفف السرعه ... وين راح عقلك صقر ( اللي لاحظ على شوق خوفها .... خف السرعه ) : وياج يا شووق .. عقلي وفكري وقلبي وكله وياج .. شوق : شصاار فيك يا صقر ؟! انت صدق تخبلت ....! صقر : وعرفتي الحين قدرج بقلبي ..! لــحد الجنووون يا جنووني .. شوق : يا ربيــــــــــييي .. هذا اللي بيخبل فيني .. صدق انك متفيج ... صقر ( وتوه وصل جدام بيت ابو سعود .. وعقب ما بركن ) : حبيبي ... زعلانه ..! شوق ( احلى طاف ) : بسير اودي الجيس ...! صقر : ما عليه انا اوريج ... المهم لين ما اتيبين الجيس .. انا بسير الملاحق .. اليوم الصبح نسيت بوكي هناك ..!! شوق بدون ما تعبره .. نزلت من السياره ودخلت الفيلا .. اما صقر فتم يظحك على شوق { ههههههههههههه ... الله يعينج علي يا مرت صقوور هههه ....] سار صقر للملاحق ... واستغرب لما شاف الليتات مفتوحه بس يوم دخل الغرفه اللي فالملحق لقا حميد هناك !! واللي زاد به صدمته !! صقر ( يوعي حميد ) : حميد !! اييه .. قوووم لاه !! من الصبح وانا ادورك .. حميد ( يهذي ) : علي .. هممم .. علي .. الهام شحالها ؟؟ شو صار ؟؟ صقر ( يظرب حميد ع كفه ع الخفيف ) : ايه حميدووه .. قووم .. انا صقر .. أي علي واي الهام واي خرابيييط ؟!! يا يا عمي .. الساعه 9 بالليل ... حميد : هاه ؟؟ هااه ؟؟ خلني بررقد ... انا تعبان .. ابا ارقد .. صقر : أي رقاد فهالوقت .. بلاك مستوي ديايه !! هههه قوم .. اظن حتى ولا صليت ! حميد : بعده ما اذن .. بعده وقت ..ّ! صقر : عن أي اذان ترمس ..! حميد : الظهر بعده ما اذن .. يالله سكر الستاره ابا ارقد .. صقر ( اللي تم يتطالع الليت وهو فاج عينه ) الحين هالليت صار شمس هههههههههه .. ها بلاه يهذي!! خخخخخخ .. زين ... عقب ما تقوم دقلي فاهم ! حميد : زين زين .. .. .. طلع صقر .. وركب سيارته .. وتم شوي يتعبث بالمسجل .. لين حصل اللي يبيه .. وفنفس اللحظه ركبت شوق السياره ...! وما ركبت الا ع اغنيه تسوى عيوني .. اللي كان مشغلنها صقر ومعلي الصووووت ..! وش فيك تسألني اذا كنت غالي...غالي وتسوى من غلاتك عيوني كــل ماتمــر ايـامنــا والليالي...يزداد حبك بي ويكثر جنوني ودي احطــك من الــوله ياغــزالي...في داخل عيوني واغمض جفوني واسرح واسافر بك في دنيا خيالي...واقطف لك ازهار الفرح من غصوني انت الـغــلا كــلــه فـأول وتــالي...وانت حياتي وانت عمري وكوني والناس ماتسواك يار اس مالي...لو بينك وبين البشر خيروني صقر ( وهو يتنهد .. متعمد ) : اااه ... يحليلها الحين مها .. من هدتني هالاغنيه وهي مالها حس شوق ( تحتررررررق ) : همم .. مها عيل ها !! صقر : ااخ .. ما ادري ليش كل ما ادقلها ما ترد عليه ...! ومزهب الاغنيه ... توني اوني بسمعها .. شوق ( طنقررت .. وفولت ع الااااخر ) : اووووووف .. وقف السيارة اشووف .. سرررررعه وقف السياره .. انا مب تامه هني وياك ..! صقر ( وبكل برود ) : لا لا حليلها موصتني عليج احطج بعيووني .. واحسره ما ادري ع شووو ؟! فديتها هي الي تستاهل اني احطها بعيووني ؟!! ااخ بس لو تعرف هي كيف غاليه عندي ..! شوق ( تمت تصيح ) : وانا اللي يايبتلك اخبار حلوه .. اوف منك .. ما احبك زين .. ودني بيت امي .. خلاص ما ابي اسير وياك .. بسرررررررررعه ودني بيت امي .. صقر ( بدون أي اهتمام .. تم يغني بصوت عالي ويا عيضه ) : قدرك كبير ومنزلك دوم عالي...كل يوم يكبر ياغلاي وفتوني وان كنت تسال عن ودادك ياغالي...تعال وانظر منزلك في عـيــوني شوق ( اللي سكرت المسجل ) : كرهتها ع الاغنيه ع كثر ما كنت احبها .. ولا ابي اسمعها مره ثانيه .. اوكيه .. صقر ( عاد الاغنيه ) : عاد انا تعيبني ... كيفي .. وبرد اشغلها مره ثانيه ههههههههههه شوق على دموعها الاربع اربع تمت لين ما وصلو البيت ... وتوها بتنزل .. يودها صقر .... : تعالي .. شوق ( وبدون ما تصد له ودموعها ع خدها ساايله ) : في شي بعد تبي تعترفلي فيه غير مها ...! صقر ( لا مها .. و لامريم .. ولا نوف بياخذووني عنج .....! شوق ( تصد له بسرررعه وهي فاجه عينها ) : وبعد في مريم ونوف !!! صقر ( يقهرها ) : هي هاييل اتعرفت عليهم يوم كنا فبرج العر .. شو غرنوقات ... شوق ما قدرت تتحمل أي كلمه ع طول دخلت تركض لغرفتها وهي تصيــــــح .. .. على صوت مؤذن الفجر قام حميد من رقاده وهو بعده مو مستوعب { .. استغفر الله .. أي اذان هذا ! ( وبعد ما شاف الساعه ) .. خييييييييييبه ... الفجر ..! ما صليت امس لا الظهر ولا العصر ولا المغرب ولا العشا ! مب رقاد جــــي .! استغفر الله .. استغفر الله .. مب الهام اللي بتنسيني ربـــي ! لا اله الا الله .. خلني اسير المسيد اصلي ..! .. .. كان خاااشع في صلاته ولأول مره بيحياته يصيح خشووع لربه .. كان حاس انه انه مبتعد عن دينه فالفتره الاخيره واايد .. مشاكله .. همومه لهته ... مرض الهام ... خذا عقله !!!!! { .. الله المستعان .. الله يصبرج ويصبرني على بعادج يا الهـــام .. ] بعد ما طلع حميد من المسيد .. حس انه توه منولد من اول ويديد ....! نسى الهام للحظه ...... وقرر انه يسير يتمشى ع الكورنيش .. يغير جوو شوي ... وع الكورنيش تم يمشي ويمشي ويمشي .. ابد ما وقف !! ما حس بالتعب ابدا ..! كان مخلي مبايله فالسيارة حتى عشان محد يحشره ...! وع وقت الشروق تم يناظر حميد الشمس ... تم يتذكر كيف كانت حياته قبل وكيف هي حياته الحين ....! صارت حياته مثل حياة شيبه عمره 70 سنه ماله اهميه فهالحياه ..! اهله واقرب الناس تخلوو عنه .. ماله وجود ...! محد مهتم له ! حياته ومماته ..... ما تفرق ... هذا حميد والشيبه فيهم نفس الجانب {.. اااخ ... ليت الزمن يررد ورا .. ليتني قدرت اصلح اغلاطي .. ليتني ما لعبت ع الحبلين .. ليتني ما لعبت ع سااره !! يمكن جان ها كله ما صار لي ....!!! ( وبظحكه استهزاء ) هه .. مب من شي من دعاوي بنات خلق الله عليه ..! بس الغريب ليش حبيت الهام بالذات ! على كثر البنات اللي مروا بحياتي .. عمري ما فكرت اني احب وحده منهم !!! ليش الهام الوحيده اللي خذت عقلي جي بكل سهوله !!! .. ااخ .. ما ادري ليش هالانسانه كل ما انساها لحظه ارد اتذكرها من اول ويديد .. وجنه الشريط ينعاد علي ....! ,,,, شسوي ياربي ؟؟؟ شسوي ؟؟ رحمة الله عليك يا يدي .. كنت انت الوحيد اللي تقدر توجهني .. وتواسيني .. بس هذا انت ورحت عني يالغالي .. ياخوووفي بس تروحين عني انتي بعد يا االهام ....! ( وبعد ما دمعت عينه .. مسح دمعته وهو متغصص ) : الهام .. الهام .. الهام .. الهام ... لين متى ؟! انا بتم معذب روحي عشانها .. اووف .. خلاص .. انا لازم انساها .. لازم اشلها من بالي ( بس !! تذكر رمسه علي ) لااء !! كيف انساها .. الهام بترد .. وبتكون ليه ... خلاص .. انا اذا كنت بنسى شي لازم انسى هالحزن اللي ملازمني ليل ونهار .. بس الهام ... انسى روحي ولا انساها ...! ( تم حميد يناظر الساعه .. وكانت الساعه 6 ) : هممم مدام عندنا هني ست اكيد فلندن الساعه 2 الفجر .. يعني وصلو من زمان .. خلني ادق اشوفهم ...! ولا لاء فظيحه .. اوف أي فظيحه انا بدقلهم .!! .. .. سار حميد وركب سيارته .. وبعد ما شل مبايله .. شاف عدة مكالمات لم يرد عليها .. من صقر ومن ابوه ومن الريم ...! سوا كاف حقهم كلهم ... ودق ع رقم علي .... بس استغرب لما عطاه مغلق ...!!!! {.. هذا شفيه غالق مبايله ( وهني تم يوسوس ) لا يكون صاير لالهام شي .......................! |
{.. البــْــٍـــُـاأإرتٍ 20 .. .. *//~قبل انتـفارق سطرتلك يميني آخر رسالة حب أودعك فيهــــــا .. هذا قدرنا بالهوى صدقني الايام ماتمشي على مانبيها ودعتك الله وإن قسيييت أعذرني وعيوبي اللي تعرفها..استرها وان كان عذبتك معي سامحني وانسى ذنوبي واغفرهـــــــــــــا...] .. .. " لحظه المغرب " وفي وقت تموت فيهـ الشمس مجبورة تكابر !! ودها ترجع وتعطي الناس من نووره --> كان الفراق مقطع قلبه ...! يقرا الرساله ... ودموعه ع الخد سياله ..!! للحين مو مستوعب خبر وفاتها [ كيف تروح وتتركني !! كيف ؟! لا مستحيل ...... هي سايره تتعالج .... وبترجع .. مو بكيفهم .. الهام ما ماتت .. ما مااااتت ... انا اللي مت .. انا اللي موتني الخبر ...!! انا اللي مت .. اااه اناااا !!!! ااه ] رد مره ثانيه يقرا الرساله مثل المينون وجنه للحين مو مستوعب [ حميد ....! ..ادري اني عذبتك وايد ,, بس مو بيدي صدقني .. الفراق كان قدر ومكتوب ! ما كنا مكتوبين لبعض .. ولا حبنا قدر يتوفق ... خلاص يا حميد ... القطار فاتنا ! ما نقدر نسوي شي الحين .... أبيك تعرف حبيبي .. اني ما كتبت هالرساله الا وانا حاسه ان يومي اقتررب ... تأكد ان حبي لك فاق كل القمم ...! وادري ان حبك لي مو شوي ... بس انا طلبتك .. ان كنت صدق تحبني ! اترجاك تعيش حياتك .. ما اطلب منك تنساني ,, لأني ادري ان هالشي مستحيل .. وادري انك ما تقدر على هالشي ! بس ادعيلي واذكرني بالخير !! وانت بعد الله يوفقك يا حميد ... صدقني حتى لو كنت حية وما كنت من نصيبك فأنا ما كنت بتمنالك الا كل الخير ...! عشاني .... اتزوج فاقرب فرصه ! ولا تنسى تسمي اول بنت لك باسمي ............ هالله هالله فاخوي تراه يحبك وايد لو شو يسوي !! ,,,, لا تنسى تزورني فمقبرتي ! تراني فانتظارك وانطفت شمعتي .. حبيبتك للأبد : الهام .....! ما اكتفى حميد ... رد يقرا الرساله للمره الثالثه والرابعه .. وهو فوده بس ان يطالع الورقه ويحصلها فاظيه عشان بس يرتاااح !! وده انه حد يصفعه ويقوووله قوم من رقادك .. تراك تحلـــم .... وده ووده .. بس مو بيده ! الموت مكتوب ... ولا أحد يقدر يغير المكتوووب .......! حميد من تأثير الصدمه توجه للمطاار ... وجنه يتنظر شي مهم ...! كان يدور بين الناس .. يتمنى فخاطره يحصل بينهم الهام يااايه ....! فجأة مبايله يرررن ..... [.. رقم علي .!! هي اكيد هو داقلي عشان يقولي ان الخبر كان مجرد مقلب !! علي ( بنبرة كلها حزن و آسى ) : ألووووه !! حميد ( وبعده ما فقد الأمل ) : هلا علي ... انت متصل عشان تقولي ان السالفه بكبرها مقلب صح !! علي ( ما قدر يقاوم دموعه ) : حميد ... انت وينك ! حميد ( يظحك مثل المينون ) : هه .. انا فالمطار بعد وين ..! قاعد اتريا الهام ( وهني رد يصيح ) انا اتريااا الهام اتييي ... الهام سارت تتعالج وبترررد .. انا اعرف .. اصلا الهام تحبني مستحيل تروح وتخليني بروحي علي : حميد يا حميد ... الهام ماتت .. انت ليش ما تفهم ...! حرام عليك اللي تسويه فعمرك !! الحين كملت اسبوع ع وفاتها ..... وانت بعدك مو مصدق ! حميد ( عصب فجأه ) : صدق انك مب صاحي ... الهام سافرت تتعالج وبترد ... فمان الله ! سكر حميد التلفون عن علي ... وتم يتريا فالمطار ...... الأمل موجووود .. بعده منتظر يية الهااام ! من وفاتها .. وهو كل يوم ساير المطار يتريااا !!! رد يتذكر قبل اسبووع لما اتصل فيه علي ... وخبره بانه رد البلاد ... حميد : كيف ترد البلاد !! امسات انته مسافر ,, تتمصخر انته ؟ علي ( وبدون أي كلمه ثانيه ) الهام توفت يا حميد .................! فالطيارة ونحن سايرين .. توفت .. واطرينا ان ناخذ اول طياره نرد فيها البلاد ...! حميد ( تم يظحك عباله علي يتمصخر ) : ههههههه .. حلووه .. بس لا تعيدها مره ثانيه .. استهدي بالله .. مب زين تفاول ع اختك يا اخوي ! علي ( دمعت عينه ) : السالفه ما اقدر اتمصخر فيها ..! حميد .. الهام من ركبنا الطيارة وهي تكتب فالاوراق ... ما خلتني اشوف شي .. بس كل اللي اعرفه انها طلبت مني اعطي هالرساله لاختك ان صار فيها شي !! حمبد ( مصدوم ) : علي ......! انت تخبلت ولا قاعد تتمصخر .. علي ( عصب ) : اقووولك انا مو قاعد اتمصخر وياك ... حميد .. راحت الغاليه ... راحت الهام !! خلاص .. ما اقدر اكلمك الحين ... مع السلامه !! هاك اليوم .. سكر علي عن حميد .. وخلا حميد مصدوووم فمكانه .. بعدين عرف حميد ان يوم اتصل بعلي وحصل التلفون مغلق .. علي كان فالطياره .. من جي ما قدر يرررد !! انصدم حميد من الخبر ...!! ما كان قادر يستوعب ! لدرجه انه ظرب عمره باقرب حصا له !! بس عشان يصحصح !! ما اهتم للدم اللي يسييل من ويهه .....! ورد يظرب عمره !! بس ماشي فايده ... هني انفجر حميد ... وانفجرت دموعه وياه ...! وبعد يوومين ... يته الريم اللي وصلت له رساله الهام : هذي الرساله لك مو لي ... بس الظاهر انها ما قدرت تقول لخوها ان الرساله حقك !! ( بعد ما مسحت دموعها ) الله يرحمها .. والله يصبرك يا اخوي ....! ادعيلها .. ما صحا من هالذكرى حميد الا ع صوت الشرطي اللي كان يكلمه .. الشرطي : لو سمحت اخوي .. تنتظر حد هني ! حميد ( توه استوعب ) : ها .. أ.أأ ... هي .. هي .. الشرطي : من وين يايه الطيارة اللي تنتظرها ..!! حميد : لندن .! الشرطي : اسمحلي يا اخوي .. مافي أي طيارة يايه من لندن !! الظاهر انك مخربط ! حميد ( استسلم للأمر الواقع ) : ها .. لا خلاص الحين برووح !! ااه .. يالله يا قلبي سرينا ..! طلع حميد من المطار .. والود وده انه يقضي باجي عمره فيه لين ما ترجع الهام ...! ما يدري انها راحت بلاااا رده ...! *//~ لا تلوح للمسافر .. المسافر راأإح ,,, لا تنادي للمسافر .. المسافر راااح ... يا ضياع اصواتنا فالمدى والريح , القطار وفاتنا ,, والمسافر رأإأح .. يالله يا قلبي تعبنا من الوقوف, ما بقى بالليل نجمة ولا طيوف ،، ذبلت أنوارالشوارع وإنطفى ضيّ الحروف ..يالله يا قلبي سرينا ضاقت الدنيا علينا..!! القطاروفاتنا ,, {... والمساأإفـر رأإأإأإأآآح ~.....] .. فبيت أبو علي زوايا البيت كلها تشكي فراقها .... البيت صاير كئيب من بعدها ... مرت ايام العزا مثل الدهر ...! سلطان من صوب مب قادر يفتح كتبه .. وسيف من صوب ولا طايع يروح المدرسه ... والأبو حالته حاله ... من وفاة بنته وهو مصدوم .. لا قادر يتكلم .. ولا قادر ياكل .... حتى الشغل مو قادر يروح له ....... تظارب مع علي من بعد ما عرف السالفه !! ..... اما علي .. فهو كان دايم يلوم نفسه !! كان حاط فباله انه هو سبب موتها !! للأسف ايمانه بالله كان ضعيــــف .. نسى ان الموت .. قدر مكتوووب .......} .. .. فركن من أركان دبي ... عليا بعد ما درت بالخبر من عليا .. سالت دموعها غصب عنها ...! : بلل نحن كل اللي طمحنا له ان نأذيها ونأذي مشاعرها ..... ماتت مره وحده !! الله يرحمها .. الله يرحمها .. الله يرحمها ...! يا ربي اغفر لي يا ربي ... يا رب استغفرك يا رب ... عليا ( استغربت من ردت فعل سارة ) : ايه سوير ...! من صجج انتي ! ليش تصيحين ! نحن حقج بعدنا ما خذناه يا عيووني ! بعدنا ورانا مشوار .. سارة : خلاص يا عليا .. انا خذيت حقي .. اكوه متعذب ... ياما تعذبت انا .. والحين يا دوره .. بس بس .. الحين حسيت ان الهام مالها ذنب .. والله انها غامظتني ..! عليا: ( تهز جتف سارة ) / ايي انتي .. اصحي ...... شقاعده تخربطيين !! انتي بجي قاعده تهدمين كل اللي بنيه ..! سارة : وهو فيه شي اصلا عشان نهدمه ..! اصلا خططنا وكلها فشلت .. والريم .. مب سهله .. ولو حاولنا نسوي فيها شي بعد ما بنقدر .. وبعدين انا فكرت .. ولقيت ان الريم مالها ذنب ...! ليش نسوي فيها جذي ! عليا ( بتحدي ) : لا والله .. اسمعي زين يا سوير ... اذا انتي استسلمتي تراني بعدني ما استسلمت !! ولا برتاح لين ما اشووف الريم تتعذب !! انا عمري ما انسى اليوم اللي رماج فيه مثل الجلبه ..! واذا انتي بتسكتين تراني ما بسكت ...! .. .. كانت تتصفح الكتاب على امل انها تفهم شي .. باجر عليها امتحان كيمياء !! بس للأسف .... ما قدرت . لانها اساسا ما تداني هالماده خير شرر ... بس تذكرت فجأة ان الهان كانت تعيبها هالماده !! وتذكرت لما الريم يابت درجه مب حلوه فامتحان الكيمياء فالفصل الاولى كيف عاتبتها الهام ع درجتها ! فجأأأأة دخلت عليها جواهر وهي تصيييح : ريمو .. ريمو الحقي ... امي وابوي قاعدين يتظاربون تحت ! الريم ( مسحت دموعها ) : اشووووه ...! وع طول الريم ظهرت من غرفتها ونزلت تحت لوين ما كانوا يتظاربون اما جواهر فمن الزيغه تمت توايج من صوب الدري وهي تصيح .. ابو سعود ( يزاعق ) : وبعدين وياج ..! خلاص كم مره اقوولج سالفه سعود هذي تسكرينها ,,, ام سعود ( تصيح ) : هذا ولدك .. خاف ربك .. تعبت وانا ادقله واحاول وياه وهو مب طايع يرد البيت ..! ابو سعود : هي .. معلوم .. لاعبه براسه هالسوسه اللي وياه ..! مب لو يدري ان نحن حرمنا مروان منها عشانه ! بس طلع لا هو اللي يستحقها ولا هي اللي تستحق انها تاخذ واحد اعلى منها ! ام سعود : يا راشد .. مهما يكون هذا ولدك ! ومرته ام حفيدك ! ابو سعود : ولا اتشرف انه يشل اسمي هالحفيد مدام انه ياي من طرف ميره ! الريم ( عصبت .. ما قدرت اتم ساكته اكثر ) : بااااااس ... حرام عليكم !! ولا قلتوا عندنا بنت عليها ثانويه عامه .. طايحينلنا كل يوم ظراابه .. كل يوم نفس الموال لازم ينعاد . والله حرام عليكم .. انتو بدال ما ترمسون فهالسالفه اللي مالها معنى .. سيروا شوفوا حميد وحالته !! سيروا اسألوه عنه !! شوفي وينه ! صارله كمن يوم وهو ماله حس فالبيت !! انتو شوووووا !! جواهر ( اللي من سمعت اختها ترمس .. تشجعت ونزلت تحت ) : هه .. كنت اتحرى اني انا بس الياهل فهالبيت .. بس طلعوا شي يهال غيري فهالبيت ...! ابو سعود ( توه ياي بيصفعها .. بس حس ان ايده تشللت ... ما قدر .. تذكر ابوه يوم كان يقوله .. تحمل .. الا جواهر .. محد يمد ايده عليها ) : استغفر الله .. للأسف الظاهر امكم ما عرفت تربيكم !! ام سعود ( باستهزاء ) : وليش ما ربيتهم انت ... ولا ما عندك وقت !! ابو سعود : جااااااااب .. روحي يام سعود وانتــي ... الريم ( تقاطعه .. وهي تصيح ) : لاااء .. حرام ... لاااء .. بعد كل هالسنين !! ليش ؟ شو صار عليكم ؟؟ ام سعود ( ولا سوت سالفه للريم ) : يالله طلقني ... طلقني يا ابو سعود .. انا طووول عمري وانا صابره .. مو لشي .. عشان عيالي بس ...! وانت انت تتحراني ما اعرف عن مرتك الثانيه .. جواهر + الريم .. فاجات عيونهم : اشووووووووووووه !! جواهر : حرمه ثانيه ... ( تمت تصيح جواهر ) لاااء .. ما ابي ... ابي امي وبس .. لاء .. ما اصدق ... ( وع طول ركضت لغرفتها ... وهي تصيح ..! ) ابو سعود : اوهوووووووو .. ام سعود ( دمعت دمعة حسرة وندم وهي تشوف حالة عيالها بس كانت مجبورة ) : طلقني يا ابو سعود وريحني ... ما اظن اني بفيدك كثر ما مرتك الثانيه بتفيدك ابو سعود ( وتم يطالعها من فوق لتحت ) : انتي اللي اخترتي هالشي .... انتي طاااالق .. طالق .. طالق ..! .. .. فبيت ابو صقر كانت الشوق قاعده فالصاله هي و ام صقر يسولفون .. وبعد لحظات من السوالف ... دخل البيت صقر .. : السلام عليكم .. ام صقر + شوق : وعليكم السلام والرحمه .. صقر ( من بعيد ,,, وهو متوجه لغرفته ) : شوق ... تعالي اباج شوي ...! شوق ( تمت فمكانها احلى طاف ) ام صقر : شووق يمه .. ريلج زقرج ..! شوق ( تسوي رووحها توها استوعبت ) : ها .. أ..أ.. لا ما سمعته .. الحين بسير له ! وبعد ما سارت له شوق الغرفه .. شوق ( يلست ع الشبريه بدون ما ترمس ) صقر ( اللي بدوره سار ويلس ع الارض جدامها ويود ايدها بكل خفه ورومنسيه ) : شو حبيبي للحين زعلانه منس ! شوق : يهمك !! صقر : اكيد يهمني .. حبيبي انا احبج .. ولا عمري فكرت احب غيرج ! شوق ( تصد عنه الصوب الثاني بعد ما تير ايدها ) : لا والله .. ومها ومريم ونووف شو مكانهم فقلبك ! صقر ( نقع من الظحك ) : انتي للحين تذكرين اساميهم .. اذا انا نسيت اساميهم !! ونسيت السالفه بعد !! خخخخخخخخخخ شوق : لو انت نسيت انا مانسيت .. صقر ( رد يود ايد شوق ) : تغارين حياتي ؟ شوق ( بغروور ) : لاااا .. صقر ( قام من مكانه ) : زين عيل بسير عند مهووي ابرك لي .. محد يغار علي كثرها .. شوق ( يرته وردت يلست ) : ما بتسير مكااان .. صقر : عيل توج ما تغارين هههههههههه شوق : يعني ما شي فايده .. جاكني جاكني .. صقر : اكيييييد ههههه .. شوق : صقر ..! صقر : ااامري .. لبيييه .. شوق ( وهي منزله راسها ) : أنا حامل ..! صقر ( منصدم ) : هااااااه ! شوق : من قال ها سمع هههههههه صقر : انتي من صجج .. بيصير عندنا ولد ! شوق : ههههه واشدراك انه ولد .. مو يمكن بنت ...! صقر : ولد .. بنت ما تفرق.. يا سلاااااام بصير اب .. لا لا الصراحه ما اصدق ... شوق .. احبج .. انا احبج .. اااه .. اموت فيج .. فديتج والله .. ما تدرين شكثر ونسيتي بالخبر ...! شوق : ههههههه ... بس عاد .. لا تحرجني .. صقر : لا والله .. عيل انا مو مخلنج تظهرين من هني الا وتقوليلي كلمه حلوه ! شوق : همممم ما ابي .. بعدين بتتكبر عليه ههههه صقر : شتبين اكثرمن جي ! يحقلي اتكبر .. يالله عاد شوقي .. كلمه وحده بس .. شوق ( تجرب منه وتهمس له ) : احبـ ـ ـ ـ ــك ههههه وع طووول ظهرت من الغرفه .. وسارت للصاله وين ما انصدمت !! شوق : الريم !! جواهر !! شو يايبنكم هني ! جواهر ( بحزن ) : الظاهر كلكم ما تبونا ! ام صقر : لا جواهر فديتج .. لا تقولين جي يا اميه ... شوق .. الريم وجواهر بيتمون هني جم من يوم ! قولي للشغاله تزهب لهم الغرفه ! شوق : ان شاءالله ا.....! الريم : والله تصدقين عموووه .. قامو يتظاربون جدامنا .. ما قالوا هاي وراها ثانويه عامه .. محد افتكر .. ام صقر ( وهي تهدي الريم من صوب وجواهر من صوب ) : خلاص حبايبي .. انتو لا تشغلون بالكم .. سالفه وبتعدي ع خير ان شاءالله .. جواهر : عمووه .. نحن ما عندنا حد فالبيت .. اميه ع طول سارت يمعت ملابسها وظهرت من البيت .. وابوي من عقب الظرابه بعد طلع من البيت ... و سعود طلع هو ومرته من البيت من متى ولا قام يدق فينا حتى ! وحميد .. من متى ولا شفناه بعد ! .. ام صقر ( دمعت عينها .. وبسرعه مسحت دمعتها قبل لا يلاحظوون ) : الله كريم .... الله كريم ..! وهني صقر يظهر من غرفته : اووه .. شالطاري ! هلا والله ببنات العم ! شيايبنكم فايام الامتحانات .... ( لاحظ صقر انهم مو ع بعظهم .... وبعدها لاحظ الشنط .. عرف ان السالفه فيها ان ! صقر : خير !! شصاير !! .. .. قام فجأة ع كااابوس .. ما قدر يكمل رقاده ... ع طول رد الصاله ... ورد يشرب السم اللي من وصل للشاليه وهو يشرب فيه ..! تذكر فجأة رساله الهام .... ورد مره ثانيه يراجعها من اول ويديد ..! ما بجاله منها غير هالرساله ! على الله يصبح ويمسي عليها !! ...... تذكر انها طلبت منه يزورها !! وقام حميد .. وبحالته اللي ما تسر .. وظهر للمقبره .. فنص الليالي .. وفعمق الهدوووء .. ظهر حميد من الشاليه .. ركب سيارته وساق باسرع ما عنده .. كان الشارع فاظي .... واستغل الفرصه ... لين وصل المقبره .. ما قدر يدخل من الباب .... خاف الحارس يشووفه .. اطر انه يشقح من فوق السور ..! دخل المقبره .. وبدا يدور بين القبر قبر قبر .. ما قدر يميز بين القبور بالليل .. ولكن فجأة حصل القبر اللي بغا يوصله .. حصل قبر الهام .. وبدون ما يحس .. ارتما على تراب ثراها .. وقام يصيح مثل الياهل حميد : ليش خليتيني فهالدنيا لحالي ! ها ؟! خبريني ليش ؟!!! انا احبج الهام .. وانتي بروحج اتعرفين ! بس انا ما اقدر اعيش فهالدنيا بدونج .. لاني عايش لج .. ارجعي الهام .. ارجعي .. وداويلي جرحي .. ( بس تأثير الكحول اثر فيه وخلاه يظحك فجأة ) ههههههههههههههه .. كيف ترجعين انتي موجوده اصلا .. انتي فبيتكم ( وهني نسى اهو ليش ياي اساسا ) : اووه .. انتي منوه ! هههههههه ؟؟ شكلي مغلط فالعنوان ( وبعد ما قام وقف ) : السلااااام عليكم يا اهل القبور .. ههههههههه رحتوا حليلكم ههههه .. لا لا نحن لاحقيين ( وهني حط ايده على حلجه وشهق باقوى ما عنده ) : اويه .. انا شو اقول .. استغفر الله ... اوه خليني اسير بيتنا احسن .. اكيد يدي يترياني فالبيت ! هههههه مسكين .. الحين من ادخل وبيودني بنصايحه اللي ما تخلص هههههه ( وبعد ما رد يطالع مقبره الهام ) : ههههههه .. يالله انا رايح .. سلمي سلمي .. ههههههه .. ( و توه بيمشي خطوتين .. ويطييح في مكانه ...! *//~ تعب دمعي وهو سايل(ن) كل ليله على محجر عيوني ..! تعب ( قلبي ) منجروووح عادت تمسيني كل ليله وتسير واكتم عبراتي ,, تعب كلي .. وكل مافيني تعب .. وتعبت انا اكثر من دمع(ن) بعيوني .. بالنهايه انا تعودت على الأحزان ...! بلا أحدن .. بلا خلااااان ؟ تعبت امشي ادور طريق لنهايات همــي ! تعبت وأنا ارحل منديرتي لديرة أوهاأأأمــــــي ,, تعبت احن للحاضر اللي من اوله يعزيني .. اجل كيف اطلبه هاليوم انه يواسيني !!!! تعبت وانا ابكي وذكرهم أكثر يبكيني ...! ...] .. .. ... اشرقتشمس وكل فرد من البشر ودع الامس وابتدى يوم جديد .. وبعد ما قامت جواهر من رقادها ... استغربت فالمكان اللي هي فيه فالبدايه .. بس بعدين تذكرت اللي صار امس .. وبعد مال صدق لقت الريم بعدها راقده .. جواهر ( بهمس ) : ريموووه .. ريموووه نشي يالله .. عشان نلحق ع الامتحان ..! الريم : اوكيه .. اوكيه !! انتي سيري وانا يايه وراج .! جواهر : لعبيها ع غيري .. يالله نشي بسرررررعه .....؟ بعد ما قامو الريوم وجواهر .. وساروا الصاله ... لقوا هناك ام صقر و محمد وصقر وحرمته ويوسف وفاطمه قاعدين يفطروون جواهر ( بابسامه خفيفه ) صباح الخير ! الكل : صباح النور ام صقر : حياكم بناتي لا تستحون .. تعالو يلسوا .. جواهر سارت ويلست حذال فاطمه .. اما الريم فكانت مستحيه : همم لا عموه مشكوره .. انا بسير اراجع شوي .. بس من و بيوصلني ! محمد ( بدون ما يعطي فرصه لحد ) : انا بوصلكم اليوم ..! صقر : اوكيه .. احين .. لان عندي شغل ظروري اليوم الريم : اوكيه عن اذنكم عيل .. شوق : وين تعالي ! ريامي فديتج مب زين تسيرين وانتي بطنج خالي ! الريم : لا ما عليج لا تشيلين هم .. يوسف ( يقوم من الطاوله ) : اوكيه عيل ريمو انا بيي براجع وياج ..! الريم : اوكيه ^^ جواهر : همم ها فطوم ذاكرتي زين ! فاطمه : يعني وانتي ؟ جواهر : يعني بعد خخخ فاطمه ( تهمس لجواهر ) : عاد ما اوصيج هالله هالله ببنت عمج فالامتحان .. ههههه صقر : اشوووه ! لا لا مول ما سمعت ! ام صقر : لا يكون تتغشوون انتو بعد ! فاطمه : لا لا حشا علينا ..! عيب .. استغفر الله ! نحن ما نغش اميه شوق : هي صح انا اقول جي بعد ههههههه صقر ( تلفونه يرن ) : انا استأذن ...! .. .. صقر : ألووووه // هي أنا صقر .. نعم اخوي في شي ! // اشوووووووووووه !! كـــــــــــــــــــــــــــــــــــــــــــت |
القصــِه رووعه ْ بــِس البـآإرتـآإت عورت قلبي وربي انيي صحت عليهــِم .. { وأآإيـــِد متآثره } :\38.gif: تسلميــن الغلـآإ ولـآ اتطوليـ،ن علينا .. ^.* |
:861::861::861::861::861::861::861::861::861: |
مشكور أختي على القصه الحلوه ويعطيج العافيه |
{.. البــْــٍـــُـاأإرتٍ 21 .. .. *//~ كيف انت تتركني و تسير ...................!!! قلبي انا بحبك اسير,, من كثر ما تطري علي القاك انافي كل شي.. اصعب على الظالم و انا حالي مثل ميت و حي, يعني انا بكلاختصار ...! عايش و لكن روحي فيك ...] صقر : ألووووه // هي أنا صقر .. نعم اخوي في شي ! // اشوووووووووووه !! فبيت ابو صقر .. الاجواء كانت مغيمه .. خاصه بعد ما دخل صقر البيت .. وحميد متساند عليه ...! تتقرب منهم ام صقر ( بخوف ) : خير !! عسا ماشر يا ولدي من وين يايبنه !! صقر ( بغصه ) : من وين يايبنه !! يعني واحد فهالحاله من وين اييبونه ..!! من الشرررطه يا اميه .. من الشررررطه !! ( وسار عنها وهو مفول وطول الوقت يتحرطم .. اما حميد فهو فجوه الثاااني .. يظحك شوي .. ويصيح شوي .. يتكلم ولا يعرف شو يقووول ... صقر بعد ما ودا حميد .. لغرفة من الغرب اللي موجوده فالبيت .. وخلاه يرقد ...! حميد ( وهو يشهق ) : شو تشوفني !! ياهل .. ياي ترقدني ..؟! قصورك بعد .. هههههههههههه والله حاله ( وجلبها صياااح ) : حليلها اميي .. لو كانت حيه جان رقدتني بنفسها صقر ( منصدم .. ها بلاه خررف ! ) باسم الله عليك .. حميد .. امك عايشه لا تقعد تفاول ... ! حميد ( وهو يأشر بصبعه ع ويه صقر ) : انا ادري .. ( ورد يشهق ) أ..أأدري انها .. انها .. بس الهاام .. الهام خلتي ورااحت .. رااحت .. رااحت ... ( وبعد شوية دموع سالت من عيوون حميد ما قدر يكمل .. وطاح ع المخده ورقد ...! وبعد ما طلع صقر من غرفة حميد ( المؤقته ) ... طلع من البيت وخلا ام صقر اللي كانت تصيح وعلى اعصاابها .. تمت تزقره عشان تعرف منه شي ..! بس هو احلى طاف ...! ما كان له خلق يرمس حد ! ام صقر : يا حسرتي عليج يا ام سعووود ! تعالي وشوفي حال عيالج .! والله ان حالهم ما يسر !! من وين طلعتلنا هالمصايب بس من وين ! وبعد التفكير قرررت ام صقر تدق لام حميد .. وتخبرها عن كل اللي صار بغيابها وتحطها فالامر الواقع ..! ام سعود : هلا ام صقر .. هلا .. ام صقر : اشحالج اختيه ! عساج بخير ..! ام سعود : من وين بييني الخير وانا بعيده عن عيالي ! والله يا ام صقر مو بيدي ام صقر : حرام عليكم .. انتو هدمتو بيتكم ..! تعالي وشوفي عيالج كلن فصووب .! الريم وجواهر .. يايين عندي .. ولا رايمين يذااكرون عدل .. وحميد اليوم صقر يايبنه من المقبره ما يندرا شو من البلاوي مسوي .. ام سعود ( وهي تصيح ) : انا صاابره كل هالسنين عشانهم يا ام صقر .. بس خلاص ما اقدر اتحمل اكثر .. يوم هوا ما يقدر ... مخلي كل مسؤوليات البيت عليه .. وهو مطيحلي عند مرته 24 ساعه .. انا اعرف من زماان .. وانا ساكته ( وهني زادت نبرة صيااحها )’ ام صقر : خلاص يا اختيه خلاص .. لا تعورين قلبي .. والله ان بالي ويا عيالج .. مب هاينين عليه .. ام سعود : فديتج ام صقر .. انا اعرفج زين واثق فيج .. خلي بالج ع العيال لين ما تتحسن الاوضاع شوي .. وانا بييكم البيت عقب ام صقر : لا توصين يالغاليه ..! بعيوني اعيالج .. .. فمدرسة الريم .. وبعد ما خلصت من الامتحان .. وبعد ما ظهرت من اللجنه !! تمت تصيح ه الخربطه اللي سوتها فالامتحان ..! كانت حاسه انها عافسه الدنيا !! [ يا ربي استغفر الله .. يالله انا سويت اللي عليه والباجي على الله =( .. ( وفجأة وجنها تذكرت شي ) : ويه .. ابيييه .. انا الحين منو بيمر عليه ! ولا حتى خبرت محمد نحن متى بنخلص ...! اوووف . الله يسامحك يا ابويه .. والله يسامحج يا اميه .. ما خليتو فيني عقل !! ,, يالله نظهر عند البوابه ونشوف اخرتها !! وعلى حظها الريم .. اول ما طلعت لقت محمد ووياه يوسف برع فالسياره .. ووياهم فاطمه .. وجواهر ! الريم ( وبعد ما ركبت السيارة ) : السلام عليكم الكل : وعليكم السلام والرحمه ! محمد : ها ريمو .. بشري ! انشاءالله حليتي زين ؟ الريم ( وبنبرة زعل ) : الحمدلله ع كل حال ! يوسف : افا ريمو .. الامتحان كان سهل !! لا يكون ما حليتي زين ! الريم : والله شسوي .. الورقه فصووب وعقلي مفتر فصوب ثاني ..! فاطمه : اووه تحب ربيعتنا تحب ههههههههه الريم ( صدق انها متفيجه ) : هه .. لا ما احب ولا شي .. بس ماكان لي خلق امتحن ! محمد : يالله ما عليه انسى .. ولا لو يستوي .. جان اييت وامتحنت عنج ! يوسف : لا الله يخليك .. تعال امتحن عني انا ! محمد : ماشي شغله ! فاطمه : هي معلوم حق الريم .. ما تصدق هههههه جواهر : حسيت انا بعد ههههههههههههه الريم اللي كانت يالسه حذال فاطمه وقرصتها بالقوو فاطمه : ااااااااي .. ليش تقرصيني ريمو هههههههههههههه ( وتطلع لها لسانها الريم ( انحرجت ولا عرفت شو تقول ..... ما رفعت عينها .. للمنظره اللي جدام الا وطاحت عينها بعين محمد اللي كان يرقبها من ركبت السيارة .. ) : كح .. احم احم .. محمد ( اللي فهم ونزل عيونه ) : ااه .. تبونا نمر ع المحطه ! جواهر : هي انا خاطري ففريز ! الريم : همم انا بعد والله ..! محمد : خلاص .. يوسف انزل انته وييب لهن الاغراض اللي يبونها .! يوسف وبعد ما خذا الطلبيات نزل عشان اييب لهم اللي يبونه .. من صوب ثاني تموا جواهر وفاطمه والريم ومحمد فالسياره .... فاطمه ( وتغمز لجواهر ) : وييييه .. جوهرووه .. نسيت اقول حق يسوف اييب الكندر .. جواهر : هي صح .. وانا بعد نسيت اقوله اييبلي اكسترا ..!! محمد ( فهم حركتهم ولا بغا الريم تنحرج ) : انزين صبروا بدق له انا ..! فاطمه ( يرت جواهر ونزلت ) : لا لا ما يصير نحن بننزل .. وبعد ما نزلو .. دقات قلب الريم تزيد حبه حبه .. وويها محمر حبتين ..!! محمد ( حس ان الريم مستحيه منه ! ) : همم تدرين .. انا بسير بعد اييبلي شي اشربه ! الريم ( حست براحه فظيعه ) : اوووكييه ( الحمدلله اللي يت منه) .... بعد ما نزل محمد ... تمت الريم بروحها فالسيارة .. ولا تلتفت الا ع شله شباب كانو مارين صوبها بالسياره !! حست بخوف فظيع .. كانو يدقون لها هرررن .. ويصفرون لها وحالتهم حاله !! .. طبعا لان سيارة محمد مش مخفي ... لانها يديده ..! هني خافت الريم ولا عرفت شتسوي ... بس توها غمضت عيونها وفتحتها وتشوف السيارة اختفت : بلللل .. ما اسرع ! محمد ( اللي توه يلس جدام ) : افا عليج .. فالخدمه دومنا الريم ( نقزت ) : يمه !! خرعتني ؟! محمد : ههههههه ... ما عليه .. ما هقيتها منج .. جاني انا اخرع ! الريم : لا والله ما اقصد هههه .. بالعكس .. انته جميييل .. جميييل ( بسوالف تقولها ) محمد : لا والله .. تتطنزين حظرتج ! ما عليه .. مردوووووووده يا بنت العم هههههه .. الحين انا بخليج ع راحتج بس عشان الامتحانات بس ..! يالله كم باجيلكم بعد ! الريم : يومين ونفتككككككك .. محمد : لا خلاص عيل .. ومن تخلصوون .. انا عازمنك ع ظهره لا صارت وان استوت .. والشهاده .. لين يبتيها .. ونسبتج كانت فوق الـ 93 لج مني هديه ! الريم : لا حرام عليك .... لو الااجواء تساعد بنقول ... محمد : يالله ما عليه هونيها وتهون يا بنت العم ^^ وهني ركبو الشله الكريمه وبعدها .. توجهوا للبيت مبااشره ! .. .. في فلة من اكبر فلل دبــــــي وافخمهم ..! ابو سعود : خلاص يا عوشه .. كل شي انتهى ! عوشه : حرام عليك يا بو سعود ! مهما كان هاييل عيالك مالهم ذنب بعد ابو سعود : الذنب على امهم .. ااخ يالقهر .. تصدقين انا لين الحين مو قاهرني حد كثر سعود ! عوشه : يا راشد .. فديتك .. صح اني اغار بس بعد لو كنت مكان مرتك الاوليه جان سويت اللي سوته .. عيل عيالك كل واحد هايت فصووب وانت ولا داري ابو سعود : اووهوو .. انا خالص من هاييك ومن حشرتها .. اتيني انتي بعد عوشه ( اللي خافت ان مصيرها يكون من مصير ام سعود ) : خلاص. . خلاص اسمحلي .. ما بعيدها مره ثانيه .! ابو سعود : ووينهم عليا وروضه عيل ! عوشه : عليا طالعه ويا ربعها .. وروضه بعدها ما يت .. انت تدري امتحان كيمياء اليوم عليها ابو سعود : حليلها .. يالله موفقه !! و عليا .. ديري بالج عليها يا عووشه .. تراني هالبنيه ما ارتاح لطلعاتها الزايده .. عوشه : ان شاءالله .. من عيوني .. وهني ابو سعود توه بيظهر بس تدخل روضه ..! روضه : السلام عليكم ! ^^ ابو سعود : وعليكم السلام والرحمه ؟ اشحالج يا بنتي ؟؟ شو سويتي فالامتحان روضه : فلحت الحمدلله .. ابو سعود : شدي حيلج ها والهديه اللي وعدتج فيها موجوده روضه : صج والله ! ابو سعود : اكييييد ...! يالله عيل انا الحين ساير الدوام شوي .. وبرد لكم عقب ^^ عوشه + روضه : الله وياك ..! .. .. .. بما ان وصلنا لحرمة ابو سعود ( عوشه ) : هاي الحرمه الثانيه ...! خذاها بعد وفاة ربيعه الروح بالرووح سعيد وهالشي صار من سنين ! وروضه وعليا هم بنات سعيد .. بس يوم توفى ابوهم كان عمر عليا 10 سنوات وروضه 7 سنوات .. وعقبها ابو سعود اتزوج عوشه .. عشان يستر عليها ويربي عيالها .. بس طبعا عليا ما تقبلت فكره ان يكون لها ابو غير ابوها سعيد .. اما روضه فهي اندمجت ويا ابو سعود ...! .. .. فبيت ابو صقر ع الغدا الكل متيمع ما عدا حميد ..! ام صقر : صقر يا ولدي جان وعيت حميد يتغدى ويانا الريم : حميد هني !!!!! صقر ( اللي سارع فالرد بسررعه ) : هي بس هو تعبان شويه !! يعني محد يقدر يشوفه الحين جواهر : ليش ؟! انا خاطري اشوفه .. ولهت عليه ! محمد : خلاص جواهر فديتج .. بتشوفينه بس مو الحين .. هو اكيد تعبان وراقد .. يوم بيقوم .. بتشوفونه الريم ( بصوت واطي ) يا ربي .. شكثر حنون هالانسان !! محمد ( من بد كل اليالسين سمع ... ولا خوز عينه عن الريم من الوناسه ) : احيم .. كح كح .. الريم : حلووو .. محمد : ع قلبج فاطمه ( متعمده ) : كح كح .. يوسف : مررررررررر .. هههههههه .. .. قام من رقاده ,,,, حس بألم فظيع .. [ يا ربي .. انا وين ! شو صاير ؟! اااخ .. راسي بينفجر ! اووف .. بعد ما قام من مكانه .. حس بدوخه رد يلس شوي ع السرير .. بس بعد اصرار رد وقام مكانه !! الغرفه هذي مو غريبه عليه .. بس حاس وجنه اول مره يشوفها ّ!!! وبعد ما ظهر للصاله .. واتأمل المكان ..... تذكر انه بيت عمه بو صقر !! استغرب من وجوووده فبيتهم .. حاول يتذكر أي شي من قبل لا يقوم من رقاده .. بس ما قدر .. حاول يتذكر .. حاااول وحاااول ... بس ماشي فاايده ....! وتووه واقف صوب الباب وجنه ناوي يطلع ... بس ما حس الا وايد على جتفه : بعد ما كفاك اللي صار ؟؟!!!! حميد ( وهو يصد .. وحده منصدم ) : الريم !!! .. انتي شتسويين هني ؟! مب مفروض تكونين فالبيت ولا ما عليج امتحانات ! الريم ( بضحه استهزاء ) : هيه معلوم .. وانته ولا داري ... ما عاد لنا بيت يا حميد ...! بيتنا انهدم خلااص !! حميد ( مب مستوعب ) : كيف انهدم ! انتي شتخربطين ! الريم : هه .. عن اذذنك وراي مذاكره !!! راحت الرين بدون ما تعبر حميد .. بدون حتى ما تعطيه فرصه لانه يسألها ..! حميد ( فمكانه متصنم وبعده يفكر بالموضووع ) : بللل .. انهدم مره وحده ! كمل حميد طريجه .. وظهر بدون ما يستفسر حتى عن اللي صار ... واول واحد طرا ع باله من ظهر من البيت هو علي ...! { .. ااخ .. شكثر مشتاق لهالانسان ! .. خلني ادق له احسن ... ( وتوه بيدور مبايله ... ما حصله !! ) اوف يمكن نسيته فالبيت .. خلني ارد اشوف المبايل عيل ! ... رد حميد البيت مره ثانيه .. وبعد ما دخل الغرفه .. ودور بكل مكان ما حصل مبايله !! دخل صقر عليه فجأة : ههه .. جنك اتدور شي !! حميد ( بلا مبالاة .. وبعده يفتح ويسكر فالادراج ) : ما شفت مبايلي !! صقر : اتذكر وين نسيته امس .. وانا بعطيك اياه ! حميد : اووف .. صقوور طلع المبايل .. والله مالي خلقك ! صقر : مب قبل ما تتذكر وين نسيته امس حميد : وانا شدراني .. صقر والله مفووول ع الاخر ,, وراسي شوي وبينفجر صقر : هي مب من شي .. من السم اللي شاربنه ! انت شووه ؟؟ ما تخاف ربك ! ساير المقبره بالليل وانت شاارب !" .... مسولنا فظايح حتى فالشرطه ... ما سألت عمرك شو اللي يابك هني !! حميد ( وبعده مب مستوعب ) : انا !! اشرب !! صقر : هيه .. شي طبيعي ,, الحرامي ما يقول انا حرامي ,, ع العموم انا اليوم ما طلعتك من الشرطه الا بغرامه وواسطات وحاله ! وان دخلت مره ثانيه للسجن .. فمكانك بيتم هناك ! ما بتطلع منه حميد : لحظه ! لحظه ! .. وانا شو مدخلني الشرطه ! صقر : حارس المقبره .. شافك وانت راقد صوب مقبره حبيبة القلب ! وبلغ عليك حميد ( والحين وجنه رد يذكر السالفه ) : الهام !!!!!!!!!!!!! .. .. فالشركـــه . ابو سعود ( بدق ع السكرتير عبدالله ) : الووه .. عبدالله .. تعالي بسرعه المكتب .. عبدالله : ان شاءالله عمي ...! .. .. وبعد ما يا عبدالله عند ابو سعود ابو سعود : اقولك عبدالله ! عبدالله : اامر عمي ! ابو سعود : سعوود ,, ما داوم عبدالله : لا عمي صارله يومين تقريبا ما داوم ,, بس اليوم يا الصبح وقدم ورقة استقالته ! ابو سعود ( بصوت واطي ) : ااخ منه .. صج انه ما يستحي على ويهه عبدالله : نعم عمي ......! ابو سعود : لا ماشي .. خلاص تقدر تروح مكتبك ..! عبدالله : ان شاءالله .. عن اذنك .. .. .. فبيت ابو علي سلطان يالس ويا سيف سلطان : سيفووه ! تصدق اني مب طايق عمري موليه ! حاس بضيجه من الخاطر سيف : انا بعد والله .. قم نظهر شوي سلطان : وين نروح .. ولا انت ناسي الامتحانات ! سيف : والله اذا انت ناجح تراني ظامن الدور الثاني .. من الحين قايللهم يحجزون لي كرسي سلطان : لا سيفوه تحمل .. انت تبا ابوي يموت مره وحده !! شد حيلك سيف : يصير خير .. يالله قوم نظهر سلطان : وين ! سيف : اممم شرايك نسير المول سلطان : صج انك فايج ! روح روح فج لك اكتاب احسن لك وتوه سلطان بيظهر من غرفه سيف .. بس يدخل ابو علي ... اللي انصدموا سيف وسلطان من ييته !! سلطان : أ..أأأ..أأ .. ابووي !! ابو علي ( بصوت يالله يالله ينسمع ) : وين رايح سلطان .. تعال ايلس ! ابا ارمسكم شوي سلطان : ان شاءالله يبه !! ابو علي سار يلس حذال سيف وسلطان : اشحالكم ! سيف وسلطان ( يطالعون بعض مستغربين من اسئلة ابوهم ) : بخير . ابو علي : من زمان ما شفتكم سيف : وانت تطلع من غرفتك اصلا ! سلطان ( يقرص سيف ) .. وبهمس : انت ما تعرف تيود لسانك .. ابو علي ( اللي سمع ) : خله يقول اللي فخاطره يا سلطان ! سيف : ابويه ..! نحن صح ان فقدنا قمر هالبيت .. بس النجوم موجوده يا ابوي ! سلطان ( مبطل حلجه .. مستغرب من رمسة سيف ) : بللل .. صرت شاعر يا اخوي .. ابو علي ( بظحكه خفيفه ) : ههه .. طالع على اخته ... ( وبعد ما مسح دموعه ) الله يرحمها ..! سيف : ابووي .. وفر دموعك الله يخليك ! سلطان : ابوي .. كم تسوى هالدنيا ,, شوف .. صحنا وصحنا .. بس لو صحنا الهام بترجع لنا مثلا ! ابو علي : مو هذا موضوعنا يا عيال ..! سلطان .. سيف .. انا ياينكم هني .. عشان اقوللكم تشدون حيلكم فالدراسه ! وارد اقوللكم .. دراستكم .. دراستكم .. دراستكم .. سلطان ( يهمس لسيف ) : وتبا تيب دور ثاني ها ! ابو علي ( يسوي روحه ما سمع ) : واللي اييب دور ثاني .. لا يراويني رقعه ويهه .. سيف : افااا .. افااا .. يا ابوي ... وانت بعد يالمقرود لازم تفظحنا .. سلطان : انا ما قلت شي .. انت اللي فظحت عمرك .. ابو علي : ههه .. يالله انا اخليكم .. ذاكروا عدل .. ما بجالكم غير يومين ! فأحد المقاهي .. علي وحميد يالسين يسولفوون .. علي : اشحالك يا اخوي ! عساك ع القوه ! حميد : يالله الحمدلله ع كل حال علي : اتصدق مستغرب انك زقرتي لهني !! حميد ( ببرود ) :عادي مافيها شي .. ولهت ع ربيعي ! علي : وانا بعد ولهت ع سديقي هههههههههههه حميد : بللل .. بعدك تذكر هالكلمه !! ميودها علي للحين علي : اكيد ههههه .. هممم خير حميدووه ! شكلك تعبان .. ظعفان يا ريال .. تسوي رجيم من ورانا ! حميد : ههههه .. هي هي رجيم طبيعي .. علي ( بحس فكاهي .. يحاول ينسي حميد اللي فيه ) : ها شو السر ! عطنا الوصفه ! يمكن تخف علينا الكرشه شوي هههههه حميد ( خذاه فكره لبعيد .. وجنه سرررح ) : يوم بتفقد انسان غالي ع قلبك بتعرف ! علي ( يحاول يغير السالفه ) : تعال .. اخوك سعود شحاله ! امسات شايفنه فالمستشفى هو وولده جنه ! عسى ما شر حميد : صدق والله !! شو يسوي فالمستشفى ! علي : ما ادري والله .. وبعدين تعال انا اللي اسألك ولا الظاهر انت ولا داري باللي حاويلك .. يا اخوي .. شوف اهلك .. ايلس وياهم شوي !!! حميد ( اتذكر يوم الريم تقوله ان البيت انهدم ) : خلها على الله يا (وحب يغير الجو ) سديقي علي : ههههههههههه ... ياخي احبك انا ههههه حميد : وانا اكرهك ههههههههه علي : اشكرك هههه .....! وما يقطع ع سوالفهم .. الا صوت راشد .. اللي كان مار حذالهم وشافهم بالصدفه ! راشد : اووه .. مرحب بالشباب ..! حميد ( احلى طااف .. بعد ما صد ويهه .. ولا جنه شاف شي ..! ) علي ( حايس بوزه !! ) : نعم !! بغيت شي !! .. .. sToOoOoOoOoOoOoOoOoOoOoP منو هي عوشه ! ومنو هم روضه وعليا ! تتوقعون لهم دور فقصتنا !! حميد بيقدر ينسى الهام !! سعود وولده شو يسوون فالمستشفى ! |
يسلموووووووووووو |
مشكوره ياحبوبه على القصه الرووعه .. ونتريا منج التكمله بفارغ الصبر ... |
تسلمين على القصه |
تسلميــن حبوبه على القصـــهـ ..نتريا البارت الي بعده حطيه تراني متحمسهـ .. |
تسلمين الغاليه على القصه اللي اكثر من روعه ابدعتي وبانتظار البارت الياي |
مرحبآ ماشاء الله القصه كثير حلوه ثآنكس على الطرح ونترقب البآرتات الجآيهـ منو هي عوشه ! ومنو هم روضه وعليا ! تتوقعون لهم دور فقصتنا !! عوشه حرمة ابو سعود وروضه يمكن خوية الريم بالمدرسه وعليا اتوقع اللي كان يعرفها حميد^^ حميد بيقدر ينسى الهام !! اممم مآظن ينسآه لكن يكمن يعيش حيآتهـ مثل مآطلبت منهـ سعود وولده شو يسوون فالمستشفى ! آكيد الولد مريض اما مدعوم ولا مصخن<<قولي قسم بإنتظآر البآرت :13: |
متحمســـهـ ابا القصــهـ كل يوم ادخـــل عسب اشوف نزلتي البارت ولالا |
وووووووين وييين البارت ماشالله ابدعتي القصه طرررررر نتريا البارت الياي |
مرحب .." وـآخيــــِرا {ن } نزل البـآإرت ههَ عـ العموووم يسلموو حبووبه ونترقــب البـآرت اليـآي ^.* |
تسلمونـ عـ المرور الـــــــــــــــغــــــــــــــأووويـ... وسموحهـ منكمـ... وبعد دقايق راح يكون البارت بين ايديكمـ |
{.. البــْــٍـــُـاأإرتٍ 22 .. .. فالمستشـــــــــفى كان سعود هو وولده الصغير محمد هناك ... وين ما شافهم مروان .. من ناحية مروان .. حب يتجاهل الوضع ولا جنه شاف سعود ....! اما سعود فهو طول سار صوب مروان وبادر بالسلام .. سعود : مرحبااا الساع .. هلا مروان ... اشحالك يا اخوي ؟! مروان : اوه .. هلا سعود .. والله لابااس .. وانت عساك ع القوه ! سعود : الحمدلله ع كل حال يا اخوي ...! بعدين تعال انت وينك .. من عرست وانت قااطع ! كل ما ادقلك ما ترد ومن اسأل عنك يقولون لي مالك خبر !!!!! مروان : أ.أ.أ تعرف بعد يا اخوي مشاغل الدنيا ... ( وحب يغير الموضوع ) خير عسا ما شر ؟! شو عندك فالمستشفى !! سعود : والله شقلك .. ولدي هني تعبان شوي .. محموم وحالته حاله مروان ( منصدم ... ااخ ... هذا الولد .. كان يمكن يكون لي .. >> وتوه يستوعب الموضوع ) : أأ.أأ. .. ولدك ؟؟ أ.أ. ماشاءالله .. ع العموم سلامات ما يشوف شر ان شاءالله ... ( وحب يتهرب ) ع العموم انا استأذن ! سعود : وين يا اخوي !! انا ما صقت على الله اشوفك !! خاطري اسولف وياك شويه !! .. تعال ما خبرتني .. انت شو عندك فالمستشفى ! مروان : والله .. ياي ازور ربيعي .. مسوي عملية الزايده ...! سعود : ايواا .. زين بتخبرك .. رقمك نفسه !! ولا غيرته ! مروان ( ما عرف شو يقول ) : لا غيرته ! سعود : زين عطني رقمك ... لازم نتشاوف ..! مروان ( ماله مفررررر ) : *******050 يالله عن اذنك .. انا مروح .. ورايه دوام باجر من الصبح ! سعود : الله وياك .. .. .. خلصت فترة الامتحانات ..... والكل على اعصابه ... فانتظار الشهاده ...! حميد حالته ما تغيرت .... يحاول يتناسى الهام باي طريقه ,, بس طيفها يلاحقه فكل مكان .. للحين مالقا السبب اللي يخليه ينسى الهام !! اما علي .. فهو بدا يرمس ابوه شوي شوي ... وصقر فهو يوم عن يوم وناسته تزيد للمولود اللي ياي بالطريق .. وللحين ما فتحوا سالفه الحمل لاحد ... لا هو ولا شوق ...! الريم .. محمد يحاول على قد ما يقدر ينسيها ارتباكها عشان الامتحانات .. ام سعود مافي أي اخبار عنها .....! .. .. اما فبيت ابو سعود .. وبالتحديد بيته الثاني اللي فيه عوشه ...! كانت روضه سايره تيلس فجناح اختها عليا عشان تسولف وياها ..! روضه : ااخ والله .. ما تعرفين شكثر الحين انا مرتبكه ...! ما بجا شي ع ظهور النسب ! عليا ( وهي تصبغ اظافرها بالمانيكير ولا جنها مهتمه ) : اها .. زين روضه : يا ربي .. الحين ابويه راشد واعدني ان يبت نسبة زينه عليا ( اللي عصبت وقاطعتها ع طول ) : ابوج فعييينج .. كم مره اقولج .. ان هذا مو ابونا ... نحن ابونا اسمه مبارك سعيد الـ ***** ,, انتي شفيج ما تفهمين !!!!!!!! روضه ( انقهرت ) : لا والله !! الحين صارله سنين وهو يربي فينا وحالته حاله ! كيف ما تبينه يكون فحسبة ابونا ! عليا : اووف .. شوفي عاد .... انا عندي ابو وااحد ...... ولا ارضى بغيره .. اوكيه ... وتدرين شو ! قومي انجلعي برع .. روضه : الغلط مو منج .. الغلط مني انا اللي يايه اسولف وياج ! بس ماعليه .. مرادج بتيني عليا : جان ييتج ! ( وترد تعابل اظافرها ) صكي الباب وراج لو سمحتي .. طلعت روضه من غرفة عليا .. وحدها منقهره !! [ اوف الحين هاي اخت !!! هاي ! .. استغفر الله .. شو هالانسانه اللي صايره ما تنطاق ؟! ] .... سارت روضه للصاله وين ما شافت ابو سعود .. قاعد يقرا فالجريده ....! روضه : كح كح ..... انا مني ....! ابو سعود ( ويفصخ نظارته ) : هلا هلا بالغاليه .. تعالي ماما يلسي ..! روضه : اشحالك يبه ! عساك طيب ؟! ابو سعود : مدامي شفت هالويه الحلو .. اكيد طيب روضه : ههههههههه .. لا لا خلاص بكبر راسي مدام جي السالفه ! ابو سعود : ههههه تستاهلين وزووود ! روضه : عيل وينها امايه ! ابو سعود : ظني بالمطبخ .. تزهب الغدا .. روضه : والطباخ !! ابو سعود : وشعنه الطباخ مدام امج موجوده ! روضه : ها ها شو هنيه ههههههههههه ! المهم ابويه شرايك نطلع اليوم ! ابو سعود ( اللي ما اقتنع بالفكره ) : أ..أأ .. ليش ! روضه : شو ليش بعد ! .. والله انا ملانه يبه ! فخاطري اطلع وياك .. لو مره وحده بس ! وبعد الحنــــــــــــــــــــــــــــــــــــــــــــــ ـــــــــــــــه ابو سعود : خلاص خلاص .. لا تحنين وايد .. بس خلاص على امرج الشيخه .. وين تبينا نسير ! روضه ( بعد تفكير ) : همممممممم السينما ابو سعود : ول .. انا فعمري ما دخلت السينما ويا عيالي ...! روضه ( حطت بخاطرها ) : اها يعني ليش اني مو من عيالك ! .. خلاص ما عليه .. عن اذنك روضه توها بتقوم من مكانها عشان تسير غرفتها ابو سعود ( ايودها من ايدها وايرد ايلسها ) : يلسي زين .. خلاص على امرج .. بنسير السينما .. شتبين بعد ! روضه : ههههههههههه .. ماشي .. سلامتك الغالي وهني تدخل عوشه .. عوشه : يالله يا راشد .. الغدا زاهب .. روضه فديتج .. ازقري اختج وتعالو .. ابو سعود : لا ما عليه .. خذي روضه وسيروا .. انا بزقر عليا ...! .. .. فغرفه عليا .. وبعد ما دق الباب .. عليا : اتفضل .. ابو سعود : احم .. اشحالها القمر اليوم ! عليا ( بدون ما تعبره ) : كنت زينه ابو سعود : هي .. زين فديتج قومي امج نجبت الغدا ..! عليا : مالي نفس .. عليكم بالعافيه .... ( زقووم فبطوونكم ان شاءالله ) ابو سعود ( يحاول يسايس عليا باي طريه ) : امممم .. انزين شرايج اليوم اتين ويانا السينما انا وروضه ! عليا : اليوم بظهر ويا رفيجاتي ابو سعود : ايواا .. عيل خلاص .. انا الحين بسير عنج .. واذا شي فخاطرج ما يردج الا لسانج عليا : عندي اللي يكفيني وزود . ظهر ابو سعود من حجره عليا .. اما عليا .. فهي تمت من صوب تعيب على ابو سعود ...... وتتحرطم من صوب ... ومن القهر اللي بداخلها .. مالقت غير المخده اللي حذالها وفرتها باقوى ما عندها ,,,,,,,,, عليا كانت دلوعة ابوها مبارك .. كانت ما تفارقه ولا لحظه .. حتى فدوامه كانت كل ساعه تحشره وتدق له وتخرب عليه اشغاله ...! بس من راح .. كلشي اختفى بحياتها .. ما عادت تعرف معنى للطيبه ولا لحسن النيه !! وخاصه بعد ما تزوجت امها راشد .. كانت حاقده عليه من الخااااااطر .. وصارت مثل ما كانت تكره ابو سعود .. تكره امها بعد !!!! ... ومن يومها ... وهي تدور أي شي على ابو سعود ... وفالنهايه مالقت غير حميد ... اللي ما طاعت انها تظيع أي فرصه الا وهي مأذيته .. ومن ناحيه ثانيه .. كانت ساره الحل لوحيد عشان تقدر تخرب حياة حميد ........ وبعدها راشد ..! وحتى علي .. كانت كل ظرابات علي ويا حميد بسبب عليا ... كانت تدق لعلي من تحت لتحت .. وتزيد له كلام من عندها .......! .. .. فبيت ابو صقر بعد الغدا .. كلهم تيمعوا فالصاله وتموا يسولفون شوي .... لين ما توكل صقر ومرته وساروا يرقدون .. وام صقر بعد ما قدرت تقاوم التعب .. و توكلت لحجرتها عشان ترقد ..... وتموا فالصاله العوده جواهر وفاطمه والريم ومحمد ويوسف ويعقوب ....! يوسف : هممم حمود .. قوم العب وياي ورق فالميلس .. محمد : اونك يعني بتفوز علي ... فاطمه : نحن نحن بعد بنلعب وياكم .. جواهر : هي نحن بعد نباااا .. يوسف ( وهو يطالع الريم ) : وانتي ! الريم : ما عندي مانع يعقوب : مانع ولا دواس هههههههههههه فاطمه ( تتطالع يعقوب بنص عين ) : اسميك مغبرررررر .. محمد : انزين .. يالله طوفوا خلونا نسير الميلس ...! .. فالميـــــلس .. وبعد ما الريم ويوسف يابو السويت والعصاير وهالخرابيط .. تيمعوا كلهم وتوزعت الاوراق ....................... وبدت اللعبة .! جواهر( بصوت واطي تأشر لفاطمه ) بس بس .. فاطمه : جواهر .. شو بسبس بعد ... استغفر الله .. تبيني اغششج يعني ! محمد : انتو اسكتوا شوي .. يالله ريمو دورج .. العبي .. وبعد ما لعبت الريم يوسف : يسسسسسسسسسسس .. عاشو جواهر ( حست بالملل ) : اوف .. ملل اللعبة ....! ( وعقت الاوراق ) وفاطمه وراها فرررت الاوراق .. الريم : خخخخخ وانا وياكم ..! محمد : تدرووون شووو ! يوسف : شووو ! جواهر وفاطمه ( بفظول ) : شووووه ! محمد : اممم .. اليوم عازمنكم عالسينما انا .. نفر نفر ! شرايكم ! الريم : هممم انتوا سيروا انا مالي خلق ..! يوسف : افاااا .. الطعه بدونج يا بنت العم ما تسوى محمد ( بغيره ) : كح .. احم ... .أأ.. احم ... فاطمه ( حايسه بوزها ) : فهمنا .... يسووف .. مالك خص بريمو تفهم ولا ! الريم ( استحت .. بس بعد ما كان لها خلق ) : هههههه .. عن اذنكم بروح غرفتي ! فغرفة الريم ... الريم ما وقفت دموعها ابد ...! اللي يظحك واللي مستانس .. واللي واللي .. وهي حالتها حاله !! لا ام افتكرت فيهم .. ولا ابو سأل عنهم ... ولا اخوان فيهم خير !!!! ( تذكرت فجأة حميد ) [ حميد !! ( وردت تصيح ) ما ادري شو حالتك يا اخوي !! والله اني ولهت عليك وعلى سوالف ....(وبعد ما مسحت دموعها ..... قررت انها تدق لحميد ) التلفون يررررن ... يرررررن ... بس ماشي فايده ... ما يرد عليها الريم ( يا ربي .. هذا ليش ما يرد !! والله اني خايفه عليه !!!!!!!!!!!!!!!! ) وتوها الريم بترقد من التعب والا يرن التلفون ....! الريم : الوووه !! حميد : أ.أ هلا ريماني ..! الريم : زين انك تذكر اسمي ع الاقل l .. حميد ( يغير الموضوع ) : اشحالج ! الريم : ما اظن ان حالي يهم حد !! حميد : ريمو ليش تقولين جي ! الريم : وشو تباني اقول يعني !! وجودي والعدم واحد !! حميد : ريمو .. شو فيج ! حد مضايج فيج الريم : حميد ... انت وين ! والله ولهت عليك ( وهني ردت لنوبة صياحها ) شو ها !! لين متى نحن بنتم يالسين هني ...! لا محرم ولاهم يحزنون ! صح انهم عيال عمنا بس بعد !!!!!!! ولا انت ما عندك غيره ع خواتك يا حميد ! خاف ربك حميد : ليش تقولين لي هالرمسه !! وين ابوج .. وين اخوج العود ! حميد : لاني اعرف انك احسن عنهم .. واعرف انك اعقل منهم .....! حميد .. خلنا نشوفك ! دخيلك ياخوي ...! حميد : خلاص حبيبتي اللي تبينه .. اليوم بييكم البيت الريم : همم لا لا .. بنروح السينما اليوم انا وانت ومحمد ويوسف وجوجو وفطيم ..! اوكيه حميد : بل بل العايله الكريمه ! ريماني مب متفيج لحنتهم دخيلج ! الريم : الله يخليك ......! اترجاك حميد ... حميد : خلاص اشوفكم هناك عيل ! .. .. عقب المغرب ... ظهروا كلهم فسيارة محمد ! جدام يوسف ومحمد وورا الريم كانت سالسه ورا محمد .. وفالنص جواهر .. وورا يوسف فاطمه ...! اما يعقوب فهو ما صار له نصيب انه ايي وياهم لانه سار بيت ربيعه .. فالسيــــــــــــــــــــــــــــاأإرة يوسف : اقلك محمد .. وين السيدي اللي مكتوب عليه الوسمي ! كان هني فالسده ! محمد : همم ما ادري .. بس تدري فالسده بتحصل سيدي مكتوب عليه رقم 113 .. حطهـ وبعد ما تم يوسف يدور وحصل السيدي ... حطاه ... وكانت اول اغنيه [.. غرنوقه ! محمد ( وهو يطالع الريم من المنظره ) : اهداء لناس عيونهم سود ووساع ( قاصد الريم ! ) من صوب الريم ... تظايجت من حركات محمد .. صح انها تبادله الشعور من صغرها .. بس بعد من رايها مو من المفروض انه يستغل ظعفها وياخذ راحته وايد ..... كانت فاهمه انه ما يسوي هالشي لان ما عندها لا ابو يوججها ولا اخوان يغارون عليها !!! الريم صايره حساسه من السالفه .. بس بعد ما قدرت تجرح محمد ولا تقوله أي شي .. ولا لقت غير انها تبتسم له ابتسامه ذبل معناها ..!! .. .. بعد ما وصلو السينما ...! وهناك تموا ينطرون حميد .. وفجأإأة شافو ابو سعود ياي ويا بنت صغيره فالسن ... !!!!! الكل فهم على انها مرته !!!! الريم ما قدرت تيود عمرها ... نزلت دموعها غصب عنها .... يوسف ( بهمس ) : خيبه ... هاي شكلها اصغر مني بعد !!!!!!! وبعد ما قرب ابو سعود ..... ولاحظ وجودهم !! ما عرف شو يسوي ...! بس الريم ما قدرت تيود عمرها .. ع طول سارت صوبهم .... ولا قدرت تيود لسانها الريم ( وهي تشوف روضه ) : انتي يالله ما تستحين على ويهج !!! .. انتي اللي خذيتي ابونا منا !! عنبوج ما تستحين على ويهج ماخذه واحد كبر ابوج ! انتي شوه ! ( وهي تأشر ع عقلها ) : هذا ما يشتغل عندج .. روضه ( منصدمه ) : ابوووويه !! منو هاي ؟ الريم ( وحست عمرها بتطيح ) : ابويه !!!!!!!!!!!!!!!!!!!!!!!!!!!!!!!!!!!!!!!!!!!! وع طول سارع حميد .. اللي من وصل صوب السينما .. ولاحظ وقفة الريم ويا ابوه ! حميد : خير !! شصاير !!!!!! انتو تبون تتظاربون جدام الخلق ! ابو سعود ( يود راسه ) : خلاص خلونا نروح البيت .. عشان اعرف ارمس !! حميد ( ومب عارف شالسالفه !! وفوق هذا مو مهتم !! ) .. .. فبيت ابو صقر ابو سعود : يا عيال .. هذي روضه ... بنتي ! جواهر : كيف ! متى ! الريم : الحين انا عندي اخت كبري من سنين وانا ما ادري روضه ( اللي حبت توضح لهم ) : لا يا ريم .. انا مو اختج ... انا بنت ربيع ابوج .. بس ابوج متزوج امي من سنين .. واهو اللي مربني ...! ومن جي يعتبرني بحسبة بنته ! ابو سعود : من عقب ما توفى ابو روضه وعليا ... مبارك .. اللي تعرفونه !! انا تزوجت امهم .. ما كان يرضيني اني اشوف عيال ربيعي جي صدقوني !! حميد : وفي عليا بعد !! روضه ( بصافي النيه ) : من متى وانا خاطري اشوفكم ! كان ودي اني اتعرف عليكم .. بس ما كان لي نصيب واليوم يا .. عشان كل شي يبين !! ام صقر ( وهني ما قدرت تسكت ) : وام سعود ! ابو سعود ( اللي تظايج من الموضوع ) : ام سعود هي اللي اختارت هالشي .. وانا مستحيل اكلمها ! ام صقر : والعيال يا اخوي ! ابو سعود : لو سمحتي ام صقر .. هالموضوع ما ابغي ارمس فيه ! جواهر ( حست بحقد اتجاه روضه وعليا اللي كانو يرمسون عنها ) : لا والله ! وليش ما ترمس فيه ! ترا نحن بناتك بعد ولا خلاص ما تبانا روضوع وعلايوه مكفين ! ابو سعود ( عصب ) : انتي بعدج ما تأدبتي !!!!! لسانج هذا ما يقصر ! جواهر : روحوا زين ( جواهر شلت وظهرت للحديقه ) يوسف اتحراها بتظهر من الفلة .. وع طول ركض وراها هو وفاطمه حميد : والحين شو ! روضه ( منزله راسها ) : الظاهر مافي امل لانكم تتقبلون وجودنا فحياتكم !! حميد ( اللي قاطعها ) : ليش تقولين جي بالعكس والله ! الريم ( استغربت من حميد !! ) : روضه ! انتي مالج ذنب .. بس نحن بعد مالنا ذنب .. حرام عليك يا ابوي ! يرضيك ان نحن عايشين فبيت عمنا ( وتوجه كلامها لام صقر ) : والله يا خالو انتو مو مقصرين علينا بشي .. بس نحن بعد يا ابوي نبغي ناخذ راحتنا فبيتنا !!!!! ابو سعود ( مب عارف شيقول ) : انتو يلستكم هني لهالفترة احسن لكم ! لين ما نشوف شو اخرتها ! حميد : ابويه ! سعود وينه عيل ! ابو سعود : ما ادري فيه .. العنه تلعنه هذا جانه ولا افتكر .. الريم : حرام عليك يا ابوي !!!! ( الريم .. حست بظيجه من الخاطر على اسلوب ابوها .... وع طول شلت بعمرها هي الثانيه وسارت للغرفه ولحقت وراها روضه ) روضه : حبيبتي ريمو ...! دخيلج لا تصيحين ! صدقيني كل شي بيتصلح الريم : بعد شوه ! خبريني .. ابوي معاند من صوب .. وامي مكابره من صوب روضه : ما عليج .. مراده بيحن .... مو معقوله تهون عليه عشرة هالسنين كلها !!!! الريم : ربي يسمع منج ( وهني تمت الريم تحضن روضه اللي حست وياها بالراحه .. كانت فيها نفس طيبة الهام ! ) .. .. يتبع >>>>> البارت ما خلـــــــــــــــص |
تـــــــــــــــــــــــاأإأبـع {................. تكملة البارت 22 .. .. بدون شك بان الشمس بتشرق من يديد وبشروقها راح تعلن عن بدايه يوم جديد يتجدد الحزن ورى الظهور والامل والتفاؤل وحتـــى الاستعداد لبدايه اليوم بيكون طريق مجهول ...؟! فتحت الريم عينها ... والتفاءل كله متجمع بدمعة طاحت من عينها ...[ يالله بس متى نرد لبيتنا وارتاح !! متى كل شي بيعتدل !! مليت من العيشه والله اني تعبت نفسيا !!! ..... يالله , اسغفر الله ! استغفر الله . استغفر الله ] .. .. قامت الريم من سريرها ... وبعد ما اتسبحت وتوضت .... صلت الظهر ونزلت للصالة وين ما كانت ام صقر يالسه هي وشوق ! الريم : السلام عليكم ام صقر : وعليكم السلام .. شوق : وعليكم السلام .. يا مساء النووور ^^ .. ام صقر : قربي بنتي تعالي يلسي ويانا الريم : قريبه خالو ..الا اقول وين جواهر ! ام صقر : سارت هي وفطيم ويوسف بيت عمهم عند حصه وحمدان من الصبح ! الريم : اهاا .. زين .. شوق : همم اقول ريامي شرايج تظهرين ويايه اليوم ! ام صقر : جي وين سايرين ؟! شوق : لا ماشي عموووه .. بس بسير اتشرى شوي الريم : هممم خلاص برايج .. انا فاظيه اليوم ! بس خالوه انتي بتمين بروحج فالبيت !! ام شقر : لا ما عليج فديت روحج .. انا بظهر بعد اليوم .. عندي شغله .. الريم : خلاص عيل .. غايته ^^ .. .. عقب صلاة المغرب .. وعقب ما اتزهبوا الريم و شوق .... ظهروا للمستشفى .. عشان موعد شوق والريم طبعا مثل الاطرش فليلة الزفه ...!!!! ما تدري شالسالفه ؟! لين درت بحمل شوق .. طارت من الوناسه ..! الريم : يالله ما اصدق ... شووق ... بتصير ام !! يا هالدنيا دوااره ! امسات العب وياج فالسكه والحين بيصير ععندج عياال !! خخخخخ شوق : هههههه شفتي عاد ... يالله ما عليه .. الدور ياي عليج .. في ناس حاطين عينهم عليج ! الربم ( مستغربه ) : انا ؟!! شوق : تستغبين حضرتج ؟!! ولا اونج ما تدرين ان محمدووه هذا بيموت فيج ! كل اللي فالبيت يدروون خخخخخخخخخ الريم ( استحت ) : اسميه فظحني فظيحه ها .. عالعموم ما علينا .. بمناسبه حملج .. انا عازمتنج ع العشا !! شوق : اي عشا واي خرابيط !!! يالله خلنا نسير البيت عن يتريوونا هناك !! الريم : افااا .. ترديني يا بنت العمه ! ما هقيتها من ج الصراحه ؟!! شوق : زين .. شبقول بعد ! بس خليني بدق حق صقوووري .. حبيب ألبي الريم ( تعيب ع شوق ) : صقوري حبيب ألبــي .. امحق .. انتي الطيب ما ينفع وياج .. يالله طوفي جدامي شوق : لا والله .. الحين بخبر عليج صقر عيل خل ايي يأدبج خخخخخخخخ الريم : وانا عندي محمد بزقره يدافع عني ...! شوق : حسيبج .. محد بيسوي فتنه بين الريال واخوه غيرج ههههههههه الريم : حسيتي هههههه .. .. فبيت اهل ام سعود .. كانت ام سعود يالسه ويا ام صقر فالميلس الخاص بالضيوف ..!وبعد ما ضايفتاها .. وحطتها الحلو ..! ام سعود : هذي الساعه المباركه فديتج ^^ .. اشحالج الغاليه ؟! ام صقر : والله الحمدلله .. الدنيا ماشيه ياختيييه .. ام سعود ( بنبرة حزن) واشحالهم العيال ؟! ام صقر : حالهم ما يسر لا ظالم ولا مظلوم ....! ام سعود : ليش !!!!!! ام صقر ( ووبعد ما خبرت ام سعود بكل الاحداث اللي صارت ) .... : يالغاليه ... حرام عليكم .. عيالكم بيضيعون ... جواهر ما عليه امشيه حالها .. بس ريم .. والله انها كاسره خاطري ,, تظحك وما يخفي ظحكها الا الحزن والألم ..! وحميد محد معور قلبي كثري !! هالولد مب طبيعي يا امصقر .... ابد مب طبيعي ....! ما ادري وين يالس ! شو ياكل ؟ شو يشرب ؟! محد داري عنه ...! بس لو تشوفينه يوم يانا اخر مره كيف ظعفان .. كيف مبهذل ... انصدمت يا ام سعود انصدمت ... جنه واحد توه طالع من السجن !!! ام سعود ( وبعد ما تنهدت ) : لا حول ولا قوة .... والله يام سعود ... اني اصيح عليهم ليل ونهار .. هاييل عيالي .... بس بعد انا تعبت يا اختيه ...! تحملت كل عمري عشانهم ... وعوضتهم عن الحنان اللي ما حصلووه من ابووهم !! بس شو اخرتها ... يقعد يهدم كل شي انا اسويه !!! اخرتها ولدي سعود يطلع من البيت هو ومرته ...! اخرتها يتبرى منه يا ام صقر !! ( وهني تمت تصيح ام سعود وردت كملت ) لا ول ويه يايب بنت مرته بيتكم !!!! ام صقر : زين انتي اهدي الحين !! اهدي ! وان شاءالله كل شي بيتصلح !! .. .. كانت قاعده ع اللاب .. تتسمع أغاأإنــــي .. ومن بين هالأغاني كانت اغنية سلهم بعينـه اللي من سمعتها طرا ع بالها حميــد !! [.. اااه .. اسميه عذاااب !! .. عيونه .. ااه من عيوونه .. رماني برصاصتـ(ن) من عيانه صوبت لب القلب وتاأهت فيهـٍ .. هي والله ... صوبت قلبي يا حميد ... خذيت فكري من اول نظرررررره .. بس .. ليش احس في عيونه لمعة حزززن ... حتى فهمساته .. حركاته كل شي فيه يدل على وتر حزين فداخلـــه ! اااخ لو اعرف بس اللي فيهـ ... لو بس اقدر .. جان نسيته كل احزااانـــهـٍ سلهم بعينه مايس القد .. والقلب أشرله وحياه قلت السلام ولا لفا رد .. واجب تردون التحيه منكم وعنكم ماليه بد .. حكم الهوى قاسي عليه ثيبـوو فؤاد عاشق أموود .. لاتسوقني صوب المنيه ,, من شاف ذاك الزين ردد .. غرشوب كله جاذبيه مفنود مثله ما انوجد حد .. والعين سوده سولعيه نجمه شرى الطارق وابعد .. والضي كله بس ضيه وانا ما بين الجزر والمد .. مدري حبيبه او خويه ,, لا ماينجزا الاحسان بالصد .. ولا تنجزا الحسنه بسيه دامي اسلم واجب اترد .. سنه ترى رد التحيه وعلى اجوائها الرومنسية ما تخرب عليها الا عليا اللي دخلت عليها فجأة !! عليا : روضوووه ... يالخايسه !! صج امس سايره بيت اهل رشوود !! روضه : ايه ايه ... ريال كبر ابوووج .. تقولين له رشود .. انتي شوه ! ما فيج ذره احترام .. بس عاد تراج مصختيها ! عليا : انتي اللي الظاهر ما عاد فيج ذره احترام .. ولا يوم اختج العوده ترمس مفروض تسمعين الرمسه وتنجبين تفهمين ولا لاْء روضه : اختي العوده ع عيني وراسي .. بس انتي وللأسف ما تستحقين الاحترام من صووبي .. والحين لو سمحتي ... اطلعي من غرفتي ...! عليا : لا والله !! قدها ؟ روضه : بتسويلنا بعد فيها قدها ما قدها !! اسمعيني زين لا تتحريني وحده من ربعج .. من تهديد واحد ببوس ريلج وبخاف منج .. لا اميه .. سوي اللي بتسوينه .. انا طفرت منج خلااااص ... ما منج فايده .. تسيرين وتدرين ..... اتمين عليا الانانية ..الغيورة .. الحقووده .. وفوق هذا الكريهة ..... ما تتغيرين .. طال الزمن ولا قصر ! عليا ( اللي من قهرها صفعت روضه باقوى ما عندها ) : هذا اللي ما تتغير .. شكلها راح تتغير عليج انتي وبــــس !! وبتراويج يا رويض .... براويج ( وطلعت من الغرفه ! ) .. .. تم يحووووط فالشوارع .. مب عارف وين يسير .. مب محصل مكان يسير له !! تملل من الدنيا بكبرها .. ما عنده حد يشكيله !! ما عنده حد يسولف له او يرمسه .. علي صح انه على اتصال وياه .. بس بعد !! حميد اللي محتاجه اكثر من جـــــي .. لين متى بيظل ع هالحال !!! مل !! لين متى بيتم ع هالموال ! لين متى ودموعه ما بتفارقه !!! الهام شي بحياااته ... مستحيل ينساها !! بس بعد من حقه انه يعيش حياته ومثل ما وصته الهااام ...... حب يشل الهام من تفكيره حتى لا يتصرف بتهور .... خطر ع بالــه انه يروح للمول ... بس قبلها كان ناوي يروح بيتهم يتسبح ويبدل وعقبها يظهر ... وعقب ما سار البيت ..... واول ما دخل ..وقبل ما يفتح الليتات ... انصدم من اللي شااافه !!! حميد : يدي ؟!!! .. اليــد : انا متضايج يا ولدي .. البيت صاير فاظي .. ليش يا حميد هام دينك !! ليش هامل اهلك ! حميد ( فحالة صدمة وذهول ) : يدي ... انت ما مت !! اليـــد : انا طول عمري عايش بينكم .. حميد .. اهلك امانه تركتها لك ... لانك الاعقل والاجدر ... اذا تبيني ارتاح فقبري ... تردهم مثل ما كانو! وصلاتك هالله هالله فصلاتك ! حميد ( اللي تم يفرك عينه بعد ما غمضها وهو يتعوذ ) : لا انا احلم .. انا احلم .. انا احلم ..... ( وبعد ما فتح عينه !!!!!! ما شاف شي ! ( تنهد رااحه .. وفتح الليتات ) بعد ما اتسبح حميد وحلق واتكشخ ...! فتح بوكه مالقا ولا درهــم ... قرر انه يسير يسحب !! وبعد ما ظهر وسار صوب البنك .. انصدم لما شاف ان رصيــده صفر [ .. كيف !!!!!!!!! ولا معقوله كل هالمده وابوي ما يحطلي شي !! ...... رد للسيارة وزات به الصدمه لما شاف ان السيارة ما فيها بتروول .. ما لقا غير انه يدق لسعود ! حميد : الوه ! سعود ( مستغرب ) : حميد !! هلا هلا !! شالطاري داق !! حميد : هممم .. اقول سعود .. انت وينك يا اخوي .! سعود : خير عسا ما شر ! حميد : ماشر بس بغييت منك شي سعود : ااامر .. تبغي شي !! ناصك شي !! وقوم ريمو محتاجين شي ! حميد : ريمو وجواهر ما ادري عنهم بس انا الصراحه توي ابا اصبح لقيت ما عندي رصيد فالبنك ! وبغيت منك سلف لين ما ادبر روحي ...! سعود : افااا يا اخوي افاا .. افا يا حميد .. من متى ونحن بينا سلف .. خلاص ما عليه .. انت قولي انت وينك ؟ وانا اييك ؟! .. .. فبيت ابو حمدان كانت ام حمدان .. يالسه فالصاره ويا جارتهم ام خالد ( اللي كانو يلقبونها بام هلال ) ام حمدان : انزين .. ! ام خالد : تخيلي طلقها !!! ام حمدان : وييه !! تف تف ... مسكينه والله ! ام خالد : شفتي عاد ..! الا اقول ام حمدان ... ما قلتيلي شرايج بالساعه اللي فايدي ! ام حمدان ( بمجامله ) : همم .. هي وايد غاويه !! ام خالد : تصدقين ولدي خلوي .. يايبلي اياها من بررع ... هي مستحيل تحصلينها فالبلاد .. ماركه ماركه !! ام حمدان : ايوا .. زين زين ... ( الله يهديج .. حتى الجذبه ما تعرفين تجذبينها .. ولا هالساعه امسات شيفتنها فالسوق ) ع العموم ام خالد .. انا بسير شوي المطبخ .. اتريي لا تروحين ها ! ام خالد : اكيد بتريا .. شوراي انا !! طلعت ام حمدان للمطبخ اللي كان ورا الفلااا ... وخلت ام حمدان يالسه فالصاله ... اللي خافت لما تسكر الليت فجأة .. ام خالد : .. هييه .. منو هني !! يا اهل البيت !! الحقواا .. انقطعت الكهرباا !!! وفجأة رد انفتح الليت ... بس ام خالد .. تصنمت فمكانها ام خالد ( ترتقل بكبرها ) : أ..أ.أ.. منو انتي !! العيووز : انا ام دريااا يالخريطه ياللي ما تخافين ربج !! ام خالد : ام دريا !!!!!!!!!!!! انا احيده ابو دريا ... وهني رد اتسكر الليت .. ولا رد انفتح الا وماشي حد !! ام خالد : اعوووذ بالله .. هالبيت اكيد مسكوون !! لا لا خلني انا اطلع من هني ابرك لي !! وتوها بتقوم من مكانها .. وتتسكر الليتات مره ثانيه !! خافت ومن الخوف ما عرفت شتسوي ... كل اللي قدرت عليه انها ترد تيلس مكانها .. وما يلست الا وتسمع اصوات من وراها ومن جدامها ومن كل مكان !! ام خالد : حرام عليكم !! ... خلوني فحالي !! اشتبووون !!! خلووني !!!!! وفجأة انفتحت الليتات اول ما دخلت ام حمدان الفلا !! وكل شي رد مثل ما هو بس ام خالد ما قدرت تصبر .. ع طول قامت من مكانها ... عشان تطلع من البيت ام حمدان : وين سايره! ام خالد : انا هالبيت مب طابتنه مره ثانيه موليه .. فمان الله !! .. .. فغرفة حصه .... جواهر وفاطمه ويوسف وحمدان .. ناقعين من الظحك حصه : ههههههههههههههه ... مسكينه غمظتني خخخخخخ فاطمه : خلها عيوز النار .. احسن .. يوسف : عيل ساعه مال قرطاس .. قالت من برع وغاليه ! امحق ساعه هذي ... حمدان : الحين تابت اتي مره ثانيه دواها ...! جواهر : زين متأكدين ما نسيتوا شي تحت !! ما شي آثار للجريمه هههه ؟ فاطمه : تبين يلعنون خير خيرنا !! حصه : لو درت اميه بتاكلنا ... فطوم خذوا الاقانعه والغراض وياكم خخخخخخ يمكن نحتاجهم حق ناس المره اليايه يوسف ( فهم النغزه .. فقصدهم حقه هو وحمدان) : هي هي ... حق حمدان .. يمكن ينفع بس حقي ماشي امل هههههههههه .. .. فالمول .. وبعد ما اتعشوا شوق والريم ... توهم بيظهرون من المول .. والا يدخلون فويههم حميد ووياه سعود سعود : ريمو... ششوق ! الريم ( اللي سوت طااف ) : شوقي .. خلينا نروح ! حميد : ريمووه !!! الريم : شوق ... قلت خلينا نروووح !! شوق : اسمحولنا نحن لازم نرووح !! مع السلامه ! سعود ( بعد ما ساروا ) : هاي بلاها !! حميد : دلع بنات ما عليك سعود : منكــر والله .. ما عليه ... عقب بنراظيها ! هاي ييبلها عطر من باريس غاليري وتنسى انها كانت زعلانه ههههههه حميد : المهم يالله خلنا ندخل الفلم .. قبل لا تغير رايك ! سعود : افا عليك .. عند كلمتي .. قلتلك على حسابي يعني على حسابي ... من زماااان ما ظهرت وياك يا اخوي ! حميد : من زمان من زماااااااااان ... ! يالله طوف طوف .. خخخ .. .. شوق : ريموه حرام عليج !! ليش سويتي جي ؟! الريم : شو تبيني اسوي ! والله ما اقدر اشوفهم ! تدرين لو رمستهم هاييك الساعه جان سويت سالفه !! شوق : لهالدرجه شاله بخاطرج عليهم !! الريم : واكثر !! .. .. غاب القمر واشرقت الشمس ... بعد ما مر اليوم الكئيب على خير !! ام صقر واعيالها ومعاهم شوق والريم وجواهر .... كلهم قاعدين فالصاله يتريوون الغدا ...! محمد : يالله اميهـٍ .. انا بموت من اليومع ! فاطمه : انت من يومك !! كل همك بطنك ! محمد : لا فديتج ... انا اللي يهمووني يعرفون عمارهم ... شوق ( لاحظت سرحان صقر اللي كل جقيقه والثانيه يطالع الساعه ) : شفيك صقر ! كـــــــــــــــــــــــــــــــــــــــــــــــــ ـــــــــت انتظرونــــــــــي فالبارت الياي .. واسموحلي ع القصور |
تسلمين الغلا وبانتظار البارت الياي |
تسلمين الغلا وبانتظار البارت الياي |
تسلمين القصة طـــــــــــــــررررر ونتري منج زووووووووووووووووووود ويعطيج الف عافيه |
تسلمين القصة طـــــــــــــــررررر ونتري منج زووووووووووووووووووود ويعطيج الف عافيه :6500.gif: |
تسلميينـ ونتريـــــــــــــا البارتـــــ 23... هب تبطين.... |
| الساعة الآن 11:18 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir